Fylkesaktuelt. Hoppetau og aktivitetar i hjerteveka! Samarbeid. juni 2018

Transkript

1 Fylkesaktuelt 02 juni 2018 INFORMASJON OG INSPIRASJON TIL HELSELAG OG DEMENSFORENINGAR I HORDALAND OG SOGN OG FJORDANE Denne flotte, spreke 7.klassen ved Vikane skule i Sogn og Fjordane vart fylkesvinnar i Hoppetaukonkurransen vår no i mai. Magnhild Ravnestad frå fylkesstyret og Gloppen helselag fekk gleda av å dela ut premien. Hoppetau og aktivitetar i hjerteveka! Samarbeid Austevoll helselag er ein del av eit godt, lokalt samarbeid. Oppføring av trappetrinn i tursti er på gang! Hjertemarsj kombinert med opning av Kolbeinsvik aktivitetspark samla rundt 250, som kunne gå tur, få seg lappar, kaffi og saft laga til av helselaget og demensforeningen.

2 Då er vi mange som har kome ganske rett frå eit innhaldsrikt, mange som har kome ganske rett frå eit innhaldsrikt og flott landsmøte i Trondheim (6 deltakarar frå Sogn og Fjordane og 34 frå Hordaland). Vi er stolte og glade for å kunna informera om at her blei begge fylkesleiarane våre valde inn i sentralstyret, gratulerer til Asborg Leirdal Kjærvik (Sogn og Fjordane) og Kjell Nesbø (Hordaland). De representerer lokallaga på ein flott måte. Lykke til med verva! Helsing oss på fylkeskontoret; Åse, Ingvild og Frøydis Fylkesleiarane helsar og ønskjer alle ein riktig god sommar! Foto av Kjell frå landsmøtet, og av Asborg, på Gaupne helselag sin stand, heilt til venstre, då dei heldt hjertemarsj i april. (Dei hadde fint ver og godt oppmøte, ca 40 stk. Frukt blei delt ut til alle, hoppetau til ungane og drikkeflaske til dei vaksne).

3 Landsmøtet i Trondheim Under mottoet «Aktivitet, omsorg og forskning som gir resultater» blei det strålande dagar for rundt 350 deltakarar i juni. Utanom dei formelle årsmøtesakene, var det mange høgdepunkt, bl.a. foredraget med Safia Abdi Haase «Møte med Norge». Ei sterk livshistorie, formidla på ein gripande måte. - Vi fekk videooverført helsing frå Erna Solberg, helsing frå kongen, flotte musikalske innslag og himmelsk mat. - Folkehelsetorget i byen laurdag hadde stor stemning og godt besøk. - Fagsjef Tone Torgersen oppsummerte folkehelseutvalet sitt innsamla materiale frå lokallaga: vi ønskjer å ha aktivitetar for heile bygda, alle aldersgrupper, viktig å få med nytilflytta og dei som kan kjenna seg utanfor. Lytt til grasrota og ikkje tving på oss aktivitet. Fagsjefen bifalt dette, samt at det er god folkehelse i å laga møteplassar for tilhørighet og sosialt fellesskap, dette er dokumentert å ha dempande effekt på stress, som dermed kan hindra svekka immunforsvar og sårbarhet for hjerte- og karsjukdom. - Den nye folkehelselova seier at heile kommunen skal jobba med folkehelse og dei er pålagt å samarbeida med frivillige. Dina von Heimburg, folkehelsekoordinator i Levanger kommune, hadde laga seg eit bilde av den moderne kommune som dei som skal kobla trådar i samfunnet, at kommunen har gått frå å vera ein myndighet (ca 1970) til å vera ei servicebedrift ( ) til å bli eit lokalt fellesskap i dag. Ho peika på den viktige rolla frivilligheten har, og trekte fram ei ung flyktningejente som hadde deltatt på eit symjekurs, og sa at det var den første gongen eg har vore med på noko i Norge med nokon som ikkje er betalt for å vera med meg. - Vi fekk presantert glimt frå lokallaga: Tur for personar med demens, der den sjuke fekk vera aktivt med i planlegginga./sparkiade, vinterleg quiz-løype./treningstilbud for innvandrerjenter som av ulike grunner ikkje vil gå på treningssenter/«kvinner møter kvinner»,- internasjonal møteplass i Randaberg./ Kafe verden - der mange organisasjonar samarbeider./ Tre på topp - fjelltoppturar, med registrering og premiering./vår eigen Olaug Tveit frå Meland helselag presenterte handlehjelp-tilbudet dei har sett i gang. Ettersom mange har fått lang veg til næraste butikk, kan det vera godt med hjelp til å koma seg til butikksentra. Dei har fått fem frivillige sjåførar og organiseringa går greitt.

4 Fylkesårsmøter I april hadde vi igjen to store, flotte forsamlingar med fine frivillige i helselag og demensforeningar samla til fylkesårsmøter Hordaland og i Sogn og Fjordane, på Flesland/Bergen og på Skei i Jølster. På programmet stod to paralelle tema: kosthald og demens. Vi fekk presentert «Smak på mat» av unge dyktige folk frå Folkelig; vår nye samarbeidspart innan kosthald. Dei losa oss gjennom ein god presentasjon av korleis ein kan gjennomføra matlagingskurs for barn og unge. Fokuset er på matglede, nyskjerrighet, lavterskel og inkludering. Kursopplegget er veldig fleksibelt og kan tilpassast det enkelte lokallag. Dei av helselaga som ønskjer å gå i gang med Smak på mat i haust kan ta kontakt med Åse Fretheim på Cathrine Hagerup Birkelid og Ann Helen Lien frå Folkelig kom med mange gode tips for korleis laga ei god ramme og god stemning på kursa: ha gjerne en oppvarmingsleik (navn på matrett på samme bokstav som navnet ditt o.l.) sett fram ingrediensane i skåler før kurset, så det ser fristande ut. Inviter til å kjenne, lukta og smaka på nye ingredienser. Fokuser kun på det positive! I Hordaland heldt Kari-Ann Baarlid, frå hovedkontoret vårt i Oslo, eit innsiktsfullt foredrag om nye tankar innan demensfeltet, bl.a om å oppretta Erfaringspanel, der dei demenssjuke sjølv kan få komme til orde. Noko som kan gje eit god grunnlag for fortsatt god utvikling i demensomsorga lokalt. Åshild Gjellestad, Haraldsplass Diakonale Sykehus og Ingvild Tjønn Hansen, fylkeskontoret, belyste problemstillinga «Tvang - eit evig dilemma» der det og blei gitt rom for erfaringsutveksling.

5 Hjarteveka 2018 Mange lag hadde laga til flotte arrangement, turar kombinert med frukt quiz og anna morro. Dei aller fleste var kjempeheldige med veret og. Biletet over frå Granvin helselag sin natursti i samarbeid med turlaget. Nabobygdene Ulvik og Granvin la også inn ein ekstra motivasjon, der dei ville kniva om kven som fekk størst oppmøte. Resultatet blei uvagjort! Ein flott dag fekk dei også då Sogndal, Leikanger og Luster demensforening, med god hjelp frå Aktivitetsvenner og «glad-gruppa» på Hafslo, arrangerte hjartemarsj ved omsorgsenteret på Hafslo. (Foto nede til venstre). Rundt 30 personar var med; frivillige, bebuare, pårørande og tilsette i ei god aldersblanding. Her blei det vafler, kaffi, frukt/ bær og allsang. Ettermiddagen vart avslutta med marsj etter eiga form og ynskje. Gloppen helselag i hjerteveka. Alltid like blide og godt førebudde!

6 Hopp for hjertet I år var trettande gongen hoppetaukonkurransen for elevar på trinn blei arrangert. Over 5000 klassar i heile landet deltok, og stadig fleire tek i bruk hopping i samband med andre fag, både gangetabellen og engelske glosar blir innøvd. Fylkesvinnar i Sogn og Fjordane blei 7. klasse på Vikane skule (- sjå foto framsida). Fylkesvinnar i Hordaland: 4. klasse på Stamnes skule i Vaksdal. Foto t.v.: øverst heile klassen, og nestleiar i fylkesstyret Sigrid Alvestad deler ut diplom. Demensaksjonen september 2018 Sommaren står for døra, og like etter er vi igjen i gang med Demensaksjonen. Aksjonen veks år for år og vi håpar det fortset! - Frå neste år har vi ikkje lenger tv-aksjonsmidlar og demensaksjonen blir vår viktigste inntekt både for demensforskingen og alt det gode lokale demensarbeidet som blir gjort! - For dei som vil ha bøsseinnsamling kan det vera lurt å få etablert aksjonskomité før sommaren. Vi ser også at det er dei laga som samarbeider med skuleklassar eller idrettslag og får hjelp til innsamlinga slik, er dei som får best resultat. For tips og hjelpemidlar til aksjonen, bruk medlemsnettet: Her finn de lister med kontaktdata på skulane som har faget Innsats For Andre. Sjå og tipshefte/kjøreplan for Demensaksjonen vedlagt denne utsendinga. Materiell til Demensaksjonen kan bestillast i nettbutikken: (Siste frist bestilling: 24. august).

7 Heider Utmerkelsar har gått til to flotte damer som har gjort ein heilt spesiell innsats til glede for mange i mange år, både i lokallaget sitt og i fylkesstyret i Sogn og Fjordane. Petra Hjartholm, Brekke helselag og Marit Pettersen, Vik helselag blei heidra med nål og diplom, for sin lange og gode innsats, og for sitt alltid gode humør. To praktiske og løysningsorienterte ja-menneske, slike damer som ikkje veks på tre lenger, som det blei det sagt i ein av talane. Jostedal helselag og Folkeakademiet Luster arrangerte aktivitetsdag på Hafslo omsorgsenter. Alle ville vere med, så heile omsorgsenteret var ute i Sansehagen med killingar, ostalaging, karding av ull og teater med Dei tre bukkane bruse.

8 Dagens vits: - frå ungkarsunderholdningen på landsmøtet Ungkaren Bjarne, som budde litt avsides i bygda, hadde fått besøk av ein støvsugarseljar. Bjarne gav tidleg beskjed om at han ikkje var interessert. Men seljaren var ivrig, og la ut om alle fortreffeleghetane til vidunderet. Men Bjarne var standhaftig og fortsatt ikkje interessert. Seljaren var nær ved å gi opp, men sette inn siste nådestøytet: - Husk at du kan ikkje ta med deg alle pengane dine inn i Himmelen - Nå ja, eg trur ikkje det blir så lett å få med seg denne støvsugaren heller - kom det tørt frå Bjarne. GOD SOMMAR! Fylkeskontoret er ferielukka i juli. Viktige datoar etter sommaren: Demensaksjonen: september bestillingssfrist materiell 24. august Inspirasjonssamlingar, foreløpige datoar: oktober Hordaland november Sogn og Fjordane Søknadsfrist ExtraExpress: 15. september Søknadsfrist Midttunheimforndet (Hordaland): 15. oktober Søknadsfrist Hjartemidlar (Sogn og Fjordane): 15. oktober Fylkeskontoret Nasjonalforeningen for folkehelsen Bredalsmarken BERGEN Følg oss på Facebook Vi vil gjerne dele små og store nyhende frå ditt lokallag telefon: e-post: hosfj@nasjonalforeningen.no