Autopress AS Sunndal kommune - LØYVE TIL MOTTAK AV KASSERTE KØYRETY OG GODKJENNING TIL Å UTBETALE VRAKPANT Møre og Romsdal fylke gjev Autopress AS på Sunndalsøra i Sunndal kommune løyve til mottak av kasserte køyrety og anna metallskrap, med rett og plikt til å skrive ut vrakpantkvittering. Løyvet er gjeve med heimel i lov av 13. mars 1981 nr. 6 om vern mot forurensninger og om avfall (forureiningslova), 11 og 16, jf. 29, jf. òg forskrift om gjenvinning og behandling av avfall (avfallsforskrifta), kapittel 4 - Kasserte kjøretøy, punkt I-V. Løyvet er gjeve på nærare vilkår jf. del 2. Løyvet gjeld frå dags dato og erstattar tidlegare løyve av 01.11.84 med seinare endringar. Løyvehavar: Verksemd: Autopress AS Postadresse: 6600 Sunndalsøra Føretaksnummer: 982952026 Gnr./Bnr.: 53/188 (Industriv. 37) Dato: 02.06.05 Kolbjørn Megård Seksjonssjef Bjørn L. Rusken Overingeniør Postadresse: Fylkeshuset, 6404 Molde Besøksadresse: Julsundveien 9 Telefon 71 25 80 00 Telefaks: 71 25 85 10 e-post: post@mrfylke.no www.mrfylke.no
2/9 Innhaldsliste Del 1 Løyve til mottak av kasserte køyrety m.m. 1.0 Generelt 1.1 Råme for løyvet 1.2 Ansvarsvilkår Del 2 Vilkår for løyvet 2.1 Juridiske vilkår 2.1.1 Underlag for løyvet 2.1.2 Tvangsmulkt 2.1.3 Straff 2.1.4 Sal av kasserte køyrety der vrakpant er utbetalt 2.1.5 Nedlegging/opphøyr av verksemda 2.1.6 Meldeplikt 2.2 Tekniske vilkår 2.2.1 Anlegg og drift 2.2.2 Mottak 2.2.3 Lagring av kasserte køyrety 2.2.4 Miljøsanering av kasserte køyrety 2.2.5 Pressing eller anna sluttbehandling av kasserte køyrety 2.2.6 Handtering av avfall og farleg avfall 2.2.7 Tiltak mot støy 2.2.8 Driftstid 2.2.9 Journalføring 2.2.10 Internkontroll 2.2.11 Beredskap og varsling 2.3 Rapportering 2.3.1 Årsrapport 2.3.2 Målingar av utslepp
3/9 Del 1 Løyve til mottak av kasserte køyrety m.m. 1.0 Generelt Løyvet er gjeve på grunnlag av opplysningar i søknad av 26.08.03 frå Autopress AS, og opplysningar som har kome fram under sakshandsaminga. I dette inngår kontroll av verksemda 23.09.04. Vilkåra for løyvet er gjevne i del 2. Løyvet kan endrast etter 18 i forureiningslova dersom Møre og Romsdal fylke finn det naudsynt, og vilkåra for omgjering er stetta. Dersom drifta av mottaket medfører negative miljømessige konsekvensar som ikkje er ivaretekne gjennom løyvet, kan Møre og Romsdal fylke pålegge løyvehavar skjerpa krav og vilkår, eventuelt pålegge stogg av mottaket eller aktivitetar på området for kortare eller lengre tid. Møre og Romsdal fylke kan òg trekkje attende løyvet dersom vilkåra som ligg til grunn for dette vert brotne. Endringar av løyvet etter 18 i forureiningslova skal vere basert på skrifteleg saksutgreiing. Eventuell endringssøknad frå løyvehavar må difor ligge føre i god tid før endringane kan vedtakast og gjennomførast. Dersom løyvet ikkje er teke i bruk innan 2 år etter at det tek til å gjelde, fell løyvet bort. Løyvet kan i alle tilfelle trekkjast attende eller endrast når det har gått 10 år etter at det vart gjeve, jf. 18 i forureiningslova. Etter kapittel 4 om mottak av kasserte køyrety i avfallsforskrifta er mynde til å gje løyve til mottak av kasserte køyrety lagt til Fylkesmannen. Med heimel i forskrift om Møre og Romsdal einskapsfylke, er Fylkesmannen sitt mynde etter forureiningslova lagt til Møre og Romsdal fylke i ein forsøksperiode frå 01.01.2004, jf. forskrift om Møre og Romsdal einskapsfylke, godkjent av Kommunal- og regionaldepartementet 22.12.2003. Etter 14 i denne forskrifta skal Fylkesmannen i forsøksperioden halde fram som tilsynsinstans. I det etterfylgjande er det difor nytta nemninga forureiningsstyresmaktene om Møre og Romsdal fylke/ Fylkesmannen i Møre og Romsdal. 1.1 Råme for løyve Løyvet gjeld frå dags dato, og gjeld fornying av gjeldande løyve av 01.11.84 for mottak av kasserte køyrety og anna metallskrap, med godkjenning til å skrive ut kvittering for vrakpant. Det er likevel ein føresetnad at området innan 01.09.05 skal vere oppdatert med ny fast plate tilkopla oljeutskiljar på området for pressing og lagring av pressa bilvrak. Fram til ny utvida plate er på plass må verksemda avgrense aktiviteten slik at all lagring og eventuell pressing skjer forsvarleg innanfor eksisterande mottaksområde. Løyvet er avgrensa til å gjelde mottak av inntil 400 vrak pr. år. Det kan vidare lagrast inntil 120 mottekne bilar samtidig på området. Dette gjeld både upressa og pressa vrak. Råma er sett på grunnlag av søknad, vurdering av disponibelt areal til mellomlagring av kasserte køyrety, kapasitet til miljømessig forsvarleg handtering av innkomne bilvrak og lokaliseringa av biloppsamlingsplassen. Dette løyvet etter forureiningslova gjev rett og plikt til å skrive ut pantekvittering for alle kasserte køyrety (person-, vare og kombinertbiler) og beltemotorsyklar som har vore registrert i 1977 eller seinare, og som er omfatta av vrakpantordninga, jf. «forskrift om gjenvinning og behandling av avfall (avfallsforskrifta), Kapittel 4 - Kasserte kjøretøy. Ved ei
4/9 eventuell utviding av oppsamlingsordninga til å omfatte andre typar kjørety, vil mottaksplikta også omfatte desse. 1.2 Ansvarsvilkår Løyvehavar har ansvar for at krava og vilkåra som er sett i løyvet til ei kvar tid vert fylgt. Dette medfører mellom anna at mottak og utstyr skal drivast og haldast vedlike slik at utsleppa vert minst mogeleg, og avfallet rett sortert. Løyvehavar har plikt på seg til gjennom instruksar, kontroll og andre tiltak sjå til at verksemda vert drifta slik at ulemper og skadeverknader vert avgrensa mest mogeleg. Løyvet fritek ikkje løyvehavar for erstatningsansvar etter ålmenne erstatningsreglar, jf. 10, andre ledd i forureiningslova. Dette løyvet fritek ikkje frå krav sett etter anna lovverk og tilhøyrande forskrifter, der vi særleg nemner plan- og bygningslova, kommunehelselova, arbeidsmiljølova og lov om brannvern. Forureiningsstyresmaktene føreset at løyver m.m. frå andre styresmakter ligg føre før dette løyvet vert teke i bruk. Vi nemner særskilt kravet om skraphandlarløyve frå politiet dersom det skal omsetjast skrapmetall.
5/9 DEL 2 Vilkår for løyve til mottak av kasserte køyrety m.m. 2.1 Juridiske vilkår 2.1.1 Underlag for løyvet Fylgjande lover, forskrifter og rettleiingar er særleg relevante for verksemda: Lov av 13. mars 1981 nr. 6 om vern mot forurensninger og om avfall (forureiningslova) Forskrift om gjenvinning og behandling av avfall (avfallsforskrifta) - Kapittel 3 Miljøskadelige batterier - Kapittel 4 Kasserte kjøretøy - Kapittel 5 Innsamling og gjenvinning av kasserte dekk - Kapittel 11 Farlig avfall Forskrift om begrensning av forurensning (forureiningsforskrifta) - Kapittel 13 Utslipp av oljeholdig avløpsvann - Kapittel 36 Behandling av tillatelser etter forurensningsloven Forskrift om systematisk helse-, miljø- og sikkerhetsarbeid i virksomheter (internkontrollforskrifta) Forskrift om varsling av akutt forurensning eller fare for akutt forurensning (varslingsforskrifta) Informasjonsbrev frå SFT om oppsamlingssystemet for kasserte køyrety 2.1.2 Tvangsmulkt Med heimel i 73 i forureiningslova kan forureiningsstyresmaktene fastsetje tvangsmulkt til Staten for å sikre at tiltak og vilkår vert gjennomført i samsvar med løyvet. 2.1.3 Straff Brot på dette løyvet eller pålegg i tilknyting til løyvet, kan straffast etter forureiningslova, jf. kap. 10, dersom tilhøva ikkje vert råka av strengare strafferammer. 2.1.4 Sal av kasserte køyrety der vrakpant er utbetalt Det er ikkje tillate å selje, sende ut på marknaden, eller setje på vegen att kasserte køyrety som det er utbetalt vrakpant for. Brot på dette vilkåret kan få fylgjer for utbetaling av driftsstøtte, og det kan føre til at løyvet blir inndrege, i tillegg til melding til politiet. 2.1.5 Nedlegging/opphøyr av verksemda Den ansvarlige for verksemda skal stille nødvendig økonomisk garanti for utgifter som fylgje av rimelige tiltak for å hindre, avgrense, fjerne eller avbøte forureiningsskade ved opphøyr og stenging av anlegget, jf. 57 og 63 i forureiningslova. Rimelige tiltak vil m.a. omfatte opprydding av avfall, fjerning av farleg avfall, eventuell klargjering og fjerning av lagra bilvrak mv., òg eventuelle tiltak som følgje av forureina grunn.
6/9 Kravet om å stille økonomiske garanti tek først til å gjelde etter nærare avgjerd frå forureiningsstyresmaktene. Forureiningsstyresmaktene vil òg avgjere type og omfang av den økonomiske trygginga. 2.1.6 Meldeplikt Den ansvarleg skal melde frå til forureiningsstyresmaktene dersom det skjer endringar i verksemda si drift som har verknad for vilkåra i løyvet. Opphøyr/nedlegging av verksemda skal på eit så tidleg tidspunkt som mogeleg meldast til forureiningsstyresmaktene. Forureiningsstyresmaktene kan fastsetje nærare krav til opprydning. 2.2 Tekniske vilkår 2.2.1 Anlegg og drift I. Anlegget skal drivast i samsvar med dei retningslinene som til ei kvar tid gjeld for behandlingsanlegg for kasserte køyrety, i den grad anna ikkje er fastsett i dette løyvet. Retningslinene vert utarbeidd av SFT. II. Det er føresett at bygningsmessige og tekniske tiltak for at mottaket skal vere i samsvar med krava i forskrifta, er gjennomført innan 01.09.05. III. Verksemda skal syte for at uvedkommande ikkje har tilgang, og at nærmiljøet er skjerma mot innsyn og støy frå anlegget. Minimum inngjerding er 2 meter høgt gjerde, og port som kan låsast ved innkjørsel. Av innsynsmessige grunnar skal det ikkje stablast bilar i høgda. Mottaket skal vere avlåst utanom opningstidene. IV. Anlegget skal innrettast og drivast på ein slik måte at vatn eller grunn ikkje vert forureina. Dette føreset m.a. at verksemda til ei kvar tid har oversikt over kva skrap som inneheld farleg avfall. Alle faste flater med avrenning eller fare for avrenning av miljøfarlege væsker skal vere tilkopla avløp med oljeutskiljar og sandfang. Dette gjeld ikkje dei områda som blir nytta til avtapping av andre miljøfarlege væsker enn olje, og til mellomlagring av farleg avfall. V. Oljeutskiljar og sandfang skal fungere, drivast og haldast vedlike i samsvar med tekniske retningslinjer eller andre krav frå kommunen. 2.2.2 Mottak I. For å sikre størst mogeleg ressursmessig utnytting av kasserte køyrety, skal vraka sorterast ved mottak i høve til mogeleg gjenbruk av delar frå bilane. II. Det skal ikkje lagrast køyrety eller anna metallskrap over gjerdehøgde. III. Det kan takast imot og handterast inntil 400 kasserte køyrety pr. år.
7/9 2.2.3 Lagring av kasserte køyrety I. Drifta skal leggjast opp slik at det under normale driftstilhøve blir lagra maksimalt 120 vrak (både upressa og pressa) samtidig på plassen. Verksemda skal så snart som mogeleg melde frå til forureiningsstyresmaktene dersom det oppstår situasjonar som fører til ekstraordinære driftstilhøve. II. Lagring og miljøsanering av kasserte kjøretøy skal skje slik at omsynet til helse, miljø og tryggleik blir teke vare på. Lagring av køyrety for eventuell «sjølvplukk» av bildelar skal skje på eige avgrensa område, og slik at aktiviteten føregår tryggingsog miljømessig forsvarleg. III. Område for lagring og miljøsanering av kasserte køyrety skal minst oppfylle krava til fast, ugjennomtrengeleg dekke, jf. Vedlegg 1 til kapittel 4 om kasserte køyrety i avfallsforskrifta. 2.2.4 Miljøsanering av kasserte køyrety I. Miljøsanering av kasserte kjøretøy skal skje minst i samsvar med krava i Vedlegg 1 til avfallsforskrifta, kapittel 4 om kasserte køyrety. II. Miljøsanering skal skje på eit område med fast, ugjennomtrengeleg dekke, jf. punkt 2.2.3. III. Etter tapping av væsker skal vraket korttidslagrast på tappeplassen, slik at all væske kan renne av. IV. Før pressing skal bensintanken punkterast. 2.2.5 Pressing eller anna sluttbehandling av kasserte køyrety I. Løyvet føreset at bilvraka vert pressa i mobil presse etter dei retningslinene som SFT set. II. Pressing av bilvrak skal skje innanfor fastsette støykrav, jf. punkt 2.2.7. III. Uttransport av pressa køyrety skal berre føregå innanfor ordinær driftstid, jf. punkt 2.2.8 2.2.6 Handtering av avfall og farleg avfall I. Verksemda skal til ei kvar tid kunne dokumentere at miljøfarlege væsker og anna farleg avfall blir fjerna frå vraka før bortkøyring til sluttbehandling, og på ein forsvarleg måte ta hand om det farlege avfallet. II. Handtering av miljøfarlege væsker og anna farleg avfall som fylgjer med kasserte kjøretøy eller som oppstår ved verksemda, skal skje i samsvar med krava i avfallsforskrifta, kapittel 11 om farleg avfall. III. Farleg avfall skal leverast til godkjent innsamlar/mottak for farleg avfall. Anna avfall skal takast hand om av det kommunale/interkommunale avfallsmottaket eller anna
8/9 godkjent mottak. Mottak av batteri eller anna farleg avfall utover dei som følgjer med køyretøya er ikkje tillate utan særskilt løyve frå forureiningsstyresmaktene. 2.2.7 Tiltak mot støy I. Verksemda er pliktig til å redusere støyen så langt som praktisk mogeleg. Særlig støyande aktivitet skal skjermast ved innbygging, bygging av støyskjermar eller ved anna støydemping. II. For dette løyvet gjeld retningsliner for avgrensing av støy; TA-506, utgitt av Statens forureiningstilsyn (SFT). Fylgjande ekvivalente støynivå er tillate ved næraste bustad (frittfeltsverdi): Kvardagar (måndag - fredag) kl. 06-18: 50 dba Kvardagar (måndag - fredag) kl. 18-22: 45 dba Laurdag kl. 06-18: 50 dba Dersom støyen omfattar tydelege enkelttonar og/eller impulslyd, skal grenseverdiane reduserast med 5 dba. Høgaste maksimalnivå skal ikkje overstige grenseverdiane for ekvivalentnivå med meir enn 10 dba. 2.2.8 Driftstid I. Plassen kan drivast på kvardagar måndag til fredag i tidsrommet klokka 06.00 22.00, og laurdagar klokka 06.00-16.00. Pressing av bilvrak skal ikkje skje på laurdagar, og utkøyring bør òg avgrensast. 2.2.9 Journalføring I. Det skal førast journal, minimum kvar veke, over handtering av mottekne bilvrak og tilhøyrande handtering av farleg avfall, sjå også pkt. 2.3.1 Årsrapport. Driftsjournalen skal takast vare på i minst 5 år, og skal på førespurnad leggjast fram for forureiningsstyresmaktene. 2.2.10Internkontroll I. Alle verksemder som sysselset arbeidstakar er pliktige til å ha ein internkontroll som sikrar at lover og reglar innan helse, miljø og tryggleik vert fylgde (jf. 52 b i forureiningslova og «forskrift om systematisk helse-, miljø- og sikkerhetsarbeid i virksomheter (Internkontrollforskrifta)». Dette vil m.a. seie utarbeiding av driftsinstruks som ivaretek verksemda sitt behov for dokumentasjon av korleis prosessen frå mottak til sluttdisponering av kasserte køyrety vert gjennomført, og korleis vilkåra i dette løyvet blir etterlevd. Ettersom verksemda ved tidspunkt for iverksetjing av dette løyvet ikkje har tilsette, er ikkje verksemda omfatta av internkontrollforskrifta. Dersom verksemda seinare skulle få tilsette, vil krava i internkontrollforskrifta gjelde.
9/9 Grunna desse omstenda er det sett eigne krav til dokumentasjon i dette løyvet. II. Verksemda skal utarbeide driftsplan og rutinar for korleis mottakene kasserte køyrety skal handterast og miljøsanerast, og korleis farleg avfall skal hanterast. III. Når verksemda er opa for publikum, eller når det vert utført aktivitet på mottaket, skal verksemda utpeike ein person som er ansvarleg på vegne av verksemda. Kven dette er skal dokumenterast. IV. Verksemda skal gje opplæring til alle som miljøsanerer køyrety eller handterer farleg avfall. V. Verksemda skal dokumentere kor alt avfall vert levert. VI. Verksemda skal kartleggje farer med omsyn på ytre miljø, vurdere desse farene, og setje i verk utbøtande tiltak dersom vurderinga av farene tilseier dette 2.2.11Beredskap og varsling I. Den som driv verksemd som kan føre til akutt forureining, skal syte for nødvendig beredskap for å hindre, stanse, fjerne og avgrense verknad av utsleppet. Beredskapen skal byggje på ein systematisk gjennomgang av alle verksemda sine aktivitetar. II. Ved akutt forureining eller fare for forureining, skal den ansvarlege straks varsle brannvesenet i kommunen i samsvar med varslingsforskrifta. III. Forureiningsstyresmaktene skal så snart som mogeleg varslast skriftleg dersom det oppstår unormale forhold og uhell innafor dei områda som løyvet omhandlar. 2.3 Rapportering 2.3.1 Årsrapport Autopress AS skal innan 1.mars kvart år rapportere aktivitet og avfallsmengder for føregåande år til forureiningsstyresmaktene på den måten som vert etterspurt. Eventuelle avvik frå gjeldande krav og korleis avvika er fylgt opp, skal òg rapporterast. 2.3.2 Målingar av utslepp Forureiningsstyresmaktene ved Møre og Romsdal fylke/ Fylkesmannen i Møre og Romsdal kan om dei finn det naudsynt òg krevje utført utsleppsmålingar, òg målingar av støynivået til omgivnadene.