Løyve til mottak, mellomlagring og handsaming av betong og asfalt i Tolomarka

Transkript

1 Sakshandsamar, innvalstelefon Nina Vadøy, Vår dato Dykkar dato Vår referanse 2012/ Dykkar referanse Kjosås Maskin AS Sandvenhagen 5600 NORHEIMSUND Løyve til mottak, mellomlagring og handsaming av betong og asfalt i Tolomarka Fylkesmannen gjev Kjosås Maskin AS nytt og utvida løyve etter forureiningslova for mottak, mellomlagring og handsaming av betong og asfalt i Tolomarka. Løyvet gjeld mottak av inntil tonn betong og tonn asfalt. Vi har sett strengare krav til mottak av betong og asfalt. Betong skal vere rein og asfalt skal ikkje innehalde tjære. Vi har også sett fleire krav til støy. Anlegget er plassert i risikoklasse 4. Vi viser til søknad av 22. mars 2012 om auka mottak av betong og asfalt i Tolomarka i Kvam herad. Fylkesmannen gjev løyve på visse vilkår som følgjer vedlagt. Løyvet er gjeve med heimel i forureiningslova 11, jf. 16 og 29. Dei utsleppa som vi reknar med har størst verknad på miljøet, har vi regulert gjennom særlege vilkår i løyvet. Vi vil understreke at all forureining frå verksemda isolert sett er uønskt. Sjølv om utsleppa er innanfor dei fastsette utsleppsgrensene, pliktar verksemda å redusere utsleppa så langt dette er mogleg utan urimelege kostnadar. Det same gjeld utslepp av komponentar det ikkje er sett grenser for gjennom særskilde vilkår. Dette løyvet kan seinare endrast i medhald av forureiningslova 18. Endringar skal vere basert på skriftleg sakshandsaming og ei forsvarleg utgreiing av saka. Ein eventuell endringssøknad må derfor liggje føre i god tid før verksemda ønskjer endringa gjennomført. At vi har gjeve løyve til forureininga, fritar ikkje erstatningsansvar for skade, ulemper eller tap som forureininga har ført til, jf. forureiningslova 56. Statens hus Kaigaten 9, 5020 Bergen Telefon: Telefaks: Miljøvern- og klimaavdelinga Postboks 7310, 5020 Bergen Org.nr: E-post: postmottak@fmho.no Internett:

2 I tillegg til dei krava som følgjer av løyvet, pliktar verksemda å overhalde forureiningslova, produktkontrollova og forskrifter som er heimla i desse lovene. Nokre av forskriftene er nemnt i løyvet. For informasjon om andre reglar som kan vere aktuelle for verksemda, viser vi til Miljødirektoratet sine heimesider, og Brot på utsleppsløyvet er straffbart etter forureiningslova 78 og 79. Også brot på krav som følgjer direkte av forureiningslova, produktkontrollova og forskrifter, er straffbare. Søknad og bakgrunn Kjosås Maskin AS har i dag løyve til mottak av inntil 300 tonn betongavfall og 500 tonn asfalt, jf. løyve av 24. mars I tillegg gjeld tilleggsvilkår til støyhandtering, jf. brev av 14. oktober I samband med riving/knusing av bygg med gamal betong kan det vere betongmassar med PCB eller asbest. Verksemda søkjer om å få ta imot og mellomlagre slik betong mens innhaldet blir analysert. Dei søkjer også om å få utvide løyvet til tonn betongavfall og tonn asfaltarbeid. Saksgang Søknaden har vore lagt ut til offentleg ettersyn på Statens Hus og Fylkesmannen si nettside, og kunngjort i Bergens Tidende og Hordaland Folkeblad. Kvam herad vart bedt om fråsegn og om å leggje søknaden ut til offentleg ettersyn. Det kom inn 3 fråsegner frå den offentlege høyringa. Fråsegnene kom frå Bebuarar v/ fylkesveg 130, Gro Aalvik og Sveinung Lid Aalvik. Fråsegn frå Kvam herad ved samfunns- og utviklingssjef Jon Nedkvitne (telefonsamtale 21. januar 2014): Så lenge Kjosås Maskin AS held krava i reguleringsføresegnene for området og i konsesjon frå Fylkesmannen har Kvam herad ingen merknader til søknaden. Fråsegnene som har kome inn peikar på dei same forholda. Her følgjer ei felles oppsummering: Tilkomst for vogntog til mellomlager frå Øystese går via fv Vegen er smal, har få møteplassar, er av dårleg stand, går gjennom busetnad og gardstun og er skuleveg utan fotgjengarfelt for barne-, ungdom- og vidaregåande skule. Vegen er belasta med mykje tungtrafikk og vogntoga har høg fart. Nokre tryggingstiltak er gjort, men nokre gjenstår. Savnar risikovurdering av tilkomst til mottak/mellomlager med unntak av generell hending for transportuhell. Tilkomst frå hovudvegen fv. 7 manglar i risikovurderinga. Meiner framleis drift eller utviding ikkje er forsvarleg med tanke på vegstandarden til fv. 130 har til mottaket/mellomlageret i Tolomarka. Vegen er ikkje eigna/bygd for slik tungtransport og det bør ikkje gjevast løyve før det er kome ein avlastingsveg eller fotgjengarar og køyretøy får kvar sine vegar. 2

3 Kjosås Maskin AS sine kommentarar til fråsegnene: På Skålheim har Kjosås Maskin AS også eit grustak i tillegg til mellomlager for betong og asfalt. Trafikken opp til Skålheim vil ikkje ha noko særleg auke sidan leveransen av betong og asfalt vil falle saman med henting av grus/singel. Fylkesmannen si vurdering og grunngjeving Fylkesmannen meiner å ha tilstrekkeleg informasjon for å kunne fatte vedtak i saka. Når vi avgjer om løyve skal bli gitt og skal fastsetje vilkår, skal vi leggje vekt på dei forureiningsmessige ulempene ved tiltaket vurdert opp mot dei fordelane og ulempene tiltaket elles vil føre til, jf. forureiningslova 11. Ved fastsetjing av vilkåra har Fylkesmannen vidare lagt vekt på kva ein kan oppnå med beste tilgjengelege teknikkar. Vurderinga blir supplert av krava i vassforskrifta 4-6 og kravet i naturmangfaldlova 7 om at prinsippa i naturmangfaldlova 8-12 skal leggjast til grunn som retningsliner ved skjønnsutøving etter forureiningslova. Nokre av merknadane i fråsegnene som har kome i samband med høyringa har peika på tilhøve som ikkje gjeld forureining. Slike tilhøve kan vi ikkje regulere i vår handsaming. Mengde bygg- og anleggsavfall vil auke vesentleg dei kommande åra og det vil bli eit aukande behov for anlegg som kan ta imot og handtere avfall som til dømes betong og asfalt. Mengdene betong og asfalt har auka hos Kjosås Maskin AS og verksemda søkjer om auka rammer for mottak. Fylkesmannen har vurdert at det er akseptabelt å gje løyve til auka rammer, men på visse vilkår. Mottak av betong og asfalt Fylkesmannen har vurdert at det er nødvendig at anlegget i Tolomarka berre får ta imot reine fraksjonar av betong som ikkje inneheld helse- og miljøskadelege stoff over visse konsentrasjonar, jf. vilkår 1 i løyvet. Kjosås Maskin AS har opplyst at dei vil bruke betongen og asfalten om igjen etter handsaming, og då er det svært viktig at massane ikkje inneheld helse- og miljøskadelege stoff. Skadelege stoff vil kunne vaskast ut frå massane og forureine grunnvatn, overflatevatn, grunn og sediment. Bruk av lett forureina betong vil kunne innebere ein risiko for ukontrollert spreiing av forureining ved seinare graving og flytting av betongen. For å sikre dette må verksemda før mottak kontrollere at det er dokumentert at betongen er rein ved framlegging av miljøkartlegging i samsvar med teknisk forskrift til plan- og bygningslova 9.7, jf. vilkår 3.1 i løyvet. Vi har sett andre krav til mottak av asfalt enn til betong. Bitumen i asfalt er ikkje vassløyseleg og utlekking av PAH er derfor låg. Før 1970 vart det derimot i ein del tilfelle produsert asfalt basert på steinkoltjære som bindemiddel. Slik tjære kan innehalde PAH langt over grensa til farleg avfall. Derfor skal det ved mottak av asfalt eldre enn 1970 dokumenterast at asfalten ikkje inneheld tjære, jf. vilkår 3.2 i løyvet. Støy Auka rammer kan føre til ulemper i form av meir støy frå knusing. Fylkesmannen var på tilsyn 21. november 2013 hos Kjosås Maskin AS for å sjå på drifta av anlegget i Tolomarka med spesielt fokus på støy. Verksemda handterer betong og asfalt innanfor eit område som er 3

4 støyskjerma med vollar og fjell. Sjølv om auka avfallsmengder vil føre til meir støy frå knusing, så opplyste verksemda at dei vil klare å gjennomføre knusing i løpet av maksimalt 14 dagar i samsvar med tidlegare krav. Dei opplyste også at naboane vart varsla før knusing etter krav i løyvet. Reguleringsføresegnene i reguleringsplan for masseuttak og industriområde, Tolomarka, har sett krav om driftstid mellom kl. 6 og 22 måndag til fredag, og kl. 9 til 15 laurdag. Det er ikkje tillate med nokon form for drift frå kl. 22 til kl. 6, og ikkje sundagar eller heilagdagar. I tillegg har vi sett støygrenser i løyvet. Fylkesmannen har vurdert at desse krava er tilstrekkeleg for å hindre ulemper for naboar og nærmiljø. For å dokumentere dette, må verksemda måle støy ved den mest utsette bygningen ved første knusing, jf. vilkår 7.1 i løyvet. Disponering av betong og asfalt Betong og asfalt inn til anlegget er definert som avfall, jf. forureiningslova 27. Bruk av motteken betong skal skje i samsvar med Miljødirektoratet sitt faktaark M om disponering av betongavfall. Faktaarket er lagt ved. Miljødirektoratet arbeider med ny forskrift for handtering av betongavfall, og når denne er vedtatt vil desse krava gjelde for disponering av betongavfall. Bruk av motteken asfalt må skje innanfor rammene av forureiningslova, jf. 7 og 32. Dette er også sett som krav i løyvet, jf. vilkår 3.6. Materiale kan opphøyre å vere avfall. Verksemda må vurdere overgang frå avfall til produkt etter forureiningslova 27. EUs reglar for når ulike avfallsstraumar opphøyrer å vere avfall etter ein gjenvinningsoperasjon («end of waste»-kriteria) skal leggjast til grunn i vurderingane. Dette er også sett som krav i løyvet, jf. vilkår 8. Vurdering etter vassforskrifta Vassforskrifta fastset miljømål for vassførekomstar og delar vassførekomstane inn i fem tilstandsklassar. Miljømåla i vassforskrifta 4-6 er at tilstanden i vassførekomstane skal vernast mot å bli verre, og skal betrast med mål om å oppnå god økologisk tilstand og god kjemisk tilstand. Verksemda har opplyst at steinbrotet har avrenning til ein bekk som startar i området vest for Fylkesvegen 130 og sør for Sjusetevegen med utløp i Samlafjorden. Vi har gjort søk i Vann- Nett 20. januar 2014 for informasjon om vassførekomstane i området. Vann-Nett er ein ufullstendig database i kontinuerleg utvikling. Det står ikkje registrert noko på denne bekken. Fylkesmannen har sett som vilkår at motteken betong og asfalt skal handterast og lagrast slik at det ikkje oppstår avrenning eller forureina vatn. Vi har også sett krav om at verksemda ikkje skal ha utslepp til grunn eller vatn som kan føre til nemneverdige skader eller ulemper for miljøet, og at verksemda må gjere tiltak om nødvendig jf. vilkår 4 i løyvet. Fylkesmannen har med det vurdert at krava i vassforskrifta 4-6 ikkje er til hinder for å gje løyve etter forureiningslova. Vurdering etter naturmangfaldlova Anlegget er lokalisert i eit område som er regulert for industri. Med dei krava Fylkesmannen har sett i tillegg, skal ikkje tiltaket føre til vesentlege utslepp til ytre miljø. 4

5 Vi har gjort eit søk i Artskart og Naturbase 27. desember Det er ikkje registrert andre artar eller utvalde naturtypar som er klassifisert som trua eller nært trua i direkte nærleik til anlegget. Kravet i naturmangfaldlova 8 om at saka i hovudsak skal baserast på eksisterande og tilgjengeleg kunnskap, er med det oppfylt. Vi har derfor vurdert det til å ikkje vere nødvendig å gjere vurderingar etter dei andre miljøprinsippa i naturmangfaldlova Frist Fylkesmannen har sett krav om at verksemda ved første knusing skal måle støy. Rapport frå målinga skal sendast Fylkesmannen seinast 1 månad etter at knusinga er avslutta, jf. punkt 7.1 i løyvet. Det er krav til innsending av årsrapport innan 1. mars kvart år, jf. punkt 10 i løyvet. Risikoklasse Verksemda er plassert i risikoklasse 4. Fylkesmannen har lagt forureiningspotensialet og eigenskapane til resipienten til grunn for val av risikoklasse. Risikoklassen viser forventa ressursbruk ved tilsyn, jf. forureiningsforskrifta Risikoklassen blir også brukt til å avgjere intervall mellom tilsynsbesøka. Gebyr Fylkesmannen tek sakshandsamingsgebyr for arbeid med utsleppsløyve. Reglane om gebyrinnkrevjing står i forureiningsforskrifta kapittel 39. Vi har plassert verksemda under gebyrsats 4, jf. forureiningsforskrifta Verksemda skal betale kroner i gebyr for løyvet. Gebyrsatsen er vald basert på ressursbruken Fylkesmannen har brukt for å handsame søknaden. Miljødirektoratet sender faktura. Rett til å klage De kan klage på løyvet til Miljødirektoratet. Partane involvert i saka og andre med spesielle interesser, kan klage innan tre veker frå de har fått dette brevet, jf. forvaltningslova 28. De kan også klage på vedtaket om gebyrsats, jf. forureiningsforskrifta Ei eventuell klage skal vere grunngitt. Send klagen til Fylkesmannen i Hordaland, miljøvern- og klimaavdelinga, innan fristen går ut. Med helsing Astrid Holte e.f. senioringeniør Nina Vadøy overingeniør Brevet er godkjent elektronisk og har derfor inga underskrift. 5

6 Vedlegg: 1. Løyve til mottak, mellomlagring og handsaming av betong og asfalt for Kjosås Maskin AS 2. Faktaark M om disponering av betongavfall Kopi til: Kvam herad Grovagjelet Norheimsund Bebuarar v/ fv. 130 v/ Arne Aalvik Gro Aalvik Sveinung Lid Aalvik 6

7 Løyve til mottak, mellomlagring og handsaming av betong og asfalt for Kjosås Maskin AS Fylkesmannen gjev Kjosås Maskin AS løyve med heimel i forureiningslova 11, jf. 16 og 29. Løyvet er gjeve på grunnlag av opplysningar i søknad av 22. mars 2012 og opplysningar som kom fram under handsaminga av søknaden. Løyvet gjeld frå dags dato. Dette løyvet erstattar desse løyva: Løyve til Kjosås Maskin AS for mottak av betong og asfaltmassar, Tolomarka, Kvam herad datert 24. mars 2009 Tilleggsvilkår til løyvet for mottak av betong og asfaltmassar ved Kjosås Maskin AS sitt anlegg i Tolomarka, Kvam herad datert 14. oktober 2009 Dersom verksemda ønskjer endringar utover det som vart opplyst i søknaden eller under sakshandsaminga og som kan ha miljømessig verknad, må verksemda på førehand avklare dette skriftleg med Fylkesmannen. Dersom heile eller vesentlege delar av løyvet ikkje er teke i bruk innan fire år, skal verksemda sende ei utgreiing om omfanget til verksemda. Fylkesmannen vil då vurdere eventuelle endringar i løyvet. Verksemdsdata Verksemd Kjosås Maskin AS Stad/Gateadresse Tolomarka Postadresse Sandvenhagen Kommune og fylke Kvam herad, Hordaland Org.nummer (verksemd) (eigd av ) Gards- og bruksnummer gnr. 32 bnr. 1, 9 og 39 NACE-kode og bransje Grunnarbeid Referansane til Fylkesmannen Løyvenummer Anleggsnummer Risikoklasse T Løyve gjeve: Endringsnummer: Sist endra: Astrid Holte e.f. senioringeniør Nina Vadøy overingeniør Løyvet er godkjent elektronisk og har derfor inga underskrift 1 Jf. forureiningsforskrifta kapittel 39 om gebyr til statskassen for Fylkesmannen sitt arbeid med løyve og kontrollar etter forureiningslova

8 Innhold 1. Rammer Utforming av anlegget Generelle vilkår Utsleppsavgrensingar Plikt til å halde grenseverdiar Plikt til å redusere forureining så langt som mogleg Plikt til førebyggjande vedlikehald Tiltak ved auka forureiningsfare Internkontroll Økonomisk sikkerheit Mottak, mellomlagring og handsaming av betong og asfalt Kontroll ved mottak av betong Kontroll ved mottak av asfalt Journalføring Mellomlagring Handsaming av motteken betong og asfalt Disponering av betong og asfalt Utslepp til vatn og grunn Utslepp til luft Kjemikal Støy Støymåling Avfall Tiltak for førebygging og beredskap mot akutt forureining Miljørisikoanalyse Førebyggjande tiltak Etablering av beredskap Varsling om akutt forureining Rapportering til Fylkesmannen Utskifting av utstyr Eigarskifte Nedlegging Tilsyn... 9 VEDLEGG Liste over prioriterte miljøgifter, jf. punkt Metaller og metallsambindingar: Organiske sambindingar: Side 2 av 10

9 1. Rammer Løyvet gjeld mottak, mellomlagring og handsaming 2 av følgjande avfall per år: tonn betong tonn asfalt Løyvet gjeld berre reine fraksjonar. Verksemda kan ikkje ta imot betong med innhald av helse- og miljøskadelege stoff over følgjande konsentrasjonar: Stoff Konsentrasjonskrav (mg/kg) Arsen 8 Bly 60 Kadmium 1,5 Kvikksølv 1 Kopar 100 Sink 200 Krom (III) 50 (tot.) Krom (VI) 2 Nikkel 60 7PCB 0,01 16PAH 2 Ved vesentlege endringar skal verksemda søkje om endring av løyvet, sjølv om utsleppa ligg innanfor dei fastsette grensene. 1.1 Utforming av anlegget Fylkesmannen legg til grunn at verksemda innrettar seg i samsvar med gjeldande arealplan og reguleringsføresegner for området. Handtering 3 og lagring av avfall skal skje på område som er fysisk avsperra slik at uvedkommande ikkje kan komme inn på området. Anlegget skal innrettast slik at det ikkje har utslepp til grunn eller vatn som fører til nemneverdige skader eller ulemper for miljøet. Om nødvendig skal det byggast anlegg for handtering av avrenning, jf. punkt Generelle vilkår 2.1 Utsleppsavgrensingar Dei utsleppskomponentar frå verksemda som er forventa å ha størst miljømessig verknad, er uttrykkeleg regulert gjennom spesifikke vilkår i dette løyvet punkt 3. Utslepp som ikkje er uttrykkeleg regulert på denne måten, er omfatta av løyvet så langt opplysningar om slike 2 Handsaming (behandling): prosessar, under dette sortering, som endrar eigenskapane til avfallet med formål å redusere volum, fare, gjere det lettare å handtere eller enklare å gjenvinne, jf. avfallsforskrifta Handtering: fellesnemning for innsamling, mottak, mellomlagring, handsaming og anna disponering av avfall (tilsvarande definisjonen for farleg avfall i avfallsforskrifta 11-3) Side 3 av 10

10 utslepp vart framlagt i samband med sakshandsaminga eller må reknast for å ha vore kjent på annan måte då vedtaket vart gjort. Dette gjeld likevel ikkje utslepp av prioriterte miljøgifter oppført i vedlegg 1. Utslepp av slike komponentar er berre omfatta av løyvet dersom dette går fram uttrykkeleg av vilkåra i punkt 3 eller dei er så små at dei må reknast for å vere utan miljømessig verknad. 2.2 Plikt til å halde grenseverdiar Alle grenseverdiar skal haldast innanfor dei fastsette midlingstidene. Variasjonar i utsleppa innanfor dei fastsette midlingstidene skal ikkje avvike frå det som følgjer av normal drift i ein slik grad at dei kan føre til auka skade eller ulempe for miljøet. 2.3 Plikt til å redusere forureining så langt som mogleg All forureining frå verksemda, under dette utslepp til luft, vatn, støy og avfall, er isolert sett uønskt. Sjølv om utsleppa blir haldne innanfor fastsette utsleppsgrenser, pliktar verksemda å redusere sine utslepp, under dette støy, så langt dette er mogleg utan urimelege kostnadar. 2.4 Plikt til førebyggjande vedlikehald For å halde dei ordinære utsleppa på eit lågast mogleg nivå og for å unngå utilsikta utslepp, skal verksemda sørgje for førebyggjande vedlikehald av utstyr som kan verke inn på utsleppa. System/rutinar for vedlikehald av slikt utstyr skal vere dokumentert, jf. internkontrollforskrifta 5 punkt Tiltak ved auka forureiningsfare Dersom det som følgje av unormale driftstilhøve eller av andre grunnar oppstår fare for auka forureining, pliktar verksemda å setje i verk tiltak som er nødvendige for å eliminere eller redusere den auka forureiningsfaren, under dette om nødvendig, å redusere eller innstille drifta. Verksemda skal så snart som mogleg informere Fylkesmannen om unormale tilhøve som har eller kan få forureiningsmessige følgjer. Akutt forureining skal varslast i samsvar med punkt Internkontroll Verksemda pliktar å etablere internkontroll for verksemda si i samsvar med gjeldande forskrift 5. Internkontrollen skal mellom anna sikre og dokumentere at verksemda held krav i dette løyvet, forureiningslova, produktkontrollova og relevante forskrifter til desse lovene. Verksemda pliktar å halde internkontrollen oppdatert. Verksemda skal alltid ha oversikt over alt som kan føre til forureining, og skal kunne gjere greie for risikoen for forureining. 4 Systematisk helse-, miljø- og tryggleiksarbeid i verksemder (Internkontrollforskrifta) 5 Systematisk helse-, miljø- og tryggleiksarbeid i verksemder (Internkontrollforskrifta) Side 4 av 10

11 2.7 Økonomisk sikkerheit Verksemda skal stille økonomisk sikkerheit for å sikre at motteke avfall blir handtert forsvarleg og handsama vidare dersom verksemda legg ned verksemda si eller på annan måte ikkje er i stand til sjølv å handsame avfallet. Denne sikkerheita skal omfatte alt avfall som til ei kvar tid er lagra hos verksemda. 3. Mottak, mellomlagring og handsaming av betong og asfalt 3.1 Kontroll ved mottak av betong Før mottak skal det dokumenterast at betongen er rein ved framlegging av miljøkartlegging i samsvar med teknisk forskrift til plan- og bygningslova 9.7. Mottakskontrollen skal sikre at innhald av helse- og miljøskadelege stoff ikkje overskrid grenseverdiane i punkt 1 i løyvet og at betongen ikkje inneheld framandelement som til dømes fugemasse, maling og isolasjon. Armering i betong skal fjernast før ombruk. 3.2 Kontroll ved mottak av asfalt All returasfalt skal kontrollerast for å sikre at anlegget berre tek imot asfalt som er fri for tjære. Før mottak av asfalt som er eldre enn 1970 skal det dokumenterast at asfalten ikkje inneheld tjære. 3.3 Journalføring Alt avfall av betong og asfalt som verksemda tek imot ved anlegget skal journalførast. Journalen skal innehalde mengde (vekt), type, dato for mottak og tilvising til dokumentasjon på at avfallet er reint, jf. punkt 3.1 og Mellomlagring Betong og asfalt skal lagrast på ein slik måte at ein har oversikt over lagringstid og mengde på lager. Betong og asfalt kan mellomlagrast i maksimalt 3 år. Avfallet skal lagrast på ein slik måte at det ikkje er skjemmande. 3.5 Handsaming av motteken betong og asfalt Knusing av betong og asfalt skal ikkje føre til urimelege ulemper for omgjevnaden. Knusing skal gå føre seg på kortast mogeleg tid og dette arbeidet kan utførast i til saman maksimalt 14 dagar per år. Når verksemda skal knuse betong og/eller asfalt skal næraste naboar varslast. 3.6 Disponering av betong og asfalt Bruk av motteken betong skal skje i samsvar med Miljødirektoratet sitt faktaark M om disponering av betongavfall. Når forskrift for handtering av betongavfall er vedtatt er det krava i forskrifta som gjeld for disponering av betongavfall. Bruk av motteken asfalt må skje innanfor rammene av forureiningslova, jf. 7 og 32. Side 5 av 10

12 4. Utslepp til vatn og grunn Verksemda skal ikkje ha utslepp til grunn eller vatn som kan føre til nemneverdige skader eller ulemper for miljøet. Avrenning skal om nødvendig handterast. 5. Utslepp til luft Verksemda skal drive slik at støv ikkje fører til nemneverdige skader eller ulemper for naboar og miljø. Verksemda må drive anlegget slik at støv blir avgrensa til eit minimum. Om nødvendig må verksemda setje i verk tiltak. 6. Kjemikal Med kjemikal meiner vi her kjemiske stoff og stoffblandingar som blir brukt i verksemda, både som råstoff i prosess og som hjelpekjemikal, til dømes begroingshindrande middel, vaskemiddel, hydraulikkvæsker og middel for brannbekjemping. For kjemikal som blir brukt på ein slik måte at det kan føre til fare for forureining, skal verksemda dokumentere at ho har gjort ei vurdering av helse- og miljøeigenskapar til kjemikala på bakgrunn av testing eller annan relevant dokumentasjon, jf. også punkt 2.6 om internkontroll. Verksemda pliktar å etablere eit dokumentert system for substitusjon av kjemikal. Verksemda skal gjere ei kontinuerleg vurdering av faren for skadelege effektar på helse og miljø valda av dei kjemikala som blir brukt, og av om alternativ finst. Skadelege effektar knytt til produksjon, bruk og endeleg disponering av produktet, skal vurderast. Der betre alternativ finst, pliktar verksemda å bruke desse så langt dette kan skje utan urimeleg kostnad eller ulempe. 6 Stoff åleine, i stoffblandingar og/eller i produkt, skal ikkje framstillas og seljast, eller bli brukt utan at dei er i samsvar med krava i REACH-regelverket Støy Verksemda sitt bidrag til utandørs støy ved omkringliggjande bustader, sjukehus, pleieinstitusjonar, fritidsbustader, utdanningsinstitusjonar og barnehagar skal ikkje bryte følgjande grenser, målt eller rekna ut som frittfeltsverdi ved mest støyutsette fasade: Kvardagar Laurdagar Sun- og heilagdagar Kveld (kl ), kvardagar Natt (kl ), alle døgn Natt (kl ), alle døgn 55 Lden 50 Lden 45 Lden 50 Levening 45 Lnight 60 LAFmax Lden er A-vekta ekvivalent støynivå for dag/kveld/natt med 10 db/5 db tillegg på natt/kveld. Levening er A-vekta ekvivalent støynivå for kveldsperioden Lnight er A-vekta ekvivalent støynivå for nattperioden LAFmax er A-vekta maksimalnivå for dei 5-10 mest støyande hendingane innanfor perioden, målt/rekna ut med tidskonstant Fast på 125 ms. 6 Jf. produktkontrollova 7 Forskrift om registrering, vurdering, godkjenning og avgrensing av kjemikal (REACH) Side 6 av 10

13 Verksemda skal halde alle støygrenser innanfor alle driftsdøgn. Støygrensene gjeld all støy frå verksemda si ordinære verksemd, inkludert intern transport på verksemdsområdet og lossing/lasting av råvarer og produkt. Støy frå bygg- og anleggsverksemd og frå ordinær persontransport av verksemda sine tilsette er likevel ikkje omfatta av grensene. Støygrensene gjeld ikkje for ny busetnad av type nemnt ovanfor som blir etablert på stader der støybidraget frå verksemda bryt eller er forventa å kunne bryte fastsette grenser i løyvet. 7.1 Støymåling Ved første knusing skal støyen målast ved den mest utsette bygningen. Rapport frå målinga skal sendast Fylkesmannen seinast 1 månad etter at knusinga er avslutta. 8. Avfall Verksemda pliktar så langt det er mogleg utan urimelege kostnadar eller ulemper å unngå at det blir danna avfall som følgje av verksemda. Særleg skal verksemda prøve å avgrense innhaldet av skadelege stoff i avfallet mest mogleg. Verksemda pliktar å sørgje for at all handtering av avfall, under dette farleg avfall, skjer i samsvar med gjeldande reglar for dette fastsett i eller i medhald av forureiningslova, under dette avfallsforskrifta 8. Betong og asfalt inn til anlegget er definert som avfall, jf. forureiningslova 27. Materiale kan opphøyre å vere avfall. Verksemda må vurdere overgang frå avfall til produkt etter forureiningslova 27. EUs reglar for når ulike avfallsstraumar opphøyrer å vere avfall etter ein gjenvinningsoperasjon («end of waste»-kriteria) skal leggjast til grunn i vurderingane. 9. Tiltak for førebygging og beredskap mot akutt forureining 9.1 Miljørisikoanalyse Verksemda skal gjennomføre ein miljørisikoanalyse av verksemda si. Verksemda skal vurdere resultata med tanke på akseptabel miljørisiko. Potensielle kjelder til akutt forureining av vatn, grunn og luft skal kartleggjast. Miljørisikoanalysen skal dokumenterast og skal omfatte alle tilhøve ved verksemda som kan føre til akutt forureining med fare for helseog/eller miljøskadar inne på område til verksemda eller utanfor. Ved modifikasjonar og endra produksjonstilhøve skal miljørisikoanalysen oppdaterast. Verksemda skal ha oversikt over miljøressursar som kan bli råka av akutt forureining og dei helse- og miljømessige konsekvensane slik forureining kan føre til. 9.2 Førebyggjande tiltak På basis av miljørisikoanalysen skal verksemda setje i verk risikoreduserande tiltak. Både sannsynsreduserande og konsekvensreduserande tiltak skal vurderast. Verksemda skal ha ein oppdatert oversikt over dei førebyggjande tiltaka. 8 Forskrift om gjenvinning og handsaming av avfall Side 7 av 10

14 9.3 Etablering av beredskap Verksemda skal, på bakgrunn av miljørisikoanalysen og dei risikoreduserande tiltaka som er sette i verk, om nødvendig, etablere og vedlikehalde ein beredskap mot akutt forureining. Beredskapen skal vere tilpassa den miljørisikoen som verksemda til ei kvar tid representerer. Verksemda skal øve på beredskapen mot akutt forureining minimum ein gong per år. 9.4 Varsling om akutt forureining Akutt forureining eller fare for akutt forureining skal varslast i samsvar med gjeldande forskrift 9. Verksemda skal også så snart som mogleg varsle Fylkesmannen gjennom fmhopostmottak@fylkesmannen.no i slike tilfelle. 10. Rapportering til Fylkesmannen Verksemda skal sende årsrapport for førre år til Fylkesmannen innan 1. mars kvart år. Fylkesmannen kan be om at standard elektronisk skjema blir brukt. Rapporten skal minst innehalde følgjande opplysningar: Oppsummering av betong og asfalt inn og ut av anlegget etter journalen Mengde betong og asfalt på lager 1. januar og 31. desember i rapporteringsåret Status på internkontrollen, inkludert ei vurdering av om krava i løyvet er haldne og om verksemda fører til miljøulemper som etter eiga vurdering bør utbetrast 11.Utskifting av utstyr Viss verksemda skal gjere utskifting av utstyr i verksemda som gjer det teknisk mogleg å motverke forureining på ein vesentleg betre måte enn då løyvet vart gjeve, skal Fylkesmannen på førehand få melding om dette. Ved all utskifting av utstyr skal verksemda nytte dei beste tilgjengelege teknikkane for å motverke forureining. 12.Eigarskifte Viss verksemda blir overdratt til ny eigar, skal verksemda sende melding til Fylkesmannen så snart som mogleg og seinast ein månad etter eigarskiftet. 13.Nedlegging Viss eit anlegg blir nedlagt eller ei verksemd stansar for ein lengre periode, skal eigaren eller brukaren gjere det som til ei kvar tid er nødvendig for å motverke fare for forureining. Viss anlegget eller verksemda kan føre til forureining etter nedlegginga eller driftsstansen, skal verksemda i rimelig tid på førehand gje melding til Fylkesmannen. Fylkesmannen kan fastsetje nærare kva for tiltak som er nødvendig for å motverke forureining. Fylkesmannen kan påleggje eigaren eller brukaren å stille ytterlegare garanti for dekning av framtidige utgifter og mogleg erstatningsansvar. 9 Forskrift om varsling av akutt forureining eller fare for akutt forureining Side 8 av 10

15 Ved nedlegging eller stans skal verksemda sørgje for at råvarer, hjelpestoff, halvfabrikat eller ferdig vare, produksjonsutstyr og avfall blir teke hand om på forsvarleg måte, under dette at farleg avfall blir handtert i samsvar med gjeldande forskrift 10. Dei tiltaka som blir sette i verk i denne samband, skal verksemda rapportere til Fylkesmannen innan 3 månader etter nedlegging eller stans. Rapporten skal også innehalde dokumentasjon av disponeringa av kjemikalrestar og ubrukte kjemikal og namn på eventuell(e) kjøpar(ar). Ved nedlegging av ei verksemd skal den ansvarlege sørgje for at driftsstaden blir sett i miljømessig tilfredsstillande stand igjen. Viss verksemda ønskjer å starte verksemda på nytt, skal verksemda gje melding til Fylkesmannen i god tid før start er planlagt. 14.Tilsyn Verksemda pliktar å la representantar for forureiningsstyresmakta eller dei som har mynde, føre tilsyn med anlegget til ei kvar tid. 10 Avfallsforskrifta kapittel 11 om farleg avfall Side 9 av 10

16 VEDLEGG 1 Liste over prioriterte miljøgifter, jf. punkt 2.1 Utslepp av desse komponentane er berre omfatta av løyvet dersom dette går fram uttrykkeleg av vilkåra i punkt 3 eller dei er så små at dei må reknast for å vere utan miljømessig verknad. Metaller og metallsambindingar: Arsen og arsensambindingar Bly og blysambindingar Kadmium og kadmiumsambindingar Krom og kromsambindingar Kvikksølv og kvikksølvsambindingar Forkortingar As og As-sambindingar Pb og Pb-sambindingar Cd og Cd-sambindingar Cr og Cr-sambindingar Hg og Hg-sambindingar Organiske sambindingar: Bromerte flammehemmarar: Penta-bromdifenyleter (difenyleter, pentabromderivat) Okta-bromdifenyleter (defenyleter, oktabromderivat) Deka-bromdifenyleter (bis(pentabromfenyl)eter) Heksabromcyclododekan Tetrabrombisfenol A (2.2`,6,6`-tetrabromo-4,4`isopropyliden difenol) Klorhaldige organiske sambindingar 1,2-Dikloretan Klorerte dioksin og furan Heksaklorbenzen Kortkjeda klorparafiner C 10 - C 13 (kloralkaner C 10 - C 13 ) Mellomkjeda klorparafiner C 14 - C 17 (kloralkaner C 14 - C 17 ) Klorerte alkylbenzener Pentaklorfenol Polyklorerte bifenyler Tensidane: Ditalg-dimetylammoniumklorid Dimetyldioktadekylammoniumklorid Di(hydrogenert talg)dimetylammoniumklorid Triklorbenzen Tetrakloreten Trikloreten Triklosan (2,4,4'-Trichloro-2'-hydroxydiphenyl eter) Nitromusksambindingar: Muskxylen Alkylfenoler og alkylfenoletoksylater: Nonylfenol og nonylfenoletoksilater Oktylfenol og oktylfenoletoksilater Dodecylfenol m. isomerer 2,4,6tri-tert-butylfenol Polyfluorerte organiske sambindingar (PFCs) Perfluoroktansulfonat (PFOS) og sambindingar som inneheld PFOS Perfluoroktansyre (PFOA) Tinnorganiske sambindingar: Tributyltinn Trifenyltinn Polysykliske aromatiske hydrokarboner Dietylheksylftalat (bis(2-etylheksyl)ftalat) Bisfenol A Dekametylsyklopentasiloksan Vanlige forkortingar Penta-BDE Okta-BDE, octa-bde Deka-BDE, deca-bde HBCDD TBBPA EDC Dioksin, PCDD/PCDF HCB SCCP MCCP KAB PCF, PCP PCB DTDMAC DSDMAC DHTMAC TCB PER TRI NF, NP, NFE, NPE OF, OP, OFE, OPE PFOS, PFOS-relaterte sambindingar TBT TFT, TPT PAH DEHP BPA D5 Side 10 av 10