Fylkesmannen i Sogn og Fjordane Sognekraft AS Leikanger, 14. desember 2018 Røysavegen 1 6893 Vik i Sogn Dykkar ref.: Vår ref.(oppgi ved svar): Ragnhild Melheim 2018/4065 Sakshandsamar: Toril Marie Mulen Inspeksjonsrapport: Inspeksjon ved Leikanger kraftverk Kontrollnummer: 2018.052.I.FMSF Kontaktpersonar ved inspeksjonen: Frå verksemda: Ragnhild Melheim Andre deltakarar frå verksemda: Arvid Fodnes Frå entreprenøren LNS: Terje Anti Nilsen Frå Fylkesmannen i Sogn og Fjordane: Toril Marie Mulen Andre deltakarar frå Fylkesmannen i Sogn og Fjordane: Grete Hamre Resultat frå inspeksjonen Denne rapporten gjeld resultatet frå inspeksjon ved Leikanger kraftverk den 29. oktober 2018. De gav oss tilbakemelding innan fristen på innhald i inspeksjonsrapporten datert 23.november 2018 de meinte var faktiske feil. Vi har endra på dato løyvet er datert ( side 5). Vi har også endra på formuleringa som omtalar diesellekkasjen( side 5, punkt 8 Andre tilhøve). Rapporten er å sjå på som endeleg. Fylkesmannen i Sogn og Fjordane avdekka 2 avvik og ga ingen merknader under inspeksjonen. Avvik: Verksemda har mangelfull handtering av farleg avfall Verksemda har mangelfull handtering av slam Merknader: Det vart ikkje gitt merknader under inspeksjonen. Fylkesmannen i Sogn og Fjordane Postadresse: Njøsavegen 2, 6863 Leikanger Besøksadresse: Njøsavegen 2, Leikanger Telefon: 57 64 30 00 Org. nr.: 974 763 907 E-post: fmsfpost@fylkesmannen.no Internett: www.fylkesmannen.no/sogn-og-fjordane.no
Avvik er nærare omtalte frå side 4 og utover i rapporten. Oppfølginga etter inspeksjonen er nærare omtalt på side 3. Elektronisk dokumentert godkjenning, utan underskrift 14. desember 2018 Toril Marie Mulen Grete Hamre dato kontrollør senioringeniør Fylkesmannen i Sogn og Fjordane Kopi av rapporten skal sendast til: Leikanger kommune Inspeksjonsrapport 2018.052.I.FMSF Side 2 av 6
1. Informasjon om den kontrollerte verksemda Ansvarleg eining Namn: Sognekraft AS hovedkontor/kraftprod Organisasjonsnr.: 974321084 Eigd av: 916069634 Bransjenr. (NACE-kode): Kontrollert eining Namn: Leikanger kraftverk Anleggsnr.: 1419.0022.01 Kommune: Leikanger Fylke: Sogn og Fjordane Anleggsaktivitet: tunneldriving, dumping Løyve gitt: 7.9.2017 Sist endra: 2. Bakgrunn for inspeksjonen Inspeksjonstema Internkontroll Utslepp til vatn Avfall Kjemikalier Rapporten gjeld avvik som vart avdekka under inspeksjonen. Han gir ingen fullstendig tilstandsvurdering av miljøarbeidet eller miljøstatusen til verksemda. Definisjonar Avvik: Manglande etterleving av krav fastsette i eller med heimel i lov. Merknad: Eit tilhøve som tilsynsetatane meiner det er naudsynt å peike på for å ivareta ytre miljø, men som ikkje er omfatta av definisjonen for avvik. Andre tilhøve: Saker som kom fram under inspeksjonen og som det kan vere nyttig for verksemda og sakshandsamarar å kjenne til. Informasjon om verksemda og kommentarar til tema som vart tekne opp under inspeksjonen, men som ikkje vart klassifisert som avvik eller merknader, kan også inngå her. 3. Oppfølging etter inspeksjonen Sognekraft AS pliktar å rette opp avvika som er omtalte i denne rapporten så snart som råd. For at Fylkesmannen skal kunne avslutte saka, ber vi om at Sognekraft AS innan 15. januar 2019 sender ei skriftleg utgreiing som viser korleis avvik er retta og kva tiltak som er gjennomførde eller planlagde. Vi ber om at de stiler svarbrev eller e-post (fmsfpost@fylkesmannen.no) til Fylkesmannen i Sogn og Fjordane v/toril Marie Mulen. Inspeksjonsrapport 2018.052.I.FMSF Side 3 av 6
4. Vedtak om gebyr Vi viser til informasjon og varsel om gebyrplikt som vart gitt til verksemda den 29. oktober 2018. Verksemder skal betale gebyr for kontrollar utførte av Fylkesmannen i samsvar med 39-3 i ureiningsforskrifta. Gebyret skal dekke kostnader med førebuing, gjennomføring og oppfølging av kontrollen. Gebyrsatsar for kontroll av verksemder etter ureiningslova er fastsette i ureiningsforskrifta 39-7 og 39-8. På bakgrunn av forventa ressursbruk må Sognekraft AS betale eit gebyr på kr 17 200,- for inspeksjonen, jf. ureiningsforskrifta 39-7. Dette svarer til gebyrsats 3 for tilsyn av inntil ein dags varigheit. Miljødirektoratet vil sende dykk ein faktura for innbetaling til statskassa. Fylkesmannen viser elles til ureiningsforskrifta kapittel 39 om innkrevjing av gebyr til statskassa. Klagerett Vedtaket om gebyr kan klagast på til Miljødirektoratet, jf. 28 i forvaltningslova. Ein eventuell klage bør vere skriftleg grunngjeven og adressert til Miljødirektoratet, men han skal sendast via Fylkesmannen i Sogn og Fjordane. Fylkesmannen vil vurdere endring av vedtaket eller sende saka vidare til Miljødirektoratet for endeleg vedtak. Gebyret som er fastsett ovanfor, må likevel betalast inn. Dersom Miljødirektoratet tek klagen til følgje, vil for mykje innbetalt beløp bli refundert. 5. Innsyn Denne rapporten vil vere offentleg tilgjengeleg via postjournalen til Fylkesmannen i Sogn og Fjordane (jf. offentleglova). 6. Avvik Vi fann følgjande avvik under inspeksjonen: Avvik 1 Verksemda har mangelfull handtering av farleg avfall Avvik frå: Avfallsforskrifta 11-5 Kommentarar: Farleg avfall skal ikkje blandast saman med anna avfall. Ulike typar farleg avfall skal ikkje samanblandast dersom dette kan medføre fare for forureining, eller skape problem for den vidare handteringa av avfallet. Oppe ved Grindselvi i verkstadhallen var det ein container på hjul der det vart samla restavfall og farleg avfall i same beholdar. Dette kan føre til fare for at farleg avfall vert handtert ilag med restavfall, og ikkje får riktig handtering som farleg avfall. Dessutan kan restavfall verte tilgrisa med olje, slik at meir avfall lyt handterast som farleg avfall. Inspeksjonsrapport 2018.052.I.FMSF Side 4 av 6
Avvik 2 Verksemda har mangelfull handtering av slam Avvik frå: Løyvet datert 7.9.2017 med endring datert 31.10.2017, punkt 7.3 slam Kommentarar: Slam frå slamlagune/sedimenteringsrenne inne i tunnelen ved Suppam vert dumpa i Sognefjorden ilag med steinmassar. Verksemda har løyve til å dumpe sprengsteinmassar i fjorden, men har ikkje løyve til å dumpe slam. Slam som vert samla opp er å rekne som eit næringsavfall og skal handterast etter 32 i ureiningslova. Boreslam/slam frå sedimenteringsbasseng skal analyserast og leverast til godkjent mottak jf løyvet datert 7.9.2017 med endring datert 31.10.2017. 7. Merknader Det vart ikkje gitt merknader under inspeksjonen. 8. Andre tilhøve Det er no drive tunnel inn til kraftstasjonen frå Suppam. Det er forventa at arbeidet er ferdig i mars-april 2019. Det er også byrja med tunnelarbeid mot Henjadalen. LNS er hovudentreprenøren for bygging av Leikanger kraftverk. Det er 60 personar som er tilsette i LNS som jobbar på anlegget ved Leikanger kraftverk. Dei jobbar i to veker på, og to veker av. Det går to skift for døgnet. Første skift jobbar frå kl 06 til 16, og neste frå kl 16 02. Verksemda har støydempar på tunnelviftene. Tunnelviftene vert kun sett på maks når det er naudsynt. Vegen i Grindsdalen vart vatna i sommar for å dempe støving. Innimellom har dei også brukt salt for å dempe støving. Verksemda har hatt uønskte hendingar i forhold til ytre miljø. Desse er vorte handterte som avvik internt i verksemda. Døme på avvik har vore for høge verdiar av suspendert stoff (ss), diesellekkasje og for høg ph i reinsa tunnelvatn. SS vert påverka når det er ekstreme nedbørsmengder som virvlar opp sedimentet i sedimentasjonscontainerane. Det er bygd tak over containeren som er plassert ute ved reinsecontaineren. Diesellekkasjen var relatert til fyllestaden ved riggområdet på Navarsete og dieseltanken som var plassert ved kontorriggane på Navarsete. Diesellekkasjen vart samla opp, deklarert og levert til godkjent avfallsmottak. ph vart justert med tilsetting av syre slik at drensvatnet sin ph vart i tråd med løyvet. Siltgardina var i bruk i smoltvandringsperioden i tråd med løyvet. Det var svært arbeidskrevande å halde siltgardina i funksjon. Utdrag frå Sognekraft AS si handbok viser skriftleg rutine og varslingsplan for å varsle Fylkesmannen ved unormale tilhøve som kan få verknad for ytre miljø. Inspeksjonsrapport 2018.052.I.FMSF Side 5 av 6
Fylkesmannen i Sogn og Fjordane 9. Dokumentunderlag Lovgrunnlaget for inspeksjonen var: Lov om vern mot forurensninger og om avfall (ureiningslova) med underliggjande forskrifter Forskrift om begrensning av forurensning (ureiningsforskrifta) Forskrift om gjenvinning og behandling av avfall (avfallsforskrifta) Forskrift om systematisk helse-, miljø- og sikkerhetsarbeid i virksomheter (internkontrollforskrifta) Løyve til verksemd etter ureiningslova frå Fylkesmannen Framlagd dokumentasjon som vart nytta for å verifisere faktiske tilhøve: Interne rutiner for handtering av avfall og farleg avfall Utdrag får HMS handbok Analyserapport for august og september 2018 målt på SS, ph og olje 10. Informasjon til verksemda Regelverk som det vart informert om: Lov om vern mot forurensninger og om avfall (ureiningslova) Forskrift om begrensning av forurensning (ureiningsforskrifta) Forskrift om gjenvinning og behandling av avfall (avfallsforskrifta) Forskrift om systematisk helse-, miljø- og sikkerhetsarbeid i virksomheter (internkontrollforskrifta) Brosjyrar/infoark vart utdelte: Gebyr ved kontroll (TA-2608) Fylkesmannen i Sogn og Fjordane Postadresse: Njøsavegen 2, 6863 Leikanger Besøksadresse: Njøsavegen 2, Leikanger Telefon: 57 64 30 00 Org. nr.: 974 763 907 E-post: fmsfpost@fylkesmannen.no Internett: www.fylkesmannen.no/sogn-og-fjordane.no