Modalen. Liten kommune med stor kraft

Transkript

1 Modalen Liten kommune med stor kraft

2 Foto: Margunn Farestveit

3 MODALEN KOMMUNE Modalen kommune Modalen kommune er fjellkommunen med kommunesenteret i fjøresteinane. Modalen er jordbrukskommunen med vegger av granitt og gneis. Modalen er kraftkommunen og IKTkommunen der teknologien skapar moderne arbeidsplassar. Aktivitet finn du i Modalen året rundt anten du søkjer vakre og mektige naturinntrykk eller ynskjer dei gode sosiale og kulturelle opplevingane. Foto: Liv Ekse Dalen er innfallsport til Stølsheimen som opnar for eit aktivt friluftsliv med eit stort nett av turstiar og hytter. Kommunesenteret Mo som ligg ved Mofjorden, er vel verdt ei vitjing. Langs den særmerkte bryggjerekkja med kaipromenade finn du butikk, post, kafé/restaurant, overnatting og aktivitetshuset Bryggjeslottet med basseng, bowling, bibliotek og treningsfasilitetar. Foto: Bjarte Nygard Modalen er perla inst i Osterfjorden ca. 1 time med bil frå Bergen ein liten kommune med stor kraft, som byr på mange og varierte opplevingar. Foto: Liv Ekse

4 Mobryggja Mobryggja er staden for mat- og kunstglede i Modalen ein stad du treff folk over ein kopp kaffi eller kan sitje i fred og nyte utsikten utover Mofjorden over eit godt måltid. Vertskapet Egill og Guđbjørg frå Island har saman skapt ein stad med atmosfære, med høg kvalitet på både mat, overnatting og service. Mobryggja ynskjer både ferie- og konferansegjester velkomne på Mo. Her finst 18 leilegheiter frå m², kvar med eige bad, kjøkkenkrok og TV og med plass til 2 6 personar. 7 av leilegheitene har sjøutsikt. lev livet levande Foto: Roar Christiansen /BT Kontaktinformasjon: Mobryggja AS Mo, 5729 Modalen post@mobryggja.no Tlf. (+47) Foto: Magne Sandnes

5 Mobryggja Foto: Britt Farestveit

6 Fjord Lodge Bed & Breakfast Berre 3 km frå Mo ligg Fjord Lodge vakkert til ved elva på Hugnastad. Huset har lange tradisjonar i dalen og vart opphavleg bygd som skule, men i 2008 kjøpte Janice og familien hennar huset og realiserte draumen om å drive eit pensjonat. Kvart av dei fem flotte familieromma har eige bad og satellitt-tv, og gjestane har tilgang til eit romsleg felleskjøkken og andre fellesområde, blant anna vaskerom og stort uteområde for leik og grilling. Frukostbuffet er inkludert i prisen, og vertskapet tilbyr òg transport internt i dalen. Kontaktinformasjon: Fjord Lodge Bed & Breakfast Hugnastad, 5729 Modalen post@fjordlodge.no Tlf. (+47)

7 Bilete frå Fjord Lodge Foto: Britt Farestveit

8 Stølsheimen I Stølsheimen finn du det mangfaldet som vestlandsnaturen har å by på. Her er bratte lier, frodige stølsdalar og snautt høgfjell. Her er fiskerike vatn, rolege vassdrag og fossar som kastar seg ned fjellsidene. Stølsheimen er eit av dei vakraste utferdsområda vi har på Vestlandet, og eit område med lita trengsle sjølv i høgsesongen. Modalen er ein naturleg startstad for turar inn i området. Turane kan du starte frå Mo sentrum eller ved å fylgje ein av anleggsvegane som fleire stader ber heilt til snaufjells. Desse vegane har gjort dei ni hyttene som er eigd av Bergen Turlag, lettare tilgjengelege for fleire, både sommar og vinter. Det er fleire stader korte dagsetappar mellom hyttene i Stølsheimen, og området eignar seg derfor godt for barnefamiliar. Informasjon: Foto: Einar J. Grieg Kart frå Statens kartverk 1216 nr. I, II, III og IV. Turkart Modalen og Stølsheimen, Modalen kommune Startstader: Mo, Hellandsdalen, Steinsland og Stølsvatn-demninga. For transport: Modalen-Eksingedalen Billag, tlf. (+47) , Aktiv i Modalen, tlf. (+47) eller Fjord Lodge, tlf. (+47) Foto: Torill Refsdal Aase, Bergen Turlag For info om hyttene: Sjå Bergen Turlags nettsider:

9 Solrenningen Foto: Vibeke Thorsen

10 Otterstadstølen Foto: Britt Farestveit

11 Aktiv i Modalen stølsutleige og guida turar Ynskjer du ein aktiv ferie? Ynskjer du å ta med deg heim kultur- og naturkunnskap om staden du vitjar? Aktiv i Modalen tilbyr guida turar til nokre av dei vakraste turmåla i regionen, blant anna Otterstadstølen, Hellandsdalen og Solrenningen. Turen inn til Solrenningen kan òg kombinerast med kajakk. Foto: Magne Sandnes Aktiv i Modalen har i tillegg utleige av syklar og kan gi tips til ruter å følgje. Ynskjer du å overnatte komfortabelt med familie eller vener i eit stølshus, kan du leige eit sel på Otterstadstølen. Og liker du sopp, men aldri heilt vågd å plukke dei, kan du blir med på soppkurs i haustmånadene. Kontaktinformasjon: Aktiv i Modalen Mo, 5729 Modalen Frukost på stølen Foto: Liv-Anne AAnesen tlf. (+47) aktiv.i.modalen@gmail.com

12 Bryggje slottet Aktivitetshuset Bryggjeslottet ligg fint til ved båthamna på Mo og kan skilta med symjebasseng, sauna, bowlingbane, idrettshall, treningsrom og bibliotek. Bryggjeslottet er også staden for ulike arrangement i Modalen, blant anna kino, konsertar og konferansar, med amfiplass til 230 personar. Anlegget opna i juni 2007 og er eit flott tilbod for fastbuande og tilreisande. Bassenget og bowlingbana har faste opningstider og kan elles leigast på timesbasis. Kva med ein fottur i fjellet, nokre lengder i det varme bassenget, ein tur innom saunaen og avrunding av dagen med eit gourmetmåltid på Mobryggja Restaurant! Kontaktinformasjon: Bryggjeslottet Mo, 5729 Modalen Tlf. (+47)

13 Foto: Magne Sandnes Foto: Britt Farestveit Foto: Britt Farestveit Foto: Roar Christiansen /BT Foto: Roar Christiansen /BT

14 Fiske i Modalselva Foto: Einar J. Grieg Foto: Liv-Anne Aanesen Modalselva er ei god sjøaureelv med fisk på opptil 4 5 kilo. Laks kan du og dra i land her. Den anadrome strekninga er på 6 km og ligg mellom Mo og Hellandsfossen. Elva er open for fiske etter sjøaure og laks mellom 15. juli og 30. september. Ho drar nytte av den kraftige tidevatnstraumen, Mostraumen, ein stad der du også trygt kan prøve deg med stanga i overgangen mellom flo og fjøre. Det er også fleire vatn i kommunen som er rike på aure, og fiskekort kan løysast. Informasjon: Foto: Hallgeir Neset Fiskekort elvefiske: Grunneigarar og Fjord Lodge Bed & Breakfast, tlf. (+47) Fiskekort fiske i vatn: Grunneigarar Aktuell informasjon om utviklinga i elva:

15 Coop Modalen Båthavna Mo handelslag har vore knutepunkt i bygda sidan det vart grunnlagd i Butikken på Mo er ein daglegvarehandel av godt gamalt merke: Her får du mjølk og brød, og treng du gummistøvlar, spikrar, fiskestong eller ny glidelås, finn du det òg i hyllene. Butikken har moderne post- og banktenester og drifter bensin- og dieselpumpene i dalen. Tippekupongen kan du òg levere inn her. Handelslaget har ein filial på Øvre-Helland. Opningstider: Måndag fredag kl Laurdag kl Søndag stengt Foto: Britt Farestveit Gjestehamna på Mo har vore kåra til den tredje beste i Hordaland, og hit kjem båtturistar frå både fjern og nær. Hamna har 72 gjesteplassar med god tilgang på straum og sanitæranlegg. Den kvite sandstranda som ligg like ved, er sommardags ein magnet på born i alle aldrar. Her finn du òg bensin, butikk, post, restaurant, aktivitetshus og leikeplassar i nærleiken. Frå påsken til langt ut på hausten er du garantert i godt selskap dersom du legg turen til Mo. Kontakt: Mobryggja AS, tlf. (+47)

16 Turar i Modalen Modalen er ein turkommune rik på godt merka ferdsle- og stølsvegar. Den gamle hovudferdsleåra går frå Nygard heilt søraust i dalføret og ned til Mo, og strekninga mellom Mo sentrum og Farestveit er ein 2 3-timars tur på fin sti. Bleidalsstølen Foto: Margunn Farestveit Langsetter heile den tronge dalen er det stiar som fører til fjells, anten til dei mange stølane, til nabodalføra eller til vår eigen preikestol ute i fjorden, Slottet. Stiane er fleire stader merka med den nye turskiltstandarden som fortel om kor lang og krevjande turen er, og undervegs visar blå merking i landskapet veg. Slottet sett frå sjøsida Foto: Esben Hesjedal Foto: Ole Kristian Johannessen, Bergen Turlag Slottet Den gigantiske klippeblokken midtveis i Mofjorden står der og lokkar folk til seg. Du kan ta deg heilt opp på godt merka sti frå bilvegen og kjenne på suget i magen når du legg deg langflat og kiker over kanten. Det er om lag 200 meter rett ned i fjorden, og utsynet innover mot Mo og vidare utover Osterfjorden er storslått. Informasjon: Turar i Modalen av Kenneth Monsen.

17 Utsikt over Farestveit Foto: Britt Farestveit

18 Verd å sjå Det er mykje å sjå for deg som vitjar Modalen. Her finn du informasjon om kor du finn dei ulike attraksjonane. Atelier Midtun Arbeidsstad og galleri for biletemaker Jarle Midtun i Mo sentrum. Fleksible opningstider, tlf. (+47) Foto: Tom Imsland Gummiluka Unik teknologi som regulerer vassmengda gjennom demninga ovanfor Hellandsfossen. Laksetrappa Under utbygginga av vassdraget vart det bygd ei 34 meter lang laksetrapp ovanfor Hellandsfossen. Dette er blant dei lengste laksetrappane i landet. Foto: Eilif Stene Mostraumen Mostraumen er ein 400 meter lang tidevatnstraum ved innløpet til Mofjorden. På det grunnaste er ho berre 3,5 meter. Ein vakker straum med eit særeige kulturlandskap og gode fisketilhøve. Mo kyrkje i Mo sentrum Mo er ein gamal kyrkjestad med historie tilbake til 1200-talet. Den noverande kyrkja vart bygd i 1883 og har ei fin samling av gamle kyrkjegjenstandar.

19 Astrids Gartneri På Farestveit, ei vakker jordbruksgrend i dalen, finn du gartneriet som har eit godt utval av blomar, både til utplanting og snitt, grønsaker og busker. Astrid dyrkar sine egne roser i drivhusa på garden. Kontakt astrid@astridsgartneri.no Tlf. (+47) Foto: Britt Farestveit Nygard Staden der den store norske diktaren Olav Nygard vaks opp. Den grøne sløyfa Modalen ligg i nedslagsfeltet til reiselivssatsinga Den grøne sløyfa ein destinasjon som omfattar områda i Osterfjord-regionen. Her finn du mange småskala reiselivstilbod innan overnatting, gardsmat, guiding og andre aktivitetsbaserte opplevingar. Foto: Liv Ekse Du kjenner att medlemmene i Den grøne sløyfa på skilta. For meir informasjon, sjå eller spør hos dei Modalen er alle dei som driv med reiseliv, medlemmer av Den grøne sløyfa. Foto: Torill Refsdal Aase, Bergen Turlag

20 Modalsdagane 2009 Foto: Britt Farestveit

21 Det skjer Du kan delta på ei rekkje faste arrangement i Modalen i løpet av året. Modalsdagar Tre sommardagar til ende med marknad, konsertar, utstillingar, god mat, dans og folkeliv i sentrum. Islandske kulturdagar Kunst,kultur og mat frå Island Veteranbåtreff Populært arrangement tidleg på hausten med vitjing av Bruvik, Oster og andre veteranbåtar og -bilar. Dalastemna Familiegudsteneste på fjellovergangen mellom Flatekval og Farestveit. Foto: Torill Refsdal Aase, Bergen Turlag Barna sin dag Mykje moro for dei minste og dei som er litt større. Motbakkeløp - Nedstavatnet opp Løp tidleg på hausten som passer for både dei tøffaste og for born frå skulealder. 250 høgdemeter opp til toppen av Kvernhusfossen. Foto: Britt Farestveit

22 MODALEN KOMMUNE Modalen Kommune Kommuneadministrasjonen Pb Modalen Telefon: Faks: Kommunenr.: 1252 Opningstid: Foto framsida : Margunn Farestveit Foto baksida: Liv Ekse