Saklista, med saksutgreiing og rådmannen sine tilrådingar, ligg også på kommunen si heimeside: gloppen.kommune.no. Gloppen kommune 9.

Transkript

1 GLOPPEN KOMMUNE FORMANNSKAPET MØTEINNKALLING Møtedato: Møtestad: Heradshuset Møtetid: Kl. 09:00 Den som har lovleg forfall, eller er ugild i nokon av sakene, må melde frå så snart råd er på tlf (servicetorget i kommunen) slik at varamedlem kan bli innkalla. Varamedlemer møter etter nærare innkalling. Dokument som ikkje er tilsende, kan du få kopi av ved å ta kontakt med sekretariatet på heradshuset. Dokument som ikkje er offentlege, vil bli utleverte i møtet. Dersom medlemene på førehand ønskjer å gjere seg kjent med innhaldet i desse dokumenta, er dei i møtesekretariatet. Saklista, med saksutgreiing og rådmannen sine tilrådingar, ligg også på kommunen si heimeside: gloppen.kommune.no Gloppen kommune 9. august 2016 Leidulf Gloppestad ordførar Jan Kåre Fure rådmann

2 SAKLISTE: Sak nr. Sakstittel 098/16 Godkjenning av møtebok, innkalling og sakliste 099/16 Referat og orienteringssaker 100/16 Frådeling av gardstun - klage på dispensasjonsvedtak 101/16 Godkjenning av økonomireglementet for Gloppen kommune 102/16 Oppretting av interessegruppe for Sandane lufthamn - ny behandling 103/16 Fylkeskommunale retningslinjer for lokalisering av handel og kjøpesenter - kommunal uttale 104/16 Fastsetting av ny lønn til rådmannen frå

3 GLOPPEN KOMMUNE SAKSPAPIR SAKSGANG Styre, utval, komite m.m. Møtedato Saksnr. Formannskapet /16 Avgjerd av: Formannskapet Saksbehandlar: Jan Kåre Fure Arkiv: 033 Objekt: Arkivsaknr.: 16/976-1 Godkjenning av møtebok, innkalling og sakliste Møteboka frå formannskapet sitt møte den 20. juni 2016 blir lagt fram til godkjenning. Samstundes ber ordføraren om godkjenning av innkallinga og saklista til dette møtet. ORDFØRAREN SI TILRÅDING: 1. Formannskapet godkjenner møteboka frå sitt møte den 20. juni Formannskapet godkjenner innkallinga og saklista til møtet den 29. august 2016.

4 GLOPPEN KOMMUNE SAKSPAPIR SAKSGANG Styre, utval, komite m.m. Møtedato Saksnr. Formannskapet /16 Avgjerd av: Formannskapet Saksbehandlar: Jan Kåre Fure Referat og orienteringssaker Arkiv: 033 Objekt: Arkivsaknr.: 16/975 Refererte skriv og meldingar: Nr Dok.ID T Dok.dato Avsendar/Mottakar Tittel 1 16/7359 U Nordfjordrådet Strategi- og handlingsplan for Nordfjordrådet 2016 og /8714 I Kommunal- og moderniseringsdeparteme nt Tilskott til infrastrukturtiltak i kommunar som skal slå seg saman 3 16/8716 I Kommunal- og moderniseringsdeparteme nt 4 16/8984 I Advokatfirmaet Harris DA Orienteringssaker: Næringslivstime med Frydenbø Bilsenter. Badeanlegget i Trivselshagen Dagleg leiar i Trivselshagen IKS vil orientere. Arbeidet i formannskapet Evaluering av første halvår 2016 og plan for 2. halvår. Tilskot til infrastrukturtiltak i kommunar som skal slå seg saman Varsel om ekspropriasjon - gnr. 77, bnr. 179 fnr. 1 - tilbod om avtaleskjønn Kort om/frå arbeidet med årsbudsjettet for 2017 og økonomiplanen for eigarmøtet i Firda Billag i samband med generalforsamlinga den 25. mai i år opparbeiding av industriområdet på Kattahamrane. Siste nytt om Elvaneset (sjå også referatsaka) Tidlegare Sandane Hotell. Ordet fritt RÅDMANNEN SI TILRÅDING:

5 1. Formannskapet tar referatsakene til orientering. 2. Formannskapet har ingen merknader til orienteringane.

6 GLOPPEN KOMMUNE SAKSPAPIR SAKSGANG Styre, utval, komite m.m. Møtedato Saksnr Formannskapet /16 Avgjerd av: Formannskapet Saksbehandlar: Bjørn Aurlien Objekt: 106/2 Arkiv: L33 Arkivsaknr.: 16/ Frådeling av gardstun - klage på dispensasjonsvedtak Vedlegg: Dok.nr Tittel på vedlegg Klage på vedtak av formannskapet i sak 085/16 - Frådeling av tun på gardsbruk - dispensasjon frå kommuneplanen Tidlegare behandling av saka: Bakgrunn for saka: Søskena Arvid Strand, Per Inge Strand, Bjarne Strand og Anne Karin Otterstad har søkt om frådeling av tunet på gbnr. 106/2. Sidan tunet ligg i LNF-område i kommuneplanen er det søkt om dispensasjon frå planen. Saka har vore behandla i MULTEK-utvalet etter jordlova. Utvalet avslo søknaden, og tok ikkje påfølgjande klage på vedtaket til følgje. Klaga er no behandla av fylkesmannen, med følgjande resultat: Klagen tas til følge. Gloppen kommunes vedtak av oppheves. I medhold av jordloven 12 gis eierne av gnr. 106 bnr. 1 Gloppen løyve til fradeling av et ca. 3,3 daa stort tunområde med påstående bygninger. Det er et vilkår for løyvet at resten av eiendommens arealer med tilhørende rettigheter overdras som tilleggsjord til landbrukseiendom/landbrukseiendommer i området om er i aktiv drift. Overdragelse skal skje til priser og på vilkår som kan godkjennes av konsesjonsmyndighetene. Rådmannen registrerer at fylkesmannen opererer med feil bruksnummer i saka, men legg likevel til grunn at vedtaket etter jordlova gjeld gbnr. 106/2. Rådmannen meiner i utgangspunktet at vidare behandling av denne typen saker ligg innafor mynde som er delegert til rådmannen. Behandlinga etter jordlova kan indikere eit ønskje frå politikarane om ny praksis, og det er difor valt å legge også dispensasjonssaka fram for politisk behandling. Saksutgreiing: Søknaden kom som konsekvens av at eigarane ikkje får forlenga fritak frå buplikta på eigedomen. I dispensasjonssøknaden skriv dei at dei etter ein prosess opp mot kommunen og aktuell kjøpar av heile garden vart i tvil om dei ville og kunne kvitte

7 seg med ein gard som har vore i slekta i år, og der dei i alle år har brukt mykje tid. Dei har oppfatta at det viktigaste for kommunen er At jorda blir forsvarleg driven At bygningane blir vedlikehaldne slik at dei er eigna til busetnad. I det skriftlege materialet som ligg på saka har dei søkt om frådeling til fritidsbruk. Dei peiker på at våningshuset har betydeleg trong for oppgradering dersom det skal nyttast som heilårsbustad, men er godt eigna i sommarhalvåret. Driftsbygningen har hatt skader som er under utbetring. Dei andre punkta i brevet som følgjer delingssøknaden er mest relevante for jordlovsbehandlinga som er avslutta, og blir difor ikkje referert her. I førebuinga av jordlovssaka hadde landbrukssjefen telefonkontakt med søkjarane. Kommunen sine ankepunkt mot frådeling til fritidsbruk vart då gjort greie for, og landbrukssjefen oppfatta forståing og aksept for at administrasjonen i behandlinga legg opp til at frådelinga skal vere til fast busetnad og ikkje til fritidsbruk. Søknaden vart sendt til fylkesmannen og fylkeskommunen for uttale, og kommunen har motteke merknad frå fylkesmannen si landbruksavdeling og miljøvernavdeling. Trass i faren for drifts- og miljømessige ulemper, vil ikkje landbruksavdelinga ha avgjerande merknader til at det blir gitt dispensasjon, dersom kommunen finn at fordelane i dette tilfellet er større enn ulempene. Miljøvernavdelinga viser til generelle krav til grunngjeving av dispensasjonsvedtak, og til fylkesmannen sitt generelle brev om handsaming av dispensasjonssaker (der det ikkje står noko om frådeling av gardstun(!)). Med unntak av eit ønskje om å redusere tomtestorleiken i forhold til areal oppgjeve i søknaden, har dei ikkje konkrete merknader. Kommuneplanen for Gloppen seier følgjande som kan vere relevant for denne saka, i samfunnsdelen pkt under målsetjing: Snu trenden med reduksjon i tal gardsbruk i aktiv drift Unngå reduksjon i det totale jordbruksarealet I arealdelen pkt : Ved strukturrasjonalisering innafor landbruksnæringa blir gardsbruk jamnleg nedlagt som sjølvstendig driftseining. Er nedlegginga permanent, blir det ofte søkt om å halde igjen tunet som bustadtomt eller fritidsbustad. Kommunen bør ikkje tillate at tun blir frådelt til fritidsbustad, då dette vil svekke busetjinga i bygda. Dette er teke opp att i retningslinene pkt : Gardstun bør ikkje frådelast til fritidshus. Økonomiske konsekvensar for kommunen: Ingen direkte konsekvensar. Rådmannen si vurdering: Gloppen kommune har dei siste åra behandla ei rekkje saker som gjeld frådeling av tun til bustadformål på bruk som er gått ut av sjølvstendig aktiv drift. Det har då utan unntak vore gitt løyve etter jordlova med påfølgjande dispensasjon frå kommuneplanen og løyve etter plan- og bygningslova. MULTEK-utvalet si

8 jordlovsbehandling i denne saka antyder ei endring i politisk syn på desse sakene. Fylkesmannen si overprøving av kommunen si jordlovsbehandling indikerer at lokalpolitikarane i Gloppen her er på kollisjonskurs med overordna landbrukspolitikk, og at jordlova ikkje er rette verkemiddel å bruke dersom ein ønskjer ei anna utvikling. Gjennom kommuneplanen og streng dispensasjonspraksis har kommunen eit verkemiddel som kan brukast dersom ein ønskjer å unngå vidare auke i spreidd utbygging, hindre at gardstun blir bustad- eller fritidseigedomar, og ta vare på den bruksstrukturen ein har i landbruket. Det vil vere utfordringar knytt til å nekte dispensasjonar som gjeld frådeling av gardstun og enkelttomter i LNF-område, og rådmannen er sterkt tvilande til om Gloppen kommune administrativt og politisk vil greie å vere så konsekvent som ein då bør vere, eller vil oppnå ønska utvikling på den måten. Kommuneplanen har i dag etter rådmannen sitt syn greie retningsliner for handtering av slike søknader. Eventuell utgreiing av endra praksis høyrer naturleg heime i arbeid med revisjon av kommuneplanen, og ikkje gjennom endra praksis i behandling av enkeltsaker. I kommuneplanen er det aktuelle tunområdet, som alt areal rundt, avsett til landbruksnatur- og friluftsområde. Det kan sikkert diskuterast om det er ein tydeleg samanheng mellom samfunnsdelen og arealdelen når det gjeld frådeling av gardstun. Men vedtekne retningsliner til kommuneplanen sin arealdel er rimeleg klare. Kommunen har teke inn over seg at det vil kome søknader om frådeling av tun. Desse kan imøtekomast når det blir søkt om frådeling til permanent bustad, men bør normalt ikkje imøtekomast når det blir søkt om frådeling til fritidsbruk. Etter at retningslinene vart vedtekne i 2009, er det ikkje delt frå gardstun til fritidsformål, men det er som nemnt delt frå mange tun til bustadformål. Søkjar si grunngjeving for dispensasjon frå kommuneplanen er langt på veg samanfallande med grunngjevinga for deling etter jordlova: bruksrasjonalisering, meir aktiv drift av landbruksarealet, og at gardstunet blir teke vare på. Rådmannen legg ikkje vekt på den delen av søknaden som kan tolkast som argument for frådeling til fritidsformål, då det som nemnt er komne andre signal under samtale med søkjar. Kommunen ønskjer at bustadhus både på gardsbruk og i bustadfelt blir brukt heile året, og rådmannen meiner dette i denne typen saker best kan sikrast ved at det bli gitt dispensasjon frå kommuneplanen for frådeling. RÅDMANNEN SI TILRÅDING: Gloppen formannskap gir med heimel i plan- og bygningslova 19-2 dispensasjon frå deleforbodet i LNF-område i kommuneplanen, slik at tunet på gbnr. 106/2 kan delast frå. Den frådelte tomta skal nyttast til bustadformål. Grunngjevinga for vedtaket er at arealbruken i området ikkje blir vesentleg endra, og at delinga er i samsvar med retningsliner i kommuneplanen FORMANNSKAPET Framlegg frå Bernt Reed (Sp):

9 Gloppen formannskap gjev med heimel i plan- og bygningslova 19-2 dispensasjon frå deleforbodet i LNF-området i kommuneplanen. Tomta skal avgrensast til om lag 1 dekar slik at avkøyrsla kjem innanfor parsellen. Avgrensinga av tomtestorlek er gjort fordi landbruksbygg høyrer til i landbruksnæringa i samsvar med kommuneplanen. Eigedomen skal nyttast til bustadføremål. Framlegget vart samrøystes vedteke. 085/16 VEDTAK: Gloppen formannskap gjev med heimel i plan- og bygningslova 19-2 dispensasjon frå deleforbodet i LNF-området i kommuneplanen. Tomta skal avgrensast til om lag 1 dekar slik at avkøyrsla kjem innanfor parsellen. Avgrensinga av tomtestorlek er gjort fordi landbruksbygg høyrer til i landbruksnæringa i samsvar med kommuneplanen. Eigedomen skal nyttast til bustadføremål. Vedtaket var samrøystes. Klagebehandling: Søkjar har motteke orientering om formannskapet sitt vedtak vedlagt skisse av tomt på 1 dekar, og har innan utløp av klagefristen klaga på den delen av vedtaket som gjeld avgrensing av storleik på tomta. Klagen er grunngjeven med: at dette ikkje er i tråd med fylkesmannen sitt jordlovsvedtak. at dei aktuelle landbruksbygga ikkje stettar dagens krav til landbruksbygg, og at kjøpar ikkje er interessert i å kjøpe bygga og tomta dei står på. at det då må finnast ny kjøpar til vel to mål landbruksareal med påståande bygg. Dette meiner dei vil vere praktisk vanskeleg å få til, og vil vere ei samfunnsmessig dårlegare løysing enn den omsøkte. Klagen er vedlagt. Rådmannen si vurdering: Rådmannen har i saksutgreiinga vist til kommuneplanen og vedtekne retningsliner for behandling av søknader om frådeling av gardstun, innarbeidd praksis i slike delingssaker, og at endra praksis ikkje bør skje gjennom enkeltsaker. Normalt prøver rådmannen i klagesaker å tilpasse argumentasjonen for å understøtte det politiske vedtaket. I denne saka finn eg ikkje at det er mogleg. Gloppen kommune sin kommuneplan er ikkje slik formannskapet ønskjer at den skulle vore. Grunngjevinga i vedtaket (landbruksbygg høyrer til i landbruksnæringa) kunne kanskje vere fornuftig, men er ikkje henta frå kommuneplanen for Gloppen. Rådmannen oppmodar på nytt om at endra praksis blir innført gjennom endring av kommuneplanen, og ikkje ved behandling av enkeltsaker. RÅDMANNEN SI TILRÅDING:

10 Gloppen formannskap tek klagen frå Per Inge Strand på vegne av eigarane av gbnr. 106/2 til følgje. Gloppen formannskap gir med heimel i plan- og bygningslova 19-2 dispensasjon frå deleforbodet i LNF-område i kommuneplanen, slik at tunet på gbnr. 106/2 kan delast frå slik det er søkt om. Den frådelte tomta skal nyttast til bustadformål. Grunngjevinga for vedtaket er at arealbruken i området ikkje blir vesentleg endra, og at delinga er i samsvar med retningsliner i kommuneplanen.

11 GLOPPEN KOMMUNE SAKSPAPIR SAKSGANG Styre, utval, komite m.m. Møtedato Saksnr Formannskapet /16 Avgjerd av: Kommunestyret Saksbehandlar: Janne Storevik/Jan Kåre Fure Objekt: Arkiv: 211 Arkivsaknr.: 14/ Godkjenning av økonomireglementet for Gloppen kommune Vedlegg: Dok.nr Tittel på vedlegg Økonomireglement for Gloppen kommune Bakgrunn for saka: Gloppen kommune har hittil ikkje hatt noko samla økonomireglement, og dette har vore etterlyst m.a. av kontrollutvalet ved fleire høve i førre valperiode. Av ulike årsaker har det teke tid å utarbeide reglementet, men no er det klart til politisk behandling. Saksutgreiing: Rådmannen har lagt vekt på å gjere reglementet så kort og lett forståeleg som råd. Dette er sjølvsagt ikkje så lett. Her er det fort gjort å skrive for og til «seg sjølv» og sine likesinna. Etter kommunelova kan folkevalde organ berre delegere oppgåver og mynde til rådmannen. Dette er teke omsyn til i reglementet. Rådmannen sine delegasjonar er tekne inn og omtala for å gjere reglementet komplett. Rådmannen har sjølvsagt sett på korleis dei andre kommunane vi samarbeider med har gjort det, men reglementet er ikkje ein kopi av andre sitt regelverk. For oversikta si skuld, har rådmannen oppsummert alle sine delegasjonar i eit eige kapittel til slutt i reglementet. Det er ikkje innført «ny rett» i reglementet utover at fullmakta til å disponere uforutsette meirinntekter er utvida. Framlegget til økonomireglement har vore lagt fram for kommunerevisjonen, som ikkje har kome med merknader. Økonomiske konsekvensar for kommunen: Ingen. Rådmannen si vurdering:

12 Rådmannen er glad for at vi omsider har klart eit økonomireglement til politisk behandling. Økonomisjefen, som er ganske fersk i jobben, har gjort eit godt og grundig arbeid med reglementet. Rådmannen meiner at reglementet gjev eit godt grunnlag for god økonomistyring av kommunen. Særleg er det viktig og utfordrande å halde styr på alle prosjekta våre, anten dette gjeld drift eller investeringar. Forhåpentlegvis vil reglementet bli til god hjelp. Rådmannen ber om at kommunestyret godkjenner reglementet. RÅDMANNEN SI TILRÅDING: Kommunestyret godkjenner rådmannen sitt framlegg til økonomireglement for Gloppen kommune slik dette går fram av saksvedlegget.

13 GLOPPEN KOMMUNE SAKSPAPIR SAKSGANG Styre, utval, komite m.m. Møtedato Saksnr Formannskapet /16 Avgjerd av: Formannskapet Saksbehandlar: Jan Kåre Fure Objekt: Arkiv: Q65 Arkivsaknr.: 16/561-5 Oppretting av interessegruppe for Sandane lufthamn - ny behandling Ingen vedlegg. Frå tidlegare behandling av saka: Bakgrunn for saka: Formannskapet drøfta på møtet den 18. april i år arbeidet for å trygge tilbodet og drifta ved Sandane lufthamn og var samde om at dette arbeidet må halde fram og samordnast. Formannskapet var samde om å be valnemnda kome med framlegg til medlemmer til interessegruppa frå Gloppen. Saksutgreiing: Sjølv om dette er ei sak det har vore jobba mykje med, er saka så å seie «papirlaus» i det kommunale systemet. Ikkje noko er journalført eller arkivert. «Utgreiinga» frå rådmannen kan derfor framstå som mangelfull for dei som kjenner saka. I e-posten til valnemnda etter drøftinga i formannskapet 18. april i år skreiv rådmannen at formannskapet ønskjer seg ei interessegruppe for flyplassen med medlemmer både frå Gloppen og frå dei andre kommunane som er brukarar av flyplassen. Og vidare: ( ) Det blir arbeidd politisk på anna hald med å «verve» medlemmer frå andre kommunar, så dette treng valnemnda ikkje sjå på. Så vidt rådmannen kjenner til har to grupper vore i arbeid for Sandane Lufthamn, begge etablerte og drivne i privat regi. Mykje arbeid og også ein god del pengar har vore lagt ned i desse gruppene, utan at rådmannen har nærare kunnskap om dette. --- I forkant av formannskapsmøtet den 13. juni i år kom denne e-posten frå leiar i valnemnda: Sak i formannskapet i dag oppfølging av tidlegare drøfting om flyplassgruppe. Tilråding til kommunestyre.

14 1. Gloppen kommunestyre vedtek å opprette interessegruppe for Sandane Lufthamn. 2. Gloppen kommune løyver kr ,- til drift av interessegruppa. Løyvinga skal dekkast av disposisjonsfondet. 3. Kommunestyre ber om at gruppa innan 15. oktober legg fram forslag til mandat samt forslag til budsjett for Budsjettframlegget vil danne grunnlag for kommunalt tilskot Gruppa skal rapportere om sitt arbeid til Gloppen formannskap. 5. Formannskapet ber valnemnda kome med framlegg til samansetting av styre til kommunestyre sitt møte 17. juni Formannskapet var samde om å utsette saka og behandling denne på møtet den 20. juni. Økonomiske konsekvensar for kommunen: I utgangspunktet ingen, men dersom kommunen heilt eller delvis skal finansiere drifta av ei interessegruppe, vil dei økonomiske konsekvensane vere lik den kommunale løyvinga. Slik rådmannen ser det, er saka ikkje komen langt nok til å løyve midlar no. Rådmannen si vurdering: Rådmannen sjølv har ikkje vore direkte involvert i interessearbeidet for Sandane lufthamn. Frå kommunen si side har dette arbeidet hovudsakleg vore gjort politisk. Rådmannen er usikker på kva som er gjort etter den omtala drøftinga i formannskapet 18. april, og eg legg derfor saka fram utan noko nærare vurdering eller tilråding. RÅDMANNEN SI TILRÅDING: FORMANNSKAPET 096/16 VEDTAK: Formannskapet ber Svein-Ottar Sandal om å samle dei to interessegruppene for Sandane luftham og drøfte korleis arbeidet for å styrke flyplassen kan organiserast. Formannskapet ber om tilbakemelding på neste møte. Vedtaket var samrøystes. Vidare behandling av saka: Rådmannen har ikkje fått noko tilbakemelding på det tidspunktet dette er skrive (9. august 2016).

15 Rådmannen set saka opp att på saklista slik at eit eventuelt vedtak blir knytt til «rett» sak (og ikkje berre ført som ei av fleire orienteringssaker). --- Rådmannen har ikkje noko utgreiing eller tilråding i saka. RÅDMANNEN SI TILRÅDING:.

16 GLOPPEN KOMMUNE SAKSPAPIR SAKSGANG Styre, utval, komite m.m. Møtedato Saksnr Formannskapet /16 Avgjerd av: Formannskapet Saksbehandlar: Birte Fossheim/Jan Kåre Fure Objekt: Arkiv: 123 Arkivsaknr.: 15/ Fylkeskommunale retningslinjer for lokalisering av handel og kjøpesenter - kommunal uttale Ingen vedlegg. Dette saksutgreiinga er i all hovudsak ein kopi av utgreiinga til Nordfjordrådet sitt møte den 22. august Bakgrunn for saka: Fylkeskommunen har lagt ut framlegg til retningslinjer for lokalisering av handel og kjøpesenter på offentleg høyring med frist for tilbakemelding 14. september. Saksutgreiing: Føremålet med retningslinjene er å styrke eksisterande by- og tettstader, gje samfunnsøkonomisk effektiv arealbruk og legge til rette for miljø- og helsefremjande transportval. Retningslinjene skal sikre at ny handelsverksemd vert lokalisert innanfor eller i tilknyting til eksisterande by- og tettstadssentra, og med god tilgjenge for gåande og syklande og med god kollektivdekking. Det langsiktige målet er å oppnå ei meir berekraftig by- og tettstadsutvikling og avgrense klimagassutsleppa. Etablering på dyrka mark bør unngåast. Som hovudregel skal all handelsverksemd lokaliserast i sentrumsområde. Avgrensing av sentrumsområde skal vere fastsett i gjeldande kommuneplan eller i reguleringsplan. All detaljhandel skal plasserast innanfor sentrumsområde eller i område avsett for framtidig sentrumsutvikling gjennom ny heilskapleg planlegging, med vekt på statlege retningsliner for areal-, bustad og transportplanlegging. I punkt 3.4 i retningslinjene står det at i byane/tettstadane Førde, Florø og Sogndal kan det etablerast «større kjøpesenter» i sentrumsområda. For kommunane i Nordfjord står det at på Sandane, Eid, Stryn og Måløy, kan det etablerast kjøpesenter med inntil m 2 bruksareal innafor område avsett til sentrumsområde i plan. Og vidare at for alle andre tettstader er grensa fastsett i samsvar med forskrift om riktspolitiske reglar for kjøpesentra med m 2. Økonomiske konsekvensar for kommunen: Ingen direkte. Rådmannen si vurdering:

17 Føremålet med retningslinjene for å styrke by- og tettstader, gje samfunnsøkonomisk effektiv arealbruk og legge til rette for miljø- og helsefremjande transportval er gode. Dette er i samsvar med Nordfjordrådet sin strategi- og handlingsplan for 2016 og 2017 der det er vektlagt at ein fleirkjernestruktur i Nordfjord vil styrke og utvikle tettstadane i regionen framover. Rådmannen meiner vi ikkje kan godta dei fylkeskommunale retningslinene slik dei ligg føre med det som er sagt om at tettstadane i Nordfjord får ei avgrensing på areal på m 2. Den statlege forskrifta er først og fremst vedteken for å hindre/avgrense den negative utviklinga i dei større by- og tettstadane der store kjøpesenterområde har blitt etablert utanfor sentrumskjernen. Det er ikkje storleiken på kjøpesentra som i seg sjølv er problemet, men lokaliseringa utanfor sentrumsområde som igjen tappar desse for handelstilbod og dernest svekka byane som levande samfunn. Omgrepet «lokalisering» tyder etter rådmannen sitt skjønn først og fremst «plassering» i den forstand at retningslinjene skal seie nokon om kvar varehandel og andre servicefunksjonar skal etablerast. I fylkeskommunen sine retningslinjer er det lagt til grunn at kjøpesenter, som også omfattar handelsparkar, berre kan etablerast i sentrumsområdet. Rådmannen er samd i dette styrings-prinsippet. Men at det samstundes skal vere behov for å svekke det kommunale sjølvstyret ved å setje ei arealavgrensing for storleiken på kjøpesenter som kan etablerast innanfor dette området dei neste 10 åra, er rådmannen ikkje samde i. Dette er det heller ikkje behov for eller nødvendig for å nå regjeringa si målsetting om meir berekraftige og robuste by- og tettstadar. --- Saka blir behandla av Nordfjordrådet på møtet den 22. august. Deira vedtak vil bli lagt fram på møtet. RÅDMANNEN SI TILRÅDING: Gloppen kommune v/formannskapet er usamde i at det i dei fylkeskommunale retningslinjene for lokalisering av handel og kjøpesenter blir sett tak på kjøpesenterstorleik på m 2 for tettstadane Sandane, Eid, Stryn og Måløy. Gloppen kommune meiner prinsipielt at det ikkje skal vera skilnader i fylkeskommunen sine retningslinjer for kjøpesenter i Nordfjord, Sunnfjord og Sogn.

18 GLOPPEN KOMMUNE SAKSPAPIR SAKSGANG Styre, utval, komite m.m. Møtedato Saksnr Formannskapet /16 Avgjerd av: Formannskapet Saksbehandlar: Rita Arlen Lilletvedt Objekt: Arkiv: 515 Arkivsaknr.: 16/473-5 Fastsetting av ny lønn til rådmannen frå Ingen vedlegg. Bakgrunn for saka: Formannskapet skal årleg vurdere og fastsetje lønn til rådmannen ihht lønnspolitisk plan. Saksutgreiing: Resultatet av dei sentrale forhandlingane mellom KS og forhandlingssamanslutningane har ei økonomisk ramme på 2,4%, i tråd med resultatet for Frontfaget. Tilsvarande ramme er utgangspunktet for dei lokale forhandlingane som skal gjennomførast for kap. 3 og 5 i september Rådmannen blir ikkje til stades under behandling av saka. Ordføraren vil be om at møtet blir lukka i medhald av kommunelova 31, nr 3. ORDFØRAREN SI TILRÅDING: Formannskapet fastset den nye årslønna til rådmannen i Gloppen til kr (reallønnsvekst på kr ). Ny lønn blir utbetalt med verknad frå 1. mai 2016.