VINJE KOMMUNE. Møteinnkalling. Utval Stad Dato Kl.: Formannskapet Formannskapssalen :00

Transkript

1 VINJE KOMMUNE Møteinnkalling Utval Stad Dato Kl.: Formannskapet Formannskapssalen :00 Det vert med dette kalla inn til møte, Saksnr Tittel Arkivkode PS 08/29 Referat og meldingar PS 08/30 Forvalting av kommunens aksjar 255 PS 08/31 Fjellvegen - søknad om godkjenning til å auke bomavgift 205 PS 08/32 Opprop om landbruket PS 08/33 Forfall til politiske møte PS 08/34 Kjøp av Vinje HV-hus 35/147 PS 08/35 Rauland Kunstforening - søknad om støtte 223 PS 08/36 Uttale til Stjernø-utvalets innstilling NOU 2008:3 PS 08/37 Mellombels rusmiddelpolitiske retningsliner for Vinje kommune PS 08/38 Delprosjekt " Gaustatoppen turistrute " 223 PS 08/39 Stipendiat ved Hardangervidda nasjonaparksenter PS 08/40 Vinje kro - ikkje offentleg jfr. OFL 6.2b NB: Kl : Oppmøte på AIR, orientering og omvisning på AIR. Orientering om "hytteprosjektet. Kl : Møte mellom Formannskapet og styret i Telemark Bilruter A/S Sakene er lagt ut på Tenestetorget fram til møtedagen. Varamedlemar møter berre etter nærare innkalling. Forfall må meldast i god tid. Åmot, 16. april 2008 Arne Vinje leiar Reidun Lofthus administrasjonssekretær

2 PS 08/29 Referat og meldingar

3 Vinje kommune Rådmannen Arkiv saknr: 2008/355 Løpenr.: 4235/2008 Arkivkode: 255 Utval Møtedato Utval Saksnr Formannskapet /30 Kommunestyret Sakshandsamar: Hans Kristian Lehmann Forvalting av kommunens aksjar Bakgrunn: I kommunestyrets møte 29. mars 2007 blei det handsama sak om forvaltning av Vinje kommunes aksjar. Kommunestyret fatta fylgjande vedtak samrøystes: Kommunestyret vedtar fylgjande rutinar for selskap der kommunen eig aksjar: 1. Formannskapet får kvar vår får eit oversyn over dei styremedlemmane som skal veljast slik at det blir mogeleg å gjera eventuelle endringar. 2. Det må vera eit absolutt krav at dei som sit for kommunen i ulike styrer må gjennom ei opplæring i styrearbeid. 3. Dei som sit for kommunen i eit styre må ha plikt til å informere kommunen om utviklinga i selskapet og ordførar og rådmann må og legge opp til meir regelbunden kontakt med medlemmane. Slik kontakt må skje minimum ein gong i året med styremedlemmane i dei viktigaste selskapa. Formannskapet får referat frå desse møta til orientering, men i viktige saker kan og styremedlem/dagleg leiar koma til formannskapet for å orientere. I dag har kommunen aksjar med balanseført verdi i kommunens rekneskap for 2007 til 45,2 millionar kroner. Aksjane er fordelt på 22 selskap slik: Vest-Telemark Kraftlag Akademiet Rauland KLP Egenkapitalinnskott Renovest DA Vest-Telemark Næringsbygg Vinje Asvo AS Norsk Bane AS Vest-Telemark Bilruter AL AS Vito kompetanse

4 Attføringssenteret Rauland Skidrift AS Rauland Turist AS Skien Dalen Skipstrafikk AS Vest-Telemark Blad AS Telemark Interkommunale Næringsfond Kommunekraft AS Telemark Kommunerevisjon IKS Kontrollutvalgssekretariatet IKS Telemarksreiser AS Norsk Skieventyr Biblioteksentralen 900 Dag og Tid Ingen av desse selskapa er børsnotera. Som det går fram av lista er dette ikkje reine pengeplasseringar og ein kan dele selskapa opp i ein del grupper: Offentlege oppgåver Det er selskap som tek vare på offentlege oppgåver: Renovasjon, kraftforsyning, revisjon, kontrollutval og arbeid for yrkeshemma. Reiseliv Kommunen har aksjar i ein del verksemder knytt til reiselivet slik som Rauland Turist, Telemarksreiser og kanalbåtane. Støtte Nokre aksjekjøp ber og preg av rein støtte slik som Dag og Tid, Norsk Skieventyr og Vest- Telemark Blad. Denne gruppa av aksjar blir ikkje nærare omtalt i denne saka. KLP Kommunens eigenkapitalinnskott i KLP står og ført opp i lista over kommunens aksjar, men blir ikkje nærare omtalt her. Næringsverksemd Kommunen har og aksjar i næringsverksemd slik som i Nemek inntil det gikk konkurs, Raulands Lam og Vest-Telemark Bilruter. Kommunen har ikkje aksjar i Qmatec Drilling som gjekk in i drifta av Nemek etter konkursen. Når det gjeld Raulands Lam blei selskapet aldri starta opp og er nå avvikla. Av aksjekapitalen på kr som kommunen gjekk inn med blei kr betalt attende, mens kr er avskrivi som tap. Politikkområde Kommunen har aksjar i nokre selskap som tek sikte på å løyse politisk viktige oppgåver: Norsk Bane og Haukelivegen as. Kommunen auka nyleg aksjekapitalen sin i Norsk Bane med 1 million kroner Grenseland offentleg/privat verksemd Kommunen har og aksjar i nokre selskap som ligg i grenselandet mellom offentleg og privat verksemd. Attføringssenteret, Akademiet Rauland og Vest-Telemark Næringsbygg er døme på dette.

5 Aktivt eigarskap Kommunen bør og føre ein aktiv eigarskapspolitikk og rådmannen finn at det er trong for å betre kontakten med nokre av dei selskapa som er nemnt i punkta ovanfor. Det seier seg sjølv at kommunen ikkje kan ha like stor fokus på alle 22 og det blir bare dei viktigaste som er omtalt her. Fyst skal rådmannen koma med nokre generelle kommentarar: Styremedlemer Styremedlemene velgast på det generalforsamlinga i det einskilde selskap og det er kommunes eigardel som avgjer om kommunen har krav på styrerepresentasjon. Det er ordføraren eller den han gir fullmakt som representerar kommunen i dei ulike generalforsamlingane. Kommunestyret har vedtatt at formannskapet kvar vår får eit oversyn over dei styremedlemene som skal veljast slik at det blir mogeleg å gjera eventuelle endringar. Praksis i år har vist at innkallingane til generalforsamlingane kjem kort tid før og gjerne før formannskapet har nytt møte. Rådmannen vil gjera framlegg om at det er valnemnda som tek stilling til kven som skal representera kommunen i dei ulike selskapa. Det er strenge krav om at dei som sit i styret skal fylgje med i selskapets drift. Går noko gale kan styremedlemmane blir personleg ansvarleg dersom dei har handla uaktsamt. Til vanlege politiske verv er det ikkje knytt noko slikt personleg ansvar og det er nok mange som ikkje er klar over dei reglane som gjeld i aksjeselskap. Rådmannen har derfor sendt ut tilbod om eit kurs i regi av Vest-Telemark Næringsforum til dei som sit for kommunen i eit styre. Deltakinga på dette kurset som gjekk over 2 dagar var svært bra og attendemeldingane har vore svært bra. Dette må fylgjast opp til dømes kvart anna år for nye styremedlem. Dei som ikkje ynskjer å gå gjennom slik opplæring må skiftast ut ved fyrste høve. Habilitet Folkevalde som sit i styret for eit selskap (så lenge ikkje selskapet heilt ut er eig av stat eller kommune) blir inhabile når ei sak som vedkjem selskapet kjem til handsaming. Det kan gjere kontakten mellom selskapet og kommunen vanskeleg. Reglane gjer og at ein ikkje bør velje sentrale politikarar til slike verv. Det kjem truleg nye reglar som vil utvide desse habilitetsreglane til og å gjelde reine kommunale selskap. Deltaking i rein næringsverksemd Situasjonen i Nemek var eit døme på at det ikkje er lett for ein kommune å sitte med eigarrolle i ei rein næringsverksemd. Ikkje noko er absolutt når det gjeld framtidig kommunalt eigarskap i næringsverksemder, men rådmannen meiner kommunen må vera sers varsam med å gå inn med aksjekapital i slike selskap. Kommunen bør og vurdere å selje aksjane i slike selskap, sjå under omtala av einskilde selskap. Kommunen kan og føre ein aktiv næringspolitikk utan å vera eigar i alle selskap. Private som vender seg til kommunen om å gå inn med kapital i nye selskap har enten eit konsept som ikkje er levedyktig eller for dårleg tru på konseptet. Men det har og vore døme på at kommunal aksjekapital har vore vellykka. Telefiber AS var eit selskap som skulle syte for drift av breiband innan forsyningsområdet til Rauland Kraftforsyningslag. Kommunen satt med aksjane i ein oppstartsperiode og solte aksjane til kraftforsyningslaget. Selskapet er nå utvida til å drifte breibandssatsinga i heile Vest-

6 Telemark og er eit døme på ein vellykka bruk av kommunal kapital i ein stutt periode. Rådmannen meiner at slik bruk av kapital i ein avgrensa periode kan vera nyttig, men da må ein ha ein klar klart avgrensa målsetting og ikkje gå inn med kapital som eit varig driftstilskott. Omtale av einskilde selskap Vest-Telemark Kraftlag Kommuneleiinga har god kontakt med styremedlemet i selskapet. Kommunestyret har nyleg handsama ein sak om å taka eit ekstraordinært utbytte i VTK som blei gjeve tilbake som lån og kor eigarane har ein årleg renteinntekt. Alle kommunane har nå slutta seg til dette og kommunane må seinare taka stilling kva for utbyttepolitikk ein skal legge opp til. Her må omsynet til å ha eit selskap med økonomi til å drive ein forsvarleg kraftforsyning viast opp mot eigaranes ynskje om å taka ut eit maksimalt utbytte. Renovest Renovest er eit interkommunalt selskap, men om bare namnet nemnes er det lang diskusjonar i formannskapet. Dagleg leiar har orientert formannskapet om verksemda, men det bør gjerast kvart år. Vest-Telemark Næringsbygg I høve til konkrete saker er det ofte kontakt mellom kommuneleiinga og styreleiar. Men selskapet er ein viktig del av næringsutviklinga og formannskapet må taka ein gjennomgang av kva for strategi selskapet skal velje i framtida. Rådmannen vil legge opp til ein dag om næringspolitikk og da er VTNB ein viktig aktør i eit slikt møte. Vinje ASVO og VITO Kompetanse Dette er arbeidsmarknadsverksemder med offentleg eigarskap. Men kommunen er og kjøpar av tenester frå desse selskapa. Det same er NAV-kontoret i Vinje. Kontoret er styrt både frå NAV Telemark og Vinje kommune. Her ligg det ein klår interessekonflikt. Kommunen er som eigar interessert i at verksemdene har flest mogeleg oppdrag og går rundt økonomisk, men kommunen som brukar er interessert i å få best mogeleg tenester til ein lågast mogeleg pris. Vest-Telemark Bilruter as Da kommunen i sin tid gjekk så sterkt inn i Vest-Telemark Bilruter var det ut frå omsynet til å sikre eit sterkt lokalt eigarskap til rutebilselskapet. Det var og eit omsyn å halde på mest mogeleg av verksemda i Vinje. Rådmannen kan ikkje sjå at desse omsyna har like stor vekt i dag. Det er fint lite kommunen kan gjera for å påverke utviklinga i selskapet og rådmannen meiner det er grunn å vurdere om kommunen bør halda på aksjane sine i selskapet. Rådmannen vil fremje ei eiga sak om dette. Attføringssenteret Rauland Kommunen har i dag ikkje styremedlem i selskapet, men kommuneleiinga har god kontakt med leiinga i Attføringssenteret serleg knytt til utviklinga rundt nasjonalt kompetansesenter. AiR har invitert formannskapet til ei synfaring i verksemda.

7 Rådmannens framlegg til vedtak: 1. Valnemnda avgjer kven som skal vera kommunens representantar i styra i dei ulike aksjeselskapa. 2. Det må vera eit absolutt krav at dei som sit for kommunen i ulike styrer må gjennom ei opplæring i styrearbeid og tilbod om slikt kurs må halde fram. 3. Kommunestyret tek elles orienteringa frå rådmannen til etterretning. Rådmannen, Hans Kristian Lehmann, rådmann /s/

8 Vinje kommune Næringskontoret Arkiv saknr: 2008/805 Løpenr.: 3705/2008 Arkivkode: 205/Q15 Utval Møtedato Utval Saksnr Formannskapet /31 Sakshandsamar: Aslaug Dale Fjellvegen - søknad om godkjenning til å auke bomavgift Vedlegg: Søknad frå Fjellvegen veglag v/torbjørn Berge av Bakgrunn: Fjellvegen veglag ynskjer å auke bomavgifta frå 20 til 30 kroner i tillegg til å fastsetje årsavgift på kr 500,-. Vinje og Seljord kommunar støtta Fjellvegen til grusing og opprusting av vegen og veglaget syns no dei kan ta noko høgare avgift. Det er kommunane som godkjenner ei slik avgiftsauke. Vurdering: Ei bomavgift på 30 kroner pr tur syns i dag å ikkje vera mykje, men det er dette søknaden gjeld. Rådmannens framlegg til vedtak: Vinje kommune har ikkje merknader til auke av bomagifta på Fjellvegen til kr 30,- pr tur. Bomavgifta vert godkjent. Vinje kommune har ikkje merknader til å fastsetje årsavgift for Fjellvegen til kr 500,- pr. år. Årsavgifta vert godkjent. Rådmannen, Hans Kristian Lehmann, rådmann /s/

9 Vinje kommune Rådmannen Arkiv saknr: 2008/1148 Løpenr.: 4864/2008 Arkivkode: Utval Møtedato Utval Saksnr Formannskapet /32 Sakshandsamar: Hans Kristian Lehmann Opprop om landbruket Vedlegg: Opprop frå Vestre Slidre kommune Bakgrunn: Kommunen har fått oppmoding frå ordførar Eyvind Brenna i Vestre Slidre om å støtte kommunens opprop om eit livskraftig landbruk. Oppropet skal sendast Regjeringa i forkant av landbruksoppgjeret. Landbruk er ei viktig næring i Vinje kommune og eit livskraftig landbruk er sers viktig for den framtidige utviklinga i kommunen. Rådmannen vil derfor tilrå at formannskapet støtter oppropet frå Vestre Slidre kommune. Rådmannens framlegg til vedtak: Formannskapet i Vinje støtter oppropet frå Vestre Slidre kommune: Er landbruket livskraftig nok til å forsyne Noreg med mat? Rådmannen, Hans Kristian Lehmann, rådmann /s/

10 Vinje kommune Rådmannen Arkiv saknr: 2008/1136 Løpenr.: 4805/2008 Arkivkode: Utval Møtedato Utval Saksnr Formannskapet /33 Sakshandsamar: Hans Kristian Lehmann Forfall til politiske møte Bakgrunn: Under politikaropplæringa i kommunestyret torsdag 3. april tok Roar Berg-Hansen opp problemet med de mange forfalla til politiske møte. Rådmannen ber formannskapet drøfte om administrasjonen skal gjera framlegg til innskjerpa regelverk når det gjeld grunnar for forfall og korleis melding om forfall skal handsamast. Eventuelt nytt regelverk vil kunne vedtakast før sumaren og settast i verk frå hausten. Rådmannens framlegg til vedtak: Rådmannen, Hans Kristian Lehmann, rådmann /s/

11 Vinje kommune Rådmannen Arkiv saknr: 2008/595 Løpenr.: 5106/2008 Arkivkode: 35/147 Utval Møtedato Utval Saksnr Formannskapet /34 Sakshandsamar: Hans Kristian Lehmann Kjøp av Vinje HV-hus Vedlegg: Brev frå Skifte Eiendom om kjøp av Vinje HV-hus i Vinjevegen 133 Bakgrunn: Formannskapet vedtok i møte 13. mars å ikkje gjere bruk av forkjøpsretten knytt til Vinje HV-hus. Prisen for huset ved bruk av forkjøpsretten var kr noko som kommunen fann altfor dyrt. Skifte Eiendom har nå svart at huset vil bli lagt ut på opne marknaden og kommunen kan legge inn bod på vanleg måte. Det er usikkert om det vil vera andre interessentar, men skulle huset gå til andre må HV museet flyttast ut. Det er ikkje andre brukelege alternativ utanfor Åmot og dei som har hatt ansvar for museet så langt gjer uttrykk for at einaste alternativ til dagens lokalisering er å gje gjenstandane attende til dei som har gjeve dei. Vest-Telemark museum har fått førespurnad om å taka over drifta og har ikkje heilt avvist det, men det er ikkje kome til nokon endelege avklaring på det spørsmålet. For dei er det heller ikkje truleg med ein annen lokalisering enn i det nåverande bygget. Rådmannen har hatt ei intern drøfting av bruken av den del av huset som ikkje er museum og ein ser fleire interessante bruksområde. Rådmannen ber formannskapet drøfte saka og gje rådmannen ei eventuell fullmakt til å legge inn bod på HV-huset. Av omsyn til bodrunda må grensa for denne fullmakta vera unnateken offentlegheit. Grensa er derfor ikkje lagt inn i saka.

12 Rådmannens framlegg til vedtak: Formannskapet gjer rådmannen fullmakt til å legge inn bod på inntil kr. på Vinje HV-hus i Vinjevegen 133. Rådmannen, Hans Kristian Lehmann, rådmann /s/

13 Vinje kommune Rådmannen Arkiv saknr: 2008/1209 Løpenr.: 5189/2008 Arkivkode: 223 Utval Møtedato Utval Saksnr Formannskapet /35 Sakshandsamar: Hans Kristian Lehmann Rauland Kunstforening - søknad om støtte Vedlegg: Søknad frå Rauland Kunstforening Bakgrunn: Rådmannen har i fleire år hatt dialog med Rauland Kunstforening om lokale for Raulandsutstillinga utan at det er funne nokon god løysing på dette. Utstillinga har dei siste åra hatt tilhald på Heimdal eller på skulen. Kunstforeninga kan nå få leige Sondovbui (tidlegare Spar-butikken) slik at utstillinga kan vera der. Kunstforeninga ynksjer og å bli ein meir aktiv formidlar av kunst og kultur til fastbuande og ei stadig aukande gruppe av hyttefolk/turistar. Dei ynskjer å legge opp til helårs drift. Vurdering: Rådmannen ser dette som eit spennande prosjekt. Sondovbui vil kunne romme ulike aktivitetar i grenseland kultur næring. Det står meir om dette i søknaden. Fylkeskultursjefen ynskjer eit inkubator-prosjekt i Telemark og Sondovbui kan vera grunnlaget for eit slikt prosjekt. Ei inkubatorverksemd er eit tilbod for å bistå utviklinga i reiseliv-, kultur og opplevingsnæringane ved å styrkje nye verksemders evne til å skape forteneste og ekspansjon. I samarbeid med fylkeskommunen må det jobbast med å få til et slikt prosjekt som det hadde vore særs spennande å få til Vinje. Det er ein slik inkubator i Noreg i dag og den ligg på Lillehammer sjå Men uavhegig av dette vil rådmannen tilrå at kommunen dekker husleigeutgiftene ut året. Slik utviklinga i Rauland har vore er rådmannen overtydd om at dette er rette plassen for eit heilårs tilbod. Vidare støtte må avklarast i samband med budsjettet for 2009 og rådmannen

14 vil koma nærare attende til dette da. Utgiftene for 2008 kan dekkast av næringsfondet. Satsing på kulturbasert næringsutvikling er eit viktig punkt i næringsplanen, men kommunen har aldri fått eit prosjekt som har konkretisert dette slik som nå. Sidan næringssjefen er inhabil i saka er det rådmannen som har førebudd ho. Rådmannens framlegg til vedtak: Formannskapet løyver k.r til dekning av husleie i 2008 for Rauland Kunstforening. Løyvinga dekkast av nærignsfondet. Rådmannen, Hans Kristian Lehmann, rådmann /s/

15 Vinje kommune Rådmannen Arkiv saknr: 2008/1207 Løpenr.: 5105/2008 Arkivkode: Utval Møtedato Utval Saksnr Formannskapet /36 Sakshandsamar: Hans Kristian Lehmann Uttale til Stjernø-utvalets innstilling NOU 2008:3 Vedlegg: Utdrag av vedlegg 4 til innstillinga frå Stjernø-utvalet: Særlege problemstillingar knytt til mindre studiestader. Bakgrunn: Utvalet for høgare utdanning (Stjernø-utvalet) leverte innstillinga si i januar. Utvalet foreslår mellom anna at avdelinga av Høgskulen i Telemark i Rauland skal leggast ned. Sjølv om kommunane ikkje er formell høyringsinstans finn rådmannen det riktig at kommunen uttaler seg om saka. Ho er sers viktig for kommunen. Framlegg til uttale vil bli ettersendt pr. epost. Rådmannens framlegg til vedtak: Formannskapet vedtar framlegget til høyringsuttale om innstillinga frå Stjernø-utvalet NOU 2008:3. Rådmannen, Hans Kristian Lehmann, rådmann /s/

16 Vinje kommune Tenestetorg Arkiv saknr: 2008/1213 Løpenr.: 5131/2008 Arkivkode: Utval Møtedato Utval Saksnr Formannskapet /37 Sakshandsamar: Ingrid Skjøtskift Mellombels rusmiddelpolitiske retningsliner for Vinje kommune Vedlegg: Framlegg til Mellombels reviderte rusmiddelpolitiske retningsliner for Vinje kommune Dokument i saka: Bakgrunn: Vinje kommune har vedtekne rusmiddelpolitiske retningsliner for perioden fram til juni Retningslinene skal gjelde for ein 4-årsperiode, og skal difor til ny handsaming. Vinje kommune er for tida inne i eit fellesprosjekt med 10 andre kommunar som skal munne ut i ein heilskapeleg rusmiddelpolitisk plan for Vinje kommune tufta på felles forståing. 4 Vest-Telemark - kommunar er med i dette prosjektet. Ein slik heilskapeleg plan vil kunne danne grunnlaget for nye rusmiddelpolitiske retningsliner. Difor har sakshandsamar førebels teke utgangspunkt i dei gamle retningslinene og ført inn nye tal og merknader som gjeld Vinje kommune pr. i dag. Desse skal vera grunnlag for sakshandsaming av kommunale skjenkeløyve fram til nye retningsliner er på plass i Vurdering: Inntil nye retningsliner er på plass, våren 2009, bør Vinje kommune ha mellombels rusmiddelpolitiske retningsliner til bruk ved handsaming av kommunale skjenkeløyve.

17 Rådmannens framlegg til vedtak: 1. Vinje kommune vil nytte dei gjeldande rusmiddelpolitiske retningslinene fram til våren Noko informasjon om kommunen vil vera oppdatert. 2. Retningslinene skal vera bakgrunn for nye kommunale skjenkeløyve med søknadsfrist i juni Nye rusmiddelpolitiske retningsliner skal vera vedtekne før sommarferien Rådmannen, Hans Kristian Lehmann, rådmann /s/

18 Vinje kommune Næringskontoret Arkiv saknr: 2008/945 Løpenr.: 4632/2008 Arkivkode: 223 Utval Møtedato Utval Saksnr Formannskapet /38 Sakshandsamar: Toril Nicolaisen Søknad om tilskott til delprosjekt i " Telemarksfjella" Vedlegg: 1. Søknad Telemarksfjella delprosjekt Gaustatoppen Turistrute Dokument i saka: 1. Forprosjektsplan Telemarksfjella Bakgrunn: Vinje kommune/rauland Turist AS er med i Innovativ fjellturisme saman med seks andre fjellkommunar/destinasjonar. Eit av tiltaka er Telemarksfjella der Rauland Turist AS og VisitRjukan samarbeider om å auke den utanlandske sommartrafikken gjennom utvikling av baseferiekonseptet og turistrute over Gausta via rv. 37 og 362 eller via fv 651, rv 37 og 362. Forprosjektet starta opp i 2007 og det er tilsett ein bedriftsstipendiat gjennom Telemark fylkeskommune ( for 1 år ), og reiselivsnæringa er saman med fylkeskommunen og kommunane med i styringsgruppa. Forprosjektet har utarbeidd forslag til hovudprosjekt som har tre faser med fylgjande resultatmål : 1. Oppsetjing av informasjonstavler, nappekart, nettesider, brosjyre m.m. Tidsperspektiv Opprusting av serverdighetar langs ruta, og oppsetjing av skilt og informasjonstavler til kvar severdighet. Kvar av desse er eige tiltak. Tidsperspektiv Fullverdig utvikla turistrute oppteken som Nasjonal Turistveg. Tidsperspektiv Den føreliggjande søknaden gjeld fase 1 i prosjektet. Kostnadsoverslag : Infotavler, nappekart og skiltkostnader kr ,- Nettstad/brosjyre/annonsering kr ,-

19 Diverse kr ,- Sum kr ,- Finansiering plan: Telemark fylkeskommune kr ,- Vinje kommune kr ,- Tinn kommune kr ,- Hjartdal kommune kr ,- Notodden kommune kr ,- VisitRjukan AS kr ,- Rauland Turist AS kr ,- Eigeninnsats Rauland Turist AS og VisitRjukan AS kr ,- Eigeninnsats Staten Vegvesen kr ,- Sum kr ,- Vurdering: Innovativ fjellturisme er eit Arena prosjekt som har mange konkrete tiltak og gode resultat i dei kommunane og destinasjonane som er med i dette nettverket. Telemarksfjella er eit av tiltaka i Vinje kommune. Innovativ fjellturisme blir omtala spesielt i regjeringas strategi for reiselivsnæringa som kom hausten I forprosjektet er det arbeidd mykje ovanfor Statens vegvesen når det gjeld skiltstruktur som omfattar heile prosjektet og elles skilting i fase 1. I tillegg er det utarbeidd ein oversikt over severdighetar langs ruta, men denne er ikkje endeleg fastlagt. Nasjonalparksenteret på Skinnarbu vil bli ein viktig attraksjon langs ruta. Vidare er det arbeidd for å få med fleire kommunar som ligg langs ruta, og Notodden og Hjartdal er no med i planane. Odda kommune vil også vera ein samarbeidskommune framover. Vinje og Tinn kommune har fått status som nasjonalparkkommune, og det same gjeld Odda kommune. Denne ruta vil vera med å styrkje marknadsføringa av desse tre nasjonalparkkommunane samstundes som nasjonalparkkommunane i vårt område vil vera med å marknadsføre turistruta som går i randsona til Hardangervidda nasjonalpark. Statens vegvesen opnar i 2015 for nye nasjonale turistvegar, og det er lettare å koma med når det er gjennomført ein del tiltak før ein eventuell søknad. Det er ikkje heilt avgjort kva for namn denne ruta skal ha, men det er ikkje lov å bruke turistveg eller turistrute i den offesielle skiltinga. Det må arbeidast vidare med fase 2 og 3, men sommaren 2008 skal det opp infotavler med nappekar, ein del skilting og ferdigstilling av nettstad m.m. Det vil bli utarbeidd plan for det vidare arbeidet med i løpet av 1.halvår Rådmannens framlegg til vedtak: Vinje kommune løyver inntil kr ,- til delvis finansiering av delprosjekt i Telemarksfjella. Rådmannen, Hans Kristian Lehmann, rådmann /s/

20 Vinje kommune Næringskontoret Arkiv saknr: 2008/245 Løpenr.: 4634/2008 Arkivkode: Utval Møtedato Utval Saksnr Formannskapet /39 Sakshandsamar: Toril Nicolaisen Bedriftsstipendiat knytt til Nasjonalparksenteret og Rauland Turist AS Bakgrunn: Vinje kommune/rauland Turist AS er med i Innovativ fjellturisme saman med seks andre fjellkommunar/destinasjonar. Vinje og Tinn vil no samarbeide om å få ein bedriftsstipendiat gjennom Telemark fylkeskommune som skal arbeide med korleis Hardangervidda nasjonalpark og randsona kan føre til større lokal verdiskaping og i næringsutvikling. Norsk natur blir stadig oftare nemnd som produksjonsgrunnlag for utvikling av reiselivet vårt. Men frå marknadshald blir det påpeika at mange av dei tradisjonelle naturopplevingane korkje er tilrettelagt for lokal verdiskaping eller internasjonale brukarar. Tradisjonell vandring i fjellet gjev ikkje særleg med inntekter til lokalsamfunnet eller reiselivsdestinasjonane. Internasjonalt viser det seg at stader som byggjer opp tilbod inn mot nasjonalparkane, får fleire overnattingar m.m. og dermed auka omsetnad og inntekter lokalt. Vinje kommune og Tinn kommune har fått status som nasjonalparkkommune saman med m.a. Hol kommune og Odda kommune. I fylgje regjeringas strategi for reiselivsnæringa frå hausten 2007, vil det bli sett i gang arbeid for å sjå om det er mogleg å bruke nasjonalparkar og andre verneområde i reiselivsamanheng. Nasjonalparksenteret på Skinnarbu hyser i dag Norsk villreinsenter, Sør med fire tilsette og to tilsett i SNO som er til disposisjon for villreinsenteret. Norsk villreinsenter har i samarbeid med Nasjonalparksenteret for Hardangervidda prosjektert ei utstilling om villreinen. Dagleg leiar og styret i Nasjonalparksenteret arbeider for å få etablert denne utstillinga som har eit høgt fagleg innhald og tilrettelagt som eit kvalitativt godt reiselivprodukt. Arbeidet med finansiering av utstillinga er godt i gang. Vinje kommune har m.a. løyvd 1 mill. kroner. NHO Reiseliv, Colorline og fleire private aktørar har vist stor interesse for utstillingsplanane.

21 Prosjektet skal gjennomførast med oppstart og med avslutting Stipendiaten vil vera knytt til Nasjonalparksenteret AS og Rauland Turist AS. Kommunane vil ver med i styringsgruppa for prosjektet. Guro Lien frå Rauland skriv avsluttande oppgåve om ved reiselivsstudiet ved Høgskulen i Lillehammer, og ho kan byrje som bedriftsstipendiat Kostnadsoverslag : Prosjektleiing kr Stipendiat med rettleiar kr Driftskostnader kr Møte/kurs/ reiser kr Sum kr Finansiering : Telemark fylkeskommune kr Vinje kommune kr Tinn kommune kr Sum kr Vurdering: Det er mykje som ligg godt til rette for å arbeide med tilrettelegging for reiseliv i Vinje og Tinn gjennom etablering av Norsk villreinsenter og planane om ei kvalitetsutstilling ved nasjonalparksenteret på Skinnarbu. I tillegg har kommunane fått status som nasjonalparkkommunar, og arbeidet med fylkesdelplanarbeidet for Hardangervidda har starta opp. Det passar derfor veldig bra at Vinje og Tinn har fått tilsegn om ein bedriftsstipendiat frå Telemark fylkeskommune innanfor Innovativ fjellturisme. Hovudmålet med prosjektet er å auke den lokale verdiskapinga gjennom auka sommartrafikken i kommunane. Dette er tenkt gjort m.a. gjennom informasjon og tilrettelegging m.m. for naturbasera reiselivsopplevingar i randsone og eventuelt i Hardangervidda nasjonalpark. Stipendiaten vil arbeid tett med næringsutøvarar og grunneigarar, og har sterk fokus på samarbeid og lokal verdiskaping. Prosjektet skal grei ut korleis nasjonalparken og villreinenes leveområde kan utnyttast i næringsamanheng og for kommersiell turisttrafikk. Det treng ikkje vera motsetnad mellom kommersiell næring og turisttrafikk og vern av naturen. Gjennom styrt turisttrafikk kan ein kanalisera trafikken til dei områda og til dei tider på året som medfører minst forstyrrelsar og stressfaktorar for villreinen. Soning av område og kanalisering av trafikken er noko som blir gjort i nasjonalparkar i andre land, og dette styrer trafikken og dermed inntektsgrunnlaget. Nasjonalparkar er eit viktig reiselivsprodukt rundt om i verden. Dette er noko av lærdommen frå studieturane til Innovativ fjellturisme i Canada og New Zealand. Der var det god tilrettelegging for turisttrafikk, men også område innanfor nasjonalparkane som var utilgjenglege. Men nasjonalparkane var viktige som gode produkt og dei blir bruka aktivt i marknadsføring. Dei norske nasjonalparkane har fått eigen varemerkebeskytta logo som bevis på sin status, og denne kan nyttast i marknadsføring av områda iflg. tildelingsbrevet frå Direktoratet for naturforvaltning.

22 Det trengs midlar for å fullfinansiere bedriftsstipendiaten og det arbeidet som skal gjerast, og det er naturleg at kommunane gjer det. Rådmannens framlegg til vedtak: Vinje kommune løyver inntil kr ,- til delvis finansiering av bedriftsstipendiat knytt til Nasjonalparksenteret, Skinnarbu og Rauland Turist AS. Rådmannen, Hans Kristian Lehmann, rådmann /s/