HERØY KOMMUNE MØTEINNKA LLING Utval: Råd for menneske med nedsett funksjonsevne Møtestad: Møterom 1 Herøy rådhus Dato: 30.04.2012 Tid: 13:30 Melding om forfall til tlf. 70081300. Forfall til møter i kommunale organer skal vere gyldig i hht. Lov om kommuner og fylkeskommuner 40, nr. 1. Varamedlemer som får tilsendt sakliste, skal ikkje møte utan nærare innkalling. Fosnavåg, 24.04.12 Sølvi Myrhol leiar
SAKLISTE: Saksnr PS 11/12 PS 12/12 PS 13/12 PS 14/12 PS 15/12 Innhold Godkjenning av innkalling og sakliste Godkjenning av protokoll frå forrige møte. Dekking av køyreutgifter i støttekontakttenesta Badeland. Orientering ved Roger Myklebust. Almenningstorget. RS 1/12 Referatsaker Møteprotokoll - Rådet for likestilling for funksjonshemma. RS 2/12 Detaljeregulering for Røyra feriesenter - offentleg ettersyn RS 3/12 Uttale frå fylkeseldrerådet om lovfesta rett til sjukeheimsplass.
PS 11/12 Godkjenning av innkalling og sakliste PS 12/12 Godkjenning av protokoll frå forrige møte.
HERØY KOMMUNE Bu- og habiliteringsavdelinga SAKSFRAMLEGG Sakshandsamar: RRK Arkivsaknr: 2012/13 Arkiv: F16 - Utvalsaksnr Utval Møtedato 13/12 Råd for menneske med nedsett funksjonsevne 30.04.2012 14/12 Eldrerådet 30.04.2012 Formannskapet 22.05.2012 Kommunestyret 31.05.2012 DEKKING AV KØYREUTGIFTER I STØTTEKONTAKTTENESTA Tilråding: Støttekontaktar får kompensert for kilometer som overstig 10 km t/r frå heim støttekontakt til heim brukar. Kommunen vert delt opp i fire utgiftsoner med utgangspunkt i avstand frå heimen til brukaren til eit sentrum med sentrumsfunksjonar. Støttekontakter kan få dekt kilometergodtgjersle for køyring frå heim til brukar til næraste sentrum tur/retur ein gong per månad. Utgiftsdekking ut over dette må det ligge særskilte behov til grunn for, og det må søkjast om dette til den avdelinga som tildeler støttekontakt. Særutskrift: NAV-leiar Pleie og omsorgsleiar Bu- og habiliteringsleiar
Saksopply sningar: Avdelingane bu- og habilitering, pleie- og omsorg og NAV gjer vedtak om støttekontakt i Herøy kommune. Kva avdeling som vedtek tenesta er avhengig av kva diagnose og funksjonsnivå den som søkjar har. Tenesta i seg sjølv er lovpålagd, men dekking av transportutgifter i samband med tenesta, er ikkje det. Som eit resultat av kutt i økonomiske rammer for budsjettåret 2012, har tenesteavdelingane begynt arbeidet med å finne realistisk innsparingspotensiale for å balansere budsjettkravet. Avdelingane har gått igjennom rekneskapet for å synleggjere kostnaden for Herøy kommune. Bu- og habilitering hadde i 2011 eit budsjett til køyring av støttekontakt på kr 38.800,- og eit reelt forbruk per 19.desember på kr 167.406. Eit meirforbruk på kr 128.606 som går til dekking av transport for støttekontakttenesta. Samla budsjettmidlar for alle tre heimetenestedistrikta til praktisk bistand i pleie- og omsorgsavdelinga var i 2011 kr 83.000. Per 19. desember vart det brukt kr 198 128, og dermed eit meirforbruk på kr 115.128. Dette er i houvdsak støttekontaktkøyring, men litt av det vert brukt til transport av heimehjelper mellom oppdraga. NAV hadde i 2011 eit budsjett på kr 50.000 og eit reelt forbruk på kr 108.000. Eit meirforbruk på kr 58.000. Totalt utgjer dette ein reell kostnad på kr 473.534 opp mot budsjettert kr 171.800,- Herøy kommune hadde fram til januar 2009 ein praksis med å gi godtgjersle til støttekontaktar som hadde klientoppdrag som var over 10 kilometer tur/retur. Denne praksisen vart endra gjennom adm. sak 01/09 der det vart det vedteken ein utvida kompensasjonspraksis i Herøy kommune for støttekontaktar. Støttekontaktane skulle få dekt utgifter tur/retur klienten fullt ut. I tillegg kom køyring i lag med brukaren, som var nødvendig for den enkelte i forhold til aktuelle aktivitetar. I bu- og habilitering, pleie- og omsorgsavdelinga og NAV har det vore praksis å gi kompensasjon innanfor kommunen sine grenser til køyring med brukar. I tillegg har det blitt satt eit tak i forhold til kilometerlengde per månad, som har vore vurdert individuelt ut frå brukaren sin adresse i kommunen. Det har til dels vore sterk misnøye kring slike grenser som vert opplevd urimelege. Praksisen slik den er i dag vert difor opplevd som utfordrande å administrere, spesielt når det ikkje er satt ein overordna standard for ei slik teneste, eller nok midlar til å løyse oppgåva. Løn til støttekontakt vart i same adm. vedtak i 2009 auka frå kroner 85 per time til kroner 115 per time. Lønskostnaden vart kompensert med 200 000 kroner. Vurdering og konklusjon: Rekneskapen for 2011 viser at avdelingane ikkje nok budsjettmidlar til å stette praksisen med dekking av transport til støttekontakt. Ei innstramming i forhold til dagens praksis av køyregodtgjersle vil betre sjansen for å overhalde kravet til budsjettbalanse i 2012. For bu- og habiliteringsavdelinga og pleie og omsorgsavdelinga vil innstramminga ha størst effekt, då forbruket er størst i desse avdelingane og avviket mellom budsjett og forbruk er mest avvikande. Side2 av 4
Praksisen slik den er i dag, utan ein klar standard for kva kommunen skal betale for, er utfordrande å administrere. Dersom ein skal fortsette å dekke transportkostnader for støttekontaktar, bør det leggast til grunn ein felles standard for Herøy kommune som er vedteken politisk. Standarden må vere i tråd med budsjetterte midlar. Sak til formannskap vart fyrst lagt fram utan tilråding i f.sak 2012/13. Formannskapet sendte saka tilbake til administrasjonen og rådmannen fekk i oppdrag å klargjere moglege alternativ for standard, i tråd med dei løyvingar som er gjeven. Støttekontakttenesta er viktige for å sikre å dei som av ulike årsaker treng det, får hjelp til å kome seg ut og delta aktivt i samfunnet. Det er lagt fram at dagens praksis overskrider disponible løyvingar. Rådmannen vurderar det slik at ein kan oppretthalde kompensasjon for køyring, men at ein kan vurdere å senke standarden for kompensasjon. Det er mellom anna mogleg å gå tilbake til tidligare praksis, der støttekontaktar fekk kompensert for dei kilometer som var over 10 km t/r til brukaren. Dette var opphavleg rådmannen si tilråding i adm.sak 01/09. Der aktiviteten krev det, kan brukaren få dekt noko køyring av Herøy kommune. I eit førebyggande folkehelseperspektiv er viktigheita av aktivitet presisert. Det å køyre må sjåast som eit middel for å kome seg til ein aktivitet og ikkje som ein aktivitet i seg sjølv. Rådmannen vil difor rå til at tal på kilometer som vert godtgjort per månad, må sjåast i samanheng med brukaren sin bustadadresse opp mot det næraste sentrum med sentrumsfunksjonar. Herøy kommune kan såleis verte delt opp i fleire utgiftssoner etter ei slik sonefordeling: Sone 1: 10 km t/r heim -sentrum (Bergsøya) Sone 2: 11-21 km t/r heim -sentrum (Leinane, Voldsund, Frøystad, Torvik, Røyra, Bø, Nerlandsøy, Kvalsvika, Remøy) Sone 3: 22-31 km t/r heim -sentrum (Sævik, Sande, Stokksund, Tjørvåg, Myrvåg*, Leikong* ) Sone 4: 32-42 km t/r heim -sentrum (Jøsok*, Runde, Goksøyr, Moltu) *næraste sentrum er Ulsteinvik Rådmannen vil med dagens løyvingar rå til ein standard som tilseier at ein brukar skal kunne forvente å få dekt tur/retur til sentrum ein gong per månad. Utgiftsdekking ut over dette, må det ligge særskilte behov til grunn for, og søkjast særskilt om til den avdelinga som har tildelt støttekontakttenesta. Ei innstramming av praksis som skissert ovanfor kan få konsekvensar, sidan løna vert opplevd som låg av støttekontaktane, og godtgjersle for køyring til og frå brukaren i si heilskap kan vere opplevd som eit supplement til løna. For ein del brukarar vert standarden også satt ned i forhold til den køyringa som kommunen godtgjør per i dag. Vi kan risikere at støttekontaktane seier frå seg oppdraget på grunn av endra praksis. Utfallet vil då kunne bli at fleire eldre, funksjonshemma og andre med vedtak på støttekontakt vert utan eit tilbod om støttekontakt i Herøy kommune. Side3 av 4
Fosnavåg, 29.03.2012 Olaus-Jon Kopperstad Renathe Rossi-Kaldhol Side4 av 4
HERØY KOMMUNE Fellessekretariatet SAKSFRAMLEGG Sakshandsamar: HS Arkivsaknr: 2012/218 Arkiv: 033 - Utvalsaksnr Utval Møtedato 14/12 Råd for menneske med nedsett funksjonsevne 30.04.2012 BADELAND. ORIENTERING VED ROGER MYKLEBUS T. Tilråding: Særutskrift:
Vedlegg: Saksopply sningar: Vurdering og konklu sjon: Fosnavåg, 24.04.2012 Erlend Krumsvik Side2 av 2
HERØY KOMMUNE Fellessekretariatet SAKSFRAMLEGG Sakshandsamar: HS Arkivsaknr: 2012/218 Arkiv: 033 - Utvalsaksnr Utval Møtedato 15/12 Råd for menneske med nedsett funksjonsevne 30.04.2012 AL MENNINGSTORGET. Tilråding: Særutskrift:
Vedlegg: Saksopply sningar: Vurdering og konklusjon: Fosnavåg, 24.04.2012 Erlend Krumsvik Side2 av 2
Referatsaker
Referatsaker
/57g!!) Møre og Romsdal fylkeskommune Møteprotokoll Utval: Møtestad: Dato: Tid: Protokoll nr: Rådet for likestilling for funksjonshemma Møterom 102, Fylkeshuset i Molde 02.03.2012 10:30 1/12 Faste medlemer som møtte: Namn Lilly Gunn Nyheim Aud Mork Torleiv Rogne Leif Elde Asbjørn Gausdal Kari Wiik Monica Molvær Erik Husby Funksjon Leiar Nestleiar Medlem Medlem Medlem Medlem Medlem Medlem Representerer AP KRF SL/TVP NHF/SAFO FF0 FF0 KS NAV Faste medlemer som ikkje møtte: Namn Funksjon Representerer Tore Brevik Medlem Varamedlemer som møtte: Namn Møtte for Representerer Frå administrasjonen møtte: Namn Paula Næss Skår Toril Eliassen Rusten Stilling Rådgivar Konsulent Sekretariat: Namn Mia Smørdal Stilling Konsulent Dersom det er merknader til det som er ført i protokollen, ber vi om at dette blir gjort kjent for sekretariatet snarast.
2 Saksnr Innhold Uoff FF-1/12 Årsmelding for Rådet for likestilling av funksjonshemma 2011 FF-2/12 Regional delplan Tannhelse - framlegg til planprogram - høyring FF-3/12 Fylkeskommunale avtalar på hotell FF-4/12 Konferanse for kommunale råd for funksjonshemma 11. - 12. april 2012 - utkast til program RS-1/12 Brev frå Helse- og omsorgsdepartementet - Informasjon om gjennomføringen av samhandlingsreformen RS-2/12 Innspel frå fellesmøte om likestilling og universell utforming - Rica Seilet 15. februar 2012 for Eldrerådet, Likestillingsutvalet og Rådet for likestilling av funksjonshemma. RS-3/12 Melding om vedtak i råd for funksjonshemma sitt møte 30.01.2012 - sak PS 7/12: Årsmelding 2011 for råd for funksjonshemma Rådet for likestilling av funksjonshemma sitt møte tok til kl 10.30 på møterom 102 på fylkeshuset i Molde under leiing av leiar Lilly Gunn Nyheim. Tore Brevik (H) hadde meldt forfall same dag. Det var ikkje kalla inn varamedlem. Møtet vart sett med 8 representantar. Innkallinga vart godkjent utan merknad. Godkjenning av protokoll Protokollen frå møte 02.12.2011 vart godkjent utan merknad. Følgjande vart delt ut i møtet: Skriv frå Ivar Andreas Garnes datert 21.02.2012 vedrørande Garnes-krysset i Ulstein. Rådet for likestilling av funksjonshemma vedtok å setje saka på sakskartet. Innspel til utdanningsavdelinga og byggje- og vedlikehaldsavdelinga frå fellesmøte for rådet for likestilling av funksjonshemma, likestillingsutvalet og eldrerådet 15.02.2012. Kravsspesifikasjonar til hotelltenester. Sakslista vart godkjent med ovannemnde tillegg. Rådgivar Paula Næss Skår opplyste om at landskonferansen for fylkesråda for funksjonshemma blir 28.-30.august 2012 i Finnmark. Lilly Gunn Nyheim og Aud Mork deltok på Fagakademiet sitt kurs for råd for menneske med nedsett funksjonsevne. Aud Mork orienterte. Rådgivar Paula Næss Skår orienterte om at plan- og analyseavdelinga gjerne vil ha innspel til ei eventuell brosjyre om universell utforming.
FF 1-12 Årsmelding for Rådet for likestilling av funksjonshemma 2011 3 Behandling i Rådet for likestilling for funksjonshemma - 02.03.2012 Rådet vart samde om følgjande endringar i kapitlet "Rådet si rolle i høve til avdelingane i fylkeskommunen": "Rådet for likestilling av funksjonshemma må framleis minne avdelingane om at rådet skal takast med i prosessar ved utarbeiding av planar, utgreiingar og saker som blir behandla." Votering: Tilrådinga med endringsforslag vart samrøystes vedteke. Samrøystes vedtak i Rådet for likestilling for funksjonshemma - 02.03.2012 Rådet for likestilling av funksjonshemma godkjenner årsmelding for 2011 med endringar og ber om at meldinga blir lagt fram for fylkestinget til orientering. FF 2-12 Regional delplan Tannhelse - framlegg til planprogram - høyring Behandling i Rådet for likestilling for funksjonshemma - 02.03.2012 Det vart fremma slikt forslag til vedtak: Rådet for likestilling av funksjonshemma føreset at rådet blir involvert i planprosessen på eit tidleg tidspunkt. Rådet for likestilling av funksjonshemma vil presisere at universell utforming er særleg viktig i den vidare prosessen, då tenesta skal vere tilgjengeleg for alle innbyggjarane i fylket. Samrøystes vedtak i Rådet for likestilling for funksjonshemma - 02.03.2012 Rådet for likestilling av funksjonshemma føreset at rådet blir involvert i planprosessen på eit tidleg tidspunkt. Rådet for likestilling av funksjonshemma vil presisere at universell utforming er særleg viktig i den vidare prosessen, då tenesta skal vere tilgjengeleg for alle innbyggjarane i fylket. FF 3-12 Fylkeskommunale avtalar på hotel Behandling i Rådet for likestilling for funksjonshemma - 02.03.2012 Kravsspesifikasjon til hotelltenester vart delt ut i møtet. Rådet uttrykte misnøye med at kravsspesifikasjonen var mangelfull i høve universell utforming. Det vart fremma følgjande forslag til vedtak: 1. Møre og Romsdal er pilotfylke på universell utforming. Rådet for likestilling av funksjonshemma stiller eit ufråvikeleg krav om at tilbodsgrunnlaget inneheld kriterium for universell utforming. Rådet presiserer at universell utforming gjeld alle, altså fleire grupper enn rullestolbrukarar som står i utdelt informasjon.
2. Rådet for likestilling av funksjonshemma ber om at innkjøpsavdelinga gir ei orientering om prinsipp og praksis ved anbudsprosessar, med tanke på universell utforming, i rådet sitt møte den 02.05.2012. Samrøystes vedtak i Rådet for likestilling for funksjonshemma - 02.03.2012 Møre og Romsdal er pilotfylke på universell utforming. Rådet for likestilling av funksjonshemma stiller eit ufråvikeleg krav om at tilbodsgrunnlaget inneheld kriterium for universell utforming. Rådet presiserer at universell utforming gjeld alle, altså fleire grupper enn rullestolbrukarar som står i utdelt informasjon. Rådet for likestilling av funksjonshemma ber om at innkjøpsavdelinga gir ei orientering om prinsipp og praksis ved anbudsprosessar, med tanke på universell utforming, i rådet sitt møte den 02.05.2012. 4 FF 4-12 Konferanse for kommunale råd for funksjonshemma 11. - 12. april 2012 - utkast til program Behandling i Rådet for likestilling for funksjonshemma - 02.03.2012 Rådet for likestilling av funksjonshemma arbeidde seg fram til namn på konferansen som vart: "Lovande framtid - No er vi i gang!". Det vart gitt fleire innspel til både regi og tema for samlinga. Desse vert teke med i den vidare planlegginga av konferansen. Det vart ikkje gjort vedtak i saka. FF 5-12 Garneskrysset i Ulstein utan planfri kryssing Behandling i Rådet for likestilling for funksjonshemma - 02.03.2012 Skriv frå Ivar Andreas Garnes datert 21.02.2012 vedrørande Garnes-krysset i Ulstein vart delt ut i møtet. Saka vart teke opp til behandling på bakgrunn av dette. Rådet arbeidde seg fram til følgjande uttale til samferdselsutvalet: "Rådet for likestilling av funksjonshemma vil uttale at sett frå funksjonshemma sine interesser og behov er ei planfri kryssing med undergang for å separere køyrande og gåande, den beste og sikraste løysinga." Samrøystes vedtak i Rådet for likestilling for funksjonshemma - 02.03.2012 Uttale til samferdselsutvalet: Rådet for likestilling av funksjonshemma vil uttale at sett frå funksjonshemma sine interesser og behov er ei planfri kryssing med undergang for å separere køyrande og gåande, den beste og sikraste løysinga. Torleiv Rogne, SI/Tvp, fekk permisjon etter at sak FF-5/12 var behandla, frå kl 12.50.
Referatsaker 5 Referatsak nr 2: Innspel frå fellesmøte om likestilling og universell utforming - Rica Seilet 15.februar 2012 for eldrerådet, likestillingsutvalet og rådet for likestilling av funksjonshemma. Rådgivar Paula Næss Skår orienterte om etterarbeidet etter fellesmøtet med likestillingsutvalet og rådet for likestilling av funksjonshemma. Referatsakene nr 1-3 vart tatt til vitande. Møtet slutt kl 13.35.
Utviklingsavdelinga adresseliste Saksnr Arkiv Dykkar ref Avd /sakshandsamar Dato 2012/51 L12 UTV / AT 18.04.2012 DETALJEREGULERING FOR RØYRA FERIESENTER - OFFENTLEG ETTERSYN De vert med dette informert om at formannskapet i møte 17.04.2012, F-sak 150/12, vedtok å leggje framlegg til detaljregulering for Røyra Feriesenter ut til offentleg ettersyn i seks veker. Saka vert samstundes å sende regionale høyringsorgan til uttale. Saka gjeld eit privat planforslag utforma som ein detaljplan etter PBL 12-3. Tiltakshavar bak prosjektet er Per Hallstein Dahle. Utførande plankonsulent er Siv. Ing. Svein Holmen. Planforslaget legg til rette for fritidsbustader, leikeplass, naust, campingplass, bustad/næringsareal, molo og småbåthamn med tilhøyrande infrastruktur. Reguleringsplanen legg også opp til ei vidareføring av friområde langs strandsona med tilhøyrande badeplass. Planområdet er lokalisert innanfor eit areal som i kommuneplanens arealdel er avsett til område der gjeldande reguleringsplan framleis skal gjeld. Forslag til reguleringsplan med tilhøyrande dokument vert lagt ut på Herøy rådhus, Servicetorget, i perioden 20.04. 01.06.2012 Reguleringsplanen vil i same periode finnast på Herøy kommune si heimeside: www.heroy.kommune.no. Ev. innspel må sendast til: Herøy kommune, Utviklingsavdelinga, PB 274, 6099 Fosnavåg. Innspel kan også sendast på e-post: postmottak@heroy.kommune.no Frist for å komme med innspel vert sett til: 01.06.2012. På baksida av dette brevet finn du nedskalert plankart over området Med helsing Aleksander Tarberg Planleggar
FW: Til dei kommunale eldreråda Side 1 av 1 FW: Til dei kommunale eldreråda postmotta k Sendt: 28. mars 2012 12:42 Til: Arkiv Vedlegg: Uttale til Storting og Reg-1.pdf (72 kb) Fra: MiaMari Silseth Smørdal [mailto:mia.mari.silseth.smordal@mrfylke.no] Sendt: 28. mars 2012 12:41 Til: KOMMUNER%MRFYLKE@mr-fylke.org Emne: Til dei kommunale eldreråda Hei! Vedlagt følgjer ein uttale som vart vedteke i møtet med fylkeseldrerådet i Møre og Romsdal den 21.03.2012 om lovfesta rett til sjukeheimsplass. Med vennlig hilsen ***************************************** Mia Smørdal Konsulent - kulturavdelinga tlf. 71 25 89 21 Møre og Romsdal fylkeskommune htt ://www.m I ke.no ******************************** ********* https://post.heroy.kornmune.no/owa/?ae=item&t=ipm.note&id=rgaaaaa7xmft8... 28.03.2012
Departementenes servicesenter Postboks 8129 Dep. 0032 OSLO More og Romsdal fylkeskomrnune Dykkar ref: Dykkar dato: Vår ref: Vår saksbehandlar: Vår dato: 18183/2012/ Paula Næss Skår, 71 25 88 42 28.03.2012 Lovfesta rett til sjukeheimsplass - uttale til Storting og Regjering Møre og Romsdal eldreråd gjorde i møte den 21.03.2012 følgjande samrøystes uttale om lovfesta rett til sjukeheimsplass: "Det er i dag mangel på sjukeheimsplassar i mange kommunar. Den aukande eldrebefolkninga dei næraste tiåra, og intensjonane i samhandlingsreforma, vil bety ytterlegare press på kommunane for plassar og fagleg kompetanse i eldreomsorga. Samhandlingsreforma gjer kommunane økonomisk ansvarlege for utskrivingsklare pasientar på sjukehus. Dette har ytterlegare avdekka mangelen på sjukeheimsplassar. Kommunane sitt auka økonomiske ansvar vil føre til meir "kamp" om sjukeheimsplassane. Det er fare for at dette vil gå ut over eldre og sjuke heimeverande med behov for sjukeheimsplassar. Kommunane sine sjukeheimsplassar må tildelast etter medisinsk behov. Vurdering frå fastlegen av behova til pasienten, må vere det avgjerande for kven som får sjukeheimsplass. Slik det er i dag, kan kommunen sitt helsepersonell overprøve vurderinga til fastlegen. Det skjer ofte, og det er etter vår meining uheldig og uforståeleg. Då kan tildeling av knappe sjukeheimsplassar skje ut frå kommunen sin økonomi, og ikkje ut frå dei sjuke sine behov. Jusprofessor Aslak Syse stadfester i Aftenposten 26. august 2011 at eldre i dag ikkje har ei lov å vise til som gjev rett til sjukeheimsplass, sjølv om det er medisinsk vurdert at dei har behov for slik plass. Dersom kommunen meiner den kan tilby forsvarleg og adekvat heildøgnsteneste i heimen til den sjuke, kan det bli resultatet i staden for sjukeheimsplass. Fastlegen har oversikt over kommunen sin kompetanse til å gje pleie til alvorleg sjuke og døyande. Fastlegen skal ikkje, og kan ikkje, ta omsyn til økonomien i kommunen ved vurdering av behov til pasientane. Fylkeseldrerådet i Møre og Romsdal ber Storting og Regjering ta opp til ny vurdering lovfesta rett til sjukeheimsplass, og sørgje for at pengar til drift av sjukeheimsplassar følgjer med." Med helsing Målfrid Mogstad (sign.) Mia Smørdal (sign.) leiar sekretær Postadresse: Fylkeshuset, 6404 Molde Besøksadresse: Julsundveien 9 Telefon: 71 25 80 00 Telefaks: 71 25 88 37 e-post: post@mrfylke.no www.mrfylke.no