Trafikktryggingsplan for Aukra ephorte 12/10-32 Vedtatt i K-sak 31/13

Transkript

1 Trafikktryggingsplan for Aukra ephorte 12/10-32 Vedtatt i K-sak 31/13

2 Side 2

3 Innhald... 1 Innleiing... 4 Rammer for planarbeidet... 5 Nasjonalt nivå... 5 Regionalt nivå... 5 Trafikktryggingsmidlar... 6 Trafikktryggingsarbeid i kommunane... 7 Tilbakeblikk... 8 Trafikktryggingsplan Vart målsettingane nådd?... 8 Gjennomførte fysiske tiltak i handlingsdelen... 9 Trafikanttiltak i handlingsdelen Utviklingstrekk Aukra Busetnad Trafikkmønster Andre moment Visjon og mål Generelt om trafikktryggingstiltak Aukra kommune sin visjon: «0 drepte og 0 hardt skadde» Handlingsdel - rullerast kvart år Siktrydding inn mot vegkryss Fartsdemping Fotgjengarovergangar Busslommer/busskur Veglys Parkering Gang/sykkelvegar Utbetring av veg Avkøyrsle/ kryssproblematikk Andre tiltak Rammer for planarbeidet Medverknad Vedlegg: Side 3

4 Innleiing Kommuneplana «Aukra 2020» har tryggleik og beredskap for innbyggjarane som eit gjennomgåande perspektiv, og dette perspektivet skal ligge i botnen for alt planarbeid i Aukra kommune. Eit av dei fire hovudmåla i kommuneplana er: «Aukra skal vere attraktiv som bukommune, slik at folk trives og vel å bli». For å komme dit må innbyggjarane våre oppleve at det er trygt å ferdes i kommunen både for barn og vaksne. Trafikktryggingsplana er ei temaplan (kommunedelplan) bygd på Aukra kommune si kommuneplan «Aukra 2020». Formålet med trafikktryggingsplana er å få eit styringsreiskap for det kommunale trafikktryggingsarbeidet i Aukra. - Plana skal avdekke trafikkfarlege stader og stader som vert oppfatta som trafikkfarlege. - Plana skal, saman med handlingsdelen, vise kva områder og tiltak i trafikktryggingsarbeidet som skal prioriteras av kommunen dei neste fire åra. Siktemålet er at ressursane skal settast inn der dei har størst effekt. - Vidare skal plana ha eit fokus på haldningsskapande arbeid. - Til slutt skal plana sikre at tiltak det vert søkt om fylkeskommunale trafikktryggingsmidlar på, er forankra i eit kommunalt planverk. Førre trafikktryggingsplan for Aukra kommune vart vedtatt i 1999 og var basert på ein 0- visjon som betyr «ingen drepne eller alvorlig skadde i trafikken». Plana gjaldt for perioden , og viste ein tiårig handlingsplan delt inn i større og mindre prosjekt. Denne nye plana gjeld for fire år. Samfunnsendringar og endringar i dei fysiske omgivnadene gjer at det er vanskeleg å planlegge tiltak innan dette fagfeltet heile ti år fram i tid. Vi trur vidare at ei fireårig plan, med medverknad frå innbyggjarane, vil gje ei plan som er meir realistisk og forpliktande, og som betre vert knytt opp mot budsjett og økonomiplan. Gerd Nerbø, Torstein Engstad og Kjartan Tangen i arbeidsgruppa i møte med representantar frå Statens Vegvesen. Side 4

5 Det vart meldt oppstart av dette planarbeidet hausten Drift og arealutvalet, som og er trafikktryggingsutval, vart oppnemnt som styringsgruppe for planarbeidet. Utvalet har vore haldne orientert om planarbeidet og diskutert planutkastet i to møter. Vidare har ei referansegruppe bestått av plansjefen (leiar), barn og unges representant, representant for Sund Lensmannskontor, representant for Aukra Auto og einingsleiar i TEB kome med innspel i planarbeidet. Arbeidsgruppa for plana har vore planleggar Gerd Nerbø, byggesaksbehandlar Kjartan Tangen og ingeniør Torstein Engstad. Trafikktrygging er eit tema som engasjerer. Kommunen får jamleg innspel med forslag til tiltak frå barnehage og skole, frå foreldreutval og politikarar, innbyggarar og grendelag. Desse er tatt med som grunnlag for arbeidet med plana. Innspel frå ulike folkemøter i samband med kommuneplanarbeidet er også tatt med i arbeidet med plana. I arbeidet med plana har arbeidsgruppa hatt møter med transportselskap, lensmannen, barn og unges representant og Statens Vegvesen. Planutkastet har vore tema i møter med leiargruppa i kommunen. Rammer for planarbeidet Nasjonalt nivå Trafikktryggingsarbeidet i Norge er organisert på tre nivå. På nasjonalt nivå er det Samferdselsdepartementet som styrer trafikktryggingsarbeidet gjennom Nasjonal transportplan. Dei fem hovudaktørane som skal følgje opp regjeringa sin politikk på dette området er Statens Vegvesen, politiet, Helsedirektoratet, Utdannings-direktoratet og Trygg Trafikk. Nasjonal Transportplan (NTP) byggjer på regjeringa sin visjon om at det ikkje skal skje ulykker i trafikken som fører til drepne eller hardt skadde (0-visjonen). Regjeringa har konkretisert dette ved ei målsetting om at er at talet på drepne eller hardt skadde i trafikken skal reduserast med minst ein tredjedel innan Dette målet er og lagt til grunn i Nasjonal tiltaksplan for trafikksikkerhet på veg , som beskriv dei nasjonale tiltaka innan trafikktryggleik i Norge. Trygg Trafikk har medverka i utarbeiding av denne tiltaksplanen saman med Statens vegvesen, Politiet, Utdannings- og Helsedirektoratet. Nullvisjonen og strategien i Nasjonal tiltaksplan for trafikksikkerhet på veg legg føringar for Trygg Trafikk sitt arbeid. Trygg Trafikk har to tilnærmingsmåtar i nullvisjonsarbeidet. Den eine er å foreslå eller sette i verk tiltak mot ulykkestyper eller trafikantgrupper der det er spesielt mange alvorlige ulykker. Den andre er å arbeide langsiktig og førebyggande ved å bidra til at alle barn og unge får ei kontinuerlig og god trafikkopplæring. Regionalt nivå I 2010 overtok fylkeskommunane eigaransvaret for meir enn km riksveg, og vart med dette den største vegforvaltaren i Norge. Og med dette fekk dei også ei viktig rolle i utforming av det nasjonale trafikktryggingsarbeidet. Side 5

6 Møre og Romsdal Fylkeskommune har i desse dagar på høyring fylket sin trafikktryggingsstrategi for Fylkestrafikktryggingsutvalet (FTU) er eit politisk utval med medlemmar frå samferdselsutvalet. Mandatet for fylkestrafikktryggingsutvalet er at dei skal: - ha ein generell uttalerett i alle trafikktryggingssaker i Møre og Romsdal. - førebu saker til samferdselsutvalet innanfor saksområda trafikktrygging, gang- og sykkelvegar, miljøtiltak, tettstadsprosjekt og 50/50-prosjekt. - freiste å påverke aktivitetar som gjeld trafikktryggingstiltak frå offentlege instansar, samt søkje å koordinere offentleg og privat verksemd i trafikktryggingsarbeidet. - leggje fram forslag til handlingsprogram for trafikktrygging kvar fylkestingsperiode. - stimulere og støtte det frivillige trafikktryggingsarbeidet i fylket, og elles ta opp alle saker som kan vere viktige for tryggleiken i trafikken i Møre og Romsdal. - på eige initiativ setje i gang tiltak som tryggjar trafikken i fylket, og skaffe eigna samarbeidspartnarar til å gjennomføre tiltaka. Dei skal så langt det er råd delta og støtte opp om dei sentrale kampanjane som mellom anna Statens vegvesen har kvart år. Trafikktryggingsmidlar Fylket har kvart år midlar som kommunane kan søke på for finansiering av trafikktryggingsprosjekt. Dette er ein årleg sum om lag 10 millionar - som Fylket gjennom Statens vegvesen fordelar på prosjektsøknadar frå kommunane. Kommunane kan søke om midlar til ei 50/50 % finansiering av trafikktryggingstiltak i kommunal regi. Pengane blir fordelt av Samferdselsutvalet i Møre og Romsdal. Tilskott gjennom denne løyvinga skal nyttast til mellom anna å sikre skulevegar gjennom fysiske tiltak på «gamle» fylkesveger og kommunale vegar. Det er ikkje høve til å søke om tilskott til prosjekt på riksvegar eller vegar som før forvaltningsreforma var klassifisert som riksveg. For å få godkjent ein søknad om finansiering av trafikktryggingstiltak må prosjekta ha følgjande vilkår vere på plass: Prosjekta må vere godt dokumenterte, og det må gå fram av kart og omtale kva problem ein vil løyse. Prosjekta må i hovudsak vere ferdig planlagde for oppstart og gjennomføring. Grunnspørsmål må vere ordna for prosjekt som får tildeling. Kommunal del av finansiering må vere tilrettelagt gjennom bindande vedtak i formannskap eller kommunestyre. Kostnadsoverslag må vere med. Prosjekta skal i utgangspunktet gjennomførast i tildelingsåret. Trafikktrygging skal vere eit tema i dei regionale møta Samferdselsavdelinga årleg arrangerer saman med Statens Vegvesen. Dette er den arenaen kommunane kan fremje nye tiltak innan trafikktrygging. Det er ikkje etablert nokon faste møtestadar/dialogmøter elles mellom stat/fylke og kommune når det gjeld trafikktryggingstiltak langs fylkesvegar. Side 6

7 Trafikktryggingsarbeid i kommunane I motsetnad til fylkeskommunen er ikkje kommunen sitt ansvar for trafikktrygging nedfelt i Vegtrafikklova. Det er ordføraren som har det overordna ansvaret for helse, miljø og tryggleik i kommunen, og trafikktryggleiken er ein del av dette ansvaret. Kommunen skal med utgangspunkt i dei fysiske tilhøva innan kommunegrensene, organisere og planlegge trafikktryggingsarbeidet. Kommunen sitt ansvar for trafikktrygging for det første knytt til ansvaret som vegeigar. I Aukra kommune er det Drift og arealutvalet som fungerer som trafikktryggingsutval gjennom å vere vegstyresmakt etter Veglova, og ved å kunne gjere vedtak om skilt- og fartsreglar etter Vegtrafikklova. Kommuneplana er det overordna styringsverktøyet for kommunal arealplanlegging av veginfrastruktur, og denne trafikktryggingsplana er ein temadel til revisjonen av arealplana. Framtidige trasear for gang og sykkelvegar må merkast av i arealplana. Kommunen har for det andre ei viktig rolle i trafikktryggingsarbeidet som eigar og drivar av barnehagar og skoler, gjennom trygg skoletransport og tryggleik i tida barna oppheld seg i skole og barnehage. Organisering av skoleskyss og sikring av parkering og trafikale forhold kring bygningane er ein del av dette arbeidet. Dei eldste barna i barnehagen i Aukrahallen på sykkeltur med hjelm og refleksvest For det tredje har skolen ansvar for trafikkopplæring gjennom kompetansemåla i Kunnskapsløftet. På barnetrinnet finn vi læringsmål i tilknyting til læreplan for kroppsøving, medan læringsmåla vert knytt til naturfag på ungdomstrinnet. Dei læringsmåla som eksplisitt er knytt til trafikk, er formulert slik: årstrinn (kroppsøving): Følgje trafikkreglar for fotgjengarar og syklistar årstrinn (kroppsøving): Praktisere trygg bruk av sykkel som framkomstmiddel årstrinn (naturfag): Gjere greie for korleis trafikksikkerhetsutstyr hindrar og minkar skader ved uhell og ulykker. På ungdomstrinnet er det imidlertid fleire læringsmål i naturfag som har særleg relevans for trafikkopplæringa, som for eksempel fart og akselerasjon, lys, syn og farger, bruk av rusmidlar osv. Side 7

8 Resultat av ei nasjonal kartlegging i regi av Trygg Trafikk av omfanget og nivå av trafikkopplæring i skolen, viser at det er meir trafikkopplæring på barnetrinnet enn på ungdomstrinnet (NIFU STEP rapport 45/2009). Skolar som har ein trafikkansvarleg lærar og som har trafikk nedfelt i skolens eigne planar, følgjer opp trafikk som ein del av Kunnskapsløftet i større grad enn andre skoler. Desse skolene involverer foreldra meir i trafikkopplæringa, og dei nyttar seg i større grad av materiell og læringsressursar. Kartlegginga viser at talet på ungdomsskolar som stiller krav til bruk av sykkelhjelm på sykkelturar i skoletida berre er på 63 %. Tilbakeblikk Trafikktryggingsplan Førre kommunedelplan for trafikktrygging vart utarbeidd i Bakgrunnen for arbeidet var Stortinget sitt vedtak om at tildeling av trafikktryggingsmidlar til kommunane var avhengig av at dei aktuelle tiltaka var tatt inn i handlingsdelen i ei slik plan. Teknisk hovudutval var styringsgruppe og plana var laga etter mal frå Statens Vegvesen sin rettleiar for kommunale trafikktryggingsplaner frå Rettleiaren skulle medverke til at dei kommunale trafikktryggingsplanane skulle auke kommunane sitt fokus på trafikktryggingsarbeidet. Hovudmålet i plan for var: «Gjere Aukra til ein trafikktrygg kommune for alle innbyggarane». Målet var delt inn i følgjande delmål: 1. Tal på ulykker med personskader i planperioden , skal i gjennomsnitt reduserast med 40 % i høve til gjennomsnitt av registrerte personulykker i perioden Brot på fartsreguleringar skal reduserast med minst 50 % ved utgangen av planperioden. 3. Det er ei målsetting at mest alle som syklar skal bruke hjelm. Etter år 2010 skal kontrollar vise at mindre enn 10 % av syklistane er utan hjelm. 4. Førarar av køyretøy i trafikken skal ikkje vere påverka av alkohol eller andre rusmiddel, og etter utløpet av planperioden skal årsgjennomsnittet for slike kontrollar vise at mindre enn 0,1 % av dei som vert kontrollert er påverka av rusmiddel. 5. Det er i målsetting å auke bruken av bilbelte, og etter år 2010 skal meir enn 90 % av dei som vert kontrollert bruke bilbelte. Vart målsettingane nådd? Nasjonale tal og tal for Møre og Romsdal viser ein klar nedgang i talet på hardt skadde og drepne i trafikken. For landet som heilheit er det møteulykker og utforkøyringsulykker som dominerer når det gjeld dei mest alvorlege ulykkene, og det er ungdom og unge vaksne i aldersgruppa år som dominerer statistikken. Når det gjeld fotgjengarulykker, som har dei tredje største ulykkestala, er det er dei eldste som oftast vert råka. Tala på drepne og hardt skadde i vår kommune har vist ein nedgang dei siste åra. Data frå Statens Vegvesen for dei siste ti åra viser at halvparten av ulykkene i kommunen er Side 8

9 utforkøyringar, deretter kjem møteulykker og påkøyring i bil bakfrå. Nær alle dei registrerte ulykkene har skjedd på fylkesvegar med relativt god vegstandard og der det no er forkøyrsveg. Det er bilførarar i aldersgruppa 18 til 35 år som oftast er involvert i ulykker, og dei fleste er heldigvis berre lettare skadd. Av totalt 55 personar som var involvert i ulykker desse åra, vart ein drepen og 10 alvorleg skadd. Ulykkene er fordelt jamt gjennom alle årstider. Samanliknar vi tala frå Statens Vegvesen for perioden med tala for , er ikkje målet om 40 % nedgang i talet på ulykker med personskader nådd i vår kommune. År Ulykker Drepte/ skadde Drepte Avorleg skadde Lettare skadde * * manglar tal for 1997,1999 og 2000 Det er elles vanskeleg å vurdere måloppnåing i den gamle plana, da det ikkje er råd å finne eksakte data for Aukra kommune spesielt. Politiet kan ikkje gje oss tal på eventuell reduksjon i brot på fartsreguleringar eller om det er færre som er påverka av rusmiddel i vår kommune. Når det gjeld auka bilbeltebruk og bruk av sykkelhjelm, er dette områder ein ser betring på. Gjennomførte fysiske tiltak i handlingsdelen Mykje godt arbeid er gjort innan trafikktrygging i Aukra dei siste åra. Dei fleste fysiske tiltaka i førre planperiode ( ) er gjennomført. Av 23 «store tiltak» som låg inne i førre plan, står følgjande igjen: gang- og sykkelveg langs fylkesveg 216 Smågekrysset - Brauta (løyving vart omdisponert i kommunestyrevedtak i 2011), omlegging av fylkesveg 216 over Horremshaugen, avsvingingsøy på fylkesveg 662 ved Hollingen-krysset og omlegging av KV14 ved Guriberget. Av mindre tiltak er det nokre fartsdemparar og bomsperringar av gang- og sykkelvegar i bustadfelt, og merking av fotgjengarfelt (avslag frå Vegvesenet) som står igjen. Aukra kommune har dei siste åra investert mykje i gatebelysning langs kommune og fylkesvegane i Aukra kommune. Fylket som er vegeigar går inn med midlar til driftskostnadar på vegar som har ein døgntrafikk belastning på meir enn 1200 bilar i døgeret. Dette er ein sum som skal dekke ein del av utgiftene som kommunen har til straum og vedlikehald av lampene. Dette er ein fast sum blir betalt ut til kommunen kvart år og blir berekna ut ifrå lengde med veg. Eksempel på tiltak med støtte frå fylket Aukra kommune søkte og fikk tilsegn på trafikktryggingsmidlar med kommunetilskott (50/50) på trafikktryggingstiltak gjort i Bakkemyr-området. Det vart søkt på tilskot på busslomme, terrengheving i innkøyrsle, fartsdempande tiltak for syklistar og ein rabatt som skulle hindre parkering langs gangvegen gjennom bensinstasjon området. Desse midlane vart søkt om i 2009 for tildelinga av 2010-midlar. Prosjektet vart gjennomført i kommunal regi i Side 9

10 Aukra kommune har i 2012 søkte på midlar for 2013 og 2014 til gang- og sykkelvegprosjektet Falkhytten-Solem-Rød, men fekk ingen midlar tildelt. Tiltak for trygging av mjuke trafikantar i Bakkemyr-området på Gossen vart delvis finansiert gjennom trafikktryggingsmidlar. Tiltak i Bakkemyrområdet vart delvis finansiert med trafikktryggingmidlar frå fylket Trafikanttiltak i handlingsdelen Når det gjeld dei haldningsskapande tiltaka er tilbakemeldingane m.a. frå barnhagen og skulen at dei i mindre grad har følgt opp tiltaka i handlingsplana. Læreplanar er endra sidan den førre plana vart laga og politiet har færre ressursar avsett til besøk i skoler eller barnehagar. Aukra kommune har heller ikkje noko formalisert samarbeid med Trygg Trafikk, der eit medlemskap (2012) kostar kr pr.år. Tilbakemelding frå barnehage og skole : I barnehagane: Trafikkopplæring på turar, utdeling av brosjyre til foreldre om sikring av barn i bil, refleksvestar på tur. I småskulen: «Når vi er på tur lærer vi elevane å vise respekt for trafikken ved kryssing av vegar. Når vi går på gangvegen lærer vi å vise omsyn til syklistar og til fotgjengarar når det er elevane som er syklistar. Respekt for at brøytestikkene skal få stå i fred! Vi øver på korleis vi skal oppføre oss når vi ventar på skulebussen og korleis vi skal oppføre oss inne i bussen.» 1.klasse har besøk frå politiet som snakkar om trafikkreglar og deler ut refleksvestar. 4.klasse har besøk av politiet i tilknyting til at elevane tar «sykkelprøve» på skulen. Både 4 og 5. klasse er på sykkelturar rundt om på øya. Alle må ha hjelm på sykkeltur. Side 10

11 Mellomtrinnet: På 6. og 7. årstrinn er elevane på vårparten med i ein årviss sykkelaksjon. I samband med den går lærarane gjennom kva som er viktig for å kunne ferdast trygt i trafikken. M.a. er det eit krav om at dei som deltek, skal bruke sykkelhjelm. Når elevane skal ut på ekskursjonen der ein brukar sykkel som framkomstmiddel, er det krav om hjelm og forsvarleg framferd i trafikken. I timane for fysisk aktivitet går ein ofte ute på tur. Då lærer elevane korleis dei som forgjengarar skal oppføre seg i trafikken. I kroppsøvingsfaget er ein del timar på vårparten sett av til sykling. Då er kravet som elles hjelm og krav om trafikksikker oppførsel. I ungdomsskolen: Kompetansemåla etter 7. årstrinn pålegg ikkje skulen spesielt å arbeide med trafikktryggleik. Temaet vert tatt opp i kroppsøvingstimar og i samband med turar i nærmiljøet. Vi får og besøk av Statens vegvesen. I læreplan for kroppsøving er eit mål for opplæringa er at eleven skal kunne «praktisere trygg bruk av sykkel som framkomstmiddel» Utviklingstrekk Aukra Busetnad Aukra kommune har eit innbyggjartal på om lag fordelt på om lag 60km2. Kommunen er delt mellom øy-delen Gossen, med om lag 2550 innbyggjarar på om lag 42km2, og ein fastlandsdel Julsundet med om lag 800 innbyggjarar. Kommunen opplever vekst i folketalet og fleire nye bustadfelt er under utbygging. Andelen av barn og unge er stabilt på øydelen, medan vi ser ei auke i barnetal på Julsundet. Vegnettet i kommunen består av til saman 40 km fylkesveg og 42 km kommunale vegar. Kvaliteten på desse vegane må kunne seiast jamt over å vere god. Kommunen har tett busetnad og avstandane er relativt korte samanlikna med andre kommunar i Møre og Romsdal. Gang og sykkelvegnettet er godt utbygd (20 km), og nye er under prosjektering. Trafikkmønster Kommunen har opplevd ein stor auke i trafikken dei siste10 åra, noko som mellom annan skuldast utbygginga på Nyhamna. Denne utbygginga, saman med god vekst i anna industri i kommunen, medfører mykje tungtrafikk langs vegane og slitasje på fylkesvegane. På grunn av fergesambandet i kommunen går gjerne trafikken i puljer på opp til køyretøy til og frå fergene. Julsundet har i tillegg ein god del gjennomgangstrafikk til og frå Søre Fræna. Kommunen har frå 2013 berre to skoler. Kommunen praktiserer andre retningsliner for skuleskyss enn dei nasjonale, slik at fleire har rett på skyss. Men pga korte avstandar både i Julsundet og på Gossen, er det likevel ein god del av elevane som ikkje har rett til skuleskyss. Og det er også i vår kommune, som i mange andre kommunar, mange foreldre som køyrer borna sine til skolen. Det offentlege transporttilbodet er ikkje omfattande og dette gjer at det er bilen som vert nytta til transport av ungar og vaksne til og frå fritidsaktivitetar og til og frå arbeid. Side 11

12 Andre moment Aukra kommune har få vinterdagar med glatt føre. Retningslinene for brøyting og strøing av fylkesvegane er sett av Statens Vegvesen. Når det gjeld dei kommunale vegane/gang- og sykkelstiane er det kommunen som utarbeider retningslinene. Det er planlagt ei ny stor utbyggingsperiode på Nyhamna frå 2013/2014 som igjen vil medføre auke i trafikkmengda i åra framover. Det er langs fylkesveg 662 og 220 denne trafikkauka kjem til å verte merkbar. Dei lokale ressursane i politiet til haldningsskapande arbeid er tatt vekk. Mange opplever at den lokale beredskapen er svekka etter at Sund Lensmannskontor gjekk inn i vaktsamarbeid med Molde. Besøk frå politiet og trafikkopplæring ved Julsundet skole i Side 12

13 Visjon og mål Generelt om trafikktryggingstiltak Trafikktryggingsarbeid omfattar i hovudsak tiltak innan tre områder: I. Trafikanttiltak (opplæring og haldningsskapande tiltak) II. Tiltak på vegnettet (fysisk tilrettelegging) III. Køyretøytiltak. Nullvisjonen og nyare trafikklitteratur har ei tilnærming til trafikkulykker der ulykker vert sett på som systemfeil. Det vil seie at ulykker oppstår som ei følgje av svikt i samspelet mellom menneske, vegmiljø og køyretøy. Verkemiddel for å betre tryggleiken må difor rette seg mot alle tre delar. Utforming av veg og køyretøy må i eit slikt perspektiv i større grad tilpassast menneska sine føresetnader, og ta omsyn til at menneske gjer feil og har begrensa toleevne. Statistikk basert på tidlegare hendingar vert i stor grad nytta til å seie kvar ein må gjere utbetringar. Men tiltak må vere proaktiv, og gjerast der ein ser ein risiko for at ei ulykke kan skje. Statens Vegvesen sin rettleiar i sikkerhetsstyring (høringsutkast 2006) synleggjer trafikktryggingstiltak ved barrierar/tiltak som hindrar ulykker og som minkar konsekvensane av ulykkene: For at ikkje ulykker skal skje må: I. Menneske/trafikant vere aktsam, ikkje gjere bevisste grove regelbrot II. Vegmiljø lede til sikker åtferd og beskytte mot alvorlege konsekvensar ved feilhandlingar III. Køyretøy vere i forsvarleg teknisk stand og ha kollisjonsputer Tiltak som hindrar feilhandlingar og ulykker: Føraropplæring, trafikkreglar, refleks, informasjon, kontroll. Skilting og oppmerking, god friksjon, veglys, gang og sykkelvegar, busslommer, avkøyringslommer Førarstøttesystem Tiltak som hindrar alvorlege konsekvensar: Bilbelte, barnesikring, sykkelhjelm, fartsgrenser. Mjukt sideterreng, fartsgrenser ATK, midt- og siderekkverk Konstruksjon, kollisjonsputer Fylkestrafikktryggingsutvalet i Møre og Romsdal har sett som krav at i dei kommunale trafikktryggingsplanane skal det leggast like stor vekt på haldningsskapande tiltak (trafikanttiltak) som kartlegging av fysiske trafikktryggingstiltak. Ei kommunal trafikktryggingsplan vil innehalde tiltak innan områda trafikanttiltak og fysisk tilrettelegging. Verkemidla når det gjeld fysiske tiltak på fylkes- og riksvegane og køyretøytiltak, er det staten og fylkeskommunen som er ansvarleg for. Her kan kommunen gjennom dialog søke å påverke regionale og nasjonale strategiar og handlingsplanar. Side 13

14 I tillegg til dei haldningsskapande og dei fysiske tiltaka, er det viktig å seie noko om korleis trafikktryggingsarbeidet skal organiserast og følgjast opp i kommuneorganisasjonen. Aukra kommune sin visjon: «0 drepte og 0 hardt skadde» Regjeringa sin null-visjon om null drepte og null alvorleg skadde i trafikken skal framleis vere Aukra kommune sin visjon og ligge til grunn for kommunen si trafikktryggingsplan. Med bakgrunn i denne visjonen sett vi følgjande mål: Overordna mål: Ingen drepne eller alvorleg skadde i trafikken i Aukra Slik vil vi ha det Slik gjer vi det Ansvar: Haldningsskapande arbeid: Fysiske tiltak: Organisering av trafikktryggingsarbeidet Trafikkopplæring i barnehage og skole Trafikktrygging som ein del av folkehelseperspektivet Prioriteringar av dei tiltaka med størst effekt Sikre skulevegar God oppfølging av trafikktryggingsarbeidet Tiltak skal vere innarbeidd i budsjett og økonomiplaner Invitere politiet og/eller Statens Vegvesen på besøk årleg Medlemskap i Trygg Trafikk Markere refleksdag og sykkeldag Trafikktryggingsvurderingar i alt planarbeid Utarbeide heilskapleg plan for vegsystem i Julsundet. Nye retningslinjer for skoleskyss Utarbeide busslommeplan Sikre mjuke trafikantar i sentrum Årlege dialogmøter om trafikktrygging med Statens Vegvesen og politiet Evaluering av dagens organisering av og ressursar til trafikktrygging Årleg rullering av tiltaksdelen Rådmannen Skoler/barnehagar Skole/barnehagar/TEB Alle Planavdelinga Rådmannen TEB Plan/TEB TEB TEB TEB Side 14

15 Handlingsdel - rullerast kvart år Dette forslaget til handlingsdel med prioriteringar er satt opp på grunnlag av innspel som har kome frå referansegruppa for plana, grendelag, enkeltpersonar og organisasjonar, kollektivselskap, FAU og einingsleiarar i kommunen. Handlingsdelen er i samsvar med vedtatt budsjett for 2013 og økonomiplan for Siktrydding inn mot vegkryss. Siktrydding finansierast over driftsbudsjettet til Eining for teknikk, eigedom og brann. 1. Kryss Riksfjordvegen - Nerbøvegen 2. Ved gamle Sporsem skole 3. Kryss Rindarøyvegen - Hellegåtå 4. Kryss Hukkelberg - kulturskolen 5. Kryss Solemsvegen Rødavegen (Guriberget) 6. Utkøyrsle Horremsleira Horremsvegen Fartsdemping Enkle tiltak her som bommar og fartshumpar finansierast over driftsbudjettet. 1. Juvika -fartshumpar 2. Bom på gangveg ned til Hollingsbukta 3. Røra - dialog med Bukta vel om fartsregulering som tiltak først. 4. Solemsvegen - fartshumpar Fotgjengarovergangar Sikker skoleveg er eit av delmåla og her har vi utfordringar både i Julsundet og på Gossen. Aukra kommune skal i 2013 lage risikoanalysar som grunnlag for tiltak for trygg kryssing av fylkesvegen for mjuke trafikantar i sentrum, ved kulturskolen og på Hollingen. Kostnad for gjennomføring av tiltak er avhengig av type sikring. 1. Sikre kryssing av fylkesveg ved Bunnpris, MOBO, Aukrasenteret 2. Sikre kryssing av fylkesveg Hukkelberg-Kulturskulen 3. Sikre kryssing av fylkesveg ved vegkrysset i Hollingen ned mot fergeleiet Busslommer/busskur I forslag til økonomiplan ligg det inne kr til busslommer/busskur i åra 2014, 2015 og Bygging av ei busslomme med busskur er kostnadsberekna til om lag kr Side 15

16 Det er venta trafikkauke langs fylkesvegen i samband med utbygging på Nyhamna. Det skal i 2013 utarbeidast ei heilheitleg plan for plassering av busslommer i kommunen. Vidare skal reguleringsplana for basseng og kulturhus med forslag til kollektivløysingar i sentrum vedtakast i Opparbeide nye avstigingslommer for busspassasjerar på austsida av vegen frå Hukkelberget til Nerbø. 2. Opparbeide ny busslomme med busskur ved Julsundet skole (del av plan for vegsystem i Julsundet) 3. Opparbeide ny busslomme med busskur på nordsida av Hollingenkrysset ( del av plan for vegsystem i Julsundet) 4. Åtkomst til eksisterande busslomme på Julsundet på vestsida av vegen. Tilkomsten til busslomma er vanskeleg frå «gamlevegen». Dette fører til at mange vel å krysse Fylkesvegen. 5. Opparbeide ny busslomme og busskur i Røssøyvågen og ved FUPE/ Rød Veglys Det ligg inne kr ,- til vedlikehald/komplettering av veglys i budsjettet for Veglys fylkesvegen Tangen til Hjertvikkrysset (3 mill i øk.plan 2013) 2. Veglys Løvikkrysset Løvika (1,4 mill i øko.plan i 2016) 3. Veglys Solem-feltet 4. Veglys Riksfjord Stadion 5. Veglys Brauta Småge fergekai 6. Veglys Brauta Smågevatnet 7. Veglys Hollingenkrysset fergekaia 8. Veglys frå krysset Rindarøyvegen/Hellegatå og 200 meter mot Løvik Parkering Dårlege parkeringstilhøve ved Julsundet skole og Bergetippen barnehage kan medføre trafikkfarlege situasjonar. Utbetring vert utført i samband med utbygging av ny barnehageavdeling i Betring av parkeringstilhøva ved Furutun barnehage. Blir utført i samband med utbygging av ny barnehageavdeling. Gang/sykkelvegar Berre gangveg Falkhytten Rødavegen ligg inne i vedtatt økonomiplan. 1. Gangveg Solem - Rødavegen (midlar i øko.plan i 2013/2014?) 2. Gang/sykkelveg frå Smågekrysset mot Brauta (stipulert til 4,9 mill ) 3. Fortau/tilkomst frå Gamlevegen til busslomme på Flatvoll (ikkje kostnadsberekna). Side 16

17 Utbetring av veg Fylkesvegane på Gossen er smale. Transportselskap opplever at fleire stader er det med «millimeterberekning» at to busser/lastebilar kan møtast. Dette gjeld spesielt vegen frå Aukrasanden til Nyhamna og Falkhytten til Rindarøya. Vegane er fylkesvegar og tiltaka er ikkje kostnadsberekna. 1. Utbetring av smal veg langs Nerbøvegen ned mot STX OSV (utviding ligg inne i vedtatt reguleringsplan for området) 2. Utviding av veg og parkering ved Riksfjord stadion (reguleringsplan er vedtatt). 3. Generell utbetring av fylkesvegane (breidde og vegslitasje) Avkøyrsle/ kryssproblematikk Det skal utarbeidast ei heilskapleg plan for vegsystemet i Julsundet sentrum i I vedtatt økonomiplan er det sett av 5 millionar i 2016 til gjennomføring av nødvendige tiltak. 1. Avkøyrsle ned mot bustadfeltet i Hollingsbukta. 2. Avkøyrsle til Julsundet skole frå fylkesvegen 3. Avkøyrsle ned mot fergekaia på Hollingsholmen 4. Avkøyrsle frå Solemvegen til Rødavegen (Guriberget) Andre tiltak I samband med utarbeiding av plan for vegsystemet i Julsundet skal det igjen vurderast å søke om nedsetting av fartsgrense til 60 km/t gjennom Julsundet sentrum. Dette på bakgrunn av auke i nye bustadar og planlagde bustadfelt, planlagt utviding av skole og barnehage, og i tillegg venta trafikkauke gjennom Julsundet i samband med utbygging på Nyhamna. 1. Innmelding i Trygg Trafikk (frå 2013) 2. Utarbeide busslommeplan (2013) 3. Utarbeide plan for vegsystemet i Julsundet i samarbeid med Statens Vegvesen (2013) 4. Reviderte retningsliner for skuleskyss (2013) Side 17

18 Rammer for planarbeidet Nasjonale planer: Nasjonal Transportplan Statens Vegvesen sitt handlingsprogram Ulykker i Norge Nasjonal strategi for forebygging av ulykker som medfører personskader Trygg Trafikk sin strategiplan Fylkeskommunale planer: Transportstrategi for gåande og syklande i Møre og Romsdal Trafikktryggingsstrategi for fylket Kommunale planer Aukra kommune si kommuneplan Aukra Medverknad Følgjande møteplassar har hatt tragikktrygging som tema: Barnetråkk i samband med arealplana i 5. og 9.klasse på Julsundet/Riksfjord skole, arbeidsmøter i Drift- og arealutvalet, tema på leiarmøte, møter/innspel frå Aukra Auto og Atlantic Auto, møte med Statens Vegvesen og Samferdselavdelinga i Møre og Romsdal fylke, tilbakemeldingar frå Sund Lensmannskontor. Vedlegg: Ulykkeskart (Statens Vegvesen) Ulykkesstatistikk for Aukra (Statens Vegvesen) Trygg Trafikk: Kriterier trafikksikker kommune Oversikt tiltak førre trafikktryggingsplan Side 18