Alt som har ande, skal lova Herren

Transkript

1 KVINNENE Sin INTERNASJONALE BØNEDAG fredag 5. mars 2010 Alt som har ande, skal lova Herren Kvinner frå Kamerun har gjeve oss dagens bibeltekstar og bøner. Programmet er ei forkorta utgåve. Velkomst og inngangsord Leiar: Saman med kvinnene frå Kamerun helsar vi våre systrer i heile verda i Jesu namn. Kamerun vert kalla «eit Afrika i miniatyr». Strendene, elvene, ørkenane, fjella, regnskogane og savannane som finst på heile kontinentet, finn vi og i Kamerun. Vi bed dykk å vera saman med oss når vi prisar Gud med alt vi er. Alt som har ande, skal lova Herren! Alle: Alt som har ande, skal lova Herren! Tekstlesing: Salme 150 Song Lovsyng vår Herre, den mektige konge med ære! Lov ham, min sjel, og la det din forlystelse være! Stem opp en sang, psalter og harpe, gi klang! Syng for Gud Herren den kjære! Lovsyng vår Herre, som allting så herlig regjerer, Han som deg løfter som ørnen på vinger og bærer, Han lar deg få mer enn du selv kan forstå, Bedre enn hjerte begjærer! Lovsyng vår Herre, som allting så vel for deg lager, Han som deg helbred forunner og vennlig ledsager, Han som i nød favner deg ømt i sitt skjød, Gjemmer for sorger og plager. Lovsyng vår Herre, som deg i din gjerning gir lykke, Han som med tusen velsignelser vet deg å smykke! Tenk dog derpå, Alt hva hans makt kan formå! Tanken ditt hjerte henrykke! Lovsyng vår Herre, min sjel og hva i meg mon være! Alt som har ånde, opphøye hans store navns ære! Han er deg god. Å, gjør han aldri imot! Amen, han selv deg det lære! (Joachim Neander 1679) Bønnedagen 2010, nynorsk.indd

2 Påkalling Leiar: Gud, du er vår tilflukt og styrke som alltid er klar til å hjelpa. Styrk oss, leid oss og opplys oss både i glede og i sorg. Sjølv om jorda rister og fjella fell ned i havsens djup, sjølv om vatnet skummar og brøler og haugane skjelv, så veit vi, Gud, at du er nær. Kom, Heilage Ande, pust på alle verdas folkeslag og på alt som lever. Fyll alt med di kraft og din kjærleik. Løft opp hjarta våre og velsign oss. Amen. Kall til gudsteneste Leiar: Når vi kjem saman i bøn, så lat oss vera til stades med opne sinn, lyttande øyre og brennande hjarte så vi kan ta imot ordet frå Gud. Alle: Lat oss prisa Gud og grunna på hans ord. Lat oss dela forteljingane våre og fornya lovnaden om å vera ein fellesskap for kjærleik og fred i heile verda. Leiar: Herre, lat opp mine lipper! Alle: Og min munn skal lovprisa deg. Syndsvedkjenning Leiar: Seier vi at vi ikkje har synd, då fører vi oss sjølve vill, og sanninga er ikkje i oss. Men dersom vi sannar syndene våre, er han trufast og rettferdig, så han tilgjev oss syndene og reinsar oss for all urett. Alle: Herre, miskunna deg! Første røysta: Vi har ikkje greidd å gjera det din vilje. Vi har brote lova di. Vi har gjort opprør mot kjærleiken din. Vi har ikkje elska nesten vår som oss sjølve. Vi har ikkje lytta til ropa frå dei som er i naud. Alle: Herre, miskunna deg! Andre røysta: Vi bed om din nåde og tilgjeving for alt vi har vore med på som er vondt, og for det gode vi ikkje gjorde, men skulle ha gjort. Vi tenkjer særleg på dei gongene vi tagde og ikkje sa ifrå om undertrykking og liding. Alle: Herre, miskunna deg! Leiar: Kristus døydde for oss medan vi endå var syndarar. Det er eit teikn på at Gud elskar oss at vi kan få tilgjeving i Jesu namn. Lovprising Leiar: I Kamerun prisar folk Gud sjølv i vanskelege tider i livet, eller kanskje særleg då. Det er fordi vi ser livet som den største gåva Gud har gitt oss. Så lenge vi kan puste, er det håp. Vi syng i håp om at ting må bli betre. Foreldrelause, funksjonshemma, enkjer og HIV-smitta personar veit at Gud går med dei «i dødsskuggens dal». Kamerunarar, som kjempar for å skaffa seg eit utkome som taxisjåførar eller torgkoner lovprisar og Gud. Vi prisar den Allmektige, om ikkje for anna, så for livets gåve. Kom og ver med oss når vi grunnar på Salme 150 frå ein kamerunsk synsvinkel: Leiar: Kven er det vi prisar? Første røysta: Vi prisar skaparen av himmelen og jorda og alt som finst der. Vi prisar Gud som veit alt og som er mektig og sterk og leidde Abraham og Sara sine Bønnedagen 2010, nynorsk.indd

3 born ut av trældomen. Vi prisar Gud som er nådig og miskunnsam. Vi prisar Gud for fred og rettferd, han som elska oss og gav oss Jesus Kristus så kvar den som trur på han, ikkje skal gå fortapt, men ha evig liv. Alle: Mi sjel, lov Herren! Ja, alt som i meg er, skal lova hans heilage namn. Leiar: Kvar skal vi prisa Gud? Andre røysta: Vi prisar Gud på jorda, i himmelen, ja, sjølv i havets djup. Kvinnene prisar Gud når dei sår kornet sitt. Stilt og audmjukt prisar dei Gud når dei syng godnattsongar for borna, og når dei koker på kjøkkenet. Kvinnene prisar Gud når det er bryllaup og når eit nytt barn er født. Dei prisar Gud ved gravferda når eit liv er slutt. Alle: Vi lovsyng Gud i hans heilagdom. Vi lovsyng han i hans himmelborg. Leiar: Kvifor prisar vi Gud? Første røysta: Vi prisar Gud for ressursane på jorda, for sjøen og havet, for vatnet og energien og for harmonien i mangfaldet av kulturar. I Kamerun prisar vi Gud for freden vi nyt godt av. Vi prisar Gud fordi han er god og mektig. Alle: Lov Gud for hans mektige verk, lov han for hans store velde! Leiar: Korleis kan vi prisa Gud? Andre røysta: Å Gud, med høgakting og tilbeding prisar vi deg som veit kva vi treng. Med bøner og bibeltekstar auser vi ut våre hjarte for Gud. Når tårer får renna, vert børene lettare og anden vert lyfta. Når vi ler og dansar i glede, blir vi oppmuntra til lovprising. Om vi er glade eller triste, alltid vil vi prisa Gud. Song: Deg være ære, Herre over dødens makt! Evig skal døden være Kristus underlagt. Lyset fyller haven, se en engel kom, åpnet den stengte graven, Jesu grav er tom! Refr.: Deg være ære, Herre over dødens makt! Evig skal døden være Kristus underlagt. Se, Herren lever! Salige morgenstund! Mørkets makter bever. Trygg er troens grunn. Jubelropet runger; Frelseren er her! Pris han, alle tunger, Kristus Herre er! Refr.: Deg være ære, Herre over dødens makt! Evig skal døden være Kristus underlagt. Frykt ikke mere! Evig er han med. Troens øye ser det; Han gir liv og fred. Kristi navn er ære, seier er hans vei. Evig skal han regjere, aldri frykter jeg. Refr.: Deg være ære, Herre over dødens makt! Evig skal døden være Kristus underlagt. (Edmond Louis Budry 1885 / Arne Fjelberg 1947) Tekstlesing Leiar: Sjølv om vi prisar Gud, kjem vi ikkje vekk frå dei vanskelege røynslene i samfunnet. No skal vi høyra kva som hende med Paulus og Silas. På veg til bønestaden møtte dei ei slavekvinne som blei utnytta av eigarane sine. Les Apg 16,16 24 Leiar: Også i dag finst det mange døme på utnytting av barn, og særleg jenter. Handel med menneske er våre dagars slavehandel. Lat oss høyra meir om tilhøva for jentene i Kamerun. Jentene i Kamerun møter dei same vanskane Bønnedagen 2010, nynorsk.indd

4 og problema som jentene i andre utviklingsland. I familien er ho den siste som dei bryr seg om. Vi vender attende til Apostelgjerningane for å høyra om reaksjonen til eigarane då dei mista inntektene frå slavejenta, og konsekvensane for Paulus og Silas. Les Apg 16,25 34 Leiar: Enda dei vart piska og lenka, heldt Paulus og Silas bøn og song lovsongar til Gud. Det kom eit jordskjelv så dørene i fengslet flaug opp og lenkene losna. Slik fekk ein sanna profetiane til slavejenta: «Desse mennene er tenarar for den høgste Gud, og dei lærer dykk vegen til frelse.» Musikk/Song TEKSTLESING: Jesaja 42,10 17 Andakt /tale Ofring/musikk Forbøn Leiar: Du Høgste Gud, vi ropar til deg. For ungdomen: Vi ber for ungdomar som ikkje kan sjå at dei har ei framtid. Gjev oss kraft til stendig å stå saman med dei og hjelpe dei opplæring og til arbeid så dei kan få eit utkome å leva av. Vi bed med tillit, for vi veit at Gud vil gjera dette. Leiar: For dei som er fengsla: Gjev dei nåde til å finna styrke og håp gjennom ordet ditt så dei kan lita på di miskunn og tilgjeving. Leiar: For dei som har makt og mynde: Gud, vi bed deg om visdom for dei som er sett til leiarskap i staten og i kyrkja. Leiar: For familiane: Vi bed om fred i familiane våre, og om at alle har det dei treng. Leiar: For kvinnene: Allmektige Gud, vi takkar deg fordi du er med oss når vi som kvinner opplever kriser og vanskar. I din nåde har du skapt menneska i ditt bilde som mann og kvinne. Gjev at forholdet mellom oss kan byggja på likeverd og gjensidig støtte. Leiar: For verda: Miskunnsame Herre, lat oss midt i tap, liding og sorg få sanna at din nåde og ditt ljos skin for oss i vår smerte og naud. Vi bed med tillit, for vi veit at Gud vil gjera dette. Bøn til slutning Leiar: Gud, vi prisar deg for sjølve livet. Vi lovar deg fordi din trufaste kjærleik Bønnedagen 2010, nynorsk.indd

5 alltid når fram til oss og varar ved. Din nåde tek aldri slutt, den er ny kvar morgon. Vi bed om di leiing i alt ansvar, i alle sjansar og i all den signing som du så rikeleg gjev oss og alle våre. Gje at vi alltid må vere takksame, og hjelp oss å bera våre smerter og tap med same sinn som du bar dine. Hjarta våre er fylte med takk for bønene vi har fått svar på tidlegare, for dei du svarar på no og for dei vi ber fram i tida som kjem. Vi veit at du vil svara på dei etter din visdom. Song: Den dag du ga oss, er til ende, Og mørket faller på ditt bud. Du lot oss dagens krefter kjenne, Gi nå oss nattens fred, å, Gud! Takk at din kirke aldri sover! Mens jorden ruller uten stans, Ditt folk i vekselsang deg lover For nattens ro og dagens glans. Se, over land og hav og øyer En dag går fram i ubrutt ring, Og folkene på rad seg bøyer I takk for alltid nye ting. Den sol som vinker oss til hvile, Nå vigsler andres arbeidsdag, Og slik den stund for stund skal smile Til nye land og folkeslag. Vær lovet, Gud! Ditt herrevelde Skal dekke hver en plett på jord, Og vidt og fritt det skal få gjelde At du, og bare du, er stor! (John Ellerton /Johannes Smemo) Fader vår Velsigning og utsending Leiar: Lat oss saman med systrer og brør i heile verda løfta våre hender til lovprising og takk for fellesskapen vi har. Vi takkar Gud for dagleg brød og fred. Signa oss, Gud, med din vedunderlege kjærleik og nåde. Ver med oss, Gud, når vi går frå denne staden med lov og takk. Lat alt som har ande, prisa Herren no og alltid. Omsett til nynorsk av Anfinn Andreas Kolberg KVINNENE SIN INTERNASJONALE BØNEDAG starta i USA i 1887, då kvinner frå ulike kyrkjesamfunn samla seg om ein felles bønedag I dag har bønedagen. (World Day of Prayer) komitear i meir enn 170 land og regionar. I Noreg starta desse samlingane i slutten av 1920-åra. Kollekten vi samlar inn, går til Bibelselskapet sitt bibelmisjonsarbeid. I samarbeid med sine internasjonale partnarar prøver Bibelselskapet å finne kvinnerelaterte prosjekt i landet bønedagsprogrammet kjem frå. I tillegg vert utgiftene til administrasjon, trykking og utsending av programma dekte. Bibelselskapet har arbeidet med rekneskapen for den norske komiteen og distribusjonen av programma. Bønnedagen 2010, nynorsk.indd

6 Hjartelig takk for gåva i 2009 til arbeidet i Papua Ny-Guinea: kr ,. I år går gåva til Ester-prosjektet i Kamerun «Ester-prosjektet» i Kamerun vil gi hjelp til tenåringsmødre og unge prostituerte Bibelselskapet i Kamerun starta i 2008 eit prosjekt for å gi støtte og hjelp til tenåringsmødre og unge prostituerte. Prosjektet fekk namnet etter Bibelens Ester, kvinna som etter å ha blitt tvangsgifta inn i Kongens harem, fekk mot til å ta styring over sitt eige liv slik at ho kunne bli brukt som redningskvinne for å berge mange tusen frå å bli utrydda. På same vis vil Ester prosjektet i Kamerun gjenreise unge jenters muligheiter til eit nytt og meiningsfullt liv. Undersøkingar av unge jenters livssituasjon i Kamerun har avdekka at 40 % av jentene mellom 9 18 år har vore utsett for seksuell utnytting. Mange har måtta slutts skolen slik at dei er utan utdanning og arbeid. Aukande fattigdom gjer at somme familiar tvingar jentene ut i prostitusjon. Over 60 % av jentene har debutert seksuelt før dei har fylt 16 år, noko som igjen fører til store aborttal og mange altfor unge mødrer. På bakgrunn av desse fakta tok Bibelselskapet i Kamerun kontakt med ei rekke kyrkjer i hovudstaden Yaoundé som no er blitt med i «Ester-prosjektet». 100 unge jenter er kvart år blitt registrerte for å bli med i nettverksgrupper der dei kan dele erfaring og smerte, samtidig som dei får fellesskap om Guds ord, bøn og åndeleg vegleiing. Neste steg er å gi dei opplæring så dei kan brødfø seg og barna. Lena, ei ung mor med ei dotter på 2 år og ein nyfødd gut, er ei av dei som er med. 12 år gammal blei ho foreldrelaus, 16 år fekk ho sitt første barn, men barnefaren var valdeleg så ho måtte rømme. I dag som 20 åring har ho to små, inga fullførd utdanning og difor ingen jobb. Ho er og bekymra for si yngre søster som har måtta slutta skolen fordi ho manglar skolepengar. Lena spør med rette: Kva framtid har jenter som oss? «Ester-prosjektet» har skapt noko nytt på fleire måtar, nemleg at fleire kyrkjer og kvinnegrupper har sett behovet for å engasjere seg. Dessutan har det gitt håp og ny retning for Lena og eit par hundre andre unge jenter i faresona. Spørsmål om fleire plakatar, fleire program / program på bokmål: Bibelselskapet v/reidun Tufteland (tlf ) Postboks 6624 St. Olavs plass, 0129 OSLO. Dei som vil ha ein fullstendig liturgi, kan finne det på eller kontakte NØKK, Rådhusgata 1 3, 0151 Oslo (tlf ) Komiteen vil tilrå at det blir teke opp kollekt til årets prosjekt. Kollekten sendes til Bibelselskapet: Bankgiro Berit S. Johansen, Guri Tulluan, Ann-Mari Rothli, Torunn Lunde, Tone Gjeruldsen, Rønnaug Aaberg Andresen, Brit S. Knedal Bønnedagen 2010, nynorsk.indd