INFORMASJON OM NYE SOGNDAL 4/18

Transkript

1 INFORMASJON OM NYE SOGNDAL 4/18 Hei, me vonar alle hadde ei flott 17. mai-feiring og fin pinsehelg, anten ein no hadde fri eller var på jobb. Det skjer ein del ting i prosjektet om dagen, arbeidsgrupper er i full gang. Tillitsvalde og verneombod har hatt samlingar. Fellesnemnda skal på ein lærings- og studietur til Oslo for å henta erfaring og råd frå andre kommunesamanslåingar. Programmet for turen finn du vedlagt. Fellesnemnda skal òg ha møte 6. juni 2018, saklista so langt ser slik ut: - Frikjøp hovudsamanslutningane (LO, Akademikerne, YS og UNIO). - Bli kjend fond - Delegasjon prosjektrådmann - Digitale gravkart - Omstillingsavtalen - Kommunikasjonsstrategi og tiltak på kommunikasjon - Orienteringar om gebyr, rekneskapsrapport, milepælsplan - Fellesnemnda gjev og ei høyringsuttale vedkomande rutetilbod mai 2018: Det er berre 96 dagar til personalsamlinga vår, me gler oss! Det er 1 år og 31 veker til me vert ein felles storkommune, noko me har stor tru på! Håpar du får ei god helg. Me set pris på engasjementet og på dei innspela me får av dykk. Beste helsing oss i prosjektet: Stig Arne, Kjell Einar, Steinar, Aase, Merethe og Marit

2 FELLESNEMNDA SIN STUDIETUR, PROGRAM:

3 . TRE PÅ GATA I SOGNDAL Marta Wojnar (27) tenkjer at det heilt sikkert blir bra med ein ny storkommune. Det kjem til å gå fint. Ho meiner det er viktig å vite noko om kva tenester den nye kommunen kan tilby innbyggjarane Oda Ligtvor Tufte 14 år frå Kaupanger har forventningar om at ungdommane i Balestrand, Leikanger og Sogndal får fleire plassar å «henge i lag» på. Ho trur ungdommane kan bli meir samansveisa. Vi må få fleire aktivitetar i Leikanger og i Balestrand, slik at vi kan reisa til dei ulike plassane og gjera ulike ting. Trampoline-park hadde vore kult, og så fleire butikkar sjølvsagt. Oda til venstre, venninna heiter Kaia Sande Myklebust og kjem frå Sande i Sunnfjord Stig Nord (54) forventar at det vert eit tettare samarbeid når det gjeld til dømes friluftsliv og investeringar. Han er skuffa over at Luster ikkje er med i Nye Sogndal kommune. Det er berre å innstille seg på at dette blir bra. Stig meiner det kunne ha vore ei sterkare statleg styring i samanslåingsprosessen, slik at ein hadde fått meir naturlege geografiske og logiske kommunegrenser.

4 MØTE MED TILLITSVALDE 9. MAI Prosjektrådmann Stig Arne og koordinator Kjell Einar møtte tillitsvalde for å orientere om framdrift i arbeidsgruppene, status om prosjektorganisasjonen og planar framover. Stig Arne presiserte viktigheita av eit ope og godt samarbeid med dei tillitsvalde. Deretter fekk tillitsvalde diskutere omstillingsavtale for Nye Sogndal. Til sist var det val av omstillingsutval - ein frå kvar av kommunane - frå ulike hovudsamanslutningar. Medverknad og felles forståing er eit godt utgangspunkt for bygginga av det nye tenestetilbodet i kommunen. Omstillingsavtalen vart vedteken i Partssamansett utval 15. mai, og ligg no på

5 Framdrift i arbeidsgruppene Etter fellesmøte med gruppeleiarane har administrativ styringsgruppe revidert mandatet, og alle gruppene har felles mal for tiltaksplan. Vidare arbeider vi med ytterlegare operasjonalisering av planar og framdrift. Under er møtet frå helse- og omsorgsgruppa der Kjell Einar delvis deltok. Når det gjeld IKT, er det presisert at det er den arbeidsgruppa som leier arbeidet med samanslåing av fagsystem, i samarbeid med aktuelle arbeidsgrupper. Tenestetorg vert òg lagt til arbeidsgruppe IKT. I arbeidsgruppa for personal er det laga dokumentasjonsmatrise og lønnsnivået i dei tre kommunane skal vere kartlagt innan august. Frå venstre: Anne Brennset Gjerland, Jon Tvilde, Leiv Erik Husabø, Henrik Høberg, Gunnar Steine og Jan Ove Tryti.

6 MØT EIN ORDFØRAR FØRST UT : LEIKANGER KOMMUNE MED JON HÅKON ODD 1) Kva gjorde du før du vart ordførar? Seniorrådgjevar i Direktoratet for forvaltning og IKT (Difi) Stand i Holmen under Balejazz. Godt humør og stort engasjement kring kommunevåpenet. Frå venstre Ordførar Harald Offerdal, Ordførar Jarle Aarvoll og varaordførar Trude Risnes 2) Når vart du Ordførar? ) Kva bil køyrer du? Volvo 4) Når du ikkje er på jobb, kva favoritthobby har du? Eg har tre born, hund, kone, hus og hage. Hugsar ikkje om eg har nokon hobby. Men eg les mykje bøker, helst krim. 5) Favorittfilm? Gudfaren 6) Favorittmusikk? Eg høyrer på det meste 7) Tre stikkord du ønskjer for den nye kommunen vår? * At det vert ein god stad å bu * At vi klarar å byggje på det beste hjå kvarandre *At vi evnar å bli meir saman enn kvar for oss 8) Kva set du mest pris på i samarbeidet med dei to andre Ordførarane? Dei er rause, inkluderande og tolmodige med minstemann

7 19 POLITIKARAR MED STOR INNFLYTELSE, FELLESNEMNDA: SOGNDAL BALESTRAND LEIKANGER Ordf. Jarle Aarvoll(Ap), Senea Sabanovic(Ap), Rita Navarsete(Frp) Ordf. Harald Offerdal(Ap), Varaordf. Frode Bøthun(KrF), Lars Trygve Sæle(H) Ordf. Jon Håkon Odd(Ap), Cecilie Njøs(Ap), Ole Simen Nesdal(Sp) Karin Vikane(H), Ivar Slinde(Sp), Varaordf. Laura Kvamme(Sp) Aud Kari Isane (SV), Arnstein Menes (Sp) Jan Sigurd Haugen(SV), Varaordf. Trude Risnes(V) Vibeke Johnsen(SV), Christen Knagenhjelm(V), Kjetil Kvåle(Ap) Fullstendig liste med andre sentrale politikarar som til dømes vararepresentantar ligg på nettsida til Nye Sogndal kommune

8 Erfaringsutveksling med Nye Øygarden Stig Arne møtte sin tidlegare kollega Rune Lid, som no er prosjektrådmann i Nye Øygarden. Den 18. mai utveksla dei erfaringar og kunnskap. Dei hadde fokus på masterplan og status per no. Nye Sogndal og Nye Øygarden har ein del til felles. Dei er komne lengre med omsyn til omstillingsavtalen, medan me har komme godt i gang med arbeidsgruppene. Møtet var nyttig, og Rune fekk invitasjon med Nye Øygarden til Sogn. Næringsdagar i Balestrand Nye Sogndal var til stades under næringsdagane. Målet var å etablere kontakt med næringsinteressentar som vurderer å etablere seg, eller utvikle seg vidare i området. Sogndal 2020 skal ha fokus på å vere ein næringsvennleg kommune med vekst og arbeidsplassutvikling.

9 Hangar i rute Sogn Næring og Sogndal kommune melder om at den planlagde hangaren for nattstasjonering av fly på Sogndal Lufthamn er i rute. «Vi har det siste halve året utfordra kommunane i Sogn, fylkeskommune, stat og næringslivet til å bli med i eit spleiselag for å byggje ein hangar på flyplassen,» seier dagleg leiar i Sogn Næring, Torgeir Skålid. «Vi har fått fin respons både i næringsliv og i det offentlege, og arbeidet er i rute.» I tillegg til millionen som kjem frå nye Sogndal kommune, har desse førebels bidrege: Balestrand kommune: Leikanger kommune: Sogndal kommune: Luster kommune: Lærdal kommune: Vik kommune: Sogn og Fjordane Fylkeskommune: I tillegg er det god dialog med næringslivet om bidrag. Foto: NRK og Sogn Næring

10 PROSJEKTGRUPPE Måndag 7. mai hadde me første møte i prosjektgruppa for Nye Sogndal. Me starta med ein kort presentasjonsrunde, deretter litt om spelereglar og forventningar. Me må skilje mellom kva som er politikk og kva som er administrativt, kontinuerleg sjekking av gråsoner. Gruppa vil bli utvida med fleire medarbeidarar, avhengig av behov og oppgåver. Me gjekk gjennom dei ulike punkta i masterplanen (47 delprosjekt), og byrja å tenkje fordeling av oppgåver. Utkast til kommunikasjonsstrategi var klar til møtet og me snakka om ulike tiltak som må følgjast opp både politisk og administrativt. Gruppa heldt fram arbeidet på ei samling i Balestrand 15. og 16. mai. Frå venstre prosjektrådmann Stig Arne, ikt prosjektleiar Steinar, prosjektmedarbeidarane Merethe (30%), Marit (40%), Aase (40%) og prosjektkoordinator Kjell Einar. Komande aktivitetar 29. og 30. mai: Tur til Sandnes med arbeidsgruppe for fornying av lokaldemokratiet 29.mai: møte med Sogn regionråd og rådmannsgruppa 1.juni: prosjektrådmann og IKTprosjektleiar har invitert nabokommunar til møte om evt. framtidig IKT-samarbeid. 5. og 6. juni: studietur og møte for Fellesnemnda Vil du vera med å leie Nye Sogndal Kommune? Nye Sogndal Kommune er i startgropa. Vil du bli ein del av rådmannen si toppleiargruppe? Spanande stillingar vil kome i avisa. Sjå laurdagsutgåva av Sogn Avis 16.juni!