Månadsbrev for juni avdeling Glimmer Mai månad har vore skiftande med både kald og sur vind og fine soldagar inn i mellom. Vi har vore på mange fine turar og har vore mykje ute. Det har vore ein del fråvær blant personalet på dei andre avdelingane, då har vi hjelpt til og så får vi hjelp frå avdeling Granat og Skifer i sovetida, til dei barna våre som ikkje skal sove lenger. Foreldresamtalane gjekk fint, og dei tilbakemeldingane vi har fått er vi glad for. Vi har ungar som veks og trivst godt i barnehagen. Bursdagsfeiring for EMILIAN, 3 ÅR (26.04) Aktivitet på tvers av avdelingar 3.mai fekk vi komme inn på avdeling Granat til fingermåling i lag med barna der. Det var kjekt!
Besøk av kyllingar Vi var så heldige at Elisabeth Offerdal og Sølve Andre Lien kom på besøk til oss med små søte kyllingar, som vi fekk klappe og kose med. Det var stas! «Mini 17.mai» er fast tradisjon i her i barnehagen, og i år var vi heldige med vêret også (brukar ofte å vere regn, vind og kaldt). Vi gjekk i tog frå barnehagen, til butikken, skulen og kommunehuset medan vi song og ropte hurra-rop. Reidun var med oss og spelte kornett. Vel tilbake i barnehagen var det ulike aktivitetar for dei som ville delta, før vi avslutta med god lunsj beståande av pølse og spagetti. Til fruktmåltidet denne dagen «skeia» vi ut med is, jordbær, blåbær og sjokoladesaus. Skal seie det falt i smak Her er vi klar for 17.mai tog, og vi har med oss flagg og sjølvlaga musikkinstrument. Hipp hipp hurra!
Tur til Kvernsteinsparken Det er mykje ein kan sjå og oppleve på ein liten tur i nærmiljøet. Og ekstra kjekt når ein kan oppleve det saman med gode venner. På denne turen hadde vi også teke med oss niste, som vi åt på «toppen» av Kvernsteinsparken. Smakar ekstra godt med brødskive når vi er ute Vi håpar på fleire fine turar i tida framover. Planting av frø Alle barna har fått planta blomsterfrø i kvar si korg. Nokre frø er allerede begynt å spire.
ELIZA feira 3 års dagen sin i barnehagen (01.06.) Hipp HURRA Førebuing av nytt barnehageår No vert det spennande og veldig kjekt for 2016 barna våre; Emilian, Eliza, Nolan og Anea, som skal byrje på avdeling Granat til hausten. Det vert blanda gruppe med 19 barn på begge dei store avdelingane. Det er laga overgangsplan, med dagar og tidspunkt for besøk på stor avdeling,(frå veke 26) så det vert ei fin tilvenning. Ein av personalet frå Glimmer vert med over på avdeling Granat og slik sikar vi at barna skal kjenne seg trygge i starten. Det vert ei stor barnegruppe på Granat og Konglomerat, men 2 dagar i veka vert førskulebarna ute av gruppa på eigne opplegg, og då vil 3 og 4 åringane ha opplegg tilpassa deira behov. Barz har slutta i barnehagen. Vi takkar for ei fin tid i lag her i barnehagen, og ynskjer han og familien lykke til vidare. Elles er det uteliv som står på planen no i juni. Vi håpar på flott sommarvêr, slik at vi kan gå på turar i nærmiljøet, gjerne med niste i sekken, og er vi heldige kan vi kanskje få duppe tæra litt i sjøen Måndag 17. juni ynskjer vi velkommen til sommarfest og avslutning for førskulebarna her i barnehagen. Det er sendt ut informasjon på e-post til alle foreldra om dette. Vi minner om at barnehagen er feriestengt veke 28, 29 og 30.
Dette blir det siste månadsbrevet dette barnehageåret, men er det noko de lurer på eller ynskjer å snakke om er det berre å ta kontakt. Vi takkar for eit flott samarbeid i året som har gått. Vi har hatt mange fine og gode opplevingar saman med barna dykkar, og året har gitt oss mange gode minner som vi tek med oss vidare. Ynskjer alle ein strålande sommar! Helsing frå avd. Glimmer Sonja, Inger V, Sissel, Charlotte, Jørn og Inger N For meir informasjon om barnehagen, gå inn på: https://www.hyllestad.kommune.no/tenester/barnehage/