Sommartur til Sverige, 7 dagarstur med avreise 30. juni 2015, Storby, «glasriket» i Småland og grensehandel På denne turen skal vi i tillegg til Stockholm og Gøteborg, mellom anna innom salmediktaren Lina Sandell sitt rike, der får vi sjå staden ho vaks opp og hadde sitt liv og diktning. Vi skal til Kosta Glasverk, der Kosta Boda glaskunsten vert laga. Begge desse stadane er i Småland, også kalla «glasriket» på grunn av alle glaskunstnarane som ein finn her. Vi får ein guida omvisning i Stockholm, og i Gøteborg skal vi innom Trädgårdsforeningen. Idag er dette ein av Europa sine best ivaretekne 1800-talsparker med store grøne plenar, eksotiske plantar så vel som nordiske vekster, og med historiske bygningar frå parkane sin gullalder. På veg til Jönköping skal vi innom Polkagriskokeriet, her kan du få ein smak av det søte Dag 1, tysdag 30. juni (ca 460km) Vi set oss i bussen og tek fatt på reisa, avreise frå Førde kl. 10.00. Vi køyrer til Skei og tek på ventande gjester der, før turen går innover til Sogn. Turen går så til Manhellar, der vi tek ferja over til Fodnes No er dei fleste komne om bord, og ein kan etter kvart gjere seg litt kjende med nye reisevener. Lunsjstogg på Gol, før reisa fortset mot Oslo. Vi sjekkar inn på Thon Hotel Opera. Hotellet ligg like ved Operaen sentralt i Oslo. Kvelden til eigen disposisjon.
Dag 2, onsdag 01. juli (ca 530km) I dag skal turen gå vidare til Stockholm. Etter frukost set vi oss i turbussen og i roleg tempo nærmar vi oss svenskegrensa. Når vi kjem til Karlstad, tek vi ein god lunsj stogg. Vidare går turen til Stockholm, der vi sjekkar inn på vårt hotel som ligg sentralt i byen. I kveld vert det felles middag på hotellet eller ein restaurant i nærleiken.. Dag 3, torsdag 02. juli (ca 324 km) Vi vert møtt av vår lokale guide, som tek oss med på ei runde i Stockholm, denne vakre byen som også vert kalla «Nordens Venezia». Byen er bunde saman av 14 øyer og ikkje mindre enn 57 bruer. Den største attraksjonen er Vasamuseet, og vi skal innom der for å sjå dette store fartøyet som sank på jomfruturen, ved Stocholms hamn. Vi nyt ein god lunsj, før turen går vidare til Jönköping, Undervegs stoggar vi i Gränna der vi finn «polkagriskokeriet». Her kan det bli godsaker å få kjøpt! Vel framme i Jönköping, sjekkar vi inn på vårt hotel for kvelden, her skal vi bu i to netter. Felles middag på hotellet
Dag 4, fredag 03. juli (ca 360km) I dag vert det rundtur i Småland. Første stogg vert på Lina Sandell Museet. Vi skal sjå kvar denne kjende salmediktaren vaks opp, ha ein stogg her, slik at dei som ynskjer det kan sjå heimstaden til Lina Sandell. Vi køyrer vidare i «glasriket», og stoggar ved Orrefors Kosta Boda fabrikken i Kosta fabrikken, der vi får ei omvisning og høve til å handle. Lunsjpause tek vi undervegs, når vi finn ein plass som høver for det. Tilbake på hotellet i Jönköping blir det felles middag. Dag 5, laurdag 04. juli (ca 146 km) Vi et ein god frukost før vi set oss i bussen, og i dag vert det i kort etappe til Gøteborg. Vi skal nyte dagen i «Trädgårdsföreningen». Inspirert av dei kjende botaniske hagane i Greifswald og Berlin, kom Kaptein Henric von Normann tilbake til Göteborg med draumen om eit hageselskap. Han ville skape eit samlingspunkt for hageinteresserte og anlegge ein botanisk hage. Han fekk straks «gehør» for sine planer, og i 1852 stod parken klar. I dag, 170 år etter, står parken der, velhalden, det er ein fryd for synet og ein rein nytelse å gå i denne parken. Dag 6, søndag 05. juli. (ca 470 km) Vi startar på vegen tilbake til «gamlelandet». Når vi kjem til grensa, stoggar vi på. Her skal det bli god tid til ein handel for dei som ynskjer det. Her er rikeleg med butikkar og kafear, litt for einkvar smak. Når handelen er over, set vi oss igjen i bussen, og tek fatt på neste etappe. Vi skal til Lillehammer der stoggar for kvelden, sjekkar inn på hotellet og får oss ein god middag i felleskap.
Dag 7, måndag 6. juli (ca 382km) Etter frukost får vi ein guida rundtur i Lillehammer. Vi brukar eit par timar her, før vi reiser mot Dokka, Fagernes og over fjellet til Sogn og Fjordane. Vi reknar med å vere framme i Førde tidleg kveld. Lunsj undervegs. Vi takkar for laget og ynskjer alle våre gode reisevener på snarleg gjensyn.. Reisefakta: Turpris: kr 9850.- Tillegg for enkeltrom: kr 2450.- Antal dagar: 7 Avreisedato: 30. juni 2105 Returdato: 06. juli 2015 Irekna turpris: Turbuss frå Firda Billag 6 netter i delt dobbelt rom 7 frukost Halvpensjon(lunsj eller middag kvar dag) Utflukter som i program Reiseleiar frå Travelnet Fjordane Reisebyrå For informasjon og påmelding Tlf: 57725090/ 57725070/ 57725750 Email: fjordane@travelnet.no Les meir om våre turar på www.fjordanereisebyra.no