1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 Vedtekter for Studenttinget ved Høgskulen i Volda AU sitt forslag til reviderte vedtekter. Til behandling på studenttingsmøte 31.01.2018 1
31 32 33 34 35 1 Føremål Studenttinget i Volda (STiV) er det øvste studentdemokratiske organet ved Høgskulen i Volda (HVO). STiV skal arbeide for studentane ved HVO sine faglege, velferdsmessige og demokratiske rettar, og fremje studentane sitt synspunkt ovanfor institusjonen sitt styre. 36 37 38 39 40 41 42 43 44 45 46 47 48 49 50 51 52 53 54 55 56 57 58 59 60 61 62 63 Underlagt STiV finst følgjande organ; Studenttinget, Studenttinget sitt valde arbeidsutval, og Studentrådet. I tillegg har STiV nedsett eigen kontrollkomité. 2 Styringsdokument 2-1 Vedtekter Vedtektene er organisasjonen sine formelle reglar, og er overordna dei andre styringsdokumenta. Vedtektene kan reviderast. Dei gjeldande vedtektene ligg alltid til grunn, og det må vere 2/3 fleirtal i Studenttinget for å vedta endringar. Endringane trer i kraft når endeleg dokument er vedteke. 2-2 Strategiplan Strategiplanen er eit dokument om STiV sine overordna mål, som går over ein fireårsperiode. Kvart fjerde år skal ny strategiplan vedtakast, men han kan reviderast kvart år med 2/3 fleirtal i Studenttinget. Endringane trer i kraft når endeleg dokument er vedteke. 2-3 Budsjett Budsjettet er STiV sine retningslinjer for den økonomiske drifta det komande året. Budsjettet skal vedtakast årleg ved fyste Studenttingsmøte på vårsemesteret, og trer i kraft umiddelbart. Revidering av budsjett skal på dagsorden i løpet av vårsemesteret, men også etter behov eller ynskje. 2-4 Arbeidsprogram Arbeidsprogrammet er retningslinjene for STiV sitt politiske arbeid for det komande studieåret. Arbeidsprogrammet skal vedtakast kvart studieår ved nest siste Studenttingsmøte i vårsemesteret. Programmet kan reviderast ytterligare etter høve. 2-5 Valreglement 2
64 65 66 67 68 69 70 71 72 73 74 75 76 77 78 79 80 81 82 83 84 85 86 87 88 89 90 91 92 93 94 95 96 Valreglementet til STiV gir retningslinjer for førebuing og gjennomføring av val i STiV. Dette gjeld ved val verv i Studenttinget, studentrepresentantar i råd- og utval, samt tillitsvalde. 2-6 Gjennomføring av endringar i styringsdokumenta Alle studentar ved HVO har moglegheit til å fremje forslag til endring av STiV sine vedtekter, valreglement og styringsdokument. Årsak til ynskje om endringsforslag kan leggast ved skriftleg, og då skal dette også leggjast fram for Studenttinget for handsaming. Endringar av STiV sine vedtekter, valregelement og styringsdokument skal gjerast av Studenttinget, og krev minst 2/3 fleirtal. Alle forslag til endring av STiV sine vedtekter, valregelement og styringsdokument skal fyrst handsamast av STiV sitt Arbeidsutval. Dei skal komme med skriftleg innstilling til vedtak til Studenttinget. Det er mogleg for medlemmar av Arbeidsutvalet å ta ut dissens. 3 Økonomi 3-1 Budsjett Det er Arbeidsutvalet i STiV si oppgåve å utarbeide forslag til budsjett. Dette blir lagt fram for Studenttinget, jf. 2.3. Arbeidsutvalet i STiV har mynde til å gjere om på dei ulike budsjettpostane med inntil 5000 kr per semester uavhengig av post, om dette er til det beste for studentane ved HVO. Ved større summar må budsjettendring vedtakast av Studenttinget. Kvart år skal det i budsjettet setjast av 5000 kr frå velferdsmidlar til Pris for internasjonalisering. Dissens1: stryke linje 86-87. 3-2 Rekneskap Arbeidsutvalet i STiV skal leggje fram rekneskap for godkjenning for året som har gått ved fyrste Studenttingsmøte etter årsskiftet. Regnskapet fylgjer ordinært kalenderår. Rekneskapet til STiV er offentleg, og ein kan få innsyn i reknekapet på førespurnad. 3
97 98 99 100 101 102 103 104 105 106 107 108 109 110 111 112 113 114 115 116 117 118 119 120 121 122 123 124 125 126 127 128 129 4 Mistillit 4-1 Mistillit til verv i STIV Medlemmar av eit av STiV sine organ, samt studentrepresentantar i råd og utval ved HVO, kan bli stilt mistillitsforslag. Vedkomande kan då verte løyst frå vervet og verte erstatta av ein person valt av Studenttinget, dersom mistillitsforslaget får naudsynt fleirtal. Den som det blir stilt mistillit til, skal få høve til å uttale seg. Det er berre registerte studentar i inneverande studieår som kan stille mistillitsforslag. 4-2 Prosedyrar ved mistillit og fråtreding Mistillit må verte vedteke med 3/4 fleirtal av Studenttinget, på eit ordinært Studenttingsmøte. Det kan også kallast inn til ekstaordniært Studenttingsmøte, dersom det er behov for dette, jm. 5.3.4. Vedtak om mistillit skal skje bak lukka dører, og avstemminga skal vere skriftleg og anonym. Saker om mistillit skal unndragast offentlege referat. Vedkomne som får stilt mistillitsforslag mot seg, skal informerast om dette i god tid før voteringsmøtet. Arbeidsutvalet vel ut ein eller fleire som tek ansvar for saksgongen, med mindre dette møter motstand i Studenttinget. Dersom ein fråtrer vervet, vil første vara automatisk bli hovudrepresentant for resten av perioden. Dersom representanten ikkje har vararepresentant og det er meir enn to møter igjen av studieåret, skal det haldast suppleringsval, jf. STiV sitt Valregelement. 5 Studenttinget 5-1 Samansetning Studenttinget er studentdemokratiet sitt øvste organ, og skal ha representantar frå alle avdelingane ved HVO. Det er sett saman av elleve faste studentrepresentantar og elleve vara. Av dei elleve faste representantane, skal åtte vere likt fordelt frå dei fire avdelingane. Dei resterande tre representantane er frie representantar, og fungerer som utjamningsmandat. Detaljar knytt til gjennomføring av valet er nærare beskrive i Studenttinget sitt valreglement, jf. 2.5. 5-2 Føremål 4
130 131 132 133 134 135 136 137 138 139 140 141 142 143 144 145 146 147 148 149 150 151 152 153 154 155 156 157 158 159 160 161 162 163 Studenttinget skal aktivt arbeide for å sikre studentar ved HVO sitt læringsmiljø og faglege utbytte. Dei ulike studenttingsrepresentantene har ansvar for å forhøyre seg på sine respektive avdelingar om utfordringar og forbetringspotensiale på studiet. Studenttinget skal handsame og gjere vedtak i saker som framkjem av organisasjonen sine styringsdokument, jf. 2. Dette inkluderer arbeid med revidering, godkjenning og vedtak av STiV sine vedtekter, strategiplan, budsjett og arbeidsprogram. Det skal, så tidleg det let seg gjere, veljast inn studentrepresentantar til HVO sine råd og utval for inneverande studieår. 5-3 Møteregelement 5.3.1 Fristar Innkalling til studenttingsmøta skal skje seinast 14 dagar før møtedagen. Saker til sakslista må vere inne seinast 10 dagar før møtedatoen, og sakspapir skal vere utsendt seinast 7 dagar før møtedatoen. Det skal leggjast fram ein møteplan på første ordinære møte i studieåret. Innkalling til første møte i studieåret er gyldig om ho kjem seinast 7 dagar før møtedatoen. 5.3.2 Rettar og plikter Møteplikt: - Faste studenttingsrepresentantar - Vara i fast representant sitt fråvær - Arbeidsutvalet - Organisasjonskonsulent - Kontrollkomite jm. 8 - Ordstyrar Møterett: - Alle studentar og tilsette ved HVO - Gjester - Uynskte personar kan visast bort etter vedtak 5
164 165 166 167 168 169 170 171 172 173 174 175 176 177 178 179 180 181 182 183 184 185 186 187 188 189 190 191 192 193 194 195 196 197 Talerett - Alle med møteplikt- og rett Forslagsrett - Studentar ved HVO - Andre kan få forslagsrett ved enkeltvedtak Røysterett - Faste studenttingsrepresentantar - Vara i fast representant sitt fråvær Saksfremjingsrett - Studenttingets medlemar - Arbeidsutvalet - Andre kan få saksfremjingsrett ved enkeltvedtak 5.3.3 Møtegjennomføring Arbeidsutvalet, i samarbeid med organisasjonskonsulent, har ansvar for at sakspapira blir sendt ut til Studenttingets medlemer, kontrollkomité og eventuelt andre partar, jf. 5.3.1. Organisasjonskonsulent skal føre referat frå alle møter, med mindre ansvaret blir delegert til andre. For at Studenttingsmøter skal vere vedtaksdyktige, må minst 2/3 av medlemmene med stemmerett vere tilstades. Røysting skal gjennomførast med utdelt stemmesetel. Unntak er røysting ved urneval, då det her skal brukast egne lappar. Røysting blir gjort skriftleg dersom minst ein av dei røysteføre ynskjer dette. Røysting vert avgjort med alminneleg fleirtal om ikkje anna vert nemnt. Ved røystelikskap får alle studentar som er til stades i møtet røysterett, utanom arbeidsutvalet, kontrollkomiteen, sekretariatet og ordstyrar. Dersom det ikkje er andre studentar til stades blir saka utsett til neste møte. Studenttinget kan velje å sjå vekk i frå vedtektene i enkeltsaker dersom det vert vedteke einstemmig. Arbeidsutvalet innstiller på teljekorps om naudsynt. Dei som etter 5.3.2, d), har forslagsrett, har moglegheit til å skriftleg leggje fram si meining i ei sak dersom dei er forhindra i å delta på møtet. 6
198 199 200 201 202 203 204 205 206 207 208 209 210 211 212 213 214 215 216 217 218 219 220 221 222 223 224 225 226 227 228 229 230 Dissens: Stryke fylgjande setning i linje 193-194: «Studenttinget kan velje å sjå vekk i frå vedtektene i enkeltsaker dersom det vert vedteke einstemmig». 5.3.4 Ekstraordinært møte Det kan kallast inn til ekstraordinært Studenttingsmøte ved særleg viktige saker dersom eit alminneleg fleirtal av studenttingsrepresentantane, eller eit samrøystes arbeidsutval, ynskjer det. Eit slik møte skal kunngjerast seinast ei veke før møtet, og sakspapira skal gjerast tilgjengeleg for representantane seinast tre dagar før møtedagen. 5-4 Arbeidsgrupper Studenttinget kan setje ned ei arbeidsgruppe når dei ser eit behov for det. Arbeidsgruppa skal verte gitt eit mandat, og det skal utpeikast ein leiar som har ansvar for møteinnkalling, kontinuitet i arbeidet og rapportering til Studenttinget. 6 Arbeidsutvalet 6-1 Samansetning og formål Arbeidsutvalet (AU) i STiV er Studenttinget sitt dagleg arbeidande organ og førebur saker for Studenttinget. Dei skal ha ein stillings- og arbeidsinstruks som er godkjent av Studenttinget. De ulike stillingsinnstruksane er opne for revidering kvart år. Arbeidsutvalet består av leiar, fagansvarleg, velferdsansvarleg, informasjonsansvarleg og internasjonalt ansvarleg. Medlemmer i Arbeidsutvalet kan ikkje inneha verv i Høgskulestyret samstundes som han/ho sit som medlem i Arbeidsutvalet. 6-2 Føremål Arbeidsutvalet skal utarbeide og legge frem forslag til organisasjonen sine styringsdokument, jf. 2. AU skal gjennomføre tilstrekkjeleg med Arbeidsutvalgsmøter til å drive saksførebuing til Studenttinget. Det inneber å innstille i alle saker som blir lagt fram for Studenttinget, og sakene kan der det er høveleg sendast på høyring før handsaming i Studenttinget. Arbeidsutvalet sørgjer for at vedtak fatta i Studenttinget vert fylgt opp og gjennomført. AU skal bruke økonomiske og personalmessige ressursar i samsvar med STiV sine styringsdokument. AU legg fram årsmelding med rekneskap for kvart kalenderår for 7
231 232 233 234 235 236 237 238 239 240 241 242 243 244 245 246 247 248 249 250 251 252 253 254 255 256 257 258 259 260 261 262 Studenttinget. Avtroppande AU-medlemer leverer skriftlege rapportar om arbeidet i vervet for å sikre kontinuitet og gode overgangar ved val av nye medlemer i AU. 6-3 Konstituering Arbeidsutvalet konstituerer seg sjølv etter kvart val av Arbeidsutval i Studenttinget. Det skal veljast ein nestleiar innbyrdes i utvalet, som deltek på leiingsmøter og andre forum der det opplevast naudsynt. Nestleiar fungerer som leiar i leiars fråvær. Medlemmer av Arbeidsutvalet må vere registert student hjå Høgskulen i Volda når han eller ho tiltrer sitt verv. 6-4 Funksjonstid Eit medlem av Arbeidsutvalet sit i si stilling fram til nytt val vert gjennomført i Studenttinget. Unntak er dersom eit medlem sjølv trekkjer seg tidligare, eller av årsaker nemnt under ikkje kan inneha vervet: a) Dersom eit medlem av Arbeidsutvalet blir stilt mistillit til og dette får fleirtall i Studenttinget, føljer prosedyrer jf. 4.2. b) Dersom eit medlem av Arbeidsutvalet sluttar som student ved HVO. Vedkomande må då trekkje seg frå sitt verv, men vil inneha vervet til suppleringsval og overlappingsperiode er gjennomført. Av- og påtroppande medlemer i Arbeidsutvalet skal delta likestilt i ein overlappingsperiode. Overlappingsperioden går over en månad, med start i valdatoen. Formålet er opplæring av nye medlemmer. 6-3 Møtegjennomføring Arbeidsutvalet bestemmer sjølv korleis dei driv interne møter. Det skal skrivast referat frå Arbeidsutvalsmøter. Referata er offentleg tilgjengelege på førespurnad. 7 Organisasjonskonsulent 8
263 264 265 266 267 268 269 270 271 272 273 274 275 276 277 278 279 280 281 282 283 284 285 286 287 288 289 290 291 292 293 294 295 Organisasjonskonsulenten utgjer STiV sitt sekretariat, og har det daglege administrative ansvaret for Arbeidsutvalet. Høgskulen har arbeidsgjevaransvaret for organisasjonskonsulenten, og utarbeider stillings- og arbeidsinstruks i samarbeid med leiar og nestleiar i STiV sitt arbeidsutval. Stillings- og arbeidsinstruks må godkjennast av arbeidsutvalet i STiV. Oppretting og nedlegging av permanente stillingar kan berre fattast av Studenttinget i samråd med Høgskulen. 8 Kontrollkomité Kontrollkomiteen skal syte for at STiV si verksemd fylgjer gjeldande styringsdokument. Komiteen skal bestå av to medlemar som ikkje har andre verv som er en del av STiV, eller der STiV er valkrins. Kontrollkomiteen skal delta på møter i Studenttinget, føre kontroll med at STiV sine organ fylgjer gjeldande styringsdokument og fatta vedtak. Sjå til at STiV sine ressursar vert disponert i samsvar med budsjetta. Føre kontroll med gjennomføring av val der Studenttinget er valkrins. Delta på møter i arbeidsutvalet minst ein gong i månaden. Dissens: kutte kontrollkomiteen, og dermed stryke heile 8. 9 Tillitsvalde Det skal veljast tillitsvald og vara ved alle studieprogram som er bachelorgrad og mastergrad, samt årsstudium som gir 30 studiepoeng eller meir per semester. Funksjonstida fylgjer ordinært skuleår, med mindre representanten fråtrer sitt verv som tillitsvald på tidligare tidspunkt. Då av eige ynskje eller jf. 4. Vedkomande vert då erstatta av ein ny representant valt av klassen. Tillitsvalt har rett på attest frå Studenttinget, v. fagansvarleg. Tillitsvalte ved HVO har informasjonsplikt ovanfor medstudentar på studiet om informasjon frå høgare studentorgan. Dei skal arbeide for å ivareta studentane sine interesser på avdelingsnivå/institusjonsnivå. 9-1 Studentrådet 9
296 297 298 299 300 301 302 303 304 Studentrådet er et forum for tillitsvalte ved HVO. Det skal gjennomførast minst eitt møte kvart semester, og ansvaret for planlegging, invitasjon, mobilisering og gjennomføring av møtet ligger hos fagansvarleg i Studenttinget sitt Arbeidsutval. Alle tillitsvalde ved HVO har møteplikt. Personleg vara skal tilkallast av STiV etter høve. STiV sitt resterende Arbeidsutval og dekanane ved HVO er invitert som gjestar. Alle studentar ved HVO har møterett. Alle studentar og dekanar ved HVO har talerett og forslagsrett, men berre dei tillitsvalde har stemmerett. 10