FYLKESMANNEN I SOGN OG FJORDANE

FYLKESMANNEN I SOGN OG FJORDANE Bioplan Norge AS P.b. 443 5751 ODDA Dykkar ref. Vår ref. Hermansverk - 2000/5334 /471.1/GH A 25.7.2000 UTSLEPPSLØYVE FOR REAKTORKOMPOSTERINGSANLEGG VED PURKEHOLA AVFALLSPLASS Vi viser til oversending dagsett 30.5.2000 og møte den 5.7.2000 der det vart semje om at Bioplan Norge AS bør få eige utsleppsløyve for komposteringsaktiviteten ved Purkehola avfallsplass. For ordens skuld viser vi òg til varsel om endring av utsleppsløyvet for Purkehola avfallsplass dagsett 14.2.2000 og nytt utsleppsløyve til avfallsplassen dagsett 14.7.2000, der det vart orientert om at eige løyve ville verte skrive ut. Eit reaktorkomposteringsanlegg har vore i drift ei tid, men av ulike årsaker fungert mindre bra. Det vert no gjort avtale om at Bioplan overtek anlegget frå Flora kommune. Etter oppgradering, reknar ein med mindre miljøulempe, høgare kvalitet på produkta og større kapasitet ved anlegget. Saka har vore på offentleg høyring i samband med endring av utsleppsløyve for Purkehola avfallsplass. Det kom ikkje inn spesielle merknader som kunne skape tvil om løyve kunne gjevast. Tvert i mot vil eit slikt anlegg kunne bidra til å redusere miljøulempene frå Purkehola avfallsplass, og vere eit nødvendig supplement til avfallshandteringa i området. Fylkesmannen gjer følgjande vedtak: Med heimel i 11, jf. 16 og 29 i ureiningslova får Bioplan Norge AS, på nærare vilkår, løyve til transport, mottak, mellomlagring og handsaming av inntil 5 000 tonn våtorganisk avfall inkludert avløpsslam på avsett område ved Purkehola avfallsplass 1. Løyvet gjeld på dei vilkåra som er nemnd i vedlegg og tar til å gjelde straks. 1 Digital koordinat for midtpunkt komposteringsanlegg er omlag (EUREF89): 300450 6836750 Adresse Telefon Landbruksavdelinga Telefon Tinghuset, Skrivarvegen 3 57 65 50 00 Hafstadvegen 48 57 72 32 00 Postboks 37 Telefaks Postboks 14 Telefaks 6861 LEIKANGER 57 65 50 55 6801 FØRDE 57 82 12 05 Epost: X.400: S=Postmottak;O=fm-sf;P=dep;A=telemax;C=no Internett: Postmottak@fm-sf.stat.no

Fylkesmannen i Sogn og Fjordane Side 2 RAMME FOR LØYVET Etter 1.1.2001 krev staten at det ikkje lenger skal deponerast usortert våtorganisk avfall på avfallsplassar. Vi viser til møte mellom fylkesmannen og Bioplan AS den 5.7.2000, der Bioplan AS gjorde greie for planar om oppgradering av komposteringsanlegget ved avfallsplassen. Anlegget kan stå ferdig våren 2001. Løyvet med vilkår vil difor verte handheva etter 1.7.2001, jf. tidsfrist som Flora kommune har fått i løyvet dagsett 14.7.2000. Før oppgraderinga av anlegget står ferdig føreset vi god og jamleg kontakt mellom miljøvernavdelinga hos fylkesmannen og Bioplan. Løyvet avgrensar ikkje tal kommunar som kan levere avfall til staden, men føreset at mottaket er tilpassa kapasiteten på plassen, slik at vilkåra til ei kvar tid er stetta. I tillegg til våtorganisk avfall, kan Bioplan ta i mot t.d. hage-, parkavfall, reint treavfall, bark, flis m.m. som kan nyttast som karbonkjelde i komposteringsprosessen. Som karbonkjelde kan nyttast alt reint organisk materiale, så lenge kvaliteten på ferdig vare ikkje vert ueigna eller mindre eigna for vidare bruk, jf. forskrift om avløpsslam og gjødselvareforskrifta. Såleis kan papir og liknande kunne nyttast om ønskjeleg og det ikkje strir mot næringslivsavtalar som Miljøverndepartementet inngår. Mengd av karbonkjelde er førebels ikkje regulert, men det er sjølvsagt at det ikkje kan takast i mot meir enn det som det er behov for til ein optimal komposteringsprosess, og tilsetjing for å fremje optimale kvalitetar på ferdig kompost. Flora kommune har i utsleppsløyvet for Purkehola avfallplass fått krav til gassoppsamling. Gassen bør uttnyttast til energiformål, og ein bør vurdere om det er mogeleg å utnytte energien i komposteringsanlegget. GRUNNGJEVING Aktiviteten til anlegget er i samsvar med norsk og europeisk politikk om å handtere ulike avfallstypar for seg og ta vare på ressursar i avfallet. Komposteringsanlegget sine negative påverknader på miljøet er likevel isolert sett uønskt, og det er difor sett ei rekkje krav som vil minske miljøpåverkinga. I tillegg til desse krava, pliktar løyvehavar å syte for at ureining vert unngått, jf. 7 i ureiningslova. Krava til anlegget er i hovudsak ein presisering og tilpassing til aktiviteten av krav som er sett til den nærliggjande avfallsplassen. Krava ville elles ha vore ein del av vilkåra i utsleppsløyvet til Purkehola avfallsplass. Komposteringsanlegget vil kunne ta i mot etter måten mykje avfall. Lokaliseringa nær offentleg veg gjer det særleg utsett for luktspreiing. Krava i vilkåra vil etter vårt syn minimalisere ulempene. Det er likevel sett strenge krav til tryggleiken og til dokumentasjon på at sikringskrava vert stetta. Etter nedlegging av anlegget vil det vere nødvendig med opprydding og istandsetting av området. Det er difor kravd at verksemda må stille økonomisk garanti for oppryddinga frå kommunen eller privat instans. Det er lagt spesiell vekt på at køyretøy og liknande som fraktar våtorganisk avfall og avløpsslam held god hygienisk standard på offentleg veg. Transport skal skje i lukka

Fylkesmannen i Sogn og Fjordane Side 3 einingar og køyretøy o.l. skal haldast reine slik at det ikkje skal vere fare spreiing av smittestoff eller annen ureining. Komposteringsprosessen vil kunne sikre at dei ferdige produkta held høg kvalitet, og at dei er vel eigna til ei rekkje føremål. Det er eit mål å kunne redusere behovet for import av kompost, og erstatte med lokalt produsert masse. AVSLUTTANDE REGLAR OG INFORMASJON A) Endring eller attendekalling av løyvet Med heimel i 18 i ureiningslova kan fylkesmannen gjere om eller setje nye vilkår i løyvet. Fylkesmannen kan om nødvendig kalle heile løyvet attende. Brot på føresetnadene for løyvet kan føre til revurdering av løyvet. B) Tilsyn og ansvar Fylkesmannen eller den han gir fullmakt, skal til ei kvar tid ha tilgang til alle delar av anlegget, journalar, rekneskap, interne vedtak, m.m. for å føre tilsyn etter 48-50 i ureiningslova. Vedkomande som har fått utsleppsløyve er ansvarleg for at anlegget vert halde vedlike og drive slik at det til ei kvar tid svarar til formålet og vilkåra i løyvet. Drifts- og vedlikehaldsrutinar skal leggjast opp slik at ein til ei kvar tid har oversyn over anlegget og prosessane sine funksjonar og effektar. Ajourført informasjon skal når som helst, og utan ugrunna opphald kunne oppgjevast til kontrollør. Dette løyvet fritar ikkje søkjaren for å hente inn løyve for andre sider av verksemda som t.d. arbeidsmiljø, helse- og landbrukslovgivinga. Alle verksemder som sysselsett arbeidstakar, er frå 1.1.92 pliktige til å ha eit internkontrollsystem som sikrar at lover og reglar innan helse, miljø og tryggleik vert følgd (jf. 52 b i ureiningslova og "Internkontrollforskrifta", seinast endra 6.12.1996). Fylkesmannen vil spesielt streke under plikta til å etablere og drive eit system som vernar om det ytre miljøet (vern mot ureining og ei betre handtering av avfall). Sjølv om løyve er gitt, pliktar den som ureinar å svare erstatning som måtte følgje av ureiningslova og vanlege erstatningsreglar, jf. kap. 8 og 10 i ureiningslova. C) Brot på løyvet eller vilkår for løyvet Med heimel i 73 i ureiningslova kan fylkesmannen fastsetje ureiningsgebyr (tvangsmulkt) til staten for å sikre at tiltak og vilkår vert gjennomførde i samsvar med løyveskrivet. For ordens skuld gjer vi merksam på at brot på dette løyvet med vilkår eller pålegg i tilknyting til løyvet, kan straffast etter ureiningslova, jf. kap. 10, dersom tilhøva ikkje vert råka av strengare strafferammer.

Fylkesmannen i Sogn og Fjordane Side 4 D) Om klageretten Partane og andre med klagerett etter forvaltningslova kan klage over avgjerda eller vilkår i løyvet innan 3 veker etter at avgjerda vart mottatt. Eventuell klage bør grunngjevast og rettast til Statens forurensningstilsyn (SFT). Klagen skal sendast om fylkesmannen som kan ta klagen heilt eller delvis til følgje eller sende han til SFT til endeleg avgjerd. Med helsing Oddvar J. Flæte Gøsta Hagenlund seksjonsleiar (tlf. 57 65 51 44) Vedlegg: Vilkår for utsleppsløyve til reaktorkomposteringsanlegg ved Purkehola avfallsplass Gjenpart med vedlegg: Grunneigarar på Helgøya, ved Jonfrid Giil, 6900 Florø Joar Ellingsund, Hammeren 8, 6900 Florø Flora kommune Vågsøy kommune NOMIL, p.b. 224, 6823 Sandane SUM, p.b. 349, 6801 Førde Intern: GH (2), VASS

Side 5 av 11 sider VEDLEGG Vilkår for løyve til mottak, mellomlagring og handsaming av våtorganisk avfall og avløpsslam i reaktorkomposteringsanlegget ved Purkehola avfallsplass i Flora kommune 1. Omfang av løyvet 1.1 Ansvar. Komposteringsanlegget skal til ei kvar tid ha ein driftsleiar som er fagleg kompetent til å leie anlegget og sikre at personalet får nødvendig opplæring. Innehavar av løyvet skal halde miljøvernavdelinga hos fylkesmannen skriftleg oppdatert til ei kvar tid over namn, telefon og evt. e-post adresse til driftsleiar ved anlegget. 1.2 Utnytting av område. Det avsette området skal berre nyttast til mottak, handsaming (inkl. hygienisering og stabilisering) og mellomlagring av avfall, avfallsprodukt og tilsatsmateriale som nemnd i desse vilkåra. 1.3 Mottak av avfall. Våtorganisk avfall og avløpsslam skal ha eit tørrstoffinnhald på minst 15 % før handtering i anlegget. Kompostmassen skal ha ein struktur som sikrar hygienisering og stabilisering på kortast mogeleg tid. Som karbonkjelde og som kjelde for å auke tørrstoffinnhaldet i massen (vert omtalt seinare som tilsatsmateriale) kan nyttast eit kvart tilstrekkeleg reint, organisk materiale som er gunstig for formålet med komposteringsprosessen. Det kan ikkje takast imot meir avfall dagleg eller kvar veke, enn at alt avfallet kan komposterast etter føresetnadene i løyvet. 2. Oppbygging av plassen og tilrettelegging av området 2.1 Lokalisering og anleggstype. Anlegget skal plasserast innafor areal avsett (regulert) til avfallsanlegg, og plasserast i samsvar med detaljkart. Kartet skal gi fullstendig opplysning om plassering av anlegg og aktivitetar, alle røyr, kummar og anna som kan ha noko å seie for avrenningstilhøva frå området. Anlegget og mellomlagerplassar skal vere skjerma mot innsyn frå offentleg veg. Anlegget skal minst ha eit mottaksanlegg for avfall og tilsatsmateriale, bioreaktor og utstyr/maskinar som sikrar forsvarleg ettermodning, sikting og innblanding av tilsatsmateriale for å oppnå høgast mogeleg kvalitet på komposten. Det skal vere tilgang på kvalitetskontrollert vekt. 2.2 Mellomlager. Det kan etablerast utandørs mellomlager for handsama kompost av avløpsslam, våtorganisk avfall og organisk/uorganisk tilsatsmateriale som er nødvendig for ein komposteringsprosess.

Side 6 av 11 sider Mellomlager og intern transport av mellomlagra avfall, avfallsprodukt eller tilsatsmateriale skal skje slik at det ikkje oppstår fare for ureining av miljøet, og slik at det ikkje er fare for ureining av det ferdig handsama avfallet. Det skal heller ikkje vere fare for blanding av ulike avfallsprodukt, ulike tilsettingsmateriale o.l. Område som mellomlagrar eller på annan måte handsamar våtorganisk avfall utandørs skal ha minst 2 % fall mot oppsamlingspunkt. Minste avstand til høgaste grunnvassnivå skal vere minst 0,75 m. Det skal vere tett botn under alle delar av området utandørs der det er fare for nedtrenging av ureina (sige)vatn. Permeabilitet skal vere maksimalt K = 1 x 10-6 m/s målt i vassmetta tilstand. Evt. tett dekke av betong eller asfalt skal leggjast på frostsikker grunn. Mellomlager skal berre etablerast på særskild avsette og avgrensa område, og skal vere avmerkt på detaljkart. 2.3 Sandfang og fordrøyingsbasseng. Frå oppsamlingspunkt skal alt vatn der det kan vere fare for påverking av avsig frå avfall, kompost, tilsatsmateriale eller som på annan måte kan vere i kontakt med avfall, førast til sandfang med maksimal overflatebelastning på 1,0 m 3 /m 2 x time og med minst ein time opphaldstid. Sandfanget skal òg fange opp flyteslam. Frå sandfanget skal vatnet førast til fordrøyingsbasseng som skal utjamne maksimal timetilrenning over minst 4 timar før det vert ført inn på sigevassleidning frå Purkehola avfallsplass. Slam og botnfall i bassenget skal reinskast jamleg. 2.4 Andre anlegg/installasjonar. a) Anlegget skal ligge på avstengt område innafor avgrensingar til Purkehola avfallsplass, eller ha eigen inngjerding for å hindre ikkje-autorisert personell, husdyr, hjortedyr m.v. å kome inn på plassen. Gjerdet skal ikkje vere lågare enn 2,0 m og må vere dimensjonert for å hindre hjortedyr å passere. Alt område som kan innehalde avfall, tilsatsmateriale eller mellomlager av kompost skal vere inngjerda. b) Ved anlegget skal det vere minst 20 m 3 varig tett lagerkapasitet (kriselager) for mottak av ikkje-avvatna avløpsslam o.l. c) Vedlikehald av maskinar skal utførast på tett flate med fall til oljeutskiljar. Olje m.m. skal takast hand om på fat eller andre, tette oppsamlingseiningar. Utvendig olje-, drivstofftank o.l. som kan romme minst 3 000 liter væske, skal skjermast mot akuttutslepp. Tankane skal vernast mot påkjørsel m.v., og ha oppsamlingsbasseng som minst rommar innhaldet i tanken, og i tillegg evt. nedbør sidan siste eigenkontroll. d) Veg til anlegget skal vere av god standard, og ein skal sikre at det er sikker tilkomst heile året.

Side 7 av 11 sider e) På komposteringsanlegget skal det vere: Kontor-, opphalds- og sanitærrom som tilfredsstiller krav frå arbeidstilsynet. Sanitæravløp skal byggjast i samsvar med krav frå kommunen (kommunen som ureiningsstyresmakt) og "forskrift om utslipp fra mindre avløpsanlegg". Vaskeplass for å hindre at avfallsrestar følgjer med køyretøy ut frå avfallsplassen, og fører til fare for smittespreiing og/eller anna ureining. 2.5 Brannfare. På eller ved komposteringsanlegget, lager for tilsatsstoff og liknande skal det ikkje vere aktivitetar som kan føre til fare for brann i avfallet. Brenning av avfall er forbode. 3. Vern mot/kontroll av utslepp 3.1 Sikring mot smitte og ureining ved transport. Det skal ikkje vere fare for søl eller lekkasjar frå transport av avfall. Avfallet skal leverast til handsamingsplassen så fort som praktisk mogeleg, normalt same dag det vert samla inn. Utstyr/transporteiningar o.a. som har vore i kontakt med stoff som kan føre til ureining skal reingjerast jamleg. Det bør reingjerast kvar gong det forlet anlegget og minst kvar gong det er søl på utsida av transporteininga. Tømeområdet må haldast reint. 3.2 Sigevatn. Mengd og samansetjing av sigevatnet skal dokumenterast. Vassprøvene skal takast på ein mengdeproporsjonal måte over minst eitt døgn. Minst 4 gonger per år skal det takast prøver av avløpsvatnet som karakteriserer samansetjinga. Det skal minst takast analysar av leidningsevne, ph, turbiditet, farge, lukt (subjektiv vurdering vert godteke), organisk stoff (KOF eller BOF), totalnitrogen, total-fosfor og jarn. Prøvetakinga skal fordelast jamt over året i perioden april - oktober, slik at situasjonar med særleg stor og særleg liten vassføring vert representert. Prøvetaking og analysar skal følgje rettleiing frå fylkesmannen eller akkreditert laboratorium i samsvar med EN 45001 eller tilsvarande godkjenning frå Norsk Akkreditering eller annan nøytral instans. Evt. retningsliner frå SFT eller miljøvernavdelinga hos fylkesmannen må følgjast. 3.3 Utslepp til luft 3.3.1 Lukt. Lukt frå anlegget og tilhøyrande aktivitetar skal til ei kvar tid vere så låg at luktkonsentrasjonen ved eksisterande busetnad og offentleg område (spesielt tenkjer vi her på riksvegen) ligg under terskelverdien for attkjenning av lukta i 98 % av året

Side 8 av 11 sider (immisjonsverdi). Om nødvendig må luktdempande tiltak iverksetjast straks og utan ugrunna opphald 2. 3.3.2 Støyavgrensing. Aktivitetar på anlegget som kan medføre støy ved naboar (immisjonsstøy) er avgrensa til følgjande tider og maksimalnivå: Måndag til fredag kl 7 00-22 00 Laurdag kl 9 00-18 00 Støy frå anlegget m.v. skal til ei kvar tid vere avgrensa slik: Immisjonsstad Dag 07 00-18 00 (15 00 ) Kveld 18 00-22 00 Bustad og område som vert nytta som 50 db (A) 45 db (A) undervisningsstad Område som vert nytta som hytteområde 40 db (A) 35 db(a) og rekreasjonsstad, sjuke- hus/sjukeheim Transport ved bustadområde nær anlegget 55 db (A) 3 55 db (A) Aktivitetar som medfører fare for spesiell støy, bør i størst mogleg grad gjennomførast innafor vanleg arbeidstid dvs. kl. 7 00-16 00 måndag til fredag. Dersom støyen omfattar tydelege enkelttonar og/eller impulslyd skal grenseverdien for ekvivalentnivået reduserast med 5 db. Høgaste lydnivå skal ikkje overskride grenseverdien for ekvivalentnivået med meir enn 10 db. Dokumentasjon på lydnivå skal følgje tilvising i SFT-retningslinje TA-506 Retningslinjer for begrensning av støy fra industri m.v. Ny utgåve, mars 1985, eller seinare retningsliner etter godkjenning frå miljøvernavdelinga hos fylkesmannen. 3.4 Omsyn til nærmiljø. Handtering av avfall skal skje slik at det er minst mogeleg skjemmande for omgjevnadene. Dette inneber m.a. at: Anlegget og området rundt skal haldast reint for flygeavfall og anna forsøpling. Område der publikum kan ferdast skal vere spesielt ryddige. Det skal førast regelbunden (kvar veke) inspeksjon av området omkring fyllplassen for å registrere og fjerne evt. flygeavfall. Ryddeaksjonar skal gjennomførast når dette er nødvendig. Dersom det er påkravd, vil fylkesmannen fastsetje minstefrekvensar for ryddeaksjonar. Skadedyr som rotter, villkattar, insekt m.m. skal ikkje medføre ulempe for omgjevnadene. 2 Normalt vil kravet berre kunne tilfredsstillast med luktfjerneanlegg. 3 Sett i samsvar med "Veiledende grenser for trafikkstøy" - utgitt av Miljøverndepartementet i rundskriv 29.8.1979.

Side 9 av 11 sider 3.5 Krav til andre granskingar eller tilleggsgranskingar. Innehavar av løyvet skal betale for kontrollmålingar som fylkesmannen må få utført når ein fører tilsyn med vilkåra for løyvet i samsvar med 48-51 i ureiningslova. Innehavar av løyve kan verte pålagt å koste og/eller delta i anna overvaking og/eller gransking av resipienten (vatn, jord og luft), jf. 51 i ureiningslova. 4. Prosess og drift 4.1 Mengderegistrering. Kvar levering av avfall inkl. tilsatsmateriale og ferdig kompost skal registrerast med omsyn på vekt og type. Leveransane skal registrerast særskild frå kvar kommune 4. Løyvehavar kan berre inngå avtale om transport, gjenvinning, oppbevaring, m.v. med andre dersom dei får full oversikt over mengder (i vekt) og typar som vert handsama. 4.2 Mottaks- og kvalitetskontroll. Det skal førast kontroll med alt mottatt avfall og tilsatsmateriale. Kontrollen skal kunne avgjere om avfallet inneheld stoff 5 som gjer at leveransen ikkje er lovleg å motta, og kor avfallet kom frå. Kvaliteten på dei ferdige produkta skal dokumenterast ved representative prøver Produkt med med ulik kvalitet skal som hovudregel handsamast kvar for seg. Høgast mogeleg kvalitet skal søkjast nådd for alle kompostfraksjonane. Avfall som ikkje kan inngå i komposteringsprosessen skal sorterast frå og leverast til godkjent avfallsmottak. 4.3 Inndekking av kostnader. Private som leverer eige avfall (hageavfall og liknande) til anlegget skal ikkje betale for handteringa utover ordinær renovasjonsavgift. Dette føreset at vedkomande er omfatta av renovasjonsordninga og betalar renovasjonsavgift. 4.4 Bruk av produktet (komposten). Det skal etablerast kvalitetsrutinar for å sikre utnytting av komposten utanom avfallsplass. Som minimum skal det vere mogeleg å sikte (solde) all kompost, og å kunne blande inn tilsatsmateriale for å oppnå venta kvalitet. Evt. innblanding av tilsatsmateriale og bruk utanom avfallsdeponiet må tilfredsstille krava i forskrift om slam og landbrukstilsynet sine reglar for gjødsel og jordforbetringsmidlar basert på organisk avfall. Sikterestar og anna avfall som ikkje kan nyttast i prosessen skal leverast til godkjent avfallsanlegg. 4 Ein kan fordele skjønnsmessig ved innsamlingsrute som omfattar fleire kommunar. 5 M.a. må tungmetallanalysar takast av det avvatna slammet før innblanding av anna materiale, jf. forskrift om avløpsslam.

Side 10 av 11 sider 4.5 Kompetanse. Driftspersonalet skal ha nødvendig opplæring og skal ha fullstendig kunnskap om dette løyvet og planar/instruksar/rettleiingar om relevante prosessar og drift av anlegget. 4.6 Drifts- og beredskapsplanar m.v. 6 Det skal utarbeidast driftsinstruks for anlegget, komposteringsprosessen, handtering av fraksjonar med for høgt tungmetallinnhald o.l., og handtering av komposten fram til ferdig produkt. Det skal førast driftsjournal som m.a. inneheld opplysningar om mottekne og leverte mengder (etter vekt), endeleg disponering, avfallstypar, prosessoversikt, spesielle driftsproblem o.l. Ajourført informasjon skal når som helst kunne oppgjevast til kontrollør. Alle målingar og analyseresultat skal tidfestast og systematiserast. 4.7 Rapportering. Fylkesmannen skal ha skriftleg rapport innan 1.mars årleg eller den dato som vert sett det enkelte året 7 om: Totalmengd motteke avfall fordelt på avfallstypar og motteke mengd og typar andre tilsatsmateriale. Mellomlagra avfall og anna tilsatsmateriale per 31.12, delt på ulike fraksjonar. Mengde og leveringsstad for ferdige produkt og restavfall. Avfallsmengdene skal så langt råd er vere fordelt på opphavskommunar. Omtale av drifta, arbeidet med internkontroll (retta mot det ytre miljøet) informasjonstiltak, førebyggande tiltak, unormale hendingar, spesielle problem o.l. Herunder omtale av alle skriftlege eller munnlege klagar eller merknader til drift frå andre. Sigevassdata skal presenterast på ein oversiktleg måte (sjå SFT-rettleiar 97:04), der ein òg skal ha med oversikt over resultat tidlegare år og ei samanlikning av nivå og utvikling. Spesielle problem, uføresette hendingar, o.l. skal utan ugrunna opphald meldast til miljøvernavdelinga hjå fylkesmannen. Dersom det oppstår akutt fare for ureining skal lensmannen varslast i samsvar med forskrift om varsling av akutte utslepp. Miljøvernavdelinga hjå fylkesmannen skal varslast seinast fyrste ordinære vyrkedag dersom uføresette hendingar eller andre (akutte) situasjonar fører til auka fare for ureining, eller at drift eller prosessar ved anlegget ikkje kan gå som planlagt. 4.8 Nedlegging og etterdrift. Det er ikkje tillate å leggje ned driftsfunksjonar ved anlegget eller la vere å bruke det utan førehandssamtykke frå fylkesmannen, og det er etablert tilsvarande godkjent tilbod for kommunane. Ved nedlegging eller driftsstans skal vedkomande som har fått løyve gjere det som er nødvendig for å motverke ureining. Ved avslutting av plassen skal alle tekniske installasjonar o.l. (som ikkje er nødvendig for etterdrifta) fjernast og disponerast på forsvarleg måte. Alle 6 Dette vilkåret presiserer og utfyller ansvaret ein har direkte i samsvar med internkontrollforskrifta. 7 På grunn av samordna rapportering frå andre verksemder og mogeleg samordna rapportering til overordna styresmakter, kan fristen for det enkelte året verte endra. Verksemda vil då få særskild brev.

Side 11 av 11 sider nødvendige tiltak for å hindre ureining frå anlegget må gjennomførast, m.a. tømming av oljeutskiljar og slamavskiljar. Overskot av materiale/anleggsrestar skal om mogeleg ombrukast. Plan for avslutting, lukking og etterdrift (jf. vilkår 4.4) må m.a. omtale kontroll med og overvaking av sigevatn og drikkevasskjelder, gassuttak, dekkmassar og tettingslag og planlagt arealbruk. Fylkesmannen vil på bakgrunn av planen vurdere om det er nødvendig med eiga etterdriftsløyve. Det må stillast økonomisk garanti for utgifter til etterdrift og tiltak i samband med etterdrifta 8. Den ansvarlege har plikt til etterdrift i samsvar med dette løyvet eller eige løyve så lenge som omsyn til miljø, nabolag, resipient og evt. anna bruk av området gjer det nødvendig med tilsyn etter konsesjonsstyresmakta sine krav (jf. 20 i ureiningslova). 8 Ved kommunalt eigarskap held det med forpliktande vedtak i eigarkommunen/-ane om å stille nødvendige midlar.