rundskriv nr 18/2011 Frå: Utdanningsavdelinga Til: Dei vidaregåande skolane i Møre og Romsdal Dei private vidaregåande skolane i Møre og Romsdal Dato: Ref: 19.12.2011 67400/2011/040 - Gjennomføring av våreksamen 2012 elevar og privatistar I rundskriv, brev og informasjon Fylkesutdanningssjefen viser til m. a. desse skriv frå Utdanningsdirektoratet: Brev datert 04.07.2011 om sentralgitt eksamen hausten 2011 og våren 2012 med tilhøyrande eksamensplaner. Brev datert 15.01.2009 om trekkordning i Kunnskapsløftet. Rundskriv datert 28.04.2009 om IKT-basert eksamen, sist endra 15.10.2010. Brev datert 13.09.2007 om praktisk eksamen i Kunnskapsløftet, sist endra 07.12.2009. Brev datert 22.04.2009 om hjelpemidlar i Kunnskapsløftet, sist endra 30.11.2009. Brev datert 08.12.2010 Endring i hjelpemiddelordningen til eksamen våren 2011. Gjeld praksiskandidater og lærlinger etter Kunnskapsløftet. Brev datert 04.04.2008 om vurderings- og sensorveiledningar, sist endra 02.12.2010. Brev datert 10.06.2009 om matematikk fellesfag, endringar. Brev datert 14.09.2009 om matematikk fellesfag, overgangsordningar, sist endra 11.12.2009. Brev datert 02.02.2009 om bruk av datamaskin til eksamen i Kunnskapsløfet, sist endra 30.11.2009 Brev datert 08.12.2010 om avvikling av utsett eksamen i samisk og norsk. Brev datert 08.12.2010 om forlengelse av overgangsordning for norsk som andrespråk for elever og privatistar med kort botid i Norge. Artikkel av 21.03.2011, sist endra 07.06.2011 om endring av eksamensrodninga for privaitistar for ein del framandspråk. NB! Skolane må sjølve halde seg oppdaterte på nettet (utdanningsdirektoratet/eksamen/eksamen i videregående opplæring) om brev og andre meldingar som vert lagt ut om eksamen. Fylkesutdanningssjefen viser til annonser i regionsavisene om våreksamen 2012 (07.01.2012 og 21.01.2012). Rettleiande eksamensplan for våren 2012 ligg ved dette rundskrivet. II Organisering og gjennomføring av eksamen Fylkesutdanningssjefen v/rådgjevarar for eksamen har det overordna ansvaret for koordinering, gjennomføring og kvalitetssikring av eksamen. Eksamen for elevar 1. Sentralgitte prøver Vi syner til skriva det er vist til ovanfor om sentralgitte prøver. Fylket går inn for at også lokale skriftlege eksamenar for elevar skal følgje same modell som dei sentralgitte. Postadresse: Fylkeshuset, 6404 Molde Besøksadresse: Julsundveien 9 Telefon: 71 25 87 84 Telefaks: 71 25 87 99 e-post: post@mrfylke.no www.mrfylke.no
2. Lokalgitte prøver a) Teknisk fagskole Som eit generelt prinsipp skal eksamen leggjast så nært opp til skoleslutt som mogleg. Dette gjeld både munnleg og skriftleg eksamen. I desse programområda skal eksamen gjennomførast som tidlegare. Rektor ved den enkelte skole har ansvar for: 1. å trekkje ut elevar 2. å sjå til at det blir laga eksamensoppgåver og kvalitetssikre desse 3. at eksamen blir gjennomført på rett måte b) Vg1, Vg2 og Vg3 i Kunnskapsløftet Rettleiande plan for eksamen er lagt ved. Denne eksamensplanen er ei rammeplan. Endringar av datorar grunna spesielle tilhøve ved skolen, bruk av sensorar osb. må avtalast med rådgivarar for eksamen. Oppsett over eksamensdagar(skolevis) for praktisk eksamen Vg2 yrkesfag vert utarbeid i samarbeid med fagnettverka og skolane i januar/februar 2012. Varsling for munnleg eksamen skal skje 48 timar før eksamen med unntak av eksamen måndag 11. juni der varsling skjer torsdag 7. juni kl. 10.00 og kl. 14.30 for ettermiddagsparti, varsling til eksamen tysdag 12 juni skjer fredag 8. juni kl 10.00 og kl 14.30 og varsling til eksamen måndag 18. juni skjer torsdag 14. juni kl. 10.00 og kl. 14.30, og varsling til eksamen tysdag 19. juni (reservedag, berre parti kl 10.00) skjer fredag 15. juni kl. 10.00( I følgje Forskrift til Opplæringslova 4-23 er laurdag fridag på same måte som søndag og andre heilagdagar m.o.t. eksamen). Varslingsdato for trekkfaga ved sentralt gitt eksamen og lokalgitt, skriftleg eksamen er tysdag 15. mai kl. 09.00. Rådgjevarar for eksamen har ansvar for å: 1. peike ut sensorar til lokalgitt eksamen og sentralgitt eksamen med lokal sensur 2. trekkje ut parti i trekkfag etter framlegg frå skolen og oppnemne sensorar til desse 3. samordne utarbeiding av eksamensoppgåver til lokalgitt eksamen så langt det er mogleg. Rektor har ansvar for: 1. å melde inn til Utdanningsdirekoratet i PAS-systemet trekket for sentralgitt eksamen for bådeelevar og privatistar innan fristen 1. mars. 2. å melde inn til rådgivarar for eksamen elevar og fag som skal/kan prøvast. Frist for innmelding av trekk er sett til fredag 17. februar 2012. Skolane registrerar oppmeldingsframlegg etter trekkreglane for alle typar eleveksamenar, også munnlege, i eksamensmodulen i Extens innan denne fristen. Oppdatering av sensorregisteret har frist 1. februar 2012. 3. at det vert utarbeidd eksamensoppgåver og å kvalitetssikre desse i faga til lokalgitte prøver, skriftlege og munnlege, og at desse vert levert rektor innan ein fastsett dato (t. d. 1. mai). 4. gode rutinar for gjennomføring av munnleg eksamen. 5. at det vert avtalt dato for felles sensurering og at resultatet for fellessensuren vert overlevert skolen innan 22. juni 2012. Dersom eksamensoppgåva ikkje vert skriven ut på data, rår vi til at det vert nytta ark med gjennomslag for lokalgitt eksamen og sentralgitt eksamen med lokal sensur slik at svara kan leverast/sendast samstundes til intern og ekstern sensor omgåande etter eksamen. For sentralgitt eksamen med sentral sensur gjeld eigne rutiner. Fylkesutdanningssjefen vil understreke at det er rektors ansvar at utsending av elevsvara skjer omgåande etter eksamen og at alle eksamensoppgåver skal utarbeidast i samsvar med forskrift og læreplan. Det er viktig at skolane legg arbeid i å lage gode og relevante oppgåver slik at det ikkje oppstår kvalitative skilnader mellom skolane innanfor dei einskilde faga. Arbeidet i fagnettverka er viktig for å kvalitetssikre eksamensoppgåvene.
c) Hjelpemiddel til sentralt gitt og lokalt gitt skriftleg eksamen 3-31 i Forskrift til opplæringslova seier korleis eksamen i Kunnskapsløftet skal organiserast i høve til bruk av hjelpemiddel. I brev frå Utdanningsdirektoratet datert 12.02.2008, sist endra 30.11.2009 er det vist til 2 ulike modellar som skal nyttast til sentralgitt skriftleg eksamen. I brevet står m. a.: Modell 1: Alle hjelpemidler er tillatt. Unntak er Internett og andre verktøy som tillater kommunikasjon. For norsk og fremmedspråkene er heller ikke oversettelsesprogrammer tillatt. Modell 2: Del 1 Skrivesaker, passer, linjal og vinkelmåler er tillatt. Del 2 Alle hjelpemidler er tillatt, med unntak av Internett eller andre verktøy som tillater kommunikasjon. Vidare i brevet er det klårgjort i kva fag dei ulike modellane er tenkt brukt. Modell 2 er spesielt tenkt brukt til matematikk og andre realfag, medan Modell 1 er normalmodell for typiske skrivefag som t.d. språkfag. Vi ser at bruk av alle hjelpemiddel vil utfordre dei som lagar oppgåver i større grad enn før. Kandidatane skal få vist sin individuelle fagkompetanse på alle taksonomiske nivå. Oppgåvene må difor vere såpass opne og generelle at det vert mogleg. Oppgåver av ein type som berre etterspør reprodusert faktakunnskap vil ikkje stette krava til eksamen i Kunnskapsløftet. Bruk av datamaskin til eksamen i Kunnskapsløftet, brev frå Utdanningsdirektoratet datert 02.02.2009, sist endra 30.11.2009. Når departement og fylke no har satsa tungt på å spreie og utvikle digital kompetanse med eigne PC ar til kvar elev, ville det vere svært ulogisk at kandidatane ikkje skal kunne bruke sin eigen PC til eksamen. Det vil ikkje vere naudsynt å tøme datamaskina for fagstoff sidan alle hjelpemiddel kan nyttast med unntak av modell 2, del 1 der ikkje PC kan nyttast. Møre og Romsdal fylke har som skoleeigar høve til å bestemme kva hjelpemiddel som skal nyttast ved lokalt gitt eksamen. Skolen må sikre at kandidatar ikkje har omsetjingsprogram på maskina si i samband med eksamen i norsk og framandspråk. I tillegg må skolane anten sikre at kandidatane ikkje kan få tilgang til Internett, eller så må dei leggje til rette for å kunne kontrollere om kandidatar ulovleg koplar seg til nettet i eksamenstida. Dette kan løysast på ymse vis. Som vedlegg til dette rundskrivet(vedlegg 3) ligg eit skjema skolane kan nytte for å dokumentere at kandidatane er kjent med følgjene av å bryte reglane som gjeld for PC-bruk til eksamen. Eksamenssamarbeidet i opplæringsregion Nord Regionen har ikkje lenger nokon formell rolle med samordning av lokale skriftlege eleveksamenar, berre privatisteksamen. Arbeidet vidare i dette eksamensamarbeidet vil vere opplæring/støtte i oppgåvelaging innan utvalde utdanningsprogram, arbeid med vurdering, samarbeid om sensur for teoriprøva for praksiskandidatar/lærlingar og felles oppgåver og sensur for skriftleg, lokalgitt eksamen for privatistar. Oppmelding av privatistar på privatistweb All oppmelding til privatisteksamen er no web-basert. Prøveavgifta for 2012 er kr. 378 for førstegongsprøve og kr. 775 for forbetringsprøve. Informasjon om oppmelding ligg på nettet under www.privatistweb.no og www.mrfylke.no. Her ligg også informasjon om kven som skal betale prøveavgifta og kven som ikkje skal betale. Privatistweb er open 1. januar til 31. januar. Fristen for oppmelding til våreksamen er 31. januar. Elev/lærling som ikkje nyttar retten sin til å avleggje ny, utsett eller særskilt prøve ved første fastsette tidspunkt for slik prøve, må gå opp som privatist.
Praksiskandidatar/lærlingar og teorieksamen Eksamen er sentralgitt med lokal sensur. Eksamensdato er 30. mai for Vg3/avviksfag og 7. juni for Vg2-nivå og praksiskandidatar etter Kunnskapsløftet. Før ein kan melde seg opp til den praktiske delen av fagprøva, må den tverrfaglege teorieksamenen vere greidd. Informasjon om eksamen blir gitt ved oppmeldinga på web og ved den skolen kandidaten melder seg til. Det blir gitt eitt kompetansebevis for den teoretiske delen av fagprøva. Kompetansebeviset skal leggjast ved oppmeldinga til den praktiske prøva. Oppmelding til den praktiske prøva skal som tidlegare sendast til utdanningsavdelinga. Økonomi Rekningane frå sensorar/eksaminatorar/oppgåvelagarar for privatisteksamen (inkl. praksiskandidatar) der fylket har tinga dette arbeidet, skal sendast til utdanningsavdelinga for utbetaling. Utgifter for eleveksamen skal belastast den einskilde skolen. Med helsing Per Hoem fylkesutdanningssjef Sverre Hollen ass.fylkesutdanningsdirektør Gjenpart: Gjenpart: Fylkesrådmannen Fylkesordføraren Lærarorganisasjonane Elevorganisasjonen Fagskolen i Ålesund Utdanningsutvalet Yrkesopplæringsnemnda Opplæringskontor og ringar Ressurssentra i fylket Vedlegg: Vedlegg 1 Rettleiande eksamensplan for elevar lokalgitt eksamen Vedlegg 2 Annonsetekst for privatisteksamen Våreksamen 2012 Vedlegg 3 Skjema til bruk ved PC-basert eksamen
Vedlegg 1 RETTLEIANDE EKSAMENSPLAN VÅREN 2012 ELEVAR OG PRIVATISTAR Sentralgitte eksamenar i plana er merka med *. Sentral eksamensplan, sjå brev frå Utdanningsdirektoratet av 04.07.2011 m/vedlegg. Eventuell førebuingsdag/dagar er ikkje teke med i denne plana. NB! Varsling av trekkfag skal etter forskrift til Opplæringslova 3-30 skje 48 timar før eksamen. Kunngjering av skriftlege trekkfag er tysdag 15. mai kl. 09.00. DATO Vg1 Vg2 Vg3 Tysdag 15.05 Melding om skriftleg Melding om skriftleg trekk, Melding om skriftleg trekk, trekk, sentalt og lokalgitt sentralt og lokalgitt kl.09.00 kl. 09.00 sentralt og lokalt gitt, kl. 09.00 Måndag 21.05 Tysdag 22.05 Onsdag 23.05 ENG1002 (st)* ENG1003 (yf)* NOR1206 (yf) Torsdag 24.05 Fredag 25.05 MATxxxx* MATxxxx* Tysdag 29.05 Start periode Vg2 y-fag, NOR1211 Norsk hm (st)* praktisk eksamen Onsdag 30.05 Teori fagprøve Vg3* Torsdag 31.05 MAT1001/1006 (yf) REA2022/3026* REA3022/3026* Lokalgitte skr.trekkfag (-NOR1206) Fredag 01.06 NOR1212 Norsk sm (st)* Måndag 04.06 REA3024/3928* REA3024/3028* IDR2005 Treningslære 2* Tysdag 05.06 Lokalgitte skr. trekkfag Onsdag 06.06 Torsdag 07.06 Melding munnleg trekk Teori fagprøve Vg2 Melding munnleg trekk Melding munnleg trekk Fredag 08.06 Melding munnleg trekk Melding munnleg trekk Melding munnleg trekk Måndag 11.06 Munnleg eksamen Munnleg eksamen Munnleg eksamen Tysdag 12.06 Munnleg eksamen Munnleg eksamen Munnleg eksamen Onsdag 13.06 Munnleg eksamen Munnleg eksamen Munnleg eksamen Torsdag 14.06 Munnleg eksamen Munnleg eksamen Munnleg eksamen Fredag 15.06 Munnleg eksamen Munnleg eksamen Munnleg eksamen Måndag 18.06 Munnleg eksamen Munnleg eksamen Munnleg eksamen Tysdag 19.06 Reservedag munnleg eks Reservedag munnleg eksamen Reservedag munnleg eks Onsdag 20.06 Skoleslutt Skoleslutt Skoleslutt Torsdag 21.06 Fellessensur Fellessensur Fellessensur Fredag 22.06 Fellessensur Fellessensur Fellessensur NB! Grunna samordning av utarbeiding av eksamensoppgåver og sensurering er det viktig at skolane følgjer den oppsette plana ved dei skriftlege eksamenane. Munnleg eksamen kan avvikast frå plana dersom det vert avtala med rådgivar for eksamen.
VEDLEGG 2 LOGO MØRE OG ROMSDAL FYLKE UTDANNINGSAVDELINGA http://www.mrfylke.no VÅREKSAMEN 2012 i den vidaregåande skolen Privatistar, lærlingar. Teoriprøva for praksiskandidatar og avviksfag Vg3. Oppmelding til privatisteksamen i Møre og Romsdal er no berre nettbasert (web). Det er totalt 10 vidaregåande skolar i fylket som gjennomfører eksamen for privatistar. Fristen for oppmelding til eksamen ved dei vidaregåande skolane våren 2012 er: Privatistweb er open for oppmelding i perioden 1.- 31. januar 2012. For informasjon og oppmelding, sjå www.privatistweb.no og www.mrfylke.no. Det er viktig at du les informasjonen på privatistweb før du melder deg opp. Skolane vi hjelpe deg med informasjon ut over det du finn på privatistweb. Vi gjer merksam på at eksamen kan bli avvikla ved ein anna skole enn den du set opp som ditt ønske. Oppmeldingsfrist: 31. januar 2012. NB! Det er ikkje høve til å melde seg til privatisteksamen etter denne fristen. Innrykk: Romsdals Budstikke, Tidens Krav, Sunnmørsposten: 7. januar 2012 og 21. januar 2012.
VEDLEGG 3 Bruk av PC til skriftleg eksamen i Kunnskapsløftet ved dei vidaregåande skolane i Møre og Romsdal 1. Elevar kan bruke privat PC til skriftlege sentralgitte eller lokalgitte eksamenar dersom ikkje noko anna er avtala. Unntak er også sjølvsagt alltid del 1 i todelt eksamen etter modell 2 der berre svært avgrensa hjelpemiddel er tillate. 2. Det er ikkje naudsynt å slette noko fagstoff på maskina sidan alle hjelpemiddel unnateke Internett/kommunikasjon er tillate. Eg er kjent med at eg ikkje har lov til å kople meg til Internett eller nytte annan form for kommunikasjon til medelevar eller andre via mobiltelefon, bluetoothsamband eller liknande i eksamenstida. Eg kjenner og til at eg ikkje kan ha installert omsettingsprogram på datamaskina når det er eksamen i norsk eller framandspråk. Eg kjenner til at skolen kan nytte eiga programvare for å kontrollere om deler av besvarelsen kan vere henta frå kjelder på Internet og at eg difor alltid må oppgi kjelde når eg nyttar stoff skrive av andre. Brot på nokon av desse reglane vil det kunne bli rekna som fusk, og det blir handsama etter 3-37 i Forskrift til opplæringslova. Konsekvens kan bli annullering av eksamen og sperrefrist på 1 år før du på nytt kan gå opp til eksamen i faget. Det kan også bli konsekvens i form av nedsett åtferdskarakter. Eg har lese og forstått reglane for PC-bruk til eksamen her... Stad og dato Elevens underskrift