Årsmelding 2014 Jostedal spel- og dansarlag Styresamansetjing Oddbjørg Ese, leiar Johannes Kjos, nestleiar Arnfinn Gjerde, kasserar Oda Heidi Bolstad, skrivar Solveig Sperle, styremedlem Edel Skjæret og Jorunn Hestetun er varamedlemar til styret Valnemnd: Arne Aasen Hauge, Eldbjørg Haugen og Helene Bolstad Revisor: Gunnar Ruud Det har vore halde 8 styremøte i året som har gått. Det har vore stor aktivitet i laget med mange kurs, arrangement og andre aktivitetar. Laget hadde 52 medlemmer som har betalt kontingent per. 31.12.14 Nominasjon til Årets lokallag! Jostedal spel- og dansarlag var i år eitt av tre lag som vart nominert til Årets lokallag for sitt arbeid med å skape gode arenaer for dans i møte med folkemusikken. Prisen vart delt ut på FolkOrg sitt årsmøte på Fagernes 25. 27. april. Laget vårt nådde ikkje heilt opp, men det var likevel ei ære å bli nominert. 1
Kurs: Hardingfelekurs med Håkon Høgemo: 4. - 5. januar 2014 arrangerte Jostedal spel- og dansarlag hardingfelekurs med Håkon Høgemo på Jostedal Hotell. Det var 10 deltakarar på kurset. Det har etter kvart vorte ein tradisjon at Jostedal Spel- og dansarlag arrangerer hardingfelekurs (spel) i Jostedalen første helgi i januar, med Håkon Høgemo som lærar. Kurset i år var det 16 i rekkja av slike kurs. Kurs i masurka og pols med Kirsten Friis som instruktør Omlag 20 deltakarar stilte på kurs i Jostedal samfunnshus laurdag 20. september. Dei fleste hadde nok dansa både pols og masurka før, men her fekk me finnpussa og justert steg og takt med god individuell rettleiing. Kirsten har mykje kunnskap og solid pedagogisk bakgrunn, og alle kunne notere seg god framgang då me runda av utpå ettermiddagen. Svært bra kurs! Songkurs med Kari Malmanger Rupungane hadde kurs med Kari Malmanger. Elevane på skulen fekk og delta ei økt Dans i skulen Begge dei to ungdommsskulane i Luster kommune fekk våren 2014 tilbod om danseopplæring som eit tiltak for å auke dei unge sin kjennskap til folkemusikk og folkedans. Laget har fått støtte gjennom Den kulturelle skulesekken og Frifond midlar til å gjennomføre opplegget. På Hafslo vart det gjennomført totalt fire skuletimar fordelt på to dagar, både på 8. og 9. trinn. I Gaupne dansa 8. klasseelevane i fire skuletimar, fordelt på fire dagar. Oddbjørn Skjerdal og Oddbjørg Ese har vore instruktørar, og ungdommane har lært strekkbuksepolka, langedans, halling, jig circle, reinlender og polynese. I tillegg har dei lært litt om generell danseteknikk. På Hafslo var det Norill Terese Norheim (toradar) som stod for musikken, medan Oda Heidi Bolstad (hardingfele) var speledame i Gaupne. Me er godt fornøgde med opplegget, og har også fått gode tilbakemeldingar frå skulane. Elevane har vore engasjerte og kjekke å jobbe med, og dei fekk godt tak på dansinga også. Målet er å få til vidare samarbeid med skulane i Luster i framtida. 2
Tilskipingar: Sjur jubileum: 19. mars 2014 var det 100 år sidan kunstnaren og spelemannen Sjur Hesjevoll vart fødd. Dette vart markert med utstilling, konsert og dans i Jostedal samfunnshus laurdag 22. mars kl. 19.00. Det heile starta med ein storarta konsert der kjende musikarar som Håkon Høgemo, John Oddvar Kandal, Helene Bolstad og Sigmund Eikås spelte. Olav Stølen heldt eit interessant og fint kåseri om spelemenn frå Jostedalen, og då om Sjur spesielt. I tillegg spela medlemmer av spelemannslaget; Else Marie Haugen, Mathilde Skjæret og Einar Ese. Lidvin Hesjevoll og Oddbjørg Ese dansa Jostedalsspringar. Etter konserten var det dans. Helene Myklemyr Bolstad var programleiar og ho sydde det heile saman på ein fortreffeleg måte. Håkon og Lidvin Hesjevoll hadde sett saman ei representativ utstilling av ein del av Sjur sine måleri og trearbeid. Dette arrangementet var i samarbeid med Luster Folkeakademi. Dansefest i samfunnshuset laurdag 20. september Jutullaget spelte opp til dans, og dansemusikken var av beste sort. Styret hadde stelt til med heimelaga betasuppe og heimelaga kaker. Alt for sal i matsalen. Det kom dansarar frå Naustedalen, Førde, Stryn, Leikanger og Flåm. Det vart ein flott kveld, sjølv om det hadde vore god plass til mange fleire. Konsert med Erlend Apneset og Margit Myhr i Jostedal kyrkje 12.desember Ein flott konsert, men kun 16 betalande møtte fram. Julebord på Jostedal hotell 20. desember. To purke og ein gris stod for musikken. Det var over 120 som møtte. Eit vellykka julebord som og gav litt økonomisk overskot Bygdedansen Frå hausten 2014 har JSD teke initiativ til bygdedansøving i gym.salen på Luster ungdommsskule den 4. tysdagen i månaden. Det har vore bra frammøte, og tiltaket er også vidareført i 2015. 3
Fylkeskappleiken 2015/Distriktsmeistarskap i trekkspel/smørbukkappleik Arrangementet skal gå av stabelen 20.-21. mars 2015, men styret som alle er med i hovudnemda, starta arbeidet med planlegging oktober 2014. I tillegg til styret er Tormod Øvrebø og Stein Bugge Næss med i hovudnemdi. Etterkvart har Arne Øyen, Anny Fossøy Norberg, Dagrun Hesjevoll og Laila Gjerde komme med i nemdi. Oddbjørg Ese er valt til leiar for kappleiksnemdi. Fylkeskappleiken på Sandane - God deltaking og gode resultat! Også denne gong markerte Jostedal spel- og dansarlag seg med gode resultat på fylkeskappleiken. På fredag vart Norill Terese Norheim nr 2 på toradar i klassen Spel solo runddans senior, og "To purke og ein gris" vart nr 2 i Open klasse. Seinare på kvelden var det tevling i runddans, og der var alle finalistane frå laget vårt! Øygun og Johannes Kjos vann med Anne Lovise Drevdal og Tormod Øvrebø på andre plass. Oddbjørg Ese og Arne Aasen Hauge kom på tredje plass. Laurdag vart Oddbjørg og Johannes nr 3 i Bygdadans senior med Jostedalsspringar. Laget vart nr 2 i lagdans senior med Jostedalsspringar. Dei som dansa var Eldbjørg og Harald Haugen, Laila Gjerde og Tormod Øvrebø, Øygun og Johannes Kjos, Oddbjørg Ese og Arne Aasen Hauge. Mathilde Skjæret vann klassen Spel fele/hardingfele klasse C med Kine Svori på andre. Mathilde var også med i Firda spelemannslag som vann klassen Samspel junior. Mathilde fekk også andreplass i denne klassen med duoen Ingrid & Mathilde. Kine vart nr 2 i klassen Vokal kl C Landskappleiken 2014 Både dansarar og spelemenn frå laget gjorde ein solid innsats på landskappleiken på Geilo! I spel hardingfele kl C vart Mathilde Skjæret nr 2 og Kine Svori nr 5 - begge med svært høge poengsummar! Norill Terese Norheim vart nr 6 i klassen Durspel senior - ein svært sterk prestasjon i senior- klassen! Oddbjørg Ese og Johannes Kjos dansa seg i år opp i A klassen! Med 87 poeng vart dei nr 4 i klassen. Landsfestivalen i Steinkjer Arve Bjørn Røneid vart noregsmeistrar på Landsfestivalen i Steinkjer. Arve vann klassen Durspel senior. Øygunn og Johannes Kjos dansa seg til finalen i runddans senior, og vart blant dei fem beste! 4
Opplæring: Det har dette året vore nokre faste øvingar i spelemannslaget. Rupeungane har faste øvingar. Instruktørar er Eli Børhusdal og Else Marie Haugen. Det har vore springarøvingar som har vore opne for alle. Laget er medarrangør av Samdansen (Eikum Hotell). Det er mest fri dans til lokale grupper, men det vert også undervist i variantar av gamaldansformer. Øystein Lavik er instruktør. Det er god oppslutnad med dansarar frå Leikanger, Sogndal og Luster. Laget har 2 juniorar som får opplæring i hardingfele i kulturskulen. Else Marie Haugen er lærar for dei. Det er ein elev på torader, med Leon Lunde som instruktør. Ymse Oddbjørg Ese har vore styremedlem i Sogn og Fjordane folkemusikklag. Helene Bolstad sit som nestleiar i styret sentralt i Folkorg. Laget er med i 17.mai-arrangementet og stod for sal av pølse og brus. Johannes Kjos, Tormod Øvrebø og Oddbjørg Ese representerte laget på Årsmøte på Fagernes 25.-27. april Kine Svori, Kristi Bjørhusdal, Tora Bjørhusdal og Rasmus Tennø Loe deltok på Mokurset. Arve Bjørn Røneid vart i år tildelt Luster kommune sin kulturpris. Også i år har laget fått god økonomisk støtte frå ulike hald. Me vil nemne Luster kommune og Luster sparebank som har vore svært gode støttespelarar. Me har også vorte støtta med KOMP-midlar, midlar frå Frifond og Den kulturelle skulesekken. Laget er medlem i Luster Folkeakademi. Me vil få rette ei stor takk til alle som har stilt opp og hjelpt oss i året som har gått. Dugnaden er tross alt den største faktoren for at laget skal vere i drift. Styret 5