VANYLVEN KOMMUNE MØTEINNKALLING UTVAL: Eldrerådet Møtestad: Kommunestyresalen - Combisenteret, Fiskå Dato: 01.09.2014 Tid: 10:00 Medlemar som er ugilde i ei sak, vert bedne om å gje melding, slik at varamedlemar kan verte kalla inn. Jfr. 8, 3. ledd i forvaltningslova. Vi bed om at forfall vert meldt til Servicetorget, telefon 70030000 Varamedlemar som får saksdokumenta til orientering, møter berre ved nærare innkalling. Servicetorget kallar inn vararepresentantar. B- saker er unnatekne offentleg innsyn og blir utsendt til møtande representantar. Møtet er ope for publikum, med unnatak for saker som er underlagt teieplikt (B-saker). Saksdokumenta er lagt ut til offentleg innsyn på Servicetorget. Side1
SAKLISTE Saksnr. Sakstittel PS 9/2014 Godkjenning av innkalling PS 10/2014 Godkjenning av møteprotokoll frå siste møte PS 11/2014 Skriv og meldingar PS 12/2014 Tur til Ivar Aasen-tunet - Den Kulturelle Spaserstokken PS 13/2014 Eldredag - eldrefest 2014 PS 14/2014 Eldrerådet - disponering av midlar 2014 Eventuelt 6143 Fiskå, den 25.08.2014 Magne Vik Arset leiar Side2
PS9/2014Godkjenningavinnkalling PS10/2014Godkjenningavmøteprotokollfråsistemøte Side3
PS11/2014Skrivogmeldingar Side4
VANYLVEN KOMMUNE SAKSFRAMLEGG Saksnr: Arkiv: 2012/683 233 Avd/Saksansv: KUO/ANNLIA Utvalsaksnr Utval 12/2014 Eldrerådet Møtedato 01.09.2014 Tur til Ivar Aasen-tunet - Den Kulturelle Spaserstokken Tilråding: Eldrerådet ynskjer at det vert arrangert tur til Ivar Aasentunet, med program. Kulturrådgjevar og aktivitetskoordinator planlegg turen saman med leiar i Eldrerådet. Side5
Uprenta saksvedlegg: Samandrag av saka: Det er planlagt tur til Ivar Aasen-tunet 15.oktober. Saksopplysningar: I år får vi tilbod om to av dei produksjonane vi ynskte oss frå fylkeskommunen, og ein har difor pengar til overs. Difor ynskjer kulturrådgjevar og aktivitetskordinator å nytte nokre av pengane vi har fått delegert til å arrangere tur til Ivar Aasen-tunet. Har vore i kontakt med Ivar Aasen-tunet, og dei har ledig onsdag 15.oktober. Påmelding frå midten av september, til om lag første oktober. Då treng Ivar Aasen-tunet å vite kor mange som kjem. Forslag til dagen: Buss til Ivar Aasen-tunet frå morgonen av. Har sagt at det er mest høveleg med føremiddagsbesøk. Vanleg program i tunet: Omvisning, guiding i samlingane, film. (50,- per person.) Mat. Det er ynskjeleg at ein bestiller det same, og eg har kome med eit forslag om brennsnut / lapskaus, i tillegg til kaffi og kake. Har ikkje fått prisoverslag på dette enno. Eit kulturelt innslag anten før eller etter mat. Aasen-tunet kan tilby oss dette: Eg har snakka med Kari Aske Osnes (40), songar og songpedagog ved Ulstein Kulturskule. Ho er utdanna ved Norges Musikkhøgskule, og vil gjerne synge og spele piano med repertoar frå den nynorske songskatten. Ho har lang og brei erfaring som musikar, dirigent og songar, og skriv sjølv mykje tekst og musikk på nynorsk. Om de ønskjer det, vil ho gjerne ha eit innslag på 10-12 minutt med 2-3 songar. Honoraret til henne vil vere 2500 kroner. Eg meiner eit innslag av henne passar svært godt til målgruppa. Påmeldinga må annonserast i Synste Møre, i tillegg til på institusjonar etc. Det vil verte nødvendig med eigendel til turen. Kor mykje denne vert på, må ein sjå på. Den må i alle fall dekke transport til og frå, og kanskje delar av billetten, og kanskje servering. Det kan sjå ut til at Eldrerådet sjølve må ta ansvaret for administreringa av turen på sjølve dagen, saman med eventuelle følgjepersonar frå institusjonar eller pårørande. I år får vi produksjonane Tideverv og Minnenes Melodi til Vanylven. Den første er bestemt til 18. eller 19. september. Det vil seie at vi får Hemmeleg Helt og Evert Taube til våren, i og med at dei jobbar ut ifrå skuleår. Det er ikkje sett dato for Minnenes Melodi, men det kan sjå ut til at det også kan verte i september. Deretter vil kulturrådgjevar og aktivitetskoordinator nytte lokale og regionale artistar til å fylle opp programmet fram mot jul. Fiskå, 22.08.2014 Andreas Chr. Nørve kst.rådmann Anna Lianes kulturrådgjevar Side6
Side7
VANYLVEN KOMMUNE SAKSFRAMLEGG Saksnr: Arkiv: 2012/1095 F07 Avd/Saksansv: SER/KVAKAR Utvalsaksnr Utval 13/2014 Eldrerådet Møtedato 01.09.2014 Eldredag - eldrefest 2014 Tilråding: Side8
Saksopplysningar: I samband med FNs internasjonale eldredag 1. oktober har det vore vanleg at eldrerådet i samarbeid med pensjonistlaget har arrangert ein eldrefest, vanlegvis i løpet av oktober månad. Ein oppfattar det slik at dette har vore eit populært tiltak. Som kjent vart spørsmålet om eldrefest dette året drøfta i eldrerådsmøtet 27.05.2014. Det var semje om ein slik fest også dette året, og at ein tek sikte på at festen vert arrangert søndag 5. oktober. Inngangspengar kr. 100,-. Kulturelle innslag kåseri, song og musikk vart også drøfta. Det er ynskeleg å diskutere nærare planane for årets eldrefest. Leiaren vil orientere i møtet. Når det gjeld evt. økonomisk støtte til eldrefesten vert det vist til eiga sak: Eldrerådet disponering av midlar 2014. Vurdering og konklusjon: Fiskå, 08.08.2014 Andreas Chr. Nørve Kst.rådmann Kåre Kvangarsnes konsulent Side9
VANYLVEN KOMMUNE SAKSFRAMLEGG Saksnr: Arkiv: 2014/620 223 Avd/Saksansv: SER/KVAKAR Utvalsaksnr Utval 14/2014 Eldrerådet Møtedato 01.09.2014 Eldrerådet - disponering av midlar 2014 Tilråding: Side10
Saksopplysningar: For 2014 disponerer eldrerådet kr. 30.000,-. Pengane kan nyttast til dei formåla eldrerådet meiner er best. Til no er det brukt kr. 500,- i samband med tur over Sandvikdalen. Eldrerådet sine midlar i fjor kr. 30.000,- vart nytta slik: Eldrefestar på institusjonane: Kr. 7.160,- Eldrefest på Eidsåtun i samband med eldredagen: Kr.14.330,- Restsummen kr. 8.510,- vart til nytta til trivselstiltak på institusjonane, fordelt og utbetalt med utgangspunkt i talet på pensjonærar på kvar institusjon og avdeling. I 2012 vart kr. 30.000,- brukt slik: Kr. 15.500,- til eldrefest 14. oktober 2012. Resten av midlane, kr. 14.500,- vart nytta til trivselstiltak etter slik fordeling: Åheimtun kr. 3.000,- Syvdetun kr. 3.000,- Sone Fiskå kr. 3.000,- Gjerdevoll, Rovde kr. 1.000,- Sjukeheimen, felles avd. kr. 4.500,-. I 2011 vart kr. 30.000,- nytta slik: Kr. 17.250,- til eldrefest i samband med eldredagen. Restsummen kr. 12.750,- vart nytta til kulturelle formål på eldreinstitusjonane. Kr. 30.000,- i 2010 vart nytta slik: Kr. 15.000,- til eldrefest. Resten vart nytta til julearrangement på eldreininstitusjonane etter slik fordeling: Åheimtun kr. 3.500,- Syvdetun kr. 3.500,- Sone Fiskå kr. 3.500. Vanylven sjukeheim, felles avd. kr. 4.500,-. I 2009 då budsjettposten også var på kr. 30.000,- vart midlane nytta slik: Kr. 8.000,- til eldrefest i samband med eldredagen Kr. 3.500,- til songbøker på institusjonane Kr. 2.000,- til Seniordansarane Kr. 2.000,- til Gjerdevoll på Rovde Kr. 4.000,- til Åheimtun Kr. 4.000,- til Syvdetun Kr. 6.500,- til Vanylven sjukeheim. Budsjettposten var på kr. 22.000,- i 2008: Kr. 15.000,- vart løyvd til eldrefesten i samband med eldredagen. Resten vart nytta til trivselstiltak og underhaldningstiltak på institusjonane etter slik fordeling: Vanylven sjukeheim kr. 4.000,-, Åheimtun kr. 1.500,- og Syvdetun kr. 1.500,-. Budsjettposten på kr. 22.000 i 2007 vart nytta slik: 15.000 vart løyvd til eldrefest. Resten vart nytta til Hjertekonferanse og Omsorgskonferanse, begge i Molde, og sansehage v/sjukeheimen. Budsjettposten var på kr. 22.000,- i 2006. Pengane vart nytta slik: Kr. 10.000,- Vanylven Pensjonistlag fest på eldredagen. Vel kr. 2.000,- til eldrekafe og eldrekonferanse. Side11
Resten gjekk til trivselstiltak på eldreinstitusjonane. I 2005, då budsjettposten var på kr. 42.000,-, vart pengane nytta slik: Kr. 20.000,- til Vanylven Pensjonistlag eldredag 5. oktober Kr. 12.000,- til kjøp av salmebøker med stor skrift til St.Jetmundskyrkja Kr. 2.000,- til Seniordansarane. Kr. 7.500,- til Orgelfondet v/st.jetmundskyrkja. Resten vart brukt til reiseutgifter/deltakaravgift eldrerådskonferanse. I 2004 fekk Vanylven Pensjonistlag kr. 30.000,- arrangerte eldrefest for pengane. Resten av midlane vart nytta til innkjøp av 9 benkar som vart plasserte utanfor eldreinstitusjonane. I 2003 vart pengane brukte til ein tur for pensjonistar til Ulstein hotell. Turen var organisert av pleie- og omsorgsetaten. Vurdering og konklusjon: Saka vert lagt for drøfting og vedtak. Fiskå, 08.08.2014 Andreas Chr. Nørve Kst.rådmann Kåre Kvangarsnes konsulent Side12