Rettleiar for undersøking av jordforureining i barnehagar og på leikeplassar på industristader NGU-rapport 2007.039 TA-2333/2007 ISBN 978-82-7655-527-1
NGU-rapport 2007.039 Rettleiar for undersøking av jordforureining i barnehagar og på leikeplassar på industristader. Tillegg til TA-2260/2007 (eksisterande barnehagar) og TA-2261/2007 (nye barnehagar)
Noregs geologiske undersøking 7491 TRONDHEIM Tlf. 73 90 40 00 Telefaks 73 92 16 20 RAPPORT Rapport nr.: 2007.039 ISSN 0800-3416 Gradering: Open Tittel: Rettleiar for undersøking av jordforureining i barnehagar og på leikeplassar på industristader. Tillegg til TA-2260/2007 (eksisterande barnehagar) og TA-2261/2007 (nye barnehagar) Forfattarar: Rolf Tore Ottesen, Malin Andersson og Toril Haugland Fylke: Kartblad (M=1:250.000) Oppdragsgivar: SFT Kommune: Kartbladnr. og -namn (M=1:50.000) Namn og koordinatar til førekomsten: Sidetal: Pris: Kartvedlegg: Feltarbeid utført: Rapportdato: 15.08.2007 Prosjektnr.: 296000 Ansvarleg: Samandrag: Miljøverndepartementet vedtok 28. november 2006 "Handlingsplan for opprydding i forurenset jord i barnehager og på lekeplasser". Handlingsplanen inneber i første omgang at grunnen i alle barnehagar i dei ti største byane og på fem store industristader skal undersøkjast innan utgangen av 2008, og at det i dei barnehagane der det blir avdekt uakseptabel forureining, skal ryddast opp innan sommaren 2010. Grensene for kva som er akseptable konsentrasjonar av miljøgifter, "Kvalitetskriterier for jord i barnehager, lekeplasser og skoler basert på helsevurderinger", er utarbeidd av Nasjonalt folkehelseinstitutt (Alexander, 2006 og Alexander, 2007). Statens forureiningstilsyn (SFT) har gitt Noregs geologiske undersøking i oppdrag å utarbeide rettleiarar for korleis undersøkingar av jordforureining i eksisterande og planlagde barnehagar og på leikeplassar skal gjerast og rapporterast. SFT ønskjer at alle barnehagar og leikeplassar skal undersøkjast med den metodikken (feltundersøkingar, kjemiske analysar og rapportering) som det blir gjort greie for i desse rapportane. Denne rapporten gjer greie for det utvida analyseprogrammet og kvalitetskriteria som gjeld for dei fem industristadene Mo i Rana, Årdal, Odda, Porsgrunn og Kirkenes. Emneord: Barnehagar Leikeplassar Jordforureining Planlegging og førebuingar Prøvetaking Kjemiske analysar Rapportering Kvalitetssikring Industristad
INNHALD FORORD... 5 1. Innleiing... 6 2. KJEMISKE ANALYSAR... 6 2.1 Dioksin... 7 2.2 Heksaklorbenzen... 7 2.3 Trikloreten... 7 2.4 Sink... 7 2.5 Fluorid... 7 2.6 Cyanid, fritt... 7 3. REFERANSAR... 7
FORORD Noregs geologiske undersøking (NGU) har på oppdrag frå Statens forureiningstilsyn (SFT) utarbeidd eit system for kvalitetssikring av grunnundersøkingar i barnehagar og på leikeplassar. Prosjektet består av desse elementa: 1. Rettleiar for undersøking av jordforureining i eksisterande barnehagar og på leikeplassar (TA-2260/2007) 2. Rettleiar for undersøking av jordforureining i nye barnehagar (TA-2261/2007) 3. Mal for rapportering frå undersøking av jordforureining i barnehagar og på leikeplassar (TA-2262/2007) 4. Rettleiar for undersøking av jordforureining i barnehagar og på leikeplassar på industristader. Tillegg til TA-2260/2007 (eksisterande barnehagar) og TA-2261/2007 (nye barnehagar) (TA-2263/2007) 5. Kvalitetssikring av undersøkingsrapportar som inngår i Miljøverndepartementets handlingsplan
1. INNLEIING Generelt skal undersøking av jordforureining i barnehagar og på leikeplassar på industristader følgje same prosedyre som det er gjort grundig greie for i TA-2260/2007 (eksisterande barnehagar) og TA-2261/2007 (nye barnehagar). Ein mal for rapportering er gitt i TA- 2262/2007. Unntaket for industristadene er analyseprogrammet. I tillegg til arsen, metall, PAH og PCB, som skal undersøkjast på same måte som i andre barnehagar, skal nivået av stoff som industriverksemda kan ha tilført grunnen gjennom luftutslepp og avfallsdeponering, kontrollerast i overflatejorda på industristadene. Nasjonalt folkehelseinstitutt har i samarbeid med SFT utvikla kvalitetskriterium for jord i barnehagar og på leikeplassar og skular for nokre tilleggsstoff som er aktuelle på dei fem store industristadene som er med i MDs handlingsplan. Det er sink, dioksin, fluorid, cyanid, heksaklorbenzen og trikloreten. Kvalitetskriteria for desse stoffa går fram av tabell 1. Å etablere velfunderte kvalitetskriterium for fluorid er meir tidkrevjande enn for dei andre stoffa, og kriteriet for fluorid må derfor vente inntil dette arbeidet er sluttført. Stoff (mg/kg) Normal barnehage Grøn barnehage Fluorid Ventar Ventar Sink 500 500 Cyanid 6 1 Heksaklorbenzen 1* 0,01 Trikloreten 0,2 0,2 Dioksin (µg/kg)* * 0,02 0,02 * Sjølv om denne konsentrasjonen blir vurdert som heilt trygg for barn i barnehagar og på leikeplassar, er konsentrasjonen høg i forhold til naturlege bakgrunnsverdiar i Noreg. Dersom kvalitetskriteriet blir overskride, tyder det derfor på tilførsel av industriforureiningar til grunnen, og prøva bør såleis også analyserast på førekomst av andre klororganiske stoff. ** Dioksin blir oppgitt som µg WHO-TEQ pr. kg jord. Dei ansvarlege for å gjennomføre undersøkingar i Mo i Rana, Årdal, Odda, Porsgrunn og Kirkenes må i samarbeid med dei forureinande industribedriftene vurdere kva slags stoff som kan vere tilførte grunnen på industristaden via til dømes luftutslepp og avfallsdeponering. Kva slags tilleggstoff som skal analyserast, kjem kommunane seinare overeins med SFT om. Lista over tilleggsstoff er ikkje uttømmande. Dersom det er stoff som det er aktuelt å analysere på som ikkje er viste her, må ein ta kontakt med Nasjonalt folkehelseinstitutt for rettleiing og utarbeiding av ytterlegare kvalitetskriterium. 2. KJEMISKE ANALYSAR Prøvene skal generelt takast som forklart i TA-2260/2007. Prøva for arsen- og metallbestemmingar skal emballerast i "Craft" papirposar eller kvite plastboksar med lok. Prøva som skal brukast for å bestemme dioksin, PAH og PCB og fluor, legg ein i ein Rilsanpose. Dersom analysane for å bestemme arsen, metall, dioksin, PAH, PCB og fluor skal gjerast i same laboratorium, er det tilstrekkeleg å leggje ei 0,5 kg-prøve i ein Rilsan-pose. 6
Prøvene for å bestemme cyanid, heksaklorbenzen og trikloreten fyller ein i spesialemballasje som ein får frå laboratoria. Prøvene skal sendast til det laboratoriet el. dei laboratoria som skal stå for prøvepreparering og kjemisk analyse. Analysemetoden er presisert for at alle resultata skal kunne samanliknast. 2.1 Dioksin Dioksin og dibenzofuran (17 kongenerar i høve til WHO) bestemmer ein med GC-HRMS (US EPA-metode 1613). 2.2 Heksaklorbenzen Ekstraksjon med heksan og bestemming med GC-MS. 2.3 Trikloreten Ekstraksjon med metanol etter EPA-metode 601624 og bestemming med GC-MS. 2.4 Sink Skal bestemmast som arsen og metall elles, dvs. at dei skal oppsluttast etter NS 4770 og innhaldet bestemmast med ICP-AES. 2.5 Fluorid Informasjon om analysemetode må vente til kvalitetskriteria for fluorid er fastsette. Eit uavklart punkt i den samanhengen er kva for nokre fluorid og kva for nokre eksponeringsvegar som vil kunne vere problematiske for barn i barnehagesituasjonen. 2.6 Cyanid, fritt Bestemming av fritt CN - i jord skal gjerast etter ISO17380:5. 3. REFERANSAR Alexander J., 2007: Anbefalte kvalitetskriterier for jord i barnehager, lekeplasser og skoler basert på helsevurderingar. Noen tilleggsstoffer på industristeder. TA-2260/2007: Rettleiar for undersøking av jordforureining i eksisterande barnehagar og leikeplassar TA-2261/2007: Rettleiar for undersøking av jordforureining i nye barnehagar 7
TA-2262/2007: Mal for rapportering frå undersøking av jordforureining i barnehagar og på leikeplassar 8