Hardinglaup: Skarvet på langs 1. mai 2015 44 km // 1300 m stigning // 1600 m fall// 50 deltakarar
1.0 BAKGRUNN 2 2.1 TRASÉ 3 2.2 SKILDRING 3 2.3 ALTERNATIVE TRASÉAR 4 2.4 FERDSEL I NASJONALPARK 4 3.1 TRYGGLEIKSPLAN 4 3.2 DELTAKARKRAV 4 3.3 EIGENERKLÆRING 5 3.4 UTSTYRSKRAV 5 3.5 OPERATIV TRYGGLEIK 6 4.1 PROGRAM 6 4.2 TRANSPORT 6 4.3 TIDSPLAN 6 4.2 OVERNATTING 7 4.2.1 FINSE 7 4.2.2. GEILO 7
1.0 Bakgrunn Hardinglaupet Skarvet på langs er ein fredeleg kappestrid og ei tevling for og med hardhausar. Trass årstida kan Skarvet vera nådelaus. Få stader i Noreg har høgare hyppigheit av orkan vindstyrke. Denne om lag 35 km lange fjellryggen er restane av skyvedekket som dekka Hardangervidda. Eit botnsolid landemerke og ein både venleg og brutal arm mellom hardingane og hallingane. Mang ein fjellfant har freista å kryssa Skarvet, og mange har måtta gje tapt. Det er med age, aktsemd, varsemd og vørdnad til fjellet det fyrste norske reindyrka fjellskilaupet no går av stabelen --- på taket mellom vest og aust. I 1972 vart denne traséen vurdert av Håkon Ringdal som løype for Skarverennet, men dagens løype vart valt. Tida er no inne for å tilby fjellfolk i Noreg ein ekte kappestrid. Velkomen som deltakar på hardinglaupet mellom Finse og Geilo.
Arrangementet fører ein berekraftig rekneskap og gjennomfører tevlinga i aktsemd med naturen. Det vil difor ikkje verta søkt om motorkøyreløyve. All transport av utstyr og mannskap vert gjort med menneskeleg trekkraft, samt hundekøyring. Hardinglaupet markerer starten på ein ny type skirenn i Noreg: dagslanglaup på fjellski i umerka løyper i høgfjellet med strenge krav til deltakarar. Desse krava til deltakarar fordrar strenge krav til arrangør. Me ynskjer å fronta nordisk skihistorie gjennom arragnementa. Løpet inngår i prosjektporteføljen i Hardanger åtgaum eit innovativt brandingprosjekt med aktivitet, folket, naturen og framtida i fokus. Prosjektanvarleg er Bygdagnist AS med sete i Øystese. Selskapet vert drive av AK og Kristin Glück---Teigland med lang røynsle og fartstid innan friluftsliv og utandørs arrangement. Kart: Skarvet på langs 2.1 Trasé 2.2 Skildring Starten på løpet er Finse, 1222 moh. Herifrå går det langs kvista trasé i retning Kyrkjedøri og Raggsteindalen. Bryt av sør for Flakavatnet retning Kyrkjedørsnuten. Oppe på om lag 1700 moh går traseen austover mot Hellevassfonni (1868 moh.). Vidare mot turens høgaste punkt og høgaste fjellet i Buskerud Folarskardsnuten 1933 moh. Frå her er cruxet på turen, ned i Folarskardet. Det er eit fall på 330 høgdemeter. Her er
kun ein veg ned og denne vert merka tett med flagg. Ved svært isete forhold lyt alternative ruter frå Finse takast i bruk. Sjekkpunkt hjå mannskapet i Folarkardet. Cut--- off ved ankomst etter kl 14 mot Haugastøl og transport til Geilo. Den vakre turen går så vidare i motbakke mot topp 1868 og topp 1905. Turens smalaste parti mellom Storekvelvi og Hyllun vert passert med varsemd. Så rundar ein Eimeskaret på nordsida og ser mot Prestholtvarden. Deretter bryt ein seg ned i skardet og opp på Skarvsenden. Fyl så ryggen heilt ut til Skarveranden, dalen ned til Skikjelken og via preparert skiløype til skianlegget i Havsdalen. Derifrå fyl ein alpinløypa/transportløypa til Slaatta og målgang på Slaattajordet. 2.3 Alternative traséar Dersom ufarbare forhold i Folarskardet eller konflikt med villreinstamma lyt traseen endrast: Alternativ rute 1: Finse Raggsteindalen Folarskardet --- Geilo Alternativ rute 2: Finse Lengjedalen Hellevatnet Folarskaret --- Geilo Alternativ rute 3: Finse Folarskardsnuten Byrkjedalen Budalen Geilo Alernativ rute 4: Finse Folarskardsnuten Djuptjørnhovda Prestholt Geilo 2.4 Ferdsel i nasjonalpark Me er klar over prinsippet i forvaltninga av nasjonalparkar at aktivitet som kan leggjast utanfor nasjonalpark, vert lagt utanfor. Det er her imidlertid eit medvite val at traséen går gjennom nasjonalparken. Traséen er eit landemerke og ein etablert klassikar. Trasékunnskap er viktig dygd på langtur og mange potensielle deltakarar med kjennskap til nettopp denne løypa er fordel. Sidan dette er ei klassisk rute, er det også mange kringliggjande aktørar som har hatt og har sitt virke i området og dermed bidreg til auka profesjonalitet til arrangementet, t.d. Røde Kors, miljøet på Finse. I tillegg kan dette sjåast på som eit naturleg aspirerande alternativ til det andre Skarverennet som også berører innanfor nasjonalparkgrensene. I og med at dette er ein del av eit prosjekt som har som føremål å markera hardingkrafta og byggja bru mellom Hardanger og kringliggjande regionar er det naturleg å velja denne armen mellom Hardanger og Hallingdal. Me meiner me har rigga arrangementet på berekraftig og nennsamt vis, med respekt for fjellet og tryggleik for deltakarane. Ein vesentleg styrke er at det vert arrangert på snø, noko som er vesentleg meir skånsamt for lende enn sommar. 3.0 Tryggleiksplan 3.1 Deltakarkrav Løpet krev søknad og aksept av arrangør. Maks 50 deltakarar fyrste året. På sikt utviding til totalt maks 200 pers. Maks antal grunna logistikk og tryggleik. Deltakaravgifta er sett til kr 1500 per pers. Overnatting og transport kjem i tillegg og organiserast av kvar einskild.
3.2 Eigenerklæring Kvar deltakar signerer eit eigenerklæringsskjema med fylgjande punkt: --- Eg har lese tryggleiksmanualen til arrangementet og er klar over risikoen og farane ved å delta i denne tevlinga og deltek på eigen risiko --- Eg stadfestar å vera i god nok fysisk og psykisk form til å gjennomføra --- Eg kan orientera i høgfjellet vinterstid med kart, kompass og GPS i umerka traséar i dårleg vér utan sikt. --- Eg kan leggja inn waypoints/rute på GPS og bruka GPS utan hjelp i fjellet --- Eg kan ferdast åleine i høgfjellet utan sikt og veit kva eg må gjera i ein naudsituasjon --- Alt utsyr eg bringar med er i god stand og det er mitt ansvar at alt fungerer heile vegen --- Arrangør kan ta meg ut or løpet dersom helsemessige eller andre årsaker tilseier det --- Deltakaravgifta kan ikkje refunderast ved avlysing eller endra trasé --- Arrangør kan publisera bilete av meg utan særskilt løyve i alle mediakanalar (sosiale medium, aviser, magasin) Deltakarnamn (med blokkbokstavar): Deltakar underskrift: ICE namn og telefonnummer: 3.3 Utstyrskrav Fylgjande utstyr skal vera i sekken ved start: Gjennomgang alle sekkar på pre---race meeting kvelden før, samt ved målgang. 1 stk ullundertøy, overdel (i vasstett pose) 1 stk ullundertøy, underdel (i vasstett pose) 1 stk dunjakke (i vasstett pose) 1 par varme ullsokkar (i vasstett pose) 1 par alpinbriller 1 stk balaklava 1 stk hovudlykt med ekstra Lithium batteri 1 stk GPS med Expperiance Pro 3 Vest Topo kart innlagt og nye lithium batterier 1 stk kompass 1 stk av turkart 1:50 000 Hallingskarvet 3 liter drikke 1 stk personleg førstehjelpsutstyr 1 stk snøspade 1 stk søkestang snøskred 1 stk fjellduk/vindsekk (valfri modell) 1 stk multiverktøy 4 stk ekstra lithium---batteri til gps 1 stk kokeapparat til vinterbruk (valfri modell) 1 stk kjele med lokk 1 stk fyrstikkeske i vanntett forpakning 1 stk full termos. Kun til naudbruk. 1 stk forsegla fryseturka naudrasjon. 1 stk skalljakke 1 stk skallbukse 1 stk ullundertøy, overdel 1 stk ullundertøy, underdel 1 par vindvotter 1 par varme innervottar I tillegg ha med deg dette på start 1 stk vindtett lue 1 par varme ullsokker 1 par fjellskisko 1 par fjellski med stålkant (3/4 stålkant er ok) 1 par fjellskistavar med brei trinse 1 stk sendar/mottakar Arrangører syter for sporing på alle deltakarar gjennom ein Yellowbrick---device. Denne sporinga gjev deltakar mogelegheit å tilkalla naudhjelp.
3.4 Operativ tryggleik Tryggleiken vert handsama ut frå fylgjande prinsipp: 1. Hindra tap av liv og helse for deltakarar og mannskap 2. Berekraftig miljømessig i nasjonalparken 3. Tryggja omdøme arrangør Strukturen er at tryggleiksansvarleg er overordna i rennleiinga og kontrollerer og koordinerer dei operative mannskapane frå sentralt KO. Det vert etablert samband mellom dei operative mannskapane både aust og vest for Folarskardet. Tryggleiksansvarleg har også til ei kvar tid oversyn over trackinga av Yellowbrickane. Konseptet med fråvere av motorferdsel gjeld også på den praktiske gjennomføringa av tryggleiksplanen. All transport inn og ut av eventuelt sjuke eller skadde deltakarar vert gjort ved hjelp av hundespann. Spanna fraktar inn utstyr og kompetent medisinsk personell gjennom Røde Kors. Eit beredskapscrew på kvar side av Folarskardet med respektive KO på Prestholtseter og Finse. I sjølve Folarskardet vert alpin redningsgruppe lokalisert. Dei har KO i Lordehytta og etablerer tauredningssystem for firing av båre på førehand. Frakt av tau og taljer til Folarskardet vert frakta med pulk. Ved akutt medisinsk hjelp utanfor vårt verkeområde koplast AMK inn overtek det operasjonelle. Dei kan evt rekvirera motortransport 4.0 Program 4.1 Transport Frå Oslo: Avreise Oslo Ankomst Finse Merknad Kl 1201 Kl 1629 Preferert Kl 1601 Kl 2023 For seint til registrering og utstyr---sjekk Frå Bergen Avreise Bergen Ankomst Finse Merknad Kl 1559 Kl 1823 Preferert Kl 1614 Kl 1909 4.2 Tidsplan Torsdag 30. april: Kl 1600: Registreringa og utstyr---sjekk opnar Kl 2030: Registreringa og utstyr---sjekk avsluttast Kl 2100: Obligatorisk pre race---meeting på Finse 1222 Fredag 1. mai: Kl 0600: Felles start frå Finse Kl 1200: Dei fyrste deltakarane er forventa i mål
Kl 1400: Cut---off Folarskardet til Haugastøl Kl 1800: Dei siste deltakarane er forventa i mål Kl 2000: Premieutdeling og bunadsbankett på Bardøla Kl 2200: Fest på Dr. Holms 4.2 Overnatting 4.2.1 Finse Finse 1222: Tilbod TBA. Møte desember. Finsehytta: Tilbod TBA. Møte desember Telt: Dersom du ynskjer å overnatta i telt på Finse organiserer arrangør transport av dette til Geilo saman med evt andre ting pakka forsvarleg i sekk/bag. 4.2.2. Geilo Bardøla: Tilbod TBA Dr. Holms: Tilbod TBA