ORDENSREGLEMENT FOR HAFSTAD VIDAREGÅANDE SKULE

Transkript

1 ORDENSREGLEMENT FOR HAFSTAD VIDAREGÅANDE SKULE Gjeldande ordensreglement frå Gitt med tilvising til 3 7 og kapittel 9a i Opplæringslova. Fastsett av skuleutvalet Endra : Nytt punkt 2.9 etter merknad frå OA Vedteke i skuleutvalet Nytt fråværsreglement vedteke i hovudutval for opplæring Endringar i reglar om fri i samband med privatisteksamen og fusk/plagiat frå Nytt punkt 3.6 frå , vedteke i skuleutvalet Nytt punkt 1.9 frå , mellombels godkjent inntil handsaming i skuleutvalet hausten FØREMÅL Reglementet skal gje retningsliner for utvikling og godt samarbeid, god trivsel, respekt og medansvar. Reglementet skal fremje god orden og gode arbeidsvanar og slik leggje til rette for god læring. VERKEOMRÅDE Reglementet gjeld alle som er under opplæring i skulen sin regi. Reglementet gjeld ved opplæringsformer og aktivitetar som skulen organiserer og har ansvar for, også utanfor skulen sitt område og utanom ordinær skuletid. ELEVEN SINE RETTAR Du har rett til vidaregåande opplæring i samsvar med opplæringslova, fylkeskommunale vedtak og gjeldande forskrifter og læreplanar. 1.1 Du har rett til opplæring tilpassa evnene og føresetnadene dine. 1.2 Du har rett til opplæring, hjelp og rettleiing i samsvar med gjeldande lov og forskrifter, inkludert yrkesrettleiing. 1.3 Du har rett til vurdering av kunnskap og ferdigheiter du oppnår i høve til måla i læreplanane. 1.4 Du har rett til løpande undervegsvurdering og sluttvurdering. 1.5 Du skal kunne delta i planlegging, gjennomføring og vurdering av opplæringa i samsvar med lov, forskrift og læreplanar. 1.6 Du har rett til førebudd elevsamtale med skulen, vanlegvis med kontaktlærar eller faglærar, minst ein gong kvart halvår. 1.7 Du har rett til å, og bør, ta opp med skulen tilhøve som dårleg læringsmiljø, t.d. mobbing at læreplanane ikkje blir følgde at du ikkje får den hjelp og rettleiing du har bede om manglar ved utstyret som blir nytta i opplæringa at du ikkje får delta i planlegging, 1

2 gjennomføring og vurdering av opplæringa. 1.8 Elevane har rett og plikt til å opprette elevråd. Skulen skal leggje til rette for best mogelege arbeidstilhøve for elevane og elevorganisasjonane sine tillitsvalde. Elevrådsrepresentantar har rett til regelmessige møte med skuleleiinga. 1.9 Etter avtale med rektor kan elev- og ungdomsorganisasjonar, inkludert politiske parti, drive organisasjonsarbeid og politisk aktivitet på skulen i og utanom skuletida. Aktivitetane skal gjennomførast på tilvist plass, og dei skal ikkje gå ut over undervisninga Elevar ved Hafstad vidaregåande kan gi ut skuleavis. Avisa skal ha ein ansvarleg redaktør. Dersom denne eleven ikkje er myndig, må han/ho ha skriftleg løyve frå foreldre/føresette. Personforfølging og sjikane må ikkje få rom i avisa. ELEVEN SINE PLIKTER Du har plikt til å rette deg etter pålegg frå dei tilsette ved skulen og det som er fastsett i lov, reglement og instruksar. 2.1 Du har plikt til å vere aktivt med i opplæringa. 2.2 Du har plikt til å føre og grunngje fråværet ditt i Skulearena. 2.3 Du har plikt til å skaffe deg det undervisningsutstyret og det opplæringsmateriellet som vert kravt. 2.4 Du skal møte til undervisninga til fastsett tid og ha med deg lærebøker og anna nødvendig utstyr for aktiv deltaking i opplæringa. 2.5 Du har plikt til å samarbeide med faglærar slik at faglærar får tilstrekkeleg vurderingsgrunnlag. 2.6 Du har plikt til å følgje dei vernereglane og bruke det verneutstyret som vert kravt. 2.7 Du har plikt til å vere med å skape eit godt arbeidsmiljø og gode samarbeidsformer som fremjar trivsel og respekt for alle elevar og tilsette ved skulen. 2.8 Du har plikt til å ta omsyn til og opptre realt og høfleg overfor andre. Plaging, mobbing, vald eller anna krenkande åtferd blir ikkje akseptert, og alle har plikt til å hindre at slikt skjer. 2.9 Dersom du ønskjer å avslutte opplæringa di før kurset er fullført, må du gje skriftleg melding om det Du har plikt til å følgje IKTreglementet for elevar og tilsette i vidaregåande opplæring i Sogn og Fjordane fylkeskommune (jf. vedlegg). I tillegg har du plikt til å følgje skulen sine eigne IKT-reglar (jf. vedlegg). ORDEN OG ÅTFERD Eit godt arbeids- og læringsmiljø er grunnleggjande for god opplæring. Miljøet på skulen og elles når skulen har ansvaret for tilsynet med elevane, skal vere prega av god orden og at ein tek omsyn til kvarandre og viser real og høfleg framferd. 3.1 God orden er mellom anna følgjande: At du viser vanleg god arbeidsinnsats At du møter fram presis At du har med deg det du treng av bøker, notat eller anna nødvendig undervisningsmateriell At du skaffar deg nødvendig undervisningsmateriell så fort som mogeleg At du rettar deg etter instruksar, meldingar og påbod 2

3 At du melder frå om planlagt fråvær og fører og grunngir fråværet ditt i Skulearena At du leverer arbeid o.a. til avtalt tid Avskrift/kopi av andre sitt arbeid (t.d. tekstar frå Internett, bøker eller elevarbeid) som er innlevert som eige produkt utan å gje opp kjelder. God åtferd er mellom anna følgjande: At du er omsynsfull, real og høfleg At du ikkje mobbar eller plagar nokon (gjeld også mobiltelefon, Internett etc.) At du respekterer andre sine meiningar At du ikkje fuskar eller prøver å fuske (sjå punkt ) At du respekterer ei avgjerd som er teken At du held avtalar At du ryddar opp etter deg At du ikkje er årsak til bråk og uro i timen At du følgjer avtalte spelereglar Fusk/forsøk på fusk 3.2 Fusk, eller forsøk på fusk, blir sett på som ei uærleg handling, og er brot på gjeldande forskrifter og reglement. Fusk eller forsøk på fusk er t.d. å gje eller prøve å gje eller formidle hjelp til andre i ein prøvesituasjon å ta imot slik hjelp å ha eller bruke hjelpemiddel som ikkje er tillatne etter at prøva er delt ut å utveksle Feide-passord eller nytte mobilt breiband, Dropbox o.l. Ved fusk kan eleven bli prøvd på nytt ved første høve utan melding på førehand. Fusk fører til at karakteren på prøva blir annullert. Fusk fører normalt til nedsett karakter i åtferd. Plagiat 3.3 Når alle hjelpemiddel er tillatne, blir dette rekna som plagiat: Dersom eleven ikkje gir opp kjelder som er brukte, blir den delen av arbeidet som er plagiat, vurdert til låg måloppnåing. Forbod 3.5 Det er forbode å vise seg rusa og bruke eller oppbevare rusmiddel på skuleområdet. Ved mistanke om at enkeltelevar bruker, oppbevarer eller sel narkotiske stoff på skulen sitt område, vil forholdet bli meldt til politiet. Politiet kan då med heimel i kap. 15 i Straffelova utføre ransaking av desse elevane og eignelutane deira, dersom det ligg føre rimeleg grunn til mistanke. 3.6 Det er forbod mot tobakksbruk i skuletida. Tobakksbruk er forbode i skulen sine lokale og på skulen sitt område heile døgnet. 3.7 Det er ikkje lov til å nytte skulen sitt datautstyr til å laste ned, lese eller spreie pornografisk, rasistisk eller anna materiale som kan oppfattast som krenkande eller i strid med norsk lov. 3.8 Det er forbode å ha med seg farlege gjenstandar eller våpen på skulen sitt område. Andre reglar 3.9 Skuleanlegg og skulen sitt utstyr skal vernast om og brukast med varsemd og omtanke. Du kan gjerast økonomisk ansvarleg for det du eventuelt øydelegg Billettsal eller anna kommersiell verksemd må ikkje gå føre seg på skulen sitt område, utan etter godkjenning frå skuleleiinga. 3

4 3.11 Mobiltelefon skal vere avslått og i veska i timane. Det er normalt ikkje høve til å nytte MP3-spelar, I-pod og liknande i timane Parkeringsplassane på skulen sitt området er for tilsette og besøkande. Parkering skal skje på merkt område. Elevar skal nytte parkeringsplassen ved Festplassen fram til parkeringskapasiteten ved skulen blir utvida. Syklar skal setjast på tilviste stader Elevane skal nytte tilviste oppslagstavler. Alle oppslag skal daterast og underskrivast med fullt namn. Alle oppslag, plakatar o.a. skal ha skulen sitt stempel Skulen syter for transport av elevar i samband med aktivitetar i skulen sin regi (t.d. fjelldagar). Elevar har difor ikkje lov til å nytte eigne transportmiddel i slike høve. I heilt spesielle tilfelle kan lærarar gjere avtale om andre ordningar med myndige elevar Bading i elva i skuletida utan tilsyn av lærar er forbode Brot på skulereglementet kan føre til nedsett karakter i orden og/eller åtferd Etter avtale med rektor kan elev- og ungdomsorganisasjonar, inkludert politiske parti, drive organisasjonsarbeid og politisk aktivitet på skulen, i og utanom skuletida. Aktivitetane skal gjennomførast på tilvist plass, og dei skal ikkje gå ut over undervisninga Russedress skal ikkje nyttast på skulen før 1. mai. Russeaktivitetar skal ikkje uroe undervisning, heildagsprøver og eksamen. Skulen skal ikkje vere ein arena for negative handlingar som følgje av t.d. knutereglar. Det skal inngåast forpliktande avtale mellom russen og rektor. FRÅVÆR Opplæringslova og Forskrift til opplæringslova føreset frammøteplikt. Fråværsreglement for dei vidaregåande skulane i Sogn og Fjordane 4.1 Eleven skal møte presis til opplæringa. 4.2 Eleven skal melde frå til kontaktlærar/ faglærar dersom han/ho må forlate opplæringa i løpet av skuledagen 4.3 Eleven skal melde frå om fråvær frå første fråværsdag. Ved gjenteke fråvær og forseintkomming skal skulen følgje opp eleven det gjeld. Ved fråvær meir enn ein dag utan å gje melding skal kontaktlærar kontakte eleven. Ved fråvær meir enn to dagar utan melding skal foreldre/føresette kontaktast dersom eleven er umyndig. Hybelbuarar skal følgjast opp særskilt. 4.4 Alt fråvær skal førast på vitnemålet og kompetansebeviset. Fråvær skal førast i dagar og enkelttimar. Enkelttimar kan ikkje konverterast til dagar. Rektor kan avgjere om fråvær for den som er deltidselev, skal førast i dagar og timar eller berre i timar. For elevar som skal ha kompetansebevis, skal fråvær førast på kompetansebeviset. Eleven kan krevje at årsaka til fråværet blir ført på eit vedlegg til vitnemålet eller kompetansebeviset, dersom han eller ho legg fram dokumentasjon på årsaka til fråværet. Dersom det er mogleg, skal eleven leggje fram dokumentasjon av fråværet frå opplæringa på førehand. For inntil samanlagt 10 skoledagar i 4

5 eit opplæringsår kan ein elev krevje at følgjande fråvær ikkje blir ført på vitnemålet/kompetansebeviset dersom det kan dokumenterast at fråværet skuldast: a) helse- og velferdsgrunnar b) arbeid som tillitsvald c) politisk arbeid d) hjelpearbeid e) lovpålagt oppmøte f) representasjon i arrangement på nasjonalt og internasjonalt nivå For at fråvær som skyldast helsegrunnar etter bokstav a ikkje skal førast på vitnemålet eller på kompetansebeviset, må eleven leggje fram ei legeerklæring som dokumenterer dette. Fråvær som skyldast helsegrunnar må vare meir enn tre dagar, og det er berre fråvær frå og med fjerde dagen som kan strykast. Ved dokumentert risiko for fråvær etter bokstav a på grunn av funksjonshemming eller kronisk sjukdom, kan fråvær strykast frå og med første fråværsdag. Organisert studiearbeid og skoleadministrative gjeremål etter avtale med faglæraren eller rektor, skal ikkje reknast som fråvær. Innanfor ramma av 10 skoledagar kan elevar som er medlemmer av andre trussamfunn enn Den norske kyrkja, krevje at inntil to dagar fråvær som er knytt opp mot ei religiøs høgtid, ikkje blir ført på vitnemålet eller kompetansebeviset. Det skal nyttast eit felles skjema som grunnlag for krav om at fråvær ikkje skal førast på vitnemål/ kompetansebevis. Skjema og dokumentasjon skal leverast til kontaktlærar fortløpande, det vil seie etter kvar gong eleven krev at fråvær ikkje skal førast etter reglane i forskrift til opplæringslova. Det er berre rektor som har mynde til å godkjenne om kravet skal takast til følgje. 4.5 Eleven kan krevje at årsakene til anna fråvær enn det som går fram av punkt 4 vert ført på vitnemål eller kompetansebevis. Eleven har sjølv plikt til å dokumentere årsakene til fråværet. 4.6 Avtalar med rådgjevar, helsesøster og pedagogisk-psykologisk teneste skal ikkje førast som fråvær. Eleven har plikt til å dokumentere også dette fråværet Ein privatist som er elev ved skulen skal ha fri eksamensdagen/ eksamenstida utan at det vert ført fråvær. Dette gjeld både skriftleg og munnleg eksamen. Dersom førebuingstida er del av eksamen, skal det ikkje førast fråvær for denne. Det vert ikkje gitt fri til ordinær lesedag før privatisteksamen. Dersom eleven likevel vel å ta ein lesedag, skal det førast fråvær for denne. Høgt fråvær, uavhengig av om reglane i punkt 4 er følgde eller om fråværet er dokumentert eller ikkje, kan føre til at det ikkje er mogeleg å gje standpunktkarakter. Avgjerdsmyndet her ligg til faglærar. Reglane om varsling i 3-7 i forskrift til opplæringslova gjeld. 4.9 Fråværsreglementet for dei vidaregåande skulane i Sogn og Fjordane gjeld frå Fråværsreglementet er vedteke i hovudutval for opplæring i sak 22/10, 18.august 2010, med heimel i forskrift til opplæringslova, OM BROT PÅ SKULEREGLEMENT Brot på skulereglementet kan, i tillegg 5

6 til nedsett karakter i orden og/eller i åtferd, føre til refsingstiltak eller særskilte tiltak. 5.1 Refsingstiltak kan t.d. vere: Påtale frå overordna Bortvising frå klassen/gruppa resten av timen etter avgjerd av faglærar Bortvising frå skulen for resten av av dagen etter avgjerd av rektor i samråd med eleven sine lærarar Tap av tilgang til spesielle aktivitetar etter avgjerd av skuleleiinga 5.2 Særskilt tiltak kan vere: Å stenge eleven ute frå undervisninga for inntil fem dagar etter avgjerd av rektor i samråd med lærarane til eleven. Bortvisning frå skulen resten av skuleåret etter vedtak av fylkeskommunen Tap av rett til vidaregåande opplæring etter vedtak av fylkeskommunen SAKSHANDSAMING VED REFSING/SÆRSKILDE TILTAK Eleven har rett til å bli orientert om rettane sine med omsyn til dokumentinnsyn, saksgang og klage. 6.1 Før refsingstiltak vert sett i verk, skal eleven ha høve til å forklare seg direkte til den som fattar vedtak om refsing. 6.2 Før særskilt tiltak vert sett i verk, skal det sosialpedagogiske personalet ha hatt høve til å uttale seg. 6.3 Særskilt tiltak kan nyttast dersom tilhøva ikkje betrar seg etter bruk av refsingstiltak og dei hjelpetiltaka skulen rår over. 6.4 Før det blir fatta vedtak om bortvising eller tap av rettar, skal eleven ha skriftleg varsel med opplysningar om grunnlaget for vedtaket. Jf. Forvaltningslova, Klage på utestenging skal rettast til Opplæringsavdelinga i Sogn og Fjordane. Klage på tap av rett til vidaregåande opplæring skal stilast til Fylkesmannen i Sogn og Fjordane. EKSKURSJONAR Når du deltek på ein ekskursjon organisert av Hafstad vidaregåande skule, gjeld skulen sitt reglement. 7.1 I tillegg til ordensreglementet må du rette deg etter: ekskursjonsreglementet ved skulen reglar som ekskursjonsansvarleg lærar utarbeider saman med elevane påbod frå ekskursjonsansvarleg/ medfølgjande lærar(-ar). 7.2 Ekskursjonar er eit ledd i opplæringa. Alle arrangement er ein del av det faglege opplegget og er difor i utgangspunktet obligatoriske. KONTAKT OG SAMARBEID MELLOM SKULE OG HEIM Det skal leggjast vekt på å skape gode samarbeidsforhold mellom skule og heim. Foreldre og føresette til elevar som ikkje er myndige, har krav på informasjon om tilhøve som kan ha noko å seie for i kva grad eleven når måla i opplæringa. 8.1 Slikt samarbeid vert organisert gjennom foreldremøte og/eller ved konferanse mellom foreldre/føresette og skulen. 8.2 Elevar og foreldre/føresette til elevar under 18 år har rett til slik informasjon: Informasjon om ordensreglementet Melding om termin- og standpunktkarakter Melding om at eleven har høgt fråvær 6

7 Varsel om fare for at eleven ikkje får vurdering i fag, og grunnen til dette. Varsel om fare for nedsett karakter i orden og/eller åtferd, og grunnen til dette. Melding om gjentekne refsingstiltak Informasjon om rettane til eleven og om saksgangen i samband med refsingstiltak, særskilte tiltak og klage Informasjon dersom ein vesentleg del av opplæringa skal gå føre seg utanfor skulen Informasjon om spesielt risikofull opplæring/aktivitet Informasjon om særskilde problem i forhold til opplæringa/skulegangen og behov for spesialundervisning og/eller sosialpedagogiske tilbod Informasjon om høve til å samarbeide om å utforme sosialpedagogiske tilbod til eleven VEDLEGG IKT-reglement for elevar og tilsette i vidaregåande opplæring i Sogn og Fjordane 1 Virkeområde Dette reglementet gjeld for elevar og tilsette som brukar skulen sine IKT-ressursar som PCar, nettverk, program og læringsplattform. Reglementet gjeld og bruk av andre sine IKTressursar når dei vert brukte i samband med skulen. Vi viser elles til felles skulereglement og etiske retningsliner for fylkeskommunen. 2 Bruk av IKT-ressursar Skulen sine IKT-ressursar skal brukast for å oppfylle skulen sine formål og læreplanmål. Ein må vere registrert som elev, lærling eller tilsett ved skulen eller ved ein annan skule i fylket for å få tildelt brukaridentitet og/eller tilgang til å bruke skulen sine IKT-ressursar. Rektor kan ved særskilde høve gi andre avgrensa tilgang. Passordet skal haldast hemmeleg og skal berre brukast av deg. Ein skal ikkje prøve eller tileigne seg andre sin brukaridentitet eller passord, eller å la uvedkommande nytte din brukaridentitet. Ein skal ikkje bruke IKT-utstyr i skulen på ein måte som opptar større ressursar enn naudsynt eller som strid mot opphavsrettslege høve. Ein skal heller ikkje nytte skulen sine IKT-ressursar til privat kommersiell verksemd eller til handlingar som krenkar grenser for sømeleg åtferd. 3 Rettar og ansvar Brukarar har krav på at personvern og integritet til eigne data ikkje vert krenka. Skulen vil kunne logge nettverksaktivitet, men skal ikkje lese innhald i private meldingar eller filer. Skulen vil ikkje utlevere loggar med mindre det vert pålagt av rettsvesen, gjennom dom eller lover. Brukarar er ansvarlege for dei data som dei lagar eller handsamar på skulen. Skulen sine lokale og IKT-utstyr skal ikkje nyttast til å produsere, lagre eller distribuere nokre former for datainnhald som kan oppfattast krenkjande eller sårande eller som strid mot gjeldande lover og reglar. Brukarane er sjølve ansvarlege for å ta sikkerheitskopi av eigne data dersom ikkje anna er avtala. Ved høve kan det krevjast at filer vert sletta frå sentrale lagringssystem. Dersom slikt pålegg om sletting ikkje vert følgt, kan naudsynt sletting gjerast av skulen sitt IKT-personell. 4 Inngrep og sanksjonar Skulen sitt driftspersonell har som oppgåve å sikre funksjonaliteten til IKT-systema. Dei kan utføre inngrep for å ta i vare funksjonalitet når dette er naudsynt. Ved slike inngrep skal bruker varslast så snart som praktisk muleg. Brot på IKT-reglementet vil føre til sanksjonar. Skulen kan krevje at IKT-utstyr blir tatt ut av bruk dersom det ligg føre regelbrot eller for å sikre drifta av datasystem og nettverk. Skulen kan og innskrenke ein bruker sine rettar ved misbruk eller feilbruk. Misbruk av IKT-utstyr eller andre brot på regelverk kan også føre til nedsett ordensog/eller åtferdskarakter. Lovbrot vil bli meld. 5 Ansvarsfråskriving Skulen er ikkje ansvarleg for tap av data eller andre tap som skuldast svikt i interne eller eksterne IKT-tenester. Skulen har ikkje noko ansvar for privat IKTutstyr. 6 Bruk av privat IKT-utstyr Privat IKT-utstyr kan brukast i skulen sitt datanett, føresett at dei oppfyller visse minimumskrav til maskin- og programvare. Skulen kan krevje at nokre program må vere installert på private PC-ar før dei kan brukast i skulen sitt datanett. Dette gjeld beskyttelsesprogram (som til dømes oppdaterte antivirus-program). Det kan og vere at det må installerast nødvendig programvare eller opplæringsprogram som eleven treng til læringsarbeidet. 7

8 Brukarar må sjølve ordne med teknisk support og service på private PC-ar. Skulen skal syte for straum til lading i undervisingsrom og elles der PC vert nytta. Det er ikkje tillate å bruke andre dataprogram eller utstyr enn det skulen si IKT-leiing godtar. 7 Bruk av IKT under prøver og eksamen Den enkelte elev er sjølv ansvarleg for at IKTbruken under prøver og eksamen er i samsvar med tillatne hjelpemiddel, og at kommunikasjonsmoglegheit ikkje vert nytta utan at det er gitt særskilt løyve til det. Fusk eller forsøk på juks med IKT under prøver eller eksamen fører til bortvisning og nedsett ordensog åtferdskarakter. 8 Særlege reglar For spesielle høve som ikkje er dekt av dette IKT-reglementet, har den enkelte institusjon høve til å vedta tilleggsreglar. 8