Hjelp til å bestille tilgang Feltforklaring Namn på verksemda Oppgi namnet på verksemda/firmaet dykkar. Dersom de er delte inn i sjølvstendige organisasjonseiningar som bestiller tilgang, skal de oppgi også dykkar eining. Til dømes: Domstolane i Noreg. Alstahaug tingrett. Firmakode (SAP) Oppgi firmakoden verksemda dykkar er registrert med i SAP. Til dømes 1460. Ny tilgang / slette tilgang / endre tilgang Oppgi om bestillinga gjeld ny tilgang, endring av tilgang eller sletting av tilgang. Dersom brukaren skal slutte, dvs. at alle tilgangar skal stengjast, skal du oppgi det i merknadsfeltet. Du kan velje verdiane Ny tilgang, Slette tilgang eller Endre tilgang ved å klikke på knappen til høgre i feltet: Gyldig frå dato Ny tilgang: Gyldig frå og med dato. Tomt felt vil seie snarast. Slett tilgang: Siste gyldigheitsdato. Tomt felt vil seie snarast. Endre tilgang: Datoen endringa skal vere gyldig frå og med. Tomt felt vil seie snarast. Tilsettnummer (SAP) Tilsettnummer i SAP kjernesystem. Den tilsette skal vere registrert i SAP kjernesystem før brukaren blir oppretta. Brukar-ID Skal fyllast ut ved Slett tilgang. Etternamn Fullt etternamn. Slik som i IT 0002 (gjeld SAP). Fornamn Mellomnamn Fullt fornamn og mellomnamn. Slik som i IT 0002 (gjeld SAP). E-postadresse Kan utelatast viss registrert i IT 0105 deltype 0010 (gjeld SAP).
Registrere positiv tid Berre relevant for kundar der ikkje alle med Tilsett sjølvbetening skal registrere positiv tid. Organisasjonseining brukaren skal ha autorisasjon for Åttesifra ID-nummer på den øvste organisasjonseininga i hierarkiet som brukaren skal ha strukturell autorisasjon til. Som oftast den organisasjonseininga som vedkommande er leiar for. Organisasjonseining brukaren skal få arbeidsflyt frå Åttesifra ID-nummer på den organisasjonseininga som brukaren skal vere leiar eller saksbehandlar for i arbeidsflyt. Det gir ikkje meining å oppgi ei organisasjonseining som ligg høgare i hierarkiet enn den organisasjonseininga som er oppgitt i Organisasjonseining brukaren skal ha autorisasjon for. Organisasjonseining brukaren skal ha tilgang til i Leiar sjølvbetening Åttesifra ID-nummer på den øvste organisasjonseininga i hierarkiet som brukaren skal vere avløysar i Leiar sjølvbetening for. Det gir ikkje meining å oppgi ei organisasjonseining som ligg høgare i hierarkiet enn den organisasjonseininga som er oppgitt i Organisasjonseining brukaren skal ha autorisasjon for. Merknad Fri tekst for spesielle forhold. Kan til dømes gjelde spesifisering av framandaksess, dvs. tilgang til data i anna verksemd (gjeld SAP). Eigen avtale om dette må liggje føre. Spesifiser annan tilgang. Kan vere verksemdspesifikk tilgang for les eller oppdatering av data, til dømes les-tilgang til anna firma etter fusjon (gjeld SAP). Tips Korleis bestille tilgang til Leiar sjølvbetening? Leiar sjølvbetening gir tilgang til rapportar med lønns- og personaldata i SAP-portalen. Kva organisasjonseiningar brukaren får tilgang til, blir bestemt av kvar stillinga til brukaren (tilsett) er plassert i organisasjonsstrukturen. Leiar sjølvbetening krev i utgangspunktet at stillinga til brukaren er markert som leiar for ei organisasjonseining i SAP kjernesystem. Brukaren får òg tilgang til alle underliggjande organisasjonseiningar. Brukaren må ha strukturell autorisasjon til organisasjonseininga(ne) som det skal rapporterast for. Feltet "Oppgi organisasjonseininga brukaren skal ha autorisasjon til" må derfor fyllast ut. Det vil normalt vere den same organisasjonseininga som brukaren (tilsett) er leiar for. Tilgang til Leiar sjølvbetening utan å vere leiar for organisasjonseininga? Det kan vere tilfelle der brukaren skal ha tilgang til Leiar sjølvbetening utan å vere leiar for ei organisasjonseining. I slike tilfelle skal feltet "Oppgi organisasjonseininga brukaren skal ha tilgang til i Leiar sjølvbetening" nyttast. Hugs òg å fylle ut feltet "Oppgi organisasjonseininga brukaren skal ha autorisasjon til" for å få tilgang til tilsette. Døme: Ola Nordmann skal ha tilgang til Leiar sjølvbetening (punkt A sjå bilete). Stillinga hans er
organisatorisk plassert i organisasjonseining 10002000, som han er leiar for. Han skal òg fungere som avløysar for leiaren i organisasjonseining 10001099. Ved at Nordmann er markert som leiar for organisasjonseining 10002000 i SAP, har han automatisk tilgang til denne (+ underliggjande organisasjonseiningar) i Leiar sjølvbetening, men han treng strukturell autorisasjon til alle organisasjons- og personaldata. Oppgi dette i punkt B (verdi 10002000). Sidan han òg skal ha tilgang til organisasjonseining 10001099, som han ikkje er leiar for, må denne organisasjonseininga vere oppgitt i punkt C (verdi 10001099). I tillegg treng han òg her strukturell autorisasjon. Det skal ein oppgi i punkt B (verdi 10001099).