GNR 44 BNR 6 OG 32, MYKLEBUST/GOLVSENGANE, EID KOMMUNE TOMT TIL BARNEHAGE

Transkript

1 eid kommune PLANPLAN- OG UTVIKLINGSAVDELINGA GNR 44 BNR 6 OG 32, MYKLEBUST/GOLVSENGANE, EID KOMMUNE TOMT TIL BARNEHAGE FRAMLEGG TIL REGULERINGSENDRING PLANOMRÅDET SETT FRÅ NORD. FOSSEVEGEN I VENSTRE BILLEDKANT. PLANOMTALE OG FØRESEGNER REVIDERT

2 2 1 Føreord På oppdrag frå Eid kommune, plan- og utviklingsavdelinga, er det utarbeidd framlegg til reguleringsendring for gnr 44 bnr 6 og 32, Myklebust/Golvsengane i Eid kommune. Planforslaget er utført av Arki Arkitektar ved sivilarkitekt MNAL Hallvard Naustdal og Flataker Landskap ved landskapsarkitekt MNLA Kari Johanne Flataker. Ei kommunal prosjektgruppe leia av kommunesjef Harald Sivertsen har vore kommunen sin part i prosjektet. Planarbeidet vart avslutta i oktober Informasjon om grunntilhøva kom til seint i prosessen. Det meste av planomtalen er skreven utan kjennskap til dei geotekniske tilhøva på tomta. Etter ferske geotekniske vurderingar viser det seg at det er usikkerheit med omsyn til geoteknisk stabilitet. Ein står difor over for valet om å innhente meir informasjon om grunntilhøva via prøveboringar, eller vurdere alternativ lokalisering av formålet. 2 Grunnlag og målsetting for planarbeidet 2.1 Gjeldande planar Området er i reguleringsplan for Golvsengane/Høgebakkane (stadfesta feb. 2008) sett av til bustadføremål (B10) og bustad og friluftsareal (delar av B11). 2.2 Målsetting Føremålet med planendringa er omregulering frå bustad til barnehage. Reguleringsendringa skal og sikre tilfredsstillande tilkomst og gode uteareal. Oppstart av planarbeidet vart vedteke av kommunestyret i Eid (K-sak 14/08). 3 Planområdet 3.1 Lokalisering og avgrensing Planområdet omfattar eit område i Myklebuståsen. Arealet er vel 9,8 dekar og grensar mot Fossevegen i aust, til gardstun i sør, og mot dyrka mark i vest og nord, jf kart nedanfor. 3.2 Eigedomstilhøve Det er følgjande gards- og bruksnummer, og eigarar innanfor planområdet: Gbnr 44/6: Oddbjørg Myklebust, Skulevegen 68A, 6770 Nordfjordeid Gbnr 44/32: Lars Viktor Bjørkevoll, Skulevegen 90, 6770 Nordfjordeid

3 3 4 Området i dag 4.1 Landskapet Terrenget er sørvendt og det er gode soltilhøve både sommar og vinter. Planområdet strekk seg frå kote +25 i sørvestre del til ca kote + 45 i nord og har ei gjennomsnittleg helling i øvre del på om lag 1:10. Det er tre markerte terrengformer innanfor feltet. Desse er vist på kartfigur 1 på neste side: 1. Opa slette på øvre nivå 2. Rygg/knaus tettvoksen med skog 3. Linjedrag/søkk Sletta (1) utgjer storparten av planområdet. Området er ope og har ei slak helling mot sør/ sør-vest på om lag 1:10. Arealet er nytta til jordbruk, dyrka mark i dag. I sørvestre del av planområdet er det ein bratt skrent (2) ned mot bustadane sør for planområdet. Området er tett tilvakse med blandingslauvskog av mellom anna rogn, bjørk, selje og or. Ryggen har ei helling på om lag 1:3. Langs plangrensa i vest er der eit markert linjedrag/søkk i terrenget (3). Søkket er danna av ryggen nemnt over og ein tilsvarande terrengformasjon vest for plangrensa. Skogen i sørvestre del av planområdet kan bli eit spennande supplement til opparbeidde leikeareal ved bygningane. Her fins store tre, kratt, steingardar og stiar.

4 4 Figur 1: Landskap Planområdet med terrengformer vist på flyfoto henta frå Fylkesatlas Sogn og Fjordane.

5 5 5 Merknader etter varsel om oppstart Melding om oppstart av planarbeidet vart gitt Informasjon om dette vart gitt ved brev til grunneigarar og naboar i området, til offentlege instansar og ved annonsering i Fjordabladet. Etter varsel om oppstart har det kome inn uttale frå følgjande partar: Fylkesmannen i Sogn og Fjordane, brev datert Miljøvernavdelinga minner om rikspolitiske retningsliner for barn og unge punkt 5 om krav til fysisk utforming, der det går fram at arealer og anlegg som skal brukes av barn og unge skal være sikret mot forurensning, støy, trafikkfare og annen helsefare og at det må setjast av tilstrekkeleg store nok og eigna areal til barnehagar. Kommentar: Eit av måla med planarbeidet er å vurdere om arealet er stort nok til ein 8-avdelings barnehage. Illustrasjonar/snitt syner at det let seg gjere å oppfylle dei kommunale arealkrava, og dei statlege retningslinjene innanfor denne tomta, jf omtale av planforslaget i pkt 6. Sogn og Fjordane Fylkeskommune, Kulturavdelinga, brev datert Sogn og Fjordane Fylkeskommune sette i samband med utarbeding av reguleringsplan for Golvsengane/Høgebakkane i 2005 krav om at det måtte gjennomførast arkeologiske registreringar i planområdet. Ved registrering vart det i store delar av planområdet påvist automatisk freda kulturminne frå busetnad og erverv frå yngre steinalder og fram til den yngre delen av jarnalderen. Med grunnlag i ønske frå tiltakshavar vart det søkt Riksantikvaren om dispensasjon frå Lov om kulturminne for større delar av dei påviste automatisk freda kulturminna. Dette gjeld også det arealet som det no er varsla endringar for. Riksantikvaren innvilga dispensasjonen på vilkår og det vart utført arkeologiske utgravingar på staden i Dispensasjonen gjaldt også ovannemnde areal. Sogn og Fjordane Fylkeskommune har på bakgrunn av dette ingen merknadar til varsel om oppstart av endring av reguleringsplanen. Kommentar Merknaden er teken til vitande. Område B10 er frigjeve for bygging. Statens vegvesen, Region vest Fjordane distrikt, brev av Har ingen merknader til endring av nemnte reguleringsplan.

6 6 6 Omtale av planforslaget 6.1 Planområdet Planområdet har eit totalt areal på vel 9,8 dekar. Arealet er fordelt på dei ulike reguleringsføremåla slik tabellen under viser. Reguleringsføremål Plannemning Areal, totalt Byggeområde; Almennyttig, barnehage 7222 m2 Offentlege trafikkområde, gang- og sykkelveg/fortau 457 m2 Offentlege trafikkområde, anna veggrunn 250 m2 Privat veg 1900 m2 Totalt 9829 m2 6.2 Almennyttig, barnehage Illustrasjonsplanen viser åtte avdelingar fordelt på to bygg med alt på eitt plan. Samla BTA for barnehage og uthus er 1250 m2, jf oppstillinga nedanfor. Ein tenkjer seg småbarnsavdelingane i aust og dei andre i vest, slik at dei største barna får god tilgang til leikeskogen i sørvest. Bygningane er plasserte nord på tomta for å få samanhengande og sørvendte uteopphaldsareal. Nivå innvendig golv er lagt på kote 40, som er 2-5 meter lågare enn parkeringsplassen i nord. Bygningane har skråtak med takvinkel mellom 10 og 20 grader. Materialbruk i fasader er tre og glas. Illustrasjonen nedanfor viser forslag til bygningsvolum og prinsipp for arrondering av tomt. + 44,5 + 44,5 +40,0 +40,0 Arealbehov: Arealet er stort nok til å ivareta dei arealkrava som er lista opp i tilbodsinnbydinga og retningsgjevande arealkrav for uteområde lista opp i Veileder for utforming av barnehagens utearealer frå Kunnskapsdepartementet. Nivåforskjellane gjer det imidlertid noko krevjande å få til gode løysingar og oppfylle krava til universell utforming. Følgjande er lagt til grunn for illustrasjonsplanen: Arealbehov bygg Bygg BTA: 1150 m2 jf tilbodsinnbydinga Uthus BTA: 100 m2 Totalt: 1250 m2 Samla arealbehov Bygg BTA: 1250 m2 jf tilbodsinnbydinga Uteareal: 2880 m2 rettleiande iflg veileder KD Sum: 4130 m2 Disponibelt tomteareal: 7222 m2

7 7 6.3 Utnyttingsgrad Tomteutnyttinga vert utrekna etter Norsk Standard Den er vist med prosent bebygd areal, BYA. Bebygd areal er det arealet bygninga opptek av tomtearealet, inkludert bygningsdelar utanfor fasaden som har verknad på bruksverdien til det underliggande terreng, jf figur nedanfor. 6.4 Tilkomst og parkering Tilkomst vil skje via regulert køyreveg i nord eller via gangveg/fortau. Universell utforming er vektlagt. I tillegg er det lagt vekt på trafikksikker tilkomst i hente-/bringesituasjonen der gåande og syklande i størst mogleg grad er skilt frå biltrafikken. Parkeringsarealet er lagt langs vegen i nord. Det er lagt opp til einvegskøyring med innkøyring i vest (om lag kote 42) og utkøyring i aust (kote 47). Vegane er dimensjonerte for liten lastebil. Det er lagt opp til skråparkering for å understreke køyreretninga og for å gi mest mogleg oversikt ved rygging. Plassen har ei stigning på 1:20 frå vest mot aust. Sjølve utkøyringa har stigning 1:10. Det er lagt opp til HC-tilkomst frå parkeringsplassen via rampe i nordvest, fall 1:20. I tillegg er det tilkomst via trapp i nord. Tilsetteparkering/gjesteparkering Dei tilsette parkerar på nordre del av plassen, 36 plassar. Dette meiner vi bør vere tilstrekkeleg då det er maks 40 tilsette på arbeid samtidig og nokre av desse blir køyrt eller går/syklar. Foreldreparkering Foreldreparkering skjer langs fortau mot sør, 29 plassar. Ein kan alternativt ha kantsteinsparkering langs fortauet, antal plassar blir då redusert frå 29 til ca 16. Foreldre/barn slepp å krysse parkeringsplassen i begge tilfella. Estimert parkeringsbehov for levering/henting av 110 barn: Ca 90 foreldre (pga søsken), derav 10 syklande/gåande. Dette gir ca 80 bilar i perioden 7:30 til 9:30, derav antatt ca 60 i tida mellom 7:30 og 8:30. Kvar bil står maks 15 min, dette gir i snitt 15 bilar samtidig. Stipulert ut frå dette maks bilar samtidig. Sykkelparkering Det er lagt til rette for sykkelparkering ved dei to tilkomstane frå parkeringsplassen til barnehagen. Den nordlege har plass til sykkeltilhengar. Varelevering og boss For varelevering og bosshenting bruker ein parkeringsplassen i nord med same køyremønster som for trafikken elles. Det er ikkje lagt opp til separat tilkomst for dette då det er problematisk og arealkrevjande gitt dei topografiske tilhøva på tomta. Totalt er det lagt til rette for 65 parkeringsplassar innanfor planområdet.

8 8 6.5 Uteareal Uteområdet ligg sørvendt og fint til. Ein må heve nivået i ei sone nærast bygga for å få samanhengande flate område eigna til leik og opphald for alle. I vestre del må ein pårekne å heve nivået 3 4 meter og eventuelt nytte støttemur mot gangvegen i vest. Skogen i søndre del av planområdet blir eit spennande supplement til opparbeidde leikeareal ved bygningane. Uteareala ved småbarnsavdelingane kan fysisk skiljast frå resten av uteområdet. Dersom ønskjeleg kan dei midtre delane av tomta nyttast til felles leik. 6.6 Geotekniske undersøkingar Geovest-Haugland AS utførte våren 2005 geotekniske undersøkingar i samband med reguleringsplan for Høgebakkane/Golvsengane. Ein har oppretta dialog med firmaet i samband med dette planarbeidet, og med bakgrunn i utarbeidd illustrasjonsplan skisserer dei i brev av eit tilbod med tre ulike alternativ: 1A Innleiande stabilitetsanalyser utført på grunnlag av prøver tatt B Supplerande stabilitetsanalyser utført på grunnlag av prøver tatt Nye grunnundersøkingar og etterfølgjande stabilitetsvurdering Geovest-Haugland AS har i oktober 2008 utført innleiande stabilitetsanalyser (pkt 1A) for barnehagetomta. Stabiliteten er berekna i 2 profilar, eitt gjennom kvart av bygga. For den vestlege profilen har ein berekna sikkerheitsfaktorar som er for låge til at ein kan anbefale utbygging. I notat datert står det: På bakgrunn av foreliggende informasjon om grunnforholdene, kan vi ikke på nåværende tidspunkt anbefale at dette prosjektet settes i gang. Da de mest kritiske bruddflatene går midt gjennom bygget og skråningen på nedsida, vil en trolig få relativt liten effekt av å masseutskifte med lette fyllmasser under parkeringsplassen. For å oppnå tilstrekkelig effekt av et slikt tiltak, må en trolig masseutskifte flere meter. Det vil i så fall bli relativt kostbart, trolig snakker vi om flere millioner. På nåværende tidspunkt vil vi derfor anbefale at en henter inn mer informasjon om de opptredende grunnforholdene.. Slik vi ser det må kommunen no vurdere ytterlegare omfang og framdrift av geotekniske undersøkingar for prosjektet, for å få best mogleg bakgrunn for å bestemme om tomta er aktuell for formålet. 6.7 Konklusjon Planforslaget viser at tomta er stor nok til å tilfredsstille arealkrava for bygg, uteområde og parkering. Hellinga av tomta er ikkje det beste utgangspunktet for å bygge ein så pass stor barnehage med tanke på universell utforming, funksjonalitet og tomteutnytting. Ei flatare tomt ville truleg gi betre utnytting og lettare gi rom for gruppering av bygg. Vi meiner at planforslaget syner ei god løysing for den aktuelle tomta. Bygga ligg godt plasserte og der er god kopling mot sørvendte uteareal frå alle avdelingane. Det meste av uteareala kan gjerast tilgjengeleg for alle ved arrondering. Parkering har og fått ei bra løysing med høg grad av trafikktryggleik for barn og mjuke trafikkantar. Geoteknisk stabilitet kom opp som ei problemstilling seint i planprosessen. Når det no viser seg at det er usikkerheit med omsyn til geoteknisk stabilitet står ein overfor eit val om å innhente meir informasjon om grunnforholda gjennom prøveboringar eller vurdere alternativ lokalisering av formålet.

9 9 1 GENERELT FØRESEGNER REGULERINGSENDRING FOR GNR 44 BNR 6 OG 32, MYKLEBUST/GOLVSENGANE EID KOMMUNE Føresegner datert Plankart datert Desse føresegnene gjeld for området innanfor reguleringsgrensa på plankartet. Utbygging av området skal skje i samsvar med plankartet og føresegnene. 1.2 Føresegnene kjem i tillegg til det som vert bestemt i plan- og bygningslova med forskrifter, samt vedtekter til plan- og bygningslova vedtekne av kommunestyret i Eid. 1.3 Etter at reguleringsplanen er vedteken, er det i planområdet ikkje tillate å inngå privatrettslege avtalar i strid med planen. 1.4 Området er regulert til følgjande føremål: Byggjeområde (pbl 25.1) - Almennyttig, barnehage Offentlege trafikkområde (pbl 25.3) - Gang- og sykkelveg/fortau - Anna veggrunn Spesialområde (pbl 25.6) - Privat veg - Frisiktsone ved veg 2 FELLES FØRESEGNER 2.1 Byggjegrenser Byggjegrenser er vist på plankartet. Mindre byggverk kan plasserast utanfor byggjegrense. 2.2 Gesimshøgde Gesimshøgde skal målast som definert i Teknisk forskrift til plan- og bygningslova. 2.3 Materialbruk og form Materialbruk i fasader skal vere tre og glas. Materialbruken skal vere med på å gje området ein samanhengande heilskap, og skal også inkludere takflater. Bygning skal ha saltak eller pulttak med takvinkel mellom 10 og 20 grader.

10 Vatn, kloakk, straum Vatn, kloakk, straum, telefon m.m. kan leggjast etter eigna traséar innanfor planområdet. 2.5 Geoteknisk dokumentasjon Geoteknisk dokumentasjon skal foreligge før utbygging av området. 3 BYGGJEOMRÅDE 3.1 Almennyttig, barnehage Området kan nyttast til barnehage, med naudsynte bygningar og anlegg. Det er høve til bearbeiding av terrenget i den grad dette er naudsynt for å opparbeide tenlege uteområde. Slike tiltak skal visast i ein detaljert landskapsplan som skal godkjennast av Eid kommune. Øvre gesimshøgde på bygning skal ikkje overstige 4,5 meter. Samla utnyttingsgrad er sett til maks BYA= 25 %. 4 OFFENTLEGE TRAFIKKOMRÅDE 4.1 Gang- og sykkelveg/fortau Gang- og sykkelveg/fortau skal opparbeidast med breidde som vist på plan. 4.2 Anna veggrunn Vegformål vist i planen er areal langs regulert gang-/og sykkelveg. Formål er opplagring av snø, grøfter og liknande. Sideareal skal jordslåast og tilstellast i samband med veganlegget. 5 SPESIALOMRÅDE 5.1 Privat veg Areal vist som privat veg skal opparbeidast til veg og parkering som vist på plan. 5.2 Frisiktsone I området mellom frisiktline og køyreveg (frisiktsona) skal det vere fri sikt i ei høgd mellom 0,5 meter og 2,5 meter over nivået til dei tilstøytande vegane. Høgstamma tre, trafikkskilt og lysmaster kan plasserast i frisiktsona. * * *