Kleppsstølsvatnet naturreservat i Naustdal kommune Forslag til forvaltingsplan

i Naustdal kommune Forslag til forvaltingsplan Miljøfaglig Utredning Rapport 2005:xx

i Naustdal kommune FORSLAG TIL FORVALTINGSPLAN Miljøfaglig Utredning Rapport 2005:xx

Miljøfaglig Utredning AS Rapport 2005:xx Utførande institusjon: Miljøfaglig Utredning AS Prosjektansvarleg: Naturforvaltningskandidat Geir Gaarder Kontaktperson: Helge Fjeldstad Finansiert av: Fylkesmannen i Sogn og Fjordane, miljøvernavdelinga ISBN-nummer: 82-xxxxxx År: 2005 Referanse: Fjeldstad, H & Gaarder G. 2005. i Naustdal kommune. Forslag til forvaltingsplan. Miljøfaglig Utredning, rapport 2005:xx. xx s. Referat: Miljøfaglig Utredning har utarbeidd forslag til forvaltingsplan for i Naustdal kommune, Sogn og Fjordane. Reservatet er oppretta for å ta vare på eit velutvikla myrområde med eit spekter av ulike myrtypar i utformingar karakteristiske for regionen. Føremålet er å ta vare på mangfaldet av myr- og vegetasjonstypar i området med naturleg plante- og dyreliv. 4 emneord: Skjøtselsplan Biologisk mangfald Myr Naturreservat

Forord blei formelt oppretta ved kongeleg resolusjon av 18. juni 2004 gjennom ein tematisk verneplan for 20 myrreservat i Sogn og Fjordane. Miljøfaglig Utredning as v/ Helge Fjeldstad har, på oppdrag frå Fylkesmannen i Sogn og Fjordane, miljøvernavdelinga, utarbeidd eit forslag til ein forvaltingsplan for i Naustdal kommune. Grunneigar Terje Åse har gitt verdfulle opplysingar m.a. om brukshistoria i området. Etter 6 i verneforskrifta kan forvaltingsstyresmakta, eller den forvaltingsstyresmakta gjev fullmakt, gjennomføre skjøtselstiltak for å fremje fredingsføremålet. Det kan utarbeidast forvaltingsplan, som kan innehalde nærare retningsliner for gjennomføring av skjøtsel. Føremålet med eventuelle skjøtselsforslag er med andre ord å foreslå tiltak som primært fremjar verneføremålet. Samtidig er det opna for at den einskilde grunneigaren kan søkje om dispensasjon frå fredingsføremålet til dømes for uttak av ved til eige bruk. Fylkesmannen i Sogn og Fjordane er, inntil anna eventuelt blir fastlagt, forvaltingsstyremakt for området. Kontaktperson hos oppdragsgivar har vori førstekonsulent Johannes Anonby. Utkast til forvaltingsplan blei sendt ut på høyring xx.2005, og.(eventuelle endringar som følgje av høyringa).. Med utgangspunkt i dette høyringsforslaget (og eventuelle merknader/tilleggsvurderingar etc.) blei forvaltingsplanen for godkjend av fylkesmannen månad 20xx. Den godkjende planen er tilgjengelig m.a. på nettadresse: www.fylkesmannen.no/sf Oslo, 05.12.2005 Helge Fjeldstad Geir Gaarder

Innhald FORORD...4 INNHALD...5 1 INNLEIING...6 2 METODE...7 2.1 Naturfaglege registreringar...7 2.2 en...7 2.3 Skoglege data...7 2.4 Forvalting av naturverdiar på og ved myr...8 3 RESULTAT...10 3.1 Naturfaglege verdiar...10 3.1.1 Generelle naturforhold...10 3.1.2 Tidlegare bruk/ utvikling...12 3.1.3 Mogelege trugsmål og trong for skjøtsel...12 3.2...12 3.2.1 Planføremål...12 3.2.2 Naturfagleg samandrag...12 4 RETNINGSLINER VED BRUK AV EIN DEL AV VERNEFORSKRIFTA...13 4.1 Generelle retningsliner...13 4.2 Bestandsvise retningsliner ved praktisering av ein del av verneforskrifta...14 5 KJELDER...16 5.1 Skriftlege kjelder...16 5.2 Munnlege kjelder...16

1 Innleiing Føremålet med vernevedtaket for, slik det er skrive i 2 i verneforskifta, er: å ta vare på eit velutvikla myrområde med eit spekter av ulike myrtypar i utformingar karakteristiske for regionen. Føremålet er å ta vare på mangfaldet av myr- og vegetasjonstypar i området med naturleg plante- og dyreliv. Reservatet er på ca 480 dekar, og omfattar eit myrområde sørvest for Kleppsstølsvatnet i Åsedalen i Naustdal kommune, sjå vedlegg 2. Verneforskrifta (sjå vedlegg 1) gir ramma for forvaltingsplanen. I verneforskrifta kjem det fram kva som er forbode, kva som utan vidare er tillate og kva som krev løyve frå forvaltingsstyremakta for å kunne gjennomførast. I kapittel 3.2 i denne planen er retningsliner for praktisering av ein del av verneforskrifta oppgitt. Planen vil mellom anna bli lagt til grunn i erstatningsoppgjeret. Sentralt i erstatningsoppgjeret er 5, punkt 3 og 4 i verneforskrifta som opnar for hogst. Eit eventuell løyve til hogst i reservatet kan ikkje gå ut over dei rammene som er gitt i verneforskrifta. Av omsyn til framdrifta i erstatningssakene, er det ikkje sett av tid og ressursar til at denne forvaltingsplanen kan ta opp utfordringar som informasjon, trong for ressursar til framtidig forvalting, forsking, tilrettelegging for allmenta, bruk i undervisning og liknande. Dette er difor noko fylkesmannen bør kome attende til seinare, eventuelt i samband med revisjon av forvaltingsplanen. Revisjon av forvaltingsplanen bør skje når tilhøva i reservatet krev det, med grunnlag i røynsler og vurderingar av konsekvensar av utførte skjøtselstiltak i reservatet. Bilete 1 Erosjonsformer på høgmyra i søraust 6

2 Metode 2.1 Naturfaglege registreringar Kunnskapen om dei biologiske verdiane innafor lokaliteten er i hovudsak ut frå tre kjelder: - Fylkesmannen i Sogn og Fjordane sitt framlegg til verneplan for myr (Anonby 2001). - Flatberg (1976) si registreringsrapport med omtale av lokaliteten - eiga (H. Fjeldstad) synfaring i området (07.07.2005) I denne rapporten er det hovudsakleg Anonby (2001), og resultat frå eigne synfaringar som er nytta som grunnlag. Fjeldstad (2004) si kartlegging av biologisk mangfald i Naustdal kommune inneheld ikkje ny informasjon om lokaliteten. I tillegg er det utarbeidd skogtakst for området av Sogn og Fjordane skogeigarlag (pers. meld. Dag Aamot) og deira inndeling av reservatet i ulike skogbestand er også lagt til grunn i denne rapporten. Ved eiga synfaring blei det lagt vekt på å registrere følgjande tilhøve: - raudlisteartar og mogelege signalartar - vegetasjonstypar - naturtilstand (suksesjonsfasar m.m.) - inngrep - innførte artar Det blir ikkje gjort nærare greie for kjelder og kartleggingsmetodar, t.d. for utvalet av raudlisteartar, signalartar eller vegetasjonstypar. Vanleg nytta litteraturkjelder og metodar er brukt. 2.2 en en er bygd opp trinnvis, på bakgrunn av; - planprinsipp (ut frå verneformål og andre retningsliner frå forvaltingsstyremakta) - retningsliner (utleidde av prinsippa, i kombinasjon med generell kunnskap om naturverdiane som finst i reservatet, og korleis desse bør takast vare på) - generelle forslag til tiltak (konkrete reglar for forvaltinga av reservatet, ut frå på retningslinene) - bestandsvise forslag til tiltak (konkrete reglar for dei einskilde bestanda innafor reservatet) Det blir i denne forvaltingsplanen ikkje gjort nærare greie for eller gitt referansar som grunngjev forslaga til tiltak, ut over det som kjem fram andre stader i planen. Forutan å bli nytta som rettesnor ved framtidig forvalting av reservatet, vil den godkjende forvaltingsplanen også bli lagt til grunn ved erstatningsoppgjeret for vernevedtaket. Dette gjeld særleg løyve for hogst av bjørk og gran etter søknad. 2.3 Skoglege data Skogtakst for naturreservatet er utarbeidd av Sogn og Fjordane skogeigarlag v/dag Aamot. Hans inndeling av reservatet i ulike skogbestand er lagt til grunn i planen. Frå bestandsoversikta kan det trekkjast fram følgjande nøkkeltal, sjå tabell 1. 7

Tabell 1. Utdrag frå bestandsoversikt for, utarbeidet av Dag Aamot sommaren 2005. Volum og tilvekst er oppgitt i m 3 og areal i dekar. Bestandsnummer bestandsnummer 0.41 er skrap og 0.45 er andre markslag (myr). Gnr= gardsnummer, Bnr = bruksnummer og Tnr=teignummer. Areal Gnr. Bnr. Tnr Bestand Bonitet H.kl Alder Volum Tilvekst 149 2 1 0,41 32,0 Skrap - - - - 149 2 1 0,45 399,5 Andre - - - - 149 2 1 1 16,5 6 52 60 27 1,6 149 2 1 2 28,5 11 51 60 170 5,7 2.4 Forvalting av naturverdiar på og ved myr Variasjonsbreidda og artsmangfald på myr, og myr som økosystem, er grundig handsama av Anonby (2001). Det er grunn til å peike spesielt på årsaka til myrdanning der hovudårsaka er at det vert tilført meir vatn enn det som fordampar. Ein får da mange stader eit høgt grunnvassnivå som gir grunnlag for spesielle levetilhøve og i neste omgang spesielle økosystem med sine særeigne artar. Alle typar tiltak som påverkar mengd eller kvalitet på tilført vatn vil kunne få store verknader på økosystemet, og myrar er difor svært sårbare for endringar av vasstilførselen. Særleg har myrar vore utsette for grøfting, anten det er medvetne gravearbeid tilknytte jordbruksdrift eller vegbygging, eller meir tilfeldig og lokal utgrøfting som følgje av terrengtransport av skogsvirke eller vassdragssenkingar. Det er grunn til å understreke at for myra er det den samla verknaden av eit inngrep som er viktig, ikkje om tiltaket skjer medvete eller ikkje, direkte eller indirekte. Ein god forvaltingsplan må difor ha som hovudmål å tryggje den naturlege vasstilførselen til myra. Kvaliteten på vatnet har også mykje å seie. Ei nedbørsmyr skal berre ha tilført vatn via nedbør, og for slik myr vil mineralrikt vatn frå terrenget rundt øydeleggje myrtypen. Det same gjeld sjølvsagt om lausmassar, jord, ulike typar næringsstoff m.m. vert tilført myra. en må difor sikre at det ikkje kjem meir næring til nedbørsmyrane enn det som vert tilført frå regnet. Slike myrar vil også vera sårbare for luftureining, ikkje minst tilføring av nitrogen, men dette er det lite ein kan gjera noko med lokalt. Jordvassmyrar er noko mindre sårbare for tilført mineralmateriale, men også desse kan bli øydelagde eller få sterkt redusert verdi t.d. når næringsrikt sigevatn frå jordbruk eller kloakk kjem ut på myra. Slike myrar er i tillegg utsette for avskjering av naturleg mineralrikt sigevatn frå landskapet rundt, t.d. ved grøfting av vasshaldig skogsmark eller bygging av veger. I forvaltingsplanen bør ein difor søkje å hindre tiltak inntil myra som kan føre til at næringsinnhaldet og kvaliteten på vatnet som kjem inn på myra vert endra. Myr har i lang tid vore brukt til ulike formål av folk. Døme på slik bruk er jernutvinning, torvtekt, slått og beite. Fleire av desse gamle, tradisjonelle bruksmåtane reknar vi i dag som verneverdige, og det kan i ein forvaltingsplan vere ønskjeleg å sikre bruken, sjølv om dette kanskje fører til at myra som økosystem blir noko forstyrra samanlikna med kva som hadde vori naturleg. Av spesiell interesse er myrslåtten, som stort sett tok slutt for minst 50 år sida. Saman med m.a. uttak av ved førte dette til at myrane vart meir opne, samtidig som ein tok ut næringsstoff frå myra. Fleire småvaksne planter knytte til rikmyr tente truleg på dette, og har i nyare tid vore i tilbakegang som følgje av opphør av 8

myrslåtten. Også mange våtmarksfuglar var tente med dette, sidan dei ofte trivst best i opne landskap med lågvaksen vegetasjon. Oppattaking av tradisjonell slått og rydding av buskar og tre kan difor vere ei aktuell problemstilling i forvaltingsplanar for fleire myrreservat. Det same gjeld husdyrbeite, men der må ein vege mogelege positive verknader av beitet på vegetasjonen opp mot det som kan vere meir negative verknader i form av trakkskadar og tilføring av næring frå husdyrgjødsla. Skog som står ute på eller i kanten av myrar er ei spesielt stor utfordring for forvaltinga, ikkje berre fordi skogsdrifta kan gje skadar på marka og på den måten gå ut over myrverdiane. Det kan også vere sjølvstendige miljøverdiar knytte til skogen. Dette gjeld ikkje minst der ein har fuktig skog, som myrskog og sumpskog, med sine spesielle naturtilhøve og artsmangfald. Ikkje minst har mangfaldet i rike sumpskogar vist seg sterkt truga av skogsdrift i nyare tid, der både flatehogst og grøfting har øydelagt svært mange miljø. Lenger aust i Norden er det kjent at skogsholmar ute på store myrar kan ha eit spesielt verdifullt mangfald som følgje av lite skogbrann og/eller vanskeleg tilgjenge for skogsdrift, men dette er nok ei lite aktuell problemstilling i Sogn og Fjordane. Derimot kan det ikkje utelukkast at det finst t.d. insektartar som trivst spesielt godt i soleksponerte, seintvaksande eller daude tre som står i kanten eller ute på myr. Dette er nok spesielt aktuelt der ein har innslag av gammal furumyrskog. Ei langsiktig, miljøvenleg forvalting av naturverdiane på og inntil myr inneber både at ein kjenner verdiane godt, og tek omsyn til dei. Verdiane vil skifte ut i frå ulike miljøtilhøve og historisk bruk, og omsyna må difor tilpassast kvart einskilt område. Bilete 2 Fastmattemyrar i nord mot elva frå Kleppsstølsvatnet. Granplantingar i lisida utafor reservatet 9

3 Resultat 3.1 Naturfaglege verdiar 3.1.1 Generelle naturforhold er eit myrområde sørvest for Kleppstølsvatnet i Åsedalen. Åsedalen ligg søraust for Nausta om lag 3 km oppstraums utosen i Førdefjorden i Naustdal kommune. Reservatet omfattar flatmyrar, bakkemyrar og nedbørsmyrar mellom utløpselva frå Kleppsstølsvatnet og Åsedøla. Anonby (2001) skildrar området slik: Store flatmyrar, med fattig fast- og mjukmattevegetasjon, til dels i nivå med to stilleflytande elvar som renn saman, pregar området. Ombrotrofe parti (planmyr) med låge tuer inngår i dette komplekset. Mykje av dei naturleg tilstøytande bakkemyrane er i dag avskorne frå det sentrale myrkomplekset av vegar, og er difor utanfor grensa. Bakkemyr er likevel representert, og søraust i området finst ei kanthøgmyr i tilknyting til eit tidlegare elveløp. Botanisk er området interessant, ved førekomsten av frynsetorvmose, som er sjeldsynt på Vestlandet, og relativt høgt artsmangfald. Området er også plantegeografisk interessant gjennom kombinasjonen av austlege karaktertrekk (t.d. førekomsten av kvitkrull og rusttorvmose) og vestlege trekk (m.a. tuer dominerte av heigråmose). Bilete 3 Tuve med kvitkrull Reservatet er dominert av fattige myrtypar. På fattig fastmattemyr veks bjønnskjegg, torvull, duskmyrull, dvergbjørk, kvitlyng og molte. På blautare botn veks bukkeblad, sivblom, dystorr, smalsoldogg, elvesnelle og flaskestorr. Desse områda ligg på nivå med elva i vest. Mot aust og nord stig ter- 10

renget og bakkemyrar inngår særleg heilt i aust og mot Vasshaugen. I bakkemyrane veks slåttestorr, duskmyrull, torvull, skogstjerne, sveltull, tepperot, kvitlyng, rome, rundsoldogg, stjernestorr og klokkelyng. Sentralt sør og aust i reservatet ligg ei høgmyr med utvikla erosjonssoner og høljer mellom tuene. Her veks røsslyng, blokkebær, klokkelyng, molte, heigråmose og kvitkrull på tuene, torvmosar i høljene og bjønnskjegg i overgangssona. Ved Kleppsstølsvatnet veks det blåbærbjørkeskog mellom bakkemyrane. I tillegg til blåbær førekjem artar som røsslyng, blokkebær, skrubbær, marimjelle og einer. Strandsnipe og raudstilk blei observert. Bjørkeskogen er påverka av tidlegare hogst og den er ganske ung med lite gadd og læger. Det er mykje granskog i dalen, men enno er det ikkje kome noko i reservatet. Elva frå Kleppsstølsvatnet er stilleflytande og i denne veks det belte med elvesnelle og bukkeblad. Denne vegetasjonen dominerar og kanalane som går inn i flatmyrane attmed elva. Flatberg (1976) oppsummerar myrområdet på denne måta: Bilete 4 Belte med flaskestorr og bukkeblad i elva frå Kleppsstølsvatnet 11

3.1.2 Tidlegare bruk/ utvikling Grunneigar Terje Åse (pers. meld.) kunne fortelje at området frå gammalt av var nytta til beite og vedhogst. I hovudsak er det storfe som har beita i området. Det er restar etter ein steingard ved Øybostølen som er ei gammal seter. I dag vert området lite beita. Vegen langs Åsedøla kom på 1980-talet. Det har ikkje vore myrslått i dei siste 50 åra. Under synfaringa blei det ikkje registrert dyr på beite. Området er i svak attgroing med oppslag av ungskog i bjørkeskogspartia. Ei kraftlinje går gjennom området, elles er det få spor etter inngrep i reservatet. 3.1.3 Mogelege trugsmål og trong for skjøtsel Kulturpåverknaden i området er redusert og heile området gror att. Plukkhogst av bjørk er truleg i liten grad i konflikt med kjende naturverdiar. Det er planta mykje gran i dalen og det er trong for å jamnleg sjå etter og hindre spreiing av gran frå desse nærliggjande plantefelta. 3.2 3.2.1 Planføremål Føremålet med fredinga er å ta vare på eit stort, velutvikla og lite påverka flatmyrkompleks i låglandet kring ei stilleflytande elv, saman med mindre nedbørsmyrar og ei lita tjørn, og eit naturområde med naturleg plante- og dyreliv Andre aktuelle bruksmåtar er bruk av området til friluftsliv, husdyrbeite og skogbruk. Ambisjonar og ressursar til skjøtsel og andre aktive, kostnadskrevjande tiltak for å fremje verneføremålet vert her sett på eit lite nivå, d.v.s. ingen faste, årlege tiltak og ein gjennomsnittleg innsats som ligg ned mot 1-2 dagsverk pr. år. 3.2.2 Naturfagleg samandrag 1. Generelt vurderer vi kulturlandskapsverdiane og dei skoglege verdiane som små. 2. Det er verdiar knytte til artsmangfaldet på myra, både karplantefloraen og mosefloraen. 3. Det er og verdiar knytte til dei ulike myrtypane som m.a. planmyr, kanthøgmyr, bakkemyr og flatmyr. 12

4 Retningsliner ved bruk av ein del av verneforskrifta 4.1 Generelle retningsliner 1. All hogst føreset eigen søknad, og kan berre godkjennast under føresetnad av at han ikkje gir større skadar på markvegetasjonen. Det må ikkje køyrast i reservatet, og virket må vinsjast ut. Dette kan enklast gjerast i periodar der Kleppsstølsvatnet er islagd. 2. Vernereglane er ikkje til hinder for beite, jfr 4 punkt 5, men Direktoratet for naturforvaltning kan av omsyn til verneføremålet ved forskrift regulere beitetrykket i heile eller delar av naturreservatet. Dette vert aktuelt om det skulle oppstå klare teikn på trakkskadar eller hard nedbeiting av verdfull vegetasjon. 3. Innførte artar som gran bør hoggast ned innafor heile området. Dette gjeld utan nærare restriksjonar ut over dei som er oppgitt i punkt 1. 4. Daude tre skal ikkje ryddast vekk, men berre få liggje i ro på staden. 5. Ved hogst skal ikkje standarden setjast lågare enn den som gjeld etter Levande skog med revisjonar. Etter dagens regelverk inneber dette m.a. at det vert sett av kantsoner 10-15 m mot vassdrag og myr. Lukka hogstar må nyttast ved hogst i overgangssona mot fastmark. Det er generelt forbode å hogge i sumpskog. Ved avverking i furuskog skal det praktiserast naturleg forynging, og generelt skal det alltid setjast att minst 5-10 livsløpstre pr ha. Livsløpstrea skal veljast blant dei eldste trea i bestandet, sjå vidare på http://www.levendeskog.no/pdf/gronn.pdf 6. Reservatet skal synfarast av biolog minst kvart 10. år for å sjekke m.a. tilstanden på myra, inkludert attgroing og tilstanden for eventuelt andre naturverdiar, og det skal setjast i verk tiltak viss det oppstår fare for øydelegging av verneverdiane. 7. Alle aktivitetar som fører til fare for drenering eller grøfting av marka (både myr, sumper, tjørner, fuktskog m.m.) skal vere forbode. 13

4.2 Bestandsvise retningsliner ved praktisering av ein del av verneforskrifta Bestandsvise forslag til tiltak følgjer eigedomar og bestandsinndeling utarbeidd av Sogn og Fjordane skogeigarlag v/dag Aamot, vist på kartet i vedlegg 2, jfr. også tabell på side 8. Føresetnadane for at tiltak nemnde i dette kapitlet skal kunne gjennomførast, er at retningslinene i kapittel 4.1 blir følgde opp. Gnr./Bnr./Tnr. 149/2/1 Bestand 0,41: Ingen uttak, med eventuelt unntak av tiltak som nemnde i kapittel 4.1 punkt 1 og 3. Bestand 0,45: Ingen uttak, med eventuelt unntak av tiltak som nemnde i kapittel 4.1 punkt 1 og 3. Bestand 1: Hogst tillatast etter søknad, under følgjande føresetnader (strekpunkt 1-4): - Hogsten skal ikkje gje større skader på markvegetasjonen jfr. kapittel 4.1 punkt 1. - Hogst av eldre lauvtre (diameter over 30 cm i stubbeavskjer) vert ikkje tillate. - Det må nyttast lukka hogst og attsettjing av minst 30 tre pr daa. - Maksimalt uttak er 7 m 3 for ein tiårs-periode (i gjennomsnitt 0,7 m 3 i året). Bestand 2: Hogst tillatast etter søknad, under følgjande føresetnader (strekpunkt 1-4): - Hogsten skal ikkje gje større skader på markvegetasjonen jfr. kapittel 4.1 punkt 1. - Hogst av eldre lauvtre (diameter over 30 cm i stubbeavskjer) vert ikkje tillate. - Det må nyttast lukka hogst og attsetjing av minst 30 tre pr daa. - Maksimalt uttak er 20 m 3 for ein tiårs-periode (i gjennomsnitt 2 m 3 i året). Bilete 5 Høljer mellom tuver i sør 14

Figur 1 Bestandskart over området med avmerking av areal der det er gjeve løyve til lukka hogst. 15

5 Kjelder 5.1 Skriftlege kjelder Anonby J. 2001. Framlegg til verneplan for myr i Sogn og Fjordane, rapport 4, 2001 Fylkesmannen i Sogn og Fjordane. Fjeldstad 2004. Biologisk mangfold i Naustdal kommune. Miljøfaglig Utredning rapport. Flatberg K.I. Myrundersøkelser i Sogn og Fjordane og Hordaland i forbindelse med den norske myrreservatplanen. K. Norske Vidensk. Selsk. Mus. Rapp. Bot Ser. 1976 8: 1-112s. Fylkesmannen i Sogn og Fjordane 2002. Verneplan for myr i Sogn og Fjordane, fylkesmannen si saksutgreiing og tilråding 23.10.2002. 5.2 Munnlege kjelder Terje Åse, grunneigar 16

Vedlegg 13 FORSKRIFT OM VERNEPLAN FOR MYR I SOGN OG FJORDANE. FREDING AV KLEPPSSTØLSVATNET NATURRESERVAT I NAUSTDAL KOMMUNE, SOGN OG FJORDANE FYLKE. Fastsett ved Kongelig resolusjon 18. juni 2004 i medhald av lov av 19. juni 1970 nr. 63 om naturvern 8, jf 10 og 21, 22 og 23. Fremma av Miljøverndepartementet. 1 Avgrensing Reservatet gjeld følgjande gnr./bnr.: 144,1, 144/2, 144/3, 144/5, 145/1, 145/3, 145/4, 145/5, 145/6, 146/1, 146/2, 146/3, 147/1, 148/1, 149/1, 149/2, 149/5, 150/1, 150/2, 151/1, 151/2, 152/1, 152/3, 152/4, 152/5, 153/1, 153/2, 153/4 i Naustdal kommune. Reservatet dekkjer eit totalareal på 480 dekar. Grensene for naturreservatet går fram av kart i målestokk 1: 5 000 dagsett Miljøverndepartementet juni 2004. Dei nøyaktige grensene for reservatet skal avmerkast i marka. Knekkpunkta skal koordinatfestast. Kartet og fredingsforskrifta er tilgjengeleg i Naustdal kommune, hjå Fylkesmannen i Sogn og Fjordane fylke, i Direktoratet for naturforvaltning og i Miljøverndepartementet. 2 Føremål Føremålet med fredinga er å ta vare på eit velutvikla myrområde med eit spekter av ulike myrtypar i utformingar karakteristiske for regionen. Føremålet er å ta vare på mangfaldet av myr- og vegetasjonstypar i området med naturleg plante- og dyreliv. 3 Vernereglar For reservatet gjeld følgjande reglar: 1. Vegetasjon, medrekna daude buskar og tre, er freda mot skade og øydelegging. Det er forbode å fjerne planter eller plantedelar frå reservatet. Nye planteartar må ikkje førast inn. Planting eller såing er ikkje tillate. 2. Dyrelivet, medrekna reirplassar og hiområde, er freda mot skade og øydelegging. Nye dyreartar må ikkje førast inn. 3. Det må ikkje setjast i verk tiltak som kan endre naturmiljøet, som t.d. oppføring av bygningar, anlegg og varige og midlertidige innretningar, parkering av campingvogner, brakker o.l., opplag av båtar, framføring av luftleidningar, gjerde, jordkablar eller kloakkleidningar, bygging av vegar, drenering og anna form for tørrlegging, uttak, oppfylling, planering og lagring av masse, utføring av kloakk eller andre konsentrerte ureiningar, tømming av avfall, gjødsling, kalking og bruk av kjemiske middel. Forsøpling er forbode. Opplistinga er ikkje uttømmande. 4. Motorisert ferdsel på land og på vatn er forbode, medrekna start og landing med luftfartøy. 5. Bruk av reservatet til teltleirar, idrettsarrangement eller andre større arrangement er forbode. Direktoratet for naturforvaltning kan av omsyn til verneføremålet ved forskrift forby eller regulere ferdsla i heile eller delar av naturreservatet. 6. Bruk av sykkel, hest og kjerre og riding utanom eksisterande vegar er forbode. 7. Bålbrenning er forbode. 4 Generelle unntak Reglane i 3 er ikkje til hinder for : 1. Gjennomføring av militær operativ verksemd og tiltak i ambulanse-, politi-, brannvern-, rednings- og oppsynsærend, samt gjennomføring av skjøtsels- og 17

forvaltningsoppgåver bestemt av forvaltningsstyresmakta. Øvingskøyring i samband med slike føremål krev særskilt løyve. 2. Motorisert ferdsel på landbruksveg langs Åsedøla. Reglane i 3 pkt. 1-3 er ikkje til hinder for: 3. Sanking av bær og matsopp. 4. Jakt i samsvar med viltlova. 5. Fiske i samsvar med lakse- og innlandsfisklova. 6. Beiting. Direktoratet for naturforvaltning kan av omsyn til verneføremålet ved forskrift regulere beitetrykket i heile eller delar av naturreservatet. 7. Vedlikehald av bygningar og anlegg som er i bruk på fredingstidspunktet. 5 Eventuelle unntak etter søknad: Forvaltingsstyresmakta kan etter søknad gje løyve til: 1. Naudsynt motorferdsel i samband med aktivitetar nemnde i 4 nummer 3 og 6. 2. Merking, rydding og vedlikehald av eksisterande stiar, løyper og gamle ferdselsvegar. 3. Hogst av gran og bjørk, og naudsynt motorferdsel i samband med dette. 4. Avgrensa bruk av reservatet som nemnt i 3 nummer 5. 5. Opplag av båtar. 6. Vedlikehald og skjøtsel av kulturminne. 7. Rydding av vegetasjon på gammal stølsvoll eller til andre spesifiserte føremål. 8. Vedlikehald av landbruksveg langs Åsedøla. 6 Skjøtsel Forvaltingsstyresmakta, eller den forvaltingsstyresmakta gjev fullmakt, kan gjennomføre skjøtselstiltak for å fremje fredingsføremålet. Det kan utarbeiddst forvaltingsplan, som kan innehalde nærare retningsliner for gjennomføring av skjøtsel. 7 Generelle dispensasjonsreglar Forvaltingsstyresmakta kan gjere unntak frå forskrifta når føremålet med fredinga krev det, for vitskaplege undersøkingar, arbeid av vesentleg verdi for samfunnet og i spesielle tilfelle dersom det ikkje strir mot føremålet med fredinga. 8 Forvaltningsmynde Direktoratet for naturforvaltning fastset kven som skal ha forvaltingsmynde etter denne forskrifta. 9 Iverksetjing Denne forskrifta tek til å gjelde straks. 18

Vedlegg 2