GODTGJERSLEREGLEMENT - FOLKEVALTE Vedteke 03.12.2015 1
GODTGJERSLEREGLEMENT FOR FOLKEVALTE I HEMSEDAL KOMMUNE Godtgjerslereglementet for folkevalte i Hemsedal kommune skal sikre at politikarane får godtgjering for dei møta dei stiller på i regi av kommunen. Godtgjersle skal sikre at politikarane får dekka tap på arbeidsforteneste (for møter mellom kl. 07.00 og 17.00), og skal sikre at dei får møtegodtgjersle for dei møta dei stiller på, og eventuell kilometergodtgjersle. I Hemsedal kommune har vi følgjande utval: Kommunestyret Formannskapet Hovudutval for Livsløp Hovudutval for Plan og ressurs Kontrollutvalet Andre råd/utval (til dømes eldreråd, ungdomsråd og liknande) Dei ulike råd og utval har forskjellig berekning og satsar på godtgjering. I dette reglementet skal vi først sjå på dei verva med spesielle godtgjeringsreglar; ordførar, varaordførar, utvalsleiarar samt representantar i formannskapet. Deretter går reglementet gjennom dei godtgjeringsreglane som den enkelte politikar sjølv må melde frå om via godtgjersleskjema. Til slutt går reglementet gjennom reglar for tapt arbeidsforteneste, telefongodtgjersle, køyre- og kostgodtgjersle, samt rutinar for utbetaling. Dette vert summert i ein tabell. Heimelsgrunnlaget for godtgjersler er kommuneloven 42. Godtgjerslereglementet blir revidert kvart fjerde år og lagt fram for politisk handsaming. 1 Ordførar 1.1 Ordførarvervet skal godtgjerast med 90 % av stortingsrepresentantane si løn. 1.2 Ordførargodtgjersle inkluderer all politisk verksemd, også kommunestyremøter 1.3 For ordførar som ikkje stiller til attval, blir det innvilga ettergodtgjersle i 1,5 månad etter ordførarskiftet, dersom ordførar ikkje har anna lønna arbeid å gå til. For ordførar som stiller til attval, men som ikkje blir attvalt blir det innvilga 3 månaders ettergodtgjersle. 1.4 Hemsedal kommune melder ordførar inn i KLP. 2 Varaordførar 2.1 Varaordførar si godtgjersle blir sett til 18 % av ordførar si godtgjersle. 2.2 Varaordførargodtgjersle skal dekke all politisk verksemd, også kommunestyremøter 2.3 Dersom varaordførar går inn i ordførar sin stad, blir ordførargodtgjersle utbetalt frå fyrste dag. 3 Leiar for hovudutvala og kontrollutvalet 3.1 Leiar av hovudutval for Plan og ressurs og hovudutval for Livsløp får ei fast godtgjersle på 9 % av ordførar si godtgjersle. Leiar si faste godtgjersle skal dekke all politisk verksemd som 2
leiar i utvalet. Det vil også gjelde kurs/møter og liknande som leiar stille på fordi han/ho er leiar. 3.2 Leiar av kontrollutvalet får ei fast godtgjersle på 4 % av ordføraren si godtgjersle. Leiar si faste godtgjersle skal dekke all politisk verksemd som leiar. Det vil si også kurs/møter og liknande som leiar stiller på fordi han/ho er leiar. 4 Formannskapet 4.1 Faste medlemmer i formannskapet får ei fast godtgjersle på 9 % av ordførar si godtgjersle, som også tekker tapt arbeidsforteneste. Godtgjersle skal dekke all politisk verksem, også møter/kurs og liknande der medlemmet stiller som formannskapet sin representant. Jf Hemedal kommune sitt delegeringsreglement. Til dømes: o Næringsplan o Valnemnd 4.2 Varamedlemmer får kr. 1.000,- pr. møte. Varamedlemmer som berre møter i einskilde saker får halv møtegodtgjersle. 4.3 Faste medlemmer får trekk i fast godtgjersle med ein relativ prosent ved fråvær utover 20% i året. 4.4 For møter i Hallingtinget blir møtegodtgjersle betalt av Regionrådet for Hallingdal. 5 Kommunestyret 5.1 Medlemmer i kommunestyret mottek ei godtgjersle kr. 1.000,- pr. møte. Det same gjeld for varamedlemmer. 5.2 Varamedlemmer som berre stiller i einskilde saker får halv godtgjersle. 5.3 Representantane har rett på kilometergodtgjersle, sjå punkt 10 i reglemenetet. 6 Hovudutval og kontrollutvalet 6.1 Medlemmer og møtande varamedlemmer får ei møtegodtgjersle på kr. 1000,- pr. møte. 6.2 Varamedlemmer som berre stiller i einskilde saker får halv godtgjersle. 6.3 Representantane har rett på kilometergodtgjersle, sjå punkt 10 i reglemenetet. 6.4 For møter på dagtid skal faste medlem (ikkje leiar) ha dekka tapt arbeidsforteneste (sjå punkt 8 i reglementet) 6.4.1 Representanten pliktar sjølv å skrive opp kor mange timer møtet varte og levere tilstrekkelig dokumentasjon på legitimert tapt arbeidsforteneste 7 Andre råd og utval 7.1 Medlem av andre råd og utval får ei godtgjersle på kr. 500,- pr. møte. 7.2 Leiar av rådet eller utvalet får dobbel godtgjersle. 7.3 Møtande varamedlemmer får same godtgjersle som fast medlemmer. 7.4 Varamedlemmer som møter i einskilde saker får halv godtgjersle. 7.5 Representantar i andre råd og utval har ikkje rett på å få dekka tapt arbeidsforteneste. 7.6 Representantane har rett på kilometergodtgjersle, sjå punkt 10 i reglemenetet. 3
8 Tapt arbeidsforteneste 8.1 Ved møte mellom kl. 07.00 og 17.00 yter kommunen vederlag for tapt arbeidsforteneste. Tidsavgrensinga gjeld ikkje for representantar som jobbar turnus eller skift. 8.2 Kommunen utbetaler ikkje feriepenger av møtegodtgjersle og tapt arbeidsforteneste. Det er heller ikkje pensjonsgjevande inntekt. 8.3 Politikarar som er kommunalt tilsett skal føre ein oversikt over tidsbruken som går med til politiske møter og utval, og legge dette fram for rådmann innan 15. juli og 15. januar, jf interne rutiner 8.4 Legitimert tapt arbeidsforteneste blir kompensert time for time, med inntil kr. 2.500,- pr. dag. Legitimert tapt arbeidsforteneste skal dokumenterast og vise totalsummen av den tapte arbeidsfortenesta. Arbeidsgjevar må fylle ut standardskjema. Sjølvstendig næringsdrivande må søkje om å få godkjent ein sats for tapt arbeidsforteneste. 8.5 Ulegitimert tapt arbeidsforteneste av inntekt blir kompensert etter timesats på kr. 180,-, til saman maksimum kr. 1.800,- pr. dag. 8.6 For å ha krav på tapt arbeidsforteneste MÅ representantane i skjema for godtgjersle skrive kor mange timar møtet varte. Om timane ikkje er skrive ned, blir det ikkje utbetalt tapt arbeidsforteneste. 9 Telefongodtgjersle 9.1 Ordførars og varaordførars bruk av mobiltelefon og oppkobling og bruk av breiband heime og på Ipad dekkast av kommunen. Kommunen følgjer skattereglene om elektronisk kommunikasjon når det gjelder telefon/breidband/ipad. Forskrift til utfylling og gjennomføring mv. av skatteloven av 26. mars 1999 nr. 14 5-12-20 og 5-12-21. 9.2 For leiar for hovudutvala og kontrollutvalet dekker kommunen utgifter ved bruk av mobiltelefon/breidband/ipad med 1500 kr/år. Kommunen følgjer skattereglene om elektronisk kommunikasjon når det gjelder telefon/breidband/ipad. Forskrift til utfylling og gjennomføring mv. av skatteloven av 26. mars 1999 nr. 14 5-12-20 og 5-12-21. 10 Køyregodtgjersle og kostgodtgjersle 10.1 Medlemmer i kommunestyre, formannskapet og utval med kortare reiseveg enn 5 km/veg, får ikkje dekka køyreutgifter til og frå kommunehuset. Administrasjonen kan gjere unnatak til dømes ved store utgifter ved transport (til dømes behov for taxi eller liknande). 10.2 Skal representant på møte utanfor kommunen eller på synfaring som krev køyring med eigen bil, kan kommunen yte kilometergodtgjersle. Her må representanten fylle ut og bruke kommunen sitt eiga reiserekningsskjema. 10.3 Godtgjersle følgjer statens satsar for bruk av eigen bil. 10.4 Tilsvarande køyregodtgjersle gjeld også ved pålagte representasjonsoppdrag. 10.5 Ved pålagt kurs- og møtedeltaking har deltakande politikar krav på ordinær kostgodtgjersle. Ved inkluderte måltid blir denne godtgjersle redusert etter faste satsar. 4
11 Dekning av utgifter for tilsyn med barn 11.1 Legitimerte utgifter til leige av tilsyn med barn under 12 år, funksjonshemma eller sjuke som er naudsynt for utøvinga av tillitsvervetvert godtgjort med inntil kr 900,- pr dag. 11.2 Faste, private tilsynsutgifter vert ikkje dekka. 11.3 I samband med reiser i kommunale ærend kan legitimerte utgifter til skyss og kost for barnepasser til diande barn dekkast. 12 Rutinar for utbetaling For representantar med fast godtgjersle (ordførar, varaordførar, formannskapet, leiar av hovudutvala og kontrollutvalet) blir godtgjersla utbetalt månadsvis automatisk. All anna godtgjersle blir utbetalt 3 gonger i året etter innleverte lister. Skjema for godtgjersle må vere fylt ut med rett møtedato, kor mange timer møtet vara og personalia. Dokumentasjon på legitimert tapt arbeidsforteneste må leggjast ved utvalskjema. Representantane må levere inn skjema i rett tid (15. mars, 1. juli og 15. november). Skjema levert etter desse datoane blir handsama ved neste utbetaling. Utbetaling skjer den 12. i månaden etter innlevering (12. april, 12. august, 12. desember). Om fleire møter, som møter i hovudutvala, kommunestyret og formannskapet, fell på same dag, vert det utbetalt godtgjersle for kvart møte. Krav som ikkje er innkommen innan 3 år etter møtet har funne stad, vil ikkje bli utbetalt. 13 Generelt Det er kommunestyret og berre kommunestyret som fastset godtgjersler for politikarar i Hemsedal kommune. 5