ÅMLI KOMMUNE. Møteinnkalling FORMANNSKAPET. Utval: Rådhuset, kommunestyresalen. Dato: Tidspunkt: 12:00

Transkript

1 ÅMLI KOMMUNE Møteinnkalling Utval: Møtestad: FORMANNSKAPET Dato: Tidspunkt: 12:00 Rådhuset, kommunestyresalen Forfall for politisk valte medlemmar vert å melde til Åmli kommune sitt informasjonssenter på telefon Forfall for medlemmar frå lag og organisasjonar må ordnast innan laget/organisasjonen. Varafolk møter berre etter spesiell innkalling.

2 SAKSLISTE: Saksnr.: PS 13/53 PS 13/54 PS 13/55 Innhald: Godkjenning av protokoll frå forrige møte Organisering av Elvarheim museum Åmli kommune sin deltakelse som "AV- OG-TIL" kommune

3 PS 13/53 Godkjenning av protokoll frå forrige møte

4 ÅMLI KOMMUNE SAKSUTGREIING Utv.saksnr: Møtedato: Utval: 13/ Ungdomsrådet 13/ Administrasjonsutvalet 13/ Formannskapet Kommunestyret Arkivref: 2013/ Saksbeh.: Tonje Ramse Trædal, Kulturleiar Avdeling: Kulturavdelinga Dir.tlf.: E-post: Saksordførar: # Organisering av Elvarheim museum RÅDMANNEN SITT FRAMLEGG: Elvarheim museum held fram som eit konsolidert museum under Aust-Agder kulturhistoriske senter. Konsolideringsavtalen blir vidareført i forhold til ansvar og rollefordeling, men oppdatert i høve til dei strukturelle endringane som har funne stad sidan Forslag til endringar: Pkt. 4: Kulepunkt 1 Åmli kommune forpliktar seg til å halde ei 20% stilling på Elvarheim museum. Denne stillinga inngår i stillinga som leiar for kulturavdelinga i Åmli kommune. Kulepunkt 5 utgår ( Den lokale nemnda/åmli kommune er ansvarleg for alle forpliktingar i henhold til avtalen mellom Agder Energi. AAks har inga ansvar og er ikkje medverkande i administrasjon, utøving eller oppfølging av avtalen ). Pkt. 4. Dette utgår: Unntatt frå dette punktet er forpliktingar og ansvar som følje av avtalen mellom Åmli kommune og Agder Energi. Saksnr: 2013/ Dato: Saksframlegg: Organisering av Elvarheim museum Side 1 av 6

5 SAKSVEDLEGG GENERERT I INNKALLING: 1 Innspel til verksemdsplan 2014/2015 og langsiktig utvikling av Elvarheim museum 2 Avtale mellom Aust-Agder kulturhistoriske senteriks og Åmli kommune 3 Referat frå møte i Museumsnemnda SAKSVEDLEGG SOM LIGG PÅ NETTSIDA: Store saksvedlegg til saken blir lagt under Politikk og Dokument og linkar til politisk arbeid på kommunens nettside Til denne saka er det følgjande slike vedlegg: Ingen ANDRE SAKSDOKUMENT: Ingen. KORT OM SAKA: Elvarheim museum har vore konsolidert med Aust-Agder kulturhistoriske senter sidan Konsolideringa var eit ledd i den nasjonale museumsreformen som blei vedtatt av Stortinget i Reformen legg opp til ei forpliktande samordning av musea, og målet har vore å heve den faglege standarden på museumsverksemda, bidra til ei institusjonell opprydding og skape fagleg og administrativt robuste einingar som på ein meiningsfull måte kan delta i eit samla nasjonalt nettverk. Reformen er ikkje meint som ei sentralisering, og det er lagt vekt på at dei lokale musea skulle bestå som formidlingsarenaer innanfor ein konsolidert fagleg og institusjonell struktur. Oppsummert er dei retningsgjevande prinsippa å bevara og styrkja lokalt engasjement og deltaking i kulturvernet, å tryggja fagleg kompetanse på regionalt nivå og å samordna musea i eit nasjonalt nettverk (St. Meld. Nr. 48 ( ) Kulturpolitikk fram mot 2014, s. 178). I 2009 var det som tidlegare var rundt 300 museum og 400 formidlingsarenaer (bygningsmiljø, fartøy, monument osv.) landet over redusert til 85 konsoliderte einingar. Ein slik omfattande reform har naturleg nok ikkje vore heilt smertefri, og det tek tid å tilpasse seg til nye strukturar og samarbeidsformer. På Elvarheim museum har konsolideringa med AAks hatt nokre innkøyringsproblem, mellom anna knytt til ansvarsfordeling, samarbeid og forventningar. Notat frå møta rundt inngåinga av konsolideringsavtalen viser at museumsnemnda var skeptiske til å overføre det faglege ansvaret til AAks, men gjekk inn i samarbeidet med eit håp og ønske om fagleg hjelp og støtte til det lokale museumsarbeidet. Museumsnemnda meiner at desse forventningane ikkje er blitt innfridde, og at tiltak som er sett opp i verksemdsplanane ikkje er blitt følgde opp. AAks gjennomførte i 2011 ei evaluering av samarbeidet med lokalmusea. Her blir det peika på at ei tydeleg klargjering av ansvarsforhold mellom AAks og dei lokale musea/museumsnemndene er nødvendig for å få samarbeidet til å fungere. Frå Åmli kommune etterlyste AAks også klarare signal om kva for planar og ønskje kommunen har for Elvarheim museum framover. I 2012 blei det sett i verk tiltak for å oppgradere dei faste utstillingane på Elvarheim museum. AAks tok initiativ til å setje ned ei forprosjektgruppe med representantar frå AAks og Åmli kommune for å sjå på moglegheitene for å etablere ei ny beverutstilling på Elvarheim museum. Utstillinga skulle ta utgangspunkt i dagens formidlingsideal, spesielt retta mot barn og unge, og målet var å ha ei ny utstilling på plass 2014 / Arbeidet skulle organiserast som eit prosjekt, i samarbeide med eit eksternt produksjonsselskap. AAks sette av kr til dette prosjektet, i tillegg til at det tidlegare er avsett kr i fond, med ei forventning om at Åmli kommune gjekk inn med eit tilsvarande beløp. Sommaren 2013 blei prosjektet midlertidig stoppa grunna samarbeidsvanskar. Museumsnemnda skriv i eit brev til Formannskapet i Åmli kommune at det er vanskeleg å få samarbeidet med AAks til å fungere, og at saka bør opp til brei politisk detatt. Dersom konklusjonen av ein slik debatt blir at kommunen ønskjer å fortsette samarbeidet med AAks, bør kommunen vurdere å velje ei ny museumsnemnd. AAks la prosjektet om ny beverutstilling på is i påvente av ei avklaring frå Åmli kommune i forhold til framtidig organisering. I eit møte mellom museumsnemnda og Formannskapet fekk kulturleiar/bestyrar ved Elvarheim museum i oppgåve å førebu ei sak om den framtidige organiseringa av museet, der ein såg på dei langsiktige planane for Elvarheim museum og konsekvensane av ulike organisasjonsmodellar. Denne saka blir no lagt fram for museumsnemnda, Formannskapet og Kommunestyret. Saksnr: 2013/ Dato: Saksframlegg: Organisering av Elvarheim museum Side 2 av 6

6 MERKNADER/VURDERING: Sentrale føringar for museumsreformen finn ein i NOU 7:1996 Museum. Mangfald, minne møtestad (Museumsutredninga), St. Meld. nr. 22 ( ) Kjelder til kunnskap og oppleving (ABM-meldinga) og St. Meld. Nr. 48 ( ) Kulturpolitikk fram mot 2014 (Kulturmeldinga). St. meld. Nr. 49 ( ) Framtidas museum er ein gjennomgang av erfaringar frå reformarbeidet. Norsk museumsutvikling (frå 2003 ABM-utvikling, i dag ein del av Kulturrådet) fekk ansvaret for gjennomføringa av museumsreformen. Konsolideringa skulle auke profesjonaliseringa av musea, og gjere einingane meir slagkraftige, både administrativt, økonomisk og fagleg. Det ville vere mogleg å bygge ut betre fellestenester knytt til m.a. arkiv- og fotoarbeid, fellesmagasin, digitalisering, formidling, systematiske planar for samlingsforvaltning og konservering m.m. Rapporten Organisering av museene. En evaluering av organisasjonsformer i kjølvannet av museumsreformen (Kulturrådet, 2013), som er basert på nærstudiar av fire konsoliderte museum (Jærmuseet, Musea i Sogn og Fjordane, Hedmark Fylkesmuseum og Museet for kystkultur og gjenreising), slår fast at det tar lang tid å gjennomføre ein så omfattande museumsreform. Dei første åra har reformen hatt fokus på å få organisasjonen og dei administrative strukturane til å fungere, og dette kan gje eit inntrykk av at ein står overfor ein byråkratiseringsreform meir enn ein fagleg reform. Men dei musea som kjem seg gjennom desse innkøyringsproblema, kan oppleve stordriftsfordelar og i nokon grad faglege synergiar på tvers av dei lokale avdelingane (s. 34). Opphavleg var det planlagt to konsoliderte einingar i Aust-Agder med midlar direkte frå staten, og der alle musea i fylket skulle vere med: Aust-Agder kulturhistoriske senter og Setesdalsmuseet. Næs Jernverksmuseum og Ibsenhuset/Grimstad By Museum ønskte ikkje ei slik løysing, og danna sjølvstendige einingar. Musea i Setesdal blei konsolidert under Setesdalsmuseet. Dei er no forhandlingar mellom Aust-Agder kulturhistoriske senter, Ibsenhuset/Grimstad By Museum og Setesdalsmuseet om ei framtidig konsoliderast med AAks. Tidspunktet for denne konsolideringa er uviss. Aust-Agder fylkeskommune vedtok å etablere fire konsoliderte museum i Aust- Agder: Aust-Agder kulturhistoriske senter IKS, Setesdalsmuseet, Næs Jernverksmuseum og Grimstad Bys Museum. I eit fylkestingsvedtak blei det bestemt at AAks skulle tilby dei lokale musea i Aust-Agder konsolideringsavtalar, og i samtalar med elleve lokale museum. Fem av desse vedtok å inngå samarbeid med AAks. 1. januar 2008 blei Eydehavn og Risør museum konsoliderte med AAks, og 1. januar 2009 giekk også Lillesand by- og sjøfartsmuseum, Birkenes bygdemuseum og Elvarheim museum inn i konsolideringa. I 2012 sa AAks opp avtalen med Lillesand by- og sjøfartsmuseum, og det same skjedde med Stiftelsen Risør museum i I 2013 er det altså berre Eydehavn museum, Birkenes bygdetun og Elvarheim museum som er konsoliderte med AAks. Eydehavn museum har fått god uttelling av konsolideringa i form av m.a. ny basisutstilling. Dette museet har også hatt godt samarbeid med AAks i forkant av konsolideringa, noko som m.a. har resultert i Eydehavnportalen og overføring av arkiva frå Arendal smelteverk. Birkenes bygdemuseum samarbeider no også godt med AAks, og har fått produsert ei ny basisutstilling. AAks har signalisert at ei oppgradering av dei faste utstillingane på Elvarheim no står for tur, og sett dette inn i sin verksemdsplan for Konsolideringsavtalen mellom Åmli kommune og AAks slår fast at AAks overtar det faglege ansvaret for all verksemd knytt til drift og forvaltning av Elvarheim Museums samlingar. Det omfattar generelle museumsfaglege oppgåver som sikring, registrering, magasinering og vedlikehald av samlingane. I tillegg har AAks eit overordna fagleg ansvar for eventuell utviding av samlingane, oppgradering av utstillingar og andre faglege tenester i samarbeid med den lokale museumsnemnda. Omfanget på arbeid og tenester AAks skal bidra med, skal ta omsyn til dei ressursane Åmli kommune og Elvarheim museum bringer inn i samarbeidet. Pengar som er avsett til Elvarheim museum skal brukast på Elvarheim museum. Åmli kommune på si side forpliktar seg etter avtalen til å halde ei 20% stilling ved Elvarheim museum, og denne stillinga skal vere eit bindeledd mellom lokal nemnd og AAks. Kommunen forpliktar seg vidare til å oppretthalde ei lokal museumsnemnd. Den lokale nemnda skal i samarbeid med bestyraren for museet gjennomføre årlege arrangement og medverke til å lage produksjonar og anna formidlingsarbeid i regi av museet, i samsvar med gjeldande verksemdsplanar. Dette er viktig for å sikre styrking og vidareutvikling av det lokale engasjementet. Museumsnemnda skal også samarbeide med dagleg leiar om verksemdsplanar, budsjett og årsplanar, og vere oppdatert om museets drift, gjennomgå rekneskapsrapportar og vere med på å utarbeide årsmeldingar. Åmli kommune beheld eigedomsretten til samlingane, og er ansvarleg for alle utgifter knytt til bygningen, så som forsikring, vedlikehald, straum, reinhald og kommunale avgifter. I evalueringa av samarbeidet med dei lokale musea i 2011 peikar AAks på ein del utfordringar i dei tre første åra av konsolideringa. AAks konkluderer i rapporten med at dei ikkje i tilstrekkeleg grad har klart å bidra til å gi Elvarheim museum eit fagleg løft; noko også museumsnemnda har peikt på i fleire samanhengar. Elvarheim museum har i likheit med mange andre lokalmuseum har hatt høge forventningar til kva AAks kan bidra med; både økonomisk og fagleg. Konsolideringa medfører i utgangspunktet ikkje ein auke i økonomiske tilskot til Saksnr: 2013/ Dato: Saksframlegg: Organisering av Elvarheim museum Side 3 av 6

7 lokalmusea ut over dei midla som alt stod til disposisjon frå kommunen og fylkeskommunen, men er først og fremst meint som ei fagleg og driftsmessig profesjonalisering. Då fleire museum blei konsoliderte i sama tidsrom, har det ikkje vore mogleg å setje inn store ressursar i alle avdelingar samtidig. Dette har samanheng både med kapasiteten på AAks og tilgjengelege ressursar lokalt. Ved nokre museum låg forholda betre til rette for å starte eit omfattande arbeid raskare enn andre stader. Det har difor vore ein del misnøye blant nokre lokale museum at omfanget av fagleg og økonomisk hjelp frå AAks ikkje har stått til forventningane. Ei anna utfordring er det økonomiske handlingsrommet og stillingsheimlane ved lokalmusea, med 20%-50% stillingar. Det er vanskeleg å drive eit museum fagleg forsvarleg med så små stillingressursar. AAks har i starten fokusert på å oppgradere dei administrative rammene og rutinane ved musea, noko som kan opplevest som ei tidkrevjande byråkratisering på bekostning av anna museumsarbeid. Stillingane er for små til at den utviklinga AAks kan tilføre dei lokale musea kan utnyttast fullt ut, slik som gjenstandsregistrering i Primus og formidling av nye utstillingar. Store delar av budsjettet har vore bunde opp i lønsmidlar, og dette har gitt lite handlingsrom for fagleg utvikling. Samtidig har ønska for utviklinga v musea vore mange og store (jfr. evalueringsrapporten frå AAKS). ABM-utvikling skriv: Vi ser tendenser til at for mange små tiltak integreres utan tilstrekkelig økonomisk plattform, med resultat at lokale forventninger langt overgår reformens økonomiske rammer fra statens side. Vi mener derfor at det i mange tilfeller er naturlig at mindre museer, som primært er rettet mot lokal formidling, fortsetter kun med kommunal driftsstøtte (Museumsreformen en statusrapport 2006). Den største utfordringa i konsolideringsprosessen har nok likevel vore å få til ei god samforståing av ansvarsdeling mellom AAks og dei lokale musa og museumsnemndene. Lokalt har ein ofte hatt forventningar om at AAks skal støtte opp med tenester knytt til tiltak som ein sjølv har ønskt å setje i gang. AAks har på si side påtatt seg det faglege ansvaret for å heve kvaliteten på det faglege arbeidet ved musea og dei utstillingane som desse har eller kan utvikle, og dette er det overordna prinsippet i AAks sitt arbeid med lokalmusea. Noko av kjernen i dei samarbeidsproblema som har oppstått mellom AAks og enkelte av dei lokale musea ser altså ut til å ligge i kor initiativet til den faglege utviklinga av musea skal ligge; hos AAks eller hos dei lokale museumsnemndene. Konsolideringsavtalane plasserer det faglege ansvaret tydeleg hos AAks, medan det hos enkelte av dei lokale museumsnemndene har vore ein del skepsis og motstand knytt til å gi frå seg eit slikt ansvar heilt frå starten. Dette er forståeleg ut frå at musea ofte er bygde opp ut frå eit lokalt engasjement og personlege initiativ, og at dei lokale kreftene kjenner sterkt eigarskap og ansvar for den vidare utviklinga av museet. AAks stiller i evalueringsrapporten spørsmålsteikn ved om dei faglege krava ein institusjon som AAks stiller er foreinelege med lokalsamfunnet sine forventningar og ønskje for sine museum, og om det i nokre tilfelle er betre at driftsansvaret ligg lokalt, med moglegheit for tilknyting til faglege fellesskap og avtalar om tenester ut frå dei prioriteringane det lokale museet sjølv ønskjer. Eit samarbeid mellom AAks og lokalmusea føreset ei klar rolleavklaring, og at dei lokale musea tør å gi frå seg ansvaret og stole på dei faglege vurderingane som blir gjort av AAks, sjølv der desse vurderingane går på tvers av eigne prioriteringar. Men det føreset også at AAks er smidige og lydhøyre overfor lokale ønskje og behov, og ikkje trumfar igjennom tiltak som møter stort motstand lokalt. AAks er ein stor organisasjon, der det er nødvendig å arbeide langsiktig ut frå faglege kriterium og verksemdsplanar, for å kunne prioritere arbeidsoppgåvene innanfor eit stort og mangfaldig museumsfelt. Denne måten å planlegge verksemda på kan verke tungvint og byråkratisk for dei lokale museumsnemndene, der ein ofte arbeider på tvers av formelle kanalar, basert på lokalkunnskap, nettverk, frivillig innsats og personleg engasjement. Slik kunnskap og engasjement bør vere ein ressurs for AAks, samtidig som ein lokalt bør ha forståing for at ein som ei konsolidert eining må innordne seg under rutinar og arbeidsmåtar i ein stor organisasjon. Måten ein har jobba med musea på lokalt har skapt eit sterkt eigarforhold og identifikasjon blant dei involverte. Med overføring av driftsansvaret til AAks blei mykje av beslutningsansvaret fråtatt dei frivillige, og dermed også mykje av grunnlaget for det lokale engasjementet. (jfr. evalueringsrapporten frå AAbk). ABM-utviling har ut frå erfaringar med den nasjonale konsolideringa konkludert med at: Etter ABM-utviklings vurdering er det flere steder et kritisk punkt i hvilken grad lokal forankring og engasjement kan bevares og utvikles samtidig med en profesjonalisering av museer med statlig driftstilskudd. Vi ser tendenser til en motsetning her, noe som også har utgangspunkt i skillet mellom eierskap og drift (Museumsreformen en statusrapport 2006). Kva er god fagleg kvalitet, og kva for prioriteringar bør gjerast? Kva er eit løft som hever museets kvalitet på lang sikt? Dersom det faglege miljøet på AAks og den lokale museumsnemnda her ei avklart rollefordeling og dreg i same retning, kan museet få eit kvalitativt løft, samtidig som museumsnemnda får større nærleik til og kunnskap om museumsarbeid. Det er viktig å hugse på at sjølv om dei lokale museumsnemndene har lagt ned ein imponerande frivillig innsats i oppbyginga av lokalmusea, ofte med hjelp frå eksterne fagmiljø, er museumsarbeid Saksnr: 2013/ Dato: Saksframlegg: Organisering av Elvarheim museum Side 4 av 6

8 eit eige fag som består av mange komponentar; alt frå utstillingsarbeid, design og ulike formidlingsmedium til samlingsforvaltning, innsamlingspolitikk, gjenstandskonservering, forsking og museumspedagogikk. Dei fire grunnpilarane i museumsarbeid er innsamling, bevaring, forsking og formidling. Det er ofte berre det siste punktet publikum møter og tenker på som museumsarbeid, men alle fire komponentane er like viktig. Bak ei god utstilling ligg mykje grundig forarbeid og ein bevisst innsamlings- og forvaltningsplan. Mange viktige oppgåver i eit museum munnar aldri ut i ei konkret utstilling, og mange museumsgjenstandar lever eit langt liv i magasina. Dette er også ein del av museumsarbdiet. Ein må ha tillit til at AAks har høg fagleg kompetanse på heile spekteret av museumsfaglege oppgåver, og kan bruke denne til beste for å vidareutvikle lokalmuseet. Kulturleiar/bestyrar ved Elvarheim museum har fått i oppdrag å vurdere fordelar og ulemper ved ulike organisasjonsmodellar for Elvarheim museum. Nokre moment i denne vurderinga er nemnt ovanfor, og eg skal forsøke å oppsummere og utdjupe den samla vurderinga til slutt. Økonomisk vil det vere liten skilnad på om Elvarheim museum er konsolidert med AAks eller er kommunalt eigd. Museet mottok i 2013 kr i overføring frå Åmli kommune og kr i overføring frå Aust-Agder Fylkeskommune. Desse overføringane blir ikkje påverka av om museet er konsolidert eller ei. Men AAks har sett av kr til utarbeiding av ny beverutstilling, og dette tilskotet vil Elvarheim museum miste ved å gå ut av samarbeidet, i tillegg til den faglege hjelpa med sjølve utstillinga. Ved å gå ut av konsolideringa mister også Elvarheim museum tilgang til fellestenster som AAks i dag betalar for, slik som Primus. Dette er eit registreringsprogram for museumsgjenstandar m.m. knytt opp til og tilgjengeleggjort gjennom digitaltmuseum.no. Dersom ein skal betale for denne programvaren sjølv, vil det utgjere ein årleg kostnad på kr (tal henta frå 2011, tala kan vere høgare i dag). Ei stor utfordring ved profesjonalisering og konsolidering under ein større eining, der ein lokalt gir frå seg det faglege ansvaret og råderetten over den faglege utviklinga av museet, er at noko av grunnlaget for det lokale engasjementet fell bort. Ein risikerer å få eit meir profesjonelt museum, men utan den lokale forankringa og engasjementet den frivillige museumsnemnda står for. Dette er ein vanskeleg balansegang. Ved å vere kommunalt drifta, vil dei lokale kreftene ha eigarskap og større moglegheit til å påverke utviklinga av museet i den retninga ein ønskjer. Ein har også moglegheit til på eige initiativ å samarbeide med eksterne fagmiljø på prosjektbasis. Også AAks opnar for andre samarbeidsformer enn konsolidering, t.d. på prosjektbasis. Museumsnemnda har eit ønskje om å knyte seg tettare opp mot Norsk Skogmuseum på Elverum og Agder Naturmuseum i Kristiansand. Fagpersonar frå desse to musea bidrog med mykje god hjelp i oppbygginga av dei utstillingane som i dag står på Elvarheim museum, samt fagpublikasjonar om Askak Harstveit og Olav Tverrstøyl. Det kunne også vere aktuelt å samarbeide med Naturexpo i Kristiansand om utarbeiding av nye utstillingar innanfor temaa natur/biologi. Norsk skogmuseum er eit kulturhistorisk museum med mykje samanfallande tema med Elvarheim museum; mellom anna blir det denne hausten laga ei ny utstilling om jakt og fangst. Skogmuseet er konsolidert under Hedmark Fylkesmuseum, og eit organisatorisk fellesskap vil difor vere vanskeleg. Men ein kan tenke seg at Elvarheim museum vil kunne ha nytte av eit tettare fagleg samarbeid med Norsk skogmuseum på prosjektbasis, samt deltaking i faglege fora, temadagar og skognettverket som skogmuseet er vertskap for. Agder Naturmuseum er eit naturhistorisk museum og botanisk hage, og eit samarbeid innanfor naturrelaterte tema kan vere aktuelt. Men eg ser det som viktig at Elvarheim museum også i framtida er eit kulturhistorisk museum, med fokus på både natur og kultur. Når det gjeld det faglege arbeidet og den langsiktige utviklinga av Elvarheim museum, meiner eg det er ein fordel at Elvarheim museum er konsolidert med AAks. Sjølv om AAks ikkje har ekspertise direkte på tema jakt og fangst, har institusjonen ei stor samla museumsfagleg kompetanse innan alle delar av museumsarbeid, som grafisk utforming, utstillingsarkitektur og formidling tilpassa rådande normer, magasin, registrering, museumspedagogikk m.m. Ei tilknyting på prosjektbasis vil ikkje kunne gi den same langsiktige faglege utviklinga av museet. Ei konsolidering med AAks hindrar ikkje at ein samtidig kan delta i fagnettverk og søke ekstern ekspertise på dei naturrelaterte delane av utstillingane på Elvarhiem museum. Gjennom AAks har ein tilgang til eit større museumsfagleg miljø, og museumsstyrar kan få fagleg påfyll og hjelp. Dette er viktig når stillingsprosenten er så liten som 20%. Det er ønskjeleg at museumsstyraren og museumsnemnda i større grad enn hittil blir trekt inn i det faglege arbeidet ved AAks, gjennom kursing, deltaking i fagnettverk, ekskursjonar osv. På denne måten kan museumsnemnda i større grad trekkast med i museumsarbeidet på ein fagleg forsvarleg måte, slik dei sjølve også ønskjer. Det er nødvendig at alle partar er inneforståtte med sine roller i konsolideringa mellom Elvarheim museum og AAks for at ein skal komme vidare i samarbeidet. I samsvar med konsolideringsavtalen har AAks det faglege ansvaret for drift og museumsfaglige oppgaver. Det betyr at det er AAks som til sjuande og sist gjerd dei faglege vurderingane. Det er likevel viktig at dette blir gjort i nært samspel med museumsbestyraren og museumsnemnda, i samsvar med ønske og innspel frå desse, og at AAks ikkje pressar igjennom tiltak som det er stor motstand mot lokalt. Koordinator på AAks er kontaktperson mellom lokalmuseet og AAks. Bestyrar ved Saksnr: 2013/ Dato: Saksframlegg: Organisering av Elvarheim museum Side 5 av 6

9 lokalmuseet er kontaktperson mellom koordinator og museumsnemnda, og daglig er leiar ved museet. Museumsemnda er ansvarleg for å oppretthalde og styrke eit lokalt engasjement, for planlegging og gjennomføring av arrangement og for samarbeid med andre aktørar i lokalsamfunnet. Museumsnemnda kan også i samarbeid med bestyraren medverke til å lage produksjonar og anna formidlingsarbeid i regi av museet, i samsvar med gjeldande verksemdsplanar. Arbeidet skal kvalitetssikrast av AAks og bestyraren. Museumsnemnda skal også samarbeide med bestyraren om verksemdsplanar, budsjett og årsplanar, og vere oppdatert om museets drift, gjennomgå rekneskapsrapportar og vere med på å utarbeide årsmeldingar. Bestyraren har i samarbeid med AAks det overordna ansvaret for den faglege utviklinga ved museet. Museumsnemnda er eit rådgivande organ og ei frivillig interessegruppe. Åmli kommune beheld eigedomsretten til samlingane, både dei eksisterande og nye tilvekster. Saksnr: 2013/ Dato: Saksframlegg: Organisering av Elvarheim museum Side 6 av 6

10 JOURNALNOTAT Avdeling: Kulturavdelinga Saksbeh.: Tonje Ramse Trædal Direkte tlf.: E-post: Vår ref.: 2013/ Lnr.: 8401/2013 Dato: Innspel til verksemdsplan 2014/2015 og langsiktig utvikling av Elvarheim museum Fokusområde og målgruppe for Elvarheim museum Elvarheim museum skal vere eit kulturhistorisk museum, i skjeringspunktet mellom kultur og natur. Eit hovudfokus for museet vil vere jakt, fangst og utnytting av/samspel med naturen. Museet vil ha ei lokal forankring, og formidle det lokale særpreget i Åmli, både med omsyn til natur, næringsgrunnlag og kultur. Museet ønskjer å kommunisere både med lokalbefolkninga i Åmli gjennom å styrke kunnskapen og bevisstheita rundt kva Åmli representerer i fortid og samtid, og samtidig vere med på å profilere bygda utad. Museet bør ha eit fokus på barn og unge, og potensialet for dette i tilknyting til tema natur/kultur er stort. Det er viktig med ein tydeleg profil og fokus i forhold til tema, samtidig som ein ikkje snevrar inn rammene for mykje. Alle museum kan ikkje fortelje alle historier om eit lokalsamfunn, og det finst mange museum som formidlar mange av dei same eller liknande historier t.d. om det gamle bondesamfunnet. Det er difor viktig at Elvarheim museum utviklar ein sterk og særeigen profil omkring nokre utvalde tema i basisutstillingane sine, slik det også til dels har vore gjort i oppbygginga av museet. Desse temaa krinsar i hovudsak rundt jakt, fangst, natur/ressursforvaltning og kulturhistoriske tema knytt til dette. Eg meiner at dei faste utstillingane i hovudsak bør konsentrere seg om desse sentrale fokusområda, og vidareutvikle denne profilen med nye utstillingar knytt til jakt, fangst og natur/friluftsliv/naturbasert næring som t.d. elgjakt i fortid og samtid, fiske og fiskeforvaltning og lokal honningproduksjon. Ei beverutstilling tilpassa nye formidlingsideal bør også ha ein sentral plass på Elvarheim museum, ut frå Åmli sin spesielle status som beverkommune og historia knytt til dette. Dette vil kunne gi både museet og bygda ein tydeleg profil, og vere eit trekkplaster både for lokalbefolkning og tilreisande. Museet bør samtidig vere ein arena for lokal kultur, historie og sjølvfortolking. Ein bør difor kunne utvide temaa for museet når det gjeld skiftande utstillingar, slik som sommarutstillingar. Her bør ulike lokale miljø kunne bidra til å setje fokus på eit vidt spekter av tema som opptar lokalbefolkninga i Åmli, både av historiske og meir dagsaktuelle tema. Slike utstillingar kan initierast og utarbeidast lokalt, men det er viktig at AAks samarbeider og sikrar den museumsfaglege kvaliteten. For å få til ei god planlegging og gjennomføring av slike skiftande utstillingar, bør ein strekkje arbeidsperioden over lengre tid. Eg vil difor foreslå at ein utarbeider lokale sommarutstillingar annakvart år, og evt. leiger/låner vandreutstillingar innimellom. Dette vil lette arbeidet både for museumsnemnda og bestyrar, og ein kan frigjere ressursar til andre arrangement og aktivitetar ved museet. Ein bør satse på meir aktivitet ved museet knytt til dei faste utstillingane og tema museet fokuserer på. Dette kan gjeren i samarbeid med lag og organisasjonar i Åmli, og bør innarbeidast som faste, årlege arrangement. Det er viktig at museumsnemnda hjelper til med dette arbeidet, då det er altfor omfattande for bestyraren aleine. Kan ein for eksempel kombinere Åmli jeger og fisk sin fiskefestival med aktivitetar på Elvarheim museum/elva? Kan ein lage aktivitetar for barn, for eksempel i samband med Topp Åmli-dagen, eller i veka før/etter skuleferien, då museet ofte får besøk av barnehagar/skuleklasser? Kan ein arrangere ein knivdag i tilknyting til knivrommet i museet? Kan ein arrangere temakveldar om jakt og viltforvaltning, for eksempel i forkant av elgjakta om hausten? Kanskje skyttarlaga kan trekkast inn? Tema som friluftsliv og forhold til/utnytting av naturen før og nå kan vere interessant. Her har både historielaget og bygdekvinnelaget mykje å komme med. Dette er berre nokre idear, og her kan ein myldre saman. Når det gjeld opningstidene ved museet, hadde det vore ønskjeleg å endre noko på desse, slik at ein kunne ha faste opningstider i lengre periodar av året. Eg ser for meg at ein for eksempel kan ha søndagsope på museet ut

11 over sommarsesongen. Då store delar av budsjettet i dag går til å lønne omvisarar om sommaren, måtte dette få konsekvensar for opningstidene om sommaren. Det er ikkje uvanleg at museum har stengt på måndagar. Det er få andre lokalmuseum i Aust-Agder som har ope sju dagar i veka. Kanskje kan museumsnemnda også hjelpe til med å halde søndsgsope på museet? Eit anna omsyn å ta er at det kan vere ein fordel for museet og Åmli kommune å ha turistinformasjonen på Elvarheim. Eg ser for meg at den gamle kommunestyresalen kan utviklast til ein kombinert museumsbutikk/kafe/aktivitetsrom/turistinformasjon (besøkssenter). Eg ønskjer så langt som råd å tilbakeføre rommet til slik det opphavleg såg ut då huset blei bygd, og om ikkje originalinventaret lar seg framskaffe, skifte ut møblane med andre møblar som stilmessig passar inn i rommet og tidsepoken. Ordførarportretta bør bli hengande, då dette er ein del av interiøret. Dersom ein skal ha turistinformasjon på Elvarheim, er det ein fordel med opningstid sju dagar i veka om sommaren, noko som strid mot vurderingane i førre avsnitt. Ein bør difor ha ein dialog med plan og næringsavdelinga i kommunen om korleis dette best kan løysast. For å betjene både museumsbutikk/turistinformasjon og omvising i utstillingane, er det nødvendig at ein har to vaktar; altså både ein tilsett vakt og ungdom i sommarjobb gjennom kommunen si ordning for dette. Fleire forskingsbidrag i den seinare tid set søkelys på at musea har endra si rolle og samfunnsoppdrag (Yder 2007, Eriksen 2009,2013). Frå at musea primært har vore formidlings- og danningsinstitusjonar, har dei i større grad gått over til å bli aktive medspelarar i utviklinga av demokratiet, som dialoginstitusjonar og møtestader. Enkelte har skildra utviklinga som ein del av ei postmoderne legitimitetskrise, der førestillinga om fagleg og tematisk forsvarlegheit i aukande grad blir erstatta av forventningar om å bli forført av musea og dei historiene dei fortel ( Organisering av museene, Kulturrådet 2013, s. 8). Elvarheim museum bør i større grad gå inn i samfunnsdebatten og setje aktuelle tema på dagsorden. Ein større breidde av befolkninga og interessene i Åmli bør vere representert i museumsarbeidet, slik at Elvarheim museum blir ein aktuell møtestad og arena for refleksjon og debatt i lokalsamfunnet. Det er samtidig viktig at utstillingane er oppdaterte i forhold til moderne utstillingsteknologi og museumspedagogikk, og at eit besøk på Elvarheim museum skal gi både ei fagleg og estetisk oppleving. Museet skal gi kunnskap og refleksjon, men også opplevingar, gode historier og inntrykk som fester seg. Desse ambisjonane er store i forhold til stillingsressursane ved Elvarheim museum, og ein er difor avhengig av god, langsiktig planlegging eit godt samarbeid både med museumsnemnda, andre lokale krefter og kompetanse frå AAks. Eg håpar vi saman kan bygge vidare på det gode arbeidet som alt er gjort på Elvarheim, og utvikle museet til eit ressurssenter og ein attraksjon i Åmli. Moment til langsiktig utvikling av Elvarheim museum: - Produsere eigne sommarutstillingar og leige/låne inn vandreutstillingar annankvart år. Evt. supplere med lokalt stoff. - Samarbeide tettare og meir langsiktig med AAks om sommarutstillingane. - Samarbeide med fleire lokale miljø om sommarutstillingar/skiftande utstillingar, og ulike trekke inn tema som er aktuelle og kan skape engasjement lokalt - Etablere ny beverutstilling i kjellaren - Oppgradere dei faste utstillingane i knivrommet - Oppgradere dei faste utstillingane i fuglerommet, evt. skifte ut desse - Nytt tema: elgjakt (i rommet mellom fugl og bjørn?) gjerne starte som sommarutstilling - Nytt tema: fiske - Nytt tema: Honningproduksjon - Utvikle utearealet framfor museet med benkar, leikeapparat (beverhytte?), kanoutleige? - Arrangere museumsdagar/aktivitetsdagar/temakveldar i samarbeid med andre lokale krefter - Utvikle eit samarbeid/løype mot ferjesundet (historielaget)? F.eks. rundtur med sykkel/kano/fejre? Moment til verksemdsplan Etablere ny beverutstilling i kjellaren - Utvikle pedagogisk opplegg, nettside og marknadsføring av utstillinga NOTAT: Innspel til verksemdsplan 2014/2015 og langsiktig utvikling av Elvarheim museum Vår ref: 2013/ Side 2 av 3

12 - Utvikle den gamle kommunestyresalen som museumsbutikk, enkel kafé og aktivitetsrom + turistinformasjon - Skifte ut interiøret i den gamle kommunestyresalen med tidsriktig og stilriktige møblar tilpassa lokalet. - Sette sommarutstillinga i 2014 på vent pga ny beverutstilling, og ha fullt fokus på denne - Lage ny sommarutstilling sommaren 2015 med tema elgjakt. Bruke delar av denne utstillinga som basis for ei ny, fast utstilling om elgjakt - Etablere ein fast aktivitetsdag ved museet i samarbeid med lokale lag og organisasjonar - Primus-registrering Tonje Ramse Trædal, kulturleiar og styrar ved Elvarheim museum NOTAT: Innspel til verksemdsplan 2014/2015 og langsiktig utvikling av Elvarheim museum Vår ref: 2013/ Side 3 av 3

13 ÅMLI KOMMUNE Administrasjonsavdelinga NOTAT Avtale mellom Aust-Agder kulturhistoriske senter IKS og Åmli kommune 1. Innleiing Den vedtekne Stortingsmeldinga nr. 22 ( ) Kjelder til kunnskap og oppleving (ABM-meldinga) set krav til ei forpliktande samordning av musea. Målet er å heve den faglege standarden på museumsverksemda i regionen, og bidra til ei vitalisering av det frivillige museumsarbeidet. Aust-Agder fylkeskommune har vedteke å etablere 4 konsoliderte museum i Aust- Agder: Aust-Agder kulturhistoriske senter IKS, Setesdalsmuseet, Næs Jernverksmuseum og Grimstad Bys Museum. Setesdalsmuseet har eit særskilt ansvar for Setesdalsregionen. Aust-Agder fylkesting har forutsett at alle dei lokale musea i fylket skal få tilbod om konsolidering. 2. Mål. Aust-Agder kulturhistoriske senter (AAks) skal arbeide for at verdifulle gjenstandar, arkiver og andre informasjonsberarar av historisk og administrativ verdi blir samla inn, tatt vare på og gjort tilgjengelig for allmennheitas bruk, forsking og for kulturelle og administrative føremål. AAks skal aktivt formidle institusjonen og avtalepartane sine samlingar slik at det fremjar velferd og demokratiske rettigheter for innbyggjarane Arbeidet skal utførast i tråd med ICOMs og ICAs etiske retningslinjer, nasjonale føringar, lover og forskrifter. AAks skal: Gjennom forsking og formidling arbeide for å levandegjere Aust-Agders kultur og historie Bidra til å auke den museums- og arkivfaglige kompetansen innanfor det samla kulturhistoriske og administrative oppgåvefeltet i Aust-Agder. Vere eigaren sin faginstans i museums- og arkivfaglege spørsmål. Gjennom avtalar utvikle fagleg og administrativ kompetanse ved lokale museum og samlingar. 3. Aust-Agder kulturhistoriske senters forpliktingar. Aust-Agder kulturhistoriske senter skal vidareføre og vidareutvikle Elvarheim Museums arbeid med dokumentasjon og formidling av Åmlis historie (skogbruk, Saksnr: 2006/ Dato: Notat: Avtale mellom Aust-Agder kulturhistoriske senteriks og Åmli kommune Side 1 av 1

14 jakt og friluftsliv) saman med lokalmiljøet og evt. tilsett(e) ved Elvarheim Museum. Aust-Agder kulturhistoriske senter skal utarbeide strategi- og verksemdsplan saman med Elvarheim Museum som skal tydeleggjere behov og prioriterte tiltak. Desse planane skal integrerast i planverket til AAks. Aust-Agder kulturhistoriske senter overtar det faglege ansvaret for all verksemd knytt til drift og forvaltning av Elvarheim Museums samlingar. Det omfattar generelle museumsfaglege oppgåver som sikring, registrering, magasinering og vedlikehald av samlingane. I tillegg skal AAks ha eit overordna fagleg ansvar for eventuell utviding av samlingane, oppgradering av utstillingar og andre faglege tenester i samarbeid med den lokale museumsnemda. Elvarheim Museum v/ lokal museumsnemnd/tilsett forpliktar seg til å delta i arbeidet med verksemdsplan, budsjett og årsplanar, skal vere oppdatert om museets drift og skal også vere med på å utarbeide årsmeldingar og gjennomgå rekneskapsrapportar. Omfanget på arbeid og tenester AAks skal bidra med, skal ta omsyn til dei ressursar Åmli kommune og Elvarheim Museum bringer med inn i samarbeidet. Dette vil bli synleggjort i planverk og budsjett/rekneskap. Midlar øyremerka Elvarheim Museum skal nyttast til beste for Elvarheim Museum. 4. Åmli kommunes forpliktingar. Åmli kommune forpliktar seg til å halde ein 20%-stilling på Elvarheim Museum. Denne stillinga inngår i kulturkonsulentstillinga. Åmli kommune beheld alle forpliktingar knytt til arbeidsgjevaransvar. AAks har full instruksjonsmynde over dei 20% knytt til Elvarheim Museum. Lønn og andre forpliktingar knytt til arbeidsgjevaransvar blir belasta Åmli kommunes budsjett, deriblant reisekostnadar. Oppretthalde lokal museumsnemnd for Elvarheim Museum. Den til ei kvar tid tilsette ved Elvarheim Museum er bindeleddet mellom lokal nemnd og AAks. Den lokale nemnda/elvarheim Museum forpliktar seg til å gjennomføre årlege arrangement, medvirke til å lage produksjonar og anna formidlingsarbeid i regi av museet i samsvar med gjeldande verksemdsplanar. Dette er viktig for å sikre at det lokale engasjementet blir styrka og vidareutvikla. Den lokale nemnda/åmli kommune er ansvarleg for alle forpliktingar i samsvar med avtala med Agder Energi (vedlegg 8). AAks har ikkje noko ansvar og er ikkje medverkande i administrasjon, utøving eller oppfølging av avtala. 4.1 Overføring av ansvar for drift og forvaltning. Åmli kommune overfører overordna ansvar for all drift og forvaltning ved Elvarheim Museum til Aust-Agder kulturhistoriske senter med verknad frå Unntatt frå dette punktet er forpliktingar og ansvar som følje av avtala mellom Åmli kommune og Agder Energi (vedlegg 8). 4.2 Råderett over samlingar og anlegg Åmli kommune gir med verknad frå Aust-Agder kulturhistoriske senter faktisk råderett over Elvarheim Museums samlingar så lenge avtalen gjeld. Oversikt over samlingar som avtalen omfattar, går fram av vedlegg 1. Åmli kommune skal Saksnr: 2006/ Dato: Notat: Avtale mellom Aust-Agder kulturhistoriske senteriks og Åmli kommune Side 2 av 2

15 verken heilt eller delvis selje, gi bort, deponere eller pantsette samlingar så lenge avtalen er i kraft, med mindre dette er avtalt med Aust-Agder kulturhistoriske senter. Åmli kommune beheld eigedomsretten til samlingane. Åmli kommune beheld eigedomsretten til bygning/anlegg og er ansvarlig for alle utgifter knytt til bygningen så som: - Forsikring av bygningen - Forsikring av gjenstandar, innbu og lausøyre etter råd frå AAks - Vedlikehald av bygningen og oppretthaldast av en akseptabel standard - Kommunale avgifter inkl. eigedomsskatt - Strøm og reinhald 4.3 Driftstilbehør, inventar og utstyr Åmli kommune gir Aust-Agder kulturhistoriske senter eksklusiv bruksrett til Elvarheim Museums driftstilbehør, inventar og utstyr med verknad frå , i den stand det er, og utan mangelansvar for Elvarheim Museum. Viss Elvarheim Museum eventuelt går ut av AAks, skal driftstilbehør, inventar og utstyr (etter inventarliste) tilbakeføres i den stand det var dog med aksept for vanleg slitasje. 5. Tilvekst samlingane AAks, der Elvarheim Museum er en avdeling, skal ha overordna ansvar for eventuelle innkjøp og mottak av gåver til samlingane. Det vil bli gjort i høve til faglege vurderingar, lokale behov og prioriteringar og ut frå AAks samla behov, slik det kommer til uttrykk i planer og vedtak for institusjonen. 6. Tilpassing av vedtekter Åmli kommune forpliktar seg til å fatte nødvendige vedtak for eventuelt å harmonisere og tilpasse Elvarheim Museums vedtekter til innhaldet av denne avtalen og det forhold at Elvarheim Museums verksemd blir overført til AAks. I tilfelle det er konflikt mellom Elvarheim Museums vedtekter og AAks selskapsavtale, er det AAks selskapsavtale som skal gjelde. 7. Økonomiske føresetnader 7.1 Kommunalt bidrag Partane er einige om at det er en føresetnad for avtalen at Åmli kommune bidrar til drifta av AAks med et årleg rammetilskott øyremerket Elvarheim Museum på kr Det er vidare ein føresetnad at det årlige tilskotet frå Åmli kommune blir justert kvart år med eit beløp som minst tilsvarar endringa i den alminnelege lønns- og prisstigning, og at forpliktingane for bygning og anlegg blir oppretthalde uendra. Det kan forhandlast om auking av driftstilskottet og tenestenes omfang for å ivareta Elvarheim Museums ansvar og arbeidsoppgåver. I tillegg bidrar Åmli kommune med lønn til fast tilsett ved Elvarheim Museum i minimum 20%-stilling, lønn til skoleungdommar, kontorutgifter og andre utgifter som følgje av arbeidsgjevaransvar. Sommarguidar blir tilsette av AAks, er AAks sitt ansvar. Det blir ikkje tatt husleige for Elvarheim Museum. 7.2 Åmli kommune/elvarheim Museum, føresetnader og grunnlagsmateriale Saksnr: 2006/ Dato: Notat: Avtale mellom Aust-Agder kulturhistoriske senteriks og Åmli kommune Side 3 av 3

16 Grunnlaget for overtaking av driftsansvaret for Elvarheim Museum bygger også på de føresetnadene som kjem fram av føljande dokument som blir vedlagt avtalen. Gjennomgang av vedlegga skal skje og godkjennast av begge partar før avtala blir underskriven. Vedlegg 1: sjå pkt.4.2 Vedlegg 2: Elvarheim Museum sine vedtekter Vedlegg 3: Elvarheim Museum greier ut sin økonomiske situasjon pr. dags dato og budsjett for 2007/2008. Elvarheim Museum skal i perioden fram til iverksetting av avtalen drivast normalt i samsvar med vedtatt budsjett og planar. Endringar som medfører avvik frå vedtatt budsjetter, skal på førehand avtalas med AAks. Vedlegg 4: Ein gjennomgang av anlegg og samlingar som Elvarheim Museum overdrar driftsansvar og disposisjonsrett for til AAks. Åmli kommune står inne for at AAks har fått all tilgjengeleg og kjent informasjon med omsyn til. bevaringstilstand, vedlikehaldssituasjon og andre forhold som kan tenkast å ha betyding for AAks vurdering av kva forpliktingar museet kan overta ved overdraginga. Vedlegg 5: Åmli kommune greier ut for det som ligg føre av lang- eller kortsiktige forpliktingar, pant eller andre heftingar ved samlingar, bygningar og anlegg, både av økonomisk og annen karakter. Vedlegg 6: Rapport frå ABMutvikling og Aust-Agder fylkeskommune vedr. magasinforhold, registrering av samlingar og tilstandsvurdering, utført i Undersøkinga er utført for alle musea i Aust-Agder. Rapporten for Elvarheim Museum blir lagt ved avtalen som dokumentasjon på tilstanden pr Vedlegg 7: Museumsplanen for Åmli kommune. Vedlegg til orientering for AAks. Vedlegg 8: Kommunestyrevedtak i Åmli kommune saknr: K95/0140 Omvisning på Elvarheim museum for 8. klassingar i Aust-Agder samarbeid mellom Aust-Agder kraftverk/ Åmli kommune. 7.3 Verksemdsgjennomgang Dersom det viser seg å vere vesentlege avvik i forhold til det som er opplyst i vedlegga, har AAks rett til å krevje reforhandling av avtalen, framsette krav om tilleggsavtale eller seie opp avtalen. Ingen av partane har høve til å rette krav mot kvarandre dersom avtalen av denne grunn ikkje blir gjennomført. 7.4 Eigeninntekter Eigeninntekter frå drift av Elvarheim Museum tilfaller AAks, øyremerka Elvarheim Museum. Unntak frå dette punktet er eventuelle inntekter som følgje av avtalen mellom Åmli kommune og Agder Energi (vedlegg 8). Det kan gjerast avtale om å opprette lokal arrangementskonto/kasse. 8. Varigheit og oppseiing Avtalen blir evaluert av partane etter tre år. Avtalen blir reforhandla dersom ein av partane finn det nødvendig. Dersom en av partane ønskjer å seie opp avtalen, skal det først innleiast forhandlingar om oppseiinga. Saksnr: 2006/ Dato: Notat: Avtale mellom Aust-Agder kulturhistoriske senteriks og Åmli kommune Side 4 av 4

17 Oppseiing skal skje skriftleg. Oppseiingstida er 6 seks månader og gjeld frå 1. juli det året oppseiing finner sted. Avtaleforholdet skal opphøre frå 1. januar det påfølgjande år. Ved oppseiing gjelder føljande: Ved oppseiingsfristens utløp er Aust-Agder kulturhistoriske senter fritatt frå drifts- og forvaltningsansvar for de samlingar og evt. anlegg som tilhører Åmli kommune. Åmli kommune erkjenner og overtar dette ansvaret. (Det skal i god tid før oppseiingstidas utløp setjast i gang forhandlingar mellom AAks og Åmli kommune om verksemdsoverdraging(er) for den personen/stillingsressursen knytt til Elvarheim Museum som ble tilsett ved AAks ved inngåinga av denne avtalen.) Tilvekst av gjenstandar og/eller samlingar til Elvarheim Museum blir overtekne av Åmli kommune. 9. Iverksettingstidspunkt Avtalen skal setjast i verk frå Denne avtalen er laga i to eksemplar, eitt til kvar av partane.. den.. Aust-Agder kulturhistoriske senter Åmli kommune Vedlegg 1. Vedlegg 2. Vedlegg 3. Vedlegg 4. Vedlegg 5. Vedlegg 6. Vedlegg 7. Oversikt over kva samlingar, anlegg og driftstilbehør, inventar og utstyr avtalen gjelder for. Elvarheim Museums vedtekter. Oversikt over Elvarheim Museums økonomiske situasjon ved avtaletidspunktet og budsjett for 2007 Tilstandsrapport for dei bygningar og samlingar som er tatt med i vedlegg 1. Oversikt over pant og heftingar ved samlingar og anlegg omtalt i vedlegg 1. Rapport om magasinforhold og registreringstilstand ved Elvarheim Museum. Museumsplanen for Åmli kommune. Saksnr: 2006/ Dato: Notat: Avtale mellom Aust-Agder kulturhistoriske senteriks og Åmli kommune Side 5 av 5

18 Vedlegg 8. Vedlegg 9. forhold. Kommunestyrevedtak saknr: K95/0140 Omvisning på Elvarheim museum for 8. klassingar i Aust-Agder samarbeid mellom Aust- Agder kraftverk/ Åmli kommune. Eventuelt protokoll frå forhandlingane mellom partane om særlige Saksnr: 2006/ Dato: Notat: Avtale mellom Aust-Agder kulturhistoriske senteriks og Åmli kommune Side 6 av 6

19 Adresse: Gata 5, 4865 Åmli Telefon: E-post: Org.nr.: Bank: Avdeling: Kulturavdelinga «MOTTAKERNAVN» Saksbeh.: Tonje Ramse Trædal «KONTAKT» Direkte tlf.: «ADRESSE» E-post: «POSTNR» «POSTSTED» Vår ref.: 2013/51-14 Lnr.: 8651/2013 Dato: Referat frå møte i museumsnemlda Tikl stades: Jens Magne Førland, Bjørg K. Kleivene, Arild Håkedal, Geir H. Moe og Tonje Ramse Trædal Sak 1: Innspel til sakl 2013/1006 om organisering av Elvarheim museum til Formannskapet 18. november. Museumsnemnda v/ leiar formulerer eit brev til Formannskapet der dei kjem med sine innspel. Sak 2: Innspel til verksemdsplan for Elvarheim museum 2014/2015 og langsiktig utvikling av Elvarheim museum. Museumsnemnda stiller seg i hovudsak bak museumsstyrar sine framlegg, og ønskjer å fokusere på tema jakt, fangst og lokal ressursutnytting i dei faste utstillingane. Nemnda stiller seg også bak framlegget om å produsere sommarutstillinga annakvart år, supplert med innleigde/innlånte utstillingar mellom desse. Sommarutstillingane kan då planleggast over lengre tid, og nemnda og styrar får frigjort ressursar til annan aktivitet ved museet, t.d. aktivitetsdagar og arrangement. Det blei også diskutert moglegheitene for å halde søndagsope ut over sommarsesongen med hjelp frå lokale krefter, helst i kombinasjon med ein tilsett guide. Det bør vere to vakter til stades. Ein kan sjå på evt. endringar av opningstider om sommaren, men må vurdere dette i samanheng med plan- og næringsavdelinga og evt. plassering av turistinformasjon/besøkssenter på Elvarheim. Museumsnemnda stiller seg bak framlegget om å tilbakeføre interiøret i den gamle kommunestyresalen og bruke dette rommet til eit kombinert aktivitetsrom, museumsbutikk, besøkssenter/turistinformasjon og enkel kafè. Museumsnemnda hadde elles følgjande tilføyingar: a) Moment til langsiktig utvikling av Elvarheim museum: a. Tema fisk: Om bleka som forsvann, klima og fiskeforvaltning. Kulturhistorisk tema: fiskegarnfabrikken i Gjøvdal. Fiskereiskapar. b. Nytt tema: krutthorn og gamle våpen. Åmli står i ei særstilling i forhold til krutthorn. Dette temaet kan utdjupast vidare, og passar inn i temaet jakt/fangst og natur/kulturhistorie. AAks har også ein del krutthorn og materiale knytt til dette. Skyttarlagsrørsla er også eit interessant tema å jobbe vidare med her. c. Nytt tema: mat og matauk. For eksempel bærplukking på 1930-talet og under krigen. Mat knytt til jakt og vilt, slakting, mattradisjonar osv. Her er det eit stort potensiale i forhold til arrangement og lokalt engasjement. d. Skogbruksutstilling i eige museumsbygg bør ligge inne i dei langsiktige planane. b) Moment til verksemdsplan for 2014/2015: a. Utvikle den gamle kommunestyresalen som museumsbutikk, enkel kafé og aktivitetsrom + turistinformasjon og lesekrok med lokal litteratur og litteratur knytt til tema i utstillingane. b. Lage ny sommarutstilling sommaren 2015 med tema t.d. elgjakt. Andre tema nemnd i langtidsplanane kan også vere aktuelle. Bruke delar av denne utstillinga som basis for ny, fast utstilling. Med helsing Tonje Ramse Trædal Kulturleiar