Løyve etter ureiningslova til SAR AS, avd. Florø for mottak og mellomlagring av flytande avfall ved tankanlegg på Fjordbase. Løyvet er gitt i medhald av lov om vern mot forurensninger og om avfall av 13. mars 1981 nr. 6, 11 jf. 16 og 11-7 og 11-29 i avfallsforskrifta. Løyvet er gitt på grunnlag av opplysningar gitt i søknad av 31.3.2010 med supplerande opplysningar 09.06.2010 samt opplysningar framkome under behandlinga av søknaden. Med heimel i 18 i ureiningslova er løyvet datert 4.11.2010, erstatta med dette løyvet. Siste endring er grunna på søknad datert 24.2.2014. Verksemddata Verksemd SAR AS avd. Florø Eigd av SAR AS, p.b. 83, 4056 Tananger Stad/gateadresse Botnaneset, 6900 Florø (Fjordbase) Postadresse Postboks 428 Fjordbasen Kommune og fylke Flora i Sogn og Fjordane Org. nummer (bedrift) 972 117 234 Eigd av 944 178 228 NACE-kode og bransje 38.220 Behandling og disponering av farlig avfall NOSE-kode 109.04.00 Annen avfallsbehandling Fylkesmannen sine referansar Arkivkode Anleggsnummer Risikoklasse 1 09/1785 1401.0005.03 3 Løyve gitt: 04.11.2010 Endringsnummer: 2 Sist endra: 12.8.2014 Gøsta Hagenlund ass. fylkesmiljøvernsjef Dagny Alvik overingeniør 1 Jf. ureiningsforskrifta kap. 39 om gebyr til statskassen for arbeid med tillatelser og kontroll etter forurensningsloven Hovudkontor Landbruksavdelinga E-post: Njøsavegen 2, 6863 Leikanger Fjellvegen 11, 6800 Førde post@fmsf.no Telefon: 57 65 50 00 Postboks 14, 6801 Førde Internett: Telefaks: 57 65 50 05 Telefon: 57 65 50 00 www.fylkesmannen.no/sfj Org.nr 974 763 907 Telefaks: 57 72 32 50
Side 2 av 11 Innhald 1. Ramme for løyvet... 3 2. Generelle vilkår... 4 2.1. Plikt til å redusere ureining så langt som mogleg... 4 2.2. Tiltak ved auka ureiningsfare eller unormale driftsforhold... 4 2.3. Internkontroll... Feil! Bokmerke er ikke definert. 2.4. Økonomisk sikkerheit... 4 2.5. Krav til rekneskap ved lagring av farleg avfall... 5 2.6. Krav til kompetanse... 5 3. Mottak og lagring... 5 3.1. Mottak av farleg avfall... 5 3.2. Lagringstid... Feil! Bokmerke er ikke definert. 3.3. Lagring av farleg avfall... 6 3.4. Eige avfall... 7 4. Utslepp til vatn... 7 5. Grunnureining og ureina sediment... 7 6. Testing og substitusjon av kjemikal og råstoff... 7 7. Førebyggande tiltak og beredskap mot akutt ureining... 8 7.1. Miljørisikoanalyse... 8 7.2. Førebyggande tiltak... 8 7.3. Etablering av beredskap... 8 8. Rapportering til Fylkesmannen... 8 9. Overvaking av resipient.... 9 10. Større endringar... 9 10.1. Utskifting av utstyr... 9 10.2. Eigarskifte... 9 10.3. Nedlegging eller lengre driftsstans... 9 VEDLEGG 1 Innhald i årsrapport...11
Side 3 av 11 0. Føresetnader Løyvet gjeld frå dags dato. Løyvet gjeld berre saman med dei vilkåra som er gitt i dette dokumentet. Vilkåra er presisering av juridiske krav til verksemda. Dersom verksemda ynskjer å gjere endringar i høve til opplysningar som er gitt i søknaden eller under saksbehandlinga, og desse endringane kan ha noko å seie for utforming av vilkår eller verknad for miljøet, må endringane avklarast skriftleg med Fylkesmannen på førehand. 1. Ramme for løyvet Løyvet gjeld ureining og andre miljøulempe frå årleg mottak av inntil 50 000 m 3 avfall frå offshoreverksemd ved tankanlegg på FjordBase. Ramma gjeld for avfall som er flytande eller har eigenskapar som gjer at det må handterast som flytande avfall. Ramma gjeld både for ordinært og farleg avfall. Følgjande avfallstypar og mengde kan til ei kvar tid lagrast på anlegget: Mengde Avfallstype Avfallsstoffnr.* EAL kode # 1830 m 3 Oljehaldig vatn 7021 161001/160708 1000 m 3 Oljehaldige emulsjonar frå boredekk 7031 13 08 02 16 07 08 16 10 01 Samla volum: 1726 m 3 16 50 73 Oljebasert borevæske 7142 16 50 71 Kaks med oljebasert 7143 16 50 72 borevæske Vassbasert borevæske 7144 16 50 73 som inneheld farlege stoff 01 05 05 og 06 Kaks med vassbasert borevæske som inneheld farlege stoff 16 10 01 7145 16 50 73 01 05 05 og 06 162 m 3 Prosessvatn/vaskevatn 7165 161001/160708 Flytande ordinært avfall * Norsk standard avfallskoder # Europeiske avfallsliste Tilsetjing av kjemikal, fortynning ol. behandling er ikkje tillate etter dette løyvet. Ved vesentlege endringar skal verksemda søkje om endring av løyvet. Tankanlegget kan ikkje nyttast til mottak eller mellomlagring av andre typar farleg avfall eller produkt utan etter nærare godkjenning frå Fylkesmannen. Sluttdisponering på staden kan ikkje finne stad. Ombruk eller nyttiggjering av material/stoff på staden er ikkje omfatta av dette løyvet.
Side 4 av 11 2. Generelle vilkår 2.1. Plikt til å redusere ureining så langt som mogleg Verksemda pliktar å redusere sine utslepp, så langt dette er teknisk mogleg med best tilgjengeleg teknologi. For å unngå, eller avgrense ureining og avfallsproblem, skal de nytte den teknologien som ut frå ei samla vurdering også av økonomiske tilhøve, gir dei beste resultata for noverande og framtidig tilstand i miljøet. 2.2. Internkontroll, HMS-dokumentasjon ytre miljø Etter gjeldande forskrift 2 pliktar verksemda å etablere, drive etter og jamleg oppdatere internkontroll som gjeld for ytre miljø. Internkontrollen skal bygge på ein dokumentert og oppdatert risikovurdering 3 av fare og sannsynlegheit for utslepp og manglar ved kjemikal- og avfallshandtering. Eiga oppfølging skal mellom anna sikre at verksemda held krava i dette løyvet, ureiningslova, produktkontrollova og relevante forskrifter til desse lovene. Verksemda pliktar å halde internkontrollen oppdatert. 2.3. Tiltak ved auka ureiningsfare eller unormale driftsforhold Dersom det som følgje av unormale driftsforhold eller av andre grunnar oppstår auka fare for ureining, pliktar verksemda å setje i verk dei tiltaka som er nødvendige for å fjerne eller redusere den auka ureiningsfaren, også om nødvendig å redusere eller innstille drifta. Verksemda skal straks informere Fylkesmannen når: det vert planlagt aktivitet som mellombels kan føre til auka fare for utslepp, mottak av avfall/råvarer som viser seg å kunne gje uføresette utfordringar, i situasjonar der utstyr, maskinar eller anna kritiske installasjonar for vern mot utslepp sviktar, når avfall vert lagra lenger tid eller på annan måte enn normalt. Ved gjentekne hendingar skal verksemda etablere eit dokumentert system for registrering av klager/meldingar. Verksemda skal gje ei vurdering av årsak til hendinga, kva som har skjedd og tiltak som er sett i verk eller som er planlagt for å motverke og avgrense verknadar og hindre gjentaking. Informasjonen skal gjerast kjent for nabolag og Fylkesmannen. Merk at verksemda også har varslingsplikt etter gjeldande forskrift om akutt ureining 4. 2.4. Økonomisk sikkerheit Verksemda skal stille økonomisk sikkerheit for kostnader med å ta hand om alt farleg avfall ved verksemda sitt anlegg ved nedlegging, stans eller ved betalingsproblem. Sikkerheiten skal dekke dei kostnadene som maksimalt kan tenkast å oppstå ut frå dei typane farleg avfall anlegget kan ta imot og dei mengder farleg avfall som lovleg kan lagrast jf. punkt 1. 2 Jf. forskrift om systematisk helse-, miljø- og sikkerhetsarbeid i virksomheter av 06.12.1996 nr. 1127 eller seinare utgåve (internkontrollforskrifta) 3 Krav om utarbeiding av miljørisikovurdering er nærare omtalt i vilkår 8. 4 Forskrift om varsling av akutt ureining eller fare for akutt ureining av 09.07.1992, nr. 1269
Side 5 av 11 Verksemda skal stille sikkerheit i form av pant for Fylkesmannen i sperra bankkonto med ein innbetalt sum tilsvarande den summen som skal sikrast eller ved ein løpande påkravsgaranti frå bank utskriven til Fylkesmannen på tilsvarande sum. Dersom verksemda kan dokumentere at det vil gje tilsvarande sikkerheit, kan fylkesmannen etter ei vurdering godta andre former for sikring av den aktuelle summen. Så snart som mogleg etter at løyvet er motteke, skal verksemda sende skriftleg melding til fylkesmannen om korleis ein stiller sikkerheit. 2.5. Krav til rekneskap ved lagring av farleg avfall Lagra farleg avfall skal takast med i verksemda sitt årlege rekneskap i tråd med rekneskapsloven slik at dei framtidige kostnadane ved vidaresending og behandling av dette avfallet kjem fram i rekneskapen. 2.6. Krav til kompetanse Verksemda skal i den daglege drifta ha tilgang til kompetanse på minst bachelornivå med kjemi i fagkretsen. Alle som handterer farleg avfall i verksemda skal ha dokumentert opplæring i slik handtering. Verksemda skal ha ein plan for korleis kompetansen skal haldast vedlike og aukast. 3. Mottak og lagring 3.1. Mottak av farleg avfall Verksemda skal vere registrert som aktør i farleg avfall systemet, og skal ha alle nødvendige avtalar i det nasjonale farleg avfallssystemet 5 før farleg avfall kan takast imot. Ved mottak av farleg avfall skal verksemda ha etablert eit system som sikrar at motteke farleg avfall er deklarert slik at den vidare handteringa kan skje på ein forsvarleg måte. Mottak av den enkelte avfallslevering/-mottak skal journalfarast. Av journalen skal minst framgå: Dato for mottak, avfallsprodusent, lagerplass/tank, mengd avfall, EAL-kode og tal kolli/volum. Det skal og noterast i journalen når avfallet forlet plassen og kor det vert levert (dato og namn). Nødvendige opplysningar om avfallet skal vere lett tilgjengelege ved kontroll. Fylkesmannen kan påleggje mottaksanlegget å sende kopi eller samandrag av alle journalar til Fylkesmannen eller andre. Journalane skal oppbevarast i minst 3 år, og skal vere lett tilgjengelege ved kontroll. Journaldata skal vere sikra med kopi lagra annan stad for å unngå tap ved uføresett hending. Orientering om tillate mengd brannfarleg avfall skal vere slått opp i brannsikker avstand frå mellomlagerplass. 5 For tida avtalar med NORSAS og innsamlar/ar
Side 6 av 11 3.2. Lagring av farleg avfall Farleg avfall skal lagrast på ein slik måte at det ikkje oppstår ureining. Lagra farleg avfall skal til ei kvar tid ha tilstrekkeleg tilsyn. Som eit minimum skal følgjande tiltak vere oppfylt: All lagring skal vere basert på dokumentert risikovurdering. Lagringa skal vere sikra slik at uvedkomande ikkje får tilgjenge. Faren for søl eller lekkasje frå motteke avfall skal vere minimal, og i samsvar med dokumentert akseptnivå. Ev. uhellsutslepp skal samlast opp umiddelbart med oppsamlings-/absorberande utstyr i mengd og storleik tilpassa maksimal lagringsmengd. Blanding av ulike typar farleg avfall som ikkje kan samdeklarerast er ikkje tillate. Fortynning av motteke farleg avfall for å unngå farleg avfall-klassifisering er ikkje tillate. Stoff som ikkje kan samlastast i høve ADR-reglane skal lagrast på fysisk skilde område. Verksemda skal ha kart over lager av avfallet der det går fram kor dei forskjellige typane avfall er lagra. Lagertankar for flytande farleg avfall større enn 10 000 liter skal ha overfyllingsvarsel. Alle tankvolum med større kapasitet enn 3 000 liter skal sikrast med oppsamlingsvolum tilsvarande kapasiteten på tanken pluss 10 % av lagervolumet til tanken. Tankar i same området kan sikrast med oppsamlingsvolum tilsvarande kapasiteten på største tanken pluss eit tillegg på 10 % av lagervolumet til den største tanken. Tankar for lagring av farleg avfall skal med jamne mellomrom tømmast og reingjerast bl.a. for å hindre opphoping av slam og/eller farlege stoff og for å kunne tilstandsvurdere tanken. Sjølv om ein del av tankane vert leigd ut til andre firma, er SAR AS, avd Florø som eigar ansvarleg for at punkta over vert følgt opp for heile tankparken. 3.3. Tiltak ved vidarelevering av farleg avfall Før avfallet vert levert vidare til eller henta av godkjent farleg avfallsaktør, skal løyvehavar sikre at emballasje er rein og uskadd og eigna for lagring og transport av det aktuelle, farlege avfallet, emballasje er merkt med deklarasjonsnummer og avfallstoffnummer (eller annan tilsvarande eintydige opplysning om avfallstype) påført med vérbestandig merking, emballasje er merkt i samsvar med regelverket om transport av farleg gods. Deklarasjonsskjema skal følgje med alt farleg avfall som forlet anlegget. Det er berre tillate å levere vidare til/få henta frå avfallsaktørar godkjente i samsvar med kapittel 11 i avfallsforskrifta (Farleg avfall). Alt motteke farleg avfall skal leverast vidare til godkjent mottak innan 6 månader.
Side 7 av 11 3.4. Eige avfall Verksemda pliktar så langt det er mogleg utan urimelege kostnader eller ulemper å unngå at det vert danna restavfall som følgje av drifta. Brenning av avfall er ikkje tillate utan at det skjer i forbrenningsomn med særskild løyve frå Fylkesmannen. 4. Utslepp til vatn Tankanlegget skal ikkje ha utslepp til vatn. Avrenning av overflatevatn frå verksemda sine uteareal skal handterast slik at det ikkje medfører skade eller ulempe for miljøet. 5. Grunnureining og ureina sediment Verksemda skal vere innretta slik at det ikkje skjer utslepp til grunnen som kan medføre nemneverdige skader eller ulemper for miljøet. Verksemda pliktar å halde oversikt over eventuell eksisterande ureina grunn på eige område og ureina sediment utanfor. Ein skal til ei kvar tid ha oversikt over faren for spreiing, samt vurdere behovet for undersøkingar og tiltak. Er det grunn til å tru at undersøkingar eller andre tiltak vil vere nødvendig, skal ureiningsstyresmakta varslast om dette. Graving, mudring eller andre tiltak som kan påverke ureina grunn eller ureina sediment, treng løyve etter ureiningslova, ev. godkjenning frå kommunen 6. 6. Kjemikal Verksemda skal berre nytte kjemikal der dei har lokalt tilgjengeleg sikkerheitsdatablad på norsk, og der bruken skjer i samsvar med produsenten sine bruksområde og når dei er i samsvar med krava i REACH-regelverket. 7 Produkt med forbodne eller strengt regulerte kjemikal etter REACH-regelverket er ikkje tillate brukt. Verksemda skal ha eit dokumentert system som jamleg vurderer utskifting av helseog miljøskadelege kjemikal med mindre skadelege kjemikal (substitusjon). Der det finst mindre skadelege alternativ, pliktar verksemda å nytte desse så langt dette kan skje utan urimeleg kostnad eller ulempe. 6 Jf ureiningsforskrifta kapittel 2 om opprydning i ureina grunn ved bygge- og gravearbeider og ureiningsforskrifta kapittel 21. 7 Jf. produktkontrolloven av 11.06.1979 nr. 79 3a
Side 8 av 11 Verksemda skal unngå å bruke produkt der sikkerheitsdatabladet har manglande opplysningar i seksjon 12 (økologiske opplysningar), 13 (disponering) og 15 (tilvising til norsk regelverk). Stoff aleine, i stoffblandingar og/eller i produkt, kan berre framstillast, omsettast, eller brukast når dei er i samsvar med krava i REACH-regelverket. 7. Førebyggande tiltak og beredskap mot akutt ureining 7.1. Miljørisikoanalyse Verksemda skal gjennomføre ein miljørisikoanalyse 8 av sin aktivitet. Verksemda skal vurdere resultata i forhold til akseptabel miljørisiko. Potensielle kjelder til akutt ureining av vatn, grunn og luft skal óg kartleggast. Miljørisikoanalysen skal dokumenterast og skal omfatte alle forhold ved verksemda som kan medføre akutt ureining med fare for helse- og/eller miljøskadar inne på verksemda sitt område eller utanfor. Ved modifikasjonar og endra produksjonsforhold skal miljørisikoanalysen oppdaterast. Verksemda skal ha oversikt over dei miljøressursane som kan bli truga av akutt ureining og dei helse- og miljøkonsekvensane slik ureining kan føre med seg. 7.2. Førebyggande tiltak På grunnlag av miljørisikoanalysen skal verksemda setje i verk risikoreduserande tiltak. Både sannsynlegheitsreduserande og konsekvensreduserande tiltak skal vurderast. Verksemda skal ha ei oppdatert oversikt over dei førebyggande tiltaka. 7.3. Etablering av beredskap Verksemda skal, på bakgrunn av ein miljørisikoanalyse og dei risikoreduserande tiltaka som er sett i verk, etablere og vedlikehalde ein beredskap for å hindre, oppdage eller stanse akutt ureining. Beredskapen skal vere tilpassa den miljørisikoen som verksemda til alle ei kvar tid representerer, og skal også omfatte utstyr til å fjerne og avgrense omfanget og skadane og ulempene som kan skje. Beredskapen mot akutt ureining skal øvast minst ein gang pr. år. 8. Rapportering til Fylkesmannen Fylkesmannen ber om ein skriftleg årsrapport innan 1.mars om miljøtilhøva ved dei ulike aktivitetane på området. Rapporten må omtale dei aktuelle områda som er vist i vedlegg 1. Det er ikkje sett direkte krav til måling, utrekning eller rapportering av spesifikke nivå når det gjeld utslepp av lukt, støy eller støv. Rapporten bør likevel innehalde ei vurdering av desse miljøtilhøva. 8 Framgangsmåten bør følge NS 5814:2008 Krav til risikovurdering (eller seinare utgåve)
Side 9 av 11 Verksemda bør i samband med rapportering av avfalls- og utsleppsdata oppgje og kommentere usikkerheita i datamaterialet. 9. Overvaking av resipient. Fylkesmannen kan stille krav om nærare gransking av støy, luftutslepp og vass- eller grunnureining (jf. ureiningslova 51). Verksemda skal betale for slike granskingar. Den ansvarlege for verksemda kan òg påleggjast å betale ein høveleg del av kostnaden ved eit kontrollprogram for området der utsleppa er plasserte. 10. Større endringar 10.1. Utskifting av utstyr Dersom det skal gjerast utskifting av utstyr i verksemda som gjer det teknisk mogleg å motverke ureining på ein vesentleg betre måte enn då løyvet vart gitt, skal Fylkesmannen på førehand ha melding om dette. Ved utskifting av utstyr skal beste tilgjengelege teknikkar nyttast med sikte på å motverke ureining. 10.2. Eigarskifte Løyvet kan ikkje overdragast til andre utan samtykke frå Fylkesmannen. Ny eigar kan ikkje ha eller ta imot avfall ved anlegget utan etter avklaring med Fylkesmannen. 10.3. Nedlegging eller lengre driftsstans Dersom anlegget vert nedlagt eller stansar lenger enn 1 månad, skal eigaren eller brukaren melde frå til Fylkesmannen og gjere det som til ei kvar tid er nødvendig for å motverke fare for ureining. Dersom noko ved anlegget kan medføre ureining eller det er avfall som kan verke skjemmande etter driftsstans, skal det opplysast særskild. Fylkesmannen kan fastsetje nærare kva for tiltak som er nødvendig for å motverke ureining og rydde opp i avfall. Fylkesmannen kan pålegge eigaren eller brukaren å stille garanti for dekking av framtidige utgifter og mogleg erstatningsansvar. Ved nedlegging eller stans skal verksemda sørgje for at avfall vert teke hand om på forsvarleg måte, mellom anna skal farleg avfall handterast i høve til gjeldande forskrift 9. Dei tiltaka som vert gjennomført i slike høve, skal rapporterast til Fylkesmannen innan 3 månader etter nedlegging eller stans. Rapporten skal også innehalde dokumentasjon på disponeringa av kjemikalierestar og ubrukte kjemikal og namn på eventuell kjøpar/ar. 9 Avfallsforskrifta kapittel 11 om farleg avfall
Side 10 av 11 Ved ny oppstart skal den ansvarlege syte for at driftsstaden er i miljømessig tilfredsstillande stand. Før oppstart skal den ansvarlege i god tid i førevegen gje melding til Fylkesmannen. Dette gjeld for all aktivitet som kan medføre fare for ureining eller kunne verke skjemmande.
Side 11 av 11 VEDLEGG 1 Innhald i årsrapport Føremål: Å informere tilsynet om aktiviteten ved anlegget siste året. Rapporteringa skal generelt gje opplysningar om verksemda som tilsynet har behov for i utøving av tilsynsoppgåvene etter kapitel 7 i ureiningslova (tilsyn med forurensninger og avfall). Opplysningane er offentleg tilgjengeleg så framt dei ikkje vert råka av unntaks- eller teiepliktreglane i forvaltningslova, offentlegheitslova eller miljøinformasjonslova. Rapporteringsform: verbal og tabell/figur levert elektronisk til miljøvernavdelinga på WORD og/eller EXCEL-lesbart format. Innhald 1. Kort og verbal omtale av drifta og ev. førebyggande tiltak mot miljøulempe. 2. Evaluering av miljøprestasjon 10 (dersom utvikla). 3. Totalmengd avfall som er motteke førre år, og delt etter type (jf. dei 4-sifra kodane i NS 9431). EAL-kode skal spesifiserast så langt råd. 4. Mellomlagra avfall pr. 31.12, gruppert som under punkt 3. 5. Levert mengd, gruppert som under punkt 3, og mottakar av vidarelevert avfall. 6. Resultat av ev. målingar av utslepp. 7. Verksemda si vurdering om utslepp til luft (støy, støv, lukt m.m.) eller til vatn har auka, minka eller ligg på same nivå i høve til førre år. 8. Omtale av skriftlege eller muntlege klagar eller merknader til drifta frå andre, og om eigen oppfølging. 9. Omtale av ev. unormale hendingar, spesielle problem o.l. Her også om tiltak ved ev. stans i avfallsmottaket, påverknadar av miljøet rundt anlegget og om moglege eller faktiske utslepp til grunn eller vatn. 10. Omtale av visuelle tilhøve som kan verke skjemmande. 11. Oversikt over eigne, genererte avfallsmengder. 10 Miljøprestasjon (Environmental performance evaluation (EPE)) er eit omgrep for verksemder som er sertifisert etter ISO 14000 eller registert etter EMAS-forordninga, og nærare omtalt i NS-EN ISO 14031. Verksemd som ikkje har slikt miljøstyringssystem, kan nytte opplegg og råd i NS-EN ISO 14031 så langt det passar, eller rapportere etter pkt. 3 10 i denne lista (så langt det passar).