SKODJE KOMMUNE. Møtereglement for Skodje kommune. Vedteke i kommunestyret

Transkript

1 SKODJE KOMMUNE Møtereglement for Skodje kommune Vedteke i kommunestyret

2 INNHALD Reglement for Skodje kommunestyre s: 3 Reglement for Skodje formannskap s:12 Reglement for det faste planutvalet s: 16 Reglement for administrasjonsutvalet s: 18 Reglement for politiske utval s: 20 2

3 Møtereglement for Skodje kommunestyre 1. KOMMUNESTYRET - MYNDE OG OPPGÅVER a. Skodje kommunestyre har 21 valde representantar og er det øvste styringsorganet i Skodje kommune. b. Skodje kommunestyre skal handsame alle saker som etter lov ligg til kommunestyret. I tillegg skal alle overordna og prinsipielle saker for kommunen handsamast av kommunestyret. c. Kommunestyret gjer vedtak på vegne av Skodje kommune såframt dette myndet ikkje ligg til andre organ gjennom lov eller delegeringsvedtak. d. Saker som kommunestyret har delegert til formannskapet, andre faste utval, ordførar eller rådmann, vil gå fram av vedtekne delegeringsreglement. e. Kommunestyret kan gje nærare instruksar om korleis formannskapet og andre faste utval, ordførar eller rådmann skal gjere vedtak i saker. f. Kommunestyret kan når som helst trekkje attende fullmakter som er tildelte andre. g. Kommunestyret kan likeins gjere vedtak i ei sak der vedtaksmynde elles er tildelt andre. Kommunestyret kan også av eige tiltak gjere om vedtak som er gjort av underinstans, jfr. 35 i forvaltningslova. h. Kommunestyret er klagenemnd for einskildvedtak som formannskapet gjer etter 28 i forvaltningslova. 3

4 2. INNKALLING - SAKLISTE - KUNNGJERING a. Kommunestyret held møte når det sjølv ønskjer det, når ordføraren finn det påkravd, eller når minst 1/3 av medlemene krev det. b. Ordføraren set opp sakliste og kallar saman til møte. c. Innkallinga skal innehalde opplysningar om tid og stad for møtet, spesifisert oppgåve over dei sakene som skal drøftast, samt dei dokument som følgjer sakene. d. Møteinnkalling, sakliste og saksdokument skal til vanleg sendast medlemene og innkalla varamedlemer med minst 8 dagars varsel. e. Kopi av saksdokumenta skal vere tilgjengeleg for publikum i tida frå møtet er kunngjort. Dette gjeld ikkje for dokument som i medhald av reglane i offentlighetslova er unnateke offentlighet. 3. FORFALL - VARAMEDLEMER a. Forfall skal meldast til ordføraren snarast og forfallsgrunn oppgjevast. Ordføraren kallar straks inn varamedlem etter reglane i 16, nr. 1 i kommunelova. Det same skal han gjere når han vert kjend med at nokon må gå frå møtet som ugild i sak som skal handsamast. b. Medlem som må gå før møtet er slutt, melder straks frå til ordføraren. Varamedlem skal om mogleg kallast inn og gå inn i hans stad. c. Medlem som kjem under møtet, skal melde frå til ordføraren før han tek plass. Dersom ei sak er teken opp til endeleg røysting,skal han vente til røystinga er over. d. Når kommunestyret har teke til med handsaminga av ei sak, kan varamedlem ikkje tre inn. 4

5 e. Varamedlem som tek del i drøftingane, skal dersom den faste representanten kjem, sitje til saka er ferdighandsama. 4. MØTELEIAR - OPNE ELLER STENGDE DØRER - TEIEPLIKT a. Møta vert leia av ordføraren eller varaordføraren når ordføraren har forfall. Har begge forfall, skal det veljast ein setjeordførar. b. Møta vert haldne for opne dører dersom ikkje anna følgjer av lovbestemt teieplikt, eller kommunestyret vedtek å handsame ei sak for stengde dører i medhald av 31 i kommunelova. Debatt om dette skal gå føre seg for stengde dører dersom ordføraren krev dette, eller kommunestyret vedtek det. 5. UGILDSKAP a. Den som etter kommunelovas 40 nr. 3 (jfr. 6 i forvaltningslova) er ugild, eller som etter nr. 4 i same paragraf blir friteken, tek ikkje del i handsaminga av vedkomande sak. b. Spørsmål om ugildskap skal avklårast før sjølve saka vert handsama. Den medlem spørsmålet om ugildskap gjeld, skal ikkje ta del i handsaminga av dette spørsmålet 6. MØTET VERT SETT a. Til fastsett tidspunkt ropar ordføraren opp medlemene i kommunestyret og varamedlemene som er kalla inn. Er minst halvparten av medlemene til stades, kan møtet setjast, jfr. 33 i kommunelova 5

6 b. Medlemer/varamedlemer som møter etter opprop, skal melde seg til ordføraren før dei tek sete. Dersom nokon må forlate møtet, skal dette meldast til ordføraren før møtet tek til. 7. ORDFØRAREN SI UTGREIING OM SAKA - REKKJEFØLGJE PÅ TALARANE. a. Ordføraren les opp saksnummer, saksnemning og innstilling i saka. Han greier elles ut saka i den grad han finn det naudsynt. Ordføraren spør om nokon vil ha ordet. Talarane får ordet i den rekkjefølgje dei ber om det. Ber fleire om ordet samstundes, avgjer ordføraren rekkjefølgja mellom desse. b. Talarane skal rette orda sine til ordføraren og opne innlegga sine med "ORDFØRAR". Ordføraren skal sjå til at dette vert følgt. c. Når ordføraren har teikna seg på talarlista og skal halde innlegg, tek varaordføraren over leiinga av møtet. 8. REPLIKK Replikk skal markerast med to fingrar i veret, og skal gjevast straks etter eit innlegg og før neste talar får ordet til innlegg. Replikken skal vere kort og vere eit direkte tilsvar på innlegget til talaren. Talaren har høve til å svare på replikkane til slutt. Ordføraren skal sjå til at dette vert halde. 9. AVGRENSA TALETID Kommunestyret kan vedta at det skal vere avgrensa taletid. Ordføraren skal sjå til at den fastsette tidsavgrensinga vert halden. 6

7 10. AVSLUTTING AV DEBATTEN - STREK a. Når ei sak verkar tilstrekkeleg debattert, kan det gjerast framlegg om å setje strek. Endeleg talarliste vert avgjort straks strek er vedteken. Ordførar avgjer korleis og refererer talarlista før strek vert sett. Strek kan ikkje setjast dersom 1/3 av medlemene motset seg dette. b. Det er ikkje høve til å setje fram framlegg etter at strek er sett. Ordføraren skal gjere merksam på dette. 11. MERKNADER TIL FORRETNINGSORDEN. Ein medlem som ønskjer ordet til forretningsorden, skal markere dette ved å rekkje opp handa og seie "Til forretningsorden". Medlemen skal då ha ordet utanom den oppsette talarlista. Han/ho må vere kort og ikkje kome inn på realitetane i den saka som er til handsaming. 12. UTSETJING AV EI SAK - VEDTAK I SAK SOM IKKJE ER FØRT OPP PÅ SAKLISTA a. Kommunestyret kan med vanleg fleirtal vedta å utsetje realitetshandsaminga av ei sak som står på den utsende saklista. b. Eit utsetjingsframlegg skal handsamast straks. Vert framlegget ikkje vedteke, held debatten fram etter den opprinnelege talarlista. c. Kommunestyret kan gjere vedtak i sak som ikkje er oppført på saklista dersom ikkje ordføraren eller 1/3 av medlemene set seg mot det. 13. FRAMLEGG a. Framlegg skal leverast skriftleg til ordføraren. Det skal røystast over alle skriftlege framlegg som ikkje vert trekte. Vert eit framlegg trekt, kan same framlegg gjerast av ein annan medlem. 7

8 b. Det er ikkje høve til å setje fram framlegg etter at strek er sett. Ordføraren skal gjere merksam på dette. c. Det er høve til å setje fram og trekkje framlegg etter ei prøverøysting. Etter prøverøysting kan kommunestyret gjere om vedtak om å setje strek. 14. PRØVERØYSTING Før endeleg røysting i ei sak kan kommunestyret vedta at det skal haldast prøverøysting. Er framlegget som det skal røystast over delt i fleire punkt eller postar, bør det røystast førebels over kvar einskild post eller punkt. 15. ENDELEG RØYSTING a. Når ordføraren har teke opp ei sak til endeleg røysting, er det ikkje lenger høve til meir ordskifte om saka, eller til å setje fram eller trekkje framlegg. b. Ordføraren skal fremje framlegg om korleis røystinga skal gjennomførast. Dersom ein medlem krev det, kan kommunestyret vedta røystemåten. 16. RØYSTEPLIKT- RØYSTEMÅTE VED VAL OG TILSETJING a. Medlemene har plikt til å røyste i alle saker. b. Ved val og tilsetjingar kan ein medlem krevje skriftleg røysting. Det er då høve til å røyste blankt. Skriftleg røysting skjer med setlar utan underskrift. Administrasjonen eller to medlemer som ordføraren oppnemner, skal telje røystene. c. Vedtak vert gjort med vanleg fleirtal. Står røystene likt i tilsetjingssaker, vert ordføraren si røyst avgjerande. Han/ho pliktar då å skrive under røystesetelen sin. 8

9 Står røystene likt ved val, vert saka avgjort ved loddtrekning -jfr. 38 i kommunelova. 17. RØYSTEMÅTEN Røysting skjer: a. - ved open røysting og stillteiande godkjenning når ingen seier mot eit framlegg som ordføraren set fram. b. - ved at ordføraren ber dei som er mot om å reise seg. Når ordførar eller ein annan medlem krev det, skal det haldast motprøve, såleis at dei som er for eit framlegg reiser seg. c. - ved namneopprop med ja eller nei til svar, når ordføraren eller ein annan medlem krev det. d. Vedtak vert gjort med vanleg fleirtal. Ved likt røystetal i andre saker enn val, er ordføraren si røyst avgjerande. 18. INTERPELLASJON a. Kvar medlem kan kome med førespurnad til ordføraren i form av interpellasjon. Interpellasjonen bør helst gjelde prinsipielle spørsmål. Interpellasjonen må vere ordføraren i hende seinast 10 dagar før møtedatoen (møtedagen ikkje medrekna). b. Interpellasjonen skal sendast medlemene saman med sakliste og saksdokument. c. Ordføraren svarar på interpellasjonen etter at sakene på saklista er ferdighandsama, og kommunestyret kan vedta at det skal setjast av ei nærare fastsett tid til å debattere interpellasjonen. d. Ordførar eller 1/3 av medlemene kan motsetje seg at det vert gjort vedtak i tilknyting til interpellasjonen. 9

10 19. GRUNNGJEVNE SPØRSMÅL a. Kvar medlem kan kome med grunngjevne spørsmål til ordføraren. Spørsmåla skal vere skriftlege og gjelde konkrete tilhøve. Spørsmåla må vere ordføraren i hende seinast 2 heile dagar før kommunestyremøtet (møtedagen ikkje medrekna). b. Ordføraren svarar til slutt i møtet, og spørjaren har rett til å få ordet ein gong etter at svaret er gjeve. c. Ordførar eller 1/3 av medlemene kan motsetje seg at det vert gjort vedtak i tilknyting til grunngjevne spørsmål. 20. OFFENTLEG SPØRJETID a. Offentleg spørjetid er publikum og politikar sin spørjetime før det formelle møtet vert sett. Spørjetimen bør haldast etter at møtet er opna, men før namneopprop. Det skal ikkje førast referat frå denne delen av møtet. Det vert avsett 30 minutt til spørjetimen. Kvart innlegg er avgrensa til 3 minutt, utan påfølgjande debatt. b. Dersom innlegget er eit spørsmål, kan ordføraren eller ein annan etter samråd med ordføraren svare på spørsmål. Ordføraren kan avgjere at svar på spørsmålet skal bli gitt på neste møte. c. Det er ikkje høve til debatt eller til å kome med framlegg i samband med denne spørjeforma TEMAMØTE Etter at den offentlege spørjetida er over, kan det i kvart kommunestyremøte takast opp eit planlagt tema som er meldt til ordføraren på førehand. Dette skal vere tema som har allmenn interesse. Referat frå temamøta skal førast i møteprotokollen for kommunestyret. 10

11 22. RO OG ORDEN I MØTET a. Det må ikkje seiast noko som er krenkjande. b. Bryt nokon ordensføresegnene, kan ordføraren ta ordet frå vedkomande eller la kommunestyret røyste over spørsmålet om vedkomande skal stengjast ute frå resten av møtet. c. Ordføraren skal syte for allmenn ro i salen og på tilhøyrarplass, og kan om naudsynt vise ut tilhøyrarar. d. Ingen må dele ut skriftleg materiell til medlemene utan at dette er avtalt med ordføraren. 23. MØTEBOK a. Kommunestyret fører bok over møta sine. I møteboka skal det førast opplysningar om tid og stad for møtet, innkallingsmåte, fråverande medlemer og møtande varamedlemer. Går nokon frå eller kjem nokon til under møtet, skal det gå fram av møteboka kven som har teke del i handsaminga av kvar sak. b. Det skal gå fram av møteboka kva saker som har vore handsama, alle framlegg som det har vorte røysta over, og røystingsresultatet i kvar einskild sak. c. Ordførar og og to andre medlemer som kommunestyret vel, skal skrive under møteboka. Ordførar har ansvaret for at møteboka er rett ført. d. Etter møtet skal utskrift av møteboka sendast alle medlemene og dei varamedlemene som var til stades i møtet. 24. PROTOKOLLTILFØRSEL Dersom ein medlem ønskjer protokolltilførsel etter at røysting er gjort, skal dette i regelen imøtekomast. Protokolltilførsel skal berre avvisast når det ligg føre særlege 11

12 omsyn. Vert det usemje, kan kommunestyret ved røysting avgjere om protokolltilførselen skal takast inn i protokollen eller ikkje. Protokolltilførsel skal vere skriftleg. 25. ANKE PÅ VEDTAK GJORT I KOMMUNESTYRET Tre eller fleire medlemer kan anke vedtak som er gjort av folkevalde organ eller av administrasjonen inn for departementet for å få kontrollert om avgjerda er lovleg ( 59 i kommunelova). 26. MELDINGAR Vedtak som formannskapet gjer i medhald av tildelt hastekompetanse (jfr. 13 i kommunelova) skal leggjast fram for kommunestyret på neste møte i kommunestyret. Møtereglement for Skodje formannskap 1. SAMANSETJING Formannskapet skal ha 5 medlemer. 2. INNKALLING - SAKLISTE - KUNNGJERING a. Formannskapet held møte når det sjølv ønskjer det, når ordføraren finn det påkravd, eller når minst 2 av medlemene krev det. b. Ordføraren set opp sakliste og kallar saman til møte. c. Innkallinga skal innehalde opplysningar om tid og stad for møtet, spesifisert oppgåve over dei sakene som skal drøftast og dei dokument som følgjer saka. 12

13 d. Møteinnkalling, sakliste og saksdokument skal til vanleg sendast medlemene og innkalla varamedlemer med minst 5 dagars varsel e. Kopi av saksdokumenta skal vere tilgjengeleg for publikum i tida frå møtet er kunngjort og fram til møtedagen. Dette gjeld ikkje for dokument som i medhald av reglane i offentlighetslova er unnateke offentlighet. 3. FORFALL VARAMEDLEMER a. Forfall skal meldast til ordføraren snarast råd og forfallsgrunn oppgjevast. Varamedlemer vert - så vidt mogleg - kalla inn i den nummerorden dei er valde. b. Rettar og plikter for medlem/varamedlem som kjem til eller forlet eit møte går fram av møtereglementet for kommunestyret. 4. MØTELEIAR - OPNE ELLER STENGDE DØRER - TEIEPLIKT a. Møta vert leia av ordføraren eller varaordføraren når ordføraren har forfall. Har begge forfall skal det veljast ein setteordførar. b. Møta vert haldne for opne dører dersom ikkje anna følgjer av lovbestemt teieplikt, eller formannskapet vedtek å handsame ei sak for stengde dører i medhald av 31 i kommunelova. Debatt om dette skal gå føre seg for stengde dører dersom ordføraren krev dette, eller formannskapet vedtek det. 13

14 5. UGILDSKAP a. Den som etter kommunelovas 40 nr. 3 - jfr. 6 i forvaltningslova - eller som etter nr. 4 i same paragraf blir friteken, tek ikkje del i handsaminga av vedkomande sak. b. Spørsmål om ugildskap skal avklarast før sjølve saka vert handsama. Det medlemet spørsmålet om ugildskap gjeld, skal ikkje ta del i handsaminga av dette spørsmålet. 6. UTSETJING AV EI SAK - VEDTAK I SAK SOM IKKJE ER FØRT OPP PÅ SAKLISTE. a. Formannskapet kan med vanleg fleirtal utsetje realitetshandsaminga av ei sak som står på den utsende saklista. b. Når eit utsetjingsframlegg er sett fram, skal det handsamast med ein gong. Vert framlegget ikkje vedteke, held debatten fram etter den opphavelege talarlista. c. Formannskapet kan gjere vedtak i sak som ikkje er ført opp på saklista, dersom ikkje ordførar eller minst 2 av medlemene motset seg dette. 7. PRØVERØYSTING Før endeleg røysting i ei sak kan det haldast prøverøysting. 8. ENDELEG RØYSTING a. Når ordføraren har teke opp ei sak til endeleg røysting, er det ikkje høve til meir ordskifte om saka eller høve til å setje fram eller trekkje framlegg. b. Ordføraren skal fremje framlegg om korleis røystinga skal gjennomførast. Dersom ein medlem krev det, kan formannskapet vedta røystemåten. 14

15 9. RØYSTEPLIKT -RØYSTEMÅTE VED VAL OG TILSETJING a. Medlemene har plikt til å røyste i alle saker. b. Ved val og tilsetjingar kan ein medlem krevje skriftleg røysting. Der er då høve til å røyste blankt. Skriftleg røysting skjer med setlar utan underskrift. Administrasjonen tel opp røystesetlane. c. Vedtak vert gjort med vanleg fleirtal. Står røystene likt i tilsetjingssaker, vert ordføraren si røyst avgjerande, og han/ho pliktar å underskrive røystesetelen sin. Står røystene likt ved val, vert saka avgjort ved loddtrekning (jfr. kommunelova 38). 10. RØYSTEMÅTEN a. Røysting skjer ved open røysting med stillteiande godkjenning når ingen seier mot eit framlegg som ordføraren set fram. b. Vedtak vert gjort med vanleg fleirtal. Ved likt røystetal i andre saker enn val, er ordføraren si røyst avgjerande. 11. MØTEBOK a. Formannskapet fører bok over møta sine. I møteboka skal det førast inn opplysningar om tid og stad for møtet, innkallingsmåte, fråverande medlemer og møtande varamedlemer. Går nokon frå, eller kjem nokon til under møtet, skal det gå fram av møteboka kven som har teke del i handsaminga av kvar sak. b. Det skal gå fram av møteboka kva saker som har vore handsama, alle framlegg som det har vorte røysta over, og røystingsresultatet i kvar einskild sak. 15

16 c. Møteboka skal godkjennast av formannskapet i førstkomande møte, og medlemene skal underskrive boka. d. Etter møtet skal utskrift av møteboka sendast alle medlemene og dei varamedlemene som var til stades i møtet. e. Protokolltilførsel Dersom ein medlem ønskjer protokolltilførsel etter at røysting er gjort, skal dette i regelen imøtekomast. Protokolltilførsel skal berre avvisast når det ligg føre særlege omsyn. Vert det usemje, kan formannskapet ved røysting avgjere om protokolltilførselen skal takast inn i protokollen eller ikkje. Protokolltilførsel skal vere skriftleg. 12. SKATTEUTVAL a. Skatteutvalet skal vere samansett av ordførar, varaordførar og ein medlem mellom dei øvrige representantane i formannskapet. Skatteoppkrevjaren eller den han peikar ut skal vere sekretær for skatteutvalet. Skatteutvalet handsamar skattesaker etter 41 og 42 i skattebetalingslova. 13. FORHANDLINGSUTVAL a. Forhandlingsutvalet skal vere samansett av ordførar, varaordførar og ein medlem mellom dei øvrige representantane i formannskapet. Rådmannen eller den han peikar ut skal vere sekretær for forhandlingsutvalet. b. Forhandlingsutvalet førebur og gjennomfører forhandlingane med arbeidstakarorganisasjonane, så langt dette myndet ikkje er delegert til rådmannen. Reglement for det faste planutvalet 1. VAL OG SAMANSETJING a. Det faste planutvalet er samansett av ein representant frå kvart av dei politiske partia som er representert i kommunestyret. b. Kommunestyret vel leiar og nestleiar til utvalet for heile perioden 16

17 2. ARBEIDSOPPGÅVER a. Det faste planutvalet sine arbeidsoppgåver vert dei oppgåvene som kommunestyret vedtek. Utvalet skal forvalte kommunens interesse innanfor planlegging i samsvar med reglane i Plan- og bygningslova av 14. juni 1985 nr. 77, og gjer vedtak etter 7, 15, 18, 27-1, 27-2, 27-3, 28-1 nr. 2 og 3, 28-2, 30, 31 og 33. b. Det faste planutvalet får ansvar for å utarbeide framlegg til kommuneplanar etter reglane i 20-2 i Plan- og bygningslova. c. Det faste planutvalet er på vegne av kommunestyret ansvarleg for ei planmessig, rasjonell og økonomisk drift innanfor sitt arbeidsområde. d. Det faste planutvalet er på vegne av kommunestyret kommunen sitt samarbeidsorgan med offentlege og private lag og organisasjonar og einskildpersonar innanfor sitt arbeidsområde. 3. ANKE a. Dersom særlov ikkje er til hinder for det, kan minst 3 av medlemene i utvalet anke vedtak til formannskapet. Ordførar eller rådmann kan også anke vedtak til formannskapet. b. Medlemene må setje fram krav om anke i møtet. Ordførar og/eller rådmann må anke vedtaket skriftleg innan 2 dagar etter at hovudutskrift frå møteboka er lagt fram for dei. 4. MØTE a. Utvalet held møte når det sjølv ønskjer, når leiaren finn det påkravd, eller når minst 1/3 av medlemene krev det. b. Leiaren set opp sakliste og kallar inn til møte. c. Innkallinga skal innehalde opplysningar om tid og stad for møtet, spesifisert oppgåve over dei sakene som skal drøftast og dei dokumenta som følgjer sakene. d. Møteinnkalling, sakliste og saksdokument skal til vanleg sendast medlemene, ordførar, rådmann og innkalla varamedlemer med minst 5 dagars varsel. Saksdokumenta vert i tillegg sende varamedlemene etter nærare avgjerd i utvalet. e. Møta vert haldne for opne dører dersom ikkje annan følgjer av lovbestemt teieplikt, eller komiteen i medhald av 31 i kommunelova vedtek å handsame ei sak for stengde dører. 17

18 f. Kopi av saksdokumenta skal vere tilgjengeleg for publikum i tida frå møtet er kunngjort og fram til møtedagen. Dette gjeld ikkje dokument som i medhald av reglane i offentlighetslova er unnateke offentlighet. g. Rådmann har møte- og talerett i utvalet. h. Utvalet er vedtaksført når minst halvparten av medlemene er tilstades. i. Vedtak vert gjort med vanleg fleirtal. Ved likt røystetal er leiaren si røyst avgjerande. j. Utvalet fører møtebok. Utskrift av møteboka skal sendast ut innan 2 dagar etter møtet, og godkjennast i førstkomande møte i det faste planutvalet. 5. SEKRETARIAT a. Rådmannen eller den han gjev mynde, er sekretær for utvalet. b. Rådmannen har innstillingsrett til utvalet. Reglement for administrasjonsutvalet 1. VAL OG SAMANSETJING a. Administrasjonsutvalet har 7 medlemer med varamedlemer. Formannskapet utgjer dei 5 arbeidsgjevarrepresentantane. 2 medlemer er representantar for dei tilsette, utpeika etter høvetalsprinsippet og valde av og mellom arbeidstakarorganisasjonane. b. Ordføraren er leiar og varaordførar er nestleiar for heile valperioden. 2. ARBEIDSOPPGÅVER Administrasjonsutvalet er kommunen sitt hovudutval i personal- og organisasjonssaker og har som arbeidsområde dei oppgåvene som er knytt til kommunen sin arbeidsgjevarfunksjon. 3. VEDTAK a. Dersom særlov ikkje er til hinder for det, kan minst 2 av medlemene i utvalet anke vedtak til formannskapet. Rådmannen kan også anke vedtak i utvalet til formannskapet. 18

19 b. Medlemene må setje fram krav om anke i møtet. Rådmannen må anke vedtak skriftleg innan 2 dagar etter at hovudutskrift frå møteboka er lagd fram for han. 4. ARBEIDSTAKARANE SINE RETTAR OG HABILITET a. Representantane for dei tilsette er medlemer av utvalet med dei same rettar og plikter som dei politisk valde. b. Administrasjonsutvalet kan frita eit medlem frå handsaminga av ei sak, dersom vedkomande sjølv ber om det og på førehand seier frå at vedkomande av personlege årsaker ikkje ønskjer å delta. 5. MØTE a. Utvalet held møte når det sjølv ønskjer, når leiaren finn det påkrevd, eller når minst 1/3 av medlemene krev det. b. Leiaren set opp sakliste og kallar inn til møte. c. Innkallinga skal innehalde opplysningar om tid og stad for møtet, spesifisert oppgåve over dei sakene som skal drøftast og dei dokumenta som følgjer sakene. d. Møteinnkalling, sakliste og saksdokument skal til vanleg sendast medlemene, ordførar, rådmann og innkalla varamedlemer med 5 minst dagars varsel. Saksdokumenta vert i tillegg sende varamedlemene etter nærare avgjerd i utvalet. e. Møta vert haldne for opne dører dersom ikkje annan følgjer av lovbestemt teieplikt, eller utvalet i medhald av 31 i kommunelova vedtek å handsame ei sak for stengde dører. f. Kopi av saksdokumenta skal vere tilgjengeleg for publikum i tida frå møtet er kunngjort og fram til møtedagen. Dette gjeld ikkje dokument som i medhald av reglane i offentlighetslova er unnateke offentlighet. g. Rådmannen har møte- og talerett i utvalet. h. Utvalet er vedtaksført når minst halvparten av medlemene er tilstades. g. Vedtak vert gjort med vanleg fleirtal. Ved likt røystetal er leiaren si røyst avgjerande. h. Utvalet fører møtebok. Utskrift av møteboka skal sendast ut innan 2 dagar etter møtet. 19

20 6. SEKRETARIAT a. Rådmannen eller den han gjev mynde er sekretær for utvalet. b. Rådmannen har innstillingsrett til utvalet. Reglement for dei politiske utvala 1. VAL OG SAMANSETJING a. Det skal veljast 3 politisk utval. Kvart utval skal ha 7 medlemar. Utvala skal vere samansett etter reglel om kjønskvotering, og valde blant faste medlemar og vararepresentantar i kommunestyret. b. Kommunestyret vel leiar og nestleiar for fire år om gongen. c. Dersom eit medlem fell frå eller vert løyst frå vervet, skal det veljast ny medlem. Dersom leiaren fell frå eller vert løyst frå vervet, skal det veljast ny leiar. d. Fordeling av saker/prosjekt mellom utvala skal gjerast av ordføraren og leiar for utvala i fellesskap. e. For kvar sak som skal munne ut i ei innstilling til kommunestyret, skal det vere ein saksordførar. Saksordføraren skal leie utvalet sitt arbeid med saka, og har ansvaret for innstillinga og presentasjonen av den i kommunestyret. Vervet som saksordførar kan gå på omgang i utvalet. Saksordførar kan fritt ta kontakt med sakshandsamar. f. Utvala kan gjennomføre opne høyringar av konkrete saker, eller for å belyse ulike saksforhold. Utvala står fritt i forhold til kven dei ønskjer å kalle inn til slike høyringar. 20

21 2. ARBEIDSOPPGÅVER Utvala innstiller til kommunestyret i saker dei får tildelt i samavar med pkt 1.d. Utvala er på vegne av kommunestyret, og i samarbeid med rådmannen, ansvarleg for ei planmessig, rasjonell og økonomisk drift gjennom dei sakene som vert handsama. Framdriftsplanen blir avtalt mellom saksordføraren og rådmannen. Utvala er på vegne av kommunestyret samarbeidsorgan med offentlege og private lag og organisasjonar og einskildpersonar i kommunen i saker som utvalet arbeider med. I møte med leiarane for utvala skal status på sakene gjennomgåast. Administrasjonen utarbeider ei oversikt over saker som har vore handsama gjennom året som vert teke med i årsrapporten til Skodje kommune. 3. MØTE a. Utvala held møte i samsvar med oppsett møteplan. Når leiaren finn det påkravd, kan det kallast inn til ekstra arbeidsmøte. b. Leiaren set opp sakliste og kallar inn til møte i samarbeid med administrasjonen. c. Innkallinga skal innehalde opplysningar om tid og stad for møtet, spesifisert oppgåve over dei sakene som skal drøftast og opplysning om kvar saksdokumenta er tilgjengelege. d. Møteinnkalling, sakliste og saksdokument skal til vanleg sendast medlemene, ordførar og rådmann minst 5 dagar før møtet. e. Møta vert haldne for opne dører dersom ikkje anna følgjer av lovbestemt teieplikt, eller utvalet i medhald av 31 i kommunelova vedtek å handsame ei sak for stengde dører. f. Kopi av saksdokumenta skal vere tilgjengeleg for publikum i tida frå møtet er kunngjort og fram til møtedagen. Dette gjeld ikkje dokument som i medhald av reglane i offentlighetslova er unnateke offentlighet. g. Ordførar og rådmann har møte- og talerett i utvalsmøta. 21

22 h. Rådmannen har instillingsrett til det einskilde utvalet i. Utvala gjev innstilling til kommunestyret. j. Leiar for utvalet skriv innleiing og oppsummering frå møtet, sakshandsamar skriv referat frå den saka han/ho møter i. Referata blir sendt over til administrasjonen som syr saman til eit referat. Utskrift av møteboka skal sendast ut innan 2 dagar etter møtet. k. Rådmannen, i samarbeid med leiar for utvalet, tildeler sakshandsamar.. k. Vedtak vert gjort med vanleg fleirtal. Ved likt røystetal er leiaren si røyst avgjerande. l. Utvala er vedtaksføre når minst halvparten av medlemene er tilstades. 4. RÅDGJEVANDE MYNDE Utvala gjev innstilling direkte til kommunestyret. (Foreslått fjerna) Utvala gjev tilråding i følgjande saker: - andre saker som vedkjem arbeidsområdet, men der andre har vedtaksmynde (Foreslått fjerna) Utvala gjev innstilling direkte til kommunestyret i saker der kommunelova, særlov eller andre reglement ikkje er til hinder for det, med unntak av økonomiplan og årsbudsjett, der formannskapet gjev innstilling. 22