Rektangelg. Avløpsforskrift separate anlegg. Ørsta kommune. Forslag til. IT-arkiv: C:\staging\3FA2517F-44EF-10BDA4\in\3FA2517F-44EF-10BDA4.

Transkript

1 Rektangelg AS Ørsta kommune Forslag til Avløpsforskrift separate anlegg IT-arkiv: C:\staging\3FA2517F-44EF-10BDA4\in\3FA2517F-44EF-10BDA4.doc

2 forslag til forskrift om utslepp frå separate avløpsanlegg Innhald Side Innleiing...3 Regelverk omkring utslepp frå mindre avløpsanlegg...3 Lokal forskrift for utslepp av avløpsvatn...4 Eksempel på lokale forskrifter i andre kommunar...6 Forskrift om utslepp av avløpsvatn frå hus, hytter og andre bygningar i Ørsta kommune Formål Verkeområde Definisjonar Søknad om utsleppsløyve frå mindre avløpsanlegg Innhald i søknad om enkle utslepp Innhald i søknad om tiltak Utsleppsreglar for Ørsta Krav til forundersøking Krav til utføring Tilsyn Unntak Iverksetting...10 Kommentarar til forskrift om utslepp av avløpsvatn frå hus, hytter og andre bygningar...11 Sluttkommentar...14 Vedlegg...14 Oktober 2003 Side 2 av 14

3 Innleiing Ørsta kommune har under revidering hovudplan/kommunedelplan for avløp. I denne samanheng ønskjer ein også å utarbeide ei lokal forskrift for separate utslepp inn under ramma av 15 PE slik Forskrift om utslepp av avløpsvatn gir høve til. Arbeidet er så langt eit administrativt forslag som ikkje er evaluert politisk og ein tek atterhald om eventuelle endringar både før og etter utlegging til offentleg ettersyn. Forskrifta vil bli lagt ut til offentleg ettersyn samstundes med tilsvarande for kommunedelplan avløp. Regelverk omkring utslepp frå mindre avløpsanlegg Regelverket omkring dette er i hovudsak styrt av a) Forskrift om utslepp frå mindre avløpsanlegg gjeldande frå , jf. vedlegg 1, og gitt med heimel i Lov om vern mot forurensinger og om avfall av 13. mars (Denne forskrifta er under revidering og eit forslag er ute på høyring med høyringsfrist ) Forskrifta gjeld utslepp av avløpsvatn frå bustader, fritidsbustader og andre bygg med innlagt vatn når utsleppet skal knytast til mindre avløpsanlegg og avløpsmengda ikkje overskrid 1000 PE rekna som biologisk oksygenforbruk over fem døgn, BOF 5, tilsvarande 1500 personar eller ca abonnentar/husstandar, alt etter kor mange personar ein reknar pr. abonnent/husstand. Søknader om utsleppsløyve etter denne forskrifta blir avgjort av kommunen. Søknader for utslepp over 15 PE, tilsvarande ca. 22 personar eller 5 abonnentar/husstandar, skal handsamast etter reglane i Forskrift om saksbehandling etter forurensingslova, gjeldande frå , før utsleppsløyve blir gitt. (I forslag til ny forkrift er grensa utslepp etter for lokal forskrift sett til 1000 PE) b) Lov om vassdrag og grunnvann (vannressursloven) gjeldande frå Formålet med denne lova er å sikre samfunnsmessig forsvarleg bruk og forvaltning av vassdrag og grunnvatn. Som vassdrag er definert alt stilleståande eller rennande overflatevatn med årsikker vassføring med tilhøyrande botn og breidder inntil høgste vanlege flomvasstand. Vassdrag tilhøyrer eigaren av den grunn det dekker om ikkje anna følgjer av særlege rettstilhøve. Grunnvatnet er definert som grunneigar sin eigedom. Vatnet i sjøar, elvar og bekkar som ikkje tørkar ut oftare enn ein gong pr. 10 år, er det samfunnet som har forvaltningsretten over. Grunneigar kan motsette seg at andre utan særskilt rettsgrunnlag utøver rådvelde over vassdrag som tilhøyrer han. Det at grunnvatnet nå så klart er definert som grunneigar sin eigedom, gjer at ein må vere ennå meir kritisk til infiltrasjonsløysingar som kan forureine Oktober 2003 Side 3 av 14

4 nedstraums. Ein må helst vente seg ei meir kritisk haldning frå naboar til avløpsanlegg med sluttutslepp til grunnvatn. Vassdragsstyresmaktene kan fastsette kvalitetsmål for vassdraget og styresmaktenes sine plikter om kvalitetsmål ikkje blir nådd. Kvalitetsmål skal vere bindande for utøving av offentleg styresmakt. Kvalitetsmål for forureinande stoff blir å fastsette etter forurensingsloven. Samla planlegging av ulike tiltak innan eitt vassdrag bør skje etter regelverket i Plan- og bygningsloven. Konsesjonspliktige tiltak må ha særskild godkjenning etter vassdragsloven, uavhengig av Pbl. Kongen fastset kven som er vassdragsstyresmakt og kva vassdragstyresmakt som kan treffe vedtak etter lova, herunder legge oppgåver til kommunar. c) Plan og bygningsloven, gjeldane frå , sist endra Det aller meste av tiltak som er aktuelle å gjennomføre av kategori utslepp frå mindre avløpsanlegg er plan- og prosessmessig styrt av regelverket i planog bygningsloven, samordna med aktuelt regelverk i spesiallover/spesialforskrifter som Forskrift om utslepp frå mindre avløpsanlegg og Lov om vassdrag og grunnvann. d) EU-direktiv Det såkalla Avløpsdirektivet er gjennom EØS-avtalen gjort til forskrift i Noreg, og er eit styrande minstekrav for vårt nasjonale regelverk. Det pågår for tida ei eit arbeid i regi av SFT/Miljøverndepartementet for å samle ei rekke forskrifter innan forureiningsområdet til ei forskrift. Like så pågår det eit arbeid hos sentrale styresmaketer med vurdering om også Vanndirektivet i EU skal gjerast gjeldande for Noreg. Norsk politikk på avløpsområdet har historisk vore det ein kan kalle resipientorientert. Det same kan ein seie om Vanndirektivet, medan Avløpsdirektivet er meir by/tettstad eller politisk orientert. Lokal forskrift for utslepp av avløpsvatn Det har ikkje vore utarbeidd lokal forskrift for avløp i Ørsta kommune, og ein la til grunn dei relativt detaljerte retningslinene i Forskrift om utslepp frå separate avløpsanlegg. I sist godkjende hovudplan for avløp blei det i søknad om utsleppsløyve innpassa eit eige punkt om løyve til avvik frå retningslinene ved opprydding/godkjenning av innlagt vatn i eksisterande hytter baset på oppsamlingstank/infiltrasjon av gråvatnet i kombinasjon med kjemikalieklosett eller biologisk klosett utan avløp. For nye hytteområde vart det lagt til grunn ein tilsvarande modell, men med større oppsamlingstankar. Forskrift om utslepp frå separate avløpsanlegg vart oppheva og avløyst av den langt mindre detaljerte Forskrift om utslepp frå mindre avløpsanlegg for å få betre samordning med EU-direktivet, og betre dekke opp dei mindre utsleppa som var lite detaljert omhandla i Avløpsdirektivet. Oktober 2003 Side 4 av 14

5 I Ørsta som mange andre kommunar oppstod det eit visst vakuum i mangel av eit detaljert regelverk å støtte seg til, og ein valde å halde fram med den forvaltningspraksis som var innarbeidd tidlegare gjennom hovudplan avløp, sjølv om denne ikkje lenger hadde noen formell forankring i ny forskrift. Dette ønskjer ein nå å rette på som del av prosessen omkring hovudrullering av kommunedelplan for avløp. Ønsket er å ha eit minst like detaljert og tilpassa regelverk å støtte seg til som før. Målet er å hindre at nye forureinande utslepp blir etablert til skade på miljø og natur, samstundes som ein ønskjer å gjere regelverket lettare tilgjengeleg for publikum og gjere separate utslepp likeverdige med kommunale i anleggsstandard og drift. Regelverket må vere tilpassa den saksbehandlingspraksis ein i dag har innarbeidd i kommunen andsynes saker som skal formelt handsamast etter regelverket i Plan og bygningsloven. Ein ønskjer å legge til grunn ei resipientorientert lokal forskrift med detaljerte standardløysingar for dei utsleppsituasjonar som er typiske for Ørsta kommune, og som omfattar både kysttilhøve og innlandstilhøve, ikkje infilterbar grunn og område der infiltrasjon kan vere mogleg. Dette omfattar da utslepp til gode sjøresipientar mindre gode sjøresipientar/terskelfjordar utslepp til stilleståande ferskvatn utslepp til bekk/elv utslepp til grunnvatn Når det gjeld tekniske løysingar ønskjer ein å legge til grunn dei standardløysingar som er oppsummert i prosjektrapport nr frå NORVAR, Utslipp fra mindre avløpsanlegg, teknisk veiledning, men den endring at ein ikkje ønskjer bruk av sandfiltergrøfter i kommunen. Sandfiltergrøfter har ikkje vore akseptert løysing i Ørsta kommune på mange år, dels etter påtrykk frå fylkesmannen. Ein ser ikkje noen grunn til å endre denne praksis da bygging og drift av denne type anlegg har vist seg problematisk. Ein ønskjer også å vidareføre den praksis ein har hatt med å kreve minimum slamavskiljar på alle utslepp til sjø, også til gode sjøresipientar. Dette gjer ein ut frå eit grunnleggande syn på miljø og natur i Ørsta kommune som inneber at ingen utslepp av hushaldningskloakk skal vere ubehandla. I tillegg ønskjer ein av hygieniske årsaker at standard djupne for utslepp til sjøresipient skal vere kt.-10 m NGO, for vatn 5 m i høve til middelvasstand og i elv/bekk 1,5 m tilsvarande. Der det er langgrunt, kan ein redusere utsleppsdjupet til oppnåeleg djup 100 m frå land i sjø, 50 m i vatn og midt av elv/bekk. Kravet til utslepp til elv/bekk er at definert minstevassføring ikkje skal underskridast oftare enn ein gong kvart 10. år. Einaste godkjennbare løysing for utbehandla avløp er avløp til tett tank og tømming i samsvar med forskrift for tvungen slamrenovasjon. Dette slamtømmingskravet vil ein også stille til alle produsentar av slam, enten i slamavskiljarar eller i høggradige biologiske og kjemiske reinseanlegg. Oktober 2003 Side 5 av 14

6 Eksempel på lokale forskrifter i andre kommunar Det finst ingen eksempel frå kommunane i Møre og Romsdal på lokale forskrifter inn under ramma av Forskrift om utslepp frå mindre avløpsanlegg og som er formalisert som forskrift. Ein del kommunar har i som del av kommunedelplan avløp gjort vedtak om at den utgåtte Forskrift om utslipp fra spredt bebyggelse skal gjelde for kommunen inn til ei ny lokal forskrift blir utarbeidd. I fylka Sør-Trøndelag, Oppland, Akershus, Rogaland, Hordaland og Buskerud finst det kommunar som har utarbeidd slike forskrifter. Forskriftene er relativt like, men skil seg frå kvarandre på eit viktig punkt når det gjeld saksbehandling: Utsleppsløyve etter melding til kommunen, og eter søknad til bygningsstyremaktene, sjå følgjande linkar eller vedlegg med forskrift for Sola kommune og for Hemsedal kommune som eksempel. Fylke Kommune Meldingsbasert Søknadsbasert Sør-Trøndelag Hemne nr 0746: Oppland Sør-Fron nr 0400: Nord-Aurdal nr 1875: Sel nr 1855: Østre Toten nr 0899: Akershus Frogn kommune, nr 1507: Nesodden nr 0466: Ullensaker nr 1450: Østfold Hobøl nr 1167: Telemark Bamble nr 1743: Buskerud Hemsedal nr 1853: Hol kommune nr 1170: Rogaland Sola nr 1667: Utskrift av lokal forskrift for Sola som eksempel m/melding følgjer som vedlegg 2, for tilsvarande m/søknad følgjer kopi av lokal forskrift for Hemsedal, vedlegg 3. Oktober 2003 Side 6 av 14

7 Forskrift om utslepp av avløpsvatn frå hus, hytter og andre bygningar i Ørsta kommune På grunnlag av ovanståande har ein administrativt utarbeidd følgjande forslag til forskrift for utslepp frå mindre avløpsanlegg: Fastsett av Ørsta kommunestyre XX. XXX.XXXXX med heimel i forskrift av 12. april 2000 nr. 352 om utslepp frå mindre avløpsanlegg 5 jf. lov av 13. mars 1981 nr. 6 om vern mot forurensninger og om avfall (Forurensningsloven) Formål Lokal forskrift for mindre avløpsanlegg skal betre informasjon til publikum om kva prinsipielle krav til denne type anlegg som gjeld for Ørsta kommune og medverke til å forenkle kommunen si sakshandsaming i samband med søknad om utslepp frå mindre avløpsanlegg Verkeområde Forskrifta gjeld utslepp av avløpsvatn frå hus, hytter og andre bygningar med innlagt vatn i område utanfor reinsedistrikt slik dei er definert i kommunedelplan avløp, eller i område utan offentleg avløpsnett i Ørsta kommune. Utsleppet må ikkje vere større enn 15 PE. I verkeområdet vil bustader og fritidsbustader som ligg innanfor ein gjennomsnittleg avstand på inntil 100 m bli vurdert under eitt. Også bustader og hytter utan innlagt vatn skal reknast med i gjennomsnittsavstanden. Gjennomsnittsavstanden blir utrekna som sum avstandar mellom hus/hytter i området dividert med antal hytter i det same området. Blir antal hytter/bustader innanfor ein gjennomsnittsavstand av 100 m lik eller mindre enn 7, kan det søkast om utsleppsløyve etter denne forskrifta. I motsett fall må det søkast om utsleppsløyve etter Forskrift om utslepp frå mindre avløpsanlegg som einskildutslepp over 15 PE Definisjonar Med avløpsvatn meiner ein i denne forskrifta hushaldningsavløp frå vassklosett, kjøkken, bad, vaskerom eller liknande bustadrom. Forskrifta omfattar også utslepp av avløpsvatn frå næringsverksemd. Med innlagt vatn meiner ein vatn som gjennom fast monterte rør eller leidningar er ført innandørs Søknad om utsleppsløyve frå mindre avløpsanlegg Alle søknader om utsleppsløyve skal oppfylle krav til dokumentasjon etter 5 i denne føresegna. Elles gjeld krav i forskrift til plan- og bygningslova om sakshandsaming og kontroll. Eksisterande godkjende anlegg er søknadspliktige dersom dei vert auka vesentleg, jamfør også 5. Som vesentleg auke reknar ein mellom anna innlegging av vatn og installering av vassklosett. Oktober 2003 Side 7 av 14

8 Alle avløpsanlegg som er prosjektert i samsvar med krava i 4 og etter denne forskrifta sine vedlegg nr., kan sakshandsamast som søknad om enkle utslepp om kommunen ikkje innan 2 veker har framsett krav om at utsleppet skal sakshandsamast som søknad om einskildutslepp over 15 PE. Søknader som ikkje omfattar full dokumentasjon i samsvar med 5 blir å behandle som ein einskildsøknad om utslepp, sjølv om utsleppet er mindre enn 15 PE med normal saksgang etter plan- og bygningsloven Innhald i søknad om enkle utslepp. Søknaden skal som eit minimum innehalde: a) Utfylt søknadsskjema for søknad om utsleppsløyve og igangsettingsløyve. b) Situasjonskart i målestokk 1:200 der anlegget er innteikna, samt eit oversiktskart i målestokk 1:1.000 med skisser av anlegget der avstandar til bygningar, vegar, vassdrag, drikkevassinteresser (brunnar, bekkar, o.l.) og eigedomsgrenser kjem fram. Oppstillingsplass for evt. slamsugebil skal visast. c) Dimensjoneringsgrunnlag for heile anlegget og dei ulike komponentane, samt dimensjonering av anlegget. d) Vurdering av straumtilhøve på utsleppstaden, minstevassføring og vurdering av forureiningskonsekvens nedstraums. e) Utrekning som viser at anlegget ikkje vil forureine drikkevasskjelder f) Resultat av minimum to infiltrasjonstestar og to kornfordelingskurver som er teke der anlegget skal plasserast. g) For å vurdere jordprofilet for infiltrasjonsløysingar, samt avstand til grunnvatn og/eller fjell, skal det utførast sjakting til minimum ein meter djupne. Ved sjakting skal jordmassen sine hydrauliske og reinsemessige eigenskapar dokumenterast og vurderast av ansvarleg prosjekterande/ansvarleg søkar. Det skal takast fotografi av den opne sjakta. h) Søknad om godkjenning av føretak og ansvarsrett etter plan- og bygningslova for søkar, prosjekterande, kontrollerande for prosjektering, utførande og kontrollerande for utføring av røyrleggjar- og gravearbeidet. I tillegg må kontrollplanar for prosjektering og utføring vere med. i) Gjenpart av utsendt nabovarsel eller positivt nabosamtykke frå naboar, gjenbuarar og eventuelle andre partar Er arbeidet ikkje igangsett seinast tre år etter at melding er sendt kommunen, eller dersom arbeidet vert innstilt i lengre tid enn 2 år, fell retten til å etablere utslepp etter denne forskrifta bort. Dersom utslepp framleis er aktuelt, må ny søknad sendast inn (jf. 4) Innhald i søknad om tiltak Søknaden skal som eit minimum innehalda dokumentasjon i samsvar med 5. I tillegg må søknaden innehalde dokumentasjon av anlegget sin reinsefunksjon. Når anlegget er ferdig skal kopi av ferdigattest sendast til teknisk sjef. Oktober 2003 Side 8 av 14

9 1.7 7 Utsleppsreglar for Ørsta Avgrensing av reinsedistrikt er vist i vedlagte 1 kart. 1 Kart utelate. Resipient Krav til reinseklasse Ope ferskvatn Klasse 1, jf. Kommentar til 7 på side 12 Grunnvatn Klasse 2, jf. Kommentar til 7 på side 12 Terskelfjord Klasse 4, jf. Kommentar til 7 på side 12 Open fjord Klasse 3, jf. Kommentar til 7 på side 12 Lukka system utan avløp Klasse 5, jf. Kommentar til 7 på side 12 Anlegget skal plasserast maksimum 20 meter frå veg slik at tankbil kan brukast ved tømming av slam. Slamtømming skal skje i samsvar med krav i Forskrift for tvungen slamrenovasjon for Ørsta kommune. I tillegg skal det inngåast serviceavtale med leverandør av anlegg for anlegg etter klasse 1 og 2. Serviceavtalen skal tinglysast på eigedomen. Utsleppsleidning skal førast til dykka utslepp 5 m under lågaste vassivå i stilleståande ferskvassresipient og tilsvarande min. 1.5 m i stilleståande. Ved utslepp direkte til sjø skal utsleppsleidningen førast til minimum 10 m under normal vasstand. Dersom desse utsleppsdjupa ikkje er praktisk gjennomførlege, skal utsleppet førast minst 100 m frå lang i sjø, min 50 m i stilleståande ferskvatn og til midt av rennande elv/bekk. Utsleppsleidningen skal ha diameter på 110 mm eller i samsvar med dokumentert utrekna dimensjon, vere nedgravd/nedsprengt i heile fjøresona og ha utsleppskum og endearrangement. Minimumskravet til dimensjon på utsleppsleidning gjeld ikkje dersom vatnet må pumpast til utsleppspunktet. Infiltrasjonsanlegg skal ligge på eigen grunn eller på grunn med tinglyst rett til anlegg og drift i uavgrensa framtid. Kommunen skal godkjenne ansvarshavande i samsvar med bestemmelsane i plan- og bygningslova ved prosjektering og bygging av avløpsanlegg etter denne paragraf Krav til forundersøking Som grunnlag for prosjektering av anlegg med infiltrasjon skal forundersøking utførast i samsvar med NORVAR prosjektrapport 49/1994, Grunnundersøkelse for infiltrasjon små avløpsanlegg Krav til utføring Avløpsanlegget skal utførast i samsvar med NKF og NORVARs VA/Miljøblad. Oktober 2003 Side 9 av 14

10 Tilsyn Eigaren av avløpsanlegget er ansvarleg for drift og vedlikehald av anlegget i samsvar med krava i denne forskrifta. Når fleire enn 3 einingar har felles avløpsanlegg, skal det veljast eit styre og ein formann som er ansvarleg for drifta av avløpsanlegget. Ørsta kommune fører tilsyn med at denne forskrifta blir følgd Unntak Ørsta kommunestyre kan etter søknad gjere unntak frå heile eller delar av denne forskrifta. Retten til å gjere unntak kan delegerast til rådmannen Iverksetting Forskrifta trer i kraft frå 1. mars Oktober 2003 Side 10 av 14

11 Kommentarar til forskrift om utslepp av avløpsvatn frå hus, hytter og andre bygningar Til 1 Formål Formålet med denne forskrifta er at det blir utarbeidd ein reiskap for direkte informasjon til publikum og rasjonalisering av kommunen sin sakshandsaming ved søknad om løyve til mindre utslepp. Til 2 Verkeområde PE: Forskrift om utslepp frå mindre avløpsanlegg nyttar EU sin definisjon av PE. I EU er ei personeining den mengde organisk stoff som blir broten ned biologisk med eit biokjemisk oksygenforbruk over 5 døgn (BOF 5 ) på 60 gram oksygen per døgn. Den spesifikke forureiningsproduksjonen i Noreg er sett noko lågare enn standarden for EU, og for norske tilhøve tilsvarar 15 PE utslepp frå ca. 22 personar. Denne forskrifta gjeld derfor for avløpsanlegg dimensjonert for å handtere avløp tilsvarande utslepp frå opptil 22 personar. Verkeområdet er også knytt opp mot den gamle 7-hus regelen som var viktig i den gamle forskrifta om utslepp frå spreidd busetnad. Hus: Ørsta kommune legg til grunn at det bur gjennomsnittleg ca. 3,5 personar i kvar heilårsbustad i spreiddbygde område. 15 PE tilsvarar då utslepp frå 7 hus. Hytter: a) med vassklosett og full sanitærteknisk standard tilsvarar 1,0 PE/brukardøgn b) med innlagt vatn, men utan vassklosett tilsvarar 0,5 PE/brukardøgn, Ein reknar med at kvar hytte i Ørsta kommune blir brukt i snitt av 5 personar ca. 50 døgn kvart år, dvs. at kvar hytte har ca. 250 brukardøgn. I eit hyttefelt med innlagt vassklosett og full sanitærteknisk standard kan 10 hytter koble seg til et avløpsanlegg dimensjonert for 15 PE. I eit hyttefelt med innlagt vatn, men utan vassklosett kan opptil 20 hytter knyte seg til et anlegg dimensjonert for 15 PE. Ein har valt å legge til grunn relativt konservative tal ettersom toppbelastning på dei fleste hytteanlegg vil vere størst i ugunstige driftsperiodar. Alle nye avløpsanlegg større enn 15 PE må søke om utsleppsløyve, jf. 4 i forskrift om utslepp frå mindre avløpsanlegg. Til 3 Definisjonar Mjølkerom, fjøs, drivhus og anna verksemd kan koplast til avløpsanlegget dersom det er dokumentert at samla utslepp ikkje er større enn 15 PE, og at det minireinseanlegget som er tenkt brukt kan handtere avløpsvatnet. Oktober 2003 Side 11 av 14

12 Til 4 Søknad om utsleppsløyve frå mindre avløpsanlegg For å unngå sterk auke i antal einskildutslepp ønskjer Ørsta kommune at nye einskildutslepp i størst mogeleg grad koplar seg til eksisterande offentlege eller private avløpsanlegg. Eksisterande og planlagt utbygging av avløpsanlegg, nedslagsfelt og reinsedistrikt i heile kommunen vil framgå av kommunedelplan for avløp. Der tilhøva ligg til rette for tilkopling til eksisterande avløpsanlegg, vil kommunen kreve søknad etter 4 i forskrift om utslepp frå mindre avløpsanlegg. Ved tilkopling til kommunalt avløpsanlegg må det betalast tilknytingsavgift, jf. lov av 31. mai 1974 nr. 17 om kommunale vass- og kloakkavgifter. Ved tilkopling til privat avløpsanlegg må eigar av den eininga som koplar seg på, betale refusjon for utførte anleggsinvesteringar, dekke meirkostnader for drift av anlegget til eigar av det eksisterande avløpsanlegget, like så dekke kostnadene til evt. naudsynt ombygging og utviding av avløpsanlegget, jf. 23 i forurensningsloven. Til 5 Innhald i søknad Ørsta kommune vil utarbeide eit eige meldingsskjema som skal nyttast til skriving av søknad. Kommunen kan også hjelpe til med å skaffe naudsynt kartgrunnlag. Krav til innhald i søknaden framgår i hovudsak av forskrifta. Supplerande opplysningar for å klarlegge og dokumentere søknaden må vurderast av ansvarleg søkar. Til 6 Innhald i søknad om tiltak Søknaden må innehalde naudsynt dokumentasjon for søknad om igansetting av tiltak etter Pbl. Til 7 Utsleppsreglar for Ørsta Denne forskrifta opnar kun for bruk av avløpsløysingar som ligg innanfor ramma av det som framgår av Prosjektrapport 107 frå NORVAR, Utslipp fra mindre reinseanlegg. Denne rapporten kan ein få kjøpt av Ørsta kommune. Innanfor kvar reinseklasse som er definert under 5 i denne forskrifta, er følgjande reisetiltak førehandsgodkjent: Resipient Reinseklasse Godkjent anleggstype Ope ferskvatn Klasse 1 Høggradig minireinseanlegg, klasse 1 eller 3 etter godkjenningskr. Våtmarksfilter Tett tank, min. 6 m 3. Grunnvatn Klasse 2 Konvensjonell slamavskiljar 4 m 3, filtrering og infiltrasjon i tilstadeverande masse, evt. kunstig oppbygd infiltrasjonsanlegg. Tett tank, min. 6 m 3. Terskelfjord Klasse 4 Konvensjonell slamavskiljar, 3 kammer, min 4 m 3 med områdespesifiserte tilleggskrav/eigne krav. Utsleppsleidning til 10 m djup/100 m frå land. Zzfjord: Evt. tilleggskrav blir å vurdere på sikt. Tett tank, min. 6 m 3. Oktober 2003 Side 12 av 14

13 Open fjord Klasse 3 Konvensjonell slamavskiljar, 3 kammer, min 4 m 3. Utsleppsleidning til 10 m djup/100 m frå land Tett tank, min. 6 m 3. Lukka system utan avløp Klasse 5 Tett tank, min. 6 m 3. Ansvarshavande for prosjektering og utføring av avløpsanlegget må ha lokal eller sentral godkjenning i samsvar med krav i plan- og bygningslova. Til 8 Krav til forundersøking Krav til forundersøking vil særleg gjelde for infiltrasjonsanlegg og for vurderinga av straumtilhøve/eigna utsleppsstader i open sjø og vatn. I tilegg til straumtilhøve må ein vurdere den miljømessige konsekvens av utsleppet på eit fagleg grunnlag. Til 9 Krav til utføring Krav til utføring må tilfredsstille tekniske normer og norsk standard som er relevant for det einskilde anlegg og kontroll av uting må gjennomførast etter den tiltaksklasse som gjeld for anlegget, vanleg vis tiltaksklasse 1. Til 10 Krav til tilsyn Kommunen kan føre tilsyn med at avløpsanlegga er bygd og blir drifta i samsvar med krava i denne forskrifta. Dersom kommunen gjennom kontroll eller på annan måte avdekker ulovlege utslepp eller brot på denne forskrifta, kan kommunen pålegge den ansvarlege å sette i verk tiltak for å hindre forureining innan ein gitt frist, jf. 7 i forurensningsloven. Kommunen kan også vedta utsleppsløyve med vilkår og tidsfristar utan søknad, jf. 4 i forskrift om utslepp frå mindre avløpsanlegg. Til 11 Unntak Ingen regel utan unntak som det heiter og det bør vere opning for formelt å kunne avvike frå regelen når særlege grunnar talar for det. Unntaket må ikkje bli regelen, da må ein heller endre regelverket! Oktober 2003 Side 13 av 14

14 Sluttkommentar Det kan bli positivt for kommunane å utarbeide lokale forskrifter innanfor 15 PE, både for dei som skal nytte seg av forskrifta og for miljøet. Det er trass alt for å verne om dette forskrifta er utarbeidd og ein har eit regelverk. All erfaring tyder på at mange, kanskje særleg hytteeigarar, har ein tendens til å ordne for seg meir enn dei har løyve til. Mange har innlagt vatn og ikkje godkjende avløpsløysingar. Utsleppsløyve etter melding verkar rasjonelt og enkelt, sparer kommunane for arbeid med klare JA-saker, men ein del NEI-saker kan også gli gjennom. Søknadsopplegget vil kreve meir arbeid i forkant, meldingssystemet truleg meir i etterkant. Ein viser elles til ei rekke interessante artiklar i tidsskriftet VANN, særleg frå perioden etter Mange har drøfta hytteproblematikk og gode avløpsløysingar for hytter og spreidd busetnad, og teknologisk er det gjort framskritt. Ulempa er at tiltaka kostar ein god del både i anlegg og drift. For dyrt synest mange, og ein er kanskje litt for godt vant med rimelege løysingar som fungerer ein del i underkant. Vedlegg 1. Forskrift om utslepp frå mindre avløpsanlegg 2. Forskrift om utslipp av avløpsvann fra hus, hytter og andre bygninger, Sola kommune, Rogaland. 3. Forskrift om utslepp av avlaupsvatn frå bustader og fritidsbustader, Hemsedal kommune, Buskerud Oktober 2003 Side 14 av 14