Vurderingsrettleiing 2012 NOR0214/NOR0215 Norsk hovudmål og norsk sidemål Sentralt gitt skriftleg eksamen Nynorsk
Vurderingsrettleiing til sentralt gitt skriftleg eksamen i norsk, grunnskolen 2012 Denne vurderingsrettleiinga gir informasjon om sentralt gitt eksamen og korleis han skal vurderast. Vurderingsrettleiinga skal vere kjend for elevar, lærarar og føresette i god tid før eksamen. Sensorane skal bruke vurderingsrettleiinga som ei felles referanseramme i arbeidet sitt. 1. Organisering av sentralt gitt skriftleg eksamen Sentralt gitt skriftleg eksamen blir organisert med ein førebuingsdag og to eksamensdagar. Elevane skal skrive éin skjønnlitterær og éin sakprega tekst. Dei elevane som er fritekne frå vurdering med karakter i sidemål, skriv på hovudmål begge dagane. Prøvetida er fem klokketimar begge dagane. Førebuingsdag tysdag 22. mai 2012 Elevane får tilgang til førebuingsdelen måndag 21. mai. Elevane får da opplyst kva som er tema for årets eksamen, og kva for hovudsjanger og målform dei skal skrive dei ulike dagane. Tema i førebuingsdelen gjeld for oppgåvene begge eksamensdagane. Førebuingsdagen er vanleg skoledag med møteplikt. Førebuingsdelen består av ulike typar tekstar om temaet. Elevane bør bruke dagen til å samle og arbeide med stoff, gjere notat og samtale med andre. Elevane har rett til rettleiing frå læraren. På førebuingsdagen er alle hjelpemiddel tillatne også bruk av Internett. Skolane må syte for at elevane har tilgang til førebuingsdelen på eksamensdagane. Eksamen onsdag 23. mai og torsdag 24. mai Elevane skriv på hovudmål onsdag 23. mai og på sidemål torsdag 24. mai. Elevane får varierte oppgåver å velje blant. Til eksamen i 2012 vil sjangeren kåseri vere knytt til sakprega skriving. Vurderingsrettleiing, NOR0214/NOR0215 Norsk hovedmål og sidemål Side 2 av 8
Presisering for eksamen 2012 Nokre oppgåver er nært knytte til tekstane i førebuingsdelen Eleven skal oppgi vald sjanger i svaret Praktiske opplysningar Elevane skal: Skrive inn topptekst med kandidatnummer, namn på skolen, nummer på oppgåva og sjanger som er vald Lage ein botntekst med sidetal og talet på skrivne sider Bruke skrifttype Verdana Bruke skriftstorleik 12 Bruke halvannan linjeavstand Hugse å lagre ofte Praktiske opplysningar dersom eleven skriv på papir Elevane skal: Skrive inn kandidatnummer, namn på skolen, nummer på oppgåva og sjanger som er vald Bruke godkjende innføringsark Skrive med svart eller blå penn 2. Hjelpemiddel til sentralt gitt eksamen Alle hjelpemiddel er tillatne, bortsett frå omsetjingsprogram, Internett og andre verktøy som kan brukast til kommunikasjon. Gjennom opplæringa i faget skal elevane ha fått rettleiing i å vurdere kva for hjelpemiddel dei vil ha nytte av i arbeidet med å løyse ulike typar oppgåver. Det er eleven sjølv, gjerne i samråd med læraren, som finn fram til kva for hjelpemiddel som er føremålstenlege. Vurderingsrettleiing, NOR0214/NOR0215 Norsk hovudmål og sidemål Side 3 av 8
3. Bruk av kjelder Når elevane bruker kjelder i svaret, må dei oppgi kjeldene nøyaktig slik at lesaren kan finne fram til dei. Elevane skriv inn kjeldetilvisingane til slutt etter sin eigen tekst. Døme på ei internettkjelde: http://www.sprakradet.no/nb-no/tema/skole/, nedlastningsdato: 15.02.2012 Døme på bokkjelde: Loe, Erlend: Doppler, Cappelen Damm, 2004 4. Vurdering av eksamenssvar Læreplanane og forskrift til opplæringslova er grunndokument for vurderingsarbeidet. Forskrift til opplæringslova 3-25 og 4-18 slår fast følgjande: Eksamen skal organiserast slik at eleven/deltakaren eller privatisten kan få vist kompetansen sin i faget. Eksamenskarakteren skal fastsetjast på individuelt grunnlag og gi uttrykk for kompetansen til eleven/deltakaren eller privatisten slik den kjem fram på eksamen. Elevane blir prøvde i kompetansemåla til og med 10. årstrinn i læreplanen i norsk. Kompetansemåla dannar grunnlaget for utforminga av eksamensoppgåvene og for vurderinga av tekstane elevane har skrive på eksamensdagane. Tekstane elevane har skrive til eksamen, blir vurderte av to eksterne sensorar. Elevane skal få éin karakter i hovudmål og éin karakter i sidemål. Elevar som er fritekne for vurdering med karakter i sidemål, får éin samla karakter i hovudmål. Sensor skal bruke den vedlagde matrisa med kjenneteikn på måloppnåing. Elevane skal vere kjende med desse kjenneteikna i god tid før eksamen. Vurderingsrettleiing, NOR0214/NOR0215 Norsk hovudmål og sidemål Side 4 av 8
Eksamenskarakteren skal setjast på individuelt grunnlag, og karakteren skal gi uttrykk for den kompetansen elevane viser gjennom tekstane han/ho har skrive på eksamen. Dersom det ved sensuren blir påvist at teksten er kopi av tekst som andre har produsert, vil han bli vurdert til lågaste karakter. Alle sensorane har tilgang til plagiatkontrollprogram når dei skal vurdere tekstane 5. Karakterar Forskrift til opplæringslova 3-4 og 4-4 har generelle karakterbeskrivingar for grunnopplæringa: a) Karakteren 6 uttrykkjer at eleven har framifrå kompetanse i faget. b) Karakteren 5 uttrykkjer at eleven har mykje god kompetanse i faget. c) Karakteren 4 uttrykkjer at eleven har god kompetanse i faget. d) Karakteren 3 uttrykkjer at eleven har nokså god kompetanse i faget. e) Karakteren 2 uttrykkjer at eleven har låg kompetanse i faget. f) Karakteren 1 uttrykkjer at eleven har svært låg kompetanse i faget. Vurderingsrettleiing, NOR0214/NOR0215 Norsk hovudmål og sidemål Side 5 av 8
Kjenneteikn på måloppnåing ved sluttvurdering i norsk etter 10. trinn gjeld for sentralt gitt skriftleg eksamen våren 2012 Kompetansenivå Heilskapsvurdering av teksten Oppbygging og innhald Karakteren 2 uttrykkjer at eleven har låg kompetanse i faget. Eleven kan til ein viss grad skrive ein tekst som kommuniserer med mottakar skrive ein tekst som er eit relevant svar på oppgåva Eleven kan til ein viss grad skrive ein tekst med struktur skrive ein tekst med tematisk samanheng fortelje, beskrive, informere og/eller argumentere skrive ein tekst med eit innhald som er i samsvar med intensjonen i oppgåva bruke kjelder på ein relevant måte i eigen sakprega tekst Karakteren 4 uttrykkjer at eleven har god kompetanse i faget. Karakteren 3 uttrykkjer at eleven har nokså god kompetanse i faget. Eleven kan stort sett skrive ein tekst som kommuniserer med mottakar skrive ein tekst som er eit relevant svar på oppgåva Eleven kan stort sett skrive ein tekst som har ein føremålstenleg struktur skrive ein tekst som har tematisk samanheng fortelje, beskrive, informere og/eller argumentere skrive ein tekst med eit innhald som er i samsvar med intensjonen i oppgåva bruke kjelder på ein relevant måte i eigen sakprega tekst Karakteren 6 uttrykkjer at eleven har framifrå kompetanse i faget. Karakteren 5 uttrykkjer at eleven har mykje god kompetanse i faget. Eleven kan skrive ein tekst som kommuniserer med mottakar skrive ein tekst er eit relevant svar på oppgåva Eleven kan skrive ein tekst med ein klar og føremålstenleg struktur skrive ein tekst med tematisk samanheng fortelje, beskrive, informere og/eller argumentere skrive ein tekst som er i samsvar med intensjonen i oppgåva bruke kjelder på ein relevant måte i eigen sakprega tekst Språk Eleven kan til ein viss grad Eleven kan stort sett Eleven kan skrive ein tekst med ei skrive ein tekst med ei språkføring skrive ein tekst med ei språkføring som er som er føremålstenleg i vald språkføring som er sjanger bruke eit enkelt ordforråd bruke eit variert ordforråd uttrykkje seg presist bruke ei enkel variere setningsoppbygging og bruke eit nyansert og variert setningsoppbygging og eit lite tekstbindingsord ordforråd utval tekstbindingsord bruke nokre språklege verkemiddel variere setningsoppbygging og bruke enkelte språklege meistre formverk, rettskriving og tekstbindingsord verkemiddel teiknsetjing bruke eit breitt register av meistre formverk, rettskriving og språklege verkemiddel teiknsetjing meistre formverk, rettskriving og teiknsetjing Karakteren 1 uttrykkjer at eleven viser lågare måloppnåing enn den måloppnåinga som det er gjort greie for over her. Vurderingsrettleiing, NOR0214/NOR0215 Norsk hovudmål og sidemål Side 6 av 8
Vurderingsskjema for norsk i grunnskolen 2012 Kandidatnummer: Skole: Heilskapsvurdering av teksten Han kommuniserer Er eit relevant svar på oppgåva Oppbygging og innhald har struktur har tematisk samanheng viser sjanger svarer på intensjonen i oppgåva kjeldebruk Beskriving av eleven sin kompetanse på ulike nivå (sjå matrisa) Språk språkføring i samsvar med sjanger ordforråd setningsoppbygging - tekstbinding bruk av språklege verkemiddel formverk, rettskriving, teiknsetjing Forslag til karakter: Vurderingsrettleiing, NOR0214/NOR0215 Norsk hovudmål og sidemål Side 7 av 8
Schweigaards gate 15 Postboks 9359 Grønland 0135 OSLO Telefon 23 30 12 00 www.utdanningsdirektoratet.no