Felles lokal grunnordning for gudstenester i kyrkjelydane i Eid vedteke på fellesmøte for sokneråda

Transkript

1 Felles lokal grunnordning for gudstenester i kyrkjelydane i Eid vedteke på fellesmøte for sokneråda A Hovudgudsteneste Ut frå strukturdøma (gudstenestepermen, side ) har soknerådet vedteke følgjande typar hovudgudstenester: Hovudgudsteneste med nattverd (strukturdøme 1). Dette er normalordninga når det er nattverd. Gudsteneste for born og unge, med nattverd (strukturdøme 2). Dette er normalordninga for gudstenester for born og unge når det er nattverd. Hovudgudsteneste utan nattverd (strukturdøme 3). Denne ordninga vert nytta når det er fleire enn tre dåp. Gudsteneste for born og unge, utan nattverd (strukturdøme 4). Denne ordninga vert nytta når det er mange dåp, eller det er andre ting som tar mykje tid (til dømes utdeling av bøker). Kva som er fast for alle, og kva som kan vera ulikt ie åp ulike gudstenestetypane, går fram av vedtaka nedanfor. B Gangen i gudstenesta Ledd 1 Førebuing: Ein skal i førebuingsdelen ønskje kyrkjelyden velkomne til kyrkje. Liturgen skriv eit framlegg til Velkomstord, som ein medliturg får nokre dagar på førehand. Kyrkjeårsdag bør nemnast, og ein kan nemne særpreg og liturgisk farge. Det kyrkjelyden treng å vite for å delta i gudstenesta seiast her. Nokre tidlegare kunngjeringar nemnast også i innleiinga: Fullt namn på dåpsborn nemnast, kva offeret går til og eventuelle medverkande utanom medliturgane. Om det skal øvast inn nye gudstenesteledd, skal det skje i innleiinga. Det må ikkje bli for mykje øving. Informasjonsbiten avsluttast med Lat oss vere stille for Gud, kort stille (ca 20 sek) og tre klokkeslag. Plassering av syndsvedkjenninga: Syndsvedkjenninga plasserast normalt i starten på gudstenesta, etter samlingsbøna. I gudstenester for born og unge, eller gudstenester som av andre grunnar er forenkla, kan syndsvedkjenninga vere ein del av fyrste ledd i forbøna. Plassering av dåpen i hovudgudstenesta: Dåpen kjem tidleg i gudstenesta, etter Gloria. I fastetida kjem dåpen etter Kyrie. Ledd 8 Dagens bøn: Dagens bøn vert ikkje nytta som eige ledd. Bønene kan nyttast som samlingsbøn på høgtidsdagar og andre dagar med spesielt særpreg. Den kan og nyttast i samband med preika der det høver. Ledd 16 Kunngjeringar: Vanlege kunngjeringar kjem som ledd 16. Det som vedkjem den aktuelle gudstenesta, som dåpsborn, offer, nattverd og eventuelle medverkande, nemnast i førebuingsdelen. Dersom det har vore gravferd i kyrkjelyden sidan sist gudsteneste, nemnast namnet på den/dei døde som avslutning på forbøna, med liturgien som er skrive for dette under ledd 17 i liturgipermen. Det som er kunngjort bør takast med i forbøna innleiingsvis, eller som eit eige ledd, t.d. slik: Vi ber for kyrkjelydsarbeidet vårt og for samlingar, møte og gudstenester vi har planlagt. Vi ber om glede i førebuinga, godt samarbeid, og at alt må bli til ære for ditt namn og til gagn for menneske. Plassering av eventuelle helsingar, vitnemål og forbønsønske i gudstenesta: Dersom nokre av desse skal vere i gudstenesta, plasserast dei før forbøna. Vi minnest dei døde og bed for dei sørgjande: Sjå punkt 2 under Ledd 16 Kunngjeringar. Plassering av takkoffer frå kyrkjelyden: Takkofferet takast opp etter forbøn, før nattverden, og er ein del av Forbønsdelen av gudstenesta. Under ledd 20 Takkseiing og bøn: Mysteriet i trua er stort Etter Verba (innstiftingsorda) seier liturgen Mysteriet i trua er stort og alle seier saman: Kristus døydde. Kristus stod opp. Kristus skal koma att. Han vere ære for kjærleiken som er sterkare enn døden. Under ledd 21 Nattverdsmåltidet Den utførleg fredshelsing: Lat oss helsa kvarandre med eit teikn på fred, blir vanlegvis ikkje brukt, men kan brukast ved særlege høve. Når det skjer bør det gjevast ei kort orientering om kva skikken betyr og korleis ein praktisk gjer den. Brødsbryting: Vi nyttar ikkje brødsbryting fordi vi som hovudregel nyttar oblatar. Dei gongene brød nyttast, kan liturgen velje å ta med brødsbrytinga i liturgien. Kom, for alt er gjort ferdig : Seiast av liturgen etter Agnus Dei (Du Guds lam), og etter at eventuell(e) nattverdsmedhjelpar(ar) er på plass og har fått brød/vin. C Dei enkelte ledda Ledd 4 Samlingsbøn: Alle samlingsbønene kan nyttast. Liturgen vel samlingsbøn, helst i samråd med medliturgane for dagen. Ved til utegudstenester, eller gudstenester med fokus på skapinga, brukar vi helst bøn 2. Ved gudstenester der born og unge er medliturgar, brukar vi gjerne bøn 7, med rørsler i samsvar med forklaringa i liturgiboka, eller den kan nyttast som ei hermebøn, der medliturgen les først og kyrkjelyden gjentek det same. På høgtidsdagar kan Dagens bøn nyttast som samlingsbøn, gjerne omforma med meir vekt på at den skal fungere som samlingsbøn. På særmerkte kyrkjeårsdagar, eller ved særlege gudstenester (t.d. konfirmasjon) blir liturgen tilskunda til å forme samlingsbøn i samsvar med liturgi-boka: 9 Modell for lokalt utforma samlingsbøn. Slike samlingsbøner skal takast vare på og gjerast tilgjengelege for ettertida. (Sjå vedlegg med nokre eksempel til sist). Ledd 5 Syndsvedkjenning: Normalt nyttast syndsvedkjenning 1 eller 2 i hovudgudstenesta, men dei andre syndsvedkjenningane kan nyttast i særskilde høve. På gudstenester med born og

2 trusopplæring i fokus brukar vi helst nr. 3. Syndsvedkjenninga innleiast normalt oftast, men ikkje kvar gong, med det doble kjærleiksbodet og avsluttast med eit av dei to lovnadsorda. Normalt bed ein ikkje takkebøn. Ledd 6 Bønerop Kyrie: Kyrieleddet vert normalt sunge med både gresk og norsk tekst: Kyrie eleison. Gud Fader miskunna deg. Kriste eleison. Herre Krist miskunna deg. Kyrie eleison. Heilag Ande miskunna deg. Ved gudstenester for til dømes ungdom, kan andre variantar av kyrie nyttast. Ledd 7 Lovsong Gloria: som normalordning skal Gloria syngast, i kort versjon: L/ML: Ære vere Gud i det høgste K: og fred på jorda blant menneske som Gud har glede i. Vi lovar deg, vi prisar deg, vi tilbed deg, vi opphøgjer deg. Amen. Ved til dømes utegudstenester kan Måne og sol med innleiing Syng for Herren, pris hans namn... nyttast. Ved høgtidsgudstenester kan Gloria utvidast med ein salme, eller med ei av utvidingane i liturgiboka under ledd 7 eller på s Leddet fell bort i fastetida. Ledd 12 Evangelium Halleluja/Salme: Som normalordning syngast eit hallelujavers før og etter evangelielesinga. Ein kan ha eit salmevers eller omkved frå ein salme som hallelujavers, og hallelujaverset kan variere etter kyrkjeårstid og karakter på gudstenesta. Ledd 14 Truvedkjenning Credo: Som normalordning nyttar vi den apostoliske truvedkjenninga. Den nikenske truvedkjenninga kan nyttast ved høgtider. Ledd 17 Forbøn: Forbøna blir helst leia av ein medliturg, frå lesepulten. Liturgen har hovudansvar for utforminga av forbøna. Medliturgar har ansvar for å formidle forbønsønskje. Som normalordning nyttar vi forbøn 2, eventuelt 1 eller 3. I gudstenester for born og unge nyttar vi normalt forbøn 4. Ved særskilde høve kan ein lage eigne forbøner. I fastetida vert Litaniet nytta (2.62) med fastekollekt. Leddet Vi minnast våre døde avsluttar forbøna, også når det vert nytta eit litani. Forbøna avsluttast med Herrens bøn når det ikkje er dåp eller nattverd. Vi ønskjer at ein tar med dei tende lysa i lysgloben i forbøna, med ein kort bøn, til dømes: Vi bed for dei som er lagt fram for deg gjennom dei tende lysa i lysgloben eller annan tilsvarande bøn. Kyrkjelydssvar til forbøn: Som normalordning skal kyrkjelydssvaret syngast. Vi brukar normalt Herre, høyr vår bøn, men også Å Gud, høyr vår bøn (Taize, S97 161) og høvelege salmar (forbønsmodell 3, 2.50) kan og nyttast. Ledd 20 Takkseiing og bøn Fadervår: Herrens bøn vert normalt nytta i ny omsetjing Vår Far, med unntak av gudstenester på institusjonane og gudstenester særleg tilrettelagt for eldre. Ledd 22 Avslutninga på måltidet: Takkebøn: I gudstenesta med dåp nyttar vi normalt alternativ 3 i liturgien, ledd 22. I gusteneste utan dåp nyttar vi normalt alternativ 1 i liturgien, ledd 22. Dei andre bønene kan nyttast i særskilde høve. Ledd 24 Velsigning: som normalordning nyttar vi Velsigninga som den står i alternativ ein i ledd 24, Benedicamus. I fastetida kan ein nytte alternativ to, Salutatio. Alternativ tre kan nyttast i Ung Messe, friluftsgudstenester og liknande. Ledd 25 Utsending: Som normalordning er kyrkjelyden med på utsendinga, alternativ 2 under ledd 25. D Kyrkjelyden si deltaking i svar og bøner Amen etter inngangsordet (ledd 3): Alle svarar Amen. Respons etter tekstlesingane: Gud vera lova (ledd 9 12): Kyrkjelyden svarar: Gud vere lova. E Nattverd Vin og brød: Glutenfrie oblatar vert nytta som normalordning. Ved særskilde høve kan glutenfritt brød nyttast. Vi nytter av-alkoholisert raud kyrkjevin. Utdelingsmåte: Utdeling skjer som oftast i koropninga (med særkalkar og ved intinksjon = dypping ), nedanfor trappa opp til koret. Utdelinga kan også vere ved altarringen. Om det er prosesjon, ber ein inn brød og vin i prosesjonen. Elles står nattverdselementa på altaret gjennom gudstenesta. Bruk av Nattverdsordning for særlege høve: Ved gudstenester for born og unge, gudstenester for konfirmantane og gudstenester utandørs, kan Nattverdordning for særlege anledningar nyttast. F Dåp Medverknad frå dåpsfamilien eller andre medliturgar under dåpen: Som normalordning deltek representant(ar) frå dåpsfamilien(ane) som medliturgar under dåpshandlinga. Dei bidreg med: Å bere dåpsvatnet inn i prosesjonen, tøme dåpsvatnet i døypefonten, lese tekstar og takkebøn, tørke hår og tenne lys. Medliturg eller liturg kan også lese tekstane og takkebøna under dåpshandlinga dersom ein ikkje har med representant(ar) frå dåpsfamilien(ane). Bruk av dåpslys: Ein frå dåpsfølgjet eller liturgen tenner eit dåpslys frå Kristuslyset etter kvar dåp. Det brenn gjennom gudstenesta, og familien får det med seg etter gudstenesta. Når i gudstenesta det fulle namnet til dåpsbarnet/dåpskandidaten skal nemnast:

3 Fullt namn på dåpsbarn nemnast i informasjonen i førebuingsdelen. Kor ofte det kan vera dåp i hovudgudstenesta: I alle vanlege gudstenester kan det vere dåp. Enkelte gudstenester er likevel ikkje egna for dåp, som: Lysmesse med konfirmantane, Julafta, Skjærtorsdag, Langfredag, 17. mai, Bots- og bønedag, Domssundag (siste sundag i kyrkjeåret), samtalegudsteneste med konfirmantane og konfirmasjonsgudstenestene. Kor mange dåpsborn/dåpskandidatar det kan vera i ei gudsteneste: I gudstenester med nattverd, og i familiegudstenester: maks 3 dåp. I gudstenester utan nattverd: maks 5 dåp Dåp i eiga gudsteneste Det er ikkje grunn for eigne gudstenester med dåp på grunn av talet på dåp i soknet, men det kan vere eit aktuelt alternativ i samband med dåp av store born, konfirmantar og vaksne. G Liturgisk musikk Bønerop Kyrie: Som normalordning nyttar vi Kyrie-melodien i ordinariemusikken frå 1977-liturgien, med teksten Kyrie eleison. Gud Fader miskunna deg. Kriste eleison. Herre Krist miskunna deg. Kyrie eleison. Heilag Ande miskunna deg. I fastetid og festtid kan ein nytte melodiane som høver for disse tidene i same serie. Ved særskilde høve kan også andre Kyrie-variantar nyttast, som tildømes Kyrie (frå Ukraina) N13:976.4, Kyrie (frå Taizé) N13:976.7 og Kyrie (frå Ghana) N13:976.5 Lovsong Gloria: Som normalordning nyttar vi Gloria-melodien i ordinariemusikken frå 1977-liturgien, med teksten L/ML: Ære vere Gud i det høgste K: og fred på jorda blant menneske som Gud har glede i. Vi lovar deg, vi prisar deg, vi tilbed deg, vi opphøgjer deg. Amen. Ved særskilde høve kan Måne og sol nyttast, og blir då innleia med Syng for Herren, pris hans namn, forkynn frå dag til dag hans frelse. Melodien frå 1977-liturgien vert nytta. Ved til dømes fest- og høgtidsgudstenester kan Gloria utvidast med ein av utvidingane i liturgiboka under ledd 7 eller på s Gloria kan og utvidast med ein lovsongssalme. Ved til dømes gudsteneste for born og unge, kan andre Gloria-variantar nyttast, som til dømes Gloria (frå Taizé) S Halleluja: Som normalordning nyttar vi Halleluja frå Taizé N13:977.6 På gudstenester i påsketid og gudstenester for born og unge nyttar vi vanlegvis omkvedet til Dine hender er fulle av blomster N13:206. På gudstenester i juletid nyttar vi vanlegvis første verset av Eit barn er født i Betlehem (N13:27b, Lindemanns melodi) som hallelujavers. Ein kan i særskilde høve nytte ei kort salme som hallelujavers. Ved til dømes høgtidsgudstenester, kan ein synge heile salmen før evangelielesinga, og evangelielesinga går då inn som ein del av preika. Ein kan òg ved særskilde høve nytte andre variantar av Halleluja. Hallelujaverset kan ved særskilde høve syngast av kor/korgruppe. Truvedkjenning Credo: Truvedkjenninga skal normalt ikkje syngast. I dei høve ein syng truvedkjenninga nyttast melodiane i liturgien/norsk Salmebok 2013 (N13). Dette gjeld både Den apostoliske truvedkjenninga (N13:978.2) og Den nikenske truvedkjenninga (N13:979.2). Kyrkjelydssvar (forbøn): Vi brukar vanlegvis kyrkjelydssvara Herre, høyr vår bøn, melodien frå 1977-liturgien. og Å Gud, høyr vår bøn frå Taizé (S97 161) kan nyttast ved særlege høve. I til dømes gudstenester for born og unge kan Eg faldar mine hender små (N13: 731) eller ein annan høveleg salme nyttast (forbønsmodell 3, 2.50). Helsing Prefasjonsdialog: Som normalordning nyttar vi melodien frå 1977-liturgien, med teksten: L: Herren vere med dykk. K: Og med deg vere Herren. L: Lyft dykkar hjarte. K: Vi lyfter våre hjarte til Herren. L: Lat oss takka Herren vår Gud. K: Det er verdig og rett. Heilag Sanctus: Som normalordning nyttar vi melodien frå 1977-liturgien, med teksten: Heilag, heilag, heilag, er Herren Sebaot. All jorda er full av din herlegdom. Hosianna i det høgste. Velsigna vere han som kjem i Herrens namn. Hosianna i det høgste. I fastetid og festtid kan ein nytte melodiane som høver for desse tidene i same serie. Fadervår: Vi syng vanlegvis Herrens bøn under nattverden. Vi nyttar melodien frå 1977-liturgien (N13: 985.2) Du Guds Lam Agnus Dei: Vi nyttar melodien frå 1977-liturgien, med teksten: Du Guds Lam, som ber all verdsens synder, miskunna deg over oss. Du Guds Lam, som ber all verdsens synder, miskunna deg over oss. Du Guds lam som ber all verdsens synder, gjev oss din fred. I fastetid og festtid kan ein nytte melodiane som høver for desse tidene i same serie. Velsigninga: Vi brukar melodiane til Benedicamus og Salutatio, samt Velsigninga frå 1977-liturgien. Ved særskilde høve kan velsigningssongar nyttast, som til dømes Velsignelsen (Oslo Gospel Choir). H Medliturgar Om medliturgar: Ved ei gudsteneste vil vi nytte medliturgar til følgjande oppgåver: Kyrkjevert(ar). Informasjon/innleiing (skrive av L). Bere prosesjonskross og eventuelt nattverdelementa inn i prosesjon. Samlingsbøn. Delta med tekstlesingar ved dåp om det er trong. Første og andre lesinga.

4 Eventuelt evangelielesinga (elles L). Forbøn (delansvar saman med L). Innsamling av takkoffer i benkane når det er innsamlingsforma. Nattverdsmedhjelpar. Ein medliturg kan ha fleire oppgåver i gudstenesta. Eit (to) soknerådsmedlem(mar) har ansvar for å gjere avtale med og fordele ansvaret på medliturgane. Liturgen har ansvar for å førebu, informere og eventuelt øve med medliturgane. Det skal leggast til rette for deltaking av konfirmantar i gudstenestene som ein del av konfirmantåret. Når ein skal bruke medliturg der det står ML/L eller L/ML: Generelt: ML/L: Ein skal i størst mogleg grad nytte ein medliturg til å lese/leie. L/ML: Liturgen leser og leier normalt når det står L/LM, men i gudstenester der mange er involverte (som samtalegudsteneste med konfirmantar o.l.) vil medliturgar også kunne nyttast på desse punkta. Presiseringar: Ved fyrst tekstlesing (ledd 9) innleier medliturgen som les den første teksten lesinga med Lat oss høyra Herrens ord. Når medliturg les Evangeliet (ledd 12), innleier medliturgen sjølv lesinga med å seie: Det står skrive i evangeliet etter og avsluttar med: Slik lyder det heilage evangeliet. Truvedkjenninga (ledd 14) blir vanlegvis innleia av liturgen, men ved særlege høve kan det gjerast av ein medliturg. Når medliturg deltek under forbøna (ledd 17), har liturgen ansvaret for avslutningsleddet: Vi reiser oss og minnest dei i kyrkjelyden vår som det er halde gravferd for sidan sist vi var samla, osb. Liturgen har vanlegvis ansvaret for takkebøna (ledd 22), men ved særlege høve kan ein medliturg be bøna. Liturgen har vanlegvis ansvaret for utsendingsordet (ledd 25), men ved særlege høve kan ein medliturg ha det. Plan for korleis medverknaden til medliturgane kan utvidast: Ordninga med at ein ansvarleg frå soknerådet skaffar og gjer avtale med to andre medliturgar til kvar gudsteneste vurderast fortløpande. Konfirmantane skal ha gudstenestedeltaking som ein del av konfirmantopplegget. Bibelgrupper, lag og organisasjonar kan og vil bli utfordra til å ta ansvar som medliturgar. Retningsliner for kleda til medliturgane (sivile eller liturgiske klede): Medliturgane skal ha sivile kle, egna for å utføre oppgåver i kyrkja. Det blir opna for ein praksis der konfirmantar og born og unge kan ha liturgiske kle. I Rørsler og handlingar Om kyrkjelyden skal stå eller sitja under inngangsog utgangssalmen, eventuelt også under andre salmar: Kyrkjelyden står under inngangs- og utgangssalmen. Inngangs- og utgangsprosesjon: Inngangsprosesjon nyttast ved desse høve: Gudstenester med dåp: Ved tre dåp eller færre: Foreldre og fadrar går i prosesjon. Barn i familien kan òg gå med i prosesjonen. Ved fire dåp eller fleir: Foreldre og eventuelt den som ber barnet går i prosesjon. Barn i familien kan òg gå med i prosesjonen. Enkelte familiegudstenester. Ein kan òg ha utgangsprosesjon. Enkelte gudstenester i konfirmanttida: Lysmesse, samtalegudsteneste og konfirmasjonsgudsteneste. På lysmesse og konfirmasjon nyttar vi vanlegvis også utgangsprosesjon. 17. mai. Denne dagen nyttar vi også utgangsprosesjon. Særskilde gudstenester, som festgudstenester, jubileumsgudstenester og andre spesielle gudstenester. Ein kan òg ha utgangsprosesjon. Evangelieprosesjon: Evangelieprosesjon vert normalt ikkje nytta, men kan nyttast i særskilde høve. Korleis ofring skal skje: Ofringa skjer normalt ved at ein går rundt altaret og legg takkofferet i ei skål som settast fram nedanfor kortrappa. På store gudstenester med særleg mykje folk i kyrkja (t.d. konfirmasjon og julaftan) kan ein ta opp offeret i benkane. Høve til lystenning: Det er høve til lystenning i lysgloben før og etter gudstenesta og under eventuelle ledd i gudstenesta (til dømes bønevandring). Det er òg høve til lystenning under nattverden og samtidig som takkofferet. Frambering av brød og vin: I gudstenester med inngangsprosesjon, vert brød og vin bore inn i prosesjonen av ein medliturg og sett på altaret. I gudstenester utan inngangsprosesjon står nattverdelementa på altaret gjennom heile gudstenesta. J Praktiske forhold og tilrettelegging Rutinar for korleis ein nytter kyrkjerommet før, under og etter gudstenesta: Kyrkjerommet skal vere tilgjengeleg for stille, bøn og lystenning før gudstenesta. Øving skal vere avslutta 15 min. før gudstenesta tek til. Kyrkja er normalt open for medliturgar og andre som skal øve/førebu seg ein time før gudstenesta startar. Andre avtaler kan gjerast. Kyrkja er normalt open for t.d. fotografering i ein halv time i etterkant av gudstenesta. Andre avtaler kan gjerast. Universell utforming: Kyrkja har rullestoltilgang. Rullestolar og barnevogner kan stå i midtgangen, lengst framme og lengst bak i kyrkja. Dei som ynskjer det kan bli sitjande medan andre reiser seg (under salmar og liturgiske ledd). Ved ofring rundt altaret vil ein medliturg la den/dei som sit i rullestol få gi si gåve ved bruk av takkofferpose dersom det er ønska. Under nattverden kan den/dei som ønskjer det få ta imot nattverden i benken der dei sit.

5 Utviklingshemma er inkluderte med tilrettelagte oppgåver, som medliturgar på gudstenester. Retningsliner for privat fotografering og lyd- og biletopptak under gudstenesta: Privat fotografering og lyd- bildeopptak er som hovudregel tillate men likevel ikkje slik at det verkar forstyrrande på seremoni, liturg, medliturgar og andre medverkande. Fotografering og lyd- blideopptak er ikkje tillate i koret og/eller ved altarringen utan særleg løyve frå liturg. Foto og lyd/bilde til offentleg bruk er regulert i allmenne føresegner pkt. 23, der det står: Fotografering og lyd- og bildeopptak til bruk i offentleg samanheng kan gjerast berre dersom liturgen og kyrkjemusikaren på førehand har gjeve samtykke til det. K Retningsliner for årsplanen Kor ofte ein skal feira dei ulike typane hovudgudstenester i kyrkjelyden, og i dei ulike kyrkjene dersom det er fleire: Eid kyrkje: * Her er det gudsteneste to av tre søndagar (ca 50 gudstenester totalt) * På ei gudsteneste i månaden er det ikkje nattverd. * Det er to gudstenester for ungdom i året (Ung Messe). * Det er minimum seks gudstenester for born og unge i året. Heggjabygda kyrkje: * Her er gudsteneste ca 10 gongar i året. * Det er gudsteneste med nattverd berre ved visse høve. * Det er minimum fire gudstenester for born og unge i året. Stårheim kyrkje: Det er gjennomsnittleg gudsteneste kvar tredje søndag (ca 20 gudstenester totalt) * Det er nattverd på to av tre gudstenester. * Det er minimum fire gudstenester for born og unge i året. Kjølsdalen: * Det er gjennomsnittleg gudsteneste kvar tredje søndag (ca 20 gudstenester totalt) * Det er nattverd på to av tre gudstenester. * Det er minimum fire gudstenester for born og unge i året. - Dersom det er fleire kyrkjer, kva kyrkje dei særskilde høgtidsdagane skal feirast i, og korleis desse dagane kan veksla frå år til år: Advent: Lysmesse annankvart år i Kjølsdalen ogstårheim, der konfirmantane deltek. Lysmesse kvart år på Eid, der konfirmantane deltek. Jul: Julaftan: Gudsteneste i alle fire kyrkjene (Eid, Stårheim, Kjølsdalen og Heggjabygda). Juledag: Høgtidsgudsteneste Eid, Stårheim og Kjølsdalen kyrkjer. Nyttårsaftan: Minnegudsteneste i Eid kyrkje. Nyttårsdag: Gudsteneste i Eid kyrkje. Påske: Palmesøndag: Gudsteneste for born og unge i Eid kyrkje Skjærtorsdag: Gudsteneste i Kjølsdalen kyrkje og Eid kyrkje. Det er friluftsgudsteneste på Sagsætra og gudsteneste på sjukeheim og eldretun. Langfredag: Gudsteneste i Stårheim kyrkje og Eid kyrkje. Påskedag: Høgtidsgudsteneste i alle fire kyrkjene. Grunnlovsdagen 17. mai: Gudsteneste i Eid, Stårheim og Kjølsdalen kyrkjer. Helgetorsdag/ Kristi himmelfartsdag: Vanlegvis er det konfirmasjon denne dagen. Om det ikkje er konfirmasjon: Gudsteneste i Eid kyrkje. Pinse: Pinsedag: Gudsteneste for born og unge i alle kyrkjene. 2. pinsedag: Friluftsgudteneste på Torheimsætra (Eid). Konfirmasjonsjubileum For Eid: kvart år innbyr soknerådet til markering av 50- og 60- årskonfirmasjonsjubileum. For Kjølsdalen: Om hausten annakvart år frå 2013 innbyr soknerådet til markering av 50- og 60- årskonfirmasjonsjubileum. For Stårheim: Om hausten annakvart år frå 2015 innbyr soknerådet til markering av 50- og 60- årskonfirmasjonsjubileum. Gudsteneste med markering av konfirmasjonsjubileum skal innarbeidast i gudstenesteplanen. Sokneprest(ane) utarbeider, i samarbeid med staben, ein gudstenesteplan for kommunen for minimum eit halvt år av gongen. Soknerådet skal ha høve til å vurdere planen før den blir endeleg fastsett. Det er ønskjeleg med friluftsgudsteneste i alle sokna i løpet av sommaren, gjerne som Skaparverkets dag. Korleis trusopplæringa i kyrkjelyden skal integrerast i gudstenestefeiringa: I alle tre sokna er fleire tiltak i trusopplæringa knytt til gudstenestefeiring. Utdeling av bok til 4-åringane, 6-åringane og bibel til 5. klassingane er knytt til gudstenester. LysVaken for 5. klassingane avsluttast med gudsteneste i Eid kyrkje, og leir for både konfirmantar og minikonfirmantar blir avslutta med gudsteneste. Konfirmanttida står i ei særstilling i forhold til gudsteneste. Det er tre obligatoriske gudstenester for konfirmantane, i to av dei er dei medverkande. Konfirmasjonsgudstenesta kjem i tillegg. Dei skal i tillegg til dei obligatoriske gudstenestene også vere på fem valfrie gudstenester. Frå hausten 2012 skal dei og vere medliturgar i kvar si gudsteneste på omgang (ein av dei fem). Fleire av tiltaka i trusopplæringsplanen er ikkje starta. Det må arbeidast for å knytte nokre av desse tiltaka opp mot gudstenester i framtida. Det må arbeidast for å inkludere kontinuerlege tiltak som kor og barnegrupper/lag til å vere med i gudstenestene med song og andre oppgåver Korleis ein i gudstenestelivet skal ta omsyn til planane til kyrkjelyden for diakoni, misjon, kyrkjemusikk osv.: Det arbeidast med planar for kyrkjemusikk og diakoni. Desse må integrerast i gudstenesta når dei er ferdige.

6 Eksempel på samlingsbøner delvis som omforming av Dagens bøn. (jfr. C. Ledd 4 Samlingsbøn) Juledag: Vi ærar deg Gud! Hos deg er livsens kjelde. Du let Son din bli menneske og ta bustad blant oss, og slik er lyset komme til verda. Lat no opp hjarta våre, så vi kan fornyast i trua, og saman med englane og heile di kyrkje lovprise og tilbe ditt store mysterium. Vi bed i Jesu namn. Juledag: Vi ærar deg, vår Gud og Skapar, for jula si store glede, og for kjærleiken du gav oss i din eigen Son. I han er lyset komme til verda, for han bøyer vi oss i undring og tilbeding, og til han set vi vårt håp når mørket trugar. Gud, vi er komne inn i ditt heilage hus for å ta imot det du vil gje oss. Lat no opp hjarta våre, så vi kan fornyast i trua på deg. Lat di glede synge i oss denne juledagen. Vi bed i Jesu namn. Julaftan Kjære Gud, du som bur i eit lys dit ingen kan komme, du kom til oss då Jesus vart fødd i Betlehem. No skin ditt lys i verda! Difor vil vi lovprise deg i lag med englane og alle dine born. Kom til oss! Lat opp våre hjarte så vi tek imot ditt lys. Fyll jula med liv og lys og glede frå deg. Vi bed i Jesu namn. Skjærtorsdag Herre Jesus Kristus, vi takkar deg fordi du har sett inn den heilage nattverden, og innbyr oss til å ta imot din lekam og ditt blod til forlating for syndene, og slik sameinar oss med deg og di kyrkje i himmelen og på jorda. Herre, du kjenner oss, og vi kjenner nok til våre feil og fall. Difor bed vi: styrk oss i trua og forny håpet i oss om å nå ditt fullkomne rike. Påskedag Vi lovprisar deg, oppstandne Herre og Frelsar, du som har brote sund dødens lekkjer og knust djevelens makt. Kom til oss, Herre Jesus, og gi oss å kjenne krafta av di oppstode og få del i det levande håpet. Lat no opp hjarta våre, så vi kan fornyast i trua på deg.