Rundskriv LS-64-2002 Dato: 30.09.2002 Statens utdanningskontor Utdanningsetaten i fylkeskommunane Saksbehandlar: Åshild Herredsvela EKSAMEN VÅREN 2003 I VIDAREGÅANDE OPPLÆRING OG TEKNISK FAGSKOLE Læringssenteret viser til rundskriv LS-43-2002 og vil her gi utfyllande opplysningar om eksamensavviklinga våren 2003. 1. Endringar i eksamensplanen, vedlegg til rundskriv LS-43-2002 Side 3: melding om trekkfag 2. juni gjeld alle fag med unntak av AA1010 Økonomi og informasjonsbehandling. Trekk for AA1010 Økonomi og informasjonsbehandling blir lagt til onsdag 28. mai, klokka 1430. (Endra 03.03.03) Side 5: eksamen i VG1202 Engelsk for elevar med teiknspråk som 1. språk blir flytta til torsdag 5. juni. Side 6: eksamen i AA6070 Engelsk I skal strykast. Våren 2003 er siste forbetringseksamen for privatistar. Elevar må meldast opp til eksamen i AA6078 2 Engelsk 1+2. Side 8: VG4180 Finsk som 2. språk skal ikkje ha førebuingsdag onsdag 11. juni. Side 10: førebuingsdagen i El 1010 Elektroteknikk blir flytt frå tirsdag 10. juni til fredag 6. juni. Eksamen i El 1010 Elektroteknikk blir flytt frå onsdag 11. juni til tirsdag 10. juni. Side 21: eksamen i TF6360 Kraftanlegg onsdag 28. mai skal strykast og blir erstatta med eksamen i TF6370 Skipselektriske anlegg på same dag. Side 26: VG4161 Norsk som andrespråk for språklege minoritetar for privatistar skal ikkje ha førebuingsdag. Førebuingsdagen som står oppførd for privatistar 2. juni, skal strykast. Side 26: VG4143 Nordsamisk 2. språk, VG4144 Sørsamisk 2. språk, VG4148 Lulesamisk 2. språk og VG4181 Finsk 2. språk for privatistar skal ikkje ha førebuingsdag. Førebuingsdagen som står oppførd for privatistar 10. juni, skal strykast. Det vil bli laga nytt, oppretta vedlegg til rundskriv LS-43-2002, som blir offentleggjort på http:// skolenettet.ls.no. Bankgiro: 7694 05 10879
Side 2 2. Eksamen for elevar VKII Alle elevar skal trekkjast ut til to skriftlege sentralt gitte eksamenar i norsk, med unntak av elevar som har: norsk for elevar med samisk som 1. eller 2. språk, norsk for elevar med teiknspråk som 1. språk, norsk for elevar med finsk som 2. språk, norsk som 2. språk for språklege minoritetar (endring av LS-43-2002) a) Studieretning for allmenne, økonomiske og administrative fag VKII Alle elevar skal opp til ein sentralt gitt skriftleg eksamen som blir trekt blant alle studieretningsfaga og C-språk 3. Dei elevane i studieretning for allmenne, økonomiske og administrative fag som ikkje har fag med sentral eksamen, skal trekkjast ut til ein lokal eksamen i studieretningsfag på VKI- eller VKII-nivå (skriftleg, munnleg, praktisk eller kombinert eksamen). I tillegg skal alle elevar opp til ein lokal eksamen der det blir trekt mellom alle felles allmenne fag og studieretningsfag på VKI- og VKII-nivå med munnleg, munnleg/praktisk eller praktisk eksamen. Dette inneber at alle elevar skal opp til to eksamenar i tillegg til eksamen i norsk (alternativt i tillegg til eksamen i samisk som 1. eller 2. språk, teiknspråk som 1. språk, finsk som 2. språk og norsk som 2. språk for språklege minoritetar. b) Studieretning for idrettsfag VKII Alle elevane skal opp til sentralt gitt eksamen i treningslære. For desse elevane gjeld prinsippet om at dei skal ha ein lokalt gitt eksamen der det blir trekt mellom alle felles allmenne fag og studieretningsfag i VKII frå idrettsfag og eventuelt studieretning for allmenne, økonomiske og administrative fag med munnleg, munnleg/praktisk eller praktisk eksamen. c) Studieretning for musikk, dans og drama VKII Musikk Alle elevane på VKII skal opp til sentralt gitt eksamen i studieretningsfaget musikkorientering. I tillegg skal dei opp til lokalt gitt eksamen i hovudinstrument. I tillegg skal elevane ha ein lokalt gitt eksamen der det blir trekt mellom alle felles allmenne fag og studieretningsfag i VKII med munnleg, munnleg/praktisk eller praktisk eksamen.
Side 3 Dans Alle elevane på VKII skal opp til ein lokalt gitt eksamen i danseteknikk og danseformer. I tillegg skal elevane ha ein lokalt gitt eksamen der det blir trekt mellom alle felles allmenne fag og studieretningsfag i VKII med munnleg, munnleg/praktisk eller praktisk eksamen. Drama Alle elevane på VKII skal opp til ein lokalt gitt eksamen i teaterproduksjon II. I tillegg skal elevane ha ein lokalt gitt eksamen der det blir trekt mellom alle felles allmenne fag og studieretningsfag i VKII med munnleg, munnleg/praktisk eller praktisk eksamen. d) VKII allmennfagleg påbygging I tillegg til to sentrale eksamenar i norsk, sjå punkt 2 ovanfor, skal elevane opp til ein skriftleg eksamen der det blir trekt mellom dei felles allmenne faga VG1200 Engelsk og VG1332/33 Matematikk 1Y/X med sentral eksamen og studieretningsfaga frå studieretning for allmenne, økonomiske og administrative fag med sentral eller lokal eksamen. I tillegg skal elevane opp til til ein lokal munnleg eksamen der det blir trekt mellom alle felles allmenne fag og studieretningsfag frå studieretning for allmenne, økonomiske og administrative fag med munnleg, munnleg/praktisk eller praktisk eksamen. e) Kurs for elevar i minimumskrava til generell studiekompetanse (20 timarskurset) I tillegg til 2 sentrale eksamenar i norsk (sjå over), skal elevane opp til ein sentral eller lokal eksamen der det blir trekt mellom dei felles allmenne faga engelsk (skriftleg eller munnleg), matematikk (skriftleg eller munnleg), norsk munnleg, naturfag eller nyare historie (eller samfunnslære dersom dette inngår i kurset). f) 23/5-regelen Desse elevane skal opp til eksamen i norsk, sjå punkt 2 ovanfor. Ut over dette er det fylkeskommunen som legg til rette for eksamen i dei andre faga. g) Privatistar Det blir utarbeidd eksempeloppgåver i VG1400 Naturfag og AA2010 Geografi. Oppgåvene vil bli sende ut i månadsskiftet oktober/november.
Side 4 3. Eksamen for elevar VKI a) Studieretning for allmenne, økonomiske og administrative fag VKI Alle elevar skal opp til ein skriftleg, munnleg, praktisk eller kombinert eksamen, sentralt eller lokalt gitt i felles allmenne fag eller studieretningsfag på VKI- eller VKII-nivå. b) Studieretning for idrettsfag VKI Alle elevar skal opp til ein skriftleg, munnleg, praktisk eller kombinert eksamen i felles allmenne fag og eventuelle studieretningsfag frå studieretning for allmenne, økonomiske og administrative fag. Det er ingen eksamen i studieretningsfag frå ID i VKI. c) Studieretning for musikk, dans og drama VKI Musikk Alle elevar skal opp til ein skriftleg, munnleg, praktisk eller kombinert eksamen, sentralt eller lokalt gitt i felles allmenne fag eller i dei studieretningsfaga som har eksamen i VKI. Drama Alle elevar skal opp til ein skriftleg, munnleg, praktisk eller kombinert eksamen, sentralt eller lokalt gitt i felles allmenne fag eller i dei studieretningsfaga som har eksamen i VKI. Dans Alle elevar skal opp til ein skriftleg, munnleg eller kombinert eksamen i felles allmenne fag. Det er ingen eksamen i studieretningsfag i VKI. 4. Eksamen for elevar på grunnkurs Når det gjeld fag som kan/skal trekkjast til eksamen på grunnkurs, er det ingen endringar av dagens ordning. På grunn av endra eksamensordning i matematikk, 5 uketimer, utgår den spesielle kvoten på 5% i matematikk munnleg til lokalt gitt eksamen. Matematikk munnleg blir eit trekkfag på lik linje med andre fag til lokal eksamen. Uttrekk til sentralt gitt eksamen blir endra til 10 % (som i engelsk). 5. Rammer for organisering og gjennomføring av eksamen a) Munnleg eksamen I pressemeldinga om ny eksamensordning frå Utdannings- og forskningsdepartementet seier ein at ein vil få nye former for munnleg eksamen. Læringssenteret har sett i gang eit utviklingsarbeid for å endre rammene for munnleg eksamen, men dette kan ikkje innførast
Side 5 ved eksamen våren 2003. Rammene for den praktiske gjennomføringa av munnleg eksamen våren 2003 vil difor ikkje bli endra. Tidspunkt for lokal eksamen blir fastsett av fylkeskommunen som no. b) Trekk til eksamen Fylkeskommunen er ansvarleg for lokalt gitt eksamen, og set rammer, koordinerer trekket og oppnemner sensorar. SU-kontora kvalitetssikrar trekket ved sentralt gitt eksamen med utgangspunkt i offentlege elevteljingar og eksamensstatistikk. Dei har ansvar for at trekket til grunnkurs sentralt ikkje overskrid 10%. Alle fag skal kunne trekkjast til eksamen. Det blir ikkje sett opp eigne kvotar for verken skriftleg, munnleg eller kombinert eksamen. Det blir heller ikkje sett opp eigne kvotar for sentralt gitt eller lokalt gitt eksamen. Rektor har ansvar for at det blir ei jamn fordeling av faga som blir trekte ut til eksamen over tid. Rektor på den enkelte skolen trekkjer ut elevar til eksamen på alle nivå, både sentralt og lokalt gitt. c) Oppmelding til sentral eksamen Elevar som vil dokumentere kunnskapar i språk det ikkje blir gitt opplæring i (morsmål som B- og C-språk (kode VT19xx Islandsk til VT89xx Zulu) må av tekniske grunnar meldast opp som privatistar. Desse elevane skal ikkje betale privatistgebyr. Det er eigne kodar for elevar og privatistar som gjer det lett å skilje faga ved oppmelding og sensur. Desse står i oversikta over eksamensdagar 2003. d) Tidspunkt for oppmelding Tidspunkt for oppmelding til eksamen våren 2003 er som før: innan 28. januar 2003 for elevar og ordinære privatistar innan 1. mars 2003 for lærlingar og praksiskandidatar til tverrfagleg sentralt gitt eksamen i teorien til fag- og sveineprøva og til VKII/Bedrift avviksfag e) Praktiske forhold ved gjennomføring av eksamen Sentralt gitt skriftleg eksamen for elevane ligg i perioden 02. 06.06.03, medan fellessensuren er lagd til 20.06.03. Datoen for sensur er bestemd ut frå ei avveging mellom den tida sensorane treng til sensurering, den tida skolane treng til å skrive ut vitnemål og det behovet Samordna opptak har for å kjenne eksamensresultatet i samband med opptak til universitet og høgskolar.
Side 6 Tida til sensurering av elevsvara vil bli ekstra kort denne våren, særleg for dei faga der eksamen er lagd til fredag 06.06.03. Ei av årsakene til dette er at måndag 09.06.03. er 2. pinsedag. Skolane må sørgje for at dei sender oppgåvene til sensorane same dag som eksamen blir halden. Dette gjeld alle dagane, men er særleg viktig fredag 06.06.03. Postverket opplyser om at rekommanderte sendingar som blir sende fredag, i 90 % av tilfella vil vere framme hos mottakar laurdag. Vi vil komme tilbake med meir utfyllande informasjon om dette. Det vil bli laga ei rettleiing med eksempel på korleis eksamen praktisk vil gjennomførast ved nokre skolar. Den vil bli ferdig i månadsskiftet oktober/november 2002. Dette rundskrivet er offentleggjort på Skolenettet. Nettadressen er http://skolenettet.ls.no, under overskrifta Læreplaner, veiledninger, vurderinger og rundskriv. Spørsmål til dette skrivet skal rettast tenesteveg via fylkeskommunen til utdanningskontoret i fylket. Venleg helsing Jostein Osnes direktør Arild Thorbjørnsen avdelingsdirektør Kopi: vidaregåande skolar