Hoppetaukonkurranse! Lunsj. feb Hoppetaukonkurransen

Transkript

1 01 feb 2019 FylkesaktueltINFORMASJON OG INSPIRASJON TIL HELSELAG OG DEMENSFORENINGAR I HORDALAND OG SOGN OG FJORDANE Hoppetaukonkurransen Hopp for hjertet er ein flott aktivitet. Her frå i fjor, då Ramsøy helselag var med og svinga i gang konkurransen på Hanøy skole. Hoppetaukonkurranse! Lunsj Uskedal helselag var med då barneskulen hadde temadag om `HELSE`. Her blei det nistemat med fisk, frukt og grønnsaker i skjønn forening!

2 Godt nytt år til vener av Nasjonalforeningen for folkehelsen Regionmøta er avvikla, og lokallaga er i gong med årsmøta, som skal vere gjennomført innan utgongen av mars. Ei stor takk til alle som har teke del i lokalstyra, og velkomen til nye styremedlemar! Husk å senda inn årsmelding, rekneskap, årsmøteprotokoll, og val av nytt styre, til fylkeskontoret straks årsmøtet er avvikla! Fylkesårsmøta finn stad i månadsskiftet mars/april, og innkalling er sendt ut til lokallaga. Fylkesårsmøtet for Hordaland skal haldast på Scandic Kokstad Hotel 29. og 30. mars, og i Sogn og Fjordane på Thon Hotel Jølster, Skei, 5. og 6. april. Vonar at mange lag melder seg på. Begge årsmøta får vitjing av ein representant frå Nasjonalforeningen sine to nasjonale hjelpelinjer; Demenslinjen og Hjertelinjen: Vigdis Ween og Liv Anita Brekke kjem frå fagavdelinga ved hovudkontoret i Oslo, til høvevis Hordaland og Sogn og Fjordane, og fortel frå dette viktige arbeidet. Våren er tid for ulike aktivitetar. Gode aktivitetar er velkomne i Hjerteveka 2019, som i år er frå mai. Reknar med at mange skular har meldt seg på hoppetaukonkurransen, som har fått utvida påmeldingsfrist til 24. mars. Litt frukt og lunsj til elevane er god premiering for ein positiv aktivitet. I lokallagssending 1/2019 ligg det ved søknadsskjema for tilskot til 3 folkehelseaktivitetar. Oppmodar alle lag om å søkja om desse midlane. I den sendinga er det og informert om ulike aktivitetar lokallaga kan søkje om midlar til. Ynskjer alle helselaga og demensforeningane lukka til med aktivitetar framover! Helsing Asborg Leirdal Kjærvik fylkesleiar Sogn og Fjordane og Kjell Nesbø fylkesleiar Hordaland

3 Regionmøter I januar/februar har vi samla oss lokalt og hatt 12 regionmøter: på Askøy, Stord, i Gloppen, Granvin, Lavik, Førde, Sogndal, Austevoll, Masfjorden, Kvinnherad, Osterøy og Meland. Godt oppmøte og gode samtalar. Målet med regionmøta er bl.a. å utveksle gode døme og erfaringar frå lokallaga. Fylkesårsmøte Innkalling til årets fylkesårsmøte er sendt ut til alle lagsleiarar i posten (for tid, stad og påmeldingsfrist, sjå baksida). Velkommen til både de som har vore med før, og nye fjes. Der får vi bl.a. besøk frå fagavdelinga i Oslo, og vi vil få eit innblikk i noko av det som blir tatt opp i samtalane til dei som ringjer inn på hjelpetelefonane våre: Demenslinjen og Hjertelinjen. Vigdis Ween kjem til Hordaland sitt årsmøte og Liv Anita Brekke til Sogn og Fjordane. Årsmelding Årsmelding og rekneskap: send til fylkeskontoret i Bergen, innan 1. april. Oversikt over styremedlemmer/valkort: frist 1. april, send til Oslo. Hoppetaukonkurransen I perioden 30. april mai 2019 arrangerar vi igjen konkurransen Hopp for hjertet for elevar på trinn. Informasjon om denne konkurransen har gått ut direkte til alle skular i landet. NB! påmeldingsfristen er utvida til 24. mars. Ver gjerne ein støttespelar for skulen! - Konkurransen går ut på at elevane hoppar tau i friminuttane (og evt i timane) i to veker, og får poeng for antal minuttar kvar dag. Det blir kåra ein nasjonal vinnar og ein fylkesvinnarar i alle fylke. Mange lærarar har også latt seg inspirera til å kombinera denne aktiviteten med læring og pugging av teoretiske fag. For å sjå inspirasjonsfilmar, og finna meir informasjon, kan de gå inn her:

4 Hjerteveka 2019: veke 19 ( mai) Denne veka i mai er ein fin anledning til å laga til ein tur eller aktivitet for heile familien, gjerne i samarbeid med andre lag i nærmiljøet. Informasjon om hjerteveka gjekk ut i Lokallagssendinga som blei sendt til lokallagsleiarar på e-post i januar. (Bestillingsfrist materiell var 8. mars) Folkehelsepris Alle fylke kan no dela ut sin folkehelsepris, på same måte som dei fylkesvise demensprisane. Til forskjell frå demensprisane, er det ikkje foreslått eit felles tidspunkt for utdelinga, ettersom fleire fylke har hatt god erfaring med å bruka lokale høve og tilstelningar, gjerne i samarbeid med andre. - Folkehelseprisen skal vera ein honnør til ein innsats utanom det vanlege innanfor folkehelsearbeidet, og kan gå til ein enkeltperson, ei gruppe eller ei eining. Den kan gå til både frivillige, offentlege og private aktørar. Fullstendige kriterier for folkehelseprisen: sjå eige ark vedlagt denne sendinga. Forslag på kandidater kan sendast til Nasjonalforeningen sitt fylkeskontor for Hordaland/Sogn og Fjordane, Bredalsmarken 15, 5006 BERGEN, eller på e-post til hosfj@nasjonalforeningen.no Frist: 1. mai Demensvennlig samfunn Sidan kampanjen Demensvennlig samfunn starta i 2014, er det no over 117 kommunar i heile landet som er med, og stadig fleire ser viktigheten av dette informasjonsarbeidet. Kommunestyret i Os kommune i Hordaland har no t.d. vedtatt at dei ønskjer at kommunen skal jobba mot å bli eit Demensvennlig samfunn. Dvs å skriva under på samarbeidsavtalen og dermed få tilgang Frå Os og Fusaposten på kurs som skal gje lokalt næringsliv og offentlege institusjonar opplæring, kunnskap og forståing for korleis møta personar med demens på ein best mogeleg måte.

5 Demensvennlig samfunn I januar blei Oppdal kommune i Trøndelag utropt til Årets kommune 2018 for deira innsats i bevisstgjeringskampanjen Demensvennlig samfunn. Prisen blei overrekt av eldre- og folkehelseminister Åse Michaelsen, og kommunen fekk prisen for arbeidet den har gjort, i samarbeid med Oppdal helselag og Oppdal demensforening, med å arrangera kurs for folk i serviceyrker. Arbeidsgruppa har bestått av representantar frå kommunen, næringslivet og frivilligheten, og dei meiner sjølv at dette har vore avgjerande for suksessen, at så mange har vore involvert. Kommunen fekk også skryt for å ha klart å synleggjera aktivitetene både i lokale medier og på landsdekkande konferansar. I Oppdal har 250 personar i 15 bedrifter gått på kurs. Ung likeperson Likepersonsordninga vår har blitt utvida med unge likepersonar (mellom år), som har ein demenssjuk forelder. I haust blei det i Bergen arrangert eit Ope møte om det å vera Ung pårørande; og ei samtalegruppe/ein treffstad i Bergen er under planlegging. Som ung pårørande har ein også mulighet til å få vera med i ei lukka samtalegruppe på Facebook, der fagpersonar på Demenslinjen veileder samtalane ved behov. Om du ønskjer å vera med i denne gruppa, og bli lagt til der, så ta kontakt på e-post: demenslinjen@nasjonalforeningen.no For meir informasjon kan du også gå inn på denne nettsida: nasjonalforeningen.no/ung-parorende eller ta kontakt med ein Ung likeperson i Hordaland: Birte Heinesen Katle, mobil

6 Glimt frå lokallaga Ein dag i februar hadde alle elevane ved Uskedalen skule prosjektdag, med helse på timeplanen. Elevane vart delt i fire grupper: Gå-gruppe/Yoga/ Førstehjelp/Sunn nistemat. Uskedal helselag var med og sette fokus på sunn og fargerik nistemat, og sponsa også kurs med Hjertevakten (virksomhet som arbeider for høgare hjerteberedskap på arb.plassar og institusjonar). Br. Hjønnevåg As sponsa fiskepudding, laks og makrell, og i lag med frisk frukt og grønt, i lefse eller på brødskiva, blei dette både sunt og godt. Alle involverte meldte om ein strålande kjekk dag, og mange kreative utrykk når borna sjølv fekk velja pålegg. - Helsing Uskedal helselag. Og her er det Øvre Årdal helselag som har laga til lunsj til elevane på ungdomsstrinnet ein dag like etter nyttår. Slik såg det ut på Facebooksida til Nordre Askvoll helselag då dei la ut informasjonen om at det var lagt til rette for å gå spennande reflekstur med lommelykt.

7 Søk om midlar For at de som lokallag skal vita om så mange alternativ som mogeleg på kor de kan søkje om midlar til prosjekt, så blir all slik informasjon samla og lagt ut på Nasjonalforeningen sine nettsider under Søk om midler. nasjonalforeningen.no/medlemsnett/sok-om-midler/ Avisa Hordaland, kunne i haust melda om at Sparebanken Vest hadde delt ut ein million kroner i Hjartebank-midlar til lag og organisasjoner som driv frivillig arbeid i Voss, Ulvik, Granvin og Vaksdal. Ulvik helselag hadde søkt, og blei heldig mottakar av kr ,- Stor/Fitjar demensforening - 25 år Stord/Fitjar demensforening var tidleg ute og ein av dei første demensforeningane i landet som blei oppretta. Dei har vore aktive og gått føre med eit godt eksempel på så mange måtar. Under jubileumsfeiringa nyleg kunne dei sjå tilbake på alt dei hadde sett i gang og fått til: samtalegrupper, pårørandekurs, aktivitetsvenn, likepersonar m.m. Dei har også vore ein sterk pådrivar inn mot kommunen, for å få på plass forbetringar, både fysiske (bygg, utsikt, sansehage), men også i å skapa viktige sosiale treffpunkt, som kafear og festar, for personar med demens. Gratulerer!

8 Dagens vits: Flyselskapet ville gjera ein ekstra gest for dei reisande og delte ut tyggegummi for å hindra plagsomme dottar i øyrene ved take-off og landing. Roald syns det hjelpte godt, med hadde likevel store problem med å få tyggisen ut or øyrene etterpå. Viktige datoar utover våren: Søknadsfrist Extrastiftelsen: 15. mars (klokka 15:00) Fylkesårsmøte Hordaland: Scandic Kokstad hotel mars (Påmeldingsfrist var 7. mars) Fylkesårsmøte Sogn og Fjordane: Thon Hotel Jølster, Skei, april Påmeldingsfrist: fredag 15. mars. Hoppetaukonkurransen Hopp for hjertet: 30. april mai. Info er sendt alle skular på e-post. NB! Påmeldingsfristen er utvida til 24. mars. Hjerteveka: mai (Bestillingssfrist materiell var 8. mars). Folkehelsepris, frist for å foreslå ein kandidat i ditt fylke 1. mai Årsmelding og regnskap: Send til fylkeskontoret i Bergen innan 1. april. Valkort: Send til Oslo innan 1. april. Fylkeskontoret Nasjonalforeningen for folkehelsen Bredalsmarken BERGEN Følg oss på Facebook Vi vil gjerne dele små og store nyhende frå ditt lokallag telefon: e-post: hosfj@nasjonalforeningen.no