SAMNANGER KOMMUNE MØTEPROTOKOLL Utval: Naturutvalet Møtedato: 21.05.2014 Møtetid: 15:00-20:05 Møtestad: Kommunehuset Av 7 medlemmer møtte 6, inkludert varamedlemmer. Desse medlemene møtte ikkje: Anja Marken (Bl) I staden møtte: Andre som var til stades på møtet: Einingsleiar for teknisk eining og rådmannen under heile møtet. Planleggjar Lønningdal møtte under drøftingar av prinsipp for småkraftplan og under handsaming av sakene 27 og 28/14. Konsulent Nåmdal under drøftingar av prinsipp for småkraftplan. Byggjesakshandsamar Jana Sandvik under sakene 28/14 31/14. Møteleiar: Møtesekretær: Øyvind Strømmen Tone Ramsli Merknader: Utvalet var på synfaring i samband med sak 27/14. Medlemmane var også opp i industriområdet i Rolvsvåg i samband med skriv om forureining. Heidi Gjerde (Ap) fekk permisjon frå møtet kl 19.00. Ho var med å handsama sakene til og med sak 28/14. Ekstra møte i naturutvalet vert den 17.6.2014 kl 15.00 Utvalet sitt kvarter Monica Tjønna (Sp) viste til tidlegare spørsmål om fartsgrensa på strekninga Frøland Mørkhølen og etterlyste svar. Rådmannen opplyste at det vil verta sendt skriv til Statens Vegvesen. Det er gitt munnleg tilbakemelding om at den nedsette fartsgrensa fortsett er mellombels og har tilknyting til arbeidet på veganlegget tunell bak Ytre-Tysse.. Skuletransport i Eikedalen. Ho informerte om kva
informasjon dei som foreldre har fått. Dei har vore i kontakt både med skulen, busselskapet og fylkeskommunen. Foreldra er no rådd til å senda søknad om mellombels nedsett fartsgrense og/evt flytting av busstoppet. Ho meinte at kommunen burde stå som søkjar. Vidar Tveiterås (Ap) viste til at hyttekontainarane for renovasjon no skal låsast. Han meiner at dette vil føra til meir forureining. Han var kritisk til BIR si handtering og sitt engasjement. Dei låste kontainarane ville føra til at mange la bosset frå seg ved desse eller at det vart kasta i naturen. Kommunen som eigar bør ta opp med BIR at dei bør ta eit større ansvar for fosøpling. Rådmannen har vore i kontakt med BIR som opplyser at i dei tre kommunane der dette har vore prøvd ut ei stund er eigarane av fritidsbustader godt nøgde. Dei kjem no ikkje lenger til kontainarar som er fulle. Ansvaret for handtering av boss frå vegfarande m.m. er ikkje BIR sitt ansvar. Dette ligg til Statens vegvesen og kommunen. Jon Magne Bogevik (Frp) informerte om viltnemnda sitt arbeid. Bodil H. Øpstebø (KrF) etterspurte ansvar for vedlikehald av busstopp ved Samnanger ungdomsskule då det har vore hærverk med tagging. Vidar Tveiterås informerte om at ved fylkesveg var det Statens vegvesen sitt ansvar. Skriv og meldingar Skriv frå Otto Haug om forureining og pålegg frå kommunen om å rydda opp var sendt ut til medlemmane i forkant av møtet. Fleire medlemmer har også vorte kontakta på telefon av Haug. Skrivet vart drøfta. Det vert utarbeidd eiga sak om dette til neste møte. Notat med utkast til plan for småkraftverk var sendt ut saman med innkallinga. I notatet vart det lagt opp til drøfting av ein del prinsipp for inndeling av områda. Utvalet drøfta i møtet ein del av prinsippa utan at det vart trekt konklusjonar. Med på desse drøftingane var konsulent Nåmdal som utarbeider planen. Planen vert handsama i møte i naturutvalet som er den 17.6.2014.
Underskrift frå utvalsleiar og møtesekretær: Tysse, 02.06.2014 Underskrift utvalsleiar Underskrift møtesekretær
Desse sakene vart handsama: SAKLISTE Saker til handsaming på møtet Sak nr. Arkivsak Sakstittel Merknad 025/14 14/394 Faste saker 026/14 14/203 Dispensasjon til frådeling av ein parsell på Gbnr. 1/1. Solbjørg. 027/14 10/53 Vedtak av plan - Områdereguleringsplan for Øvre Rolvsvåg Industriområde 028/14 13/803 Dispensasjon frå reguleringsplan Ytre- Tysse. Riving av SEFRAK-minne, løyve til avkjørel og bruksendring GBNR 43/31. Ytre -Tysse 029/14 14/273 Dispensasjonssak. Veg til Totræna vinterpark. GBNR 29/1 m.fl 030/14 14/300 Dispensasjonssak. Naust. Gbnr. 25/145, 146. Steinsland 031/14 14/160 Dispensasjonssak. Aneks til hytte GBNR 39/49. Eikedalen 032/14 14/342 Frådelingssak. GBNR 3/65. Industriområdet på Rolvsvåg 033/14 14/235 Dispensasjonssak. Utvidelse av sykehjem og parkeringsplass GBNR 26/20. Haga 034/14 14/327 Søknad om frådeling av fallrettar i Samnanger kommune 035/14 14/321 Oppgaveoverføring til interkommunalt forvaltningsorgan (IFO) 036/14 11/156 Kommunedelplan for fysisk aktivitet, idrett og friluftsliv 2014-2024
SAKNR. 025/14 FASTE SAKER Møteinnkallinga og saklista vert godkjent Delegerte vedtak/referatsaker vert tekne til orientering Rådmannen sitt framlegg til vedtak vart samrøystes vedteke. NAT-025/14 VEDTAK: Møteinnkallinga og saklista vert godkjent Delegerte vedtak/referatsaker vert tekne til orientering SAKNR. 026/14 DISPENSASJON TIL FRÅDELING AV EIN PARSELL PÅ GBNR. 1/1. SOLBJØRG. Med heimel i plan- og bygningslova 19-2, 1-8 og 11-6 vert det gjeve dispensasjon til frådeling av ein parsell på 1196m2 på vilkår: Vidare deling frå denne omsøkte parsellen er ikkje tillete. Vedtaket kan pålagast til kommunen, jf. Lov om offentleg forvaltning. Klagefristen er 3 veker rekna frå den dagen De mottok vedtaket. Det er nok at klagen er postlagt innan fristen går ut. Klagen skal sendast skriftleg til etaten som har gjort vedtaket. I klagen skal det gå fram kva som vert påklaga (vedtaket) og kva som er endringar De som part ynskjer. Klagen skal grunngjevast. 09.04.2014 NATURUTVALET Jon Magne Bogevik (Frp) ba om å få vera ugild. 1 røysta mot at han fekk vera ugild. Monica Tjønna (Sp) sette fram slikt framlegg: Saksnr. 22/14 vart utsett til neste møte, og det vert da føreteke synfaring. Framlegget frå Tjønna vart vedteke med 4 mot 2 røyster. Tjønna (Sp), Tveiterås (Ap), Bogevik (Frp), Gjerde (Ap) og Røen( H) stemte for. Strømmen (Bl) og Dyrhovden (Krf) stemte mot. NAT-022/14 VEDTAK: Saksnr. 22/14 vart utsett til neste møte, og det vert da føreteke synfaring.
Jon Magne Bogevik (Frp) var ugild ved handsaming av denne saka. Utvalet var på synfaring på eigedomen. På spørsmål orienterte grunneigar om grensene m.m.. Rådmannen sitt framlegg til vedtak vart samrøystes vedteke. NAT-026/14 VEDTAK: Med heimel i plan- og bygningslova 19-2, 1-8 og 11-6 vert det gjeve dispensasjon til frådeling av ein parsell på 1196m2 på vilkår: Vidare deling frå denne omsøkte parsellen er ikkje tillete. SAKNR. 027/14 VEDTAK AV PLAN - OMRÅDEREGULERINGSPLAN FOR ØVRE ROLVSVÅG INDUSTRIOMRÅDE Øyvind Strømmen (Bl) sette fram eit framlegg til vedtak som vart samrøystes vedteke NAT-027/14 VEDTAK: Med heimel i plan- og bygningslova 12-12 vert Områdereguleringsplan Øvre Rolvsvåg vedteken med følgjande plandokument som grunnlag: Plankart dagsett 17.03.14 Reguleringsføresegner dagsett 17.03.14 Planskildring dagsett 17.03.14 Følgjande endringar skal innarbeidast i dei nemnde plandokumenta: Føresegn 1.1, kulepunkt 1, andre og tredje setning skal takast ut av føresegnene: o Det skal leverast ein samla plan for N2, N4, N5, N6 og N7. Det same kravet gjeld for områda N8, N9, N10 og N11. Føresegn 6.1 får følgjande tilleggspunkt: o I område G4 skal eksisterande vegrett oppretthaldast og skogsveg langs elva takast omsyn til. VS2 skal flyttast nordover slik at N3 blir utvida og femner om heile gbnr. 3/101. VS2 blir då liggjande i ein vinkel frå eit litt utvida N4, rundt N3, fram til G3/H370_1.
SAKNR. 028/14 DISPENSASJON FRÅ REGULERINGSPLAN YTRE-TYSSE. RIVING AV SEFRAK- MINNE, LØYVE TIL AVKJØREL OG BRUKSENDRING GBNR 43/31. YTRE -TYSSE Med heimel i plan- og bygningslova 19-2, 11-6 og kulturminnelova 15 vert det ikkje gitt løyve til å riva SEFRAK-minne på gbnr 43/31 på Ytre-Tysse. Det vert ikkje gitt dispensasjon frå reguleringsplan på Ytre-Tysse til etablering av avkjørsel og bruksendring av første etasje på gbnr 43/31. Vedtaket kan pålagast til kommunen, jf. Lov om offentleg forvaltning. Klagefristen er 3 veker rekna frå den dagen De mottok vedtaket. Det er nok at klagen er postlagt innan fristen går ut. Klagen skal sendast skriftleg til etaten som har gjort vedtaket. I klagen skal det gå fram kva som vert påklaga (vedtaket) og kva som er endringar De som part ynskjer. Klagen skal grunngjevast. Bodil H Øpstebø (Krf) sette fram slikt framlegg til vedtak: Med heimel i plan- og bygningslova 19-2 og 11-6 vert det gitt løyve til å riva SEFRAK minne på gbnr 43/31 på Ytre-Tysse. Det vert gitt dispensasjon frå reguleringsplan på Ytre- Tysse til etablering av avkjørsel og bruksendring av første etasje på gbnr 43/31. Grunngjeving: Med bakgrunn i eitt av hovudmåla i Reguleringsplan for Ytre -Tysse om fortetting av bustader vert det gjeve dispensasjon. Utan fleire fastbuande i tettstaden står Ytre- Tysse i fare for å forfalla når tunellen bak Tysse no kjem. Med bakgrunn i eit svært omfattande planarbeid og store offentlege investeringar ser kommunen det som avgjerande viktig å imøtekoma private initiativ. Dette kan vera med å styrka ein gryande optimisme også med tanke på byggetrinn to med VVA, marinaanlegg m m, og å ivareta og styrka grunnlaget for dei eksisterande aktive forretningane på Ytre - Tysse. Det har ikkje vore næringsverksemd i omsøkte bustad på fleire tiår. Ynskje om og vurderingane knytt til småskala næring då kommunen godkjende planen i 2010, viser seg i dag å vera urealistiske. Det SEFRAK registrerte slaktehuset/ naustet er svært forfalle. Berre nokre få grindverkstokkar kan reddast. Dessutan ser ein at det både innvendig og utvendig er gjort diverse endringar frå det opphavlege. Det grindverket som evt kan reddast, har kjøpar sikra ivaretaking i nabokommune. I reguleringsplanen for Ytre -Tysse og i fleire av uttalane til omsøkte tiltak er totalitet i gata og tusenårsstaden vektlagde. Kommunen merkar seg at bustadhuset no kan få ei totalrenovering og at fasaden med vindauga vert sett i stand etter opphavleg fasade. Ei slik tilbakeføring ser ein på som eit løft for området. Verandaen over garasjen glir naturleg ihop med verandane på nabobygget der kommunen sine omsorgsbustader har fått plass i andre høgda over Spar - butikken.
Monica Tjønna (Sp) sette fram slikt framlegg til vedtak: Med heimel i plan- og bygningslova 19-2, 11-6 og kulturminnelova 15 vert det ikkje gitt løyve til å riva SEFRAK-minne på gbnr 43/31 på Ytre-Tysse. Det vert ikkje gitt dispensasjon frå reguleringsplan på Ytre-Tysse til etablering av avkjørsel på gbnr. 43/31. Det er etter vegtrafikklova kap. II, pkt. 6 ikkje lov med avkjørsel på offentleg veg utan at det er plass på eigen eigedom til snuing av kjøretøy. Me meiner at det gamle slaktehuset har stor kulturhistorisk verdi som kulturminne og vektlegg særleg historielaget i bygda og fylkeskommunen sin uttale i saka. Samnanger kommune gjev dispensasjon til brukendring frå næring til bustad på gbnr. 43/31 Ved røysting vart framlegget frå Øpstebø sett opp mot Tjønna sitt. 3 røysta for framlegget frå Øpstebø (Øpstebø (Krf), Strømmen (Bl) og Bogevik (Frp))og 3 for framlegget frå Tjønna (Tjønna (Sp), Tveiterås (Ap)og Gjerde (Ap)). Sidan leiaren røysta for framlegget frå Øpstebø vart dette sett opp mot rådmannen sitt framlegg. 3 røysta for framlegget frå Øpstebø (Øpstebø (Krf), Strømmen (Bl) og Bogevik (Frp)) og 3 for framlegget frå rådmannen (Tjønna (Sp), Tveiterås (Ap)og Gjerde (Ap)). Med leiaren si røysting vart framlegget frå Øpstebø vedteke. NAT-028/14 VEDTAK: Med heimel i plan- og bygningslova 19-2 og 11-6 vert det gitt løyve til å riva SEFRAK minne på gbnr 43/31 på Ytre-Tysse. Det vert gitt dispensasjon frå reguleringsplan på Ytre- Tysse til etablering av avkjørsel og bruksendring av første etasje på gbnr 43/31. Grunngjeving: Med bakgrunn i eitt av hovudmåla i Reguleringsplan for Ytre -Tysse om fortetting av bustader vert det gjeve dispensasjon. Utan fleire fastbuande i tettstaden står Ytre- Tysse i fare for å forfalla når tunellen bak Tysse no kjem. Med bakgrunn i eit svært omfattande planarbeid og store offentlege investeringar ser kommunen det som avgjerande viktig å imøtekoma private initiativ. Dette kan vera med å styrka ein gryande optimisme også med tanke på byggetrinn to med VVA, marinaanlegg m m, og å ivareta og styrka grunnlaget for dei eksisterande aktive forretningane på Ytre - Tysse. Det har ikkje vore næringsverksemd i omsøkte bustad på fleire tiår. Ynskje om og vurderingane knytt til småskala næring då kommunen godkjende planen i 2010, viser seg i dag å vera urealistiske. Det SEFRAK registrerte slaktehuset/ naustet er svært forfalle. Berre nokre få grindverkstokkar kan reddast. Dessutan ser ein at det både innvendig og utvendig er gjort diverse endringar frå det opphavlege. Det grindverket som evt kan reddast, har kjøpar sikra ivaretaking i nabokommune. I reguleringsplanen for Ytre -Tysse og i fleire av uttalane til omsøkte tiltak er totalitet i gata og tusenårsstaden vektlagde. Kommunen merkar seg at bustadhuset no kan få ei totalrenovering og at fasaden med vindauga vert sett i stand etter opphavleg fasade. Ei slik tilbakeføring ser ein på som eit løft for området. Verandaen over garasjen glir naturleg ihop med verandane på nabobygget der kommunen sine omsorgsbustader har fått plass i andre høgda over Spar - butikken.
SAKNR. 029/14 DISPENSASJONSSAK. VEG TIL TOTRÆNA VINTERPARK. GBNR 29/1 M.FL Med heimel i plan- og bygningslova 19-2 og 11-6 vert det gjeve dispensasjon for etablering av veg til Totræna vinterpark. Framlegget vart samrøystes vedteke. NAT-029/14 VEDTAK: Med heimel i plan- og bygningslova 19-2 og 11-6 vert det gjeve dispensasjon for etablering av veg til Totræna vinterpark. SAKNR. 030/14 DISPENSASJONSSAK. NAUST. GBNR. 25/145, 146. STEINSLAND Med heimel i plan- og bygningslova 19-2, 11-6, 29-1 og 29-2 vert det gjeve dispensasjon for etablering av to naust på gbnr. 25/145 og 146. Grunngjevinga for dette er tilpassing i eksisterande naustmiljø. Rådmannen sitt framlegg til vedtak vart vedteke mot 1 røyst. (Monica Tjønna (Sp)). NAT-030/14 VEDTAK: Med heimel i plan- og bygningslova 19-2, 11-6, 29-1 og 29-2 vert det gjeve dispensasjon for etablering av to naust på gbnr. 25/145 og 146. Grunngjevinga for dette er tilpassing i eksisterande naustmiljø. SAKNR. 031/14 DISPENSASJONSSAK. ANEKS TIL HYTTE GBNR 39/49. EIKEDALEN Med heimel i plan- og bygningslova 19-2 og 11-6 vert det gjeve dispensasjon for etablering av anneks til hytte på gbnr. 39/49. Rådmannen sitt framlegg til vedtak vart samrøystes vedteke.
NAT-031/14 VEDTAK: Med heimel i plan- og bygningslova 19-2 og 11-6 vert det gjeve dispensasjon for etablering av anneks til hytte på gbnr. 39/49. SAKNR. 032/14 FRÅDELINGSSAK. GBNR 3/65. INDUSTRIOMRÅDET PÅ ROLVSVÅG Med heimel i plan- og bygningslova 20-1 m og 26-1 vert det gjeve frådelingsløyve til ein parsell på ca. 3300m2. Rådmannen sitt framlegg til vedtak vart samrøystes vedteke. NAT-032/14 VEDTAK: Med heimel i plan- og bygningslova 20-1 m og 26-1 vert det gjeve frådelingsløyve til ein parsell på ca. 3300m2. SAKNR. 033/14 DISPENSASJONSSAK. UTVIDELSE AV SYKEHEIM OG PARKERINGSPLASS GBNR 26/20. HAGA Med heimel i plan- og bygningslova 19-2 og 11-6 vert det gjeve dispensasjon for utviding av sjukeheim, samt parkeringsplass til sjukeheim. Rådmannen sitt framlegg til vedtak vart vedteke mot 1 røyst (Monica Tjønna (Sp)). NAT-033/14 VEDTAK: Med heimel i plan- og bygningslova 19-2 og 11-6 vert det gjeve dispensasjon for utviding av sjukeheim, samt parkeringsplass til sjukeheim. SAKNR. 034/14 SØKNAD OM FRÅDELING AV FALLRETTAR I SAMNANGER KOMMUNE Samnanger kommune gjev BKK løyve til å overta fallrettane i Kvernelva frå kote 200 og ned til Kvernelvas utløp i Storelva. Fallrettane gjeld gbnr. 30/1, 30/4, 30/6, 30/16, 29/2, 29/8 og 29/13. Vedtaket har heimel i Jordlova 12
Leiaren sette fram framlegg om at saka vert utsett sidan det var ein del uklare pkt. Saka vart utsett mot 1 røyst (Monica Tjønna (Sp)). NAT-034/14 VEDTAK: Saka vert utsett. SAKNR. 035/14 OPPGAVEOVERFØRING TIL INTERKOMMUNALT FORVALTNINGSORGAN (IFO) Samnanger kommune inngår eit interkommunalt samarbeid om kartlegging, tilsyn og oppfylging av forsøpling etter lov 13. mars 1981 nr.6 om vern mot forureining og om avfall (forureiningslova). Samarbeidet etablerast mellom kommunane Askøy, Fusa, Kvam, Os Osterøy, Samnanger, Sund, Vaksdal og BIR AS, som driftar eit felles kontor for utføringa av oppgåvene etter forureiningslova. Samarbeidet etablerast først som eit toårig prøveprosjekt, med oppstart 01.01.2015 og avslutning 01.01.2017, med ein intensjon om å få i stand ein permanent ordning. Samnanger kommune bidrar saman med dei andre kommunane til finansiering av prøveprosjektet frå 01.01.15 til 01.01.16. Kostnadane knytt til samarbeidet skal innarbeidast i budsjett og økonomiplan. 2 røysta for framlegget frå rådmannen (Øyvind Strømmen (Bl) og Bodil H Øpstebø (Krf)) og 3 røysta mot (Vidar Tveiterås (Ap), Jon Magne Bogevik (Frp) og Monica Tjønna (Sp)). Det inneber at Samnanger kommune ikkje ønsker å overdra delar av ansvaret på forureinginsområdet til BIR. NAT-035/14 VEDTAK: Samnanger kommune ønsker ikkje å overføra oppgåver innan forureingsområdet til eit interkommunalt forvaltningsorgan med BIR som ansvarleg. SAKNR. 036/14 KOMMUNEDELPLAN FOR FYSISK AKTIVITET, IDRETT OG FRILUFTSLIV 2014-2024 Samnanger kommune legg kommunedelplan for fysisk aktivitet, idrett og friluftsliv 2014-24 ut på høyring i tråd med PBL 11.14. Høyringsfristen vert sett 1.august 2014. Framlegget vart samrøystes vedteke.
NAT-036/14 VEDTAK: Samnanger kommune legg kommunedelplan for fysisk aktivitet, idrett og friluftsliv 2014-24 ut på høyring i tråd med PBL 11.14. Høyringsfristen vert sett 1.august 2014.
13