Fylkesmannen i Hordaland NRS FEØY AS Bergen, 17. november 2017 Storasundvegen 291 4260 Torvastad Dykkar ref.: Vår ref.(oppgi ved svar): Karina Ødegård 2017/11033 Sakshandsamar: Rapport frå inspeksjon ved NRS Feøy, lokalitet Klungsholmen den 30. august 2017 Kontrollnummer: 2017.053.I.FMHO Tilstades ved inspeksjonen: Frå verksemda: Karina Ødegård Tsjipke Deuzeman Mikolaj Mroz Frå Fylkesmannen i Hordaland: Britt Solheim Resultat frå inspeksjonen Denne rapporten omfattar resultatet frå inspeksjon ved NRS Feøy, lokaliteten Klungsholmen den 30. august 2017. Rapporten er å sjå på som endeleg dersom vi ikkje får tilbakemelding om faktiske feil innan to veker etter at rapporten er motteken. Fylkesmannen i Hordaland avdekka ingen avvik og ga 2 merknader under inspeksjonen. Merknader: Prosedyre for farleg avfall har mangler. Verksemda kan ikkje dokumentere at det skjer ei oppsamling av kopar i sediment under anlegget. Merknaden er nærare omtalte frå side 4 og utover i rapporten. Oppfølginga etter inspeksjonen er nærare omtalt på side 3. Elektronisk dokumentert godkjenning, utan underskrift senioringeniør Kopi til: Bømlo kommune Britt Solheim senioringeniør Fylkesmannen i Hordaland Postadresse: Postboks 7310, 5020 Bergen Besøksadresse: Statens hus, Kaigaten 9 Telefon: 55 57 20 00 Org. nr.: 974 760 665 E-post: fmhopost@fylkesmannen.no Internett: www.fylkesmannen.no/hordaland
1. Informasjon om den kontrollerte verksemda Ansvarleg eining Namn: NRS FEØY AS Organisasjonsnr.: 939817735 Eigd av: Bransjenr. (NACE-kode): 03.211 - Produksjon av matfisk, bløtdyr, krepsdyr og pigghuder i hav- og kystbasert akvakultur Kontrollert eining Namn: Klungsholmen, matfisk Anleggsnr.: 1219.0043.03 Kommune: Bømlo Fylke: Hordaland Anleggsaktivitet: Laksefiskproduksjon i sjø Løyve gitt: 08.04.2015 Sist endra: 2. Bakgrunn for inspeksjonen Miljødirektoratet og fylkesmennene gjennomfører ein tilsynsaksjon ved akvakulturselskap i haust. Tilsyna vert gjennomført som ein kontroll av akvakulturselskapet sin internkontroll for ytre miljø og oppfølging av selskapet sitt matfiskeanlegg i sjø. Inspeksjonen vart gjennomført for å kontrollere om gjeldande krav som er fastsette i eller med heimel i forureiningslova og produktkontrollova, vert overhaldne. Aksjonen er ei oppfølging av tilsynsaksjonen for akvakultur i 2011. Inspeksjonstema internkontroll knytt til ytre miljø, med hovudvekt på miljømål, risikovurdering og rutinar kunnskap om og oppfølging av eigen miljøpåverknad inkludert miljøgranskingar kjemikal avfall og forsøpling utsleppsløyvet Rapporten gjeld avvik og merknader som vart avdekka under inspeksjonen. Han gir ingen fullstendig tilstandsvurdering av miljøarbeidet eller miljøstatusen til verksemda. Definisjonar Avvik: Manglande etterleving av krav fastsette i eller med heimel i lov. Merknad: Eit tilhøve som tilsynsetatane meiner det er naudsynt å peike på for å ivareta ytre miljø, men som ikkje er omfatta av definisjonen for avvik.
Andre tilhøve: Saker som kom fram under inspeksjonen og som det kan vere nyttig for verksemda og sakshandsamarar å kjenne til. Informasjon om verksemda og kommentarar til tema som vart tekne opp under inspeksjonen, men som ikkje vart klassifisert som avvik eller merknader, kan også inngå her. 3. Oppfølging etter inspeksjonen Fylkesmannen fann ingen avvik innanfor dei områda som vart kontrollerte. Vi ser difor på oppfølginga etter inspeksjonen som avslutta. 4. Vedtak om gebyr Verksemder skal betale gebyr for kontrollar utførte av Fylkesmannen. Vi viser til varsel om gebyr gitt til verksemda den 10. juli 2017. Gebyret skal dekke kostnader med førebuing, gjennomføring og oppfølging av kontrollen. NRS Feøy AS må betale eit gebyr på kr 19 400,- for inspeksjonen, jf. forureiningsforskrifta 39-7 og 39-8. Dette er gebyrsats 2 for tilsyn av inntil en dags varighet. Faktura blir ettersendt frå Miljødirektoratet. De har rett til å klage på valet av gebyrsats innan tre veker etter at de har fått denne rapporten, jf. forvaltningslova 28. Klagen må innehalde den eller dei endringane de ønskjer. Den bør vere grunngjeven og skal sendast til Fylkesmannen. Gebyret som er fastsett, må likevel betalast inn. Dersom Miljødirektoratet tek klagen til følgje, vil for mykje innbetalt beløp bli refundert. 5. Offentlegheit i forvaltninga Denne rapporten vil vere offentleg tilgjengeleg via postjournalen til Fylkesmannen i Hordaland (jf. offentleglova). 6. Avvik Det vart ikkje funne avvik under inspeksjonen. 7. Merknader Vi ga følgjande merknader under inspeksjonen: Anmerkning 1 Prosedyre for farleg avfall har mangler. Kommentarar: Verksemda sin prosedyre for farleg avfall er datert 5. september 2016. Denne manglar informasjon om at det farlege avfallet skal leverast i gang i året dersom mengda overskrid 1 kg og at avfallet skal deklarerast før levering til godkjent mottak.
Anmerkning 2 Verksemda kan ikkje dokumentere at det ikkje skjer ei oppsamling av kopar i sediment under anlegget. Kommentarar: Verksemda har krav til prøvetaking av kopar i sediment under anlegget, jf. punkt 3.4 i løyvet. Vilkåret inneber at dersom lokaliteten har nytta koparimpregnerte nøter og dei har blitt høgtrykkspylt i sjøen, pliktar oppdrettar å dokumentere at det ikkje skjer ei oppsamling av kopar under anlegget, som kan gi ulempe eller skade for miljøet. Desse målingane bør gjerast ved neste MOM B -gransking, ved maksimal belastning av biomasse. Måling av kopar under anlegget bør skje med minst fem prøvar teke langs merdkant. Fylkesmannen sendte i e-post av 20. oktober 2016 ei påminning om dette kravet. Det vart opplyst under tilsynet at verksemda skal få gjennomført ei MOM C gransking innan kort tid. Dette er i samsvar med kravet i punkt 4.2 Krav til overvaking i utsleppsløyvet datert 8. april 2015. I MOM C - granskinga blir det gjort kjemiske målingar i sediment på stasjon C1, 30 meter frå merdkant. Kravet i punkt 3.4 i løyvet er målingar av kopar i sediment under anlegget, og fell saman med krava om MOM B - gransking. 8. Andre tilhøve Framandstoff i fôr Fôret inneheld ulike framandstoff både som aktive tilsetjingar i fôret (t.d. Zn og Cu) og ulike forureiningar frå fôrkjeldene (som t.d. Cd og ulike miljøgifter). Oppdrettar pliktar å kjenne til om dei held seg innanfor dei grenseverdiar som er sette. Verksemda bør risikovurdere utsleppa av framandstoff i fôr. Oppdrettar bør óg vurdere om dei treng å gjere målingar av miljøgifter i sedimentet under anlegget. 9. Dokumentunderlag Lovgrunnlaget for inspeksjonen var: Lov om vern mot forurensninger og om avfall (forureiningslova) Lov om kontroll med produkter og forbrukertjenester (produktkontrollova) 3 og 3a Forskrift om begrensning av forurensning (forureiningsforskrifta) Forskrift om gjenvinning og behandling av avfall (avfallsforskrifta) Forskrift om systematisk helse-, miljø- og sikkerhetsarbeid i virksomheter (internkontrollforskrifta) Løyve til verksemd etter forureiningslova frå Fylkesmannen
10. Informasjon til verksemda Brosjyrar/infoark vart utdelte: Avfallsdeklarering.no (M421/2015) Avviksbehandling: Det er bedre å lære av en feil enn å gjenta den Deklareringsplikt for farlige kjemikalier (M61) Er det farlig? om farlige stoffer i forbrukerprodukter Gebyr ved kontroll (TA-2608) Håndtering av farlig avfall (M284) Substitusjonsplikten (M104)