FUSA KOMMUNE MØTEINNKALLING Arkivsak: 12/166 Løpenummer: 12/3779 Utval: Ungdomsrådet Møtestad: Kommunetunet Møtedato: 05.06.2012 Tid: Kl. 11:30 Forfall eller inhabilitet: Grunngjeve forfall til møtet, eller inhabilitet, må meldast snarast råd til postkasse@fusa.kommune.no eller ekspedisjonen tlf. 56 58 01 00. Administrasjonen kallar inn varamedlem. Varamedlemer møter berre etter særskild innkalling. Dokumenta ligg til offentleg ettersyn på heimasida www.fusa.kommune.no og på biblioteket, Kommunetunet, Eikelandsosen. Sak nr. Sakstittel 009/12 SKRIV OG MELDINGER Saksliste 010/12 GODKJENNING AV MØTEPROTOKOLL FRÅ MØTET 24.04.2012 011/12 FUSA ROCK 2012 012/12 TILSKOT TIL GJENNOMFØRING AV OPERASJON DAGSVERK 2012 013/12 UTTALE TIL REGULERINGSPLAN BALDERSHEIM - VEGKRYSS FV 121- KOMMUNALE VEGAR OFFENTLEG PLAN 014/12 PLANPROGRAM TIL KOMMUNEDELPLAN FOR IDRETT OG FYSISK AKTIVITET - UTLEGGING TIL OFFENTLEG ETTERS Eikelandsosen, 29.05.2012 Siv Eikeland
Leiar Erik Vangsnes Ansvarleg sekretær
Sakshandsamar: Heidi Bergesen Arkivsaknr: Saksnr U t v a l Møtedato Saksbeh. 009/12 Ungdomsrådet 05.06.2012 HCB SKRIV OG MELDINGER : Saksframstilling: Nr Dok.ID T Dok.dato Avsender/Mottaker Tittel 1 12/3419 U 15.05.2012 Lag og organisasjonar i Fusa kommune INVITASJON TIL DELTAKING PÅ FRITIDSMØNSTRING FOR LAG OG ORG I FUSA
Sakshandsamar: Heidi Bergesen Arkivsaknr: 12/717 Saksnr U t v a l Møtedato Saksbeh. 010/12 Ungdomsrådet 05.06.2012 HCB GODKJENNING AV MØTEPROTOKOLL FRÅ MØTET 24.04.2012 Rådmannen sitt framlegg til vedtak: Møtebok frå møtet 24.04.2012 vert godkjend. Saksframstilling: Saksdokument: Ikkje vedlegg : Møteprotokoll frå møtet 24.04.2012
Saksnr U t v a l Møtedato Saksbeh. 011/12 Ungdomsrådet 05.06.2012 ERV Sakshandsamer: Erik Vangsnes Arkivsaknr 12/673 FUSA ROCK 2012 RÅDMANNEN SITT FRAMLEGG TIL VEDTAK: ALTERNATIV 1 Fusa ungdomsråd gjev ein underskotsgaranti til arrangementet Fusa rock 2012 på kr 15.000,-. Administrasjonen får i oppgåve å gjera ein avtale med teknisk arrangør for arrangementet. Eit mogeleg tilskot vert utbetalt frå kt 1020.1001.4702 ALTERNATIV 2 Fusa ungdomsråd gjev eit tilskot på kr 10.000 til teknisk arrangør for Fusa rock 2012 for gjennomføring av arrangementet. Administrasjonen får i oppgåve å gjera ein avtale med teknisk arrangør for arrangementet. Tilskotet vert utbetalt frå kt 1020.1001.4702 Saksframstilling: Vedtaksmynde: Ungdomsrådet Saksdokument: Vedlegg: Ikkje vedlegg: Faktiske opplysninger: Det er god aktivitet i rockemiljøet i Fusa. Kulturskulen har kontakt med mange grupper og det er band også utanom deira undervisningstilbod. Musikkbingen som vart teken i bruk i januar
2012 har stimulert musikkinteressa. All denne kreativiteten bør få koma fram i lyset på eit eige arrangement. Samstundes er det eit utbreidd ønske om fleire rusfrie kulturtilbod til ungdom. Med andre ord har nokre lyst til å spela, medan andre vil lytta og dansa. Svaret er då å få til ein kveld for alle desse med Fusa rock hausten 2012. Vurdering: Ungdomsrådet bør vera med å laga regien. Kva type arrangement ønskjer ungdomsrådet: Skal det vera ei mønstring eller skal det vera ein konkurranse? Skal det berre vera for band berre frå Fusa eller skal det vera ope for andre? Skal det vera ei nedre og eventuelt øvre aldersgrense på deltakarar og/ eller publikum? Fusa kommune har i dag ikkje ein kommunal fritidsklubb og fritidsleiar som kan ta på seg arrangøroppgåver. Kulturskulen driv eit undervisningstilbod for barn og ungdom, men har svært avgrensa kapasitet til å arrangera. Det kulturskulen kan bidra med er å førebu mange av deltakarane med ein intensiv samspelperiode i forkant. Skal ein få realisert ideen om eit Fusa Rock arrangement er ein avhengig eit samarbeid med ein teknisk arrangør. Kanskje må det vera eit samarbeid mellom fleire og der ungdomsrådet er medarrangør. Fusa lionsklubb har tidlegare sagt seg interesserte i å stilla med vakter til eit slikt arrangement. Kulturskulen ønskjer at ein nyttar Eikelandsfjorden samfunnshus til Fusa rock sidan mykje av utstyret til kulturskulen er lokalisert i dette området med undervisningsrom og musikkbinge. For å få nokon til å ta på seg oppgåva som arrangør kan det vera lurt å løyva ein underskotsgaranti for å trygga økonomien. Alternativt kan ein gje eit tilskot slik at den som tek på seg oppgåva eventuelt kan sitja att med eit overskot om arrangementet vert vellukka.
Saksnr U t v a l Møtedato Saksbeh. 012/12 Ungdomsrådet 05.06.2012 ERV Sakshandsamer: Erik Vangsnes Arkivsaknr 12/693 TILSKOT TIL GJENNOMFØRING AV OPERASJON DAGSVERK 2012 RÅDMANNEN SITT FRAMLEGG TIL VEDTAK: ALTERNATIV 1: Fusa ungdomsråd løyver kr 5.000,- i tilskot til gjennomføring av Operasjon dagsverk i Hordaland i 2012. Før det vert utbetalt tilskot må det leggjast fram eit budsjett for 2012 og eit rekneskap for 2011. Eit eventuelt tilskotet går frå kt 1.1020.1001.4702 ALTERNATIV 2: Fusa ungdomsråd løyver kr 1.000,- i tilskot til gjennomføring av Operasjon dagsverk i Hordaland i 2012. Før det vert utbetalt tilskot må det leggjast fram eit budsjett for 2012 og eit rekneskap for 2011. Tilskotet går frå kt 1.1020.1001.4702 Saksframstilling: Vedtaksmynde: Ungdomsrådet Saksdokument: Vedlegg: Dok.dato Tittel Dok.ID 21.05.2012 SØKNAD OM TILSKOT TIL GJENNOMFØRING AV 45573 09:48:19 OPERASJON DAGSVERK 2012 Ikkje vedlegg: Faktiske opplysningar:
Distriktskomiteen for Operasjon dagsverk (OD) i Hordaland søkjer Fusa kommune om kr 5.000,- i tilskot til gjennomføring av aksjonen i 2012. Fusa kommune ved ungdomsrådet har tidlegare gjeve tilskot til å dekka dei administrative utgiftene med gjennomføring av aksjonen. Det vert søkt om tilskot til å dekka utgifter med 4 seminar i perioden august til november om skal haldast for skular som tek del i OD. Seminara går over tilsaman 10 dagar og vil samla vel 200 deltakarar. Dei største utgiftspostane er reise og mat til seminardeltakarane. Det er ikkje lagt fram eit budsjett for tiltaket. Vurdering: Operasjon dagsverk er eit positivt tiltak med lange tradisjonar. Det er rimeleg at distriktskomiteen søkjer om tilskot for å dekka dei administrative kostnadane med aksjonen. Samstundes kan ein stilla spørsmålsteikn til ein søknad der ein ikkje legg fram budsjett eller rekneskap frå tidlegare år. Dersom mange kommunar gjev tilskot vil det koma inn relativt mykje pengar til eit føremål med avgrensa kostnader. Det vert søkt om 5000 kr i tilskot og dette er relativt mykje pengar på ungdomsrådet sitt budsjett. Kanskje må ein redusera tilskotet til OD frå Fusa kommune si side? Kanskje er det også på tide at ein i 2012 etterlyser eit budsjett for både inntekter og utgifter i 2012 og ein rekneskap for bruken av pengane ein fekk i 2011? Saka vert lagt fram med to alternativ framlegg til vedtak.
Saksnr U t v a l Møtedato Saksbeh. 013/12 Ungdomsrådet 05.06.2012 ERV Sakshandsamer: Erik Vangsnes Arkivsaknr 09/782 UTTALE TIL REGULERINGSPLAN BALDERSHEIM - VEGKRYSS FV 121- KOMMUNALE VEGAR OFFENTLEG PLAN RÅDMANNEN SITT FRAMLEGG TIL VEDTAK: Saka vert lagt fram utan framlegg til vedtak. Saksframstilling: Vedtaksmynde: Ungdomsrådet Saksdokument: Vedlegg: Dok.dato Tittel Dok.ID 03.05.2012 REGULERINGSPLAN FOR FV 121, BALDERSHEIM GNR 44742 107 BNR 1 M. FL. - OFFENTLEG PLAN - HØYRING OG OFFENTLEG ETTERSYN 23.05.2012 REGULERINGSPLAN, DATERT 05.09.2011 40453 23.05.2012 REGULERINGSFØRESEGNER, REVIDETT 07.02.2012 44763 23.05.2012 SKILDRING M ROS-ANALYSE, REVIDERT 07.02.2012 44762 23.05.2012 VEGPLAN MED SNITT 40467 Ikkje vedlegg: Faktiske opplysninger:
Utval for plan og miljø har i møte 23.02.2012, sak 006/12 vedteke å senda reguleringsplan for Fv 121, Baldersheim gnr 107 bnr 1 m.fl på høyring og utlegging til offentleg ettersyn. Vedtaket er gjort i medhald av plan- og bygningslova 12-10. Planområdet omfattar private båthamner på nord- og sørsida av vågen med tilliggjande landareal, fylkesvegen mellom tunellopningane og kommunal veg til gravplassen i ei lengd på om lag 175 m. Føremålet er å betra trafikktryggleiken i området ved å etablera fortau langs fylkesvegen, utbetring av fleire kryss på strekkja, trafikksikker av/påstigning for mjuke trafikkantar, leggja til rette for naust og utviding av småbåthamner. Vurdering: Ungdomsrådet får framlegg til reguleringsplan til uttale i høyringsperioden. I planframleget er det lagt opp til redusert fartsnivå i planområdet på fylkesveg. I dag er det 60 km i timen, men det er foreslått 50 km. Ein ser andre stader i kommunen at ein har redusert farten i sentrumsområde ved skular til både 40 km/t (Vinnes) og 30 km/t (Strandvik). Fartsnivået gjennom Baldersheim-bygda burde kanskje vore redusert ytterlegare og kanskje særleg i dag der ein har lite trafikksikring av mjuke trafikantar. Det er eit stort paradoks at farten vert redusert først etter at ein har fått betre tryggleik med t.d. fortau. I planområdet er det i dag 6 busslommer/haldeplassar langsmed fylkesvegen. Det er foreslått at alle desse vert fjerna og at det vert etablert ein buss-snuplass ved avkøyringa mot oppvekstsenteret. Elevane på oppvekstsenteret slepp då å kryssa vegen og ein får sanert haldeplasser som er trafikkfårlege. Det negative med sameringa vil vera at nokon får lengre veg til busshaldeplassen t.d. frå Kleppevegen. Det er foreslått fortau på sjøsida av fylkesvegen gjennom heile planområdet. På andre vegar i kommunen er det valgt ulike løysingar i seinare år. Ein vil her rå til at det vert opparbeidd gang og sykkelsti med fysisk skilje. Det gjev best tryggleik, ikkje minst for born som skal gå og sykla til skulen. Det er sterke friluftsinteresser i området. Det er regulert inn to småbåthamner. I tillegg er det regulert tre område til friluftsføremål på land og eit område i sjø. Ein har sett andre stader at det å setja av areal som friluftsområde i sjø gjerne fungerer dårleg for friluftslivet og at ein kan få konflikter med grunneigarar og nausteigarar på land. For å sikra ålmenta sin tilgang til sjø best mogeleg vil ein foreslå at deler av Hauaneset som er sett av til LNF-område vert omgjort til friluftsføremål. Saka vert lagt fram utan framlegg til vedtak.
Saksnr U t v a l Møtedato Saksbeh. 014/12 Ungdomsrådet 05.06.2012 ERV 011/12 Råd for seniorar og menneske med 05.06.2012 ERV nedsett funksjonsevne 029/12 Utval for plan og miljø 07.06.2012 ERV Sakshandsamer: Erik Vangsnes Arkivsaknr 12/608 PLANPROGRAM TIL KOMMUNEDELPLAN FOR IDRETT OG FYSISK AKTIVITET - UTLEGGING TIL OFFENTLEG ETTERS RÅDMANNEN SITT FRAMLEGG TIL VEDTAK: Framlegg til planprogram for Kommunedelplan for idrett og friluftsliv vert lagt ut til offentleg ettersyn i samsvar med reglar i Plan- og bygningslov 4-1 og 5-2 og det vert samtundes varsla om at planarbeid er starta opp. Saksframstilling: Vedtaksmynde: Saksdokument: Vedlegg: Dok.dato Tittel Dok.ID 23.05.2012 PLANPROGRAM KOMMUNEDELPLAN UTKAST PER 45838 23052012.PDF Ikkje vedlegg: Faktiske opplysninger: I samband med iverksettinga av ny plan og bygningslov 1. juli 2009 blei det stadfesta som krav at det skal utarbeidast planprogram for alle kommunedelplanar. Planprogrammet skal i korte trekk gjere greie for føremålet med planarbeidet, planprosessen og opplegget for medverknad. Ein skal og vurdere verknadane for miljø og samfunn, og synleggjere alternativa i planarbeidet. Forslag til planprogram skal sendast på høyring og leggjast ut til offentleg ettersyn i minimum seks veker med heimel i PBL 4-1 og 5-2.
Planen er tematisk og har status som kommunedelplan innanfor samfunnsplanlegginga etter plan- og utbyggingslova, men utan heimel til arealdisponeringar. I den grad det er naudsynt vil ein i dette planarbeidet kunne gje tilrådingar om arealdisponeringar til kommuneplanens sin arealdel. Staten krev at kommunane har utarbeida ein eigen plan for å få rett til statlege spelemidlar. Styresmaktene har i denne samanheng også innført minstekrav til innhald i planen (V-0798B). Kommunedelplan for idrett og fysisk aktivitet 2012 2019 er ei revidering av Kommunedelplan for idrett og friluftsliv 2005 2008. Dette er det tredje plandokumentet innan planområdet. Eit av dei viktigaste føremåla med planen er å få eit grunnlag for å kunne søke spelemidlar til friluftsføremål, idrettsanlegg osv. Vurdering: Planlegginga på dette feltet er noko på etterskot i høve behova og førre plan. Det er difor viktig at kommunen får eit oppdatert planverktøy som speglar dagens situasjon og ønskje for framtida, i høve føringane frå statlege, regionale og kommunale mynde. Kommunedelplanen skal vere eit overordna politisk styringsdokument der samfunnsmessige behov vert avdekka, og kvar ein set mål og vedtek løysingar for området på kort og lang sikt. Kommunedelplanen er òg eit utgangspunkt for rådmannen sitt administrative arbeid og forvaltinga av oppgåver innan områda idrett og fysisk aktivitet. Såleis vil planen vera styrande i høve samarbeidet mellom kommune og dei frivillige organisasjonane. Planen skal m.a. sikre: Sterk kommunal styring av anleggsutbygginga Klar politisk prioritering innan planfeltet Riktige mål og vegval Tydelege rolle- og ansvarsliner i høve idrettslaga, Fusa idrettsråd, Bergen og omland friluftsråd og andre organisasjonar Det er første gang det vert laga eit planprogram i forkant av arbeidet med ein Kommunedelplan for idrett og fysisk aktivitet. Planprogrammet vil gje retning til planarbeidet på fleire måtar. Den inneheld ei drøfting av aktuelle utfordringar på området. Den definerer kva planen skal omhandla og korleis planprosessen skal vera med omsyn til medverknad og organisering. Planprogrammet har også eit blikk bakover på førre plan og evaluering av denne. Det å laga ein ny Kommunedelplan for idrett og fysisk aktivitet er tidkrevjande og det er difor viktig at ein no kjem i gang med prosessen. Sidan ein kjem inn i sommarferietid ved utlegging av framlegg til planprogram til offentleg ettersyn, vil ein rå til at høyringsperioden vert auka frå 6 til 12 veker. Framdrifta vert likevel ikkje endra av dette.
Side 13 av13