STUDIESTART Det juridiske fakultet Universitetet i Bergen HAUSTEN 2013
Innhald Velkommen Velkommen til Universitetet i Bergen. Vi er glade for at du har valt å studere hos oss! Dette informasjonsheftet fortel deg om ein del av dei praktiske gjeremåla du må gjennom den første tida som student. Vi håpar vi kan gi deg ein god start på studia ved UiB på ein praktisk, sosial og fagleg måte. Lykke til! Sjekkliste 4 1. Program for studiestartveka 6 Orienteringsdag måndag 12. august................ 6 Studiestartveka..................................... 6 2. Offisiell opning av det akademiske året 8 3. Ditt første semester 10 Om studiet........................................ 10 Førstesemesterstudiet............................. 11 Informasjon om fag og emne...................... 13 Oversikt over emne................................ 14 4. Praktisk informasjon 15 1. Betale semesteravgift............................ 15 2. Stadfeste utdanningsplanen på StudentWeb..... 15 3. Opprette brukarkonto........................... 16 4. Ta i bruk nettsida Mi side......................... 16 5. Skaffe deg studentkort.......................... 16 5. Informasjons- og rettleiingstenester 17 Informasjonssenteret ved Det juridiske fakultet..... 17 Informasjonssenteret ved Studieadministrativ avdeling....................... 17 Studentsamskipnaden i Bergen.................... 18 Studentprestane................................... 19 6. IKT-tenester 20 uib.no/utdanning.................................. 20 Brukarstøtte....................................... 20 Eiga epostadresse................................. 20 Pc-stover.......................................... 22 7. Universitetsbiblioteket 24 8. Fadderordninga 25
SJEKKlISTE Før studiestart: takke ja til studieplassen, svare Samordna opptak innan 26. juli notere deg den tilsende pin-koden og hente ut studentnummeret frå StudentWeb hente ut betalingsinformasjonen frå StudentWeb og betale semesteravgift til Studentsamskipnaden i Bergen (SiB) søke om studielån bli kjend med uib.no Ved studiestart: delta på orienteringsmøtet på fakultetet måndag 12. august stadfeste utdanningsplanen din på StudentWeb etter orienteringsmøtet opprette brukarkonto melde deg på til ex.fac.-grupper (12. 14. august) vurdere kva for undervisningsmodell du ønsker å følge på ex.phil. og eventuelt søke om plass på seminargruppe (12. 14. august) delta på velkomstseremonien på Muséplass og bli kjend med studentorganisasjonane på Studentsenteret tysdag 13. august hente studentkortet ditt på Kortsenteret logge deg inn på Mi Side gjere deg kjend med innhaldet i studieplanen for masterstudiet i rettsvitskap ved UiB ta med deg denne brosjyren når du møter til studiestart! 4
1. PROGRaM FOR STUdIESTaRTVEKa Orienteringsdag måndag 12. august Det juridiske fakultetet ønsker alle nye studentar velkomne måndag 12. august. Stad: Det juridiske fakultetet, Jusbygget, Dragefjellet, Magnus Lagabøtes plass 1. Registrering av nye studentar skjer mellom kl. 09.30 og 10.00. Det er viktig at du møter opp i dette tidsrommet. Vidare tek velkomstprogrammet til kl. 10.15 i Auditorium 1. Der får du informasjon om studiet, studieordninga og om praktiske tilhøve. Vi fortel deg om fakultetet og ulike studentorganisasjonar, og du får ei bakgrunnsforelesing (kåseri) om det å vere jusstudent i ei rettskulturell endringstid. Det blir òg inndeling i faddergrupper. Du møter fadderen din og får informasjon om fadderopplegget for heile semesterstartveka. NB! Det er obligatorisk oppmøte på orienteringsdagen. Dersom du absolutt ikkje har høve til å komme, må du gi skriftleg melding på førehand, elles kan du miste studieplassen. Studiestartveka Måndag 12. august 09.30 10.00 Registrering av alle nye studentar Stad: Jusbygget, Audun Hugleikssons hall 10.15 Velkomst og orientering frå fakultetet Stad: Auditorium 1 13.15 Hjelp med stadfesting av utdanningsplanen Stad: pc-stover på fakultetet 14.00 Fadderveka startar Stad: Auditorium 1 Tysdag 13. august 10.00 16.00 Studenttorg Stad: Studentsenteret 13.00 14.00 Velkomstseremoni Stad: Muséplass 14.00 Fadderprogram Onsdag 14. august 10.15 12.00 Forelesing Stad: Auditorium 1 14.00 Fadderprogram Torsdag 15. august 10.15 12.00 Forelesing Stad: Auditorium 1 14.00 Fadderprogram Fredag 16. august 12.15 14.00 Forelesing Stad: Auditorium 1 14.00 Fadderprogram Det juridiske fakultet ventar at du er budd på eit krevjande studium med betydelege innslag av obligatoriske element les all tilsend informasjon til nye studentar og held deg oppdatert gjennom uib.no/utdanning, Mi Side og epostkontoen din gjer deg kjend med og følger dei reglementa som gjeld for studiet ditt, i første rekke «Studieplan for integrert masterprogram i rettsvitskap ved Universitetet i Bergen» og «Utfyllende regler for studier ved Det juridiske fakultet, Universitetet i Bergen» gjer deg kjend med og rettar deg etter dei fristane som gjeld for hold knytte til studiet ditt gjer deg kjend med og rettar deg etter dei reglane som gjeld for fusk, plagiat og uærlegdom, og har respekt for andre sin produksjon 6 7
2. OFFISIEll OPnInG av det akademiske ÅRET Tysdag 13. august blir ein hendingsrik dag for alle nye og gamle studentar, for då blir den offisielle opninga av det akademiske året ved Universitetet i Bergen arrangert. Det blir ein dag med liv og røre, talar, pomp og prakt, med underhaldning og med sal av god mat. Programmet denne dagen speglar det mangfaldige studentlivet og gir deg innsyn i kva aktivitetar som finst. Program den 13. august 11.00 13.00 Studenttorg i Studentsenteret Her finn du rundt 100 studentorganisasjonar alt frå politiske og idealistiske organisasjonar til kor, korps, idrettslag og studentmedia. Her har du ein eineståande sjanse til å finne ut kva du vil drive med på fritida. Ikkje nøl med å ta kontakt! 13.00 14.00 Velkomstseremoni på Muséplass Velkomstseremonien blir arrangert på Muséplass, midt i hjartet av det tradisjonsrike og ærverdige Universitetet i Bergen, med Dei naturhistoriske samlingar som naturleg kulisse. Program Akademisk prosesjon Tale ved rektor Dag Rune Olsen Studentersangforeningen og Arme Riddere syng høgtidsstemt korsong Tale ved leiar av Studentparlamentet, Bjørn Kristian Danbolt Gjestetaler Overrasking! Bart Clavier spelar Mangokyss Velkomsthilsen frå Bergen Prosesjon og fanfare 14.00 16.00 Studenttorg i Studentsenteret Etter velkomstseremonien held det fram med studenttorg i Studentsenteret. Dersom du blir svolten etter seremonien, vil SiB vere på plass i Studentsenteret med freistande mat og drikke til ein billig penge. 8
3. ditt FØRSTE SEMESTER Om studiet Masterstudiet i rettsvitskap er delt inn i kurs fordelte på dei ulike studieåra slik oversikta på side 14 viser. Alle kursa blir avslutta med ein eigen eksamen. Dei tre første studieåra følger alle studentane det same studieopplegget og tek kursa i den rekkefølga oversikta viser, med mindre ein har fått godkjend ein avvikande utdanningsplan. Du kan legge opp utdanningsplanen din litt friare for det fjerde og femte studieåret avhengig av kva for spesialemne du vel, og kvar du eventuelt vil legge inn eit studieopphald i utlandet. Mot slutten av studiet skriv du ei masteroppgåve. Dette er ei sjølvstendig, skriftleg utgreiing over ei utvald juridisk problemstilling. Å skrive masteroppgåve tek eit eller to semester. Problembasert læring Masterstudiet i Bergen nyttar problembasert læring. I denne samanhengen er arbeidsgruppa svært viktig for læringa di. I dei to første studieåra er studentane delte inn i arbeidsgrupper på om lag ti studentar. Du kjem til å vere i den same arbeidsgruppa gjennom heile studieåret og på alle kursa (med unntak av ex.phil./ex.fac.). Dei to første åra har arbeidsgruppene vidarekomne studentar som gruppeleiarar. I det tredje studieåret blir studentane delt inn i virtuelle arbeidsgrupper som dei styrer sjølve. Jus er ein argumenterande vitskap, og bruken av språket for å formulere juridisk forståing og juridiske standpunkt hos studentane er svært viktig. Evna til å argumentere og til å ta sjølvstendige standpunkt blir utvikla i dialog med medstudentar, gruppeleiarar og vitskapleg tilsette. Kvart kurs har mellom tre og ni arbeidsgruppesamlingar, avhengig av lengda på kurset. Gruppa er samla i to timar kvar gong, og skal då løyse ei gitt oppgåve for deretter å skrive eit oppgåvesvar. Dei fleste oppgåvesvara skal skrivast individuelt, og det er ein frist for å legge inn svaret i det virtuelle grupperommet. Deretter skal medstudentar i gruppa komme med kommentarar, før gruppeleiaren legg inn sine kommentarar. I det tredje studieåret er det ein vitskapleg tilsett som gir kommentarane. Nokre gonger skal resultatet av det individuelle arbeidet framførast munnleg. Tre og tre arbeidsgrupper går saman i ei storgruppe tre til fire gonger i løpet av kvart kurs. Storgruppesamlingane blir leidde av ein vitskapleg tilsett. I tillegg til arbeidsgruppe- og storgruppesamlingane kjem forelesingane. Talet på forelesingar i kvart enkelt kurs er avhengig av omfanget til kurset (talet på studiepoeng). Obligatorisk deltaking Læringsprosessen din blir synleg for medstudentane dine når du deltek i arbeids- og storgruppesamlingane med aktiv innsats og med skriftlege og munnlege presentasjonar. Det er obligatorisk å delta i samlingane, skrive oppgåvesvar, kommentere medstudentar sine oppgåvesvar og halde munnleg framføring. Dei studentane som ikkje oppfyller desse obligatoriske krava i eit kurs, får ikkje gå opp til avsluttande eksamen i det aktuelle kurset. Fleire kurs har ein obligatorisk prøve midtvegs i kurset der ein får nokre dagar til disposisjon for å skrive svar på ei gitt oppgåve. Dette svaret må vere godkjend, og du må oppfylle dei andre obligatoriske krava for å få gå opp til avsluttande eksamen i kurset. Ei nærare skildring av studieplanen finn du på uib.no/utdanning. Førstesemesterstudiet Studiet startar med ex.fac./ex.phil. før Forvaltingsrett I. Dersom du allereie har teke ex.fac./ex.phil., kan du få fritak frå desse faga (meir informasjon finn du på s 13). Examen facultatum (ex.fac.) «Ex.fac. rett og samfunn» er eit introduksjonsemne. Kurset er ein del av førstesemesterstudiet i juss saman med ex.phil. og Forvaltingsrett I. Faget gir ei innføring i ulike måtar å sjå tilhøvet mellom retten og samfunnet på, og i kva som kjenneteiknar rettsbruk og rettsvitskap som faglege og samfunnsmessige fenomen. Det blir stilt krav om kjennskap til samspelet mellom rettsleg normering og juridiske avgjerdsprosessar på den eine sida, og politiske og samfunnsmessige prosessar på den andre. Kursinnhald: rettsstatens idé og grunnprinsipp innføring i korleis rettsreglar kjem til og endrar innhald med og utan medverknad frå lovgivaren som respons på samfunnsutvikling, ny erkjenning eller endra verdisyn introduksjon til juridisk metode forholdet mellom jus, moral og politikk 10 11
korleis rettsreglar fungerer som samfunnsmessige styringsinstrument og ramme for sosial samhandling rettsdynamikkens legitimitet korleis lovgivaren og det juridiske fagfellesskapet søker å sikre at rettsutviklinga garanterer menneskerettar og gir rettstryggleik NB! Hugs at du sjølv må melde deg på ex.fac.-grupper. Det gjer du på StudentWeb f.o.m. 12. august t.o.m. 14. august. Du vil få meir informasjon om påmelding på orienteringsdagen 12. august. Det er obligatorisk frammøte på første seminar på ex.fac. måndag 19. august. Examen philosophicum (ex.phil.) Ex.phil. skal gi deg ei innføring i sentrale, allmenne grunnlagsproblem i vestleg tenkemåte. Du skal arbeide med problemstillingar som er relevante for rettsvitskapen. Slik vil det vere koplingar mellom ex.phil.-pensum og juridisk forprøve. Kurset har to delar: alfa og beta. Alfadelen viser korleis omgrep og teoriar i vestleg filosofi, for eksempel filosofiske teoriar om rettferd og vitskapleg erkjenning, kan brukast til å kaste lys over rettsvitskapen. Betadelen skal mellom anna lære deg omgrep og metodar for presis språkbruk og stringent argumentasjon. Du kan velje seminarmodellen med mappevurdering eller sjølvstudium med avsluttande skoleeksamen. Seminarmodellen På seminarmodellen får du tett oppfølging gjennom heile semesteret, og opplegget er skreddarsydd for ferske studentar. Du melder deg på ei gruppe som du følger heile semesteret. Kvar gruppe har sin eigen seminarleiar med ansvar for undervisning og rettleiing. Det er obligatorisk oppmøte i seminargruppene, og det er krav om aktiv innsats gjennom heile semesteret. Du skriv oppgåver til dei to delane av ex.phil., og desse oppgåvene blir til slutt vurderte som eksamensarbeidet ditt. Undervegs i semesteret blir informasjon gitt på seminaret og på Mi Side. NB: Det er obligatorisk oppmøte på det første seminaret! Dersom du ikkje møter opp, risikerer du å miste plassen din på seminarmodellen. Undervisninga startar: tysdag 20. august, sjå timeplan på uib.no/utdanning. Første seminar: onsdag 21. august, (NB: obligatorisk oppmøte!) Kode: EXPHIL-JUSEM StudentWeb er open for søknad om plass på seminargruppe frå 12. august til 14. august. Skoleeksamen Dersom du vel skoleeksamen i ex.phil. følger du berre forelesingane, som er dei same som på seminarmodellen. Det vert ikkje ført oppmøte og heller ikkje gitt ekstraundervisning i form av kollokvier eller rettleiing. Denne modellen vert avslutta med ein fire timers skoleeksamen mot slutten av semesteret. For å gå opp til avsluttande eksamen må du først skrive ei øvingsoppgåve som dekker pensum. Oppgåva er obligatorisk. Du vil få ei skriftleg tilbakemelding med kommentarar på oppgåva. Undervisninga startar: tysdag 20. august, sjå timeplan på uib.no/utdanning. Kode: EXPHIL-JUEKS Dersom du har ex.fac./ex.phil. frå før Om du har ex.phil. frå UiB, legg du sjølv inn dette i utdanningsplanen din i StudentWeb. Om du har teke ex.fac. ved eit anna fakultet ved UiB, må du levere søknad om fritak til Det juridiske fakultetet. Dersom du har teke ex.fac./ex.phil. ein annan stad enn ved UiB, må du vise fram dokumentasjon (original karakterutskrift) på dette i Informasjonssenteret ved Studieadministrativ avdeling (i Langes gate 1). Etter at du har vist fram denne dokumentasjonen, må du også sende søknad om fritak til Det juridiske fakultetet for endeleg registrering. Fakultetet har ikkje noko alternativt fagtilbod til deg som allereie har teke ex.fac./ex.phil., men du kan få høve til å ta enkeltemne ved dei andre fakulteta mens du ventar på at kurset i Forvaltingsrett I skal starte. Sjølv om du allereie har teke ein annan ex.fac.-variant, vil vi rå deg til å følge vårt ex.fac.-kurs. Kurset er tett knytt opp mot det vidare studiet og er ei nyttig innføring i rettsbruk og rettsvitskap. Informasjon om fag og emne Det er viktig at du bruker Mi side for å få den informasjonen du treng (du får tilgang når du har oppretta brukarkonto). Mi side viser emneskildringar, pensumlister aktuelle meldingar frå lærarar og studierettleiarar, din eigen timeplan veke for veke, oversikt over dei andre studentane på emnet og annan informasjon som du treng. Når lærestaden sender ut viktig epost, blir denne send til den epostadressa du får frå UiB. Du må sjekke Mi side og eposten din dagleg! Meir informasjon om korleis du gjer dette i praksis, finn du i kapitlet Praktisk informasjon. 12 13
Oversikt over emne 4. PRaKTISK InFORMaSJOn 4. STUDIEÅR 3. STUDIEÅR 2. STUDIEÅR 1. STUDIEÅR 5. STUDIEÅR Ex.phil. (10 sp) Ex.fac. (10 sp) JUS122 Erstatningsrett (13 sp) JUS131 Kontraktsrett II (15 sp) JUS241 Strafferett (20 sp) sp = studiepoeng JUS111 Forvaltingsrett I (10 sp) JUS124 Tingsrett (13 sp) JUS132 Pengekravsrett (10 sp) JUS399 Masteroppgåve (30 sp) eller JUS250-397 Spesialemne (30 sp) eller JUS398 Masteroppgave (60 sp) eller delstudier i utlandet JUS114 Juridisk metode (8 sp) JUS121 Norske og internasjonale rettslege institusjonar (17 sp) JUS135 Rettsstat og menneskerettar (15 sp) JUS242 Rettargang (20 sp) JUS113 Kontraktsrett I (10 sp) JUS133 Rettskjeldeog metodelære (10 sp) JUS112 Arve- og familierett (12 sp) JUS123 Forvaltingsrett II (17 sp) JUS134 Rettshistorie og komparativ rett (10 sp) JUS243 Alminneleg formuerett (20 sp) JUS399 Masteroppgåve (30 sp) eller JUS250-397 Spesialemne (30 sp) eller JUS398 Masteroppgave (60 sp) eller delstudier i utlandet Det er eit tett program den første veka på universitetet, og det er mykje å hugse på. Derfor har vi laga ei oversikt over kva du må gjere og i kva rekkefølge: 1. Betale semesteravgift Alle som skal studere ved UiB må betale semesteravgift til Studentsamskipnaden i Bergen (SiB). Vi anbefaler deg å betale så tidleg som mogleg, og helst før studiestart, for å unngå forseinking. Du må sjølv hente ut nødvendig betalingsinformasjon frå StudentWeb og betale avgifta innan 1. september. For å logge deg på studentweb.uib.no treng du fødsels- og personnummeret ditt og din personlege pin-kode. Pin-koda finn du i brevet frå UiB med tilbod om studieplass. Dersom du ikkje har motteke pin-kode kan du enten kontakte informasjonssenteret på fakultetet ditt eller informasjonssenteret ved Studieadministrativ avdeling. Vel Betaling på StudentWeb for å få fram nødvendig betalingsinformasjon som KID, kontonummer og beløp, og betal avgifta via nettbank. På StudentWeb finn du også studentnummeret ditt, som du treng for å opprette ein brukarkonto. 2. Stadfeste utdanningsplanen på StudentWeb Kvart semester må du stadfeste utdanningsplanen din på studentweb.uib.no. Dette kan gjerast frå måndag 12. august. Når du loggar deg inn på StudentWeb, skal du: melde deg til undervisning og vurdering stadfeste at utdanningsplanen din er riktig for dette semesteret finne betalingsopplysingar slik at du kan betale semesteravgifta, dersom du ikkje alt har gjort dette registrere adressa di Fristen er 1. september 2013. Til deg som har søkt lån og stipend i Lånekassen: utbetaling blir ikkje gjort før du har betalt semesteravgifta og stadfesta utdanningsplanen. Semesterkort Når du har betalt semesteravgifta og stadfesta utdanningsplanen på StudentWeb, vil du få tilsendt ei semesterkvittering i posten. På denne kvitteringa finn du semesterkortet ditt. Det er viktig at du registrerer adressa di i StudentWeb og sørger for at du har namn på postkassa di. Ta vare på semesterkortet, det er nødvendig for at studentkortet skal 14 15
vere gyldig. På semesterkortet finn du også studentnummeret ditt. Ta kontakt med Informasjonssenteret ved Studieadministrativ avdeling om du ikkje har fått semesterkortet innan ti dagar etter at du har betalt semesteravgifta og stadfesta utdanningsplanen. 3. Opprette brukarkonto Når du har teke imot tilbodet om studieplass og stadfesta utdanningsplanen din på StudentWeb, må du opprette ein brukarkonto. Det gjer du ved å gå inn på sebra.uib.no og følge instruksjonane der. For å opprette brukarkonto treng du: fødselsnummer studentnummer (frå StudentWeb) Pin-koden Brukarkontoen gir deg: personlege sider (Mi side) eiga epostadresse tilgang til pc-stover og utskriftsog kopieringstenester tilgang til UiB sitt nett frå eigen pc personleg lagringsområde på nett, med backup etter UiB sine backup-rutinar Merk deg at det kan ta inntil ein time frå du har stadfesta utdanningsplanen din til du kan opprette brukarkonto. 4. Ta i bruk nettsida Mi side Miside.uib.no er ei personleg nettside med samla tilgang til kalender med timeplaninformasjon, pensum, emneinformasjon, meldingsteneste, personleg fillager og diskusjonsgrupper. Mykje av den faglege og administrative informasjonen blir formidla via Mi Side, og UiB forventar at du tek denne tenesta i bruk. 5. Skaffe deg studentkort Alle studentar må ha eit studentkort. Studentkortet fungerer som: identitetskort nøkkelkort lånekort ved Universitetsbiblioteket inngangskort til SiB sine treningssenter betalingskort ved utskrift og kopiering Fotografering og avhenting gjerast på Kortsenteret på Studentsenteret. Merk at du må vise gyldig legitimasjon ved fotografering. Du må ha stadfesta utdanningsplanen og oppretta brukarkonto seinast dagen før du kan hente kortet. Kortsenteret har utvida opningstider i veke 33 35, kl. 09.00 15.00. Tips! Lær brukarnamnet og passordet ditt utanåt. 5. InFORMaSJOnS- OG RETTlEIInGSTEnESTER Informasjonssenteret ved Det juridiske fakultet I informasjonssenteret møter du våre hyggelege og dyktige studentmedarbeidarar. Dei hjelper deg med informasjon og rettleiing i samband med studia dine. Adresse: Jusbygget, Dragefjellet, Magnus Lagabøtes plass 1, 6. etasje Opningstider: 09.00 14.00 Epost: studieveileder@jurfa.uib.no Telefon: 55 58 95 00 (09.00 14.00) Informasjonssenteret hjelper blant anna med: generell informasjon om studiet StudentWeb og Mi side atterstering av kopiar og mottak av skjema å bestille time hos studierettleiar Hos rettleiaren får du informasjon om: studietilbodet ved fakultetet studium i utlandet studieteknikk gjeldande regelverk endring av utdanningsplan fritak Informasjonssenteret ved Studieadministrativ avdeling Informasjonssenteret ved Studieadministrativ avdeling er ansvarleg for ei rekke tenester du nyttar gjennom semesteret. Adresse: Langes gate 1 3 Opningstid: måndag fredag 09.00 13.00, torsdag 10.00 15.00 (veke 33-35 måndag fredag 09.00 15.00) Epost: infosenter@sa.uib.no Telefon: 55 58 21 40 Generelle tenester namneendringsregistrering karakterutskrift registrering av ekstern utdanning tilrettelegging til eksamen semesterkvittering søknadsrettleiing utveksling 16 17
Studentsamskipnaden i Bergen Studentlivet er meir enn studia, difor finst Studentsamskipnaden. Når du har betalt semesteravgifta til SiB, kan du nytte alle SiB sine tilbod. SiB gir deg positive kvardagsopplevingar! På Studentsenteret har vi samla dei fleste av SiB sine tilbod under eitt tak: Studia Dette er studentane sin eigen fagbokhandel. Her finn du pensumbøker og alt du treng til studia. SiB Rådgivning Her får du individuelle råd og rettleiingstimar, og tilbod om ei rekkje spennande og nyttige kurs i blant anna eksamensmeistring, å ta ordet eller stressmeistring, heilt gratis. Ta kontakt på radgivning@sib.no Studentane si psykiske helseteneste (SPH) Gratis psykologtilbod til studentar. Kort ventetid. Besøk oss på Studentsenteret eller bestill time på telefon 55 54 51 45. Refusjon av legeutgifter SiB refunderer legeutgiftene dine når dei overstig 350 kr i løpet av eit år. Dersom du har vore til lege, kan du gå til sib.no/helse, der du finn søknadsskjema og informasjon om kvar du får pengane tilbake. Dersom du har større utgifter til kiropraktor, fysioterapi og liknande, kan du søke om støtte frå Helsefondet. Les meir om retningslinjer på sib.no/helse Legene på Høyden På Vektertorget i Christies gate 13, finn du eit eige legetilbod for studentar. Tenesten er eit fastlegetilbod, men tilbyr også akutt-timar for studentar som ikkje har fastlegen sin i Bergen. Sjå sib.no/no/helse/lege for meir informasjon. Tannhelseteneste Studentane har ei eiga tannhelseteneste på Årstad. Her får du tannundersøkingar og tannbehandling til prisar på linje med offentlege satsar. Telefon 55 20 64 58/59. Helsestasjon SiB og Engen Helsestasjon samarbeider om å gi eit gratis helsetilbod med fokus på studentar si seksuelle helse. På Engen Helsestasjon får du gratis reseptar og kondom, test av kjønnssjukdommar og råd om sex og samliv. Ope måndag, tysdag, onsdag 15.30 18.00. Inga timebestilling, trekk kølapp når du kjem. Karrieresenteret Lurer du på kva du skal bruke utdanninga di til? Kom gjerne på Karrieresenteret tidleg i studia og drøft det med ein karriererettleiar. Senteret hjelper deg òg med CV, jobbsøknader, intervjutrening og tips om arbeidsmarknaden. Karrieresenteret driv traineeprogrammet Trainee vest, som kvar vår lyser ut traineestillingar. SiB Trening SiB driv seks flotte treningssenter rundt om på campus. Tre av dei ligg i Bergen sentrum, og det største er på Studentsenteret. Hos SiB Trening kan du trene alt frå aerobic, pilates, vekttrening, svømme, klatre og spele squash med meir til ein rimeleg pris. SiB Bustad SiB har over 3500 hybeleiningar med ulike fasilitetar. Vi har ein bustad for deg enten du ønsker å bu aleine, dele kjøkken, bad, med eller utan barn eller bu i kollektiv. Søk om bustad hos oss via sib.no/bolig. Les meir om tilboda på sib.no. Studentprestane Når livet blir for stort eller for lite Treng du ein å dele tankane dine med, har studentprestane tid. Du bestemmer kva vi skal snakke om. Vårt tilbod er for alle studentar uavhengig av livssyn. Studentprestane er tilsette av Den norske kyrkja. Adresse: Studentsenteret, Parkveien 1 Kontakt: Kan treffast etter avtale Telefon: 55 58 47 14, Inge Høyland 55 58 94 45, Marie Grindheim Epost: inge.hoyland@prest.uib.no marie.grindheim@prest.uib.no Nettside: studentprest.no 18 19
6. IKT-TEnESTER uib.no/utdanning På nettsida uib.no/utdanning finn du blant anna oversikter over fagtilbod, studieplanar, delstudium i utlandet og rettleiings- og velferdstenester. Brukarstøtte På it.uib.no finn du oversikt over pc-stover, brukarrettleiing for oppkopling av heime-pc, oversikt over tilrådd utstyr og annan nyttig brukarinformasjon. Vi rår deg til å gjere deg kjend med innhaldet på desse sidene. Pc-vakter UiB har pc-vakter som gir generell hjelp og brukarstøtte til studentar, hovudsakleg på UiB sine tenester. Pc-vaktene held til i Informasjonssenteret kl. 08.00 18.00. Eiga epostadresse Når du har oppretta ein brukarkonto, får du automatisk ei eiga, personleg tilpassa epostadresse; vanlegvis namn.etternamn@ student.uib.no. Det er denne epostadressa UiB bruker for å sende ut epost til deg personleg. På webmail.uib.no kan du lese og sende epost frå ein vanleg nettlesar. Webmail. uib.no har god lagringskapasitet i tillegg til spam- og viruskontroll. Ein del av eposten du får frå UiB, inneheld store vedlegg med forelesingsnotat, tekstar og artiklar osv. Hugs å lese eposten din dagleg! Oppkopling til UiB frå eigen pc Alle som har ein brukarkonto, kan kople seg opp mot UiB heimanfrå med eigen pc eller Mac. I tillegg kan du bruke din eigen berbare pc på universitetsområdet og kople deg til UiB sitt nett, anten i trådlause soner eller på faste punkt plasserte rundt om på universitetsområdet. Dersom du ønsker å ta i bruk desse tenestene, kan du finne meir informasjon om dette på it.uib.no/ikt_for_studenter. Studentbustadene til Studentsamskipnaden i Bergen har gratis oppkopling til UiB. Sjå sib.no/no/bolig/beboer/internet for meir informasjon. Skal du bruke eigen pc, må du sjå til at han er fri for virus. Maskiner som er virusinfiserte, 20
blir utestengde frå UiB sitt nettverk. På internett kan ein laste ned virusvern gratis frå kjende leverandørar. Pc-vaktene kan rettleie ved installasjon av virusvern og oppkopling mot UiB sine tenester, men gir ikkje generell brukarstøtte på private maskiner. Universitetet i Bergen har ein rammeavtale for breiband slik at alle studentar kan få dette til gunstige prisar. Detaljane om dette finn du på it.uib.no/adsl. Pc-stover Pc-stover er arbeidsplassar for studentar med stasjonær maskin drifta av UiB. Ved pålogging med brukarkonto får du tilgang til eige heimeområde for lagring på UiBserverar. Alle fakulteta har eigne pc-stover og plassar for oppkopling av eigen pc. I tillegg kan du nytte deg av tenestene ved læringssentra til Universitetsbiblioteket. Det juridiske fakultetet har tre pc-stover med 59 pc-ar og fem lesesalar utstyrt med 97 pc-ar. For å få tilgang til pc-stovene og lesesalane med pc-ar må du bruke studentkortet og pin-koden din. Du kan kjøpe kort til storskrivaren og kopimaskina i 3. etasje anten i nybygget i kantina eller i Traumaten. Det er installert trådlaust nettverk for oppkopling av eigen pc i alle studentareala på heile jusbygget. I lesesal 10 og 11 i nybygget og lesesal A i gamlebygget er det lov å bruke berbar pc. Sjå it.uib.no for meir informasjon om oppkopling til UiB med eigen pc. Det er plassert ut pc-terminalar i andre, tredje og sjette etasje i nybygget. Desse kan brukast til stadfesting av utdanningsplanen, Mi side og innhenting av informasjon. Utskrift, kopiering og skanning Dette er ei betalingsbasert teneste der du betaler for kvar kopi eller utskrift. Det er gratis å skanne sider og få dette sendt som ei fil til eiga epostadresse. For å få tilgang til tenesta må du ha ein brukarkonto og gyldig studentkort, som fungerer som betalingskort. I tillegg må du fylle pengar på utskriftskontoen via ei webteneste der du kan betale med kredittkort (Visa/Mastercard). Ver merksam på at det kan ta opptil ei veke før du kan ta tenesta i bruk, avhengig av kor raskt du klarer å opprette brukarkonto og skaffe deg studentkort. Les meir her: it.uib.no/pullprint 22
7. UnIVERSITETSBIBlIOTEKET 8. FaddERORdnInGa Universitetsbiblioteket (UB) er eit moderne læringssenter, og er ein del av det faglege og pedagogiske tilbodet ved UiB. UB har bibliotekavdelingar ved alle fakulteta. Biblioteket tilbyr arbeidsplassar med Internett tilgang til store boksamlingar tilgang til elektroniske tidsskrift, oppslagsverk og annan faglitteratur på nettet kurs og rettleiing i informasjonssøking og støtte til oppgåveskriving Det meste av det som finst av både trykt og elektronisk materiale ved UB, kan du søke fram via UB sin elektroniske katalog BIBSYS eller Bibliotekportalen. Studentkortet fungerer òg som lånekort ved UB. Bruk det aktivt! Du er velkommen som lånar ved Universitetsbiblioteket. Bli betre kjend med UB gjennom våre informasjonsfilmar «UB din kilde til informasjon» og «Et plagieringseventyr», sjå uib.no/ub. Bibliotek for juridiske fag Adresse: Magnus Lagabøtes plass 1 Opningstid i semesteret: Måndag onsdag + fredag: 08.30 19.00 Torsdag: 09.00 19.00 Sjølv om fadderveka ikkje tek til før i august, har ei stor gruppe studentar brukt heile våren på å planlegge eit program spekka med arrangement og opplevingar som skal gi deg ein introduksjon til det å vere student i Bergen. Målet med fadderveka er at du skal bli kjend med dine nye medstudentar, med Bergen som studieby, universitetet og alt det spennande du kan engasjere deg i på fritida. Fadderveka er lagd opp slik at ho skal gi deg ein smakebit på det store spekteret av tilbod som finst for studentar. Fadderveka ved Det juridiske fakultet inneheld blant anna konsertar, humanitær innsamlingsaksjon, utflukt med grilling (og bading dersom veret tillet det), idrettsdag, innføring i Lovdata, omvisingar og mykje annan moro. Fadderprogramma for dei ulike fakulteta finn du på våre nettsider uib.no/utdanning. Vi ønsker deg ein god start på studietida! Fadderleiarane ved UiB og dei andre utdanningsinstitusjonane i Bergen har i lang tid planlagt fadderveka Foran: Åse Myhre (HiB) Pernille Reitan Jensen (hf). Andre rekke: Christine Marie Wigestrand (psykologi), Mai-Linn Blålid (NLA), My Malene Mjaaland (NHH), Bente Hvistendahl (sv). Bakerst: Olaf Haavik (BI), Dyveke Hatling (medisin og odontologi), Kurt Alexander Bakkevig (jus) 24 25
Notatar Redaksjon: Studieadministrativ avdeling, UiB Grafisk design og utforming: Kommunikasjonsavdelingen, UiB Foto: Emil Breistein: (forside, s. 21) Istockphoto (s. 5, 23) Paul S. Amundsen (s. 9, 23) Sandra Ječmenica: (s. 19, 23) Thor Brødreskift (s. 23) Paul-Erik Rosenbaum (s. 23) Endre Hilleren (s. 23) Marius E. Hauge (s. 23) Colourbox (s. 23) Studieadministrativ avdeling (s. 25) Trykk: Bodoni
Informasjonssenteret ved Det juridiske fakultet Adresse: Jussbygget, Magnus Lagabøtes plass 1 / Epost: studieveileder@jurfa.uib.no / Telefon: 55 58 95 00 / www.uib.no/jur