Saksframlegg. Sakshandsamar: Helga Bakken Arkivsaksnr.: 10/

Transkript

1 Saksframlegg Sakshandsamar: Helga Bakken Arkivsaksnr.: 10/ Arkiv: H12 Sogndal omsorgssenter - Utbyggingsprosjekt. * Samrøystes tilråding: Kommunestyret ber rådmann inngå avtale med SWECO AS med Ottar Arkitekter AS for vidareutvikling av ideen Solmei fram til prosjektert løysing. Utbygginga skal planleggjast innafor ei samla kostnadsramme for på 194 mill. kroner eks. mva. Ev. kostnader til utviding av p- kjeller ut over krav sett til SHOS-utbygginga kan gå ut over denne kostnadsramma og dekkast over parkeringsøkonomien e.a. Kommunestyret ber rådmann setja av hagen ved Prestebustaden som del av uteområdet for SHOS, og Tilråding 6 røyster (3 Ap, Sp, Sv, KrF): setje Prestebustaden i stand for bruk til kommunale føremål, t.d. bustad. Handsaming i formannskapet : Eva Ramstad (V) la fram følgjande forslag til endring, siste avsnitt: setje Prestebustaden i stand til allmennyttige føremål. Eline Orheim (Ap) la fram følgjande forslag til endring, siste avsnitt:..setje Prestebustaden i stand for bruk til kommunale føremål, t.d. bustad. Ingen ønska å oppretthalde rådmannen si tilråding på det punktet. Framlegget til Eva Ramstad (V) fekk 3 røyster (V, H, FrP). Framlegget til Eline Orheim (Ap) fekk 6 røyster (3 Ap, Sp, Sv, KrF). Rådmann si tilråding: Kommunestyret ber rådmann inngå avtale med SWECO AS med Ottar Arkitekter AS for vidareutvikling av ideen Solmei fram til prosjektert løysing. Utbygginga skal planleggjast innafor ei samla kostnadsramme for på 194 mill. kroner eks. mva. Ev. kostnader til utviding av p- kjeller ut over krav sett til SHOS-utbygginga kan gå ut over denne kostnadsramma og dekkast over parkeringsøkonomien e.a. Kommunestyret ber rådmann setja av hagen ved Prestebustaden som del av uteområdet for SHOS, og setje Prestebustaden i stand for bruk til kommunale føremål, t.d. bustad. Vedlegg: Juryrapport datert Uprenta vedlegg:

2 Innkomne løysingsframlegg for utbygging av SHOS (tilgjengeleg på heimasida til kommunen). Saksutgreiing: Nasjonalt og lokalt rammer for utbygginga av SHOS: I St.meld. nr. 25 ( ) Mestring, muligheter og mening. Framtidas omsorgsutfordringer er dei fem viktigaste utfordringane på omsorgsfeltet oppsummerte slik: Nye brukargrupper. På grunn av utviklinga innafor medisinsk teknologi og behandlingsevne ser vi ein vekst i yngre brukarar med nedsett funksjonsevne og eit større spekter av helsemessige og sosiale problem. Desse brukargruppene krev anna fagleg kompetanse og eit heilskapleg livsløpsperspektiv på omsorgstilbodet. Ein aldrande befolkning Knapp tilgang på fagpersonell og frivillige omsorgspersonar. Auka behov for medisinsk og tverrfagleg oppfølging Aktiv omsorg Hovudstrategien for å møta utfordringane er å nytta den demografisk sett relativt stabile perioden fram til til ei gradvis utbygging av tenestetilbodet, og til å planleggja den raske veksten i omsorgsbehovet som skjer etter 2020/2025. Det er mogeleg å starta ei gradvis utbygging og investera i førebyggande tiltak, kompetanse, ny teknologi, tekniske hjelpemiddel og universell utforming både i private heimar og offentlege rom. Kommunestyret handsama plan for pleie- og omsorgstenesta til eldre i Sogndal kommune i april I planen under Mål, strategi og tiltak er det sagt følgjande: Sjukeheimen dekker funksjonar som langtidsbutilbod for brukarar med omfattande plei- og omsorgsbehov og korttidsopphald i form av etterbehandling etter sjukehusopphald, rehabilitering, avlastning for pårørande og omsorg ved livets slutt. Vi ser at det skjer endringar i funksjonsfordelinga mellom 1. og 2.linjetensta, og på sikt vil sjukeheimen få utvida funksjonsområdet til å gjelda meir medisinsk behandling og pleie ved akutt sjukdom, utgreiing og observasjon, medisinsk behandling og korttidsopphald for kronisk sjuke og personar med komplekse og samansette behov, og tryggleiksplassar. Andre tenester, som legetenesta, må styrkast og vidareutviklast i tråd med sjukeheimen si utvikling. Bu-, pleie og omsorgstilbodet til personar som har demens skal utviklast i fellesbustadane i Skulevegen 7 C. Eit av tiltaka i planperioden omhandla behovet for å oppgradera/utvida sjukeheimen. Samhandlingsreforma nytt plangrunnlag for SHOS-utbygginga I juni 2009 la regjeringa fram St.meld. nr. 437 ( ) Samhandlingsreformen Rett behandling på rett sted til rett tid. Samhandlingsreforma har som mål at meir av helsetenestene skal skje nærare der pasienten bur, og innbyggjarane skal få fleire helsetenester lokalt, både når det gjeld førebygging, behandling og oppfølging av kronisk sjuke og eldre. Sentrale punkt er: Tilbod før, i staden for og etter sjukehusopphald som døgnplass for observasjon, etterbehandling, lindrande behandling, rehabilitering og habilitering. Tverrfaglege team, habilitering og rehabilitering. Lærings- og meistringssentra.

3 Innhaldet i samhandlingsreforma gjorde at planleggingsgrunnlaget vart endra frå å oppgradera / utvida sjukeheim til og å omfatta lokaliserings- og bygningsmessige utfordringar knytt til samhandlingsreforma. Kommunestyret har vedteke eit romprogram for utbygginga Seinare vedtok kommunestyret å auka romprogrammet med 180 m2 for å kunna lokalisera jordmortenesta og helsestasjonen. Kostnadsramma vart auka med 6,3 mill. kroner. Våren 2013 vedtek kommunestyret reguleringsplan for området. Reguleringsplanen legg til rette for høg utnytting av område sett av til SHOS-utbygginga. Reguleringsplanen vart påklaga til fylkesmannen. Fylkesmannen tok delar av klagen til følgje, og oppheva kommunestyret sitt vedtak med grunngjevinga at erstattingsareal for Stitoppen må sikrast betre i reguleringsplanen. Forvaltningsutvalet har lagd ny reguleringsplan ut på høyring der krav til erstattingsareal for Stitoppen er vist. Planlegging for gjennomføring av utbygginga Rådmann har engasjert prosjekt- og byggjeleiar for utbygginga. Det har blitt gjennomførd ein prekvalifisering av aktuelle arkitekt/prosjekteringsmiljø. Vi fekk 15 søknader om deltaking. Søkjarane vart evaluerte av kommunen si evalueringsgruppe som var sett saman av rådmann Jostein Aanestad, leiar kommunalteknikk Kristian Losnegard Karlsen og prosjektleiar Fredleiv Fosse. Alle gruppene vart godkjende etter dei vurderingskriterium som var skissert i konkurransegrunnlaget. Ut frå ei samla detaljert vekting knytt til tekniske og faglege kvalifikasjonar med vekting av referanseprosjekt, overføringsverdi og personell,vart desse gruppene inviterte til å delta i plan og designekonkurransen: Arkitektfirma Jon Vikøren AS HUS Arkitekter AS Trondheim SWECO med Ottar Arkitekter AS Rådmannen opprettar ei referansegruppe med representantar for brukarane, Eldrerådet og Rådet for funksjonshemma, tillitsvalde og ulike fagfolk. Gruppa hadde som oppgåve å gå gjennom /kvalitetssikra arealbehovet i høve til tidlegare utarbeidd arealbehov, gjera greie for prioriteringar/krav til intern og ekstern samhandling, tekniske krav og synet på å samla diverse tenester. Desse vurderingane vart lagd inn i konkurransegrunnlaget for den avgrensa plan og designkonkurransen. Det har vore gjennomført ein avgrensa plan- og designkonkurranse for utviding av SHOS og ein jury har vordert dei innkomne framlegga, jf vedlegg. Kort samandrag av innhaldet i juryrapporten: Kapittel 2 i rapporten omhandlar oppgåva eller målet med konkurransen. Sogndal kommunen ynskjer med konkurransen å få fram eit prosjektframlegg som løyser byggjeprogrammet på ein funksjonell-, areal- og kostnadseffektiv måte. Det er og ynskjeleg at konkurransen syner reguleringsplanen sine mogelegheiter for å supplera området med utbygging av bustader. Prosjektet skal leggja til rette for framtidig utviding med 40 nye sjukeheimsplassar i eit seinare byggesteg. Kapittel 3 Innkomne prosjektframlegg: Dei 3 innkomne prosjektframlegga har følgjande nemning: Fjellstøtt Framtidsretta

4 Solmei Kapittel 4 Juryen sitt arbeid og samansetning Dei innkomne framlegga er vurderte av ein jury med følgjande samansetning: Nils Johan Mannsåker, Fortunen AS, Bergen (juryen sin formann) Guri Fonsdal, Arkitektkontoret 4 B, Sogndal (juryen sin sekretær) Jan Tore Rosenlund, bygg- og eigedomssjef i Sogn og Fjordane fylkeskommune Jarle Helge Skaar, tenesteleiar omsorg Sogndal kommune Helga Bakken, rådgjevar helse Sogndal kommune Raymond Lind, felles tillitsvalt / fagforbundet Sogndal kommune Kapittel 5 Kriterier for bedømming Konkurranseprogrammet har sett opp følgjande evalueringskriteria Arkitektoniske grep Terrengtilpassing og forholdet til omgjevnaden Miljøløysingar Økonomi Juryen har drøfta kriteria og det har vore lagt vekt på hovudgrepet og om framlegga er løyste med tanke på funksjonalitet og drift. Det er lagt mindre vekt på detaljløysingar. Kapittel 6 Juryen si generelle vurdering Etter juryen si vurdering har dei 3 innkomne framlegga løyst oppgåva på svært ulik måte, og slik sett kan ein seia at konkurransen har vore vellukka. Juryen har vurdert framlegga etter punkta i oppgåva, men sorterer dei på denne måten: Disponering av tomta og overordna funksjonelle grep Tilkomst og parkering Tilpassing til eksisterande parkområde og prestegarden Funksjonalitet for god samhandling og effektiv drift Arkitektonisk kvalitet og uttrykk Miljøløysingar Universell utforming Framdrift og byggjetid Prosjektøkonomi og arealeffektivitet Utvidingspotensiale I kapittel 7 gir juryen ei vurdering av kvart enkelt framlegg vurdert etter kriteria i kap.6. Kapittel 8 inneheld juryen sin konklusjon: Sjølv om juryen meiner konkurransen har vore vellukka fordi den belyser oppgåva på ulike måtar har ingen av dei tre framlegga løyst utfordringane fullt ut. Dei tre utkasta har store forskjellar i hovudorganisering, i hovuddisponering av funksjonar innafor det totale byggeområdet. Det er i denne hovuddisponeringa dei tyngste avgjerslene i prosjektet ligg. Juryen har difor lagt spesiell vekt på å vurdera kvalitetar og vanskar i dei tre utkasta på dette nivået. Juryen har nøye drøfta for og imot å gå inn i Stitoppen. Skal ein nytta dette arealet no for å gå inn med ei lita utbygging som Framtidsretta gjer eller noko meir som Fjellstøtt gjer eller

5 la det liggja for å nytta det til ei meir heilskapleg utbygging i større skala seinare. Mellom anna då sett i samanheng med å riva nr 9 og ei heilskapleg vurdering av prestegardsområdet. Juryen meiner det er rett å venta. Området vil fortsatt ha stor verdi for Sogndal kommunen. Både slik det ligg og for ei framtidig meir samla utbygging. Området vil ha stor verdi for Sogndal kommune, og størst verdi om ein kan sjå Prestegarden, Skulevegen 9 og Stitoppen som heilskap. Juryen meiner prosjektet Solmei peikar seg klårt ut som konkurransen sitt beste framlegg og har størst potensiale for vidare utvikling. Ein einstemmig jury har vedteke å kåra dette utkastet til konkurransen sin vinnar. Juryen viser elles til eige kapittel med tilrådingar for det vidare arbeid med vinnarprosjektet. Solmei har eit overordna godt grep som med bearbeiding kan gi gode funksjonelle løysingar Solmei framstår med eit arkitektonisk tillitsvekkande uttrykk Solmei utfordrar ikkje kostnadsbiletet med usikkerheit for kompliserte spunt-/grunnarbeid. Totalramma er på same nivå som Fjellstøtt som viser ein dårlegare funksjonalitet i sitt framlegg Solmei har ein struktur som gjer det godt eigna til vidare utvikling i samarbeid med brukarar og Sogndal kommunen generelt Solmei disponerer alle areal i det komande og neste byggjesteg på flata. Dei frigjer då eit samla areal Prestegarden, Skulevegn 9 og Stitoppen for ei seinare utvikling. Kapittel 9 inneheld juryen si tilråding for det vidare arbeidet og inneheld ei rekkje punkt som bør løysast i den vidare prosessen med utvikling av vinnarprosjektet. Opna opp og etablera ei betre påkobling mellom nybygget og 7A (til dømes ved å leggja funksjonar som ikkje treng dagslys under bakken) Parkering også under nybygget Etablera ein sentral vertikal kommunikasjon frå parkeringsarealet i kjellaretasjen Sjå på om det er mogeleg å berre byggja ein etasje til neste byggjesteg og heller utvida 3. og 4.etasje med fleire sjukeheimsrom Sjå på om bebuarane i 7 B kan få andre butilbod medan ein riv 7 B og dermed oppnår kortare og meir rasjonell framdrift. Juryen sin vurdering skal telja 80% i den samla vektinga. Resten av vektinga er knytt til prosjektøkonomi med 10% og kompetanse hjå konsulent med 10%. Også etter ei samla vekting er det SWECO med Ottar Arkitekter AS med Solmei som kjem best ut. Økonomi I framlegg til ØP er den samla økonomiske ramma på 194 mill. kroner eks. mva. Juryen har gjennomført ei kontrollrekning av byggeprogramma i prosjekta. Kalkylegrunnlaget er vurdert ut frå kostnadsnivå Grunnlaget for kalkylen er Norsk Prisbok pluss Byggekostnad Byggfakta. For det arealet som skal byggjast om er det nytta ein kostnadsfaktor som er 80 prosent av det å byggja nytt. Med dette som grunnlag kjem juryen til ein samla utbyggingskostnad i 2012-prisar på 227 mill. inkl. margin på 19. mill. kroner. Arealet er om lag 20% høgare enn det som låg i romprogrammet. I det vidare prosjekteringsarbeidet må difor arealet i prosjektet kome ned mot arealomfanget i romprogrammet.

6 Prestebustaden Ingen av prosjekta nyttar prestebustaden, og uteområde inngår i noko ulik grad i park-/uteområdet for anlegget. Rådmannen vil tilrå at det vert gjort eit utgreiingsarbeid over kva som må til for at prestebustaden kan nyttast til bustad og inngå i den kommunale bustadmassen. Dette bør gjennomførast som eit eige prosjekt med eigen økonomi. Rådmannen tilrår at ideen Solmei vert lagd til grunn for det vidare arbeidet med utbygging av SHOS, og at det vert inngått kontrakt med SWECO AS med Ottar Arkitekter AS for vidare planlegging og prosjektering av SHOS-utbygginga. Det vil vera mange spørsmål som må greiast nærare ut og avklarast i det vidare planarbeidet, jf. juryrapporten. Det vert særleg viktig å sjå om det er mogleg å finne eit anna butilbod for beburane i 7B i byggjeperioden, slik at utbygginga av desse bueiningane kan inngå hovudutbygginga. Sogndal Jostein Aanestad rådmann