Løyve etter ureiningslova for Skorva leirduebane, Askvoll Jakt og Fiskelag Løyvet er gitt i medhald av 11 jf. 16 i lov om vern mot forurensninger og om avfall av 13. mars 1981 nr. 6 (ureiningslova). Løyvet er gitt på grunnlag av opplysningar gitt i omtale av 16.11.2013, og opplysningar framkome under behandlinga av søknaden. Løyvet gjeld frå dato løyvet er kunngjort for dykkar rekning, og på dei vilkåra som er gjevne i dette dokumentet. Anleggsdata Anlegg Skorva leirduebane Ansvarleg Askvoll Jakt og Fiskelag (Askvoll JFL) Adresse, poststad Besøksadresse Kommune og fylke Askvoll i Sogn og Fjordane Org. nummer (lag/ansvarleg) 913 170 822 Org.nr. (anlegg) Gards- og bruksnummer) 94/2 NACE-kode 94.991 Eksisterande bane, UTM 305089 Skyteretning 187 o standplass 6817621 Ny bane, UTM standplass 305143 Skyteretning 195 o 6817621 Leirduegruppa ved Torbjørn Leknes, 6983 Kvammen Fylkesmannen sine referansar Arkivkode Anleggsnummer Løyvenummer Bransje Risikoklasse 1 13/4991 1428.0051.01 2015.0042.T landbasert 4 Løyve gitt: 6.2.2015 Endringsnummer: - Denne endringa: - Gøsta Hagenlund Assisterande fylkesmiljøvernsjef Grete Haugan senioringeniør Kopiadressatar: Sjå liste i oversendingsbrevet. 1 Jf. ureiningsforskrifta kap. 39 om gebyr til statskassen for arbeid med tillatelser og kontroll etter ureiningslova Hovudkontor Landbruksavdelinga E-post og heimeside Njøsavegen 2, 6863 Leikanger Fjellvegen 11, 6800 Førde fmsfpost@fylkesmannen.no Telefon: 57 64 30 00 Postboks 14, 6801 Førde Internett: Org.nr 974 763 907 Telefon: 57 64 30 00 www.fylkesmannen.no/sfj
Side 2 av 8 Innhald 0. Føresetnader... 2 1. Rammer... 2 2. Skytetider... 3 2.1. Tillatne skytetider... 3 2.2. Stille tider... 3 2.4. Tiltak ved auka ureiningsfare eller unormale driftsforhold... 3 3. Støygrenser og støydempingstiltak... 4 3.1. Støygrenser... 4 3.2. Støydempingstiltak... 4 3.3. Dokumentasjon av støy... 4 4. Tiltak mot ureining av grunn og vatn... 5 4.1. Leirduebane... 5 4.2. Overvaking av område med nedfall/oppsamling av ammunisjon... 5 4.5. Overvaking av vasskvalitet... 5 4.6. Måleprogram og krav til usikkerheit i måleresultat... 5 4.7. Tiltak i område med nedfall/oppsamling av ammunisjon... 6 4.8. Tiltak mot etablering eller spreiing av framande, skadelege artar... 6 5. Avfall... 6 6. Informasjon og rapportering til Fylkesmannen... 6 7. Større endringar... 7 7.1. Utskifting av utstyr... 7 7.2. Eigarskifte... 7 7.3. Nedlegging eller lengre driftsstans... 7 VEDLEGG 1 Definisjonar... 8 0. Føresetnader Løyvet gjeld frå den datoen Fylkesmannen kunngjer løyvet. Løyvet gjeld berre saman med dei vilkåra som er gitt i dette dokumentet. Vilkåra er særskilde juridiske krav til laget. Utfyllande kommentar til enkelte av vilkåra står i oversendingsbrevet, og dokumenta må lesast i samanheng med kvarandre. Dersom den ansvarlege for løyvet ynskjer å gjere endringar i høve til opplysningar som er gitt i søknaden eller under saksbehandlinga, og desse endringane kan ha noko å seie for utforming av vilkår eller verknad for miljøet, må endringane avklarast skriftleg med Fylkesmannen på førehand. Dersom heile eller vesentlege delar av løyvet ikkje er tatt i bruk innan 3 år etter at løyvet er gitt, skal den ansvarlege sende Fylkesmannen ei utgreiing slik at vi kan vurdere eventuelle endringar, attendetrekking eller utferding av nytt løyve. 1. Rammer Løyvet gjeld ureining frå skyteaktivitet på leirduebane i Skorvemarka i Askvoll kommune. Løyvet presiserer også krav etter ureiningsregelverket når det gjeld handtering av avfall som oppstår på eller ved skytebaneområdet.
Side 3 av 8 Løyvet omfattar følgande anlegg og våpentypar: Leirduebane, skyteretning 187 o Leirduebane, skyteretning 195 o Løyvet gjeld for maksimalt 60 000 tal enkeltskot per år. Den ansvarlege skal syte for journalføring av all ammunisjonsbruk. Journalane skal oppbevarast på brannsikker plass i minst 5 år. Oversikt over aktivitet skal kunne visast fram ved tilsyn frå Fylkesmannen. 2. Skytetider 2.1. Tillatne skytetider Skytebanene kan nyttast til skyting Måndag til fredag heile året kl. 1000-1600 Måndag til fredag i perioden 15.3 31.8, kl. 1600 2200 Måndag til fredag i perioden 1.9 31.10, kl. 1600 1900 Laurdag og sundag i samband med stemne: Inntil 8 gonger per år i perioden 1.3 31.8, kl. 0900 2000, og eitt stemne i tida 2.1 28.2. Årleg plan for skyteaktivitet (terminliste) skal gjerast kjend før april månad ved oppslag på anlegget og eventuelt eigen nettside, og ved utsending til nabolag. Eventuell endring må kunngjerast på same måte minst to veker i forkant. Utanom tillatne skytetider skal standplass og nedslagsfelt vere avstengd med gjerde og port/bom. Den ansvarlege skal føre tilsyn med at bana ikkje vert nytta utanom tillatne tider, og vise bort personar som held på med ikkje-tillate aktivitet. 2.2. Stille tider Jamvel om skytetid fell på dagar nemnd i vilkår 2.1, er det ikkje tillate å skyte frå og med skjærtorsdag til og med andre påskedag frå og med pinseaftan til og med andre pinsedag kl. 1900 til kl. 1100 neste dag i tida det er tillate med hjortejakt frå og med 23.desember til og med 1.januar 1.mai, 17.mai og Kristi himmelfartsdag Helgane (laurdag og sundag) i juli månad 2.4. Tiltak ved auka ureiningsfare eller unormale driftsforhold Dersom det som følgje av ureglementert skyting, andre unormale driftsforhold eller av andre grunnar oppstår fare for auka ureining eller manglande avfallshandtering, pliktar den ansvarlege å setje i verk dei tiltaka som er nødvendige for å fjerne eller redusere den auka faren, også om nødvendig å redusere eller innstille skyteaktiviteten. Den ansvarlege skal straks informere Fylkesmannen og nabolag når utsleppsmåling viser verdi over tillate utslepp,
Side 4 av 8 når det vert planlagt aktivitet som mellombels kan føre til at støy kan verte høgare enn normalt, i situasjonar der utstyr, maskinar eller andre kritiske installasjonar for vern mot utslepp sviktar, når avfall vert lagra lenger tid eller på annan måte enn normalt. Ved gjentekne hendingar skal den ansvarlege etablere eit dokumentert system for registrering av klager/meldingar og eiga oppfølging. Ein skal gje ei vurdering av årsak til hendinga, kva som har skjedd og tiltak som er sett i verk eller som er planlagt for å motverke og avgrense verknadar og hindre gjentaking. Informasjonen skal gjerast kjent for nabolag og Fylkesmannen. 3. Støygrenser og støydempingstiltak 3.1. Støygrenser Anlegget sine bidrag til utandørs støy ved omkringliggande bustader, sjukehus, pleieinstitusjonar, fritidsbustader, utdanningsinstitusjonar og barnehagar skal ikkje overskride desse grensene, målt eller utrekna i ei støyfagleg utgreiing som frittfeltverdi ved mest støyutsette fasade: Tidsintervall Utrekningsmåte Grense Dag (kl. 08.00-22.00) L Aimax 60 db(a) Natt (kl. 22.00 08.00) Skyting skal ikkje føregå For definisjon sjå vedlegg 1 Støygrensene gjeld ikkje for bygning av nemnde typar, eller bruksendring av bygning til nemnde typar som er etablert etter at anlegget har starta opp. Støygrensene gjeld heller ikkje for bygning av nemnde typar som er eigd eller på annan måte disponert av nokon som har økonomisk interesse av skyteaktiviteten. 3.2. Støydempingstiltak Støy frå anlegget skal reduserast så langt det er teknisk og økonomisk mogeleg, jamvel om utslepp til vanleg er lågare enn grenseverdiar i dette løyvet. 3.3. Dokumentasjon av støy Den ansvarlege skal kunne dokumentere støyimmisjon frå aktiviteten, oppgitt på bakgrunn av representative målingar og anerkjend utrekningsmetodar. Målingar og utrekningar må utførast av kompetent og uavhengig firma. Rapport frå målingar / utrekningar skal sendast til Fylkesmannen. Måling/utrekning må gjennomførast på nytt dersom det etter Fylkesmannen sitt syn er grunn til å tru at støyutsleppa kan ha endra seg. Dersom resultata viser at det er behov for tiltak, skal ny måling / utrekning gjennomførast på samanliknbar og etterprøvbar måte innan eitt år.
Dersom målt / utrekna støynivå som skuldast utslepp frå skytinga ligg nærare grenseverdiane enn 3 db (A) ved oppgitte bygningstypar, skal ny, tilsvarande gransking gjennomførast innan 12 månader. Side 5 av 8 4. Tiltak mot ureining av grunn og vatn 4.1. Leirduebane Det er berre tillate å skyte mot konkret avsett område for haglnedfall. Området skal vere tørr mark, mest mogeleg slett og ha lite vegetasjon. Området skal vere eigna for periodevis masseutskifting med mekanisk utstyr. Området skal vere avstengt med gjerde for å hindre beiting av husdyr. Bruk av blyhagl er ikkje tillate. 4.2. Overvaking av område med nedfall/oppsamling av ammunisjon Metallverdiane i område med nedfall/oppsamling av ammunisjon skal ikkje vere høgare enn gjeldande grense for farleg avfall for det enkelte stoff. Representative prøvar og/eller enkel feltgransking må gjennomførast etter ei risikovurdering, men minimum etter skotmengde på 500 000 skot for den enkelte skytebana. 4.5. Overvaking av vasskvalitet Avrenninga frå nedslagsfelta ved anlegget skal dokumenterast ved representative målingar og vurdering gjennomført av uhilda og kompetent firma. Vasskvaliteten ved Sagøyra (teke i restvassføringa i Sagaelva frå Markavatnet før utløp i Øyravatnet) skal ikkje vere dårlegare enn: Utsleppskomponent Konsentrasjonsgrense (ug/l) Stikkprøve Bly (Pb) 7 Arsen (As) 20 Koppar (Cu) 5,0 Sink (Zn) 50 Kadmium 0,25 Krom (total) 10,0 Antimon 100 Fortynning for å oppnå krav til utsleppsavgrensing er ikkje tillate. 4.6. Måleprogram og krav til usikkerheit i måleresultat Første dokumentasjon skal skje innan 3 år etter at løyvet tok til å gjelde. Laget bør få utarbeidd og følge eit overvakingsprogram, som skal godkjennast av Fylkesmannen. Programmet kan omfatte både dei utsleppskomponentane det er sett grenseverdiar for, og bør også ha vurdert og om nødvendig dokumentert utslepp som kan ha miljøverknadar, men som det ikkje er sett spesifikke grenseverdiar for. Programmet
Side 6 av 8 bør vidare omfatte prøvetakings- og analysemetodar, prøvetakingstider og framlegg til akseptabel måleusikkerheit. Som minimum bør det takast månadlege stikkprøver gjennom sommarhalvåret, men ikkje på dagar med unormal, høg vassføring. Full analyse bør målast på elvevatnet ved Sagøyra og elv/vassiget frå skytebana (elva frå Ospehola og Stormyra) før samløpet med restvassføringa frå Markavatnet (Sagaelva). Dokumentasjonen skal gjentakast ved behov, med minimum ein stikkprøve kvart 5. år i august månad ved Sagøyra. Akkrediterte tenester for analyse skal nyttast der det er mogleg. Eigen prøvetaking og innsending for analyse til akkreditert laboratorium, kan skje etter opplæring av og skriftleg avtale med akkreditert tenesteytar. Prøvetaking og analyse skal utførast slik at utrekningane gir mest mogeleg realistisk og representativ dokumentasjon på anlegget sine faktiske utslepp. 4.7. Tiltak i område med nedfall/oppsamling av ammunisjon Masse/overflatelag med konsentrasjonar over nivå for farleg avfall for det enkelte stoff, må samlast opp og leverast til / hentast av godkjent avfallsmottakar for farleg avfall. 4.8. Tiltak mot etablering eller spreiing av framande, skadelege artar Framande artar i kategoriane SE, HI og PH skal ikkje finnast på areal som laget kan nytte eller areal i rimeleg nærleik. 5. Avfall Alt avfall som vert danna på anlegget eller ved anlegget som har samanheng med aktiviteten på anlegget, skal samlast opp, materialsorterast så langt praktisk mogeleg og leverast til / hentast av godkjent avfallsmottakar. Brenning eller nedgraving av avfall er ikkje tillate. 6. Informasjon og rapportering til Fylkesmannen Den ansvarlege skal gje ålmenta ei årleg orientering om aktivitet, tal og typar skot, og eigen oppfølging av vilkåra i dette løyvet. Orienteringa bør sendast til Fylkesmannen og interesserte naboar. Det vert førebels ikkje sett konkrete krav om årsrapportering til Fylkesmannen. Kopi av løyvedokumenta skal vere fysisk lett tilgjengeleg for alle ved skytebana. Dokumenta skal vere publisert på heimesida til alle lag som nytter banene og kopi skal kunne leverast einkvar på førespurnad.
Side 7 av 8 7. Større endringar 7.1. Utskifting av utstyr Dersom det skal gjerast utskifting av utstyr som gjer det teknisk mogleg å motverke ureining på ein vesentleg betre måte enn då løyvet vart gitt, skal Fylkesmannen på førehand ha melding om dette. 7.2. Eigarskifte Løyvet kan ikkje overdragast til andre utan samtykke frå Fylkesmannen. Ny eigar/ansvarleg kan ikkje starte opp aktivitet som kan medføre fare for ureining eller kunne verke skjemmande utan avklaring med Fylkesmannen. 7.3. Nedlegging eller lengre driftsstans Dersom anlegget vert nedlagt eller stansar for meir enn eitt år, skal løyvehavaren melde frå til Fylkesmannen. Den ansvarlege skal gjere det som til ei kvar tid er nødvendig for å motverke fare for ureining. Dersom noko ved anlegget kan medføre ureining eller det er avfall som kan verke skjemmande etter driftsstans, skal det opplysast særskild. Fylkesmannen kan fastsetje nærare kva for tiltak som er nødvendig for å motverke ureining og å rydde opp i avfall og ureina grunn. Fylkesmannen kan pålegge eigaren eller brukaren å stille garanti for dekking av framtidige utgifter og mogleg erstatningsansvar. Ved ny oppstart skal den ansvarlege syte for at anlegget er i miljømessig tilfredsstillande stand. Før oppstart skal den ansvarlege i god tid i førevegen gje melding til Fylkesmannen. Dette gjeld for all aktivitet som kan medføre fare for ureining eller kunne verke skjemmande.
Side 8 av 8 VEDLEGG 1 Definisjonar Den ansvarlege for løyvet er vedkomande lag, organisasjon, verksemd eller firma som er den juridisk og økonomisk ansvarlege i høve til krav etter denne utsleppskonsesjonen (utsleppsløyve) og alle andre, relevante krav etter ureiningsregelverket. I løyveteksten kan ein av språkleg grunn finne nemning som "laget" eller "anlegget", der det alltid er meint "ansvarleg lag" eller "den som er ansvarleg for etablering og drift av anlegget" Støy L AImax er A-veid maksimalnivå målt med tidskonstant Impulse på 35 ms. Skytebane omfattar faste sivile anlegg for skyting med våpen med kaliber mindre enn 20 mm samt jegerbanar (leirduebanar og liknande). Forsvaret kan nytte bana etter avtale med den ansvarlege. For skytebanar der Forsvaret er den ansvarlege, er Miljødirektoratet ureiningsstyresmakt. Støyfagleg utgreiing er ei utgreiing av uavhengig og kompetent firma kor det vert dokumentert at støymessige forhold er teke i vare etter gjeldande retningsliner og forskriftskrav. I utgreiinga skal behov for avbøtande tiltak og tilhøyrande kostnadar gjerast synlege Med framande artar legg vi her til grunn IUCN sin definisjon: "Framande artar er artar, underartar eller lågare taxa som har fått menneske til å hjelpe seg med å spreie seg utanfor sitt naturlege utbreiingsområde og spreiingspotensial." Dei omtalte risikokatergoriane er SE (svært høg), høg (HI) og potensielt høg (PH). Kva for artar dette gjeld vil liggje føre oppdatert på www.artsdatabanken.no.