Fylkesmannen i Hordaland BANE NOR BERGEN INFRASTRUKTUR - PROSJEKTER Bergen, 3. oktober 2017 Strømgaten 4 5015 Bergen Dykkar ref.: Vår ref.(oppgi ved svar): Marte Thorsen 12/11863 Sakshandsamar: Rapport frå inspeksjon ved prosjektet Fløen - Arna Kontrollnummer: 2017.057.I.FMHO Kontaktpersonar ved inspeksjonen: Frå verksemda: Marte Thorsen Katrine Sælensminde Erstad Jostein Fjøsne Johan Kråkenes Gry Dahl (observatør frå konsern-stab) Frå Fylkesmannen i Hordaland: Ingrid Torsnes Resultat frå inspeksjonen Denne rapporten gjeld resultatet frå inspeksjon ved Bane NOR sitt prosjekt mellom Fløen - Arna 21. september 2017. Rapporten er å sjå på som endeleg dersom vi ikkje får tilbakemelding om faktiske feil innan to veker etter at rapporten er motteken. Fylkesmannen i Hordaland avdekka 1 avvik og ga 1 merknad under inspeksjonen innan følgjande tema: internkontroll deklarering av farleg avfall Elektronisk dokumentert godkjenning, utan underskrift kontrollør Fylkesmannen i Hordaland Ingrid Torsnes senioringeniør Kopi til: Bergen kommune Fylkesmannen i Hordaland Postadresse: Postboks 7310, 5020 Bergen Besøksadresse: Statens hus, Kaigaten 9 Telefon: 55 57 20 00 Org. nr.: 974 760 665 E-post: fmhopostmottak@fylkesmannen.no Internett: www.fylkesmannen.no/hordaland
1. Informasjon om den kontrollerte verksemda Ansvarleg eining Namn: BANE NOR BERGEN INFRASTRUKTUR - PROSJEKTER Organisasjonsnr.: 983160522 Eigd av: 917082308 Bransjenr. (NACE-kode): 42.120 - Bygging av jernbaner og undergrunnsbaner Kontrollert eining Namn: Bane NOR sitt prosjekt Bergen - Arna Anleggsnr.: 1201.0594.01 Kommune: Bergen Fylke: Hordaland Anleggsaktivitet: Midlertidig anleggsvirksomhet Løyve gitt: 22.03.2013 Sist endra: 12.01.2016 2. Bakgrunn for inspeksjonen Inspeksjonen vart gjennomført for å kontrollere om gjeldande krav som er fastsette i eller med heimel i forureiningslova, vert overhaldne. Inspeksjonen inngår i Fylkesmannen sin aksjon for samferselsutbygging. Inspeksjonstema Internkontroll Prosess og reinseutstyr Utslepp til luft Utslepp til vatn Avfall Støy Rapporten gjeld avvik og merknader som vart avdekka under inspeksjonen. Han gir ingen fullstendig tilstandsvurdering av miljøarbeidet eller miljøstatusen til verksemda. Definisjonar Avvik: Manglande etterleving av krav fastsette i eller med heimel i lov. Merknad: Eit tilhøve som tilsynsetatane meiner det er naudsynt å peike på for å ivareta ytre miljø, men som ikkje er omfatta av definisjonen for avvik. Andre tilhøve: Saker som kom fram under inspeksjonen og som det kan vere nyttig for verksemda og sakshandsamarar å kjenne til. Informasjon om verksemda og kommentarar til tema som vart tekne opp under inspeksjonen, men som ikkje vart klassifisert som avvik eller merknader, kan også inngå her. 3. Oppfølging etter inspeksjonen Bane NOR pliktar å rette opp avvika som er omtalte i denne rapporten så snart som råd. For at Fylkesmannen skal kunne avslutte saka, ber vi om at Bane NOR innan 15. desember 2017 sender ei skriftleg utgreiing som viser korleis avvik er retta og kva tiltak som er gjennomførte eller planlagde. Inspeksjonsrapport 2017.057.I.FMHO Side 2 av 5
4. Vedtak om gebyr Vi viser til informasjon og varsel om gebyrplikt som vart gitt til verksemda 30. august 2017. Verksemder skal betale gebyr for kontrollar utførte av Fylkesmannen i samsvar med 39-3 i forureiningsforskrifta. Gebyret skal dekke kostnader med førebuing, gjennomføring og oppfølging av kontrollen. Gebyrsatsar for kontroll av verksemder utan løyve etter forureiningslova er fastsette i forureiningsforskrifta 39-7 og 39-8. På bakgrunn av forventa ressursbruk må Bane NOR betale eit gebyr på kr 19 400,- for inspeksjonen, jf. forureiningsforskrifta 39-7 og 39-8. Dette svarer til gebyrsats 2 for tilsyn av inntil en dags varighet. Miljødirektoratet vil sende dykk ein faktura for innbetaling til statskassa. Fylkesmannen viser elles til forureiningsforskrifta kapittel 39 om innkrevjing av gebyr til statskassa. Klagerett Vedtaket om gebyr kan klagast på til Miljødirektoratet, jf. 28 i forvaltningslova. Ein eventuell klage bør vere skriftleg grunngjeven og adressert til Miljødirektoratet, men han skal sendast via Fylkesmannen i Hordaland. Fylkesmannen vil vurdere endring av vedtaket eller sende saka vidare til Miljødirektoratet for endeleg vedtak. Gebyret som er fastsett ovanfor, må likevel betalast inn. Dersom Miljødirektoratet tek klagen til følgje, vil for mykje innbetalt beløp bli refundert. 5. Offentlegheit i forvaltninga Denne rapporten vil vere offentleg tilgjengeleg via postjournalen til Fylkesmannen i Hordaland (jf. offentleglova). 6. Avvik Vi fann følgjande avvik under inspeksjonen: Avvik 1 Verksemda har manglar i internkontrollen Avvik frå: Internkontrollforskrifta 5 andre ledd punkt 7 Kommentarar: I internkontrollforskrifta 5 andre ledd punkt 7 står det at verksemda skal setje i verk rutinar for å avdekke, rette opp og førebyggje brot på krav i eller i medhald i helse-, miljø- og tryggleikslovgivinga. Verksemda kunne ikkje gjere greie for om det er oljeutskiljar tilknytt uteområdet utanfor verkstaden eller om overflateavrenning til rist og kum gjekk til tett tank. Dei hadde ikkje informasjon om prøvetaking eller tømmerutinar frå eventuell oljeutskiljar eller rutinar for tømming av eventuell tett tank. Inspeksjonsrapport 2017.057.I.FMHO Side 3 av 5
Ved tilsynet observerte Fylkesmannen gamle jernbanesviller lagra ute på bakken. Det vart opplyst at entreprenøren hadde fått beskjed av byggherre om å levere dei på lager for farleg avfall, men dette var ikkje følgt opp av entreprenøren. Fylkesmannen fekk ikkje framvist byggherre sin rutine om korleis dei skal sikre seg at entreprenørane følgjer miljøregelverket. 7. Merknader Vi ga følgjande merknader under inspeksjonen: Merknad 1 Deklarering av farleg avfall i avfallsdeklarering.no må kunne sporast tilbake til prosjektet Arna-Bergen. Kommentarar: Det vert opplyst at levering av farleg avfall frå drivinga av tunnelen mellom Bergen og Arna vart levert av entreprenøren, verksemda JV Skanska-Strabag Ulriken ANS. Det var ei «joint venture» som berre var oppretta for tunneldrivinga. Alt farleg avfall som denne verksemda leverte kom frå Bane NOR sitt prosjekt. I den delen av prosjektet Arna- Bergen som har begynt no, er Skanska entreprenør. Skanska har prosjekt i heile landet for fleire aktørar. Bane NOR må derfor sikre seg at levering av farleg avfall i avfallsdeklarering.no vert ført slik at det er mogleg å spore avfallet tilbake til prosjektet Arna-Bergen. 8. Andre tilhøve Status for prosjektet Verksemda har løyve frå Fylkesmannen til tunneldriving gjennom Ulriken, med utsleppsløyve for avløpsvatn i Fløen. Dette reinseanlegget har vore lite brukt. Mykje av vatnet frå tunneldrivinga har vore pumpa tilbake til sedimentasjonsbassenget i Arna. I Arna vert vatn ført til kommunalt avløpsreinseanlegg etter sedimentering. Tunnelboremaskina Ulrikke vert no demontert i Fløen, og det skal sprengjast tverrtunnelar mellom eksisterande og ny tunnel. Anleggsarbeid for å oppgradere Arna stasjon har også starta opp. Turbiditetsmålingar og måling av suspendert stoff i sedimentasjonsbasseng Sedimentasjonsanlegget i Arna loggar blant anna turbiditet og ph. Vatn frå sedimentasjonsanlegget vert ført til kommunalt reinseanlegg. Verksemda har påsleppsavtale med kommunen, og grenseverdiar for suspendert stoff. Verksemda har måleresultat av både turbiditet og suspendert stoff over tid. Det kunne vore nyttig for drifta av sedimentasjonsbassenget å rekne ut korrelasjonsverdien mellom turbidtet og suspendert stoff slik at turbiditetsloggen i sedimentasjonsalegget faktisk kunne nyttast til noko. Inspeksjonsrapport 2017.057.I.FMHO Side 4 av 5
9. Dokumentunderlag Lovgrunnlaget for inspeksjonen var: Lov om vern mot forurensninger og om avfall (forureiningslova) Lov om kontroll med produkt og forbrukertjenester (produktkontrollova) 3 og 3a Forskrift om begrensning av forurensning (forureiningsforskrifta) Forskrift om gjenvinning og behandling av avfall (avfallsforskrifta) Forskrift om systematisk helse-, miljø- og sikkerhetsarbeid i virksomheter (internkontrollforskrifta) Løyve til verksemd etter forureiningslova frå Fylkesmannen Inspeksjonsrapport 2017.057.I.FMHO Side 5 av 5