SAMANTEKT Á EIGINLEIKUM LYFS 1. HEITI LYFS Etalpha 0,25 míkrógrömm og 1 míkrógramm mjúk hylki. 2. INNIHALDSLÝSING Alfakalsídól 0,25 míkrógrömm og 1 míkrógramm. Hjálparefni með þekkta verkun: Sesamolía Sjá lista yfir öll hjálparefni í kafla 6.1. 3. LYFJAFORM Mjúkt hylki. Útlit: 0,25 míkrógrömm: Kremlitað hylki. 1 míkrógramm: Brúnleitt hylki. 4. KLÍNÍSKAR UPPLÝSINGAR 4.1 Ábendingar Truflanir í kalk- og fosfatefnaskiptum sem stafa af minnkaðri framleiðslu á 1,25-díhýdroxývítamín D 3. 4.2 Skammtar og lyfjagjöf Skammtar Skömmtun er einstaklingsbundin og skal fylgjast vel með kalsíummagni í sermi. Fullorðnir og börn þyngri en 20 kg: Upphafsskammtur er 1 míkrógramm á sólarhring. Viðhaldsskammtur: Venjulega 0,25-2 míkrógrömm á sólarhring. Börn léttari en 20 kg: Upphafsskammtur er 0,05 míkrógrömm/kg á sólarhring. Aldraðir: Engin sérstök klínísk reynsla er af meðhöndlun aldraðra sjúklinga. Ekki virðist nauðsynlegt að sýna sérstaka aðgætni. Skert nýrnastarfsemi: Sjá kafla 4.4. Skert lifrarstarfsemi: Ef um er að ræða alvarlega skerta lifrarstarfsemi getur hýdroxýlering á 1α-hýdroxývítamín D 3 í 1,25- díhýdroxývítamín D 3 minnkað og frásog í meltingarvegi getur minnkað vegna skertrar lifrar-þarma hringrásar. Nauðsynlegt getur verið að stækka skammta. Lyfjagjöf 1
Hylkin eru til inntöku og gleypa skal þau í heilu lagi. Inntaka með mat: Ekki er vitað hvort inntaka með mat hefur áhrif á verkun Etalpha. 4.3 Frábendingar Ofnæmi fyrir virka efninu eða einhverju hjálparefnanna sem talin eru upp í kafla 6.1. Blóðkalsíumhækkun (hypercalcemia). 4.4 Sérstök varnaðarorð og varúðarreglur við notkun Á meðan á meðferð með Etalpha stendur skal reglulega mæla gildi kalsíums og fosfats í sermi. Meta skal kalkvakaóhóf (PTH), alkalískan fosfatasa og kalsíum-fosfat margfeldi (calcium-phosphorus product) ef klínísk ástæða þykir til. Blóðkalsíumhækkun getur komið fram hjá sjúklingum á meðferð með Ethalpha. Því skal upplýsa sjúklinginn um klínísk einkenni blóðkalsíumhækkunar, sjá kafla 4.8. Blóðkalsíumhækkun má leiðrétta hratt með því að stöðva notkun Etalpha í u.þ.b. viku þar til kalsíumgildi er aftur orðið eðlilegt. Þá má aftur nota Etalpha í minni skömmtum (helmingur fyrri skammts) og fylgjast áfram með kalsíumi í sermi, sjá kafla 4.8. Veruleg blóðkalsíumhækkun getur komið fram í mjög sjaldgæfum tilvikum. Slíkt ástand getur verið lífshættulegt og krefst tafarlausrar, virkrar meðhöndlunar, sjá kafla 4.9. Langvarandi blóðkalsíumhækkun getur valdið versnun æðakölkunar, hjartalokuherslis og nýrnasteinakvilla. Þegar Etalpha er notað hjá sjúklingum með þessa sjúkdóma skal forðast langvarandi blóðkalsíumhækkun. Nota skal Etalpha með varúð hjá sjúklingum með kölkun í lungum því það getur valdið hjartasjúkdómum. Tímabundin og einnig langvarandi versnun á nýrnastarfsemi hefur komið fram. Hjá sjúklingum með sýndarbeinkröm eða alvarlega skerta nýrnastarfsemi má gefa fosfatbindandi lyf samhliða alfakalsídóli til að koma í veg fyrir hækkun fosfats í sermi og hugsanlega metastatíska kölkun. Etalpha skal nota af varúð hjá sjúklingum með hnúðasjúkdóma (granulomatous) eins og sarklíki (sarcoidosis), því næmi fyrir D-vítamíni er aukið vegna aukinnar hýdroxýleringar. Blóðkalsíumhækkun af völdum D-vítamín notkunar eykur hættuna á hjartsláttaróreglu, ef digitalisglýkósíðar eru gefnir samhliða. Etalpha hylki innihalda sesamolíu sem hjálparefni. Sesamolía getur í mjög sjaldgæfum tilvikum valdið alvarlegum ofnæmisviðbrögðum. 4.5 Milliverkanir við önnur lyf og aðrar milliverkanir Thíazíd þvagræsilyf og lyf sem innihalda kalsíum Samhliða notkun thíazíd þvagræsilyfja eða lyfja sem innihalda kalsíum geta aukið hættuna á blóðkalsíumhækkun. Fylgjast skal með kalsíumgildum. Önnur D-vítamín lyf Samhliða notkun annarra lyfja sem innihalda D-vítamín getur aukið hættuna á blóðkalsíumhækkun. Forðast skal samhliða notkun á mörgum D-vítamín hliðstæðum. 2
Flogaveikilyf Flogaveikilyf (t.d. barbitúröt, fenýtóin, carbamazepin eða primidon) hafa ensímörvandi verkun sem auka umbrot alfakalsídóls. Sjúklingar sem nota flogaveikilyf geta þurft stærri skammt af Etalpha. Gallsýrubindandi lyf Samhliða inntaka gallsýrubindandi lyfja eins og kólestýramíns getur dregið úr frásogi frá þörmum á Etalpha til inntöku. Til að lágmarka hættu á milliverkunum skal inntaka Etalpha vera a.m.k. 1 klst. fyrir eða 4 til 6 klst. eftir inntöku gallsýrubindandi lyfja. Sýrubindandi lyf sem innihalda magnesíum Frásog sýrubindandi lyfja sem innihalda magnesíum getur aukist vegna Etalpha sem eykur hættuna á blóðmagnesíumhækkun. Lyf sem innihalda ál Etalpha getur aukið styrk áls í sermi. Upplýsa skal sjúklinga sem nota lyf sem innihalda ál (t.d. alúmíníumhýdrodíð, súkralfat) um einkenni áleitrunar. 4.6 Frjósemi, meðganga og brjóstagjöf Frjósemi Ekki liggja fyrir neinar klínískar upplýsingar um áhrif alfakalsídóls á frjósemi. Forklínísk rannsókn á rottum sýndi en engin áhrif á frjósemi (sjá kafla 5.3). Meðganga Takmarkaðar upplýsingar liggja fyrir um notkun alfakalsídóls hjá þunguðum konum. Eitrunarverkun á æxlun hefur komið fram í dýratilraunum, sjá kafla 5.3. Etalpha á ekki að nota á meðgöngu nema það sé ótvírætt nauðsynlegt, því blóðkalsíumhækkun á meðgöngu getur leitt til vansköpunar barnsins. Vaðúðar skal gætt hjá konum á barnseignaraldri. Brjóstagjöf Alfacalcidol skilst út í brjóstamjólk. Annað hvort skal stöðva bjóstagjöf eða stöðva/hætta við meðferð með Etalpha og meta kosti brjóstagjafar fyrir barnið og kosti meðferðarinnar fyrir konuna. Fylgjast á vel með blóðkalsíumhækkun hjá ungbörnum á brjósti mæðra sem nota alfakalsídól. 4.7 Áhrif á hæfni til aksturs og notkunar véla Engin varúðarmerking. Alfakalsídól hefur engin eða óveruleg áhrif á hæfni til aksturs og notkunar véla. Þó verður að segja sjúklingi að sundl getur komið fram við notkun Etalpha og að gera viðeigandi ráðstafanir við akstur og notkun véla. 4.8 Aukaverkanir Algengustu aukaverkanir sem tilkynnt hefur verið um eru ýmis konar viðbrögð í húð, eins og kláði og útbrot, blóðkalsíumhækkun, verkir/ónot frá meltingarvegi og blóðfosfathækkun. Einkenni sem geta komið fram í tengslum við blóðkalsíumhækkun eru lystarleysi, þreyta, ógleði og uppköst, hægðatregða eða niðurgangur, ofsamiga, aukin svitamyndun, höfuðverkur, ofþorsti, háþrýstingur, svefnhöfgi og sundl. Eftir markaðssetningu hefur verið tilkynnt um nýrnabilun. Aukaverkanirnar eru taldar upp eftir MedDRA flokkun eftir líffærum (SOC (system organ class)) og 3
eru þær sem oftast koma fram taldar fyrst. Innan tíðniflokka eru alvarlegustu aukaverkanirnar taldar upp fyrst. Tíðnin sem gefin er upp í eftirfarandi töflu er fengin úr klínískum rannsóknum og aukaverkanatilkynningum. Mjög algengar ( 1/10) ( 1/100 til < 1/10) ( 1/1.000 til < 1/100) Mjög sjaldgæfar ( 1/10.000 til < 1/1.000) Koma örsjaldan fyrir (< 1/10.000) Efnaskipti og næring Geðræn vandamál Taugakerfi Mjög sjaldgæfar Meltingarfæri Húð og undirhúð Blóðkalsíumhækkun Blóðfosfathækkun Ringlun Höfuðverkur Sundl Kviðverkir og vanlíðan Niðurgangur Uppköst Hægðatregða Ógleði Útbrot* Kláði Stoðkerfi og stoðvefur Nýru og þvagfæri Almennar aukaverkanir og aukaverkanir á íkomustað *Tilkynnt hefur verið um ýmsar gerðir útbrota, svo sem rauðleit útbrot, dröfnuörður og graftarútbrot Vöðvaverkir Kalsíumaukning í þvagi Skert nýrnastarfsemi (þar með talin nýrnabilun), nýrnasteinakvilli/nýrnakölkun. Þreyta Máttleysi Vanlíðan Kalkútfellingar Börn 4
Öryggi lyfsins er það sama fyrir börn og fullorðna. Tilkynning aukaverkana sem grunur er um að tengist lyfinu Eftir að lyf hefur fengið markaðsleyfi er mikilvægt að tilkynna aukaverkanir sem grunur er um að tengist því. Þannig er hægt að fylgjast stöðugt með sambandinu milli ávinnings og áhættu af notkun lyfsins. Heilbrigðisstarfsmenn eru hvattir til að tilkynna allar aukaverkanir sem grunur er um að tengist lyfinu til Lyfjastofnunar, www.lyfjastofnun.is. 4.9 Ofskömmtun Of mikil notkun Etalpha getur leitt til blóðkalsíumhækkunar sem gengur þó fljótt til baka þegar notkun er hætt. Sjá lýsingar á einkennum blóðkalsíumhækkunar í kafla 4.8. Í tilvikum alvarlegrar blóðkalsíumhækkunar skal grípa til stuðningsmeðferðar: Tryggja skal næga vökvun sjúklingsins með saltvatnsgjöf í bláæð. Fylgjast skal ítarlega með blóðsöltum, kalsíumi í sermi og nýrnastarfsemi. Fylgjast skal með frávikum hjartalínurits, einkum hjá sjúlkingum sem nota digitalis. Íhuga skal meðferð með sykursterum, hávirkniþvagræsilyfjum, bisfosfónötum, calcitonini og sem síðasta kost skal íhuga blóðskilun með blóðskilunarvökva með lágu kalsíuminnihaldi. 5. LYFJAFRÆÐILEGAR UPPLÝSINGAR 5.1 Lyfhrif ATC-flokkur: A 11 C C 03 D-Vítamín og hliðstæður. Alfakalsídól er öflug hliðstæða (analóg) D 3-vítamíns. Það umbrotnar fljótt og nær algjörlega í lifrinni í kalsítríól, sem er virkt umbrotsefni D 3-vítamíns. Alfakalsídól örvar frásog kalsíums og fosfats í meltingarvegi og endurfrásog kalsíums úr nýrnapíplum. Vegna bælingar kalkkirtlahormóns minnkar útskilnaður fosfats í þvagi. Kalsítríól hefur þýðingu fyrir steinefnalosun og steinefnaútfellingu (de-og remineralization) í beinvef. 5.2 Lyfjahvörf Frásog: Hratt og nánast að fullu. Helmingunartími: Um 35 klst. fyrir kalsítríól. Eftir að töku lyfsins er hætt er líffræðilegur verkunartími um 3-5 dagar. Útskilnaður: Aðallega með hægðum og einnig lítils háttar um nýru. 5.3 Forklínískar upplýsingar Eiturverkanir alfakalsídóls í forklínískum rannsóknum eru eignaðar þekktum D-vítamínáhrifum kalsítríóls á kalsíumjafnvægi sem einkennist af kalsíumhækkun í blóði, kalsíumhækkun í þvagi og að lokum kölkun bandvefs. Alfakalsídól hefur ekki eiturverkun á erfðaefni. Hjá rottum og kanínum hefur ekki komið fram sérstök verkun alfakalsídóls á frjósemi eða atferli afkvæma. Varðandi þroska fósturs kom fram eiturverkun (tap fangs eftir festingu, minna got og minni gotþyngd) við skammta sem voru nægilega stórir til að valda eiturverkun hjá móðurdýrinu. Vitað er að stórir skammtar D-vítamíns geta valdið vansköpun hjá tilraunadýrum. 6. LYFJAGERÐARFRÆÐILEGAR UPPLÝSINGAR 6.1 Hjálparefni 0,25 míkrógrömm hylki: Sesamolía, all-rac- -tókóferól, gelatína, glýseról, kalíumsorbat (E202), títantvíoxíð (E 171). 1 míkrógramm hylki: Sesamolía, all-rac- -tókóferól, gelatína, glýseról, kalíumsorbat (E202), rautt járnoxíð (E 172), svart 5
járnoxíð (E 172). 6.2 Ósamrýmanleiki Á ekki við. 6.3 Geymsluþol 0,25 míkrógrömm: 2 ár. 1 míkrógramm: 3 ár. 6.4 Sérstakar varúðarreglur við geymslu Geymið ekki við hærri hita en 25 C. 6.5 Gerð íláts og innihald Etalpha 0,25 míkrógrömm og 1 míkrógramm: Þynnupakkningar (ál/pvc þynnur með pólýamíð/ál yfirborði): 100 stk. Flaska (brún glerflaska af tegund III með skrúfloki úr pólýetýleni): 100 stk. Ekki er víst að allar pakkningastærðir séu markaðssettar. 6.6 Sérstakar varúðarráðstafanir við förgun og önnur meðhöndlun Engin sérstök fyrirmæli við förgun. 7. MARKAÐSLEYFISHAFI LEO Pharma A/S Industriparken 55 2750 Ballerup Danmörk. 8. MARKAÐSLEYFISNÚMER 0,25 míkrógrömm: MTnr 792367 (IS). 1 míkrógramm: MTnr 799001 (IS). 9. DAGSETNING FYRSTU ÚTGÁFU MARKAÐSLEYFIS/ENDURNÝJUNAR MARKAÐSLEYFIS Dagsetning fyrstu útgáfu markaðsleyfis: 13. nóvember 1979. Nýjasta dagsetning endurnýjunar markaðsleyfis: 17. september 2009. 10. DAGSETNING ENDURSKOÐUNAR TEXTANS 12. janúar 2017. 6