Franzefoss Gjenvinning - løyve til mottak og mellomlagring av farleg avfall på Fjord Base

Transkript

1 Sakshandsamar: Grete Haugan Vår dato Vår referanse Telefon: / E-post: Dykkar dato Dykkar referanse Franzefoss Gjenvinning AS Olav Ingstadsvei Rud Franzefoss Gjenvinning - løyve til mottak og mellomlagring av farleg avfall på Fjord Base Fylkesmannen gir Franzefoss Gjenvinning løyve etter ureiningslova til mellomlagring og handtering av visse typar farleg avfall på Fjordbase. Løyvet med tilhøyrande vilkår vert send saman med dette brevet. Dokumenta må sjåast i samanheng. Dette dokumentet gir bakgrunn for saka, grunngjeving for vedtak og nærare tolkingsgrunnlag for dei juridiske vilkåra i løyvedokumentet. Verksemda skal betale eit gebyr på kr ,-. Vi viser til brev frå Franzefoss Gjenvinning datert med søknad om løyve etter ureiningslova til lagring av farleg avfall på tank på Fjordbase. Det vert og søkt om løyve til mellomlagring av lastebærarar med oljehaldig kaks og mud før vidare transport. Når vurdering av søknad endar som her - med utsleppsløyve til aktivitet, vert vedtaket send ut som to skriv: Dette oversendingsbrevet og løyvedokumentet. Oversendingsbrevet omtalar bakgrunn for saka og søknadsprosessen. Det gir nærare grunngjeving for vedtaket og enkelte vilkår, og må nyttast som tolking av nærare krav i enkelte av vilkåra. I vedlagte skriv (løyvedokumentet) gir Fylkesmannen utsleppskonsesjon (utsleppsløyve) på omtalt stad og for nærare avgrensa aktivitet. Merk at både vilkår og vedlegg til løyvedokumenet er ein del av dei juridiske krava til verksemda. Verksemda må leggje dokumenta til grunn for all dagleg drift som kan omfatta ytre miljø, og som viktig føring for utarbeiding og oppfølging av internkontroll. Saksframstilling Franzefoss Gjenvinning er ei etablert verksemd som driv med avfallshandtering. Franzefoss Gjenvinning ønskjer større fleksibilitet og utvida tankkapasitet langs kysten og har difor vore i kontakt med Swire Oilfield Services AS for å leige tankar i tankpark på Fjordbase. Tankanlegget har tidlegare vore brukt til lagring av kjemikaliar. Franzefoss Gjenvinning ønskjer også å leige areal på basen for mellomlagring av lastebærarar før vidare transport til behandlingsanlegg. Telefon Organisasjonsnummer N Nettstad fylkesmannen.no/sfj E-post fmsfpost@fylkesmannen.no Besøksadresse Hovudkontor: Njøsavegen 2, 6863 Leikanger Landbruksavdelinga: Fjellvegen 11, 6800 Førde Postadresse Hovudkontor: Njøsavegen, Leikanger Landbruksavdelinga: Postboks 14, 6801 Førde

2 FYLKESMANNEN I SOGN OG FJORDANE 2/6 Førehandsvarsling og offentleg høyring Søknaden har vore kunngjort i avisene Firda og Firda Tidende. Flora kommune, Fjordbase og Swire Oilfield Services AS er orientert via eige brev. Søknaden har vore lagt ut til offentleg gjennomsyn hos Flora kommune og hos Fylkesmannen i perioden , jf i ureiningsforskrifta. Det har ikkje kome høyringsuttaler i saka. Produksjonsforhold Franzefoss Gjenvinning AS ønskjer å ta imot fleire typar farleg avfall (sjå vedlegg 3) ved anlegget på Fjordbase. Eksisterande tankanlegg vil bli utvida med nokre nye tankar, slik at samla tankkapasitet vert auka. Det nye tankanlegget vil bestå av 5-6 tankar med inntil 1000 m3 samla volum. Største tank i dag er på 200 m3, men det kan bli aktuelt med to nye tankar på 250 m3. Tankane står i ringmur/oppsamlingsbasseng med ein kapasitet på omlag 580 m3. Ved drenering av overvatn/regnvatn frå oppsamlingsbassenget går dette via oljeutskiljar. Det skal ikkje være noko form for behandling av avfallet på tankane. Gravimetrisk separasjon vil kunne splitte vatn og oljefraksjonar noko under lagring før vidare transport til godkjent nedstraumsløysing og behandlingsanlegg. Behandling blir fortrinnsvis ved Franzefoss sine eigne behandlingsanlegg på Husøya eller på Sotra. Desse har løyve frå Miljødirektoratet til behandling av farleg avfall. Flytande avfallsfraksjonar vert henta med båt eller tankbil. Franzefoss Gjenvinning AS får og løyve til mottak av lastebærarar med oljehaldig kaks og mud. Desse skal mellomlagrast på eige område på basen før vidare transport. Arealet har tett dekke. Miljøpåverknad frå aktivitetane Aktiviteten skal etablerast ved ei utviding av ein eksisterande tankpark, og på ein etablert base med oljerelatert aktivitet. Tankparken har ringmur/oppsamlingsbasseng for oppsamling ved uhell, og det er etablert overfyllingsvarsel på tankane. Det farlege avfallet skal ikkje gjennomgå noko form for behandling ved anlegget, og det skal ikkje vere ordinære utslepp til luft eller vatn. Det er difor ikkje grunn til å tru at endringa frå lagring av kjemikaliar til lagring av farleg avfall vil føre til auka påverknad på miljøet. Fylkesmannen sine vurderingar og grunngjeving for fastsette vilkår Forsvarleg handtering av farleg avfall er ein nødvendig aktivitet for samfunnet. Tiltaket vil også gi arbeidsplassar, og vil ha positive ringverknader for andre leverandørar av varer og tenester. Fylkesmannen har ved avgjerda av om løyve skal gjevast og ved fastsetjinga av vilkåra lagt vekt på dei ureiningsmessige ulemper ved tiltaket samanhalde med dei fordelane og ulempene som tiltaket elles vil føre med seg, jf. ureiningslova 11 og 16. Ved fastsetjinga av vilkåra har Fylkesmannen vidare lagt til grunn kva ein kan nå med beste tilgjengelege teknikkar. Løyvet omfattar visse typar farleg avfall frå oljerelatert industri under føresetnad av at dette kan handterast i samsvar med vilkåra i løyvet. Ramme for aktiviteten er gitt i vilkår 1. Med

3 FYLKESMANNEN I SOGN OG FJORDANE 3/6 vesentlege endringar er meint endringar over om lag 10%, men også mindre, vedvarande mengd over ramma kan utløyse behov for endring av løyvet. Vilkår for løyvet Krav til internkontroll går fram av eige forskrift og plikta er presisert i vilkåra. Kravet føreset ein rad tiltak. Behovet for skriftleg dokumentasjon og oppfølging vil vere tydlegare for verksemda etter risikokartlegging av aktivitetar som kan ha følgjer for det ytre miljøet. Risikovurdering, eigne mål, handlingsplanar og skriftlege rutinar er sentrale dokument for HMS-styresmaktene sine tilsyn med verksemda. Løyvet inneheld fleire særskilde krav til informasjon. Generelt skal verksemda informere tilsynsstyresmakta om drift med vidare, men skal også informere ålmenta årleg om miljøpåverknadar. Det er sett krav til kompetanse om handtering av farleg avfall. Med tilknytt kjemikompetanse som omtalt i vilkår 3.1 meiner vi ikkje at verksemda må ha tilsett person på staden, men verksemda må kunne vise til avtale med firma / person med formell kompetanse om farlege eigenskapar ved avfall og korleis dette må handterast på lovleg måte. Det er i løyvet lagt til grunn at verksemda ikkje skal ha utslepp til vatn som kan føre til skade eller ulempe for miljøet. Drifta ved anlegget kan føre til støy. Støygrenser er utforma på same måte som i den statlege støyretningslina T Merk likevel av ekvivalenttida (som er tidsrommet støyutsleppa skal midlast over - sjå omtale av støy i løyvedokumentet) her skal reknast for døgnet med høgast støyutslepp og ikkje over året. Verksemda må avgjere kva dei meiner er akseptabel miljørisiko frå si aktivitet. Fylkesmannen kan overprøve verksemda si vurdering og presisere/stille nærare krav til tiltak. På bakgrunn av analyse av miljørisikoane og risikoreduserande tiltak, må verksemda etablere beredskap mot akutt ureining. Vilkår 7 omtalar nærare kva beredskapen skal handle om. Beredskap må øvast jamleg, og bør ikkje skje sjeldnare enn ein gong per år. Vi gjer spesielt merksam på at mange krav går direkte fram av lov/forskrift og er ikkje gjentekne i det vedlagte løyve. Når enkelte lovkrav er spesielt nemnde, har vi meint å informere verksemda og ålmenta om spesielt viktige krav, og i nokre høve presisere og tilpasse generelle reglar til verksemda. Ved tvil om tolking gjeld likevel krav i lovverket over vedtak i løyvet, dersom lovteksten ikkje gir styresmakta heimel til særskild unntak eller skjerping. Nettstaden gir oversikt over dei viktigaste ureinings- og avfallshandteringskrav til ei lang rad verksemder i Norge. Risikoklasse Franzefoss Gjenvinning sitt tankanlegg på Fjordbase er plassert i risikoklasse 3.

4 FYLKESMANNEN I SOGN OG FJORDANE 4/6 Ved fastsetting av risikoklasse for ei bedrift skal det takast omsyn både til faktiske utslepp og til potensialet for utslepp ved uhell og liknande. Risikoklassen vert fastsett ved behandling av utsleppssøknaden og vert oppgitt i utsleppsløyvet. Tilhøva til naturmangfaldlova og vassforskrifta I tillegg til retningslinene i ureiningslova, er også prinsippa i 8-12 naturmangfaldlova lagde til grunn for vår vurdering. Arealbruken er i samsvar med endeleg vedtak etter plan- og bygningslova, og området er opparbeidd til industriføremål. Naturmangfald vert difor i liten grad omfatta av denne etableringa, og nærare vurderingar etter 9 12 er vurdert å vere unødvendig. Omsyn til miljøet er forsøkt ivareteke så langt det er mogeleg med fastsetjing av vilkåra for drifta. Fylkesmannen har vurdert om den omsøkte aktiviteten kan kome til å verte i strid med vassforskrifta sine reglar om reduksjon av tilstandsklasse i vassførekomsten til lågare enn god. Utgangspunkta i 4 6 i vassforskrifta er at reduksjon av tilstandsklasse ikkje skal tillatast. Verksemda skal ikkje ha ordinært utslepp til vatn. Det einaste utsleppet til vatn er ved drenering av oppsamlingsbasseng for regnvatn, og dette regnvatnet går via oljeutskiljar. Fylkesmannen vurderer at utsleppet ikkje vil kunne føre til lågare tilstand enn god i vassførekomsten Botnafjorden med ID-nummer C frå vann-nett. Fylkesmannen vurderer at dei samla helse- og miljøkonsekvensane av utsleppa med dei vilkåra som er sett, vil vere akseptable. Vurdering av teknikkar/teknologiske forhold Verksemda pliktar å nytte seg av best tilgjengeleg teknologi (BAT) som gjeld denne type verksemder. Dette gjeld for alle interne produksjonsprosessar samt eventuell reinsing av avløp. Verksemda skal halde seg oppdatert om bransjen sin BAT-dokumentasjon. Som ein del av verksemda sin internkontroll skal det skje ei kontinuerleg vurdering av, og dersom dette er tenleg, implementering av beste tilgjengelege teknikkar. Verksemda må følgje krav i relevante BAT-konklusjonar i BAT-referanse dokument (BREF), dersom ikkje anna er bestemt i dette løyvet. Løyvet kan bli endra som følgje av endringar i relevante BAT-konklusjonar. Konklusjon På bakgrunn av søknaden og etter ei heilskapleg vurdering av miljømessige, tekniske og økonomiske forhold vurderer Fylkesmannen at utsleppskonsesjon (utsleppsløyve) med dei tilhøyrande vilkåra som omtalt i løyvedokumentet kan gjevast. Fylkesmannen vil føre eit risikobasert tilsyn med verksemda. Løyvedokumentet (utsleppskonsesjon) vert sendt saman med dette skrivet. Dei juridiske krava som elles ikkje går fram av lov- og forskriftsverket, eller som er presisert eller innskjerpa i høve til det generelle regelverket, er samla i løyvedokumentet.

5 FYLKESMANNEN I SOGN OG FJORDANE 5/6 Fristar Tabellen nedanfor gir oversikt over fristar for gjennomføring av tiltak som løyvet krev: Tiltak Frist Tilvising til vilkår Miljørisikoanalyse og internkontroll bør vere på plass ved 2.3 oppstart, og må oppdaterast minst årleg Vurdere utbytting av miljøfarlege kjemikal Min. årleg 6 (substitusjon) Øving av beredskap Min. årleg 7 Rapportering til Fylkesmannen Årleg 1.3 eller særskild 8 frist det enkelte året Ha etablert tilfredsstillande finansiell garanti Innan 12 mndr. frå 9 Gjeld for motteke næringsavfall og farleg avfall løyvedato Oversikt over miljøpåverknad frå aktiviteten Årleg til ålmenta Miljøinformasjonslova Vedtak om gebyr Fylkesmannen si handsaming av søknader om nytt eller endra utsleppsløyve er omfatta av ei gebyrordning, jf. kap. 39 i ureiningsforskrifta. Vi viser til varsel om gebyrplikt datert , og vedtek med dette at verksemda må betale eit gebyr til staten på kr ,- for Fylkesmannen si handsaming av søknaden, jf Faktura vert sendt ut seinare av Miljødirektoratet. Gebyret forfell til betaling 30 dagar etter mottak av faktura. Generelle føresetnader for løyvet og informasjon om regelverket Endring eller tilbakekalling av løyvet Fylkesmannen kan gjere endringar i dette løyvet med heimel i 18 i ureiningslova. Endringar skal vere grunna på skriftleg saksbehandling og ei forsvarleg utgreiing av saka. Ein eventuell endringssøknad må difor liggje føre i god tid før endring kan gjennomførast. Tilsyn Verksemda pliktar å la representantar for ureiningsstyresmaktene eller den som desse gjev fullmakt, få inspisere anlegget til ei kvar tid jf. ureiningslova kap. 7. Erstatningsansvar At ureininga er tilleten, fritek ikkje verksemda frå eventuelle erstatningsansvar for skade, ulemper eller tap som følgje av ureininga, jf. ureiningslova 10 og kap 8 (spesielt 56), og grannelova 6, 7 og 8. Dette løyvet fritek ikkje søkjaren for ansvar etter anna lovverk som gjeld for denne verksemda, t.d. arbeidsmiljø-, helse- og brannvernreglar.

6 FYLKESMANNEN I SOGN OG FJORDANE 6/6 Klagerett Vedtaket - også plasseringa i risikoklasse, kan klagast på til Miljødirektoratet av partane i saka eller andre med rettsleg klageinteresse innan 3 veker etter melding om vedtak er kome fram eller frå vedkommande fekk eller burde skaffa seg kjennskap til vedtaket. Ein eventuell klage skal opplyse nærare kva det vert klaga på, og den eller dei endringane som ein ønskjer. Klagen bør grunngjevast, og andre opplysningar som har noko å seie for saka bør nemnast. Klagen skal sendes til Fylkesmannen. Ein eventuell klage fører ikkje automatisk til at gjennomføringa av vedtaket vert utsett. Fylkesmannen eller Miljødirektoratet kan etter oppmoding eller av eige tiltak avgjere at vedtaket ikkje skal gjennomførast før klagefristen er ute eller klagen er avgjort. Avgjerda av spørsmålet om gjennomføring kan ikkje klagast på. Med visse avgrensingar har partane rett til å sjå sakens dokumenter. Nærare opplysningar om dette kan ein få ved å vende seg til Fylkesmannen. Andre opplysningar om reglar som har noko å seie for saka vil Fylkesmannen også kunne gje på førespurnad. Offentleggjering av løyvet Vedtaket vert kunngjort offentleg for dykkar rekning, jf i ureiningsforskrifta. Kunngjeringa vil innehalde ei kort orientering om løyvet, kvar ein kan vende seg for å få innsyn i saksdokumenta, og opplysningar om klageinstans og frist for ev. klage på vedtaket. Løyvet vert også publisert på Fylkesmannen si nettside. Med helsing Nils Erling Yndesdal fylkesmiljøvernsjef Grete Haugan senioringeniør Brevet er godkjent elektronisk og har derfor ikkje underskrift. Sendt saman med dette brevet: Utsleppsløyvet med vilkår Kopi til: Miljødirektoratet, epost Flora kommune

7 Løyve etter ureiningslova for mottak og lagring av farleg avfall på Fjordbase Florø Franzefoss Gjenvinning AS Løyvet er gitt i medhald av lov om vern mot forurensninger og om avfall av 13. mars 1981 nr. 6 (ureiningslova) 11, jf. 16 og 11-6 i forskrift om gjenvinning og behandling av avfall av (avfallsforskrifta) Løyvet er gitt på grunnlag av opplysningar gitt i søknad av , og opplysningar framkome under behandlinga av søknaden. Verksemddata Anlegg Franzefoss Gjenvinning AS, tankanlegg Florø Verksemd Franzefoss Gjenvinning AS, Adresse, poststad Besøksadresse Olav Ingstadsvei 5, PB 53, N-1309 Rud Fjordbase Florø Kommune og fylke Flora i Sogn og Fjordane Gards- og bruksnr. 26/599 UTM midtpunkt N Ø Org. nummer (føretak/eigd av) Org.nr. (verksemd) NACE-kode Behandling og disponering av farleg avfall Kategori Mellombels lagring av farleg avfall Fylkesmannen sine referansar Arkivkode Anleggsnummer Aktivitet Løyvenummer Risikoklasse / farleg avfall T 3 Løyve gitt: Endringsnummer: Denne endringa: Nils E. Yndesdal fylkesmiljøvernsjef Brevet er godkjent elektronisk og har derfor ikkje underskrift. Kopiadressatar: Sjå liste i oversendingsbrevet. Grete Haugan senioringeniør 1 Jf. ureiningsforskrifta kap. 36, vedlegg 1 om behandling av tillatelser etter forurensningsloven 2 Jf. ureiningsforskrifta kap. 39 om gebyr til statskassen for arbeid med tillatelser og kontroll etter ureiningslova. Telefon Organisasjonsnummer N Nettstad fylkesmannen.no/sfj E-post fmsfpost@fylkesmannen.no Besøksadresse Hovudkontor: Njøsavegen 2, 6863 Leikanger Landbruksavdelinga: Fjellvegen 11, 6800 Førde Postadresse Hovudkontor: Njøsavegen, Leikanger Landbruksavdelinga: Postboks 14, 6801 Førde

8 Side 2 av 14 Innhald 0. Føresetnader 3 1. Ramme for løyvet 3 2. Generelle krav Avgrensing av utslepp Plikt til å redusere ureining så langt som råd Internkontroll, HMS-dokumentasjon for ytre miljø Avtale om drift av anlegget Tiltak ved auka ureiningsfare eller unormale driftsforhold Nærmiljø Handtering av avfall Bemanning og kompetanse Handtering av farleg avfall Eige avfall Utslepp til grunn og vatn 7 5. Støy Utsleppsgrenser Kjemikal 8 7. Beredskap mot akutt ureining o.l Rapportering og informasjon 8 9. Økonomisk sikring Finansiell garanti Krav til rekneskap ved lagring av farleg avfall Større endringar Utskifting av utstyr Eigarskifte Nedlegging eller lengre driftsstans... 9 Vedlegg 1 - Liste over prioriterte miljøgifter (jf. punkt 2.1). 11 Vedlegg 2 - Definisjonar 12 Vedlegg 3 - Avfallstypar 13 Vedlegg 4 Årsrapport 14

9 Side 3 av Føresetnader Løyvet gjeld frå dags dato. Løyvet gjeld berre saman med dei vilkåra som er gitt i dette dokumentet. Vilkåra er særskilde juridiske krav til verksemda. Dersom verksemda ynskjer å gjere endringar i høve til opplysningar som er gitt i søknaden eller under saksbehandlinga, og desse endringane kan ha noko å seie for utforming av vilkår eller verknad for miljøet, må endringane avklarast skriftleg med Fylkesmannen på førehand. Dersom heile eller vesentlege delar av løyvet ikkje er tatt i bruk innan 2 år etter at løyvet er gitt, skal verksemda sende Fylkesmannen ei utgreiing slik at vi kan vurdere eventuelle endringar, attendetrekking eller utferding av nytt løyve. 1. Ramme for løyvet Løyvet gjeld mottak og lagring av farleg avfall frå offshoreverksemd. Løyvet gjeld for årleg mottak av inntil m 3 avfall frå offshoreverksemd ved tankanlegg på Fjordbase og for årleg mottak av inntil 5000 tonn oljehaldig kaks og mud lagra på lastebærarar og mellomlagra på særskilt område på basen. Maksimale mengder samtidig lagra på verksemda sitt område er 1000m3 oljehaldige emulsjonar og prosess/vaskevatn på tankanlegg og 1000 tonn oljehaldig kaks og mud lagra på lastebærarar Liste over avfallsfraksjonar med avfallsstoffnummer som kan takast imot og lagrast på anlegget er gitt i vedlegg 3. Tilsetjing av kjemikal, fortynning og liknande behandling er ikkje tillate etter dette løyvet. Ved vesentlege endringar skal verksemda søkje om endring av løyvet. Tankanlegget kan ikkje nyttast til mottak eller mellomlagring av andre typar farleg avfall eller produkt utan etter nærare godkjenning frå Fylkesmannen. 2. Generelle krav 2.1. Avgrensing av utslepp Utsleppskomponentar frå verksemda som er vurdert å ha størst effekt på miljøet, er uttrykkeleg omtalt eller regulert i vilkåra i dette løyvet. Løyvet tillèt utslepp inntil fastsette grenseverdiar, midlingstider eller normverdiar, så lenge utsleppet ikkje vert vurdert å vere unødvendig for den omsøkte aktiviteten. Utslepp som ikkje er uttrykkeleg regulert på denne måten, er omfatta av løyvet så langt opplysningar om slike utslepp vart lagt fram i samband med sakshandsaminga, eller på annan måte må sjåast på å ha vore kjend når dette løyvet vart vedteke. Dette gjeld likevel ikkje utslepp av prioriterte miljøgifter oppført i vedlegg 1. Utslepp av slike komponentar er berre tillate dersom dette går tydeleg fram av vilkåra i løyvet, eller dei er så små at dei må sjåast på som uvesentlege for miljøet.

10 Side 4 av Plikt til å redusere ureining så langt som råd Alle ureining frå verksemda, herunder utslepp til luft og vatn, støy og avfallshandtering, er isolert sett uønskt. Verksemda må arbeide kontinuerleg for å hindre at ureining oppstår eller aukar, for å avgrense ureining og for ei best mogeleg avfallshandtering. Jamvel om utsleppa vert haldne innafor fastsette utsleppsgrenser, pliktar verksemda å redusere sine utslepp så langt dette er mogleg utan urimelege kostnader. Plikta omfattar også utslepp av komponentar det ikkje er sett spesifikke grenser for Internkontroll, HMS-dokumentasjon for ytre miljø Verksemda skal gjennomføre ein miljørisikoanalyse 3 av aktiviteten sin. Analysen skal omtale alle forhold ved verksemda som kan medføre fare for ureining eller avfallsproblem på verksemda sitt område eller utanfor. Ved modifikasjonar og endra produksjons- eller utsleppsforhold skal analysen oppdaterast. Med grunnlag i analysen skal verksemda vurdere risiko og fastlegge akseptabel risiko for det ytre miljøet. Fylkesmannen kan overprøve verksemda sine vurderingar og konklusjonar. Verksemda sin internkontroll 4 for ytre miljø skal vere bygt opp etter resultat frå risikovurderingane, krav i dette løyvet og relevante krav elles etter ureiningsregelverket. Internkontrollen skal vere dokumentert og etterprøvbar i samsvar med dokumentasjonskrava i gjeldande forskrift. For gjentekne, uønskte hendingar skal verksemda ha etablere eit dokumentert system for registrering og eiga oppfølging. Plikta gjeld både for interne meldingar og melding/klage frå andre. Verksemda skal ha oversikt over dei miljøressursane som kan bli truga av akutt ureining og dei helse- og miljøkonsekvensane slik ureining kan føre med seg. For å halde dei ordinære utsleppa på eit lågast mogleg nivå og for å unngå utilsikta utslepp, skal verksemda syte for førebyggande vedlikehald av utstyr som kan gje negativ effekt på miljøet ved utslepp. System og rutinar for vedlikehald av slikt utstyr skal vere dokumentert Avtale om drift av anlegget Sjølv om den daglege drifta og oppfølginga ved anlegget vert utført av innleigd firma, så er Franzefoss Gjenvinning AS som løyvehavar ansvarleg for at krava i dette løyvet vert følgt opp. Dette må sikrast gjennom skriftleg avtale med innleigd firma Tiltak ved auka ureiningsfare eller unormale driftsforhold Dersom det som følgje av unormale driftsforhold eller av andre grunner oppstår fare for auka ureining, skjemmande aktivitetar eller liknande, pliktar verksemda å setje i verk dei tiltaka som er nødvendige for å fjerne eller redusere den auka faren, også om nødvendig å redusere eller innstille drifta. 3 Framgangsmåten bør følge NS 5814:2008 Krav til risikovurdering (eller seinare utgåve) 4 Jf. forskrift om systematisk helse-, miljø- og sikkerhetsarbeid i virksomheter (internkontrollforskrifta)

11 Side 5 av 14 Verksemda skal straks informere 5 Fylkesmannen når: det vert planlagt aktivitet som mellombels kan føre til auka fare for utslepp mottak av avfall/råvarer viser seg å kunne gje uføresette utfordringar i situasjonar der utstyr, maskinar eller anna kritiske installasjonar for vern mot utslepp sviktar når avfall vert lagra lenger tid eller på annan måte enn normalt Verksemda skal etablere eit dokumentert system for registrering, eiga oppfølging og kommunikasjon med nabolag. Verksemda skal gje ei vurdering av årsak til hending, kva som har skjedd og tiltak som er sett i verk eller som er planlagt for å motverke og avgrense verknadar og hindre gjentaking. Informasjonen skal gjerast kjent for nabolag og Fylkesmannen Nærmiljø Verksemda skal ha driftsrutinar som sikrar at ulemper frå utslepp til vatn og luft, lukt, støy, støv, skadedyr, framande plantar, innsyn, med meir, vert reduserte til eit minimum. Miljøet nær staden som omfattar folk, husdyr, ville dyr, natur og vatn, skal såleis sikrast mot ulempe utover det som må reknast som nødvendig og tillate i dette løyvet. 3. Handtering av avfall 3.1. Bemanning og kompetanse Bemanninga ved anlegget skal vere tilstrekkeleg til at avfall vert forsvarleg teke hand om. Tilsette som handterer farleg avfall skal ha gjennomgått særskild opplæring av anerkjend nasjonalt kompetansemiljø, eller etter Fylkesmannen sine nærare krav. Opplæringa skal mellom anna bidra til å sikre at avfall vert rett klassifisert; at registrering, deklarering, merking og journalføring er korrekt; at ulike avfallstypar ikkje vert blanda; at emballasje er eigna og at det vert forsvarleg lagra fram til vidare levering. Tilsette som handterer avfall skal halde seg oppdatert om gjeldande reglar og normer og utvikle eigen kompetanse om stoff/avfall som kan takast i mot på anlegget. Verksemda skal ha ein plan for korleis kompetansen skal haldast ved like og aukast. Det skal til ei kvar tid vere tilgjengeleg minst ein person med tilstrekkeleg kompetanse ved verksemda. Verksemda må ha tilknytt kjemikompetanse på minst bachelor-nivå ved eigen tilsett eller avtale med kompetent person/verksemd Handtering av farleg avfall Farleg avfall skal handterast i samsvar med vedlegg 4 til kap. 11 i avfallsforskrifta. I tillegg gjeld følgjande presiseringar: Generelt om mottak av farleg avfall Verksemda skal vere registrert som aktør i farleg avfall systemet, og skal ha alle nødvendige avtalar i det nasjonale farleg avfallssystemet før farleg avfall kan takast imot. 5 Merk at verksemda også har varslingsplikt etter forskrift om varsling av akutt ureining eller fare for akutt ureining av , nr

12 Side 6 av 14 Ved mottak av farleg avfall skal løyvehavaren sjå til eller hjelpe til med, at avfallet er deklarert 6. Dersom ein leveranse inneheld fleire avfallstypar, må det vere minst ein deklarasjon for kvar avfallstype. Løyvehavar må etter førespurnad frå Fylkesmannen informere om verksemder som ikkje deklarerer korrekt. Avfallet skal vere registrert etter type i samsvar med NS , og etter opphav i samsvar med EAL-lista 8 så langt som råd. Verksemda skal til ei kvar tid ha oversikt over mengd og type avfall som er motteke, kor lenge avfallet er lagra, dato når avfall forlet anlegget og namn på godkjent mottakar. Journalen må vidare skilje mellom ulikt avfall minst etter inndelinga i vedlegg 3. Nødvendige opplysningar om avfallet skal vere lett tilgjengelege ved kontroll. Journalane skal oppbevarast i minst 3 år, og skal vere lett tilgjengelege ved kontroll Lagring av farleg avfall Farleg avfall skal lagrast på ein slik måte at det ikkje oppstår ureining. Lagring skal fylle minimumskrava i avfallsforskrifta kap. 11, vedlegg 4, pkt. 1, med følgjande tillegg/presiseringar: Farleg avfall skal ikkje blandast med ordinært avfall. Blanding av ulike typar farleg avfall som ikkje kan samdeklarerast, er ikkje tillate. Fortynning av motteke farleg avfall for å unngå farleg avfall - klassifisering er ikkje tillate. Emballasjen skal vere varig merkt med avfallsstoffnummer og avfallstype. Faren for søl eller lekkasje frå motteke avfall skal vere minimal, og i samsvar med dokumentert akseptnivå. Eventuelle uhellsutslepp skal samlast opp straks. Oppsamlings- og absorberande utstyr skal i mengd og storleik vere tilpassa avfallstype og maksimal lagringsmengd. Stoff som ikkje kan sam-lastast etter ADR-reglane, skal lagrast på fysisk skilde område. Verksemda skal ha kart over lager av avfallet der det går fram kor dei forskjellige typane avfall er lagra. Borekaks og boreslam som vert motteke i tette og lukka lastebærarar skal plasserast på lagerområde utan anna handtering enn flytting Lagring av farleg avfall og farlege kjemikal i tank Utslepp frå tankar for kjemikal eller avfall er ikkje tillate. For farlege kjemikal og farleg avfall som vert lagra i tank som ikkje er grave ned, skal sikring og vedlikehald tilfredsstille krava i kap. 18 i ureiningsforskrifta 9. Tankar som er mindre enn kapasiteten som er omtalt i kap. 18 og som vert nytta til lagring av farlege kjemikal eller farleg avfall, og tankar til andre kjemikal eller flytande avfall skal sikrast og vedlikehaldast i samsvar med skriftleg rutine som skal byggje på akseptkriteria etter risikovurdering. 6 Anlegget kan også avtale å deklarere avfallet for leverandør 7 Norsk Standard med 4-sifra avfallskode (avfallstoffnummer) 8 EAL: Europeisk avfallsliste, kode med 6 siffer, tatt inn i avfallsforskrifta. 9 Tanklagring av farlige kjemikalier og farlig avfall

13 Side 7 av Vidarelevering av farleg avfall Før avfallet vert levert vidare til eller henta av aktør, skal løyvehavar sikre at emballasje er: rein og uskadd og eigna for lagring og transport av det aktuelle avfallet, merkt med deklarasjonsskjemaet sitt løpenummer påført med vérbestandig merking, merkt med avfallstoffnummer (eller annan tilsvarande eintydige opplysning om avfallstype) påført med vérbestandig merking, merkt i samsvar med regelverket om transport av farleg gods. Deklarasjonsskjema skal følgje med alt farleg avfall som forlet anlegget. Maksimal lagringstid for motteke farleg avfall må følgje avgrensinga i avfallsforskrifta kap. 11, vedlegg 4, pkt. 2. Dersom avfallet ikkje er lagringsstabilt, skal lagringsstida reduserast Eige avfall Verksemda pliktar så langt det er mogleg utan urimelege kostnader eller ulemper å unngå at det vert danna avfall som følgje av drifta. 4. Utslepp til grunn og vatn Verksemda skal ikkje ha utslepp til grunn eller vatn som kan medføre nemneverdige skader eller ulemper for miljøet. Verksemda pliktar å halde oversikt over eventuell eksisterande ureina grunn på eige område og ureina sediment utanfor. Ein skal til ei kvar tid ha oversikt over faren for spreiing, og vurdere behovet for undersøkingar og tiltak. Er det grunn til å tru at undersøkingar eller tiltak vil vere nødvendig, skal ureiningsstyresmakta varslast om dette. 5. Støy Jamvel om verksemda held seg innafor grenseverdiane, har ein likevel plikt til å redusere støy mest mogleg med hjelp av best tilgjengeleg teknologi. Verksemda skal ha oversikt over alle utslepp av støy til miljøet. Oversikta skal omfatte både støy frå eigen aktivitet, og støy frå annan aktivitet som er nødvendig for aktivitet ved verksemda Utsleppsgrenser Verksemda sine bidrag til utandørs støy per driftsdøgn ved omkringliggande og eksisterande bustader, sjukehus, pleieinstitusjonar, fritidsbustader, utdanningsinstitusjonar og barnehagar skal ikkje overskride desse grensene, målt eller utrekna som frittfeltverdi ved mest støyutsette fasade: Kvardagar Laurdag Sun- og heilagdag Kveld ( ), kvardag Natt * ( ), alle døgn 55 db (A) L den 50 db (A) L den 45 db (A) L den 50 db (A) L evening 45 db (A) L night * For nattperioden skal støyen midlast over faktisk driftstid, inntil 8 timar. Natt ( ), alle døgn 60 db (A) L AFmax Støygrensene gjeld all støy frå verksemda sine ordinære aktivitetar, inkludert intern transport på verksemdområdet og lossing/lasting av råvarer og produkt. Støy frå bygg- og

14 Side 8 av 14 anleggsaktivitet og frå ordinær persontransport av verksemda sine tilsette er likevel ikkje omfatta av grensene. Dersom verksemda får grunngjeve klagar på støy, skal det utarbeidast eit støysonekart for eiga verksemd som skal sendast til kommune og til ureiningsmyndigheit. Utarbeiding av støysonekart kan gjerne skje i samarbeid med andre verksemder på basen. Støysonekart skal vise raud og gul sone jf. T Kjemikal Verksemda kan berre nytte kjemikal der de har lokalt tilgjengeleg sikkerheitsdatablad på norsk, og der bruken skjer i samsvar med produsenten sine bruksområde og når dei er i samsvar med krava i REACH-regelverket. 10 Produkt med forbodne eller strengt regulerte kjemikal etter REACH-regelverket er ikkje tillate brukt. Verksemda skal ha dokumentert, samla oversikt over alle kjemikal i bruk eller på lager. Verksemda pliktar å jamleg vurdere utskifting av helse- og miljøskadelege kjemikal med mindre skadelege kjemikal (substitusjon). Der det finst mindre skadelege alternativ, pliktar verksemda å nytte desse så langt dette kan skje utan urimeleg kostnad eller ulempe. 7. Beredskap mot akutt ureining o.l. Verksemda skal, på bakgrunn av miljørisikoanalysen og dei risikoreduserande tiltaka som er sett i verk, etablere og vedlikehalde ein beredskap for å hindre, oppdage eller stanse akutt ureining, forsøpling eller skjemmande forhold. Beredskapen skal vere tilpassa den miljørisikoen som verksemda til ei kvar tid representerer, og skal også omfatte utstyr til å fjerne og avgrense omfanget og skadane og ulempene som kan skje. Beredskapen skal dokumenterast i ein beredskapsplan, som minimum skal omtale: etterprøvbare mål definerte fare- og ulukkessituasjonar (uhellsscenarie) rutinar for tiltak dersom fare- og ulukkessituasjonar skjer dimensjonering av personell og deira kompetanse, personleg verneutstyr, innsatsmateriell og responstid skildring av beredskapssamarbeid med eksterne parter skildring av øvingsopplegg (minimum ein gong per år) 8. Rapportering og informasjon Fylkesmannen ber om ein skriftleg årsrapport innan 1.mars om miljøtilhøva ved dei ulike aktivitetane på området. Rapporten må omtale dei aktuelle områda som er vist i vedlegg 4. Det er ikkje sett direkte krav til måling, utrekning eller rapportering av spesifikke nivå når det gjeld utslepp av lukt, støy eller støv. Rapporten bør likevel innehalde ei vurdering av desse miljøtilhøva. Verksemda bør i samband med rapportering av avfalls- og utsleppsdata oppgje og kommentere usikkerheita i datamaterialet. 10 Jf. produktkontrolloven av nr. 79 3a

15 Side 9 av Økonomisk sikring 9.1. Finansiell garanti Verksemda skal stille tilfredstillande finansiell sikring for kostnadar med å ta hand om alt farleg avfall dersom verksemda legg ned sin aktivitet, stansar drifta eller får betalingsproblem. Utan ei godkjent finansiell sikring kan anlegget ikkje ta imot farleg avfall ved anlegget, dersom Fylkesmannen ikkje særskilt har godkjent mellombels utsetjing av kravet. Dersom driftsansvarleg firma vert overdrege, fisjonerer / fusjonerer, får nye eigarar med avgjerande avgjerdsrett, eller på annan måte omdannar eller overfører den ureinande verksemda til nytt ansvarleg firma, skal dette vere meldt til Fylkesmannen på førehand. Nytt ansvarleg firma er ansvarleg etter løyvet fram til nytt driftsansvarleg firma har etablert finansiell sikring, og denne er godkjent av Fylkesmannen. Driftsansvarleg skal bruke uavhengig og kvalifiserte tredjemenn til å rekne ut nødvendige kostnadar til avslutting og opprydding. Utrekninga må spesifiserast i samsvar med nærare krav frå Fylkesmannen. Så snart som mogleg etter at løyvet er motteke, skal verksemda sende skriftleg melding til Fylkesmannen om korleis ein stiller sikkerheit. Før Fylkesmannen har godkjent sikringa av den aktuelle summen, kan verksemda ikkje ta imot farleg avfall ved anlegget Krav til rekneskap ved lagring av farleg avfall Lagra farleg avfall skal takast med i verksemda sitt årlege rekneskap i samsvar med rekneskapslova slik at dei framtidige kostnadane ved vidaresending og behandling av dette avfallet kjem fram i rekneskapen. 10. Større endringar Utskifting av utstyr Dersom det skal gjerast utskifting av utstyr i verksemda som gjer det teknisk mogleg å motverke ureining på ein vesentleg betre måte enn då løyvet vart gitt, skal Fylkesmannen på førehand ha melding om dette. All utskifting av utstyr skal vere grunna på at dei beste tilgjengelege teknologi med sikte på å motverke ureining Eigarskifte Løyvet kan ikkje overdragast til andre utan samtykke frå Fylkesmannen. Ny eigar kan ikkje ha eller ta imot avfall ved anlegget utan etter avklaring med Fylkesmannen Nedlegging eller lengre driftsstans Dersom anlegget vert nedlagt eller stansar lenger enn ein 1 månad, skal løyvehavar melde frå til Fylkesmannen. Den ansvarlege skal gjere det som til ei kvar tid er nødvendig for å motverke fare for ureining. Dersom noko ved anlegget kan medføre ureining eller det er avfall som kan verke skjemmande etter driftsstans, skal det opplysast særskild.

16 Side 10 av 14 Fylkesmannen kan fastsetje nærare kva for tiltak som er nødvendig for å motverke ureining og å rydde opp i avfall. Fylkesmannen kan pålegge eigaren eller brukaren å stille garanti for dekking av framtidige utgifter og mogleg erstatningsansvar. Ved nedlegging eller stans skal verksemda sørgje for at råvarer, hjelpestoff, halvfabrikat eller ferdig vare, produksjonsutstyr og avfall vert teke hand om på forsvarleg måte, mellom anna skal farleg avfall handterast i samsvar med gjeldande forskrift 11. Dei tiltaka som vert gjennomførte i slike høve, skal rapporterast til Fylkesmannen innan 3 månader etter nedlegging eller stans. Rapporten skal også innehalde dokumentasjon på disponeringa av kjemikalierestar og ubrukte kjemikal og namn på eventuell kjøpar/ar. Ved ny oppstart skal den ansvarlege syte for at driftsstaden er i miljømessig tilfredsstillande stand. Før oppstart skal den ansvarlege i god tid i førevegen gje melding til Fylkesmannen som kan gjere nødvendige endringar i eksisterande løyve, nekte godkjenning av ny ansvarleg eller be om at ønskt aktivitet går gjennom ny søknadsprosess. Dette gjeld for all aktivitet som kan medføre fare for ureining eller kunne verke skjemmande. 11 Avfallsforskrifta kapittel 11 om farleg avfall

17 Side 11 av 14 Vedlegg 1 - Liste over prioriterte miljøgifter (jf. punkt 2.1). Metaller og metallforbindelser: Forkortelser Arsen og arsenforbindelser As og As-forbindelser Bly og blyforbindelser Pb og Pb-forbindelser Kadmium og kadmiumforbindelser Cd og Cd-forbindelser Krom og kromforbindelser Cr og Cr-forbindelser Kvikksølv og kvikksølvforbindelser Hg og Hg-forbindelser Organiske forbindelser: Bromerte flammehemmere: Penta-bromdifenyleter (difenyleter, pentabromderivat) Okta-bromdifenyleter (defenyleter, oktabromderivat) Deka-bromdifenyleter (bis(pentabromfenyl)eter) Heksabromcyclododekan Tetrabrombisfenol A (2.2`,6,6`-tetrabromo-4,4`isopropyliden difenol) Klorerte organiske forbindelser 1,2-Dikloretan Klorerte dioksiner og furaner Heksaklorbenzen Kortkjedete klorparafiner C 10 - C 13 (kloralkaner C 10 - C 13 ) Mellomkjedete klorparafiner C 14 - C 17 (kloralkaner C 14 - C 17 ) Klorerte alkylbenzener Pentaklorfenol Polyklorerte bifenyler Triklorbenzen Tetrakloreten Trikloreten Triklosan (2,4,4'-Triklor-2'-hydroksydifenyleter) Tris(2-kloretyl)fosfat Enkelte tensider: Ditalg-dimetylammoniumklorid Dimetyldioktadekylammoniumklorid Di(hydrogenert talg)dimetylammoniumklorid Alkylfenoler og alkylfenoletoksylater: Nonylfenol og nonylfenoletoksilater Oktylfenol og oktylfenoletoksilater Dodecylfenol m. isomerer 2,4,6 tri-tert-butylfenol Polyfluorerte organiske forbindelser (PFCs) Perfluoroktansulfonat (PFOS) og forbindelser som inneholder PFOS Langkjedete perfluorerte karboksylsyrer Perfluoroktansyre C9-PFCA C14-PFCA Tinnorganiske forbindelser: Tributyltinn Trifenyltinn Polysykliske aromatiske hydrokarboner Dietylheksylftalat (bis(2-etylheksyl)ftalat) Bisfenol A Siloksaner Dekametylsyklopentasiloksan Oktametylsyklotetrasiloksan Vanlige forkortelser Penta-BDE Okta-BDE, octa-bde Deka-BDE, deca-bde HBCDD TBBPA EDC Dioksiner, PCDD/PCDF HCB SCCP MCCP KAB PCF, PCP PCB TCB PER TRI TCEP DTDMAC DSDMAC DHTMAC NF, NP, NFE, NPE OF, OP, OFE, OPE PFOS, PFOS-relaterte forbindelser PFOA PFNA, PFDA, PFUnDA, PFDoDA, PFTrDA, PFTeDA TBT TFT, TPT PAH DEHP BPA D5 D4

18 Side 12 av 14 Vedlegg 2 - Definisjonar Lagring er eit uttrykk for tidsavgrensa og forsvarleg lagring før avfallet vert levert til sluttbehandling eller nyttiggjering. Om støy L den A-veid ekvivalent støynivå for dag-kveld-natt (day-evening-night) med 10 db / 5 db tillegg på natt / kveld. Tida i dei ulike periodane er; dag: 07-19, kveld: og natt: Lden er nærare omtalt i T-1442 og definert i rammedirektivet for støy (2002/49). NB! midlingstid for Lden-nivået her gjeld for dag, kveld og natt for det døgnet med høgast støyemisjon. Impulslyd: kortvarig, støytvis lydtrykk som varar mindre enn 1 sekund og der impulslyden er av typen highly impulsive sound som definert i T-1442 kapittel 6. L AFmax er A-vegd maksimalnivå for dei 5 10 mest støyande hendingane innafor perioden, målt/utrekna med tidskonstant "fast" på 125 ms. Med immisjon (av støy) meinar vi eit mål på støybelastning (innfallande lydtrykknivå) på eit punkt ut frå direkte måling og utrekning etter emmisjonsdata (måling ved støykjelda). Med kjemikal meiner ein her kjemiske stoff og stoffblandingar som brukast i verksemda, slik som hjelpekjemikal som vaskemiddel, hydraulikkvæsker, brannhindrande middel m.m.

19 Side 13 av 14 Vedlegg 3 - Avfallstypar Følgjande avfallstypar og mengde kan lagrast på anlegget: Avfallstype Avfallsstoffnr.* Mineralolje- og vassbasert boreslam og borekaks Oljebasert borevæske 7142 Vassbasert borevæske som 7144 inneheld farlege stoff Kaks oljebasert borevæske 7143 Borerelatert, slurrifisert kaks 7143 Kaks med vassbasert borevæske 7145 som inneheld farlege stoff Oljehaldige emulsjonar og prosess/vaskevatn Oljehaldige emulsjoner, sloppvatn 7030 Samtidig lagra Mottak - mengde mengde pr. år 1000 tonn 5000 tonn 1000 m m3 Oljeholdige emulsjoner fra boredekk 7031 Prosessvatn, vaskevatn 7165 * Norsk standard avfallskoder

20 Side 14 av 14 Vedlegg 4 Årsrapport Føremål: Å informere tilsynet, kundar og nærmiljø om aktiviteten ved anlegget siste året. Rapporteringa skal generelt gje opplysningar om verksemda som tilsynet har behov for i utøving av tilsynsoppgåvene etter kapitel 7 i ureiningslova (tilsyn med forurensninger og avfall). Opplysningane er offentleg tilgjengeleg så framt dei ikkje vert råka av unntaks- eller teiepliktreglane i forvaltningslova, offentlegheitslova eller miljøinformasjonslova. Rapporteringsform: verbal og tabell/figur levert elektronisk til miljøvernavdelinga hos Fylkesmannen på WORD og/eller EXCEL-lesbart format. Innhald 1. Kort og verbal omtale av drifta siste året. 2. Evaluering av miljøprestasjon 12 (dersom utvikla). 3. Totalmengd avfall som er motteke førre år, og delt etter type (jf. dei 4-sifra kodane i NS 9431). EAL-kode skal spesifiserast så langt råd jamfør med ramma i løyvet. 4. Lagra avfall pr , gruppert som under punkt Levert mengd, gruppert som under punkt 3, og mottakar av vidarelevert avfall. Omtal om verksemda handterer avfall utanom avfallsanlegget. 6. Oversikt over eigne, genererte avfallsmengder. 7. Omtale av førebyggande tiltak, eventuelle unormale hendingar, spesielle problem (i høve til ytre miljø) o.l. Her også om tiltak ved eventuell stans i mottaket, påverknadar av miljøet rundt anlegget/verksemda og om moglege eller faktiske utslepp til grunn eller vatn. 8. Resultat av målingar av utslepp (t.d. støy, lukt, støv, oljeutskiljar). Vurder i høvet til grenseverdiar i løyvet, og om utsleppa har auka, minka eller ligg på same nivå i høve til førre år. 9. Omtale av skriftlege eller munnlege klagar eller merknader til drifta frå andre, og om eigen oppfølging. 10. Omtale av visuelle tilhøve som kan verke skjemmande. 11. Oversikt over type økonomisk sikkerheit, og storleiken på nødvendig, avsett beløp. Vurder om behov for endring. Minimum kvart 5. år skal nytt grunnlag sendast inn for godkjenning. 12 Miljøprestasjon (Environmental performance evaluation (EPE)) er eit omgrep for verksemder som er sertifisert etter ISO eller registert etter EMAS-forordninga, og nærare omtalt i NS-EN ISO Verksemd som ikkje har slikt miljøstyringssystem, kan nytte opplegg og råd i NS-EN ISO så langt det passar, eller rapportere etter pkt i denne lista (så langt det passar).