Fylkesmannen i Møre og Romsdal Rapport etter tilsyn Kommunal beredskapsplikt Stordal kommune Tilsynsdato: 20.10.2014 Rapportdato: 29.10.2014
Innhald 1 BAKGRUNN OG GJENNOMFØRING... 3 1.1 FØREMÅL OG HEIMELSGRUNNLAG... 3 1.2 PÅLEGG OM GJENNOMFØRING... 3 1.3 TILSYNSTEMA... 3 1.4 GRUNNLAGSDOKUMENTASJON... 4 1.5 GJENNOMFØRING... 5 2 HOVUDINNTRYKK... 6 3 RESULTAT FRÅ TILSYNET... 7 3.1 MERKNADER... 8 4 VIDARE OPPFØLGING... 9 Side 2 av 9
1 Bakgrunn og gjennomføring Tabellen nedanfor oppsummerer nøkkelopplysningar om gjennomføringa og vidare oppfølging. Dei vidare avsnitta gir utfyllande opplysningar om heimelsgrunnlag, grunnlagsdokumentasjon og deltakarar. Tidspunkt for tilsynet: Adressa til kommunen: 18.03.2014 (formøte) 20.10.2014 (tilsyn) Kommunehuset, 6250 Stordal Kommunenummer: 1526 Kontaktperson i kommunen: Fylkesmannen sitt tilsynslag: Tilsynsrapporten er skriven av: Tilsynsrapporten er godkjent av: Einar Lied Ketil Matvik Foldal (tilsynsleiar) Atle Morsund Atle Morsund Helge Mogstad Førebels tilsynsrapport sendt: 23.10.2014 Endeleg tilsynsrapport sendt: 29.10.2014 1.1 Føremål og heimelsgrunnlag Føremålet med tilsynet er å sjå til om Stordal kommune sitt arbeid med samfunnstryggleik og beredskap er i samsvar med aktuelle krav fastsett i sivilbeskyttelseslova og forskrift om kommunal beredskapsplikt. Tilsynet er gjennomført med heimel i 29 i sivilbeskyttelseslova og 10 i forskrift om kommunal beredskapsplikt. 1.2 Pålegg om gjennomføring I Justis- og beredskapsdepartementet sitt embetsoppdrag til fylkesmennene er det fastsett at fylkesmannen skal føre tilsyn med kommunane sitt arbeid med samfunnstryggleik og beredskap. Tilsyna skal gjennomførast i samsvar med DSB sin tilsynsrettleiar og det skal førast tilsyn med den einskilde kommune minimum kvart fjerde år. 1.3 Tilsynstema I møte mellom DSB og fylkesmennene i mars 2014 presiserte DSB at alle krav i forskrift om kommunal beredskapsplikt skal vurderast under tilsyna i 2014. Side 3 av 9
1.4 Grunnlagsdokumentasjon Desse dokumenta vart sende frå kommunen til fylkesmannen før tilsynet: Nr. Dokument Datering 1. Oversending av dokumentasjon på at forskrift om kommunal beredskapsplikt er oppfylt 06.10.2014 2. Heilskapleg ROS-analyse 2014 01.09.2014 3. Vedtak i kommunestyre sak 063/14 Samfunnstryggleik og beredskap. 24.09.2014 4. ROS-analyse Arealdelplan for Nørdalen 05.12.2007 5. ROS-analyse Stordal Vasslag 14.05.2013 6. Beredskapsplan Stordal kommune fordelingsbrev 24.09.2014 7. Beredskapsplan Stordal kommune 24.09.2014 8. Beredskapsplan Stordal Vasslag Ikkje datert 9. Planstrategi 2013 2016 Stordal kommune 27.11.2013 10. Arealdelplan for Nørdalen 2007 2017, bestemmelsar til kommuneplanen Ikkje datert 11. Samfunnsplan 2014 2023 Stordal kommune 11.06.2014 12. Årsmelding 2013 Stordal kommune Ikkje datert 13. Skjermdump outlook faste møte i Stordal kommune 13.10.2014 14. Øving Fårikål 2012 oppsummering og evaluering 17.01.2013 15. Referat frå øving Fårikål 28.10.2013 06.11.2013 16. Evaluering Øving Fårikål 2014 29.09.2014 17. Notat referat frå postmøte 02.01.2012 (lagt fram i tilsynsmøte) 03.01.2012 18. Notat referat frå postmøte 09.01.2012 (lagt fram i tilsynsmøte) 10.01.2012 19. Referat frå møte i kriseleiinga 26.01.2012 (lagt fram i tilsynsmøte) 27.01.2012 Side 4 av 9
1.5 Gjennomføring Formøte med Stordal kommune vart gjennomført 18.03.2014. Tilsynsbesøk med opningsmøte, intervju og sluttmøte vart gjennomført 20.10.2014. Kven som deltok går fram av tabellen under. Deltakarar Stilling Charles Tøsse Ordførar X X X Lars Joranger Rådmann X X X X Einar Lied Beredskapskoordinator X X X X Tine Steinset Etatssjef dagleg tenesteyting X X X Formøte Opningsmøte Intervju Sluttmøte Ketil Matvik Foldal Fylkesberedskapssjef X X X X Atle Morsund Rådgjevar X X X X Side 5 av 9
2 Hovudinntrykk Både dokumentgjennomgangen og tilsynsbesøket viste at Stordal kommune er medviten om oppgåver og ansvar for samfunnstryggleik og beredskap. Kommunen har god forståing av status for beredskapsarbeidet også forbetringspotensialet. Alle elementa i den kommunale beredskapsplikta er på plass, og tilsynet avdekte ikkje avvik frå krava i sivilbeskyttelseslova og forskrift om kommunal beredskapsplikt. Heilskapleg ROS-analyse og overordna beredskapsplan oppfyller alle minimumskrav til innhald, men har likevel nokre forbetringspotensial. Dette gjeld blant anna beredskapsplanen sine ressursoversikter og beredskapsplanen sin funksjon som overbygning for anna beredskapsplanverk i kommunen. Kommunen bør også vurdere utarbeiding av ei meir praktisk oversikt over beredskapsdokumentasjon og aktivitetar i beredskapsorganisasjonen. Side 6 av 9
3 Resultat frå tilsynet Tilsynet avdekte ingen avvik. Avvik er definert som manglande oppfølging av krav fastsett i sivilbeskyttelseslova 14 og 15 og/eller i forskrift om kommunal beredskapsplikt. Tre forhold er kommenterte som merknader. Side 7 av 9
3.1 Merknader Merknader er definerte som forhold som ikkje oppfyller definisjonen av avvik, men som fylkesmannen meiner det er grunn til å påpeike for å sikre god oppfølging av beredskaps-plikta. Merknad nr. 1 Kommunen bør gjennomføre ein gjennomgåande revisjon av beredskapsplanverket, basert på funna i den heilskaplege ROS-analysen. Det er klart større behov for forenkling enn for nybrotsarbeid. Beredskapsplanen sin funksjon som overbygning for anna beredskapsplanverk bør styrkast. Merknad nr. 2 Kommunen bør vurdere å utarbeide eit styringsdokument som kan fungere som operativ overbygning, oversikt og ramme for kommunen sitt arbeid med samfunnstryggleik og beredskap eit bindeledd mellom strategiske planar og ROS-analysar, beredskapsplanverk og aktivitet. Merknaden om overbygning for beredskapsplanverket kan også imøtekomast gjennom eit slikt dokument. Det same gjeld andre konkrete forhold som ikkje oppfyller definisjonen av avvik, men der kommunen har forbetringspotensial for eksempel: tydelegare rutinar for evaluering både av øvingar og reelle hendingar tydelegare rutinar for gjennomføring av opplæring og øvingar tydelegare rutinar for faste møte i kriseleiinga og beredskapsrådet. Merknad nr. 3 Overordna forankring av kommunen sitt arbeid med samfunnstryggleik og beredskap bør fastsetjast gjennom vedtak av ny samfunnsdel til kommuneplanen. Side 8 av 9
4 Vidare oppfølging Fylkesmannen avsluttar tilsynssaka med denne rapporten, men ber Stordal kommune om å bruke merknadane til saka til å utnytte forbetringspotensialet til å vidareutvikle sitt planverk for arbeid med samfunnstryggleik og beredskap. Dersom kommunen har spørsmål om tilsynsrapporten, kan fylkesmannen sin tilsynsleiar kontaktast: Ketil Matvik Foldal, ketil.matvik.foldal@fylkesmannen.no, 71258483 / 41693480. Side 9 av 9