SAKSGANG Styre, råd, utval Møtedato Saksnr Formannskapet /09 Kommunestyret /09. Arkiv FE-U01

Transkript

1 SELJE KOMMUNE SAKSGANG Styre, råd, utval Møtedato Saksnr Formannskapet /09 Kommunestyret /09 Sakshandsamar Bård Fløde Arkiv FE-U01 Arkivsak 09/69 NÆRINGSUTVIKLING I SELJE KOMMUNE Dok.dato Tittel Dok.ID Næringsutvikling Selje 5.wmf 9935 Vedlegg i saka Dok.dato Tittel Dok.ID Oversiktskart 9986 Kommunestyret vedtok i desember 2008 at det skulle lysast ut stilling i kombinasjon kultur og næring. I dette vedtaket ligg det ei fortåing av at Selje Vekst i si noverande form blir avvikla og erstatta med ei ny organisasjonsform. Ein del av dei næringsmessige funksjonane som låg til leiaren i Selje Vekst skal no leggast til den nye kultur-/nærings-stillinga. Sogn og Fjordane fylkeskommune sa i møte 7. januar då med Selje kommune og styret i Selje Vekst at føresetnaden for å ha omstillingsstatus, er at kommunen har eit næringsutval med fleirtal frå næringslivet i den resterande tida for denne statusen. Det vart også framsett krav frå fylkeskommunen om at føreliggande tiltaksplan knytt til Strategisk næringsplan for Selje kommune må spissast for å få utløyst omstillingsmidlar for 2009.Det er viktig at næringsutviklingsarbeidet i kommunen ikkje stagnerar. Selje kommune må difor snarast ta stilling til ei ny organisering av si næringsavdeling. Denne reorganisering bør ikkje skje einsidig for å stette fylkeskommunen sine krav, men vere framtidsretta og målretta i høve næringsutvikling i kommunen. Denne saksutgreiinga har difor som målsetting å lage eit framlegg til slik framtidsretta organisering. Skissa i vedlegget i saka er eit framlegg til kart for organisering av næringsutviklinga i Selje kommune. Dette kartet må utviklast vidare og kompletterast fortløpande.

2 NÆRINGSUTVAL/ STRATEGISK NÆRINGSPLAN Selje kommune gjorde i april 2006 vedtak om ein strategisk næringsplan for Selje kommune for perioden Denne planen skal altså rullerast i år. I skissa over Næringsutvikling i Selje kommune er Næringsutval (NU) eit berande organisatorisk element.. Dette er eit fora som skal lede og koordinere ei brei næringsutvikling i Selje kommune i åra som kjem. Dette utvalet erstattar dermed styret i tidlegare Selje Vekst. Næringsutvalet bør etablerast så raskt som mogeleg. Utvalet bør ha ansvar for arbeidet med spissing av tiltaksplanen for Strategisk næringsplan og initiere rullering av sjølve næringsplanen. Samansetting av Næringsutvalet (NU) I SNU er næringslivet i kommunen seksjonert i ulike næringar. For å lage eit dynamisk næringsutval med brei kompetanse, bør vi ta utgangspunkt i SNU og sørge for at dei ulike næringane er representerte. I skissa over er difor desse næringane føreslegne representerte i NU. I SNU er det eit kapittel om samarbeidet mellom skulen og næringslivet. Vi har i Selje kommune tradisjon for partnarskapsavtalar mellom dei to ungdomsskulane og delar av kommunen sitt næringsliv. I den nye skulereformen Kunnskapsløftet er det nye faget Utdanningsval komme inn som ei førebuing for grunnskuleelevane for karriere- og utdanningsval. Vi har i Selje kommune også tradisjon for satsing på entreprenørskap i grunnskulen. Samarbeid med omkringliggande videregåande skular i Vågsøy, Eid,Gloppen og Stryn er og viktig. Skal vi i framtida få ein god kommunikasjon mellom skule og næringsutvikling, bør difor skulen vere representert i NU. Vi har i Selje kommune eit stor tal frivillege lag og organisasjonar. I SNU er det lagt vekk på å tilrettelegge m.a. fritidstilbodet slik at kommunen er ein attraktiv plass å flytte til. Dei frivillege lag og organisasjonane står for ein stor del av dette tilbodet. Mykje av infrastrukturen i kommunen er dermed basert på innsatsen til det frivillege apparatet. Alternativet for Selje kommune hadde vore å organisere alt dette i kommunal regi,med dei kostnadane dette ville medføre på det kommunale budsjettet. Alle bedriftene i kommunen, inkludert Selje kommune sjølv, er difor avhengige av den frivillege innsatsen. Det er difor naturleg å inkludere representantar for dei frivillege i utviklingsarbeidet i Selje kommune i det nye næringsutvalet. Formannskapet er nærast sjølvsagt representert som den politiske medspelaren og kontaktleddet i næringsutvalet. Det er viktig at næringsutviklinga i kommunen er forankra i administrasjonen og då på eit høgast muleg nivå. Difor må rådmannsnivået vere representert i NU anten gjennom rådmannen sjølv eller ein av rådmannen sine rådgjevarar/kommunalsjefar. Framlegg til representasjon i NU: Næringslivet 5, skule 1, frivillege 1, formannskap 3, rådmann 1. Overnemnde framlegg til representasjon i NU kan anten dekkjast inn gjennom eigne medlemmar for kvar av gruppene, eller medlemmer kan dekkje fleire av dei nemnde områda.

3 Den viktigaste eigenskapen hjå medlemmane i NU, er engasjement, kompetanse og evne til å sjå og målbere ei heilskapleg utvikling. NU skal i arbeidet med spissing og rullering av strategisk næringsplan, utarbeide eit sett med gode arbeidsreiskapar/ vedtekter for NU. Den nye tenesteleiaren for kultur og næring bør vere sekretær for næringsutvalet. Næringsutvikling: TILTAK Strategisk næringsplan har definert ei rekkje tiltak. Mange av tiltaka er overordna og meir lagsiktige. Fleire gjeld fleire næringar. Det er naturleg i første omgang å løfte slike til det nye NU. I skissa over er det difor laga eit framlegg til ei ny fordeling/ organisering av tiltaka i SNU. Som det går fram av skissa, er mange av desse altså lagde til NU. NU bør snarast råd vurdere føreliggande tiltak og bidra til spissing i tråd med krava frå fylkeskommunen. Då vil omstillingsmidlar frå fylkeskommunen for 2009 kunne løysast ut og nyttast til gode formål. Næringsutvikling: PROSJEKT Ein måte å skape utvikling på, er å initiere og organisere utviklingsprosjekt. Eit prosjekt har eit definert tidsrom for gjennomføring. Resultata frå prosjektperioden blir så vidareført i linjedrift gjennom t.d. eit program. Vi kjem dermed med framlegg om å initiere ulike utviklingsprosjekt innan dei definerte næringane i SNU. Dette vil kunne skape den ynskte utviklinga innan desse næringane. Prosjektet Selja og Stad er eit slikt prosjekt innanfor ein av dei definerte næringane i SNU: 4.1 kultur/reiseliv. Dette prosjektet skal samordne og vidareutvikle alt som skjer innan reiseliv og opplevingsnæringar i Selje kommune. Prosjektet har også ei målsetting å skape interkommunalt samarbeid innan dette utviklingsområdet. Prosjektet har henta inn relativt store utviklingsmidlar frå eksterne aktørar. Saman med kommunale midlar skal prosjektet generere næringsutvikling og dermed nye arbeidsplassar i kommunen, både gjennom vekst i deltidsnæringar og heiltidsarbeidsplassar. Som det går fram av skissa, er det naturleg å legge ein del av tiltaka i SNU til dette prosjektet. Selja og Stad skal generere utvikling. Det er difor naturleg at prosjektet koordinerer nye prosjekt/ utviklingstiltak og fungerar som ein paraplyorganisasjon for mange sjølvstendige utviklingsprosjekt innan kultur/reiseliv. Eit døme på slike er Ervikprosjektet, eit utviklingsarbeid som i hovudsak er basert på opplevingsnæring. Framtidige utviklingsprosjekt bør organiserast med eigne prosjektnummer og med eigne relative autonome styre, men med budsjett lagt under Selje kommune. Dette gjev ei økonomisk rasjonell og rimeleg organisering samstundes som det blir lagt under ei samordning som tener både næringsliv og kommune i ei heilskapleg utvikling. Dette er drøfta med revisjonen i Nordfjord. Alle NU-prosjekt må ha eit balansert budsjett der det er gjort eigne separate politiske vedtak om eventuelle kommunale økonomiske bidrag. Kommunestyret skal gje løyve til å legge slike prosjektrekneskap under kommunerekneskapen. Andre organisasjonsformer som stiftingar eller aksjeselskap genererer store ekstrautgifter og hindrar ei meir heilskapleg næringsutvikling i kommune og region.

4 Slike organisasjonsformar bør vurderast når dei langsiktige og konkrete satsingane er identifisert. Så lenge næring er under utvikling bør alle prosjekt finne sin plass under NU. Næringsutvikling: INTERKOMMUNALT SAMARBEID Fleire av utviklingsprosjekta i Selje kommune vil med fordel ha linkar til andre kommunar. Som døme på dette kan vi syne til eit initiativ frå Selja og Stad om eit interkommunalt samarbeid mellom Selje kommune, Eid kommune og Vågsøy kommune gjennom Reisemål Stryn & Nordfjord der vi no skriv søknad til Innovasjon Norge om ei prosjektstilling i Reisemål Stryn & Nordfjord plassert i utviklingsmiljøet i Sunnivahuset i Selje for å utvikle produkt for pakking i opplevingsreiser i desse tre kommunane. Andre meir spesifikke utviklingsprosjekt er i dag også organiserte interkommunalt som Stad Skipstunnel og Tilflytting til Nordfjord. ARENA FOR DIALOG Næringsutvalet representerer næringslivet i kommunen i eit aktivt utviklings-utval. Med jamne mellomrom bør imidlertid heile næringslivet, det politiske miljø, representantar for administrasjonen og andre interesserte i kommunen møtast til dialog om næringsutvikling i kommunen. Dette kan oppnåast gjennom to årlege dialogmøter der dei ulike aktørane i fellesskap er med på å sette opp agendaen for møta. I desse møta vil då NU få høve til dialog med innbyggjarane i kommunen på ein brei og konstruktiv måte der informasjon og idéar kan gå begge vegar. Alle har jo eit felles mål: å føre Selje kommune framover! SELJA OG STAD Selje Formannskap ga si tilslutning til prosjektet Selja og Stad hausten 2008 og løyvde pengar til prosjektet. Prosjektet Selja og Stad har vurdert ulike organisasjonsformer. Det vart i oppstarten etablert eit interimstyre med representantar frå næringsliv og kommune. Med utgangspunkt i organisasjonsskissa og saksutgreiinga over, er ei organisering som eit prosjekt under Næringsutvikling i Selje kommune, den naturlege organiseringsforma. Selja og Stad sitt rekneskap blir dermed lagt inn i kommunen sitt rekneskap med eige prosjektnummer. Med utgangspunkt i at kommunestyret har vedteke eit kommunalt økonomisk bidrag, og med utgangspunkt i den føreslegne modellen for næringsutvikling i Selje kommune, bør ordførar ha mynde til å underteikne avtalar innanfor dette prosjektbudsjettet. Døme på slike avtalar er husleigeavtalar for lokale til utviklingsprosjektet. Saksgang Kommunestyret gjer vedtak. TILRÅDING FRÅ ADMINISTRASJONEN 1. Selje kommune gjer vedtak om ei framtidig organisering av eit næringsapparat i samsvar med framlagde skisse og saksutgreiing. Næringslivet vel representantar til NU i tråd med dei strategiske satsingane i SNU (5 område).

5 Framtidige utviklingsprosjekt blir organiserte i tråd med saksutgreiinga. Modellen for næringsutvikling skal evalueras i samband med utløp av omstillingsperioden og seinast innan 1 år. 2. I tråd med tilrådinga frå Sogn og Fjordane fylkeskommune, leiger Selje kommune og NU inn ekstern kompetanse for rullering og spissing av Strategisk næringsplan (SNU). Øyremerka omstillingsmidlar blir nytta til dette med ei kostnadsramme på inntil kr Det skal her også utarbeidast eit sett med gode arbeidsverkty/ vedtekter for SNU. 3. Selje kommune godkjenner at eit balansert prosjektbudsjett/rekneskap for prosjektet Selja og Stad kan leggast inn i kommunen sitt rekneskap med eige prosjektnummer, og gjev ordførar fullmakt til å signere avtalar innanfor vedtekne økonomiske rammer. Marita Årvik kom under sak 016/09 Handsaming i Formannskapet Framlegg frå ordføraren Som tilrådinga med desse tillegga: Tillegg til punkt.1 Politiske representantar/medlemar til NU vert: ordførar, varaordførar og repr. frå det største partiet. (i dette høve Ap) Ottar Nygård. Tilleggspunkt/nytt punkt 4: - Kommunestyret vedtek å løyse opp Selje Vekst KF - Det vert sett ned eit avviklingsstyre : Medlemar: Nils Per Sjåstad Ordførar Rådmannen FS-016/09 FRAMLEGG Pkt. 1 med tillegg: Samrøystes. Pkt. 2 Samrøystes Pkt røysta for og 3 mot. Pkt. 4 Samrøystes. Handsaming i Kommunestyret KS-006/09 VEDTAK PKT. 1; SAMR. Framlegget frå kommunestyret Personlege varafolk for: Ottar Nygård: Eli Eide Årevik

6 Varaordførarar: Svein Hansen Ordførar: Nils Per Sjåstad Samrøystes. Pkt. 2: Samr. Pkt. 3: 9 for og 8 imot. Pkt. 4 Samr. Utskrift til: Dei valde