NiN-Prosjektinnmelding brukarrettleiing Versjon

Transkript

1 VEILEDER M NiN-Prosjektinnmelding brukarrettleiing Versjon

2 KOLOFON Utførende institusjon Miljødirektoratet Kontaktperson i Miljødirektoratet Pål Theodorsen, Ellen Arneberg M-nummer År Sidetall XX Utgiver Miljødirektoratet Forfatter(e) Pål Theodorsen Tittel norsk og engelsk NiN-Prosjektinnmelding brukarrettleiing Sammendrag summary Applikasjonen NiN-Prosjektinnmelding er utvikla med tanke på å avgrense areal som skal kartleggast ved bruk av NiNapp. Eit kartleggingsprosjekt får status som utkast ved oppretting. Når all naudsynt informasjon er lagt til, kan prosjektet bestillast i NiN-Prosjektinnmelding. Prosjektet vil deretter vere tilgjengeleg i kartleggingsverktøya og i kontrollapplikasjonen NiN-Admin. 4 emneord 4 subject words Naturtypekartlegging, NINapp, NiN- Prosjektinnmelding [4 subject words] Forsidefoto Skjermdump frå NiN-Prosjektinnmelding, viser eit kartleggingsprosjekt som er bestilt i applikasjonen. 1

3 Innhald 1. Innleiing Om NiNapp Om NiN-Prosjektinnmelding Tilgang og innlogging Oversikt over NiN-Prosjektinnmelding Opprette og redigere prosjekt med status "Utkast" Krav til prosjektgeometri Opprette prosjektavgrensing Opprette geometri ved hjelp av filimport Opprette geometri ved å digitalisere i applikasjonen Splitte prosjekt Fylle inn eigenskapar på prosjektet Redigere prosjekt Tilgang til å redigere Finne fram til prosjekt som du vil redigere Redigere geometri og eigenskapar og leggje til brukarar Kopiere eigenskapar frå eitt prosjekt til fleire Eksporter prosjekt Slett prosjekt Bestille prosjekt Melde inn forslag

4 1. Innleiing 1.1 Om NiNapp NiNapp er namnet på den dataflyten Miljødirektoratet har bygd opp med tanke på naturtypekartlegging som bygger på Natur i Norge (NiN). NiNapp kan kort skildrast slik: 1. Miljødirektoratet set opp kartleggingsprogram i NiN-Admin. 2. Instansar som treng kartlegging avgrensar og bestiller kartleggingsprosjekt i NiN- Prosjektinnmelding. 3. Bestilte prosjekt blir kartlagt ved bruk av NiNapp (IOS), Arter (IOS) og NiN-Web. 4. Etter at kartlegging er fullført, sender kartleggjar data til godkjenning via NiN-Web. 5. Registreringar av artar skal eksporterast frå Arter (IOS) og leverast til Artsdatabanken. Om firmaet har eigen dataflyt (GBIF-node) kan data leverast via denne. 6. Bestiller av kartlegging godkjenner data i NiN-Admin. 7. Miljødirektoratet publiserer godkjente data og utvekslar data med Artsdatabanken. 3

5 1.2 Om NiN-Prosjektinnmelding Applikasjonen NiN-Prosjektinnmelding er utvikla med tanke på å avgrense areal som skal kartleggjast ved bruk av NiNapp. Eit kartleggingsprosjekt får status som "Utkast" når du opprettar det. Når all naudsynt informasjon er lagt til, kan prosjektet bestillast i applikasjonen. Prosjektet vil deretter vere tilgjengeleg i kartleggingsverktøya og i kontrollapplikasjonen NiN-Admin. I NiN-Prosjektinnmelding har prosjektet status "Bestilt". Arbeidsflyten i Prosjektinnmelding er slik: 1. Du må du oppfylle krava Miljødirektoratet har sett til dei som ønskjer å bestille kartlegging. 2. Skaff deg tilgang ved å kontakte Miljødirektoratet (ninkartlegging@miljodir.no). 3. Gå til og opne Prosjektinnmelding herfrå. 4. Etabler prosjektet som utkast ved å teikne opp det området som skal kartleggjast. Gi prosjektet eit kort og beskrivande geografisk namn. 5. Fyll inn eigenskapar for prosjektet, inklusive brukarar. Kartleggar skal kartlegge og sende data til godkjenning. Kontrollør skal kontrollere og godkjenne data. 6. Når prosjektet er komplett registrert, kan du bestille det ved å endre status frå Utkast til Bestilt. Dette låser prosjektet for vidare redigering, men det er framleis mogleg å leggje til brukarar. 7. Etter at prosjektet er bestilt, vil ein kartpakke for nedlasting og offline bruk bli klargjort automatisk. Når kartpakken er ferdig, vil prosjektet vere synleg og redigerbart i kartleggingsverktøya. Dette vil skje om lag ein time etter at prosjektet er bestilt i applikasjonen. Fylkesmennene har ein årleg dialog med Miljødirektoratet knytt til fleire kartleggingsprogram. NiN-Prosjektinnmelding vil støtte denne dialogen gjennom ein eigen status, kalla "Innmeldt forslag". Dette er forslag til kartleggingsprosjekt som Miljødirektoratet handsamar vidare og bestiller i applikasjonen. Handsaminga i direktoratet vil inkludere open utlysing, utlysing innanfor rammeavtale eller andre former for konkurranse om eit oppdrag. Eit prosjekt er ikkje knytt til den brukaren som opprettar prosjektet. Alle andre brukarar av NiN-Prosjektinnmelding frå same etat 1 som denne brukaren kan redigere dette prosjektet. Prosjekta kan seiast å vere etaten sin "eigedom", og dette gjev fleksibilitet med omsyn til handtering av prosjekta internt i etaten. Organisering av arbeidet blir etaten sitt ansvar. 1 "Etat" er i denne samanhengen eit samleomgrep for organisasjon/institusjon/firma som ein brukar høyrer til. 4

6 2. Tilgang og innlogging For å kunne bruke NiN-Prosjektinnmelding, må du må du oppfylle krava Miljødirektoratet har sett til dei som ønskjer å bestille kartlegging og få tilgang til applikasjonen. Bestillar er ansvarlig for at kartlegginga blir utført etter Miljødirektoratets instruks for kartlegging av naturtypar. Du har også ansvaret for å sikre at krav til kompetanse for kartleggarar blir følgt for å kvalitetssikre og godkjenne data frå kartlegginga stå som oppdragsgivar ved publisering av data frå kartlegginga. Skriv e-post til og be om tilgang. Miljødirektoratet nyttar ein plattform kalla Naturbase-Identity for å kontrollere at ein brukar har den riktige tilgangen ved innlogging i applikasjonane i NiNapp. Er du ny brukar, vil du få ein e-post med brukarnamn og passord. På kan du finne lenke til funksjonalitet for å endre passord. Når du opnar NiN-Prosjektinnmelding, kjem du først til innlogging. Skriv inn brukarnamn og passord, og du blir ført over til applikasjonen. Har du applikasjonen oppe i nettlesaren utan å bruke han, kan du få melding om at du må logge inn att. 5

7 Bruk tilbakeknappen i nettlesaren for å kome til innlogging. Applikasjonen kan miste kontakten med webtenestene som han bruker for å gjere jobben. Da kan du få ei feilmelding som denne. Følg instruksjonen i feilmeldinga, og du vil vere på lufta att. 6

8 3. Oversikt over NiN- Prosjektinnmelding Verktøyknappar Søk og filtrering Bakgrunnskart og kartlag Liste over prosjekt oppretta av din etat NiN-Prosjektinnmelding er bygd opp med eit panel til venstre og ei kartramme. I panelet ligg verktøyknappar for å gjere ulike operasjonar med data i applikasjonen. Vidare finn du søk og filtrering, som kan hjelpe deg med å finne fram det prosjektet du vil arbeide med. Den dominerande delen av panelet er ei liste over dei prosjekta som er oppretta av din organisasjon. I kartet finn du alle prosjekt som er oppretta. Du kan sjå på alle prosjekt og mellom anna finne ut kven som eigar et prosjekt. Dette kan vere praktisk i fall du er i ferd med å leggje ditt prosjekt i overlapp med eit prosjekt som ein annan organisasjon har bestilt, og du ønskjer å finne ut om det er mogleg å samordne seg med den andre. Applikasjonen har nokre kartlag som kan vere nyttige som støtte i arbeidet: Naturvernområde Naturtypar DN-handbok 13 Naturtypar - NiN Kartlagde område t.o.m SSB-ruter (500x500) Nedbørfelt Eigedomsgrenser Arealressurs (AR5) Innspel til kartleggingsruter

9 4. Opprette og redigere prosjekt med status "Utkast" 4.1 Krav til prosjektgeometri Av tekniske omsyn er det naudsynt å ha strenge krav til geometrien for prosjekt. Dette er basert på røynsler med ulike variantar av geometrikrav som har vore prøvd ut dei seinaste åra. Følgjande krav gjeld: 1. Prosjektgeometrien kan ikkje vere større enn 7000 haa, som samsvarer med 70 km2. Vi har sett at større areal enn dette har skapt problem i kartleggingsverktøya tidlegare. Om det viser seg å vere teknisk forsvarleg å auke arealet som kan avgrensast, vil vi gjere dette. 2. Prosjektgeometrien kan ikkje vere multipolygon. Det må vere berre ei flate. 3. Prosjektgeometrien kan ikkje ha hol inne i polygonen. Flata må vere heil. 4. Geometrifeil som sjølvkryssing og liknande er ikkje lov og vil gje feilmelding. Brot med krav 1-3 vil gje denne feilmeldinga: Brot med krav 4 vil gje denne feilmeldinga: Feilmeldinga kan også kome ved teknisk feil av eit eller anna slag. 4.2 Opprette prosjektavgrensing Før noko anna kan gjerast med eit prosjekt, må prosjektet ha ein geometri og eit namn. Du kan etablere ny geometri ved å importere ei fil i shapeformat, eller du kan teikne opp prosjektet direkte i applikasjonen. Når du opnar applikasjonen, kan du bruke verktøy for å lage ny geometri. 8

10 4.2.1 Opprette geometri ved hjelp av filimport Klikk på knappen "Importér", og du får opp funksjonaliteten for å importere vektordata. Fila kan gjerne innehalde fleire prosjekt. Merk vilkåra i hjelpeteksten. Om du ikkje har attributtet "Navn" i fila, vil applikasjonen etablere eit førebels namn på prosjektet eller prosjekta. Etter at du har klikka på "Last opp shapefil", vil applikasjonen laste inn prosjekta og eventuelle namn. Applikasjonen varslar om kor mange objekt som blei importert. Objekt som ikkje blir importert, vil vere for store og/eller ha geometrifeil som ikkje blir godtatt Opprette geometri ved å digitalisere i applikasjonen Klikk på knappen "Opprett". Du får velje mellom to ulike metodar; "Tegn" eller "Plukk". "Tegn" gir høve til å teikne i kartet, medan "Plukk" gir høve til å velje objekt frå eit kartlag. 9

11 Vel du å teikne i kartet, digitaliserer du prosjektet direkte. Du kan angre det seinaste du gjorde, og du kan avbryte prosessen. Du avsluttar teikninga med dobbeltklikk, og prosjektet er dermed oppretta. Applikasjonen zoomar inn på prosjektet, og du får opp skjema for å fylle inn eigenskapar i panelet til venstre. Merk at prosjektet automatisk har fått eit førebels namn. For å halde orden i prosjekta, vil det vere lurt å gje prosjektet eit korrekt namn med ein gong. Bruk eit kort stadnamn. Du kan fylle inn eigenskapar, og du kan arbeide vidare med prosjektavgrensinga ved å teikne meir areal, klippe bort areal eller splitte prosjektet i to. Du kjem tilbake til prosjektlista ved å klikke i "Registrerte prosjekt". 10

12 Vel du å plukke objekt frå eit kartlag, klikkar du på knappen "Plukk". Du kan velje blant fire kartlag, og du må velje eitt i gangen. Start med å velje eit kartlag du vil plukke frå. Kartlaget blir da aktivert for dette, og du får tilgang til verktøy for å utføre plukkinga. Du kan plukke eitt og eitt objekt frå kartlaget du har valt, eller du kan teikne ein figur som tar med seg alle objekt figuren dekkjer. Ein føresetnad er at objekta heng saman og at dei ikkje dannar multipolygon eller gliper mellom objekt. Du kan bruke "Plukk" til å leggje til objekt, men også fjerne objekt. Når du startar, er berre "Legg til" tilgjengeleg. Så snart prosjektet har ein geometri, kan du også fjerne objekt. Alle desse knappane held seg aktive heilt til du skifter knapp eller går ut av denne funksjonaliteten. Hugs å følgje med på kva for knappar som er aktive. Geometrikontrollen i NiN-Prosjektinnmelding er streng, og du kan få feilmelding sjølv om alt ser bra ut. Nokre kartlag, til dømes AR5, har også såpass kompleks geometri at det kan vere vanskeleg å sjå kva som forårsakar feilmeldinga. Ein veg ut av dette kan vere å teikne først og deretter bruke plukk til å fylle ut med geometri frå kartlaget. Da får du med deg fleire objekt samstundes, og du får ikkje feilmelding om det skulle vere noko rusk i grenselinjer mellom objekt Splitte prosjekt Dersom arealet du ønskjer å få kartlagt er større enn 70 km2, får du ikkje digitalisert dette som eitt prosjekt. Andre grunnar til å dele opp eit prosjekt kan også tenkjast, til dømes at kartleggarane vil organisere arbeidet i to lag som tar kvar sin del av området. 11

13 Du kan splitte eit prosjekt ved å aktivere Splitt i verktøymenyen. Trekk splittlinja gjennom prosjektet. I dette tilfellet vil både elva og vegen vere godt eigna som grenselinje. Finn du ikkje gode delingslinjer av denne typen, må du vurdere terrenget og tenkje over kvar det er naturleg å trekke splittlinja. Her er grensa trekt omtrentleg langs elva. 12

14 Når du fullfører splittlinja ved å dobbeltklikke, får du velje kva for objekt du går vidare med. Avhengig av kor presist grensa skal trekkast, kan du finjustere i større målestokk ved å legge til og klippe bort areal. Denne versjonen av NiN-Prosjektinnmelding har ikkje automatisert handtering av overlapp mellom prosjekt, så du må justere begge objekta. Legg du til areal til det eine, må du fjerne areal frå det andre for å unngå overlapp. Biletet nedanfor viser ei lita sone med overlapp som er oppstått ved at areal er lagt til det eine prosjektet, utan at arealet er klipt bort frå det andre. Slike små overlapp mellom prosjekt er ikkje eit teknisk problem og bør heller ikkje vere eit praktisk problem. Når elva er brukt som skiljelinje mellom ulike grupper av kartleggarar, vil dei to kartleggargruppene bruke kvar sine prosjekt i kartlegginga. 13

15 4.3 Fylle inn eigenskapar på prosjektet Eit prosjekt blir alltid etablert med status "Utkast". For å kunne endre status på prosjektet, må fleire eigenskapar registrerast. Tabellen nedanfor gjev oversyn over eigenskapar og når dei er obligatoriske. Dette kjem fram i applikasjonen også. Eigenskap Endre til Innmeldt forslag Endre til Bestilt Prosjektbeskrivelse Obligatorisk Obligatorisk Kontaktperson Oppdragsgiver Firma Obligatorisk Obligatorisk Obligatorisk Program Obligatorisk Obligatorisk Formål Obligatorisk Obligatorisk Brukere Obligatorisk Feltet "Oppdragsgiver" er ein kombinasjon av kodeliste og tekstfelt. Om du ikkje finn den aktuelle oppdragsgjevaren i kodelista, kan du skrive inn namn på etat/firma. Dette oppdaterer kodelista. 4.4 Redigere prosjekt Tilgang til å redigere Statusen og eigarskapet til eit prosjekt avgjer om det kan redigerast, av kven, og kva som kan redigerast. Du kan redigere alt på eit prosjekt med status "Utkast" når prosjektet er oppretta av deg eller ein annan brukar frå din etat/organisasjon. Du kan leggje til nye brukarar (kartleggar/kontrollør) på eit prosjekt med status "Bestilt" når prosjektet er bestilt av deg eller ein annan brukar frå din etat/organisasjon. Ingen andre endringar er tillatne. Prosjekt med status "Innmeldt forslag" kan berre redigerast av brukarar frå Miljødirektoratet. Ønskjer du å redigere eit prosjekt som er meldt inn som forslag, må du kontakte Miljødirektoratet og be om at prosjektet blir sett tilbake til status "Utkast" Finne fram til prosjekt som du vil redigere I NiN-Prosjektinnmelding kan du filtrere på utvalde eigenskapar og på statusen til prosjekt. Du kan skrive inn tekst i søkefeltet, og du får treff for kvar bokstav du skriv. I eksemplet nedanfor har du skrive "kon", og du har fått treff på to prosjekt med føremålet "Konsekvensutredning" og eitt prosjekt med "kon" i prosjektnamnet. 14

16 Du kan kombinere tekst i søkefeltet med å filtrere på status og avgrense trefflista ytterlegare. Søkefeltet brukar desse eigenskapane til å generere treff: Prosjektnamn. Merk at prosjektnamnet inneheld både ein unik ID, eit stadnamn og ein referanse til kartleggingsprogrammet. Føremål Oppdragsgjevar Firma Opplegget du har valt for filtrering held seg på plass heilt til du slettar det. Klikk i det grøne krysset eller slett manuelt Redigere geometri og eigenskapar og leggje til brukarar Du opnar eit prosjekt for redigering ved å klikke i prosjektnamnet i trefflista. Alle geometriverktøya er tilgjengelege, og du kan redigere eigenskapar i venstrepanelet. Du kjem tilbake til trefflista ved å klikke i "Registrerte prosjekt". Eit prosjekt må ha minst ein kartleggar og minst ein kontrollør før det kan bestillast. Du kan leggje til brukarar ved å klikke på "Brukere". Brukarar kan både leggjast til og fjernast så lenge prosjektet har status "Utkast". Etter at prosjektet er bestilt, kan du berre leggje til nye. 15

17 Første gangen du skal velje brukarar, vil det gjerne vere fleire frå det firmaet som skal utføre kartlegginga. Det enklaste vil da vere å søke med firmanamn. Trefflista kjem alfabetisk etter fornamn. Du kan velje fleire brukarar i ein operasjon ved å halde inne Ctrl-tasten og klikke på dei namna du skal ha med. Dersom prosjektet allereie er bestilt og er ute i kartleggingsverktøya, vil det som regel vere tale om å leggje til ein eller to nye brukarar på prosjektet. Da kan søk etter namn vere det mest effektive. 16

18 Du legg til kontrollørar på prosjektet på same viset. Kontrollørar vil gjerne kome frå den etaten som har bestilt prosjektet, men kontrollørar kan også vere prosjektleiarar i kartleggingsfirma eller oppdragsansvarlege i ei konsekvensutgreiing. Brukaren som opprettar prosjektet blir automatisk sett som kontrollør av systemet, men dette kan endrast. Uansett kven som gjer den faktiske bestillinga og kven som er kontrollør, er oppdragsgjevaren ansvarleg for at prosjektet blir kartlagt etter instruksen og at data blir godkjent for publisering når kartlegginga er utført. 4.5 Kopiere eigenskapar frå eitt prosjekt til fleire Har du fleire prosjekt som skal kartleggast av dei same kartleggarane, kan du gjere ferdig eitt av dei og kopiere eigenskapane til dei andre prosjekta. Alt av eigenskapar blir kopiert til dei andre prosjekta, same om det allereie er registrert noko der. Prosjektnamn og geometri blir ikkje påverka av dette. 17

19 Huk av for det prosjektet som skal kopierast til andre prosjekt og klikk "Kopiér". Du får høve til å krysse av for dei prosjekta du vil kopiere eigenskapar til. Huk av dei aktuelle prosjekta og klikk "Overfør". Denne knappen blir aktiv når du har valt eitt prosjekt i lista. Legg merke til at prosjektet som blir kopiert til dei andre er ført opp, slik at du kan kontrollere at du har valt riktig prosjekt som utgangspunkt. Blir du usikker, avbryt og start på nytt. 18

20 Du får stadfesta at kopieringa gjekk bra. 4.6 Eksporter prosjekt Denne funksjonaliteten er ikkje utvikla enno, men han skal gje deg høve til å eksportere eitt eller fleire prosjekt til filgeodatabase og tabellformat (eigenskapar). Eksporterte data vil mellom anna kunne brukast som grunnlag i konkurranse om kartleggingsoppdrag og som grunnlag for å kontrollere at alle eigenskapar er riktig på plass før du endrar status frå "Utkast" til "Bestilt". 4.7 Slett prosjekt Du kan slette eitt eller fleire prosjektutkast ved å huke av i boksen til venstre for prosjektnamnet og klikke "Slett". Du må stadfeste at du vil slette prosjektutkastet. 19

21 5. Bestille prosjekt Når du bestiller eit prosjekt, skjer følgjande: Prosjektet blir låst for vidare redigering og kan heller ikkje slettast. Du kan berre leggje til nye kartleggarar og kontrollørar. Prosjektet vil visast i NiN-Admin med ein gang. Detaljerte kartpakkar for nedlasting til ipad blir laga. Desse blir brukt som bakgrunnskart i offline modus i NiNapp. Prosjektet vil finnast i NiNapp etter om lag ein time og vil kunne veljast av kartleggarar på prosjektet. Du startar bestilling ved å velje prosjektet. Så klikkar du i "Endre status" og klikkar "Bestill". For mange brukarar vil dette vere det einaste ein kan velje her. 20

22 Applikasjonen kontrollerer at eigenskapar er utfylte. Applikasjonen stadfestar at bestillinga gjekk bra. Prosjektet har endra status og farge i kartet. 21

23 6. Melde inn forslag Som tidlegare nemnt, er dette eit element i arbeidet med å organisere kartlegging i regi av Miljødirektoratet. Fylkesmennene skal bruke NiN-Prosjektinnmelding til å melde inn forslag til kartleggingsprosjekt, både basiskartlegging i naturvernområde og naturtypekartlegging etter direktoratet sin instruks. Alle Naturbasebrukarar hos Fylkesmannen har tilgang til denne funksjonaliteten. Arbeidsflyten er som elles i applikasjonen, ved at du opprettar eit utkast og arbeider med dette til du er ferdig. Nokre eigenskapar er obligatoriske, sjå Fylle inn eigenskapar på prosjektet. Når du er ferdig med utkastet, hukar du av for prosjektet du vil melde inn og endrar status. Brukarar som berre kan melde inn forslag vil ikkje sjå "Bestill" og "Utkast". "Meld inn" vil vere det einaste som er mogleg å velje. Innmeldte forslag blir overtatt av Miljødirektoratet, som fullfører og bestiller. Rutinar og reglar for dette blir utvikla og formidla i samband med dialogen mellom fylkesmannen og aktuell seksjon i direktoratet. 22

24 Miljødirektoratet Telefon: 03400/ Faks: E-post: Nett: Post: Postboks 5672 Sluppen, 7485 Trondheim Besøksadresse Trondheim: Brattørkaia 15, 7010 Trondheim Besøksadresse Oslo: Grensesvingen 7, 0661 Oslo Miljødirektoratet jobber for eit rent og rikt miljø. Våre hovedoppgaver er å redusere klimagassutslipp, forvalte norsk natur og hindre forurensning. Vi er eit statlig forvaltningsorgan underlagt Klimaog miljødepartementet og har mer enn 700 ansatte ved våre to kontorer i Trondheim og Oslo, og ved Statens naturoppsyn (SNO) sine mer enn 60 lokalkontor. Vi gjennomfører og gir råd om utvikling av klimaog miljøpolitikken. Vi er faglig uavhengig. Det innebærer at vi opptrer selvstendig i enkeltsaker vi avgjør, når vi formidler kunnskap eller gir råd. Samtidig er vi underlagt politisk styring. Våre viktigste funksjoner er at vi skaffer og formidler miljøinformasjon, utøver og iverksetter forvaltningsmyndighet, styrer og veileder regionalt og kommunalt nivå, gir faglige råd og deltar i internasjonalt miljøarbeid.