ROVVILTNEMNDA I REGION 1 Vest-Agder, Rogaland, Hordaland og Sogn og Fjordane Rovviltnemnda region 1 Dykkar ref: Vår ref:. Arkivnr.: Dato: 2015/1774 433.52 13.05.2015 Ny kvote for betinga skadefelling av jerv Rovviltnemnda gjorde følgjande vedtak i sak 03/15 Kvote for betinga skadefelling frå 01.06.2015 15.02.2016: «I perioden 01.06.2015 15.02.2016 kan fylkesmennene i region 1 nytte desse kvotane for betinga skadefelling: Art Tal Gaupe 2 Jerv 6 Ulv 4 Bjørn 1 Nemnda kan til ein kvar tid endre kvotane dersom ny kunnskap gjer det naudsynt. Skadefelling trekkast frå lisensfellingskvoten dersom fellinga skjer i lisensperioden for arten. Kvotevedtaket er likt sekretariatet sitt framlegg og treng difor ikkje særskilt grunngjeving utover saksutgreiinga.» Status for uttak av jerv I tida etter lisensjakta var slutt har Miljødirektoratet v/sno teke ut 6 jerv i region 1, alle i Sogn og Fjordane. Av desse er 3 hannar og 3 hoer. Uttaket på 6 jerv er likt talet for betinga skadefellingskvote som nemnda sette for jerv i møtet 18. mars 2015. Postadresse: Leiar for rovviltnemnda: Sakshandsamar: Rovviltnemnda i region 1 Noralv Distad Hermund Mjelstad c/o Fylkesmannen i Sogn og Fjordane Postboks 53, 5741 Aurland Telefon 57643124 Njøsavegen 2 6863 Leikanger Telefon: 91374976 noralv.distad@sfj.no fmsfhm@fylkesmannen.no http://www.fylkesmannen.no/sfj
Side 2 av 5 Miljødirektoratet har i e-post 8. mai 2015 opplyst om at skadefelling gjennomført av Miljødirektoratet skal belastas den skadefellingskvota som nemnda har sett. Det vert her vist til rovviltforskrifta 7 der det står at «Etter at vedtak om kvote for felling er fattet etter forskriften 8 og 10 og kvote for jakt etter forskriften 11, skal irregulær avgang av rovvilt innenfor regionen belastes den kvote som er bestemt av rovviltnemnden.» Irregulær avgang tyder eksempelvis skadefelling av jerv jf. rovviltforskrifta 2. I vårt tilfelle er alle dei 6 jervane tekne ut etter at nemnda 18.03.2015 gjorde sitt vedtak om kvote og kvota er såleis pr. definisjon «brukt opp». Det same er tilfelle i Hedmark og nemnda har der gjort nytt vedtak. Så vidt sekretariatet kan forstå må rovviltnemnda vedta ny kvote for skadefelling av jerv for perioden 01.06.2015 15.02.2016. Sak 05/15: Ny kvote for betinga skadefelling av jerv frå 01.06.2015 15.02.2016. Vedtak. Politiske føringar og lovverk Desse dokumenta er lagt til grunn for saksframlegget: -St.meld.nr. 15 (2003-2004) Rovvilt i norsk natur -Innst.S.nr 174 (2003-2004) -Lov av 19.06.2009 nr 100. Lov om forvaltning av naturens mangfold -Forskrift av 19.03.2005 Om forvaltning av rovvilt -Forvaltningsplan for rovvilt i Region 1, revidert i 2014 -Data frå overvakingsprogram for rovvilt -Rovviltforliket i Stortinget, Dokument 8:163 S(2010-2011) av 16.06.2011 Saksopplysningar Etter forskrift om forvalting av rovvilt 8 skal rovviltnemnda fastsette kvote for betinga skadefelling av gaupe, jerv, bjørn og ulv til Fylkesmannen. Ei føresetnad er at vilkåra i 7 er oppfylte. Løyva kan nyttast i akutte skadesituasjonar for å hindre skade på bufe. Løyva gjeld for perioden 01.06.2015 15.02.2016. Vilkåra er i dette høvet krav om at vedtaket bygger på bestandsdata frå nasjonalt overvakingsprogram for rovvilt. For jerv og gaupe skal ein bygge på gjennomsnitt av dokumenterte data om ynglingar dei siste 3 åra. For region 1, som ikkje har nasjonale mål om ynglingar for nokon av desse artane, er ikkje desse måla avgrensande for nemnda sitt høve til å treffe vedtak om felling, men ein må likevel ta omsyn til naturmangfaldlova 5, som sett krav om forvaltingsmål for artar. 7 legg til grunn at nemnda følgjer forvaltingsplanen i sine vedtak, til dømes om felling. Kunnskap om rovviltartane og om skadesituasjonen skal ligge til grunn for vedtak. Etter vedtak om kvote skal all irregulær avgang av rovvilt belastast den same kvota. Rovviltnemnda sitt vedtak etter 8 er eit enkeltvedtak som kan påklagast til KLD innan 3 veker frå vedtaket er gjort kjend. Fylkesmennene sine vedtak om iverksetting kan og påklagast. Miljødirektoratet er klageinstans i desse høva. Nemnda vedtok ei kvote på 10 jerv som kunne fellast i heile regionen i lisensfellingsperioden 2014/2015. Av 50 felte dyr ble ingen felt i region 1. Etter nyttår er det lagt inn 1 sporfunn i Rovbasen frå Stryn kommune. I tillegg er det rapportert om spor i Indre Sogn og frå Suldal/Bykle/Hjelmeland. Overvakinga som Statens Naturoppsyn gjer av jerv viser DNA frå 11 ulike jervar i 2014, alle frå Sogn og Fjordane. Av desse er det ei avgang på tre i 2014. I teorien er det altså minimum 8 jerv i dette området framleis, i hovudsak i grenseområda til Oppland.
Side 3 av 5 I tida etter rovviltnemnda gjorde sitt vedtak 18. mars er kunnskapen om jerv i region 1 betre, og SNO har teke ut 6 vaksne jervar i Sogn og Fjordane. Etter uttaka er det framleis sporaktivitet frå Stryn i vest til Lærdal i aust, slik at eit anslag for tal jerv som er i denne delen av region 1 vil vere i storleik 3-5 dyr. I tillegg er det meldt inn (i Skandobs) spor etter to jerv i Suldal i Rogaland 3.mai. Denne observasjonen er ikkje verifisert av SNO. I Lærdal kommune er det dokumentert ei tispe som det er usikkert ynglar eller ikkje. I Indre Sogn er det i grenseområda til Oppland jamn trafikk av jerv som vandrar fram og attende mellom fylka. I Oppland er det teke ut eit hi med tre kvelpar i Sjåk kommune (ikkje tispa) og i Lom kommune er det teke ut eit hi med tispe og to kvelpar. I tillegg er det dokumentert eit hi til i Sjåk og eit hi til i Lom. Sjansane for at nokre av desse individa vil kome innom Sogn og Fjordane er av erfaring store. Bestanden i Noreg av jerv er svakt minkande og er rekna til 343 vaksne individ i 2014. Tal ynglingar i 2014 var 52. Av desse ble 12 teke ut, pluss avgang på eit hi, slik at det enda på 39 ynglingar. Det nasjonale målet er på 39 ynglingar. Så langt i 2015 er det dokumentert 51 ynglingar og gjort 15 hiuttak. Tispa har ikkje blitt teke ut i 5 av hiuttaka. Når sesongen er over vil truleg tala ligge kring det som er det nasjonale målet om 39 ynglingar. Vurdering Før vedtak om felling skal nemnda vurdere saka etter naturmangfaldlova kap. II. Kravet til bestandsmål for naturleg førekommande arter etter 5 er i ein særstilling for rovviltartane, sidan Stortinget har vedteke konkrete nasjonale mål for årlege ynglingar. Jerv ligg om lag på bestandsmålet. Naturmangfaldlova 7 seier at 8-12 skal leggast til grunn som retningsliner ved utøving av offentleg mynde. Kravet til kunnskapsbasert forvalting ( 8) er stort sett sikra i vedtak som angår rovvilt. Kunnskapen om bestandane er god. Vi vurderer det slik at kunnskapen er tilstrekkeleg god til å kunne vedta kvoter i region 1. Tilfeldige innvandringar og hendingar vil uansett avgrense høvet til å vere føreseieleg eit år fram i tid. Føre-var-prinsippet ( 7) er ikkje like relevant med så detaljert kunnskap som fins på rovviltområdet. Ein kan likevel argumentere for at når alle artane no er i nærleiken av bestandsmålet vil eit for stort uttak kunne komme i konflikt med langsiktig overleving og 5, men det er ei større utfordring for regionar med bestandsmål. Rovviltet døyr stort sett av felling. I høve til samla belastning jf. 10 kan ulovleg felling eller skadeskyting vere eit stort problem for enkelte artar. Gjenfangst av DNA-identifiserte jervindivid tyder ikkje på at det er eit stort problem her. Bestandssituasjonen for den vest-norske delbestanden kan vere i negativ utvikling, grunna stor avskyting og relativ isolasjon frå jervområde i nord og aust. Vi er usikre på kor alvorleg dette er og det må truleg meir forsking til for å avklare dette. Framlegg til vedtak I perioden 01.06.2015 til 15.02.2016 kan fylkesmennene i region 1 nytte ein kvote på 4 jerv for betinga skadefelling.
Side 4 av 5 Nemnda kan til ein kvar tid trekke kvotene tilbake dersom ny kunnskap gjer det naudsynt. Skadefelling skal trekkast frå lisensfellingskvoten dersom fellinga skjer i lisensfellingsperioden for arten. Nemnda sitt vedtak kan påklagast innan 3 veker frå vedtaket er motteke. Klaga skal handsamast av Klima- og miljødepartementet, men sendast til rovviltnemnda. Rovviltnemnda sitt vedtak 26.05.2015: I perioden 01.06.2015 til 15.02.2016 kan fylkesmennene i region 1 nytte ein kvote på 6 jerv for betinga skadefelling. Nemnda kan til ein kvar tid trekke kvotene tilbake dersom ny kunnskap gjer det naudsynt. Skadefelling skal trekkast frå lisensfellingskvoten dersom fellinga skjer i lisensfellingsperioden for arten. Nemnda sitt vedtak kan påklagast innan 3 veker frå vedtaket er motteke. Klaga skal handsamast av Klima- og miljødepartementet, men sendast til rovviltnemnda. Sidan nemnda sitt vedtak avvik frå sekretariatet sitt framlegg, skal vedtaket grunngjevast. Grunngjeving: Nemnda viser til oppdaterte opplysningar om førekomst av jerv i Indre Sogn og i nærområda i region 3. Totalt i region 1 er det registrert ved DNA analyser 7 individ som framleis har tilhald, eller tidvis tilhald, i Sogn og Fjordane og eit individ i Rogaland. I tillegg kjem ynglingane i region 3 og anna innvandring nordfrå. Det er og registrert fleire dyr i Sjåk og Valdres. Totalt viser dette at skadepotensialet for 2015 sesongen framleis er stort, og at uttaket av 6 jerv som Miljødirektoratet v/sno har utført ikkje er tilstrekkeleg for å redusere skadepotensialet vesentleg. Med helsing Noralv Distad leiar for rovviltnemnda
Side 5 av 5 Kopi pr. e-post: -Fylkesmennene i Region 1 -SNO v/rein Arne Golf og Jon Erling Skåtan -Mattilsynet -Miljødirektoratet -Klima- og miljødepartementet -Sogn og Fjordane Bondelag v/ Støfring -Sogn og Fjordane sau og geit v/sæle -Agder Bondelag v/ Aasheim -Vest-Agder sau- og geit v/johansson -Rogaland bondelag v/sande -Rogaland sau- og geit v/bjørheim -Hordaland bondelag v/taule -Hordaland sau- og geit v/hitland -Foreningen våre rovdyr -WWF -Norges Miljøvernforbund -Helen Haaland, her