NORSK LOVTIDEND Avd. I Lover og sentrale forskrifter mv. Utgitt i henhold til lov 19. juni 1969 nr. 53. Kunngjort 9. januar 2019 kl. 13.45 PDF-versjon 17. januar 2019 06.12.2018 nr. 2260 Forskrift om endring i forskrift om opptak, studium og eksamen ved Høgskulen i Volda Heimel: Fastsett av styret ved Høgskulen i Volda 6. desember 2018 med heimel i lov 1. april 2005 nr. 15 om universiteter og høyskoler (universitets- og høyskoleloven) 3-2, 3-3, 3-5, 3-6, 3-7, 3-8, 3-9, 3-10, 3-11, 4-2, 4-3, 4-4, 4-5, 4-6, 4-7, 4-8, 4-9, 4-10, 4-13, 5-1, 5-2, 5-3 og 7-1. I forskrift 4. desember 2014 nr. 1697 om opptak, studium og eksamen ved Høgskulen i Volda blir det gjort følgjande endringar: Kapittel 1. Allmenne reglar 1-3 andre, sjette, åttande og trettande ledd skal lyde: (2) Opptak: Opptak vil seie at ein person har søkt, fått vurdert sin kompetanse og fått tilbod om studieplass ved eit studieprogram eller eit emne. Opptak til bachelorgradar, yrkesutdanningar og årsstudium skjer gjennom Samordna opptak, og opptak til doktorgrad (fellesgrad med Høgskolen i Molde), mastergradar, vidareutdanningar, nettstudium og emne går til høgskulen som lokalt opptak. (6) Studieplan: Ein studieplan konkretiserer opptakskrav, fagleg innhald, læringsutbytte, oppbygging og krav til gjennomføring av eit studium. Ein studieplan er sett saman av eitt eller fleire emne med tilhøyrande emneplanar, og til saman dannar dette grunnlag for studenten sin utdanningsplan, jf. UH-lova 4-2. Ein studieplan kan vere regulert av felles nasjonale krav. (8) Emneplan: Emneplanen gjev mellom anna informasjon om læringsutbytte, undervisnings- og arbeidsform, pensum, vurderings- og eksamensordning. Emneplanen viser også kva nivå emnet er på, til dømes om det er eit grunnemne utan forkrav eller fordjupingsemne som byggjer på kunnskapar ein får i andre emne. I (13) Klagerett: Ein søkjar eller ein student har rett til å klage over vedtak som han/ho meiner er mangelfullt, urettferdig eller formelt feil handsama. Alle enkeltvedtak kan klagast over, jf. lov 10. februar 1967 om behandlingsmåten i forvaltningssaker. UH-lova, kapittel 5, og kapittel 7 i denne forskrifta gjev nærare reglar om klagehandsaminga ved høgskulen.
2 Kapittel 2. Studieportefølje. Gradar og yrkesutdanningar 2-1 første og tredje ledd skal lyde (1) Med utgangspunkt i strategiske mål, etterspurnad, fagleg og økonomisk berekraft gjer høgskulestyret kvart studieår vedtak om kva studieprogram som skal inngå i studieporteføljen ved Høgskulen i Volda. (3) Høgskulestyret kan delegere myndet om etablering og avvikling av studieprogram til og med 30 studiepoeng til høgskuleleiinga. 2-2 andre og femte ledd skal lyde (2) Studie- og emneplanar skal vere i tråd med Nasjonalt kvalifikasjonsrammeverk for livslang læring (Kvalifikasjonsrammeverket), forskrift om tilsyn med utdanningskvaliteten i høyere utdanning (studietilsynsforskriften) og retningslinjer som er fastsette av og for Høgskulen i Volda. (5) Høgskulen i Volda har eigne retningslinjer for studie- og emneplanar. 2-4 første ledd skal lyde: (1) Høgskulen i Volda tildeler gradar i tråd med forskrift 16. desember 2005 nr. 1574 om grader og yrkesutdanninger, beskyttet tittel og normert studietid ved universiteter og høyskoler og som stettar krav i forskrift 10. april 2006 nr. 412 om godskriving av høyere utdanning. 2-5 andre ledd skal lyde: (2) Høgskulen i Volda tildeler bachelorgraden på grunnlag av fullført treårig integrert studieprogram utan rammeplan (180 studiepoeng), som ifølgje vedtak i styret for Høgskulen i Volda gjev bachelorgrad. 2-5 tredje ledd siste strekpunkt skal lyde: - og eit sjølvstendig arbeid knytt til fordjupingsnivået på minimum 15 studiepoeng, til dømes ei bacheloroppgåve. 2-8 Doktorgrad ph.d. skal strykast. 2-8 skal lyde: 2-8. Mastergrad, normert fem år Høgskulen i Volda tildeler mastergraden etter reglane i gjeldande forskrift 1. desember 2005 nr. 1392 om krav til mastergrad. Kapittel 3. Opptak og rangering ved opptak 3-1 første, tredje, sjette og sjuande ledd skal lyde: (1) Til grunnskulelærarutdanning, bachelorgradar og årsstudium som er utlyste i Samordna opptak, og studieprogram i lokale opptak der opptakskravet er generell studiekompetanse, gjeld forskrift 6. januar 2017 nr. 13 om opptak til høgre utdanning. (3) Til mastergrad er det krav om at eitt av følgjande utdanningsløp er fullført: a. treårig bachelorgrad eller b. cand.mag.-grad eller c. annan grad eller yrkesutdanning av minimum tre års omfang. Særskilde opptakskrav til eit mastergradsstudium går fram av studieplanen for studieprogrammet. (6) Ein søkjar med utanlandsk utdanning vert vurdert i tråd med NOKUT si tilråding for det respektive landet (GSU-lista) og eventuell NOKUT-godkjenning av høgare utdanning frå utlandet. Kravet om norsk
3 (for søkjarar utanom Norden) og engelsk (for søkjarar som ikkje er engelskspråklege) gjeld for opptak til alle studium på alle nivå med unntak av engelskspråklege grader. (7) Høgskulen i Volda har utdanningar med krav om å levere politiattest ved opptak eller undervegs i studiet, jf. UH-lova 4-9 og forskrift 6. januar 2017 nr. 13 om opptak til høgre utdanning, kapittel 6. 3-2 første, andre og tredje ledd skal lyde: (1) Opptak til PPU allmennfag bygger på fullført allmennfagleg universitets- eller høgskuleutdanning. Allmennfagleg kompetanse er i denne samanhengen utdanning som kvalifiserer for undervisning i allmennfag i grunnskulen, i vidaregåande opplæring eller i vaksenopplæringa. Jf. forskrift 23. juni 2006 nr. 724 til opplæringslova. Søkjarar til PPU allmennfag vert tekne opp på eitt av tre følgande grunnlag: a. Fullført mastergrad med minst eitt relevant fag som gir kompetanse til å undervise jf. forskrift 23. juni 2006 nr. 724 til opplæringslova kapittel 14. b. Bachelorgrad i utøvande eller skapande kunstfag med minimum 180 studiepoeng i kunstfaget eller bachelorgrad i idrett- og kroppsøvingsfag med 180 studiepoeng i faget. (2) Ved opptak til praktisk-pedagogisk utdanning for allmennfag prioriterer vi søkjarar slik, innan fag Høgskulen i Volda tilbyr fagdidaktikk i: a. Søkjarar med fullført masterstudium/hovudfag og minst to relevante undervisningsfag, med mastergrad i det eine faget. b. Søkjarar med fullført masterstudium/hovudfag med eitt relevant undervisningsfag med minst 120 studiepoeng i undervisningsfaget, med 60 studiepoeng på fordjupingsnivå. c. Søkjarar med fullført masterstudium/hovudfag med eitt relevant undervisningsfag med minst 60 studiepoeng i undervisningsfaget. d. Søkjarar med bachelor-/cand.mag.-grad innan utøvande eller skapande kunstfag, eller idrett og kroppsøvingsfag med minst 180 studiepoeng i faget med karakter C eller betre. (3) Inntil 20 prosent av studieplassane vert reserverte for studentar som fullfører eit gradsstudium ved Høgskulen i Volda. Desse skal rangerast på grunnlag av vekta gjennomsnittskarakter frå studiet. 3-2 fjerde ledd skal slettast. 3-2 gammalt femte ledd blir nytt fjerde ledd og skal lyde: Søkjarar vert i tillegg rangert på grunnlag av gjennomsnittskarakter frå relevant undervisningsfag i opptaksgrunnlaget. 3-2 gammalt sjette ledd strykes. 3-2 nytt sjette ledd skal lyde: Ved opptak til praktisk-pedagogisk utdanning er det krav om å levere politiattest, jf. forskrift 6. januar 2017 nr. 13 om opptak til høgre utdanning, kapittel 6. 3-3 fjerde ledd skal slettast. 3-3 gammalt femte ledd blir nytt fjerde ledd med endring: Ved opptak til praktisk-pedagogisk utdanning er det krav om å levere politiattest, jf. forskrift 6. januar 2017 nr. 13 om opptak til høgre utdanning, kapittel 6. 3-4 første og tredje ledd skal lyde: (1) Ein søkjar som ikkje kan dokumentere generell studiekompetanse eller spesielle opptakskrav, kan få opptak på grunnlag av fagleg realkompetansevurdering.
4 (3) Realkompetansesøkjarar skal rangerast i høve til poengutrekna søkjarar ved vurdering etter skjønn. 3-5 tredje ledd skal strykast. 3-7 andre og tredje ledd skal lyde: (2) Til lokale opptak pliktar søkjaren å orientere seg og syte for at Høgskulen i Volda får den dokumentasjonen som er naudsynt for at søknaden skal kunne handsamast. (3) Godkjend dokumentasjon er kopiar av originaldokument eller godkjent opplasta dokumentasjon av eksterne resultat. 3-7 fjerde ledd skal strykast. 3-7 nåværende femte til syvende ledd blir fjerde til sjette ledd. 3-8 første ledd skal lyde: (1) Til grunnutdanning gjeld poengutrekning og rangering innanfor kvotar fastsette i forskrift 6. januar 2017 nr. 13 om opptak til høgre utdanning 3-8 femte ledd skal strykast. 3-9 første ledd innleiinga skal lyde: Studiedirektøren kan etter skriftleg søknad gje ein søkjar utsett studiestart i inntil to år fram i tid dersom vedkomande 3-9 andre, tredje og fjerde ledd skal lyde: (2) Høgskulen i Volda kan ikkje reservere ein studieplass tildelt i Samordna opptak dersom søkjaren har «betinga opptak» som opptaksgrunnlag, dvs. av spesielle omstende ikkje har teke eksamen i vidaregåande skule i vårsemesteret. (3) Ein søkjar som får innvilga søknad om utsett studiestart, får reservert studieplassen i inntil to år. (4) Ein søkjar som får utsett studiestart, må stadfeste bruk av den reserverte studieplassen ved å søkje om nytt opptak innan søknadsfristen. Prosedyrane skal gå fram av godkjenningsbrevet. Kapittel 4. Gjennomføring av studiet 4-1 tredje ledd skal lyde: (3) Dersom studenten sin studieprogresjon ikkje samsvarar med fastsett gjennomføringstid for studieprogrammet, kan studenten kontaktast. Studenten må aktivt bidra til å klargjere status og leggje ein plan for vidare gjennomføring. 4-3 første ledd skal lyde: (1) Høgskulen i Volda krev kvart semester inn - avgift til Studentsamskipnaden i Volda, jf. studentsamskipnadslova 10 - frivillig støtte til Studentenes og Akademikernes Internasjonale Hjelpefond (SAIH) - avgifter til læremiddel og andre materialkostnader knytte til undervisninga, jf. forskrift 15. desember 2005 nr. 1506 om egenbetaling ved universiteter og høyskoler - eigenbetaling (studieavgift), dersom det er vedteke at dette skal gjelde for studieprogrammet, jf. forskrift 15. desember 2005 nr. 1506 om egenbetaling ved universiteter og høyskoler.
5 4-4 tredje ledd skal lyde: (3) I starten av første semester får studentane ved fleirårige studieprogram (bachelor- og mastergradar) eit forslag til individuell utdanningsplan i Studentweb. Forslaget viser emna og forventa progresjon i utdanninga, både obligatoriske og eventuelt valfrie delar, basert på studieplanen for studieprogrammet. 4-4 sjette ledd skal strykast. 4-5 første ledd skal lyde: (1) Mot slutten av kvart semester vert det gjennomført eit undervisningsopptak, der kvar student ved fleirårige studieprogram (bachelor- og mastergradar) melder seg til og søkjer plass på dei emna dei planlegg å ta neste semester. 4-5 tredje ledd første punktum skal lyde: (3) Dekanen vedtek kor stor kapasitet emna har. På emne med avgrensa kapasitet skal ein likevel ta høgde for at studentar kan gjennomføre sitt studium på normert tid. Søkjarane vert prioriterte slik: 4-5 sjette ledd skal lyde: (6) Ein student må svare på tilbod om undervisning innanfor dei fastsette fristane for å behalde retten til undervisning og vurdering i emnet. Informasjon om tilbod og registrering av svaret skjer på Studentweb. 4-6 sjette ledd skal lyde: (6) Ein student som har tillitsverv i styringsordningar ved Høgskulen i Volda og Studentsamskipnaden i Volda, verv i nasjonale eller internasjonale studentorganisasjonar, eller har plikter i offentleg valde organ, kan søkje dekanen om fritak frå heile eller delar av kravet om obligatorisk frammøte. 4-10 første ledd skal lyde: (1) Ein student kan søkje om å få godskrive tidlegare utdanning som del av ny utdanning, jf. UH-lova 3-5 samt forskrift 10. april 2006 nr. 412 om godskriving av høyere utdanning. 4-11 første ledd skal lyde: (1) Ein student som har behov for særskild tilrettelegging under studiegjennomføringa, kan søkje om dette. Behovet må dokumenterast med attest frå lege eller annan sakkunnig som viser kva behov studenten har. 4-12 sjette ledd skal lyde: (6) Retten til permisjon gjeld normalt berre for ordinære studieprogram med oppstart kvart år. På studieprogram som ikkje har oppstart kvart år eller som vert avvikla, vert søknader om permisjon vurderte særskilt. 4-14 andre ledd skal lyde: (2) Utdanningane som har krav om skikkavurdering, vurderingskriteria og sakshandsamingsmåten går fram av forskrift 30. juni 2006 nr. 859 om skikkethetsvurdering i høyere utdanning. Kapittel 5. Vurdering, eksamen og sensur 5-1 andre, tolvte og fjortande ledd skal lyde: (2) Ved Høgskulen i Volda vert normalt følgjande eksamensformer nytta, kvar for seg eller saman: - heimeeksamen, individuelt - mappevurdering, individuelt eller i gruppe
6 - munnleg eksamen, individuelt eller i gruppe - oppgåve, individuelt eller i gruppe - praksis/praksisstudium, individuelt - praktisk eksamen, individuelt eller i gruppe - produkt eller produksjon, individuelt eller i gruppe - skriftleg skuleeksamen, individuelt. - fleirvalgsprøve. (12) Eksamensdatoar vert kunngjorde for studentane i Studentweb. (14) Eksamensresultat vert normalt kunngjorde på Studentweb så snart godkjend sensurvedtak ligg føre. 5-2 første, andre og fjerde ledd skal lyde: (1) Oppmelding til ordinær eksamen skjer i samband med godkjenning av utdanningsplan/semesterregistrering i Studentweb. (2) Studenten har sjølv ansvar for å melde seg til kontinuasjon, nytt eksamensforsøk eller forbetring innan gjeldande frist. (4) Ein student kan melde seg opp til nytt eksamensforsøk dersom studenten: - ikkje har møtt - ikkje har levert eksamenssvar til ordinær eksamen, - har stått og ønskjer å forbetre eksamensresultatet. Studenten vert då vist til neste ordinære eksamensperiode. Dersom ein annan student melder seg og har rett på eksamen i same emnet, jf. 5-2, 3. ledd i denne forskrifta, kan studenten få gå opp i perioden for kontinuasjon. Dette vert avtala i dialog mellom studenten og studieadministrasjonen. 5-3 andre, tredje og fjerde ledd skal lyde: (2) Kontinuasjonseksamen vert arrangert i påfølgjande semester. (3) Eksamen i emne som er utgått, kan bli arrangert inntil eitt år etter siste ordinære eksamen i emnet. (4) Eksamensstad er Høgskulen i Volda, inkludert høgskulen sitt datanettverk og eksamensverkty. 5-3 femte ledd skal slettast. 5-4 første og andre ledd skal lyde: (1) Ein student som av ein medisinsk grunn eller ein velferdsgrunn har vanskar med å gjennomføre eksamensforma som er vedteken, kan søkje om særskild tilrettelegging av eksamen. Tilrettelegginga skal kompensere for dei ulempene som ligg til grunn for søknaden, samtidig som studentane i størst mogleg grad skal prøvast likt. Særskild tilrettelegging er normalt utvida tid eller bruk av hjelpemiddel. Ein kan også vurdere andre tiltak når det er dokumentert særlege behov. (2) Søknad om særskild tilrettelegging av eksamen må leverast innan fastsett frist publisert på Høgskulen i Volda sine nettsider. 5-5 andre ledd skal lyde: (2) Dersom ein student vil forbetre ei semesteroppgåve, bachelorgradsoppgåve eller mastergradsoppgåve eller liknande innanfor eit emne i eit studieprogram, kan eksamenssvaret berre leverast på nytt dersom
7 oppgåva er ny eller så omarbeidd at ho kan vurderast som ei ny oppgåve. Dersom studenten leverer ei omarbeidd oppgåve, må det gå fram kva som er endra. 5-6 andre ledd skal lyde: (2) Søknad om privatisteksamen må leverast innan fastsett frist, publisert på Høgskulen i Volda sine nettsider. 5-7 tredje ledd skal lyde: (3) Ein student kan søkje om å få eksamen på eit anna språk enn norsk innan ein fastsett frist, publisert på Høgskulen i Volda sine nettsider. 5-8 andre ledd skal lyde: (2) Ved eksamen med tilsyn vert det å ha med eller skaffe seg tilgang til hjelpemiddel som ikkje går fram av eksamensoppgåva, sett på som fusk. Mobiltelefonar og anna elektronisk utstyr er sett på som ulovlege hjelpemiddel. 5-11 fjerde, sjuande og åttande, tiande og nytt ellevte ledd skal lyde: (4) Dekanen er ansvarleg for at det vert oppnemnt sensorar til alle eksamenar og avgjer kva emne som skal ha ekstern sensur. Dekanen har ansvar for at det vert utarbeidd sensorrettleiing for alle eksamenar før sensurperioden startar. Sensorrettleiinga er offentleg etter at den ordinære sensuren er avslutta, jf. UH-lova 5-3, 3. ledd. (7) Sensorrettleiing skal vise dei generelle prinsippa for karaktersetjinga. Emneansvarleg har ansvar for å utarbeide sensorrettleiinga. (8) Alle sensorar (ekstern og/eller intern) som har vore med på gjere eit sensurvedtak, skal godkjenne vedtaket for at sensuren skal vere gyldig og resultatet kan offentleggjerast. (10) Der karakteren ved klagesensur har eit avvik på to eller fleire karakterar frå ordinær sensur, skal normalt intern sensor frå ordinær sensorkommisjon og ekstern sensor frå klagekommisjon gjere ei vurdering i fellesskap, og kome fram til ein endeleg karakter. (11) Høgskulen i Volda har eigne retningslinjer for sensurarbeid og sensorrettleiing. 5-12 tredje ledd skal lyde: (3) Grunngjevinga skal normalt vere gitt innan to veker etter at kandidaten har bedt om dette. I grunngjevinga skal det gjerast greie for dei generelle prinsipp som er lagd til grunn for vurderinga og for vurderinga av kandidatens prestasjon. Dekan avgjer om sensor skal gi grunngjevinga munnleg eller skriftleg. Kapittel 6. Dokumentasjon for fullført utdanning 6-1 andre og sjuande ledd skal lyde: (2) Ein student som fullfører eit studieprogram som ikkje gjev vitnemål, kan be om karakterutskrift. (7) Ein student får utskrive berre eitt vitnemål for fullført grad. Høgskulen i Volda skriv ikkje ut duplikatvitnemål. Forskrifta gjeld frå 1. januar 2019. II