MØTEBOK. Likestillingsutvalet. Fylkeshuset, møterom Sygna. Møtedato Kl

Transkript

1 MØTEBOK Organ Møtestad Likestillingsutvalet Fylkeshuset, møterom Sygna Møtedato Kl Faste medlemer til stades: Åshild Kjelsnes, Ap Nils P. Støyva, Ap Anders Ryssdal, Sp Karen Marie Hjelmeseter, Sp Jenny Følling, Sp Noralv Distad, H Frank Willy Djuvik, FrP Marit Barsnes Krogsæter, V Trude Brosvik, KrF Til stades med møte- og talerett: Sekretariat for møtet: Tore Eriksen Knut Henning Grepstad Ingen merknader til innkalling og sakliste.

2 Møtebok Likestillingsutvalet SAK 1/14 Justering av handlingsplan for likestilling, likeverd og mangfald - planperiode VEDTAK: Likestillingsutvalet vedtek handlingsplan for likestilling, likeverd og mangfald for Side 2 av 2

3 Side 1 av 3 Saksframlegg Saksbehandlar: Jan-Erik Weinbach, Fylkesrådmannen Sak nr.: 13/ Justering av handlingsplan for likestilling, likeverd og mangfald Fylkesrådmannen rår fylkesutvalet som likestillingsutval til å gjere slikt vedtak: Likestillingsutvalet vedtek handlingsplan for likestilling, likeverd og mangfald for Vedlegg: 1. Handlingsplan for likestilling, likeverd og mangfald 2014 til Saksprotokoll, fylkesrådet for funksjonshemma sak: 6/14 Andre dokument som ikkje ligg ved: 1. Handlingsplan for likestilling, likeverd og mangfald til Handlingsplan for likestilling, likeverd og mangfald - status 2012 SAKSFRAMSTILLING 1. Bakgrunn for saka Fylkestinget vedtok i juni 2009 handlingsplan for likestilling, likeverd og mangfald, I saksnr. 01/13 «Handlingsplan for likestilling, likeverd og mangfald status 2012» våren 2013 skreiv fylkesrådmannen at han til neste møte i likestillingsutvalet ville vurdere behovet for å revidere handlingsplanen og fremje det for utvalet. I møte den 14. oktober 2013 sa fylkesrådmann at gjeldande handlingsplan burde rullerast, men med justering av (nye) mål og delmål. Vidare at han kom til å leggje fram justert handlingsplan til politisk handsaming våren/sommaren Utvalet hadde ikkje merknader til dette. Fylkesrådmannen sette i etterkant ned ei partsamansett arbeidsgruppe med mandat å utarbeide eit forslag til justert handlingsplan for likestilling, likeverd og mangfald. Arbeidsgruppa skulle vurdere handlingsplanen sin visjon, bærande prinsipp, mål og tiltak og fremje nye formuleringar og justeringar i tråd med aktuelle og framtidige utfordringar. Arbeidsgruppa har vore sett saman av representantar frå fylkesrådmannen, opplæringsavdelinga, tannhelsetenesta, plan- og samfunnsavdelinga, kulturavdelinga og fylkeshovudtillitsvalde. Arbeidsgruppa har undervegs hatt dialog med fylkeskommunen sine avdelingar, og særleg då avdelingar som i justert handlingsplan vil få eit særskilt ansvar for å fylje opp eit eller fleire tiltak. 2. Historikk, likestillingsstatus og nye utfordringar Gjeldande handlingsplan er tufta på eit grundig forarbeid og ein brei prosess. Likestillingsutvalet var styringsgruppe for planarbeidet. Planen kom til ved at ei arbeidsgruppe, assistert av ei ressursgruppe, la fram forslag til ny handlingsplan i Utkastet til plan vart sendt på ei brei høyring i fylket og internt i fylkeskommunen, før likestillingsutvalet handsama planen og fylkestinget gjorde sitt endelege vedtak. Gjeldande handlingsplan er ein mål- og tiltaksplan som set fokus på arbeidsmetodar og aktivitet. Handlingsplanen står for eit skifte i fylkeskommunen sitt likestillingsarbeid. Skiftet er at gjeldande handlingsplan gjeld likestilling, likeverd og mangfald generelt, i motsetnad til tidligare planar som

4 Side 2 av 3 berre omhandla likestilling mellom kvinner og menn. Handlingsplanen gjeld for heile fylkeskommunen sitt virke og ikkje berre arbeidsgjevarrolla slik tidligare planar gjorde. Likestillingsstatus Fylkesrådmannen meiner vi langt på veg har nådd måla som fylkestinget vedtok i 2009, men det er framleis nokre punkt vi ikkje er heilt i mål med. Det gjeld blant anna det overordna målet om at «Tilsette og innbyggarar i Sogn og Fjordane skal oppleve at Sogn og Fjordane fylkeskommune er ei verksemd som prioriterer og verdset likestilling, likeverd og mangfald». I medarbeidarundersøkinga som blei gjennomført i 2012 blei dei tilsette spurt om dei opplever at fylkeskommunen legg vekt på likestilling, likeverd og mangfald for sine brukarar og for sine tilsette. Dei tilsette sine svar ligg i snitt mellom «litt samd» og «stort sett samd». Det blei i 2012 ikkje gjennomført ei brukarundersøking. Vi veit difor ikkje korleis brukar- eller innbyggarsida opplever fylkeskommunen sitt arbeid pr. dato. Vi er heller ikkje sikre på om vi har nådd delmål 2, som er: «Innan utgangen av 2012 skal tal tilsette som ufrivillig arbeider deltid vere redusert med 50 prosent, på sikt skal ingen tilsette arbeide ufrivillig deltid.» Det vi veit er at: Gjennomsnittleg stillingsstorleik har gått opp frå 86 % i 2007 til 90 % i deltidstilsette har søkt utdanningsstøtte sidan I april 2014 rapporterte einingsleiarane om 39 tilsette (32 kvinner og 7 menn) som ynskte auka stillingsprosent. Desse utgjer 2,7 % av arbeidsstyrken på Medarbeidarundersøkinga i 2012 syner at 121 tilsette ynskjer auka stilling. Legg vi til grunn einingsleiarane si rapportering, med 39 tilsette som arbeider uynskt deltid, er målet om halvering frå 100 tilsette til 50 tilsette nådd med god margin. Desse 39 står likevel i kontrast til dei 121 deltidstilsette som i medarbeidarundersøkinga hausten 2012 sa at dei ynskjer auka stillingsstorleik. Det er 21 fleire enn det undersøkinga frå 2007 konkluderte med, og som låg til grunn for målsettinga som blei vedteke i Ei forklaring på skilnaden er truleg at leiarane i si rapportering tel uynskt deltid blant tilsette som går i faste stillingar, medan spørsmål om uynskt deltid i medarbeidarundersøkinga også gjekk til tilsette i mellombelse stillingar. Arbeidsgruppa har i sitt arbeid lagt til grunn einingsleiarane si rapportering på dette punktet. Dvs. at det i april 2014 var 39 faste tilsette som ynskjer auka stillingsprosent. Fylkesrådmannen vil difor i det vidare arbeidet måle uynskt deltid mot tilsette i fast stilling. Delmål 3 har også vore utfordrande å arbeide med. Det er formulert slik: «Fylkeskommen sine tilsette skal spegle mangfaldet som bur i Sogn og Fjordane.» Då målformuleringa blei vedteke i 2009, var det lite statistisk materiale om fylket som inkluderte data om innvandrarar og funksjonshemma. Tilsvarande tilhøve gjaldt for samansettinga av den fylkeskommunale arbeidsstyrken. SSB-data frå 2009 synte at fylket hadde 7 % innvandrar, men ikkje kor mange innvandrarar eller funksjonshemma i alderen 15 til 74 år som var uføre, i arbeid eller under utdanning. Det finst heller ikkje i dag fullstendige og samstilte data på fylkes- og kommunenivå som lettfatta syner kor mange innvandrarar eller funksjonshemma i alderen 15 til 74 år som er uføre, i arbeid eller under utdanning. Når det gjeld interne forhold er det utfordrande å kartlegge nasjonalitet og funksjonshemming blant eigne tilsette då dette langt på veg er informasjon av privat karakter. Mangelfull og spreidd statistikk er ei utfordring i arbeidet med å finne status og å måle endringar. Plan- og samfunnsavdelinga (PSA) er i kontakt med SSB for å prøve å få utarbeida statistikk over innvandrarar i Sogn og Fjordane til bruk i fylkesspegelen.

5 Side 3 av 3 Nye utfordringar Verdiar som likestilling, likeverd og respekt står sterkt i det norske samfunnet. Eit prov er lovendringane som fylje av proposisjon 88 L ( ) Diskrimineringslovgivning. Proposisjonen resulterte i «Lov om forbod mot diskriminering på grunn av seksuell orientering, kjønnsidentitet og kjønnsuttrykk», med verknad frå 1. januar I tillegg har proposisjonen gitt meir likelydande lovutforming av dei tre diskrimineringslovene som gjeld kjønn, etnisitet og nedsett funksjonsevne. Konkret betyr dette at fylkeskommunen bør ha planar med mål og tiltak som dekkjer alle dei fire lovverka. Det kan løysast med ein plan som har mål og tiltak som dekkjer alle fire lovene. Arbeidsgruppa sitt forslag Til grunn for arbeidsgruppa sitt forslag ligg vurderingar gjort kring likestillingstatus, måloppnåing i gjeldande handlingsplan og nye utfordringar. Det er ei samla arbeidsgruppe som har sendt sitt forslag til justert handlingsplan for likestilling, likeverd og mangfald til fylkesrådmannen. Arbeidsgruppa meiner at ei viktig endring i deira forslag til justert handlingsplan er å plassere ansvaret for mål og tiltak på avdelingsnivå. Det er likevel viktig å presisere at dette ikkje vil endre ansvarsrelasjonane mellom administrasjonen og politisk side. 2. Vurderingar og konsekvensar Fylkesrådmannen meiner at fylkeskommunen er tent med å ha ein overordna handlingsplan som definerer krav til aktivitet og arbeidsmetodar. Den overordna planen bør vere eit tydleg rammeverk for heile den fylkeskommunale verksemda. Ei slik tilnærming utfordrar dei fylkeskommunale sektorane/einingane til å finne og å løyse dei meir konkrete problemstillingane innan eigne ansvarsområde. Samla sett er fylkesrådmannen tilfreds med utviklinga i fylkeskommunen sitt likestillings-, likeverds- og mangfaldsarbeid. Særskilt er fylkesrådmannen nøgd med at handlingsplanen si målsetting om å innfri lovkrava om aktivitets- og rapporteringsplikta vart nådd ved første forsøk. Fylkeskommunen sine årsrapportar har frå og med 2009 formidla det målretta arbeidet som fylkeskommunen gjer for likestilling, likeverd og mangfald, både som tenesteleverandør og som arbeidsgjevar. Rapportane syner at fylkeskommunen arbeider systematisk for å nå sine mål. I samband med arbeidet med årsrapporten for 2013 har fylkesrådmannen gått gjennom ein del nøkkeltal for kjønnslikestilling, og tala støtter opp om denne gode utviklinga. Fylkesrådmannen er ikkje like nøgd med at ikkje alle mål i gjeldande handlingsplan for likestilling, likeverd og mangfald er nådde, men meiner at forslag til justert handlingsplan byggjer vidare på det gode arbeidet og at mål og tiltaka i forslaget tek omsyn til likestillingstilhøva i fylkeskommunen, gjeldande lovkrav og har eit realistisk ambisjonsnivå. 3. Konklusjon Fylkesrådmannen meiner at gjeldande handlingsplanen er tufta på ei solid plattform og at dei berande dimensjonane om krav til planar og aktivt likestillingsarbeid står seg godt i Vidare ser fylkesrådmannen at det har gått 5 år og at det har komme til ei ny diskrimineringslov. Fylkesrådmannen meiner tida er moden for fylkeskommunen å setje nye mål og tiltak. Arbeidsgruppa sitt forslag til justert handlingsplan dekkjer alle dei fire diskrimineringslovene. Konkret betyr det at forslag til fylkeskommunen sin justerte handlingsplan for likestilling, likeverd og mangfald har ein samla mål- og tiltakspakke som tek i vare dei fire diskrimineringslovene. Fylkesrådmannen meiner vidare at arbeidsgruppa sine forslag til mål og tiltak både er gode og realistiske. Fylkesrådmannen rår fylkesutvalet som likestillingsutval å vedta justert handlingsplan slik den er lagt fram.

6 Handlingsplan for likestilling, likeverd og mangfald

7 Føreord Fylkeskommunen skal bidra til nedbygging av diskriminerande barreriar og hindre at nye vert skapte. Gjennom metodisk og kunnskapsbasert arbeid over tid, skal fylkeskommunen arbeide målretta for å fremje likestilling, likeverd og mangfald. I den avslutta planperioden frå 2009 til 2012 har likestillingsarbeidet i fylkeskommunen vorte meir systematisk. Vi har arbeidd særleg med organisering av likestillingsarbeidet, med vekt på innføring av lokale (einingsvise) handlingsplanar og rapportering. Dette for å tilfredstille aktivitets- og rapporteringsplikt i tråd med gjeldande lovkrav og fordi lokal utforming av mål og tiltak sikrar eigarskap til aktuelle utfordringar. I kommande planperioden skal vi byggje vidare på dei organisatoriske grepa og utvikle likestillingsarbeidet ytterlegare. I planperioden skal vi leggje vekt på konkrete delmål og tiltak i tråd med formålsparagrafane i dei fire diskrimineringslovene. Visjon Sogn og Fjordane fylkeskommune skal vere kjent for å arbeide aktivt med likestilling, likeverd og mangfald. Berande prinsipp Mangfald i Sogn og Fjordane er ein ressurs. Fylkeskommunen skal vere inkluderande, syne omsorg og ha respekt for alle.

8 Overordna mål Ambisjonsnivået er at medarbeidarane og brukarane opplever at Sogn og Fjordane fylkeskommune er ei verksemd som prioriterer og verdset likestilling, likeverd og mangfald. Dette skal målast i medarbeidar- og brukarundersøkingar, og her er ambisjonsnivået at minst 80 prosent opplever dette. Delmål 1. Mål og tiltak for likestilling, likeverd og mangfald skal innarbeidast i regionale planar der det er naturleg. 2. Innan utgangen av 2014 skal fylkeskommunen tilfredstille aktivitets- og rapporteringsplikta i tråd med diskrimineringslova om seksuell orientering (ny lov frå januar 2014). 3. Innan utgangen av 2015 skal Fylkesspegelen starte med å publisere ein årleg mangfalds- og likestillingsstatus for Sogn og Fjordane. 4. Innan utgangen av planperioden skal fylkeskommunen ha gjort ei ny kartlegging av fylkeskommunen sine eigendomar når det gjeld krav om universell utforming. 5. Innan utgangen av 2016 skal fylkeskommunen ta initiativ til eit samarbeidsprosjekt mellom dei offentlege aktørane i fylket om korleis offentlege nettsider kan bidra til betre integrering av innvandrarar. 6. Innan utgangen av 2017 skal tal faste tilsette som ufrivillig arbeider deltid i fylkeskommunen vere redusert frå 39 til 26. Ein reduksjon på 33 prosent. 7. Innan utgangen av 2017 skal fylkeskommunen sin informasjonsproduksjon formidle at fylkeskommunen er ein inkluderande arbeidsgjevar og tenestytar der dette er tenleg. Tiltak For å nå vårt overordna mål og dei sju delmåla skal fylkeskommunen i komande planperiode arbeide med fyljande tiltak: Tiltak overordna mål For at fylkeskommunen også i neste planperiode skal tilfredstille aktivitets- og rapporteringsplikta i gjeldande lovkrav og for å nå vårt overordna mål må 1. kvar eining fortsette med å kartleggje, registrere, rapportere, setje i gang og evaluere likestillings-, likeverds- og mangfaldstiltak. 2. fylkesrådmannen og fylkesdirektørane samle inn og samanfatte dei einingsvise rapportane og formidle dette i fylkesrådmannen sin årsrapport. Med ansvar og rapportering lagt til kvar eining og kvar sektor vil fylkeskommunen samla kunne gi ei konkret og korrekt framstilling av tilhøva og likestillingsarbeidet i heile fylkeskommunen. Ansvar: Fylkesrådmannen 1

9 Tiltak delmål 1 Fylkesrådmannen skal ta stilling til om mål og tiltak for likestilling, likeverd og mangfald skal innarbeidast i nye regionale planar eller ved revisjon av eksisterande. Ansvar: Fylkesrådmannen Tiltak delmål 2 Innan utgangen av 2014 skal fylkeskommunen tilfredstille aktivitets- og rapporteringsplikta i tråd med diskrimineringsloven om seksuell orientering (ny lov frå januar 2014). Ansvar: Fylkesrådmannen Tiltak delmål 3 Innan utgangen av 2015 skal Fylkesspegelen starte med å publisere ein årleg mangfalds- og likestillingsstatus for Sogn og Fjordane. Ansvar: Fylkesdirektøren for plan- og samfunn Tiltak delmål 4 Innan utgangen av planperioden skal fylkeskommunen ha gjort ei ny kartlegging av fylkeskommunen sine eigendommar når det gjeld krav om universell utforming. Ansvar: Bygge- og eigedomssjefen Tiltak delmål 5 Innan utgangen av 2016 skal fylkeskommunen ta initiativ til eit samarbeidsprosjekt mellom dei offentlege aktørane i fylket om korleis offentlege nettsider kan bidra til betre integrering av innvandrarar. Ansvar: Fylkesdirektøren for næring Tiltak delmål 6 Innan utgangen av 2017 skal tal faste tilsette i fylkeskommunen som ufrivillig arbeider deltid vere redusert frå 39 til 26 personar. Ein redukson på 33 prosent. Ansvar: Personalsjefen Dette tiltaket må gjennomførast i tråd med gjeldande lov- og avtaleverk. I tillegg gjennom bruk av kompetansehevingstiltak. Organisatoriske tiltak jamfør 2.3 i hovudtariffavtalen 1. Ved ledige deltidsstillingar skal det gjerast ei vurdering om dei kan slåast saman, eller om arbeidsoppgåvene kan overførast til tilsette som har deltidsstillingar. Dersom det er fleire som er kvalifiserte, skal stillinga lysast ut internt. 2. Tilsvarande prosess skal gjerast ved ledige 100-prosentstillingar. 3. Om det oppstår behov som ikkje kan vente til utviklingssamtalen, skal tilsette som jobbar deltid melde frå til næraste leiar om dei ynskjer utviding av stillinga si. 4. Tilsette som har ytra ønskje om utviding av stilling, og som ikkje tek i mot eventuelt tilbod frå arbeidsgjevar, vil ikkje ha prioritet ved seinare høve som kan vere aktuelle for utviding av stilling. Om det har oppstått spesielle private grunnar som gjer det vanskeleg å utvide stillingsprosenten, skal det takast omsyn til slike tilhøve. Kompetansehevingstiltak 1. Gjennom utviklingssamtalen skal leiar kartleggje kven av dei tilsette med deltid som ynskjer å auka stillingsprosenten sin. 2. Kompetanseprofilen til den einskilde skal gjennom vårt kompetanse- og opplæringssystem drøftast og avklarast mellom leiar og medarbeidar. 3. Den tilsette skal synleggjere kva kompetansehevingstiltak vedkomande ynskjer. 2

10 4. Tilsvarande skal leiar vurdere behovet for endra og/eller ny kompetanse ved eininga i eit perspektiv på minst tre år. 5. Eininga sitt kompetansebehov skal sjåast saman med dei tilsette sine ynsker. 6. Dersom det er nødvendig med kompetansehevingstiltak for at den tilsette skal kome i ein betre posisjon i høve utviding av stilling, skal det avtalast tiltak mellom leiar og medarbeidar. Dersom kompetansehevinga er innafor det behovet som leiar har kartlagt ved eininga, skal det avtalast verkemiddel for at den tilsette skal kunne gjennomføre kompetansehevinga. Tiltak delmål 7 7a Lage og implementere retningsliner for fylkeskommunen sin informasjonsproduksjon som støttar opp om målformuleringa i delmål 7. 7b innan utgangen av 2017 skal fylkeskommunen si heimeside stette Direktorat for fornying og ikt sine krav til universell utforming Ansvar: Informasjonssjefen 3

11 Omgrepsavklaringar Mangfald Når vi brukar omgrepet mangfald er det dekkande for heile breidda av det menneskelege mangfaldet, uavhengig av utsjånad, alder, fysisk/psykisk funksjonshemming, seksualitet, seksuell identitet, nasjonalitet, kultur, etnisk bakgrunn, religiøs/politisk/humanistisk overtyding osv. Likestilling Likestilling har tradisjonelt vore forbunde med likestilling mellom kjønn. I dei seinare åra har omgrepet stadig oftare vorte nytta i ei utvida form, som inkluderer etnisitet, fysisk/psykisk funksjonshemming, hudfarge, religion, seksuell orientering og alder osv. Det er den utvida bruken av omgrepet som ligg til grunn i handlingsplanen. Likeverd Norsk lov gir alle menneske like rettar og mogelegheiter, uavhengig av kulturell/religiøs/politisk/humanistisk/organisatorisk/sosial tilknyting, seksuell legning, fysiske/psykiske funksjonshemming, alder, utsjånad, utdanning, stilling, formue osv. Det er eit uttrykk for at alle menneske er likeverdige og like for lova. Diskriminering Vi skil mellom direkte diskriminering og indirekte diskriminering. Direkte diskriminering er når det med overlegg og utan saklig grunn blir gjort skilnad på menneske. Det er ei aktiv handling som gir uttrykk for at ikkje alle menneske er likeverdige. Indirekte diskriminering er når ei handling utilsikta medfører at nokon blir hindra frå sine rettar eller mogelegheiter. Det skuldast i regel manglande forståing for situasjonen og/eller manglande forståing av konsekvensane som handlinga vil/kan medføre. Universell utforming Universell utforming er utforming og samansetning av produkt og omgivnader som gjer at dei kan brukast av alle menneske i så stor utstrekning som mogleg, utan trong for tilpassing og ei spesialisert utforming, uavhengig av funksjonsevne og ferdigheitar. Ufrivillig deltid For å bli rekna som å arbeide ufrivillig deltid, må fyljande kriterium vere innfridde: 1. Fast tilsett 2. Samla stillingsprosent er under 100 prosent 3. Den tilsette må ha gjort det klart for sin leiar at ho/han ynskjer auka stillingsprosent Tilsette som har fått tilbod om auka stillingsprosent, men som har takka nei, er ikkje å rekne som å arbeide ufrivillgi deltid. Om det har oppstått spesielle private grunnar som gjer det vanskeleg å utvide stillingsprosenten, skal det takast omsyn til slike tilhøve. Seksuell orientering, kjønnsidentitet og kjønnsuttrykk Dette er komplekse omgrep, som er grundig forklart i proposisjon 88 L ( ). Vi siterer difor proposisjon 88 L ( ): «Begrepet seksuell orientering i rettslig sammenheng omfatter homofile, lesbiske, bifile og heterofile. Seksuell orientering inkluderer både seksuell legning og seksuell praksis. Begrepet peker på hvilket kjønn en persons kjærlighet og/eller seksualitet er rettet mot, om det er personer av motsatt kjønn eller av samme kjønn. Begrepet omfatter ikke særlige seksuelle preferanser eller aktiviteter som for eksempel fetisjisme eller sadomasochisme.» Kjønnsidentitet og kjønnsuttrykk «Samfunnet består ikke bare av menn og kvinner. Kjønn er mer sammensatt enn som så: Noen opplever at de har et annet kjønn enn det de er født med; de har en annen kjønnsidentitet. Andre føler at de er verken mann eller kvinne. Andre igjen opplever samsvar mellom kjønnsidentitet og sitt biologiske kjønn (det kjønn en er født med), men skiller seg ut med sitt kjønnsuttrykk. Dette er noen av de som på grunn av sin kjønnsidentitet eller sitt kjønnsuttrykk ofte omtales som transpersoner. 4

12 Med kjønnsidentitet siktes det til hva slags kjønn vi føler og opplever oss selv som. Denne følelsen eller opplevelsen kan være i samsvar eller bryte med ens biologiske kjønn. Med kjønnsuttrykk menes hvordan kjønnsidentiteten bevisst eller ubevisst uttrykkes eller oppfattes av andre, for eksempel med stemme, klær, kroppsspråk, sminke eller frisyre. Noen har et kjønnsuttrykk som utfordrer gjengse kjønnsstereotypier i samfunnet.» 5

13 Fylkesrådmannen Fylkeshuset Askedalen 2, 6863 Leikanger Telefon: E-post: Illustrasjon på framsida: Eivind Gulliksen

14 Saksprotokoll Organ: Møtedato: Fylkesrådet for funksjonshemma Sak nr.: 14/ Internt l.nr /14 Sak: 6/14 Tittel: Justering - handlingsplan for likestilling, likeverd og mangfald Behandling: Dette gir følgjande endeleg vedtak: 1) Fylkesrådet for funksjonshemma meiner at den framlagde handlingsplanen ivertek lov- og forskriftskrav på området. 2) Fylkesrådet for funksjonshemma meiner fylkeskommunen er tent med å ha ein overordna handlingsplan som definerer krav til aktivitet og arbeidsmetodar.

15 Saksprotokoll Organ: Møtedato: Hovudsamarbeidsutvalet Sak nr.: 13/ Internt l.nr /14 Sak: 7/14 Tittel: Justering av handlingsplan for likestilling, likeverd og mangfald Vedtak: 1) Hovudsamarbeidsutvalet meiner at den framlagde handlingsplanen ivaretek lov- og forskriftskrav på området. 2) Hovudsamarbeidsutvalet meiner fylkeskommunen er tent med å ha ein overordna handlingsplan som definerer krav til aktivitet og arbeidsmetodar.

16 Saksprotokoll Organ: Likestillingsutvalet Møtedato: Sak nr.: 13/ Internt l.nr /14 Sak: 1/14 Tittel: Justering av handlingsplan for likestilling, likeverd og mangfald - planperiode Behandling: Dette gir følgjande endeleg vedtak: Likestillingsutvalet vedtek handlingsplan for likestilling, likeverd og mangfald for