Informasjon til foreldre Til deg/dykk som er nye foreldre ved Helland barnehage TILVENNING Det er viktig for oss at de opplever at den første tida i barnehagen går bra. Dette vil danne grunnlaget for at barnet vil oppleve barnehagen som ein trygg og god stad å vere. For at barnet ditt skal få ei gradvis tilvenning er de velkomne til å vere saman med barnet dykkar den første tida i barnehagen. Nokre barn treng kort tid (ein tre dagar) for å verte trygge, medan andre treng noko lengre tid til tilvenning nokre veker. Vi gjer avtalar etter kvart som vi ser korleis det går; med korte dagar dei første dagane. Det er viktig at du er tilgjengeleg for barnet dei første dagane og at du alltid seier frå når du går. For barnet er det viktig at vi får informasjon som er viktig å vite om i barnehagen, derfor ber vi dykk tenke gjennom ting som kan vere av betydning. De får vedlagt nokre skjema som skal leverast inn ved oppstart av barnehageåret: Skjema for helseopplysningar/kontaktpersonar Forespørsel om samtykke Innhenting av opplysningar om kven som kan hente barnet For dei minste barna som begynder ny i barnehagen treng vi noko meir utfyllande opplysningar. Det kan vere ei god hjelp for alle partar at vi på eit tidleg tidspunkt får vite mest mogeleg om barnet. Derfor har vi sett opp nokre punkt som vi ber om at de svarar på. Sett opp stikkord som viser kva barnet er vand med ut i frå stikkorda under kvart punkt. Det er også lagt ved eit informasjonsskriv om ev medisinering i barnehagen.
PRIMÆR KONTAKTANE OG DEIRA OPPGÅVER MÅL: Ei primærkontakt er ein vaksen som har særskild merksemd for ditt barn. Ved at vi deler barnegruppa mellom dei tilsette, sikrar vi at alle barna vert sett og at barnet får den omsorga det skal ha med oss. I tilvenningsperioden er primærkontakt særskild viktig. Primærkontakta står for tryggheit og nærheit, og hjelper barnet til å fungere i lag med dei andre barna. METODE: Primærkontakt skal gjennom dagen, både inne og ute, ha positiv kontakt med sine primærbarn. Dei skal prate, leike, oppmuntre og trøste i dei nye situasjonane barnet ditt møter i løpet av barnehagedagen. Samtidig skal den vaksne gi utfordringar, oppmuntre og vere særskild merksam på sine primærbarn. Den vaksne skal også legge til rette for god kontakt og kommunikasjon mellom heim og barnehage. Forslag til tiltak som kan hjelpe barnet: Bilde i ein liten album av mor, far andre nære personar. Kosedyr barnet er glad i. Du vil få informasjon om kven som blir ditt barn sin primærkontakt ved oppstart.
INFORMASJON OM OPPHALDSTIDER Barnehagen er open 06.45 16.30 Maksimal opphaldstid pr. dag er 9 timar Overtidsbetaling etter 16.30 er 100 kroner pr påbegynt halvtime Timekjøp er 40 kr timen Vis respekt for at tilsette si arbeidstid er fram til 16.30. Innan dette skal ein ha teke farvel med barna og rydda avdelinga FORELDREBETALING PR 01.01.2010 Heil plass 2.330,- 4 dagar pr veke 2.000,- Halv plass 1.300,- 3 dagar pr veke 1.535,- 2 dagar pr veke 1.050,- INFORMASJON OM KOSTPENGAR Det vert lagt til ein sum for kost pr månad, dette vert fakturert saman med ordinær foreldrebetaling. Tillegg ved heil plass: 230 kr Tillegg ved 4 dg/v plass 185 kr Tillegg ved 3 dg/v plass: 140 kr Tillegg ved halv plass: 115 kr Tillegg ved 2 dg/v plass: 90 kr For dette får barna: mjølk til to måltid pr dag, tørrmåltid/lunsj kvar dag frukt på ettermiddagen varm lunsj som vert laga på avdelinga ca 2 gonger pr mnd fødselsdagsmarkeringar/høgtider Barna må ha med nistepakke til frukost ca kl 08.30. INFORMASJON OM PEDAGOGISK INNHALD Barnehagen utarbeider Utviklingsplan og Årsplan som skal godkjennast av Samarbeidsutvalet ved barnehagen. Utifrå desse dokumenta vert det gitt informasjon om innhaldet i barnehagen til foreldre gjennom Periodedokumentasjonar og vekeplanar. Utviklingsplan og Årsplan vert delt ut tidleg haust og Dokumentasjonar og vekeplanar får de utover i barnehageåret. Vi ser på det som særleg viktig at de følgjer med på vekeplanane. Mykje viktig pedagogisk og praktisk informasjon kjem fram der.
PRAKTISK INFORMASJON Syt for at det alltid er minst eit klesskift i barnehagen. Held barnet ditt på å slutte med bleie, må det vere ekstra med skiftety. Alle dressar og regnty skal ha strikk under beina og dei må være utan hol. Vi er ute i all slags ver og vi ønskjer å bruke nærmiljøet til barnehagen aktivt, derfor er det heilt nødvendig at kleda er i god stand. Alle klede, sko og støvlar skal være merka! Det heng diverse bestillingslister for merkelappar i garderoben. Barna skal ha tøflar eller sko til innebruk. Ta med bilde til å henge i garderoben og ev. til familieplakat. Det er ikkje høve til å ta med eigne leiker i barnehagen. Vi feirar fødselsdagen til barnet i barnehagen med krone, kongekappe og sunn meny. Barnehagen har ikkje ei fastlåst oppmøtetid, men på dagar med faste aktivitetar i barnehagen og turdagar må barnet møte til kl. 10.00 om det skal rekke aktiviteten. Vi kan også ta spontanturar ut ifrå barnehagen sitt område. Foreldra SKAL sei ifrå viss barnet blir henta av andre enn mor eller far. Eit personale skal alltid ha melding når barnet kjem og når barnet forlet barnehagen. Det er foreldre sitt ansvar til å gi beskjed om dette til personale. Sei ifrå også viss barnet er sjuk eller har fri. Ved parkering skal bilmotoren vere slått av. Parker på merka felt; ikkje i skråninga overfor porten (nedre). Barna skal ikkje gå utanom porten før dei går ilag med foreldra. FØLG MED PÅ TAVLA I GARDEROBA FOR INFORMASJON! DE VIL OGSÅ FINNE INFORMASJON OM BARNEHAGANE GENERELT OG HELLAND BARNEHAGE SÆRSKILT PÅ VESTNES KOMMUNE SINE HEIMESIDER www.vestnes.kommune.no
INFORMASJONSSKRIV OM MEDISINERING AV BARN I BARNEHAGE Vi ønskjer å sikre at medisinering av barn i barnehagetida vert handsama på ein sikker og god måte. Dette stiller krav til personale og til dykk som foreldre/føresette. Dette informasjonsskrivet gir ei kort orientering om kva vi ønskjer av hjelp frå dykk. Så langt som mogeleg bør medisinering verte gitt utanom barnehagetida, men barnehagen kan inngå ein avtale om å overta ansvaret for medisinering om driftsleiar finn det forsvarleg. Dersom det nødvendig at medisin skal verte gitt i barnehagetida, skal ein ha ein skriftleg avtale på dette (eige skjema i barnehagen). Det skal fyllast ut legemiddelkort før det vert gitt medisin i barnehagen (eige skjema i barnehagen) Legemiddelet bør ligge i doseringøskje som er merka med barnet sitt namn, dato og innhald. Legemiddel som ikkje vert fylt i doseringøskjer bør leverast i originalemballasje merka med barnet sitt namn og bruksanvising frå apoteket. Barnehagen leverer ev medisinrestar til dykk. Foreldre/føresette er ansvarleg for opplæring og informasjon til dei personane som skal gi ut medisin i barnehagen. Driftsleiar skal kan ta avgjera om at personale ikkje skal ta del i legemiddelhandtering dersom det ikkje er gitt nødvendig opplæring. For meir utfyllande informasjon ta kontakt med driftsleiar