Valnemnd : Arne Aasen Hauge, Helene Myklemyr Bolstad og Øygunn Kjos

Transkript

1 Årsmelding 2016 Jostedal spel- og dansarlag Styret Erling Bjørn Vigdal, leiar Arve Bjørn Røneid, nestleiar Arnfinn Gjerde, kasserar Oda Heidi Bolstad, skrivar Solveig Sperle, styremedlem Edel Skjæret, 1. vara Dagrun Hesjevoll, 2. vara Valnemnd : Arne Aasen Hauge, Helene Myklemyr Bolstad og Øygunn Kjos Revisor : Jan Kåre Norberg. Årsmøtet for 2015 vart halde 17. mars 2016 på Jostedal Hotell. Det har vore halde 4 styremøter. Laget hadde 57 medlemmer som har betalt kontingent per , auke i medlemstalet med 5 medlemmer.

2 Landsfestivalen 2016: Landsfestivalen 2016 i Gaupne var svært vellukka. Me takkar Festivalnemnda for framifrå innsats, og våre vener i Gamlebanken Spelemannslag for godt samarbeid om festivalen! Festivalnemda si målsetjinga om å lage eit arrangement som la til rette for at både lokalt og tilreisande publikum og deltakarar skulle få gode opplevingar med musikk og dans vart nådd med glans. Dugnadsinnsatsen var stor, om lag 350 frivillige stilte opp, mange arbeidde mykje meir enn vaktene dei var sett opp på, og stilte opp på kort varsel. Det var svært god stemning og ein positiv gjeng som dreiv seg, møte med blide dugnadsfolk gjorde verkeleg intrykk. Stor tak til alle, utan dugnadsinnsatsen hadde det ikkje gått! Luster Sparebank var hovudsponsor, og Luster kommune hovudsamarbeidspartnar. Festivalen fekk god støtte og viktige økonomiske bidrag frå desse to aktørane, og me er glade for at dei var med, saman med ei rekkje andre mindre sponsorar. Besøkstal ca. 3500, 2500 selde billettar totalt, fordelt på 1000 konsertbillettar 500 gjennomgangsbillettar tevling, 1000 dagbillettar tevling. 607 unike deltakarar som til saman betalte 887 startkontingentar. Frivilligfest vart arrangert 14. januar Tilskipingar: Konsert 2. april, Jostedal Hotell Meisterspelemennene Bjørn Kåre Odde, Astrid Sulheim og Aslak Brimi fekk mykje publikum, 42 betalande. Konserten hadde bakgrunn i plata dei nett hadde spelt inn for å heidre spelemannen Sjugurd Garmo og musikken hans. Etter konserten var det dans, med spel av Atterljomen og Jostedal spel- og dansarlag. Konsert og Lustratreff 8. april, Eikum Hotell Kvelden starta med konsert av tre av landets fremste utøvarar på toradar. Tom Willy Rustad, Ole Nilssen og Leif Ingvar Ranøien leverte ein strålande konsert til eit begeistra publikum, 42 betalande. Konserten var arrangert i samarbeid med Luster Folkeakademi, takk for samarbeid og økonomisk støtte! På Lustratreffet bidrog fleire grupper frå Luster med godt dansespel.

3 Konsert 1.november Eikum Hotell Kombinert konsert og Samdans. Ole Nilssen og Øyvind Sandum heldt konsert, og fekk 53 betalande publikum. Hafslobelgen spelte til dans etter kaffipausen. Julebord 17. desember. Tradisjonelt julebord på Jostedal Hotell. Dans til musikk av Tore Leiren, spelemannslaget spelte i pausane. Agnar Kveane var kjømeistar,104 deltakarar. Bygdedansen Laget har arrangert Bygdedansen ein gong i månaden gjennom vinteren. Øving på Jostedalspringar, rull, pols, osv. Arena for Bygdedansen har vore gymsalen ved Luster Ungdomsskule i Gaupne. Musikk ved Tormod med musikkanlegg og levande musikk. God deltaking. Samdansen Medarrangør av Samdansen på Eikum Hotell ein gong i månaden gjennom vinteren. Deltaking på kappleikar og Landsfestivalen. Fylkeskappleiken mars Kjølsdalen For laget deltok fem deltakarar i seks tevlingar: Einar Ese deltok i to klassar, Durspel/trekkspel sr. bygdedans og Vokal D. Helene Myklemyr og John Oddvar Kandal, Gruppespel runddans senior. Helene Myklemyr, Spel solo runddans senior. Tora Bjørhusdal, Hardingfele/fele kl. C. Kirsti og Tora Bjørhusdal, samspel jr. Landskappleiken, juni i Vågå Sju deltakarar frå laget presterte godt og deltok i til saman seks tevlingar. Oddbjørg Ese og Johannes Kjos, Dans hardingfele A. Einar Ese, durspel senior og Spel hardingfele D. Kristi og Tora, Gruppespel junior. Mari Ormberg og Mathilde Skjæret deltok begge i Spel hardingfele B. Tora Bjørhusdal Spel hardingfele c.

4 Landsfestivalen, august Gaupne God deltaking på heimebane! I Solo durspel senior deltok Arve Bjørn Røneid, Einar Ese og Norill Terese Norheim. Solo andre instrument senior: Helene Myklemyr Bolstad og Ida Kristine Sagerøy. Einar Ese stilte i Solo fele/hardingfele senior. Jostedal spel- og dansarlag deltok i Lagspel fele/hardingfele og i Lagdans senior med hamborgar. Mange av deltakarane i Lystringen som kom til finalen i Lagdans senior er medlemmer i laget. I Pardans senior hadde laget fleire par: Anne Louise Drevdal og Tormod Øvrebø, Øygunn og Johannes Kjos, Oddbjørg Ese og Arne Aasen Hauge. I gruppespel kom Ein haile halve maone og Labakkalaget til finalen, og fekk 3. og 4.plass. Johannes Kjos og Marie Myhrvold Bakke som Senior og Seniorita tok 2. plass i Open klasse. To purker og ein gris deltok og i klassa. Hafslobelgen vart nr.3 i Lagspel durspel/trekkspel, Vestlandskappleiken, 30.september 2. oktober Bergen Fire deltakarar stilte i tre klassar. Anne Louise Drevdal og Tormod Øvrebø deltok i klassa Runddans, Kristi og Tora Bjørhusdal i klassa Gruppespel junior. Tora Bjørhusdal stilte i Hardingfele klasse C Opplæring/kurs: Hardingfelekurs med Håkon Høgemo Jostedal Hotell januar, fire betalande deltakarar. Juniorane fekk og øve med Håkon.

5 Munnspelkurs 19. februar, Gaupne Barneskule Einar Eimhjellen heldt vellukka kurs for 10 deltakarar. Ynskje frå fleire om oppfølging. Ung dans Instruktørar: Anne Kristin Haugen Halveg og Ole Nilsen. For born mellom 9 og 16 år, har vore 13stk på det meste, tilhald i Dølaheimen og Samfunnshuset. Dansar mest halling, parhalling og reinlender. Avspenning, balanse, takt, rytme. Litt servering og kos. Ymse: Helene Myklemyr Bolstad er nestleiar i styret i Folkorg. Arve Bjørn Røneid er styremedlem i Sogn og Fjordane Folkemusikklag. Laget stod for sal av pølse og brus på 17.mai arrangementet i Jostedal. Me hadde 3 deltakarar, og 2 instruktørar på Mokurset. Else Marie har 8 elevar i opplæring på fele gjennom Kulturskulen Mange medlemmer er ivrige deltakarar i Lystringen. Laget er medlem i Luster Folkeakademi. Luster kommune og Luster Sparebank er trufaste støttespelarar. Jostedal spel- og dansarlag takkar alle frivillige som har stilt opp for laget! Styret